| Library / Tipiṭaka / తిపిటక • Tipiṭaka / కథావత్థుపాళి • Kathāvatthupāḷi |
౫. సబ్బమత్థీతికథా
5. Sabbamatthītikathā
౧. వాదయుత్తి
1. Vādayutti
౨౮౨. సబ్బమత్థీతి ? ఆమన్తా. సబ్బత్థ సబ్బమత్థీతి? న హేవం వత్తబ్బే. సబ్బమత్థీతి? ఆమన్తా. సబ్బదా సబ్బమత్థీతి? న హేవం వత్తబ్బే. సబ్బమత్థీతి? ఆమన్తా. సబ్బేన సబ్బం సబ్బమత్థీతి? న హేవం వత్తబ్బే. సబ్బమత్థీతి? ఆమన్తా. సబ్బేసు సబ్బమత్థీతి? న హేవం వత్తబ్బే. సబ్బమత్థీతి? ఆమన్తా. అయోగన్తి కత్వా సబ్బమత్థీతి? న హేవం వత్తబ్బే. సబ్బమత్థీతి? ఆమన్తా. యమ్పి నత్థి, తమ్పత్థీతి? న హేవం వత్తబ్బే. సబ్బమత్థీతి? ఆమన్తా. సబ్బమత్థీతి యా దిట్ఠి సా దిట్ఠి మిచ్ఛాదిట్ఠీతి, యా దిట్ఠి సా దిట్ఠి సమ్మాదిట్ఠీతి, హేవమత్థీతి? న హేవం వత్తబ్బే. (సంఖిత్తం). వాదయుత్తి.
282. Sabbamatthīti ? Āmantā. Sabbattha sabbamatthīti? Na hevaṃ vattabbe. Sabbamatthīti? Āmantā. Sabbadā sabbamatthīti? Na hevaṃ vattabbe. Sabbamatthīti? Āmantā. Sabbena sabbaṃ sabbamatthīti? Na hevaṃ vattabbe. Sabbamatthīti? Āmantā. Sabbesu sabbamatthīti? Na hevaṃ vattabbe. Sabbamatthīti? Āmantā. Ayoganti katvā sabbamatthīti? Na hevaṃ vattabbe. Sabbamatthīti? Āmantā. Yampi natthi, tampatthīti? Na hevaṃ vattabbe. Sabbamatthīti? Āmantā. Sabbamatthīti yā diṭṭhi sā diṭṭhi micchādiṭṭhīti, yā diṭṭhi sā diṭṭhi sammādiṭṭhīti, hevamatthīti? Na hevaṃ vattabbe. (Saṃkhittaṃ). Vādayutti.
౨. కాలసంసన్దనా
2. Kālasaṃsandanā
౨౮౩. అతీతం అత్థీతి? ఆమన్తా. నను అతీతం నిరుద్ధం విగతం విపరిణతం అత్థఙ్గతం అబ్భత్థఙ్గతన్తి? ఆమన్తా. హఞ్చి అతీతం నిరుద్ధం విగతం విపరిణతం అత్థఙ్గతం అబ్భత్థఙ్గతం, నో చ వత రే వత్తబ్బే – ‘‘అతీతం అత్థీ’’తి.
283. Atītaṃ atthīti? Āmantā. Nanu atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ niruddhaṃ vigataṃ vipariṇataṃ atthaṅgataṃ abbhatthaṅgataṃ, no ca vata re vattabbe – ‘‘atītaṃ atthī’’ti.
అనాగతం అత్థీతి? ఆమన్తా. నను అనాగతం అజాతం అభూతం అసఞ్జాతం అనిబ్బత్తం అనభినిబ్బత్తం అపాతుభూతన్తి? ఆమన్తా. హఞ్చి అనాగతం అజాతం అభూతం అసఞ్జాతం అనిబ్బత్తం అనభినిబ్బత్తం అపాతుభూతం, నో చ వత రే వత్తబ్బే – ‘‘అనాగతం అత్థీ’’తి.
Anāgataṃ atthīti? Āmantā. Nanu anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtaṃ, no ca vata re vattabbe – ‘‘anāgataṃ atthī’’ti.
పచ్చుప్పన్నం అత్థి పచ్చుప్పన్నం అనిరుద్ధం అవిగతం అవిపరిణతం న అత్థఙ్గతం న అబ్భత్థఙ్గతన్తి? ఆమన్తా. అతీతం అత్థి అతీతం అనిరుద్ధం అవిగతం అవిపరిణతం న అత్థఙ్గతం న అబ్భత్థఙ్గతన్తి? న హేవం వత్తబ్బే…పే॰… పచ్చుప్పన్నం అత్థి పచ్చుప్పన్నం జాతం భూతం సఞ్జాతం నిబ్బత్తం అభినిబ్బత్తం పాతుభూతన్తి? ఆమన్తా. అనాగతం అత్థి అనాగతం జాతం భూతం సఞ్జాతం నిబ్బత్తం అభినిబ్బత్తం పాతుభూతన్తి? న హేవం వత్తబ్బే…పే॰….
Paccuppannaṃ atthi paccuppannaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ atthi atītaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe…pe… paccuppannaṃ atthi paccuppannaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ atthi anāgataṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe…pe….
అతీతం అత్థి అతీతం నిరుద్ధం విగతం విపరిణతం అత్థఙ్గతం అబ్భత్థఙ్గతన్తి? ఆమన్తా. పచ్చుప్పన్నం అత్థి పచ్చుప్పన్నం నిరుద్ధం విగతం విపరిణతం అత్థఙ్గతం అబ్భత్థఙ్గతన్తి? న హేవం వత్తబ్బే…పే॰… అనాగతం అత్థి అనాగతం అజాతం అభూతం అసఞ్జాతం అనిబ్బత్తం అనభినిబ్బత్తం అపాతుభూతన్తి? ఆమన్తా. పచ్చుప్పన్నం అత్థి పచ్చుప్పన్నం అజాతం అభూతం అసఞ్జాతం అనిబ్బత్తం అనభినిబ్బత్తం అపాతుభూతన్తి? న హేవం వత్తబ్బే.
Atītaṃ atthi atītaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ atthi paccuppannaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe…pe… anāgataṃ atthi anāgataṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ atthi paccuppannaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
౨౮౪. అతీతం రూపం అత్థీతి? ఆమన్తా. నను అతీతం రూపం నిరుద్ధం విగతం విపరిణతం అత్థఙ్గతం అబ్భత్థఙ్గతన్తి? ఆమన్తా. హఞ్చి అతీతం రూపం నిరుద్ధం…పే॰… అబ్భత్థఙ్గతం, నో చ వత రే వత్తబ్బే – ‘‘అతీతం రూపం అత్థీ’’తి.
284. Atītaṃ rūpaṃ atthīti? Āmantā. Nanu atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Hañci atītaṃ rūpaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ rūpaṃ atthī’’ti.
అనాగతం రూపం అత్థీతి? ఆమన్తా. నను అనాగతం రూపం అజాతం అభూతం అసఞ్జాతం అనిబ్బత్తం అనభినిబ్బత్తం అపాతుభూతన్తి? ఆమన్తా. హఞ్చి అనాగతం రూపం అజాతం…పే॰… అపాతుభూతం, నో చ వత రే వత్తబ్బే – ‘‘అనాగతం రూపం అత్థీ’’తి.
Anāgataṃ rūpaṃ atthīti? Āmantā. Nanu anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ rūpaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ rūpaṃ atthī’’ti.
పచ్చుప్పన్నం రూపం అత్థి పచ్చుప్పన్నం రూపం అనిరుద్ధం అవిగతం అవిపరిణతం న అత్థఙ్గతం న అబ్భత్థఙ్గతన్తి? ఆమన్తా. అతీతం రూపం అత్థి అతీతం రూపం అనిరుద్ధం అవిగతం అవిపరిణతం న అత్థఙ్గతం న అబ్భత్థఙ్గతన్తి? న హేవం వత్తబ్బే.
Paccuppannaṃ rūpaṃ atthi paccuppannaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Āmantā. Atītaṃ rūpaṃ atthi atītaṃ rūpaṃ aniruddhaṃ avigataṃ avipariṇataṃ na atthaṅgataṃ na abbhatthaṅgatanti? Na hevaṃ vattabbe.
పచ్చుప్పన్నం రూపం అత్థి పచ్చుప్పన్నం రూపం జాతం భూతం సఞ్జాతం నిబ్బత్తం అభినిబ్బత్తం పాతుభూతన్తి? ఆమన్తా. అనాగతం రూపం అత్థి అనాగతం రూపం జాతం భూతం సఞ్జాతం నిబ్బత్తం అభినిబ్బత్తం పాతుభూతన్తి? న హేవం వత్తబ్బే.
Paccuppannaṃ rūpaṃ atthi paccuppannaṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Āmantā. Anāgataṃ rūpaṃ atthi anāgataṃ rūpaṃ jātaṃ bhūtaṃ sañjātaṃ nibbattaṃ abhinibbattaṃ pātubhūtanti? Na hevaṃ vattabbe.
అతీతం రూపం అత్థి అతీతం రూపం నిరుద్ధం విగతం విపరిణతం అత్థఙ్గతం అబ్భత్థఙ్గతన్తి? ఆమన్తా. పచ్చుప్పన్నం రూపం అత్థి పచ్చుప్పన్నం రూపం నిరుద్ధం విగతం విపరిణతం అత్థఙ్గతం అబ్భత్థఙ్గతన్తి? న హేవం వత్తబ్బే.
Atītaṃ rūpaṃ atthi atītaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā. Paccuppannaṃ rūpaṃ atthi paccuppannaṃ rūpaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Na hevaṃ vattabbe.
అనాగతం రూపం అత్థి అనాగతం రూపం అజాతం అభూతం అసఞ్జాతం అనిబ్బత్తం అనభినిబ్బత్తం అపాతుభూతన్తి? ఆమన్తా. పచ్చుప్పన్నం రూపం అత్థి పచ్చుప్పన్నం రూపం అజాతం అభూతం అసఞ్జాతం అనిబ్బత్తం అనభినిబ్బత్తం అపాతుభూతన్తి? న హేవం వత్తబ్బే.
Anāgataṃ rūpaṃ atthi anāgataṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Paccuppannaṃ rūpaṃ atthi paccuppannaṃ rūpaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Na hevaṃ vattabbe.
అతీతా వేదనా అత్థి…పే॰… సఞ్ఞా అత్థి, సఙ్ఖారా అత్థి, విఞ్ఞాణం అత్థీతి? ఆమన్తా. నను అతీతం విఞ్ఞాణం నిరుద్ధం విగతం విపరిణతం అత్థఙ్గతం అబ్భత్థఙ్గతన్తి? ఆమన్తా . హఞ్చి అతీతం విఞ్ఞాణం నిరుద్ధం…పే॰… అబ్భత్థఙ్గతం, నో చ వత రే వత్తబ్బే – ‘‘అతీతం విఞ్ఞాణం అత్థీ’’తి.
Atītā vedanā atthi…pe… saññā atthi, saṅkhārā atthi, viññāṇaṃ atthīti? Āmantā. Nanu atītaṃ viññāṇaṃ niruddhaṃ vigataṃ vipariṇataṃ atthaṅgataṃ abbhatthaṅgatanti? Āmantā . Hañci atītaṃ viññāṇaṃ niruddhaṃ…pe… abbhatthaṅgataṃ, no ca vata re vattabbe – ‘‘atītaṃ viññāṇaṃ atthī’’ti.
అనాగతం విఞ్ఞాణం అత్థీతి? ఆమన్తా. నను అనాగతం విఞ్ఞాణం అజాతం అభూతం అసఞ్జాతం అనిబ్బత్తం అనభినిబ్బత్తం అపాతుభూతన్తి? ఆమన్తా. హఞ్చి అనాగతం విఞ్ఞాణం అజాతం…పే॰… అపాతుభూతం, నో చ వత రే వత్తబ్బే – ‘‘అనాగతం విఞ్ఞాణం అత్థీ’’తి.
Anāgataṃ viññāṇaṃ atthīti? Āmantā. Nanu anāgataṃ viññāṇaṃ ajātaṃ abhūtaṃ asañjātaṃ anibbattaṃ anabhinibbattaṃ apātubhūtanti? Āmantā. Hañci anāgataṃ viññāṇaṃ ajātaṃ…pe… apātubhūtaṃ, no ca vata re vattabbe – ‘‘anāgataṃ viññāṇaṃ atthī’’ti.
పచ్చుప్పన్నం విఞ్ఞాణం అత్థి పచ్చుప్పన్నం విఞ్ఞాణం అనిరుద్ధం…పే॰… న అబ్భత్థఙ్గతన్తి? ఆమన్తా. అతీతం విఞ్ఞాణం అత్థి అతీతం విఞ్ఞాణం అనిరుద్ధం…పే॰… న అబ్భత్థఙ్గతన్తి? న హేవం వత్తబ్బే.
Paccuppannaṃ viññāṇaṃ atthi paccuppannaṃ viññāṇaṃ aniruddhaṃ…pe… na abbhatthaṅgatanti? Āmantā. Atītaṃ viññāṇaṃ atthi atītaṃ viññāṇaṃ aniruddhaṃ…pe… na abbhatthaṅgatanti? Na hevaṃ vattabbe.
పచ్చుప్పన్నం విఞ్ఞాణం అత్థి పచ్చుప్పన్నం విఞ్ఞాణం జాతం…పే॰… పాతుభూతన్తి? ఆమన్తా. అనాగతం విఞ్ఞాణం అత్థి అనాగతం విఞ్ఞాణం జాతం…పే॰… పాతుభూతన్తి? న హేవం వత్తబ్బే.
