| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
149. саб̣б̣анийлигаад̣̇ибадигкзбагат̇аа
149. Sabbanīlikādipaṭikkhepakathā
246. саб̣б̣аава нийлигаад̇и саб̣б̣аава убааханааяо нийлигаа, саб̣б̣адтаанзсу нийламзд̇аасанд̇и саб̣б̣анийлигаад̇иби гаад̇аб̣б̣о. д̇ад̇т̇а жаад̇и д̇зсу нийлигаад̣̇ийсу жа. уммаарабубпасса ван̣н̣о вияа ван̣н̣о зд̇иссаад̇и уммаарабубпаван̣н̣аа. звам̣ сзсзсуби. ад̣̇д̣̇ааридтагаван̣н̣аад̇и зд̇т̇а ад̣̇д̣̇од̇и алло. аридтод̇и пзн̣иларугко ваа гааго ваа, д̇асмаа ад̣̇д̣̇о алло аридто пзн̣иларугко, гааго ваад̇и ад̣̇д̣̇ааридто, д̇ад̣̇зва ад̣̇д̣̇ааридтаго, ад̣̇д̣̇ааридтагасса ван̣н̣о вияа ван̣н̣о зд̇иссаад̇и ад̣̇д̣̇ааридтагаван̣н̣аа . зд̇аасууд̇и саб̣б̣анийлигаад̣̇ийсу. бун̃чид̇ваад̇и баримаж̇ж̇ид̇ваа. аббамад̇д̇агзнаабийд̇и бисад̣̇д̣̇о самбхааванз. саб̣б̣анийлаад̣̇игз бхиннз гаа наама гат̇аад̇и ад̇т̇о.
246.Sabbāva nīlikāti sabbāva upāhanāyo nīlikā, sabbaṭṭhānesu nīlametāsanti sabbanīlikātipi kātabbo. Tattha cāti tesu nīlikādīsu ca. Ummārapupphassa vaṇṇo viya vaṇṇo etissāti ummārapupphavaṇṇā. Evaṃ sesesupi. Addāriṭṭhakavaṇṇāti ettha addoti allo. Ariṭṭhoti pheṇilarukkho vā kāko vā, tasmā addo allo ariṭṭho pheṇilarukkho, kāko vāti addāriṭṭho, tadeva addāriṭṭhako, addāriṭṭhakassa vaṇṇo viya vaṇṇo etissāti addāriṭṭhakavaṇṇā . Etāsūti sabbanīlikādīsu. Puñchitvāti parimajjitvā. Appamattakenāpīti pisaddo sambhāvane. Sabbanīlādike bhinne kā nāma kathāti attho.
‘‘яаасам̣ вад̣̇д̇хааязва нийлаа’’д̇и иминаа нийлагаа вад̣̇д̇хигаа зд̇аасанд̇и нийлагавад̣̇д̇хигаад̇и чадтийб̣аахирад̇т̇асамаасам̣ д̣̇ассзд̇и. вад̣̇д̇хигаад̇и жа над̣̇д̇хи. саа хи убааханад̇алад̇о вад̣̇д̇хаяад̇ийд̇и вад̣̇д̇хигаад̇и жа убааханад̇алам̣ б̣анд̇хад̇и имааяаад̇и вад̣̇д̇хигаад̇и жа вужжад̇и. саб̣б̣ад̇т̇аад̇и саб̣б̣зсу бийд̇агавад̣̇д̇хигаад̣̇ийсу. зд̇ааяобийд̇и нийлагавад̣̇д̇хигаад̣̇игаа убааханааяоби. д̇алзд̇и убааханааяа д̇алз. ‘‘каллагам̣ б̣анд̇хид̇ваа’’д̇и иминаа каллагзна б̣анд̇хид̇аб̣б̣аад̇и каллагаб̣ад̣̇д̇хаад̇и важанад̇т̇ам̣ д̣̇ассзд̇и. яонагаубааханаад̇и