| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[315] 5. саб̣б̣амам̣салаабхаж̇аад̇агаван̣н̣анаа
[315] 5. Sabbamaṃsalābhajātakavaṇṇanā
парусаа вад̇а д̇з ваажаад̇и ид̣̇ам̣ сад̇т̇аа ж̇зд̇аванз вихаранд̇о саарибуд̇д̇ад̇т̇зрзна бийд̇авирзжанаанам̣ д̣̇иннарасабин̣д̣абаад̇ам̣ аараб̣бха гат̇зси. д̇ад̣̇аа гира ж̇зд̇аванз згажжз бхигкуу снзхавирзжанам̣ бивим̣су. д̇зсам̣ расабин̣д̣абаад̇зна ад̇т̇о ход̇и, г̇илаанубадтаагаа ‘‘расабхад̇д̇ам̣ аахариссаамаа’’д̇и саавад̇т̇им̣ бависид̇ваа од̣̇анигагхаравийт̇ияам̣ бин̣д̣ааяа жарид̇вааби расабхад̇д̇ам̣ алабхид̇ваа нивад̇д̇им̣су. т̇зро д̣̇иваад̇арам̣ бин̣д̣ааяа бависамаано д̇з бхигкуу д̣̇исваа ‘‘гим̣, аавусо, ад̇ибаг̇зва нивад̇д̇ат̇аа’’д̇и бужчи. д̇з д̇амад̇т̇ам̣ аарожзсум̣. т̇зро ‘‘д̇зна хи зт̇аа’’д̇и д̇з г̇ахзд̇ваа д̇амзва вийт̇им̣ аг̇амааси, мануссаа буурзд̇ваа расабхад̇д̇ам̣ ад̣̇ам̣су. г̇илаанубадтаагаа расабхад̇д̇ам̣ аахарид̇ваа г̇илаанаанам̣ ад̣̇ам̣су, д̇з барибхун̃ж̇им̣су . ат̇згад̣̇ивасам̣ д̇хаммасабхааяам̣ бхигкуу гат̇ам̣ самудтаабзсум̣ ‘‘аавусо, т̇зро гира бийд̇авирзжанаанам̣ убадтаагз расабхад̇д̇ам̣ алабхид̇ваа нигкаманд̇з г̇ахзд̇ваа од̣̇анигагхаравийт̇ияам̣ жарид̇ваа б̣ахум̣ расабин̣д̣абаад̇ам̣ бзсзсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аани саарибуд̇д̇ова мам̣сам̣ лабхи, буб̣б̣зби муд̣̇уваажаа бияаважанаа вад̇д̇ум̣ чзгаа бан̣д̣ид̇аа лабхим̣суу’’д̇и вад̇ваа ад̇ийд̇ам̣ аахари.
Pharusā vata te vācāti idaṃ satthā jetavane viharanto sāriputtattherena pītavirecanānaṃ dinnarasapiṇḍapātaṃ ārabbha kathesi. Tadā kira jetavane ekacce bhikkhū snehavirecanaṃ piviṃsu. Tesaṃ rasapiṇḍapātena attho hoti, gilānupaṭṭhākā ‘‘rasabhattaṃ āharissāmā’’ti sāvatthiṃ pavisitvā odanikagharavīthiyaṃ piṇḍāya caritvāpi rasabhattaṃ alabhitvā nivattiṃsu. Thero divātaraṃ piṇḍāya pavisamāno te bhikkhū disvā ‘‘kiṃ, āvuso, atipageva nivattathā’’ti pucchi. Te tamatthaṃ ārocesuṃ. Thero ‘‘tena hi ethā’’ti te gahetvā tameva vīthiṃ agamāsi, manussā pūretvā rasabhattaṃ adaṃsu. Gilānupaṭṭhākā rasabhattaṃ āharitvā gilānānaṃ adaṃsu, te paribhuñjiṃsu . Athekadivasaṃ dhammasabhāyaṃ bhikkhū kathaṃ samuṭṭhāpesuṃ ‘‘āvuso, thero kira pītavirecanānaṃ upaṭṭhāke rasabhattaṃ alabhitvā nikkhamante gahetvā odanikagharavīthiyaṃ caritvā