Paccuppannaṃ viññāṇaṃ atthi paccuppannaṃ viññāṇaṃ jātaṃ…pe… pātubhūtanti? Āmantā. Anāgataṃ viññāṇaṃ atthi anāgataṃ viññāṇaṃ jātaṃ…pe… pātubhūtanti? Na hevaṃ vattabbe.
అతీతం విఞ్ఞాణం అత్థి అతీతం విఞ్ఞాణం నిరుద్ధం…పే॰… అబ్భత్థఙ్గతన్తి? ఆమన్తా. పచ్చుప్పన్నం విఞ్ఞాణం అత్థి పచ్చుప్పన్నం విఞ్ఞాణం నిరుద్ధం…పే॰… అబ్భత్థఙ్గతన్తి? న హేవం వత్తబ్బే. అనాగతం విఞ్ఞాణం అత్థి అనాగతం విఞ్ఞాణం అజాతం…పే॰… అపాతుభూతన్తి? ఆమన్తా.
Atītaṃ viññāṇaṃ atthi atītaṃ viññāṇaṃ niruddhaṃ…pe… abbhatthaṅgatanti? Āmantā. Paccuppannaṃ viññāṇaṃ atthi paccuppannaṃ viññāṇaṃ niruddhaṃ…pe… abbhatthaṅgatanti? Na hevaṃ vattabbe. Anāgataṃ viññāṇaṃ atthi anāgataṃ viññāṇaṃ ajātaṃ…pe… apātubhūtanti? Āmantā.
పచ్చుప్పన్నం విఞ్ఞాణం అత్థి పచ్చుప్పన్నం విఞ్ఞాణం అజాతం…పే॰… అపాతుభూతన్తి? న హేవం వత్తబ్బే.
Paccuppannaṃ viññāṇaṃ atthi paccuppannaṃ viññāṇaṃ ajātaṃ…pe… apātubhūtanti? Na hevaṃ vattabbe.
౨౮౫. ‘‘పచ్చుప్పన్నన్తి వా రూప’’న్తి వా, ‘‘రూపన్తి వా పచ్చుప్పన్న’’న్తి వా పచ్చుప్పన్నం రూపం అప్పియం కరిత్వా ఏసేసే ఏకట్ఠే సమే సమభాగే తజ్జాతేతి? ఆమన్తా. పచ్చుప్పన్నం రూపం నిరుజ్ఝమానం పచ్చుప్పన్నభావం జహతీతి? ఆమన్తా. రూపభావం జహతీతి? న హేవం వత్తబ్బే…పే॰….
285. ‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ paccuppannabhāvaṃ jahatīti? Āmantā. Rūpabhāvaṃ jahatīti? Na hevaṃ vattabbe…pe….
‘‘పచ్చుప్పన్నన్తి వా రూప’’న్తి వా, ‘‘రూపన్తి వా పచ్చుప్పన్న’’న్తి వా పచ్చుప్పన్నం రూపం అప్పియం కరిత్వా ఏసేసే ఏకట్ఠే సమే సమభాగే తజ్జాతేతి? ఆమన్తా. పచ్చుప్పన్నం రూపం నిరుజ్ఝమానం రూపభావం న జహతీతి? ఆమన్తా. పచ్చుప్పన్నభావం న జహతీతి? న హేవం వత్తబ్బే…పే॰….
‘‘Paccuppannanti vā rūpa’’nti vā, ‘‘rūpanti vā paccuppanna’’nti vā paccuppannaṃ rūpaṃ appiyaṃ karitvā esese ekaṭṭhe same samabhāge tajjāteti? Āmantā. Paccuppannaṃ rūpaṃ nirujjhamānaṃ rūpabhāvaṃ na jahatīti? Āmantā. Paccuppannabhāvaṃ na jahatīti? Na hevaṃ vattabbe…pe….
‘‘ఓదాతన్తి వా వత్థ’’న్తి వా, ‘‘వత్థన్తి వా ఓదాత’’న్తి వా ఓదాతం వత్థం అప్పియం కరిత్వా ఏసేసే ఏకట్ఠే సమే సమభాగే తజ్జాతేతి? ఆమన్తా. ఓదాతం వత్థం రజ్జమానం ఓదాతభావం జహతీతి? ఆమన్తా. వత్థభావం జహతీతి? న హేవం వత్తబ్బే.
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ odātabhāvaṃ jahatīti? Āmantā. Vatthabhāvaṃ jahatīti? Na hevaṃ vattabbe.
‘‘ఓదాతన్తి వా వత్థ’’న్తి వా, ‘‘వత్థన్తి వా ఓదాత’’న్తి వా ఓదాతం వత్థం అప్పియం కరిత్వా ఏసేసే ఏకట్ఠే సమే సమభాగే తజ్జాతేతి? ఆమన్తా. ఓదాతం వత్థం రజ్జమానం వత్థభావం న జహతీతి? ఆమన్తా. ఓదాతభావం న జహతీతి? న హేవం వత్తబ్బే.…పే॰….
‘‘Odātanti vā vattha’’nti vā, ‘‘vatthanti vā odāta’’nti vā odātaṃ vatthaṃ appiyaṃ karitvā esese ekaṭṭhe same samabhāge tajjāteti? Āmantā. Odātaṃ vatthaṃ rajjamānaṃ vatthabhāvaṃ na jahatīti? Āmantā. Odātabhāvaṃ na jahatīti? Na hevaṃ vattabbe.…Pe….
౨౮౬. రూపం రూపభావం న జహతీతి? ఆమన్తా. రూపం నిచ్చం ధువం సస్సతం అవిపరిణామధమ్మన్తి ? న హేవం వత్తబ్బే. నను రూపం రూపభావం న జహతీతి రూపం అనిచ్చం అధువం అసస్సతం విపరిణామధమ్మన్తి? ఆమన్తా. హఞ్చి రూపం అనిచ్చం అధువం అసస్సతం విపరిణామధమ్మం, నో చ వత రే వత్తబ్బే – ‘‘రూపం రూపభావం న జహతీ’’తి.
286. Rūpaṃ rūpabhāvaṃ na jahatīti? Āmantā. Rūpaṃ niccaṃ dhuvaṃ sassataṃ avipariṇāmadhammanti ? Na hevaṃ vattabbe. Nanu rūpaṃ rūpabhāvaṃ na jahatīti rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci rūpaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘rūpaṃ rūpabhāvaṃ na jahatī’’ti.
నిబ్బానం నిబ్బానభావం న జహతీతి నిబ్బానం నిచ్చం ధువం సస్సతం అవిపరిణామధమ్మన్తి? ఆమన్తా. రూపం రూపభావం న జహతీతి 1 రూపం నిచ్చం ధువం సస్సతం అవిపరిణామధమ్మన్తి? న హేవం వత్తబ్బే…పే॰… రూపం రూపభావం న జహతి రూపం అనిచ్చం అధువం అసస్సతం విపరిణామధమ్మన్తి? ఆమన్తా. నిబ్బానం నిబ్బానభావం న జహతి నిబ్బానం అనిచ్చం అధువం అసస్సతం విపరిణామధమ్మన్తి? న హేవం వత్తబ్బే…పే॰….
Nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti? Āmantā. Rūpaṃ rūpabhāvaṃ na jahatīti 2 rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… rūpaṃ rūpabhāvaṃ na jahati rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
అతీతం అత్థి అతీతం అతీతభావం న జహతీతి? ఆమన్తా. అనాగతం అత్థి అనాగతం అనాగతభావం న జహతీతి? న హేవం వత్తబ్బే. అతీతం అత్థి అతీతం అతీతభావం న జహతీతి? ఆమన్తా. పచ్చుప్పన్నం అత్థి పచ్చుప్పన్నం పచ్చుప్పన్నభావం న జహతీతి? న హేవం వత్తబ్బే…పే॰….
Atītaṃ atthi atītaṃ atītabhāvaṃ na jahatīti? Āmantā. Anāgataṃ atthi anāgataṃ anāgatabhāvaṃ na jahatīti? Na hevaṃ vattabbe. Atītaṃ atthi atītaṃ atītabhāvaṃ na jahatīti? Āmantā. Paccuppannaṃ atthi paccuppannaṃ paccuppannabhāvaṃ na jahatīti? Na hevaṃ vattabbe…pe….
అతీతం అత్థి అతీతం అతీతభావం న జహతీతి? ఆమన్తా. అతీతం నిచ్చం ధువం సస్సతం అవిపరిణామధమ్మన్తి? న హేవం వత్తబ్బే…పే॰… నను అతీతం అనిచ్చం అధువం అసస్సతం విపరిణామధమ్మన్తి? ఆమన్తా. హఞ్చి అతీతం అనిచ్చం అధువం అసస్సతం విపరిణామధమ్మం, నో చ వత రే వత్తబ్బే – ‘‘అతీతం అత్థి అతీతం అతీతభావం న జహతీ’’తి.
Atītaṃ atthi atītaṃ atītabhāvaṃ na jahatīti? Āmantā. Atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ atthi atītaṃ atītabhāvaṃ na jahatī’’ti.
నిబ్బానం అత్థి నిబ్బానం నిబ్బానభావం న జహతీతి నిబ్బానం నిచ్చం ధువం సస్సతం అవిపరిణామధమ్మన్తి ? ఆమన్తా. అతీతం అత్థి అతీతం అతీతభావం న జహతీతి అతీతం నిచ్చం ధువం సస్సతం అవిపరిణామధమ్మన్తి? న హేవం వత్తబ్బే…పే॰….
Nibbānaṃ atthi nibbānaṃ nibbānabhāvaṃ na jahatīti nibbānaṃ niccaṃ dhuvaṃ sassataṃ avipariṇāmadhammanti ? Āmantā. Atītaṃ atthi atītaṃ atītabhāvaṃ na jahatīti atītaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe….
అతీతం అత్థి అతీతం అతీతభావం న జహతి అతీతం అనిచ్చం అధువం అసస్సతం విపరిణామధమ్మన్తి? ఆమన్తా. నిబ్బానం అత్థి నిబ్బానం నిబ్బానభావం న జహతి నిబ్బానం అనిచ్చం అధువం అసస్సతం విపరిణామధమ్మన్తి? న హేవం వత్తబ్బే…పే॰….
Atītaṃ atthi atītaṃ atītabhāvaṃ na jahati atītaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
౨౮౭. అతీతం రూపం అత్థి అతీతం రూపం అతీతభావం న జహతీతి? ఆమన్తా. అనాగతం రూపం అత్థి అనాగతం రూపం అనాగతభావం న జహతీతి? న హేవం వత్తబ్బే…పే॰… అతీతం రూపం అత్థి అతీతం రూపం అతీతభావం న జహతీతి? ఆమన్తా. పచ్చుప్పన్నం రూపం అత్థి పచ్చుప్పన్నం రూపం పచ్చుప్పన్నభావం న జహతీతి? న హేవం వత్తబ్బే…పే॰….
287. Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Anāgataṃ rūpaṃ atthi anāgataṃ rūpaṃ anāgatabhāvaṃ na jahatīti? Na hevaṃ vattabbe…pe… atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Paccuppannaṃ rūpaṃ atthi paccuppannaṃ rūpaṃ paccuppannabhāvaṃ na jahatīti? Na hevaṃ vattabbe…pe….
అతీతం రూపం అత్థి అతీతం రూపం అతీతభావం న జహతీతి? ఆమన్తా. అతీతం రూపం నిచ్చం ధువం సస్సతం అవిపరిణామధమ్మన్తి? న హేవం వత్తబ్బే…పే॰… నను అతీతం రూపం అనిచ్చం అధువం అసస్సతం విపరిణామధమ్మన్తి? ఆమన్తా. హఞ్చి అతీతం రూపం అనిచ్చం…పే॰… విపరిణామధమ్మం, నో చ వత రే వత్తబ్బే – ‘‘అతీతం రూపం అత్థి అతీతం రూపం అతీతభావం న జహతీ’’తి.
Atītaṃ rūpaṃ atthi atītaṃ rūpaṃ atītabhāvaṃ na jahatīti? Āmantā. Atītaṃ rūpaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ rūpaṃ aniccaṃ…pe… vipariṇāmadhammaṃ, no ca vata re vattabbe – ‘‘atītaṃ rūpaṃ atthi atītaṃ rūpaṃ atītabhāvaṃ na jahatī’’ti.
అతీతం రూపం అత్థి అతీతం రూపం అతీతభావం న జహతి అతీతం రూపం అనిచ్చం అధువం అసస్సతం విపరిణామధమ్మన్తి? ఆమన్తా. నిబ్బానం అత్థి నిబ్బానం నిబ్బానభావం న జహతి నిబ్బానం అనిచ్చం అధువం అసస్సతం విపరిణామధమ్మన్తి? న హేవం వత్తబ్బే…పే॰….
Atītaṃ rūpaṃ atthi atītaṃ rūpaṃ atītabhāvaṃ na jahati atītaṃ rūpaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
అతీతా వేదనా అత్థి… అతీతా సఞ్ఞా అత్థి… అతీతా సఙ్ఖారా అత్థి… అతీతం విఞ్ఞాణం అత్థి అతీతం విఞ్ఞాణం అతీతభావం న జహతీతి? ఆమన్తా. అనాగతం విఞ్ఞాణం అత్థి అనాగతం విఞ్ఞాణం అనాగతభావం న జహతీతి? న హేవం వత్తబ్బే…పే॰… అతీతం విఞ్ఞాణం అత్థి అతీతం విఞ్ఞాణం అతీతభావం న జహతీతి? ఆమన్తా. పచ్చుప్పన్నం విఞ్ఞాణం అత్థి పచ్చుప్పన్నం విఞ్ఞాణం పచ్చుప్పన్నభావం న జహతీతి? న హేవం వత్తబ్బే…పే॰….