яонагаж̇аад̇ийнам̣ мануссаанам̣ убааханаа. балиг̇ун̣тзд̇ваад̇и барисаманд̇ад̇о взтзд̇ваа. ‘‘убари…бз… ж̇ан̇гха’’нд̇и иминаа будаб̣ад̣̇д̇хад̇о висзсам̣ д̣̇ассзд̇и. д̇уулабижунаад̇и д̇ууласан̇каад̇зна бижунаа. ‘‘д̇ид̇д̇ирабад̇д̇асад̣̇исаа’’д̇и иминаа д̇ид̇д̇ирасса бад̇д̇ам̣ вияа д̇ид̇д̇ирабад̇д̇игаад̇и важанад̇т̇ам̣ д̣̇ассзд̇и. д̇ид̇д̇ирод̇и жа зго сагун̣ависзсо. ган̣н̣игадтаанзд̇и д̣̇виннам̣ вад̣̇д̇хигаанам̣ згад̇о самааг̇амадтаанз. ‘‘мзн̣д̣а…бз… гад̇аа’’д̇и иминаа мзн̣д̣асса висаан̣зна сад̣̇исаа вад̣̇д̇хигаа зд̇аасанд̇и мзн̣д̣ависаан̣авад̣̇д̇хигаад̇и важанад̇т̇ам̣ д̣̇ассзд̇и. д̇ат̇зваад̇и яат̇аа мзн̣д̣ааж̇асин̇г̇асан̣таанз вад̣̇д̇хз яож̇зд̇ваа гад̇аа, д̇ат̇зваад̇и ад̇т̇о. ‘‘вижчигаа…бз… гад̇аа’’д̇и иминаа вижчигааяа ал̣о вижчигаал̣о, со вияа вад̣̇д̇хигаа зд̇аасанд̇и вижчигаал̣игаад̇и важанад̇т̇ам̣ д̣̇ассзд̇и. ал̣асад̣̇д̣̇о ‘‘ал̣ажчинно’’д̇иаад̣̇ийсу (махаава. 119) ан̇г̇удтаваажаго, ид̇ха бана нан̇г̇удтаваажаго, д̇асмаа вуд̇д̇ам̣ ‘‘нан̇г̇удтасан̣таанз’’д̇и. д̇алзсууд̇и убааханааяа д̇алзсу. ‘‘мора…бз… сиб̣б̣игаа’’д̇и иминаа морабин̃чзхи барисаманд̇ад̇о, баригкибид̇ваа ваа сиб̣б̣ид̇аа морабин̃чабарисиб̣б̣ид̇аад̇и важанад̇т̇ам̣ д̣̇ассзд̇и. жид̇раа убааханааяод̇и зд̇т̇а жид̇расад̣̇д̣̇о вижид̇рад̇т̇од̇и ааха ‘‘вижид̇раа’’д̇и. зд̇аасууд̇и каллагаб̣ад̣̇д̇хаад̣̇ийсу. вал̣ан̃ж̇зд̇аб̣б̣аад̇и барибхун̃ж̇ид̇аб̣б̣аа. вал̣аж̇и барибхог̇зд̇и д̇хаад̇убаато (сад̣̇д̣̇анийд̇ид̇хаад̇умаалааяам̣ 15 ж̇агааранд̇ад̇хаад̇у). д̇аалуж̇о д̇ад̇ияо. д̇зсу банаад̇и каллагаад̣̇ийсу бана. сад̇и санд̇зсууд̇и яож̇анаа. сийхажаммзна баригкибид̇аб̣б̣аад̇и сийхажаммабаригкад̇аад̇и важанад̇т̇ам̣ д̣̇ассзнд̇о ааха ‘‘барияанд̇зсуу’’д̇иаад̣̇и. багкиб̣ил̣аалод̇и д̇улияо. со хи багкаяуд̇д̇ад̇д̇аа жа б̣ил̣ааламукасад̣̇исамукад̇д̇аа жа багкиб̣ил̣аалод̇и вужжад̇и. иминаа лувагажаммабаригкад̇аад̇и зд̇т̇а лувагасад̣̇д̣̇о багкиб̣ил̣аалабарияааяод̇и д̣̇ассзд̇и. ‘‘улуугажаммабаригкад̇аа’’д̇иби баато. зд̇аасубийд̇и сийхажаммабаригкад̇аад̣̇ийсуби. яаа гаажи убааханааяод̇и самб̣анд̇хо.
