2. саб̣б̣аасавасуд̇д̇аван̣н̣анаа

14. абуб̣б̣абад̣̇аван̣н̣анаад̇и ад̇т̇асам̣ван̣н̣анаавасзна хздтаа аг̇г̇ахид̇ад̇ааяа абуб̣б̣асса абхинавасса бад̣̇асса ван̣н̣анаа ад̇т̇авибхаж̇анаа. ‘‘хид̇ваа бунаббунааг̇ад̇амад̇т̇а’’нд̇и хи вуд̇д̇ам̣. ниваасадтаанабхууд̇аа бхууд̇абуб̣б̣аниваасадтаанабхууд̇аа, ниваасадтаанз ваа бхууд̇аа ниб̣б̣ад̇д̇аа ниваасадтаанабхууд̇аа, д̇ад̇т̇а маабид̇аад̇и ад̇т̇о. яат̇аа гааганд̣̇ий мааганд̣̇ий госамб̣ийд̇и яат̇аа гааганд̣̇асса исино ниваасадтаанз маабид̇аа наг̇арий гааганд̣̇ий, мааганд̣̇асса ниваасадтаанз маабид̇аа мааганд̣̇ий, гусамб̣ассаниваасадтаанз маабид̇аа госамб̣ийд̇и вужжад̇и, звам̣ саавад̇т̇ийд̇и д̣̇ассзд̇и. убанзд̇ваа самийбз гад̇ваа бхун̃ж̇ид̇аб̣б̣ад̇о убабхог̇о, савин̃н̃аан̣агавад̇т̇у. барид̇о саб̣б̣ад̣̇аа бхун̃ж̇ид̇аб̣б̣ад̇о барибхог̇о, ниваасанабаарубанаад̣̇и авин̃н̃аан̣агавад̇т̇у. саб̣б̣амзд̇т̇а ад̇т̇ийд̇и нируд̇д̇инаязна саавад̇т̇ий-сад̣̇д̣̇асид̣̇д̇химааха. сад̇т̇асамааяог̇зд̇и сад̇т̇асса наг̇арияаа самааг̇амз, сад̇т̇з д̇ам̣ наг̇арам̣ убаг̇ад̇зд̇и ад̇т̇о. бужчид̇з сад̇т̇игаж̇анзхи.

самохид̇анд̇и саннижид̇ам̣. рамманд̇и анд̇о б̣ахи жа бхуумибхааг̇асамбад̇д̇ияаа жзва аараамуяяаанасамбад̇д̇ияаа жа раман̣ийяам̣. д̣̇ассанзяяанд̇и висикаасаннивзсасамбад̇д̇ияаа жзва баасаад̣̇агуудааг̇аараад̣̇исамбад̇д̇ияаа жа д̣̇ассанийяам̣ бассид̇аб̣б̣аяуд̇д̇ам̣. убабхог̇абарибхог̇авад̇т̇усамбад̇д̇ияаа жзва ниваасасукад̇ааяа жа ниб̣ад̣̇д̇хаваасам̣ васанд̇аанам̣ ид̇арзсан̃жа сад̇д̇аанам̣ манам̣ рамзд̇ийд̇и манорамам̣. д̣̇асахи сад̣̇д̣̇зхийд̇и хад̇т̇исад̣̇д̣̇о, асса-рат̇а-бхзри-сан̇ка-муд̣̇ин̇г̇а-вийн̣аа-г̇ийд̇а саммад̇аал̣асад̣̇д̣̇о, аснаат̇а-биват̇а-каад̣̇ат̇аад̇и-сад̣̇д̣̇од̇и имзхи д̣̇асахи сад̣̇д̣̇зхи. авивид̇д̇анд̇и на вивид̇д̇ам̣, саб̣б̣агаалам̣ гхосид̇анд̇и ад̇т̇о.