Atītā vedanā atthi… atītā saññā atthi… atītā saṅkhārā atthi… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Anāgataṃ viññāṇaṃ atthi anāgataṃ viññāṇaṃ anāgatabhāvaṃ na jahatīti? Na hevaṃ vattabbe…pe… atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Paccuppannaṃ viññāṇaṃ atthi paccuppannaṃ viññāṇaṃ paccuppannabhāvaṃ na jahatīti? Na hevaṃ vattabbe…pe….
అనాగతం విఞ్ఞాణం అత్థి అనాగతం విఞ్ఞాణం అనాగతభావం జహతీతి? ఆమన్తా. అతీతం విఞ్ఞాణం అత్థి అతీతం విఞ్ఞాణం అతీతభావం జహతీతి? న హేవం వత్తబ్బే…పే॰….
Anāgataṃ viññāṇaṃ atthi anāgataṃ viññāṇaṃ anāgatabhāvaṃ jahatīti? Āmantā. Atītaṃ viññāṇaṃ atthi atītaṃ viññāṇaṃ atītabhāvaṃ jahatīti? Na hevaṃ vattabbe…pe….
అతీతం విఞ్ఞాణం అత్థి అతీతం విఞ్ఞాణం అతీతభావం న జహతీతి? ఆమన్తా. అతీతం విఞ్ఞాణం నిచ్చం ధువం సస్సతం అవిపరిణామధమ్మన్తి? న హేవం వత్తబ్బే…పే॰… నను అతీతం విఞ్ఞాణం అనిచ్చం అధువం అసస్సతం విపరిణామధమ్మన్తి? ఆమన్తా. హఞ్చి అతీతం విఞ్ఞాణం అనిచ్చం అధువం అసస్సతం విపరిణామధమ్మం, నో చ వత రే వత్తబ్బే – ‘‘అతీతం విఞ్ఞాణం అత్థి అతీతం విఞ్ఞాణం అతీతభావం న జహతీ’’తి.
Atītaṃ viññāṇaṃ atthi atītaṃ viññāṇaṃ atītabhāvaṃ na jahatīti? Āmantā. Atītaṃ viññāṇaṃ niccaṃ dhuvaṃ sassataṃ avipariṇāmadhammanti? Na hevaṃ vattabbe…pe… nanu atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Hañci atītaṃ viññāṇaṃ aniccaṃ adhuvaṃ asassataṃ vipariṇāmadhammaṃ, no ca vata re vattabbe – ‘‘atītaṃ viññāṇaṃ atthi atītaṃ viññāṇaṃ atītabhāvaṃ na jahatī’’ti.
అతీతం విఞ్ఞాణం అత్థి అతీతం విఞ్ఞాణం అతీతభావం న జహతి అతీతం విఞ్ఞాణం అనిచ్చం అధువం అసస్సతం విపరిణామధమ్మన్తి? ఆమన్తా. నిబ్బానం అత్థి నిబ్బానం నిబ్బానభావం న జహతి నిబ్బానం అనిచ్చం అధువం అసస్సతం విపరిణామధమ్మన్తి? న హేవం వత్తబ్బే…పే॰….
Atītaṃ viññāṇaṃ atthi atītaṃ viññāṇaṃ atītabhāvaṃ na jahati atītaṃ viññāṇaṃ aniccaṃ adhuvaṃ asassataṃ vipariṇāmadhammanti? Āmantā. Nibbānaṃ atthi nibbānaṃ nibbānabhāvaṃ na jahati nibbānaṃ aniccaṃ adhuvaṃ asassataṃ vipariṇāmadhammanti? Na hevaṃ vattabbe…pe….
వచనసోధనా
Vacanasodhanā
౨౮౮. అతీతం న్వత్థీతి? ఆమన్తా. హఞ్చి అతీతం న్వత్థి, అతీతం అత్థీతి మిచ్ఛా. హఞ్చి వా పన అత్థి న్వాతీతం, అత్థి అతీతన్తి మిచ్ఛా. అనాగతం న్వత్థీతి? ఆమన్తా. హఞ్చి అనాగతం న్వత్థి, అనాగతం అత్థీతి మిచ్ఛా. హఞ్చి వా పన అత్థి న్వానాగతం, అత్థి అనాగతన్తి మిచ్ఛా.
288. Atītaṃ nvatthīti? Āmantā. Hañci atītaṃ nvatthi, atītaṃ atthīti micchā. Hañci vā pana atthi nvātītaṃ, atthi atītanti micchā. Anāgataṃ nvatthīti? Āmantā. Hañci anāgataṃ nvatthi, anāgataṃ atthīti micchā. Hañci vā pana atthi nvānāgataṃ, atthi anāgatanti micchā.
అనాగతం హుత్వా పచ్చుప్పన్నం హోతీతి? ఆమన్తా. తఞ్ఞేవ అనాగతం తం పచ్చుప్పన్నన్తి? న హేవం వత్తబ్బే…పే॰… తఞ్ఞేవ అనాగతం తం పచ్చుప్పన్నన్తి? ఆమన్తా. హుత్వా హోతి హుత్వా హోతీతి? న హేవం వత్తబ్బే…పే॰… హుత్వా హోతి హుత్వా హోతీతి? ఆమన్తా. న హుత్వా న హోతి న హుత్వా న హోతీతి? న హేవం వత్తబ్బే…పే॰….
Anāgataṃ hutvā paccuppannaṃ hotīti? Āmantā. Taññeva anāgataṃ taṃ paccuppannanti? Na hevaṃ vattabbe…pe… taññeva anāgataṃ taṃ paccuppannanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
పచ్చుప్పన్నం హుత్వా అతీతం హోతీతి? ఆమన్తా. తఞ్ఞేవ పచ్చుప్పన్నం తం అతీతన్తి? న హేవం వత్తబ్బే…పే॰… తఞ్ఞేవ పచ్చుప్పన్నం తం అతీతన్తి? ఆమన్తా . హుత్వా హోతి హుత్వా హోతీతి? న హేవం వత్తబ్బే…పే॰… హుత్వా హోతి హుత్వా హోతీతి? ఆమన్తా. న హుత్వా న హోతి న హుత్వా న హోతీతి? న హేవం వత్తబ్బే…పే॰….
Paccuppannaṃ hutvā atītaṃ hotīti? Āmantā. Taññeva paccuppannaṃ taṃ atītanti? Na hevaṃ vattabbe…pe… taññeva paccuppannaṃ taṃ atītanti? Āmantā . Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe…pe….
అనాగతం హుత్వా పచ్చుప్పన్నం హోతి, పచ్చుప్పన్నం హుత్వా అతీతం హోతీతి? ఆమన్తా. తఞ్ఞేవ అనాగతం తం పచ్చుప్పన్నం తం అతీతన్తి? న హేవం వత్తబ్బే…పే॰… తఞ్ఞేవ అనాగతం తం పచ్చుప్పన్నం తం అతీతన్తి? ఆమన్తా. హుత్వా హోతి హుత్వా హోతీతి? న హేవం వత్తబ్బే…పే॰… హుత్వా హోతి హుత్వా హోతీతి? ఆమన్తా. న హుత్వా న హోతి న హుత్వా న హోతీతి? న హేవం వత్తబ్బే.
Anāgataṃ hutvā paccuppannaṃ hoti, paccuppannaṃ hutvā atītaṃ hotīti? Āmantā. Taññeva anāgataṃ taṃ paccuppannaṃ taṃ atītanti? Na hevaṃ vattabbe…pe… taññeva anāgataṃ taṃ paccuppannaṃ taṃ atītanti? Āmantā. Hutvā hoti hutvā hotīti? Na hevaṃ vattabbe…pe… hutvā hoti hutvā hotīti? Āmantā. Na hutvā na hoti na hutvā na hotīti? Na hevaṃ vattabbe.
అతీతచక్ఖురూపాదికథా
Atītacakkhurūpādikathā
౨౮౯. అతీతం చక్ఖుం అత్థి రూపా అత్థి చక్ఖువిఞ్ఞాణం అత్థి ఆలోకో అత్థి మనసికారో అత్థీతి? ఆమన్తా. అతీతేన చక్ఖునా అతీతం రూపం పస్సతీతి? న హేవం వత్తబ్బే…పే॰… అతీతం సోతం అత్థి సద్దా అత్థి సోతవిఞ్ఞాణం అత్థి ఆకాసో అత్థి మనసికారో అత్థీతి? ఆమన్తా. అతీతేన సోతేన అతీతం సద్దం సుణాతీతి? న హేవం వత్తబ్బే…పే॰… అతీతం ఘానం అత్థి గన్ధా అత్థి ఘానవిఞ్ఞాణం అత్థి వాయో అత్థి మనసికారో అత్థీతి? ఆమన్తా. అతీతేన ఘానేన అతీతం గన్ధం ఘాయతీతి? న హేవం వత్తబ్బే…పే॰… అతీతా జివ్హా అత్థి రసా అత్థి జివ్హావిఞ్ఞాణం అత్థి ఆపో అత్థి మనసికారో అత్థీతి? ఆమన్తా . అతీతాయ జివ్హాయ అతీతం రసం సాయతీతి? న హేవం వత్తబ్బే…పే॰… అతీతో కాయో అత్థి ఫోట్ఠబ్బా అత్థి కాయవిఞ్ఞాణం అత్థి పథవీ అత్థి మనసికారో అత్థీతి? ఆమన్తా. అతీతేన కాయేన అతీతం ఫోట్ఠబ్బం ఫుసతీతి? న హేవం వత్తబ్బే…పే॰… అతీతో మనో అత్థి ధమ్మా అత్థి మనోవిఞ్ఞాణం అత్థి వత్థుం అత్థి మనసికారో అత్థీతి? ఆమన్తా. అతీతేన మనేన అతీతం ధమ్మం విజానాతీతి? న హేవం వత్తబ్బే…పే॰….
289. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Atītena cakkhunā atītaṃ rūpaṃ passatīti? Na hevaṃ vattabbe…pe… atītaṃ sotaṃ atthi saddā atthi sotaviññāṇaṃ atthi ākāso atthi manasikāro atthīti? Āmantā. Atītena sotena atītaṃ saddaṃ suṇātīti? Na hevaṃ vattabbe…pe… atītaṃ ghānaṃ atthi gandhā atthi ghānaviññāṇaṃ atthi vāyo atthi manasikāro atthīti? Āmantā. Atītena ghānena atītaṃ gandhaṃ ghāyatīti? Na hevaṃ vattabbe…pe… atītā jivhā atthi rasā atthi jivhāviññāṇaṃ atthi āpo atthi manasikāro atthīti? Āmantā . Atītāya jivhāya atītaṃ rasaṃ sāyatīti? Na hevaṃ vattabbe…pe… atīto kāyo atthi phoṭṭhabbā atthi kāyaviññāṇaṃ atthi pathavī atthi manasikāro atthīti? Āmantā. Atītena kāyena atītaṃ phoṭṭhabbaṃ phusatīti? Na hevaṃ vattabbe…pe… atīto mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Atītena manena atītaṃ dhammaṃ vijānātīti? Na hevaṃ vattabbe…pe….
అనాగతం చక్ఖుం అత్థి రూపా అత్థి చక్ఖువిఞ్ఞాణం అత్థి ఆలోకో అత్థి మనసికారో అత్థీతి? ఆమన్తా. అనాగతేన చక్ఖునా అనాగతం రూపం పస్సతీతి? న హేవం వత్తబ్బే…పే॰… అనాగతం సోతం అత్థి… ఘానం అత్థి… జివ్హా అత్థి… కాయో అత్థి … మనో అత్థి ధమ్మా అత్థి మనోవిఞ్ఞాణం అత్థి వత్థుం అత్థి మనసికారో అత్థీతి? ఆమన్తా. అనాగతేన మనేన అనాగతం ధమ్మం విజానాతీతి? న హేవం వత్తబ్బే…పే॰….
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthīti? Āmantā. Anāgatena cakkhunā anāgataṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi … mano atthi dhammā atthi manoviññāṇaṃ atthi vatthuṃ atthi manasikāro atthīti? Āmantā. Anāgatena manena anāgataṃ dhammaṃ vijānātīti? Na hevaṃ vattabbe…pe….
పచ్చుప్పన్నం చక్ఖుం అత్థి రూపా అత్థి చక్ఖువిఞ్ఞాణం అత్థి ఆలోకో అత్థి మనసికారో అత్థి, పచ్చుప్పన్నేన చక్ఖునా పచ్చుప్పన్నం రూపం పస్సతీతి? ఆమన్తా. అతీతం చక్ఖుం అత్థి రూపా అత్థి చక్ఖువిఞ్ఞాణం అత్థి ఆలోకో అత్థి మనసికారో అత్థి, అతీతేన చక్ఖునా అతీతం రూపం పస్సతీతి? న హేవం వత్తబ్బే…పే॰…. పచ్చుప్పన్నం సోతం అత్థి… ఘానం అత్థి… జివ్హా అత్థి… కాయో అత్థి… మనో అత్థి ధమ్మా అత్థి మనోవిఞ్ఞాణం అత్థి వత్థుం అత్థి మనసికారో అత్థి, పచ్చుప్పన్నేన మనేన పచ్చుప్పన్నం ధమ్మం విజానాతీతి? ఆమన్తా. అతీతో మనో అత్థి ధమ్మా అత్థి మనోవిఞ్ఞాణం అత్థి వత్థుం అత్థి మనసికారో అత్థి, అతీతేన మనేన అతీతం ధమ్మం విజానాతీతి? న హేవం వత్తబ్బే…పే॰….