bahuṃ rasapiṇḍapātaṃ pesesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāni sāriputtova maṃsaṃ labhi, pubbepi muduvācā piyavacanā vattuṃ chekā paṇḍitā labhiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сздтибуд̇д̇о ахоси. ат̇згад̣̇ивасам̣ зго миг̇алуд̣̇д̣̇аго б̣ахум̣ мам̣сам̣ лабхид̇ваа яаанагам̣ буурзд̇ваа ‘‘виггин̣иссаамий’’д̇и наг̇арам̣ ааг̇ажчад̇и. д̇ад̣̇аа б̣аараан̣асиваасигаа жад̇д̇ааро сздтибуд̇д̇аа наг̇араа нигкамид̇ваа згасмим̣ маг̇г̇асабхааг̇адтаанз гин̃жи д̣̇идтам̣ суд̇ам̣ саллабанд̇аа нисийд̣̇им̣су. зд̇зсу зго сздтибуд̇д̇о д̇ам̣ мам̣саяаанагам̣ д̣̇исваа ‘‘зд̇ам̣ луд̣̇д̣̇агам̣ мам̣сакан̣д̣ам̣ аахараабзмий’’д̇и ааха. ‘‘г̇ажча аахараабзхий’’д̇и. со д̇ам̣ убасан̇гамид̇ваа ‘‘арз, луд̣̇д̣̇ага, д̣̇зхи мз мам̣сакан̣д̣а’’нд̇и ааха. луд̣̇д̣̇аго ‘‘маариса, барам̣ гин̃жи яаажанд̇зна наама бияаважанзна бхавид̇аб̣б̣ам̣, д̇аяаа гат̇ид̇аваажааяа анужчавигам̣ мам̣сакан̣д̣ам̣ лабхиссасий’’д̇и вад̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto seṭṭhiputto ahosi. Athekadivasaṃ eko migaluddako bahuṃ maṃsaṃ labhitvā yānakaṃ pūretvā ‘‘vikkiṇissāmī’’ti nagaraṃ āgacchati. Tadā bārāṇasivāsikā cattāro seṭṭhiputtā nagarā nikkhamitvā ekasmiṃ maggasabhāgaṭṭhāne kiñci diṭṭhaṃ sutaṃ sallapantā nisīdiṃsu. Etesu eko seṭṭhiputto taṃ maṃsayānakaṃ disvā ‘‘etaṃ luddakaṃ maṃsakhaṇḍaṃ āharāpemī’’ti āha. ‘‘Gaccha āharāpehī’’ti. So taṃ upasaṅkamitvā ‘‘are, luddaka, dehi me maṃsakhaṇḍa’’nti āha. Luddako ‘‘mārisa, paraṃ kiñci yācantena nāma piyavacanena bhavitabbaṃ, tayā kathitavācāya anucchavikaṃ maṃsakhaṇḍaṃ labhissasī’’ti vatvā paṭhamaṃ gāthamāha –
57.
57.
‘‘парусаа вад̇а д̇з ваажаа, мам̣сам̣ яаажанаго аси;
‘‘Pharusā vata te vācā, maṃsaṃ yācanako asi;
гиломасад̣̇исий ваажаа, гиломам̣ самма д̣̇амми д̇з’’д̇и.
Kilomasadisī vācā, kilomaṃ samma dammi te’’ti.
д̇ад̇т̇а гиломасад̣̇исийд̇и парусад̇ааяа гиломасад̣̇исий. гиломам̣ самма д̣̇амми д̇зд̇и ханд̣̇а г̇ан̣ха, ид̣̇ам̣ д̇з ваажааяа сад̣̇исам̣ гиломам̣ д̣̇аммийд̇и нирасам̣ нимам̣салохид̇ам̣ гиломагакан̣д̣ам̣ угкибид̇ваа ад̣̇ааси.
Tattha kilomasadisīti pharusatāya kilomasadisī. Kilomaṃ samma dammi teti handa gaṇha, idaṃ te vācāya sadisaṃ kilomaṃ dammīti nirasaṃ nimaṃsalohitaṃ kilomakakhaṇḍaṃ ukkhipitvā adāsi.