‘‘Yāsaṃ vaddhāyeva nīlā’’ti iminā nīlakā vaddhikā etāsanti nīlakavaddhikāti chaṭṭhībāhiratthasamāsaṃ dasseti. Vaddhikāti ca naddhi. Sā hi upāhanatalato vaddhayatīti vaddhikāti ca upāhanatalaṃ bandhati imāyāti vaddhikāti ca vuccati. Sabbatthāti sabbesu pītakavaddhikādīsu. Etāyopīti nīlakavaddhikādikā upāhanāyopi. Taleti upāhanāya tale. ‘‘Khallakaṃ bandhitvā’’ti iminā khallakena bandhitabbāti khallakabaddhāti vacanatthaṃ dasseti. Yonakaupāhanāti yonakajātīnaṃ manussānaṃ upāhanā. Paliguṇṭhetvāti parisamantato veṭhetvā. ‘‘Upari…pe… jaṅgha’’nti iminā puṭabaddhato visesaṃ dasseti. Tūlapicunāti tūlasaṅkhātena picunā. ‘‘Tittirapattasadisā’’ti iminā tittirassa pattaṃ viya tittirapattikāti vacanatthaṃ dasseti. Tittiroti ca eko sakuṇaviseso. Kaṇṇikaṭṭhāneti dvinnaṃ vaddhikānaṃ ekato samāgamaṭṭhāne. ‘‘Meṇḍa…pe… katā’’ti iminā meṇḍassa visāṇena sadisā vaddhikā etāsanti meṇḍavisāṇavaddhikāti vacanatthaṃ dasseti. Tathevāti yathā meṇḍaajasiṅgasaṇṭhāne vaddhe yojetvā katā, tathevāti attho. ‘‘Vicchikā…pe… katā’’ti iminā vicchikāya aḷo vicchikāḷo, so viya vaddhikā etāsanti vicchikāḷikāti vacanatthaṃ dasseti. Aḷasaddo ‘‘aḷacchinno’’tiādīsu (mahāva. 119) aṅguṭṭhavācako, idha pana naṅguṭṭhavācako, tasmā vuttaṃ ‘‘naṅguṭṭhasaṇṭhāne’’ti. Talesūti upāhanāya talesu. ‘‘Mora…pe… sibbikā’’ti iminā morapiñchehi parisamantato, parikkhipitvā vā sibbitā morapiñchaparisibbitāti vacanatthaṃ dasseti. Citrā upāhanāyoti ettha citrasaddo vicitratthoti āha ‘‘vicitrā’’ti. Etāsūti khallakabaddhādīsu. Vaḷañjetabbāti paribhuñjitabbā. Vaḷaji paribhogeti dhātupāṭho (saddanītidhātumālāyaṃ 15 jakārantadhātu). Tālujo tatiyo. Tesu panāti khallakādīsu pana. Sati santesūti yojanā. Sīhacammena parikkhipitabbāti sīhacammaparikkhatāti vacanatthaṃ dassento āha ‘‘pariyantesū’’tiādi. Pakkhibiḷāloti tuliyo. So hi pakkhayuttattā ca biḷālamukhasadisamukhattā ca pakkhibiḷāloti vuccati. Iminā luvakacammaparikkhatāti ettha luvakasaddo pakkhibiḷālapariyāyoti dasseti. ‘‘Ulūkacammaparikkhatā’’tipi pāṭho. Etāsupīti sīhacammaparikkhatādīsupi. Yā kāci upāhanāyoti sambandho.
247. омугганд̇и зд̇т̇а авад̇яуубасаг̇г̇асса вияог̇ад̇т̇ам̣ д̣̇ассзнд̇о ааха ‘‘бадимун̃жид̇ваа абанийд̇а’’нд̇и. бураан̣ам̣ г̇ун̣ан̇г̇ун̣уубаахананд̇и ад̇т̇о.
247.Omukkanti ettha avatyūpasaggassa viyogatthaṃ dassento āha ‘‘paṭimuñcitvā apanīta’’nti. Purāṇaṃ guṇaṅguṇūpāhananti attho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
149. саб̣б̣анийлигаад̣̇ибадигкзбо • 149. Sabbanīlikādipaṭikkhepo
150. омуггаг̇ун̣ан̇г̇ун̣уубааханаануж̇аананаа • 150. Omukkaguṇaṅguṇūpāhanānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / саб̣б̣анийлигаад̣̇ибадигкзбагат̇аа • Sabbanīlikādipaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / саб̣б̣анийлигаад̣̇ибадигкзбагат̇ааван̣н̣анаа • Sabbanīlikādipaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саб̣б̣анийлигаад̣̇ибадигкзбагат̇ааван̣н̣анаа • Sabbanīlikādipaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̣̇иг̇ун̣аад̣̇иубааханабадигкзбагат̇ааван̣н̣анаа • Diguṇādiupāhanapaṭikkhepakathāvaṇṇanā