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, atītena cakkhunā atītaṃ rūpaṃ passatīti? Na hevaṃ vattabbe…pe…. Paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Atīto mano atthi dhammā atthi manoviññāṇaṃ atthi vatthuṃ atthi manasikāro atthi, atītena manena atītaṃ dhammaṃ vijānātīti? Na hevaṃ vattabbe…pe….
పచ్చుప్పన్నం చక్ఖుం అత్థి రూపా అత్థి చక్ఖువిఞ్ఞాణం అత్థి ఆలోకో అత్థి మనసికారో అత్థి, పచ్చుప్పన్నేన చక్ఖునా పచ్చుప్పన్నం రూపం పస్సతీతి? ఆమన్తా. అనాగతం చక్ఖుం అత్థి రూపా అత్థి చక్ఖువిఞ్ఞాణం అత్థి ఆలోకో అత్థి మనసికారో అత్థి, అనాగతేన చక్ఖునా అనాగతం రూపం పస్సతీతి? న హేవం వత్తబ్బే…పే॰… పచ్చుప్పన్నం సోతం అత్థి… ఘానం అత్థి… జివ్హా అత్థి… కాయో అత్థి… మనో అత్థి ధమ్మా అత్థి మనోవిఞ్ఞాణం అత్థి వత్థుం అత్థి మనసికారో అత్థి, పచ్చుప్పన్నేన మనేన పచ్చుప్పన్నం ధమ్మం విజానాతీతి? ఆమన్తా. అనాగతో మనో అత్థి ధమ్మా అత్థి మనోవిఞ్ఞాణం అత్థి వత్థుం అత్థి మనసికారో అత్థి, అనాగతేన మనేన అనాగతం ధమ్మం విజానాతీతి? న హేవం వత్తబ్బే…పే॰….
Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, paccuppannena cakkhunā paccuppannaṃ rūpaṃ passatīti? Āmantā. Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, anāgatena cakkhunā anāgataṃ rūpaṃ passatīti? Na hevaṃ vattabbe…pe… paccuppannaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, paccuppannena manena paccuppannaṃ dhammaṃ vijānātīti? Āmantā. Anāgato mano atthi dhammā atthi manoviññāṇaṃ atthi vatthuṃ atthi manasikāro atthi, anāgatena manena anāgataṃ dhammaṃ vijānātīti? Na hevaṃ vattabbe…pe….
అతీతం చక్ఖుం అత్థి రూపా అత్థి చక్ఖువిఞ్ఞాణం అత్థి ఆలోకో అత్థి మనసికారో అత్థి, న చ అతీతేన చక్ఖునా అతీతం రూపం పస్సతీతి? ఆమన్తా. పచ్చుప్పన్నం చక్ఖుం అత్థి రూపా అత్థి చక్ఖువిఞ్ఞాణం అత్థి ఆలోకో అత్థి మనసికారో అత్థి, న చ పచ్చుప్పన్నేన చక్ఖునా పచ్చుప్పన్నం రూపం పస్సతీతి? న హేవం వత్తబ్బే…పే॰… అతీతం సోతం అత్థి… ఘానం అత్థి… జివ్హా అత్థి… కాయో అత్థి… మనో అత్థి ధమ్మా అత్థి మనోవిఞ్ఞాణం అత్థి వత్థుం అత్థి మనసికారో అత్థి, న చ అతీతేన మనేన అతీతం ధమ్మం విజానాతీతి? ఆమన్తా. పచ్చుప్పన్నో మనో అత్థి ధమ్మా అత్థి మనోవిఞ్ఞాణం అత్థి వత్థుం అత్థి మనసికారో అత్థి, న చ పచ్చుప్పన్నేన మనేన పచ్చుప్పన్నం ధమ్మం విజానాతీతి? న హేవం వత్తబ్బే…పే॰….
Atītaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca atītena cakkhunā atītaṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… atītaṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca atītena manena atītaṃ dhammaṃ vijānātīti? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
అనాగతం చక్ఖుం అత్థి రూపా అత్థి చక్ఖువిఞ్ఞాణం అత్థి ఆలోకో అత్థి మనసికారో అత్థి, న చ అనాగతేన చక్ఖునా అనాగతం రూపం పస్సతీతి? ఆమన్తా. పచ్చుప్పన్నం చక్ఖుం అత్థి రూపా అత్థి చక్ఖువిఞ్ఞాణం అత్థి ఆలోకో అత్థి మనసికారో అత్థి, న చ పచ్చుప్పన్నేన చక్ఖునా పచ్చుప్పన్నం రూపం పస్సతీతి? న హేవం వత్తబ్బే…పే॰… అనాగతం సోతం అత్థి… ఘానం అత్థి… జివ్హా అత్థి… కాయో అత్థి… మనో అత్థి ధమ్మా అత్థి మనోవిఞ్ఞాణం అత్థి వత్థుం అత్థి మనసికారో అత్థి, న చ అనాగతేన మనేన అనాగతం ధమ్మం విజానాతీతి ? ఆమన్తా. పచ్చుప్పన్నో మనో అత్థి ధమ్మా అత్థి మనోవిఞ్ఞాణం అత్థి వత్థుం అత్థి మనసికారో అత్థి, న చ పచ్చుప్పన్నేన మనేన పచ్చుప్పన్నం ధమ్మం విజానాతీతి? న హేవం వత్తబ్బే…పే॰….
Anāgataṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca anāgatena cakkhunā anāgataṃ rūpaṃ passatīti? Āmantā. Paccuppannaṃ cakkhuṃ atthi rūpā atthi cakkhuviññāṇaṃ atthi āloko atthi manasikāro atthi, na ca paccuppannena cakkhunā paccuppannaṃ rūpaṃ passatīti? Na hevaṃ vattabbe…pe… anāgataṃ sotaṃ atthi… ghānaṃ atthi… jivhā atthi… kāyo atthi… mano atthi dhammā atthi manoviññāṇaṃ atthi vatthuṃ atthi manasikāro atthi, na ca anāgatena manena anāgataṃ dhammaṃ vijānātīti ? Āmantā. Paccuppanno mano atthi dhammā atthi manoviññāṇaṃ atthi vatthuṃ atthi manasikāro atthi, na ca paccuppannena manena paccuppannaṃ dhammaṃ vijānātīti? Na hevaṃ vattabbe…pe….
అతీతఞాణాదికథా
Atītañāṇādikathā
౨౯౦. అతీతం ఞాణం అత్థీతి? ఆమన్తా. తేన ఞాణేన ఞాణకరణీయం కరోతీతి? న హేవం వత్తబ్బే…పే॰… తేన ఞాణేన ఞాణకరణీయం కరోతీతి ? ఆమన్తా. తేన ఞాణేన దుక్ఖం పరిజానాతి, సముదయం పజహతి, నిరోధం సచ్ఛికరోతి, మగ్గం భావేతీతి? న హేవం వత్తబ్బే…పే॰….
290. Atītaṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti ? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
అనాగతం ఞాణం అత్థీతి? ఆమన్తా. తేన ఞాణేన ఞాణకరణీయం కరోతీతి? న హేవం వత్తబ్బే…పే॰… తేన ఞాణేన ఞాణకరణీయం కరోతీతి? ఆమన్తా. తేన ఞాణేన దుక్ఖం పరిజానాతి, సముదయం పజహతి, నిరోధం సచ్ఛికరోతి , మగ్గం భావేతీతి? న హేవం వత్తబ్బే…పే॰….
Anāgataṃ ñāṇaṃ atthīti? Āmantā. Tena ñāṇena ñāṇakaraṇīyaṃ karotīti? Na hevaṃ vattabbe…pe… tena ñāṇena ñāṇakaraṇīyaṃ karotīti? Āmantā. Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti , maggaṃ bhāvetīti? Na hevaṃ vattabbe…pe….
పచ్చుప్పన్నం ఞాణం అత్థి, తేన ఞాణేన ఞాణకరణీయం కరోతీతి? ఆమన్తా. అతీతం ఞాణం అత్థి, తేన ఞాణేన ఞాణకరణీయం కరోతీతి? న హేవం వత్తబ్బే…పే॰… పచ్చుప్పన్నం ఞాణం అత్థి, తేన ఞాణేన దుక్ఖం పరిజానాతి, సముదయం పజహతి, నిరోధం సచ్ఛికరోతి, మగ్గం భావేతీతి? ఆమన్తా. అతీతం ఞాణం అత్థి, తేన ఞాణేన దుక్ఖం పరిజానాతి, సముదయం పజహతి, నిరోధం సచ్ఛికరోతి, మగ్గం భావేతీతి? న హేవం వత్తబ్బే…పే॰… పచ్చుప్పన్నం ఞాణం అత్థి, తేన ఞాణేన ఞాణకరణీయం కరోతీతి? ఆమన్తా. అనాగతం ఞాణం అత్థి, తేన ఞాణేన ఞాణకరణీయం కరోతీతి? న హేవం వత్తబ్బే…పే॰… పచ్చుప్పన్నం ఞాణం అత్థి, తేన ఞాణేన దుక్ఖం పరిజానాతి, సముదయం పజహతి, నిరోధం సచ్ఛికరోతి, మగ్గం భావేతీతి? ఆమన్తా . అనాగతం ఞాణం అత్థి, తేన ఞాణేన దుక్ఖం పరిజానాతి, సముదయం పజహతి, నిరోధం సచ్ఛికరోతి, మగ్గం భావేతీతి? న హేవం వత్తబ్బే…పే॰….
Paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Atītaṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Atītaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena ñāṇakaraṇīyaṃ karotīti? Āmantā. Anāgataṃ ñāṇaṃ atthi, tena ñāṇena ñāṇakaraṇīyaṃ karotīti? Na hevaṃ vattabbe…pe… paccuppannaṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā . Anāgataṃ ñāṇaṃ atthi, tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
అతీతం ఞాణం అత్థి, న చ తేన ఞాణేన ఞాణకరణీయం కరోతీతి? ఆమన్తా. పచ్చుప్పన్నం ఞాణం అత్థి, న చ తేన ఞాణేన ఞాణకరణీయం కరోతీతి? న హేవం వత్తబ్బే…పే॰… అతీతం ఞాణం అత్థి, న చ తేన ఞాణేన దుక్ఖం పరిజానాతి, సముదయం పజహతి, నిరోధం సచ్ఛికరోతి, మగ్గం భావేతీతి? ఆమన్తా. పచ్చుప్పన్నం ఞాణం అత్థి, న చ తేన ఞాణేన దుక్ఖం పరిజానాతి, సముదయం పజహతి, నిరోధం సచ్ఛికరోతి, మగ్గం భావేతీతి? న హేవం వత్తబ్బే…పే॰….
Atītaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe… atītaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Āmantā. Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
అనాగతం ఞాణం అత్థి, న చ తేన ఞాణేన ఞాణకరణీయం కరోతీతి? ఆమన్తా. పచ్చుప్పన్నం ఞాణం అత్థి, న చ తేన ఞాణేన ఞాణకరణీయం కరోతీతి? న హేవం వత్తబ్బే…పే॰…. అనాగతం ఞాణం అత్థి, న చ తేన ఞాణేన దుక్ఖం పరిజానాతి, సముదయం పజహతి , నిరోధం సచ్ఛికరోతి, మగ్గం భావేతీతి? ఆమన్తా . పచ్చుప్పన్నం ఞాణం అత్థి, న చ తేన ఞాణేన దుక్ఖం పరిజానాతి, సముదయం పజహతి, నిరోధం సచ్ఛికరోతి, మగ్గం భావేతీతి? న హేవం వత్తబ్బే…పే॰….
Anāgataṃ ñāṇaṃ atthi, na ca tena ñāṇena ñāṇakaraṇīyaṃ karotīti? Āmantā. Paccuppannaṃ ñāṇaṃ atthi, na ca tena ñāṇena ñāṇakaraṇīyaṃ karotīti? Na hevaṃ vattabbe…pe…. Anāgataṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati , nirodhaṃ sacchikaroti, maggaṃ bhāvetīti? Āmantā . Paccuppannaṃ ñāṇaṃ atthi, na ca tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
అరహన్తాదికథా
Arahantādikathā
౨౯౧. అరహతో అతీతో రాగో అత్థీతి? ఆమన్తా. అరహా తేన రాగేన సరాగోతి? న హేవం వత్తబ్బే…పే॰… అరహతో అతీతో దోసో అత్థీతి? ఆమన్తా . అరహా తేన దోసేన సదోసోతి? న హేవం వత్తబ్బే…పే॰… అరహతో అతీతో మోహో అత్థీతి? ఆమన్తా. అరహా తేన మోహేన సమోహోతి? న హేవం వత్తబ్బే…పే॰… అరహతో అతీతో మానో అత్థీతి? ఆమన్తా. అరహా తేన మానేన సమానోతి? న హేవం వత్తబ్బే…పే॰… అరహతో అతీతా దిట్ఠి అత్థీతి? ఆమన్తా. అరహా తాయ దిట్ఠియా సదిట్ఠికోతి? న హేవం వత్తబ్బే…పే॰… అరహతో అతీతా విచికిచ్ఛా అత్థీతి? ఆమన్తా. అరహా తాయ విచికిచ్ఛాయ సవిచికిచ్ఛోతి? న హేవం వత్తబ్బే…పే॰… అరహతో అతీతం థినం అత్థీతి? ఆమన్తా. అరహా తేన థినేన సథినోతి? న హేవం వత్తబ్బే…పే॰… అరహతో అతీతం ఉద్ధచ్చం అత్థీతి? ఆమన్తా. అరహా తేన ఉద్ధచ్చేన సఉద్ధచ్చోతి? న హేవం వత్తబ్బే…పే॰… అరహతో అతీతం అహిరికం అత్థీతి? ఆమన్తా. అరహా తేన అహిరికేన సఅహిరికోతి? న హేవం వత్తబ్బే…పే॰… అరహతో అతీతం అనోత్తప్పం అత్థీతి? ఆమన్తా. అరహా తేన అనోత్తప్పేన సఅనోత్తప్పీతి? న హేవం వత్తబ్బే…పే॰….