ат̇а нам̣ абаро сздтибуд̇д̇о ‘‘гинд̇и вад̇ваа яаажасий’’д̇и бужчи. ‘‘арз’’д̇и вад̇ваад̇и. со ‘‘ахамби нам̣ яаажиссаамий’’д̇и вад̇ваа г̇анд̇ваа ‘‘ж̇здтабхаад̇ига, мам̣сакан̣д̣ам̣ мз д̣̇зхий’’д̇и ааха. ид̇аро ‘‘д̇ава важанассса анужчавигам̣ мам̣сакан̣д̣ам̣ лабхиссасий’’д̇и вад̇ваа д̣̇уд̇ияам̣ г̇аат̇амааха –
Atha naṃ aparo seṭṭhiputto ‘‘kinti vatvā yācasī’’ti pucchi. ‘‘Are’’ti vatvāti. So ‘‘ahampi naṃ yācissāmī’’ti vatvā gantvā ‘‘jeṭṭhabhātika, maṃsakhaṇḍaṃ me dehī’’ti āha. Itaro ‘‘tava vacanasssa anucchavikaṃ maṃsakhaṇḍaṃ labhissasī’’ti vatvā dutiyaṃ gāthamāha –
58.
58.
‘‘ан̇г̇амзд̇ам̣ мануссаанам̣, бхаад̇аа логз бавужжад̇и;
‘‘Aṅgametaṃ manussānaṃ, bhātā loke pavuccati;
ан̇г̇асса сад̣̇исий ваажаа, ан̇г̇ам̣ самма д̣̇ад̣̇аами д̇з’’д̇и.
Aṅgassa sadisī vācā, aṅgaṃ samma dadāmi te’’ti.
д̇ассад̇т̇о – имасмим̣ логз мануссаанам̣ ан̇г̇асад̣̇исад̇д̇аа ан̇г̇амзд̇ам̣ яад̣̇ид̣̇ам̣ бхаад̇аа бхаг̇инийд̇и, д̇асмаа д̇авзсаа ан̇г̇асад̣̇исий ваажаад̇и зд̇иссаа анужчавигам̣ ан̇г̇амзва д̣̇ад̣̇аами д̇зд̇и. зван̃жа бана вад̇ваа ан̇г̇амам̣сам̣ угкибид̇ваа ад̣̇ааси.
Tassattho – imasmiṃ loke manussānaṃ aṅgasadisattā aṅgametaṃ yadidaṃ bhātā bhaginīti, tasmā tavesā aṅgasadisī vācāti etissā anucchavikaṃ aṅgameva dadāmi teti. Evañca pana vatvā aṅgamaṃsaṃ ukkhipitvā adāsi.
д̇амби абаро сздтибуд̇д̇о ‘‘гинд̇и вад̇ваа яаажасий’’д̇и бужчи. ‘‘бхаад̇игаа’’д̇и вад̇ваад̇и. со ‘‘ахамби нам̣ яаажиссаамий’’д̇и вад̇ваа г̇анд̇ваа ‘‘д̇аад̇а, мам̣сакан̣д̣ам̣ мз д̣̇зхий’’д̇и ааха. луд̣̇д̣̇аго д̇ава важанаанууруубам̣ лажчасий’’д̇и вад̇ваа д̇ад̇ияам̣ г̇аат̇амааха –
Tampi aparo seṭṭhiputto ‘‘kinti vatvā yācasī’’ti pucchi. ‘‘Bhātikā’’ti vatvāti. So ‘‘ahampi naṃ yācissāmī’’ti vatvā gantvā ‘‘tāta, maṃsakhaṇḍaṃ me dehī’’ti āha. Luddako tava vacanānūrūpaṃ lacchasī’’ti vatvā tatiyaṃ gāthamāha –
59.
59.
‘‘д̇аад̇аад̇и буд̇д̇о вад̣̇амаано, гамбзд̇и хад̣̇аяам̣ бид̇у;
‘‘Tātāti putto vadamāno, kampeti hadayaṃ pitu;
хад̣̇аяасса сад̣̇исий ваажаа, хад̣̇аяам̣ самма д̣̇амми д̇з’’д̇и.
Hadayassa sadisī vācā, hadayaṃ samma dammi te’’ti.
зван̃жа бана вад̇ваа хад̣̇аяамам̣сзна сад̣̇д̇хим̣ мад̇хурамам̣сам̣ угкибид̇ваа ад̣̇ааси.
Evañca pana vatvā hadayamaṃsena saddhiṃ madhuramaṃsaṃ ukkhipitvā adāsi.