291. Arahato atīto rāgo atthīti? Āmantā. Arahā tena rāgena sarāgoti? Na hevaṃ vattabbe…pe… arahato atīto doso atthīti? Āmantā . Arahā tena dosena sadosoti? Na hevaṃ vattabbe…pe… arahato atīto moho atthīti? Āmantā. Arahā tena mohena samohoti? Na hevaṃ vattabbe…pe… arahato atīto māno atthīti? Āmantā. Arahā tena mānena samānoti? Na hevaṃ vattabbe…pe… arahato atītā diṭṭhi atthīti? Āmantā. Arahā tāya diṭṭhiyā sadiṭṭhikoti? Na hevaṃ vattabbe…pe… arahato atītā vicikicchā atthīti? Āmantā. Arahā tāya vicikicchāya savicikicchoti? Na hevaṃ vattabbe…pe… arahato atītaṃ thinaṃ atthīti? Āmantā. Arahā tena thinena sathinoti? Na hevaṃ vattabbe…pe… arahato atītaṃ uddhaccaṃ atthīti? Āmantā. Arahā tena uddhaccena sauddhaccoti? Na hevaṃ vattabbe…pe… arahato atītaṃ ahirikaṃ atthīti? Āmantā. Arahā tena ahirikena saahirikoti? Na hevaṃ vattabbe…pe… arahato atītaṃ anottappaṃ atthīti? Āmantā. Arahā tena anottappena saanottappīti? Na hevaṃ vattabbe…pe….
అనాగామిస్స అతీతా సక్కాయదిట్ఠి అత్థీతి? ఆమన్తా . అనాగామీ తాయ దిట్ఠియా సదిట్ఠికోతి? న హేవం వత్తబ్బే…పే॰… అనాగామిస్స అతీతా విచికిచ్ఛా అత్థి… అతీతో సీలబ్బతపరామాసో అత్థి… అతీతో అణుసహగతో కామరాగో అత్థి… అతీతో అణుసహగతో బ్యాపాదో అత్థీతి? ఆమన్తా. అనాగామీ తేన బ్యాపాదేన బ్యాపన్నచిత్తోతి? న హేవం వత్తబ్బే…పే॰….
Anāgāmissa atītā sakkāyadiṭṭhi atthīti? Āmantā . Anāgāmī tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi… atīto sīlabbataparāmāso atthi… atīto aṇusahagato kāmarāgo atthi… atīto aṇusahagato byāpādo atthīti? Āmantā. Anāgāmī tena byāpādena byāpannacittoti? Na hevaṃ vattabbe…pe….
సకదాగామిస్స అతీతా సక్కాయదిట్ఠి అత్థీతి? ఆమన్తా. సకదాగామీ తాయ దిట్ఠియా సదిట్ఠికోతి? న హేవం వత్తబ్బే…పే॰… సకదాగామిస్స అతీతా విచికిచ్ఛా అత్థి… అతీతో సీలబ్బతపరామాసో అత్థి… అతీతో ఓళారికో కామరాగో అత్థి… అతీతో ఓళారికో బ్యాపాదో అత్థీతి? ఆమన్తా. సకదాగామీ తేన బ్యాపాదేన బ్యాపన్నచిత్తోతి? న హేవం వత్తబ్బే…పే॰….
Sakadāgāmissa atītā sakkāyadiṭṭhi atthīti? Āmantā. Sakadāgāmī tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi… atīto sīlabbataparāmāso atthi… atīto oḷāriko kāmarāgo atthi… atīto oḷāriko byāpādo atthīti? Āmantā. Sakadāgāmī tena byāpādena byāpannacittoti? Na hevaṃ vattabbe…pe….
సోతాపన్నస్స అతీతా సక్కాయదిట్ఠి అత్థీతి? ఆమన్తా. సోతాపన్నో తాయ దిట్ఠియా సదిట్ఠికోతి? న హేవం వత్తబ్బే…పే॰… సోతాపన్నస్స అతీతా విచికిచ్ఛా అత్థి… అతీతో సీలబ్బతపరామాసో అత్థి… అతీతో అపాయగమనీయో రాగో అత్థి… అతీతో అపాయగమనీయో దోసో అత్థి… అతీతో అపాయగమనీయో మోహో అత్థీతి? ఆమన్తా. సోతాపన్నో తేన మోహేన సమోహోతి? న హేవం వత్తబ్బే…పే॰….
Sotāpannassa atītā sakkāyadiṭṭhi atthīti? Āmantā. Sotāpanno tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi… atīto sīlabbataparāmāso atthi… atīto apāyagamanīyo rāgo atthi… atīto apāyagamanīyo doso atthi… atīto apāyagamanīyo moho atthīti? Āmantā. Sotāpanno tena mohena samohoti? Na hevaṃ vattabbe…pe….
౨౯౨. పుథుజ్జనస్స అతీతో రాగో అత్థి, పుథుజ్జనో తేన రాగేన సరాగోతి? ఆమన్తా. అరహతో అతీతో రాగో అత్థి, అరహా తేన రాగేన సరాగోతి? న హేవం వత్తబ్బే…పే॰… పుథుజ్జనస్స అతీతో దోసో అత్థి…పే॰… అతీతం అనోత్తప్పం అత్థి పుథుజ్జనో తేన అనోత్తప్పేన అనోత్తప్పీతి? ఆమన్తా. అరహతో అతీతం అనోత్తప్పం అత్థి, అరహా తేన అనోత్తప్పేన అనోత్తప్పీతి? న హేవం వత్తబ్బే…పే॰….
292. Puthujjanassa atīto rāgo atthi, puthujjano tena rāgena sarāgoti? Āmantā. Arahato atīto rāgo atthi, arahā tena rāgena sarāgoti? Na hevaṃ vattabbe…pe… puthujjanassa atīto doso atthi…pe… atītaṃ anottappaṃ atthi puthujjano tena anottappena anottappīti? Āmantā. Arahato atītaṃ anottappaṃ atthi, arahā tena anottappena anottappīti? Na hevaṃ vattabbe…pe….
పుథుజ్జనస్స అతీతా సక్కాయదిట్ఠి అత్థి, పుథుజ్జనో తాయ దిట్ఠియా సదిట్ఠికోతి? ఆమన్తా. అనాగామిస్స అతీతా సక్కాయదిట్ఠి అత్థి, అనాగామీ తాయ దిట్ఠియా సదిట్ఠికోతి? న హేవం వత్తబ్బే…పే॰… పుథుజ్జనస్స అతీతా విచికిచ్ఛా అత్థి…పే॰… అతీతో అణుసహగతో బ్యాపాదో అత్థి, పుథుజ్జనో తేన బ్యాపాదేన బ్యాపన్నచిత్తోతి? ఆమన్తా. అనాగామిస్స అతీతో అణుసహగతో బ్యాపాదో అత్థి, అనాగామీ తేన బ్యాపాదేన బ్యాపన్నచిత్తోతి? న హేవం వత్తబ్బే…పే॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Anāgāmissa atītā sakkāyadiṭṭhi atthi, anāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto aṇusahagato byāpādo atthi, puthujjano tena byāpādena byāpannacittoti? Āmantā. Anāgāmissa atīto aṇusahagato byāpādo atthi, anāgāmī tena byāpādena byāpannacittoti? Na hevaṃ vattabbe…pe….
పుథుజ్జనస్స అతీతా సక్కాయదిట్ఠి అత్థి, పుథుజ్జనో తాయ దిట్ఠియా సదిట్ఠికోతి? ఆమన్తా. సకదాగామిస్స అతీతా సక్కాయదిట్ఠి అత్థి, సకదాగామీ తాయ దిట్ఠియా సదిట్ఠికోతి? న హేవం వత్తబ్బే…పే॰… పుథుజ్జనస్స అతీతా విచికిచ్ఛా అత్థి… అతీతో ఓళారికో బ్యాపాదో అత్థి, పుథుజ్జనో తేన బ్యాపాదేన బ్యాపన్నచిత్తోతి ? ఆమన్తా. సకదాగామిస్స అతీతో ఓళారికో బ్యాపాదో అత్థి, సకదాగామీ తేన బ్యాపాదేన బ్యాపన్నచిత్తోతి? న హేవం వత్తబ్బే…పే॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sakadāgāmissa atītā sakkāyadiṭṭhi atthi, sakadāgāmī tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi… atīto oḷāriko byāpādo atthi, puthujjano tena byāpādena byāpannacittoti ? Āmantā. Sakadāgāmissa atīto oḷāriko byāpādo atthi, sakadāgāmī tena byāpādena byāpannacittoti? Na hevaṃ vattabbe…pe….
పుథుజ్జనస్స అతీతా సక్కాయదిట్ఠి అత్థి, పుథుజ్జనో తాయ దిట్ఠియా సదిట్ఠికోతి? ఆమన్తా. సోతాపన్నస్స అతీతా సక్కాయదిట్ఠి అత్థి, సోతాపన్నో తాయ దిట్ఠియా సదిట్ఠికోతి? న హేవం వత్తబ్బే…పే॰… పుథుజ్జనస్స అతీతా విచికిచ్ఛా అత్థి…పే॰… అతీతో అపాయగమనీయో మోహో అత్థి, పుథుజ్జనో తేన మోహేన సమోహోతి? ఆమన్తా. సోతాపన్నస్స అతీతో అపాయగమనీయో మోహో అత్థి, సోతాపన్నో తేన మోహేన సమోహోతి? న హేవం వత్తబ్బే…పే॰….
Puthujjanassa atītā sakkāyadiṭṭhi atthi, puthujjano tāya diṭṭhiyā sadiṭṭhikoti? Āmantā. Sotāpannassa atītā sakkāyadiṭṭhi atthi, sotāpanno tāya diṭṭhiyā sadiṭṭhikoti? Na hevaṃ vattabbe…pe… puthujjanassa atītā vicikicchā atthi…pe… atīto apāyagamanīyo moho atthi, puthujjano tena mohena samohoti? Āmantā. Sotāpannassa atīto apāyagamanīyo moho atthi, sotāpanno tena mohena samohoti? Na hevaṃ vattabbe…pe….
అరహతో అతీతో రాగో అత్థి, న చ అరహా తేన రాగేన సరాగోతి? ఆమన్తా. పుథుజ్జనస్స అతీతో రాగో అత్థి, న చ పుథుజ్జనో తేన రాగేన సరాగోతి? న హేవం వత్తబ్బే…పే॰… అరహతో అతీతో దోసో అత్థి…పే॰… అతీతం అనోత్తప్పం అత్థి, న చ అరహా తేన అనోత్తప్పేన అనోత్తప్పీతి? ఆమన్తా. పుథుజ్జనస్స అతీతం అనోత్తప్పం అత్థి, న చ పుథుజ్జనో తేన అనోత్తప్పేన అనోత్తప్పీతి? న హేవం వత్తబ్బే…పే॰….
Arahato atīto rāgo atthi, na ca arahā tena rāgena sarāgoti? Āmantā. Puthujjanassa atīto rāgo atthi, na ca puthujjano tena rāgena sarāgoti? Na hevaṃ vattabbe…pe… arahato atīto doso atthi…pe… atītaṃ anottappaṃ atthi, na ca arahā tena anottappena anottappīti? Āmantā. Puthujjanassa atītaṃ anottappaṃ atthi, na ca puthujjano tena anottappena anottappīti? Na hevaṃ vattabbe…pe….
అనాగామిస్స అతీతా సక్కాయదిట్ఠి అత్థి, న చ అనాగామీ తాయ దిట్ఠియా సదిట్ఠికోతి? ఆమన్తా. పుథుజ్జనస్స అతీతా సక్కాయదిట్ఠి అత్థి, న చ పుథుజ్జనో తాయ దిట్ఠియా సదిట్ఠికోతి? న హేవం వత్తబ్బే…పే॰… అనాగామిస్స అతీతా విచికిచ్ఛా అత్థి…పే॰… అతీతో అణుసహగతో బ్యాపాదో అత్థి, న చ అనాగామీ తేన బ్యాపాదేన బ్యాపన్నచిత్తోతి ? ఆమన్తా. పుథుజ్జనస్స అతీతో అణుసహగతో బ్యాపాదో అత్థి, న చ పుథుజ్జనో తేన బ్యాపాదేన బ్యాపన్నచిత్తోతి? న హేవం వత్తబ్బే…పే॰….
Anāgāmissa atītā sakkāyadiṭṭhi atthi, na ca anāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… anāgāmissa atītā vicikicchā atthi…pe… atīto aṇusahagato byāpādo atthi, na ca anāgāmī tena byāpādena byāpannacittoti ? Āmantā. Puthujjanassa atīto aṇusahagato byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
సకదాగామిస్స అతీతా సక్కాయదిట్ఠి అత్థి, న చ సకదాగామీ తాయ దిట్ఠియా సదిట్ఠికోతి? ఆమన్తా. పుథుజ్జనస్స అతీతా సక్కాయదిట్ఠి అత్థి, న చ పుథుజ్జనో తాయ దిట్ఠియా సదిట్ఠికోతి? న హేవం వత్తబ్బే…పే॰… సకదాగామిస్స అతీతా విచికిచ్ఛా అత్థి…పే॰… అతీతో ఓళారికో బ్యాపాదో అత్థి, న చ సకదాగామీ తేన బ్యాపాదేన బ్యాపన్నచిత్తోతి? ఆమన్తా. పుథుజ్జనస్స అతీతో ఓళారికో బ్యాపాదో అత్థి, న చ పుథుజ్జనో తేన బ్యాపాదేన బ్యాపన్నచిత్తోతి? న హేవం వత్తబ్బే…పే॰….
Sakadāgāmissa atītā sakkāyadiṭṭhi atthi, na ca sakadāgāmī tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sakadāgāmissa atītā vicikicchā atthi…pe… atīto oḷāriko byāpādo atthi, na ca sakadāgāmī tena byāpādena byāpannacittoti? Āmantā. Puthujjanassa atīto oḷāriko byāpādo atthi, na ca puthujjano tena byāpādena byāpannacittoti? Na hevaṃ vattabbe…pe….
సోతాపన్నస్స అతీతా సక్కాయదిట్ఠి అత్థి, న చ సోతాపన్నో తాయ దిట్ఠియా సదిట్ఠికోతి? ఆమన్తా. పుథుజ్జనస్స అతీతా సక్కాయదిట్ఠి అత్థి, న చ పుథుజ్జనో తాయ దిట్ఠియా సదిట్ఠికోతి? న హేవం వత్తబ్బే…పే॰… సోతాపన్నస్స అతీతా విచికిచ్ఛా అత్థి…పే॰… అతీతో అపాయగమనీయో మోహో అత్థి, న చ సోతాపన్నో తేన మోహేన సమోహోతి? ఆమన్తా. పుథుజ్జనస్స అతీతో అపాయగమనీయో మోహో అత్థి, న చ పుథుజ్జనో తేన మోహేన సమోహోతి? న హేవం వత్తబ్బే…పే॰….
Sotāpannassa atītā sakkāyadiṭṭhi atthi, na ca sotāpanno tāya diṭṭhiyā sadiṭṭhikoti? Āmantā. Puthujjanassa atītā sakkāyadiṭṭhi atthi, na ca puthujjano tāya diṭṭhiyā sadiṭṭhikoti? Na hevaṃ vattabbe…pe… sotāpannassa atītā vicikicchā atthi…pe… atīto apāyagamanīyo moho atthi, na ca sotāpanno tena mohena samohoti? Āmantā. Puthujjanassa atīto apāyagamanīyo moho atthi, na ca puthujjano tena mohena samohoti? Na hevaṃ vattabbe…pe….
అతీతహత్థాదికథా
Atītahatthādikathā
౨౯౩. అతీతా హత్థా అత్థీతి? ఆమన్తా. అతీతేసు హత్థేసు సతి ఆదాననిక్ఖేపనం పఞ్ఞాయతీతి? న హేవం వత్తబ్బే…పే॰… అతీతా పాదా అత్థీతి? ఆమన్తా. అతీతేసు పాదేసు సతి అభిక్కమపటిక్కమో పఞ్ఞాయతీతి? న హేవం వత్తబ్బే…పే॰… అతీతా పబ్బా అత్థీతి? ఆమన్తా. అతీతేసు పబ్బేసు సతి సమిఞ్జనపసారణం పఞ్ఞాయతీతి? న హేవం వత్తబ్బే…పే॰… అతీతో కుచ్ఛి అత్థీతి? ఆమన్తా. అతీతస్మిం కుచ్ఛిస్మిం సతి జిఘచ్ఛా పిపాసా పఞ్ఞాయతీతి? న హేవం వత్తబ్బే…పే॰….
293. Atītā hatthā atthīti? Āmantā. Atītesu hatthesu sati ādānanikkhepanaṃ paññāyatīti? Na hevaṃ vattabbe…pe… atītā pādā atthīti? Āmantā. Atītesu pādesu sati abhikkamapaṭikkamo paññāyatīti? Na hevaṃ vattabbe…pe… atītā pabbā atthīti? Āmantā. Atītesu pabbesu sati samiñjanapasāraṇaṃ paññāyatīti? Na hevaṃ vattabbe…pe… atīto kucchi atthīti? Āmantā. Atītasmiṃ kucchismiṃ sati jighacchā pipāsā paññāyatīti? Na hevaṃ vattabbe…pe….
అతీతో కాయో అత్థీతి? ఆమన్తా. అతీతో కాయో పగ్గహనిగ్గహుపగో ఛేదనభేదనుపగో కాకేహి గిజ్ఝేహి కులలేహి సాధారణోతి? న హేవం వత్తబ్బే…పే॰… అతీతే కాయే విసం కమేయ్య , సత్థం కమేయ్య, అగ్గి కమేయ్యాతి? న హేవం వత్తబ్బే…పే॰… లబ్భా అతీతో కాయో అద్దుబన్ధనేన బన్ధితుం, రజ్జుబన్ధనేన బన్ధితుం, సఙ్ఖలికబన్ధనేన బన్ధితుం, గామబన్ధనేన బన్ధితుం, నిగమబన్ధనేన బన్ధితుం, నగరబన్ధనేన బన్ధితుం, జనపదబన్ధనేన బన్ధితుం, కణ్ఠపఞ్చమేహి బన్ధనేహి బన్ధితున్తి? న హేవం వత్తబ్బే…పే॰….
Atīto kāyo atthīti? Āmantā. Atīto kāyo paggahaniggahupago chedanabhedanupago kākehi gijjhehi kulalehi sādhāraṇoti? Na hevaṃ vattabbe…pe… atīte kāye visaṃ kameyya , satthaṃ kameyya, aggi kameyyāti? Na hevaṃ vattabbe…pe… labbhā atīto kāyo addubandhanena bandhituṃ, rajjubandhanena bandhituṃ, saṅkhalikabandhanena bandhituṃ, gāmabandhanena bandhituṃ, nigamabandhanena bandhituṃ, nagarabandhanena bandhituṃ, janapadabandhanena bandhituṃ, kaṇṭhapañcamehi bandhanehi bandhitunti? Na hevaṃ vattabbe…pe….
అతీతో ఆపో అత్థీతి? ఆమన్తా. తేన ఆపేన ఆపకరణీయం కరోతీతి? న హేవం వత్తబ్బే…పే॰… అతీతో తేజో అత్థీతి? ఆమన్తా. తేన తేజేన తేజకరణీయం కరోతీతి? న హేవం వత్తబ్బే…పే॰… అతీతో వాయో అత్థీతి? ఆమన్తా. తేన వాయేన వాయకరణీయం కరోతీతి? న హేవం వత్తబ్బే…పే॰….
Atīto āpo atthīti? Āmantā. Tena āpena āpakaraṇīyaṃ karotīti? Na hevaṃ vattabbe…pe… atīto tejo atthīti? Āmantā. Tena tejena tejakaraṇīyaṃ karotīti? Na hevaṃ vattabbe…pe… atīto vāyo atthīti? Āmantā. Tena vāyena vāyakaraṇīyaṃ karotīti? Na hevaṃ vattabbe…pe….
అతీతక్ఖన్ధాదిసమోధానకథా
Atītakkhandhādisamodhānakathā
౨౯౪. అతీతో రూపక్ఖన్ధో అత్థి, అనాగతో రూపక్ఖన్ధో అత్థి, పచ్చుప్పన్నో రూపక్ఖన్ధో అత్థీతి? ఆమన్తా. తయో రూపక్ఖన్ధాతి? న హేవం వత్తబ్బే …పే॰… అతీతా పఞ్చక్ఖన్ధా అత్థి, అనాగతా పఞ్చక్ఖన్ధా అత్థి, పచ్చుప్పన్నా పఞ్చక్ఖన్ధా అత్థీతి? ఆమన్తా. పన్నరసక్ఖన్ధాతి? న హేవం వత్తబ్బే…పే॰….
294. Atīto rūpakkhandho atthi, anāgato rūpakkhandho atthi, paccuppanno rūpakkhandho atthīti? Āmantā. Tayo rūpakkhandhāti? Na hevaṃ vattabbe …pe… atītā pañcakkhandhā atthi, anāgatā pañcakkhandhā atthi, paccuppannā pañcakkhandhā atthīti? Āmantā. Pannarasakkhandhāti? Na hevaṃ vattabbe…pe….
అతీతం చక్ఖాయతనం అత్థి, అనాగతం చక్ఖాయతనం అత్థి, పచ్చుప్పన్నం చక్ఖాయతనం అత్థీతి? ఆమన్తా. తీణి చక్ఖాయతనానీతి? న హేవం వత్తబ్బే…పే॰… అతీతాని ద్వాదసాయతనాని అత్థి, అనాగతాని ద్వాదసాయతనాని అత్థి, పచ్చుప్పన్నాని ద్వాదసాయతనాని అత్థీతి? ఆమన్తా. ఛత్తింసాయతనానీతి? న హేవం వత్తబ్బే…పే॰….
Atītaṃ cakkhāyatanaṃ atthi, anāgataṃ cakkhāyatanaṃ atthi, paccuppannaṃ cakkhāyatanaṃ atthīti? Āmantā. Tīṇi cakkhāyatanānīti? Na hevaṃ vattabbe…pe… atītāni dvādasāyatanāni atthi, anāgatāni dvādasāyatanāni atthi, paccuppannāni dvādasāyatanāni atthīti? Āmantā. Chattiṃsāyatanānīti? Na hevaṃ vattabbe…pe….
అతీతా చక్ఖుధాతు అత్థి, అనాగతా చక్ఖుధాతు అత్థి, పచ్చుప్పన్నా చక్ఖుధాతు అత్థీతి? ఆమన్తా. తిస్సో చక్ఖుధాతుయోతి? న హేవం వత్తబ్బే…పే॰… అతీతా అట్ఠారస ధాతుయో అత్థి, అనాగతా అట్ఠారస ధాతుయో అత్థి, పచ్చుప్పన్నా అట్ఠారస ధాతుయో అత్థీతి? ఆమన్తా. చతుపఞ్ఞాస ధాతుయోతి? న హేవం వత్తబ్బే…పే॰….
Atītā cakkhudhātu atthi, anāgatā cakkhudhātu atthi, paccuppannā cakkhudhātu atthīti? Āmantā. Tisso cakkhudhātuyoti? Na hevaṃ vattabbe…pe… atītā aṭṭhārasa dhātuyo atthi, anāgatā aṭṭhārasa dhātuyo atthi, paccuppannā aṭṭhārasa dhātuyo atthīti? Āmantā. Catupaññāsa dhātuyoti? Na hevaṃ vattabbe…pe….
అతీతం చక్ఖున్ద్రియం అత్థి, అనాగతం చక్ఖున్ద్రియం అత్థి, పచ్చుప్పన్నం చక్ఖున్ద్రియం అత్థీతి ? ఆమన్తా. తీణి చక్ఖున్ద్రియానీతి? న హేవం వత్తబ్బే…పే॰… అతీతాని బావీసతిన్ద్రియాని అత్థి, అనాగతాని బావీసతిన్ద్రియాని అత్థి, పచ్చుప్పన్నాని బావీసతిన్ద్రియాని అత్థీతి? ఆమన్తా. ఛసట్ఠిన్ద్రియానీతి? న హేవం వత్తబ్బే…పే॰….
Atītaṃ cakkhundriyaṃ atthi, anāgataṃ cakkhundriyaṃ atthi, paccuppannaṃ cakkhundriyaṃ atthīti ? Āmantā. Tīṇi cakkhundriyānīti? Na hevaṃ vattabbe…pe… atītāni bāvīsatindriyāni atthi, anāgatāni bāvīsatindriyāni atthi, paccuppannāni bāvīsatindriyāni atthīti? Āmantā. Chasaṭṭhindriyānīti? Na hevaṃ vattabbe…pe….
అతీతో రాజా చక్కవత్తీ అత్థి, అనాగతో రాజా చక్కవత్తీ అత్థి, పచ్చుప్పన్నో రాజా చక్కవత్తీ అత్థీతి? ఆమన్తా. తిణ్ణన్నం రాజూనం చక్కవత్తీనం సమ్ముఖీభావో హోతీతి? న హేవం వత్తబ్బే…పే॰….
Atīto rājā cakkavattī atthi, anāgato rājā cakkavattī atthi, paccuppanno rājā cakkavattī atthīti? Āmantā. Tiṇṇannaṃ rājūnaṃ cakkavattīnaṃ sammukhībhāvo hotīti? Na hevaṃ vattabbe…pe….
అతీతో సమ్మాసమ్ముద్ధో అత్థి, అనాగతో సమ్మాసమ్బుద్ధో అత్థి, పచ్చుప్పన్నో సమ్మాసమ్బుద్ధో అత్థీతి? ఆమన్తా. తిణ్ణన్నం సమ్మాసమ్బుద్ధానం సమ్ముఖీభావో హోతీతి? న హేవం వత్తబ్బే…పే॰….
Atīto sammāsammuddho atthi, anāgato sammāsambuddho atthi, paccuppanno sammāsambuddho atthīti? Āmantā. Tiṇṇannaṃ sammāsambuddhānaṃ sammukhībhāvo hotīti? Na hevaṃ vattabbe…pe….