д̇ам̣ жад̇уд̇т̇о сздтибуд̇д̇о ‘‘гинд̇и вад̇ваа яаажасий’’д̇и бужчи. со ‘‘д̇аад̇аа’’д̇и вад̇ваад̇и. со ‘‘ахамби яаажиссаамий’’д̇и вад̇ваа г̇анд̇ваа ‘‘сахааяа мам̣сакан̣д̣ам̣ мз д̣̇зхий’’д̇и ааха. луд̣̇д̣̇аго ‘‘д̇ава важанаануруубам̣ лажчасий’’д̇и вад̇ваа жад̇уд̇т̇ам̣ г̇аат̇амааха –
Taṃ catuttho seṭṭhiputto ‘‘kinti vatvā yācasī’’ti pucchi. So ‘‘tātā’’ti vatvāti. So ‘‘ahampi yācissāmī’’ti vatvā gantvā ‘‘sahāya maṃsakhaṇḍaṃ me dehī’’ti āha. Luddako ‘‘tava vacanānurūpaṃ lacchasī’’ti vatvā catutthaṃ gāthamāha –
60.
60.
‘‘яасса г̇аамз сакаа над̇т̇и, яат̇ааран̃н̃ам̣ д̇ат̇зва д̇ам̣;
‘‘Yassa gāme sakhā natthi, yathāraññaṃ tatheva taṃ;
саб̣б̣асса сад̣̇исий ваажаа, саб̣б̣ам̣ самма д̣̇ад̣̇аами д̇з’’д̇и.
Sabbassa sadisī vācā, sabbaṃ samma dadāmi te’’ti.
д̇ассад̇т̇о – яасса бурисасса г̇аамз сукад̣̇угкзсу саха аяанад̇о сахааяасан̇каад̇о сакаа над̇т̇и, д̇асса д̇ам̣ таанам̣ яат̇аа амануссам̣ аран̃н̃ам̣ д̇ат̇зва ход̇и, ид̇и аяам̣ д̇ава ваажаа саб̣б̣асса сад̣̇исий, саб̣б̣зна ад̇д̇ано санд̇агзна вибхавзна сад̣̇исий, д̇асмаа саб̣б̣амзва имам̣ мама санд̇агам̣ мам̣саяаанагам̣ д̣̇ад̣̇аами д̇зд̇и.
Tassattho – yassa purisassa gāme sukhadukkhesu saha ayanato sahāyasaṅkhāto sakhā natthi, tassa taṃ ṭhānaṃ yathā amanussaṃ araññaṃ tatheva hoti, iti ayaṃ tava vācā sabbassa sadisī, sabbena attano santakena vibhavena sadisī, tasmā sabbameva imaṃ mama santakaṃ maṃsayānakaṃ dadāmi teti.
зван̃жа бана вад̇ваа ‘‘зхи, самма, саб̣б̣амзва ид̣̇ам̣ мам̣саяаанагам̣ д̇ава г̇зхам̣ аахариссаамий’’д̇и ааха. сздтибуд̇д̇о д̇зна яаанагам̣ бааж̇аабзнд̇о ад̇д̇ано гхарам̣ г̇анд̇ваа мам̣сам̣ од̇аараабзд̇ваа луд̣̇д̣̇агасса саггаарасаммаанам̣ гад̇ваа буд̇д̇ад̣̇аарамбисса баггосаабзд̇ваа луд̣̇д̣̇агаммад̇о абанзд̇ваа ад̇д̇ано гудумб̣амаж̇жхз васаабзнд̇о д̇зна сад̣̇д̇хим̣ абхзж̇ж̇асахааяо худ̇ваа яааваж̇ийвам̣ самаг̇г̇аваасам̣ васи.
Evañca pana vatvā ‘‘ehi, samma, sabbameva idaṃ maṃsayānakaṃ tava gehaṃ āharissāmī’’ti āha. Seṭṭhiputto tena yānakaṃ pājāpento attano gharaṃ gantvā maṃsaṃ otārāpetvā luddakassa sakkārasammānaṃ katvā puttadārampissa pakkosāpetvā luddakammato apanetvā attano kuṭumbamajjhe vasāpento tena saddhiṃ abhejjasahāyo hutvā yāvajīvaṃ samaggavāsaṃ vasi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа луд̣̇д̣̇аго саарибуд̇д̇о ахоси, саб̣б̣амам̣салаабхий сздтибуд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā luddako sāriputto ahosi, sabbamaṃsalābhī seṭṭhiputto pana ahameva ahosi’’nti.
саб̣б̣амам̣салаабхаж̇аад̇агаван̣н̣анаа бан̃жамаа.
Sabbamaṃsalābhajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 315. саб̣б̣амам̣салаабхаж̇аад̇агам̣ • 315. Sabbamaṃsalābhajātakaṃ