పదసోధనకథా
Padasodhanakathā
౨౯౫. అతీతం అత్థీతి? ఆమన్తా . అత్థి అతీతన్తి? అత్థి సియా అతీతం, సియా న్వాతీతన్తి.
295. Atītaṃ atthīti? Āmantā . Atthi atītanti? Atthi siyā atītaṃ, siyā nvātītanti.
ఆజానాహి నిగ్గహం. హఞ్చి అతీతం అత్థి, అత్థి సియా అతీతం, సియా న్వాతీతం, తేనాతీతం న్వాతీతం, న్వాతీతం అతీతన్తి. యం తత్థ వదేసి – ‘‘వత్తబ్బే ఖో – ‘అతీతం అత్థి అత్థి సియా అతీతం, సియా న్వాతీతం, తేనాతీతం న్వాతీతం, న్వాతీతం అతీత’’’న్తి మిచ్ఛా.
Ājānāhi niggahaṃ. Hañci atītaṃ atthi, atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atītanti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
నో చే పన అతీతం న్వాతీతం న్వాతీతం అతీతన్తి, నో చ వత రే వత్తబ్బే – ‘‘అతీతం అత్థి అత్థి సియా అతీతం, సియా న్వాతీత’’న్తి. యం తత్థ వదేసి – ‘‘వత్తబ్బే ఖో – ‘అతీతం అత్థి అత్థి సియా అతీతం, సియా న్వాతీతం, తేనాతీతం న్వాతీతం, న్వాతీతం అతీత’’’న్తి మిచ్ఛా.
No ce pana atītaṃ nvātītaṃ nvātītaṃ atītanti, no ca vata re vattabbe – ‘‘atītaṃ atthi atthi siyā atītaṃ, siyā nvātīta’’nti. Yaṃ tattha vadesi – ‘‘vattabbe kho – ‘atītaṃ atthi atthi siyā atītaṃ, siyā nvātītaṃ, tenātītaṃ nvātītaṃ, nvātītaṃ atīta’’’nti micchā.
అనాగతం అత్థీతి? ఆమన్తా. అత్థి అనాగతన్తి? అత్థి సియా అనాగతం, సియా న్వానాగతన్తి.
Anāgataṃ atthīti? Āmantā. Atthi anāgatanti? Atthi siyā anāgataṃ, siyā nvānāgatanti.
ఆజానాహి నిగ్గహం. హఞ్చి అనాగతం అత్థి అత్థి సియా అనాగతం సియా న్వానాగతం, తేనానాగతం న్వానాగతం, న్వానాగతం అనాగతన్తి. యం తత్థ వదేసి – ‘‘వత్తబ్బే ఖో – ‘అనాగతం అత్థి అత్థి సియా అనాగతం, సియా న్వానాగతం, తేనానాగతం న్వానాగతం, న్వానాగతం అనాగత’’’న్తి మిచ్ఛా.
Ājānāhi niggahaṃ. Hañci anāgataṃ atthi atthi siyā anāgataṃ siyā nvānāgataṃ, tenānāgataṃ nvānāgataṃ, nvānāgataṃ anāgatanti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
నో చే పనానాగతం న్వానాగతం న్వానాగతం అనాగతన్తి, నో చ వత రే వత్తబ్బే – ‘‘అనాగతం అత్థి అత్థి సియా అనాగతం, సియా న్వానాగత’’న్తి. యం తత్థ వదేసి – ‘‘వత్తబ్బే ఖో – ‘అనాగతం అత్థి అత్థి సియా అనాగతం, సియా న్వానాగతం, తేనానాగతం న్వానాగతం, న్వానాగతం అనాగత’’’న్తి మిచ్ఛా.
No ce panānāgataṃ nvānāgataṃ nvānāgataṃ anāgatanti, no ca vata re vattabbe – ‘‘anāgataṃ atthi atthi siyā anāgataṃ, siyā nvānāgata’’nti. Yaṃ tattha vadesi – ‘‘vattabbe kho – ‘anāgataṃ atthi atthi siyā anāgataṃ, siyā nvānāgataṃ, tenānāgataṃ nvānāgataṃ, nvānāgataṃ anāgata’’’nti micchā.
పచ్చుప్పన్నం అత్థీతి, ఆమన్తా. అత్థి పచ్చుప్పన్నన్తి? అత్థి సియా పచ్చుప్పన్నం, సియా నో పచ్చుప్పన్నన్తి.
Paccuppannaṃ atthīti, āmantā. Atthi paccuppannanti? Atthi siyā paccuppannaṃ, siyā no paccuppannanti.
ఆజానాహి నిగ్గహం. హఞ్చి పచ్చుప్పన్నం అత్థి అత్థి సియా పచ్చుప్పన్నం, సియా నో పచ్చుప్పన్నం, తేన పచ్చుప్పన్నం, నో పచ్చుప్పన్నం, నో పచ్చుప్పన్నం పచ్చుప్పన్నన్తి. యం తత్థ వదేసి – ‘‘వత్తబ్బే ఖో – ‘పచ్చుప్పన్నం అత్థి అత్థి సియా పచ్చుప్పన్నం, సియా నో పచ్చుప్పన్నం, తేన పచ్చుప్పన్నం నో పచ్చుప్పన్నం, నో పచ్చుప్పన్నం పచ్చుప్పన్న’’’న్తి మిచ్ఛా.
Ājānāhi niggahaṃ. Hañci paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ, no paccuppannaṃ, no paccuppannaṃ paccuppannanti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
నో చే పన పచ్చుప్పన్నం నో పచ్చుప్పన్నం, నో పచ్చుప్పన్నం పచ్చుప్పన్నన్తి, నో చ వత రే వత్తబ్బే – ‘‘పచ్చుప్పన్నం అత్థి అత్థి సియా పచ్చుప్పన్నం, సియా నో పచ్చుప్పన్న’’న్తి. యం తత్థ వదేసి – ‘‘వత్తబ్బే ఖో – ‘పచ్చుప్పన్నం అత్థి అత్థి సియా పచ్చుప్పన్నం, సియా నో పచ్చుప్పన్నం, తేన పచ్చుప్పన్నం నో పచ్చుప్పన్నం, నో పచ్చుప్పన్నం పచ్చుప్పన్న’’’న్తి మిచ్ఛా.
No ce pana paccuppannaṃ no paccuppannaṃ, no paccuppannaṃ paccuppannanti, no ca vata re vattabbe – ‘‘paccuppannaṃ atthi atthi siyā paccuppannaṃ, siyā no paccuppanna’’nti. Yaṃ tattha vadesi – ‘‘vattabbe kho – ‘paccuppannaṃ atthi atthi siyā paccuppannaṃ, siyā no paccuppannaṃ, tena paccuppannaṃ no paccuppannaṃ, no paccuppannaṃ paccuppanna’’’nti micchā.
నిబ్బానం అత్థీతి? ఆమన్తా. అత్థి నిబ్బానన్తి? అత్థి సియా నిబ్బానం సియా నో నిబ్బానన్తి.
Nibbānaṃ atthīti? Āmantā. Atthi nibbānanti? Atthi siyā nibbānaṃ siyā no nibbānanti.
ఆజానాహి నిగ్గహం. హఞ్చి నిబ్బానం అత్థి అత్థి సియా నిబ్బానం, సియా నో నిబ్బానం, తేన నిబ్బానం నో నిబ్బానం, నో నిబ్బానం నిబ్బానన్తి. యం తత్థ వదేసి – ‘‘వత్తబ్బే ఖో – ‘నిబ్బానం అత్థి అత్థి సియా నిబ్బానం, సియా నో నిబ్బానం, తేన నిబ్బానం నో నిబ్బానం, నో నిబ్బానం నిబ్బాన’’’న్తి మిచ్ఛా.
Ājānāhi niggahaṃ. Hañci nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbānanti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
నో చే పన నిబ్బానం నో నిబ్బానం, నో నిబ్బానం నిబ్బానన్తి, నో చ వత రే వత్తబ్బే – ‘‘నిబ్బానం అత్థి అత్థి సియా నిబ్బానం, సియా నో నిబ్బాన’’న్తి. యం తత్థ వదేసి – ‘‘వత్తబ్బే ఖో – ‘నిబ్బానం అత్థి అత్థి సియా నిబ్బానం, సియా నో నిబ్బానం, తేన నిబ్బానం నో నిబ్బానం, నో నిబ్బానం నిబ్బాన’’’న్తి మిచ్ఛా.
No ce pana nibbānaṃ no nibbānaṃ, no nibbānaṃ nibbānanti, no ca vata re vattabbe – ‘‘nibbānaṃ atthi atthi siyā nibbānaṃ, siyā no nibbāna’’nti. Yaṃ tattha vadesi – ‘‘vattabbe kho – ‘nibbānaṃ atthi atthi siyā nibbānaṃ, siyā no nibbānaṃ, tena nibbānaṃ no nibbānaṃ, no nibbānaṃ nibbāna’’’nti micchā.
సుత్తసాధనం
Suttasādhanaṃ
౨౯౬. న వత్తబ్బం – ‘‘అతీతం అత్థి, అనాగతం అత్థీ’’తి? ఆమన్తా. నను వుత్తం భగవతా – ‘‘యం కిఞ్చి, భిక్ఖవే, రూపం అతీతానాగతపచ్చుప్పన్నం అజ్ఝత్తం వా బహిద్ధా వా ఓళారికం వా సుఖుమం వా హీనం వా పణీతం వా యం దూరే సన్తికే వా – అయం వుచ్చతి రూపక్ఖన్ధో. యా కాచి వేదనా… యా కాచి సఞ్ఞా… యే కేచి సఙ్ఖారా… యం కిఞ్చి విఞ్ఞాణం అతీతానాగతపచ్చుప్పన్నం అజ్ఝత్తం వా బహిద్ధా వా ఓళారికం వా సుఖుమం వా హీనం వా పణీతం వా యం దూరే సన్తికే వా – అయం వుచ్చతి విఞ్ఞాణక్ఖన్ధో’’తి 31. అత్థేవ సుత్తన్తోతి? ఆమన్తా. తేన హి అతీతం అత్థి, అనాగతం అత్థీతి.
296. Na vattabbaṃ – ‘‘atītaṃ atthi, anāgataṃ atthī’’ti? Āmantā. Nanu vuttaṃ bhagavatā – ‘‘yaṃ kiñci, bhikkhave, rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati rūpakkhandho. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā – ayaṃ vuccati viññāṇakkhandho’’ti 32. Attheva suttantoti? Āmantā. Tena hi atītaṃ atthi, anāgataṃ atthīti.
అతీతం అత్థి, అనాగతం అత్థీతి? ఆమన్తా. నను వుత్తం భగవతా – ‘‘తయోమే, భిక్ఖవే, నిరుత్తిపథా అధివచనపథా పఞ్ఞత్తిపథా అసఙ్కిణ్ణా అసఙ్కిణ్ణపుబ్బా న సఙ్కియన్తి న సఙ్కియిస్సన్తి అప్పటికుట్ఠా సమణేహి బ్రాహ్మణేహి విఞ్ఞూహి. కతమే తయో? యం, భిక్ఖవే, రూపం అతీతం నిరుద్ధం విగతం విపరిణతం ‘అహోసీ’తి తస్స సఙ్ఖా, ‘అహోసీ’తి తస్స సమఞ్ఞా, ‘అహోసీ’తి తస్స పఞ్ఞత్తి; న తస్స సఙ్ఖా ‘అత్థీ’తి, న తస్స సఙ్ఖా ‘భవిస్సతీ’తి. యా వేదనా…పే॰… యా సఞ్ఞా… యే సఙ్ఖారా… యం విఞ్ఞాణం అతీతం నిరుద్ధం విగతం విపరిణతం ‘అహోసీ’తి తస్స సఙ్ఖా, ‘అహోసీ’తి తస్స సమఞ్ఞా, ‘అహోసీ’తి తస్స పఞ్ఞత్తి; న తస్స సఙ్ఖా ‘అత్థీ’తి, న తస్స సఙ్ఖా ‘భవిస్సతీ’తి.
Atītaṃ atthi, anāgataṃ atthīti? Āmantā. Nanu vuttaṃ bhagavatā – ‘‘tayome, bhikkhave, niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi. Katame tayo? Yaṃ, bhikkhave, rūpaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ atītaṃ niruddhaṃ vigataṃ vipariṇataṃ ‘ahosī’ti tassa saṅkhā, ‘ahosī’ti tassa samaññā, ‘ahosī’ti tassa paññatti; na tassa saṅkhā ‘atthī’ti, na tassa saṅkhā ‘bhavissatī’ti.
‘‘యం, భిక్ఖవే, రూపం అజాతం అపాతుభూతం ‘భవిస్సతీ’తి తస్స సఙ్ఖా, ‘భవిస్సతీ’తి తస్స సమఞ్ఞా, ‘భవిస్సతీ’తి తస్స పఞ్ఞత్తి; న తస్స సఙ్ఖా ‘అత్థీ’తి, న తస్స సఙ్ఖా ‘అహోసీ’తి. యా వేదనా…పే॰… యా సఞ్ఞా… యే సఙ్ఖారా… యం విఞ్ఞాణం అజాతం అపాతుభూతం ‘భవిస్సతీ’తి తస్స సఙ్ఖా, ‘భవిస్సతీ’తి తస్స సమఞ్ఞా, ‘భవిస్సతీ’తి తస్స పఞ్ఞత్తి; న తస్స సఙ్ఖా ‘అత్థీ’తి, న తస్స సఙ్ఖా ‘అహోసీ’తి.
‘‘Yaṃ, bhikkhave, rūpaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti. Yā vedanā…pe… yā saññā… ye saṅkhārā… yaṃ viññāṇaṃ ajātaṃ apātubhūtaṃ ‘bhavissatī’ti tassa saṅkhā, ‘bhavissatī’ti tassa samaññā, ‘bhavissatī’ti tassa paññatti; na tassa saṅkhā ‘atthī’ti, na tassa saṅkhā ‘ahosī’ti.
‘‘యం, భిక్ఖవే, రూపం జాతం పాతుభూతం ‘అత్థీ’తి తస్స సఙ్ఖా, ‘అత్థీ’తి తస్స సమఞ్ఞా, ‘అత్థీ’తి తస్స పఞ్ఞత్తి; న తస్స సఙ్ఖా ‘అహోసీ’తి, న తస్స సఙ్ఖా ‘భవిస్సతీ’తి. యా వేదనా…పే॰… యా సఞ్ఞా… యే సఙ్ఖారా… యం విఞ్ఞాణం జాతం పాతుభూతం ‘అత్థీ’తి తస్స సఙ్ఖా, ‘అత్థీ’తి తస్స సమఞ్ఞా, ‘అత్థీ’తి తస్స పఞ్ఞత్తి; న తస్స సఙ్ఖా ‘అహోసీ’తి, న తస్స సఙ్ఖా ‘భవిస్సతీ’తి. ఇమే ఖో, భిక్ఖవే, తయో నిరుత్తిపథా అధివచనపథా పఞ్ఞత్తిపథా అసఙ్కిణ్ణా అసఙ్కిణ్ణపుబ్బా న సఙ్కియన్తి న సఙ్కియిస్సన్తి అప్పటికుట్ఠా సమణేహి బ్రాహ్మణేహి విఞ్ఞూహి.
‘‘Yaṃ, bhikkhave, rūpaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Yā vedanā…pe… yā saññā… ye saṅkhārā… yaṃ viññāṇaṃ jātaṃ pātubhūtaṃ ‘atthī’ti tassa saṅkhā, ‘atthī’ti tassa samaññā, ‘atthī’ti tassa paññatti; na tassa saṅkhā ‘ahosī’ti, na tassa saṅkhā ‘bhavissatī’ti. Ime kho, bhikkhave, tayo niruttipathā adhivacanapathā paññattipathā asaṅkiṇṇā asaṅkiṇṇapubbā na saṅkiyanti na saṅkiyissanti appaṭikuṭṭhā samaṇehi brāhmaṇehi viññūhi.
‘‘యేపి తే, భిక్ఖవే, అహేసుం ఉక్కలా వస్సభఞ్ఞా అహేతుకవాదా అకిరియవాదా నత్థికవాదా, తేపిమే తయో నిరుత్తిపథే అధివచనపథే పఞ్ఞత్తిపథే న గరహితబ్బం న పటిక్కోసితబ్బం అమఞ్ఞింసు. తం కిస్స హేతు? నిన్దాబ్యారోసఉపారమ్భభయా’’తి 33. అత్థేవ సుత్తన్తోతి? ఆమన్తా. తేన హి న వత్తబ్బం – ‘‘అతీతం అత్థి, అనాగతం అత్థీ’’తి.
‘‘Yepi te, bhikkhave, ahesuṃ ukkalā vassabhaññā ahetukavādā akiriyavādā natthikavādā, tepime tayo niruttipathe adhivacanapathe paññattipathe na garahitabbaṃ na paṭikkositabbaṃ amaññiṃsu. Taṃ kissa hetu? Nindābyārosaupārambhabhayā’’ti 34. Attheva suttantoti? Āmantā. Tena hi na vattabbaṃ – ‘‘atītaṃ atthi, anāgataṃ atthī’’ti.
అతీతం అత్థీతి? ఆమన్తా. నను ఆయస్మా ఫగ్గునో భగవన్తం ఏతదవోచ – ‘‘అత్థి ను ఖో తం, భన్తే, చక్ఖుం యేన చక్ఖునా అతీతే బుద్ధే పరినిబ్బుతే ఛిన్నపపఞ్చే ఛిన్నవటుమే పరియాదిన్నవట్టే సబ్బదుక్ఖవీతివత్తే పఞ్ఞాపయమానో పఞ్ఞాపేయ్యాతి. అత్థి ను ఖో సా, భన్తే, జివ్హా…పే॰… అత్థి ను ఖో సో, భన్తే, మనో యేన మనేన అతీతే బుద్ధే పరినిబ్బుతే ఛిన్నపపఞ్చే ఛిన్నవటుమే పరియాదిన్నవట్టే సబ్బదుక్ఖవీతివత్తే పఞ్ఞాపయమానో పఞ్ఞాపేయ్యా’’తి.
Atītaṃ atthīti? Āmantā. Nanu āyasmā phagguno bhagavantaṃ etadavoca – ‘‘atthi nu kho taṃ, bhante, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyāti. Atthi nu kho sā, bhante, jivhā…pe… atthi nu kho so, bhante, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti.
‘‘నత్థి ఖో తం, ఫగ్గున, చక్ఖుం యేన చక్ఖునా అతీతే బుద్ధే పరినిబ్బుతే ఛిన్నపపఞ్చే ఛిన్నవటుమే పరియాదిన్నవట్టే సబ్బదుక్ఖవీతివత్తే పఞ్ఞాపయమానో పఞ్ఞాపేయ్య. నత్థి ఖో సా, ఫగ్గున, జివ్హా…పే॰… నత్థి ను ఖో సో, ఫగ్గున, మనో యేన మనేన అతీతే బుద్ధే పరినిబ్బుతే ఛిన్నపపఞ్చే ఛిన్నవటుమే పరియాదిన్నవట్టే సబ్బదుక్ఖవీతివత్తే పఞ్ఞాపయమానో పఞ్ఞాపేయ్యా’’తి 35. అత్థేవ సుత్తన్తోతి? ఆమన్తా. తేన హి న వత్తబ్బం – ‘‘అతీతం అత్థీ’’తి.
‘‘Natthi kho taṃ, phagguna, cakkhuṃ yena cakkhunā atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyya. Natthi kho sā, phagguna, jivhā…pe… natthi nu kho so, phagguna, mano yena manena atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte paññāpayamāno paññāpeyyā’’ti 36. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
అతీతం అత్థీతి? ఆమన్తా. నను ఆయస్మా నన్దకో ఏతదవోచ – ‘‘అహు పుబ్బే లోభో తదహు అకుసలం, సో ఏతరహి నత్థి, ఇచ్చేతం కుసలం. అహు పుబ్బే దోసో… అహు పుబ్బే మోహో, తదహు అకుసలం, సో ఏతరహి నత్థి, ఇచ్చేతం కుసల’’న్తి 37. అత్థేవ సుత్తన్తోతి? ఆమన్తా. తేన హి న వత్తబ్బం – ‘‘అతీతం అత్థీ’’తి.
Atītaṃ atthīti? Āmantā. Nanu āyasmā nandako etadavoca – ‘‘ahu pubbe lobho tadahu akusalaṃ, so etarahi natthi, iccetaṃ kusalaṃ. Ahu pubbe doso… ahu pubbe moho, tadahu akusalaṃ, so etarahi natthi, iccetaṃ kusala’’nti 38. Attheva suttantoti? Āmantā. Tena hi na vattabbaṃ – ‘‘atītaṃ atthī’’ti.
న వత్తబ్బం – ‘‘అనాగతం అత్థీ’’తి? ఆమన్తా. నను వుత్తం భగవతా – ‘‘కబళీకారే చే, భిక్ఖవే, ఆహారే అత్థి రాగో, అత్థి నన్దీ, అత్థి తణ్హా; పతిట్ఠితం తత్థ విఞ్ఞాణం విరూళ్హం. యత్థ పతిట్ఠితం విఞ్ఞాణం విరూళ్హం, అత్థి తత్థ నామరూపస్స అవక్కన్తి. యత్థ అత్థి నామరూపస్స అవక్కన్తి, అత్థి తత్థ సఙ్ఖారానం వుద్ధి. యత్థ అత్థి సఙ్ఖారానం వుద్ధి, అత్థి తత్థ ఆయతిం పునబ్భవాభినిబ్బత్తి. యత్థ అత్థి ఆయతిం పునబ్భవాభినిబ్బత్తి, అత్థి తత్థ ఆయతిం జాతిజరామరణం. యత్థ అత్థి ఆయతిం జాతిజరామరణం, ససోకం తం, భిక్ఖవే, సరజం 39 సఉపాయాసన్తి వదామి.
Na vattabbaṃ – ‘‘anāgataṃ atthī’’ti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre atthi rāgo, atthi nandī, atthi taṇhā; patiṭṭhitaṃ tattha viññāṇaṃ virūḷhaṃ. Yattha patiṭṭhitaṃ viññāṇaṃ virūḷhaṃ, atthi tattha nāmarūpassa avakkanti. Yattha atthi nāmarūpassa avakkanti, atthi tattha saṅkhārānaṃ vuddhi. Yattha atthi saṅkhārānaṃ vuddhi, atthi tattha āyatiṃ punabbhavābhinibbatti. Yattha atthi āyatiṃ punabbhavābhinibbatti, atthi tattha āyatiṃ jātijarāmaraṇaṃ. Yattha atthi āyatiṃ jātijarāmaraṇaṃ, sasokaṃ taṃ, bhikkhave, sarajaṃ 40 saupāyāsanti vadāmi.
‘‘ఫస్సే చే, భిక్ఖవే, ఆహారే… మనోసఞ్చేతనాయ చే, భిక్ఖవే, ఆహారే… విఞ్ఞాణే చే, భిక్ఖవే, ఆహారే అత్థి రాగో, అత్థి నన్దీ…పే॰… సరజం సఉపాయాసన్తి వదామీ’’తి 41. అత్థేవ సుత్తన్తోతి? ఆమన్తా . తేన హి అనాగతం అత్థీతి.
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre atthi rāgo, atthi nandī…pe… sarajaṃ saupāyāsanti vadāmī’’ti 42. Attheva suttantoti? Āmantā . Tena hi anāgataṃ atthīti.
అనాగతం అత్థీతి? ఆమన్తా. నను వుత్తం భగవతా – ‘‘కబళీకారే చే, భిక్ఖవే, ఆహారే నత్థి రాగో, నత్థి నన్దీ, నత్థి తణ్హా; అప్పతిట్ఠితం తత్థ విఞ్ఞాణం అవిరూళ్హం. యత్థ విఞ్ఞాణం అప్పతిట్ఠితం అవిరూళ్హం, నత్థి తత్థ నామరూపస్స అవక్కన్తి. యత్థ నత్థి నామరూపస్స అవక్కన్తి, నత్థి తత్థ సఙ్ఖారానం వుద్ధి. యత్థ నత్థి సఙ్ఖారానం వుద్ధి, నత్థి తత్థ ఆయతిం పునబ్భవాభినిబ్బత్తి. యత్థ నత్థి ఆయతిం పునబ్భవాభినిబ్బత్తి, నత్థి తత్థ ఆయతిం జాతిజరామరణం. యత్థ నత్థి ఆయతిం జాతిజరామరణం, అసోకం తం, భిక్ఖవే, అరజం అనుపాయాసన్తి వదామి.
Anāgataṃ atthīti? Āmantā. Nanu vuttaṃ bhagavatā – ‘‘kabaḷīkāre ce, bhikkhave, āhāre natthi rāgo, natthi nandī, natthi taṇhā; appatiṭṭhitaṃ tattha viññāṇaṃ avirūḷhaṃ. Yattha viññāṇaṃ appatiṭṭhitaṃ avirūḷhaṃ, natthi tattha nāmarūpassa avakkanti. Yattha natthi nāmarūpassa avakkanti, natthi tattha saṅkhārānaṃ vuddhi. Yattha natthi saṅkhārānaṃ vuddhi, natthi tattha āyatiṃ punabbhavābhinibbatti. Yattha natthi āyatiṃ punabbhavābhinibbatti, natthi tattha āyatiṃ jātijarāmaraṇaṃ. Yattha natthi āyatiṃ jātijarāmaraṇaṃ, asokaṃ taṃ, bhikkhave, arajaṃ anupāyāsanti vadāmi.
‘‘ఫస్సే చే, భిక్ఖవే, ఆహారే… మనోసఞ్చేతనాయ చే, భిక్ఖవే, ఆహారే… విఞ్ఞాణే చే, భిక్ఖవే, ఆహారే నత్థి రాగో, నత్థి నన్దీ…పే॰… అరజం అనుపాయాసన్తి వదామీ’’తి 43. అత్థేవ సుత్తన్తోతి? ఆమన్తా. తేన హి న వత్తబ్బం – ‘‘అనాగతం అత్థీ’’తి.
‘‘Phasse ce, bhikkhave, āhāre… manosañcetanāya ce, bhikkhave, āhāre… viññāṇe ce, bhikkhave, āhāre natthi rāgo, natthi nandī…pe… arajaṃ anupāyāsanti vadāmī’’ti 44. Attheva suttantoti? Āmantā. Tena hi na vattabbaṃ – ‘‘anāgataṃ atthī’’ti.
సబ్బమత్థీతికథా నిట్ఠితా.
Sabbamatthītikathā niṭṭhitā.
Footnotes:
Related texts:
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౫. సబ్బమత్థీతికథా • 5. Sabbamatthītikathā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౫. సబ్బమత్థీతికథా • 5. Sabbamatthītikathā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౫. సబ్బమత్థీతికథావణ్ణనా • 5. Sabbamatthītikathāvaṇṇanā