вуд̣̇д̇хим̣ взбуллад̇ам̣ бад̇д̇анд̇и д̇анниваасий сад̇д̇авуд̣̇д̇хияаа вуд̣̇д̇хим̣, д̇ааяа баривуд̣̇д̇хид̇ааязва вибулабхаавам̣ бад̇д̇ам̣, б̣ахуж̇анам̣ аагин̣н̣амануссанд̇и ад̇т̇о. вид̇д̇уубагаран̣асамид̣̇д̇хияаа ид̣̇д̇хам̣. саб̣б̣агаалам̣ субхигкабхаавзна пийд̇ам̣. анд̇амасо вигхаасаад̣̇з убаад̣̇ааяа саб̣б̣зсам̣ габан̣ад̣̇д̇хигаваниб̣б̣агаяаажагаанамби ижчи д̇ад̇т̇анибпад̇д̇ияаа манун̃н̃ам̣ ж̇аад̇ам̣, баг̇зва иссарияз тид̇аананд̇и д̣̇ассанад̇т̇ам̣ буна ‘‘манорама’’нд̇и вуд̇д̇ам̣. ал̣агаманд̣̇ааваад̇и аадаанаадаад̣̇ийсу д̣̇асасу взссаван̣амахаарааж̇асса наг̇арийсу ал̣агаманд̣̇аа наама згаа наг̇арий, яаа логз ал̣аагаа зва вужжад̇и . саа яат̇аа бун̃н̃агаммийнам̣ ааваасабхууд̇аа аараамарааман̣зяяагаад̣̇инаа собхаг̇г̇аббад̇д̇аа, звам̣ саавад̇т̇ийбийд̇и вуд̇д̇ам̣ ‘‘ал̣агаманд̣̇ааваа’’д̇и. д̣̇зваананд̇и взссаван̣абагкияаанам̣ жаад̇умахаарааж̇игад̣̇зваанам̣.

ж̇инаад̇ийд̇и иминаа сод̇а-сад̣̇д̣̇о вияа гад̇д̇усаад̇хано ж̇зд̇а-сад̣̇д̣̇од̇и д̣̇ассзд̇и. ран̃н̃аад̇и басзнад̣̇игосаларааж̇зна. рааж̇аг̇ад̇ам̣ ж̇аяам̣ ааробзд̇ваа гумааро ж̇ид̇аваад̇и ж̇зд̇од̇и вуд̇д̇о. ман̇г̇алагаб̣яад̇ааяаад̇иаад̣̇инаа ‘‘ж̇зяяо’’д̇и зд̇асмим̣ ад̇т̇з ‘‘ж̇зд̇о’’д̇и вуд̇д̇анд̇и д̣̇ассзд̇и. саб̣б̣агаамасамид̣̇д̇хид̇ааяаад̇и саб̣б̣зхи убабхог̇абарибхог̇авад̇т̇уухи пийд̇абхаавзна вибхавасамбаннад̇ааяаад̇и ад̇т̇о. самид̣̇д̇хааби мажчарино гин̃жи на д̣̇знд̇ийд̇и ааха ‘‘виг̇ад̇амаламажчзрад̇ааяаа’’д̇и, рааг̇ад̣̇осаад̣̇ималаанан̃жзва мажчарияасса жа абхаавзнаад̇и ад̇т̇о. самид̣̇д̇хаа амажчариноби жа гарун̣аасад̣̇д̇хаад̣̇иг̇ун̣авирахид̇аа ад̇д̇ано санд̇агам̣ барзсам̣ на д̣̇ад̣̇зяяунд̇и ааха ‘‘гарун̣аад̣̇иг̇ун̣асаман̇г̇ид̇ааяа жаа’’д̇и. д̇знаад̇и анаат̇аанам̣ бин̣д̣ад̣̇аанзна. сад̣̇д̣̇ад̇т̇ад̇о бана д̣̇аад̇аб̣б̣абхаавзна саб̣б̣агаалам̣ убадтабид̇о анаат̇аанам̣ бин̣д̣о зд̇асса ад̇т̇ийд̇и анаат̇абин̣д̣иго. бан̃жавид̇хасзнаасанан̇г̇асамбад̇д̇ияаад̇и ‘‘наад̇ид̣̇уурам̣ нажжаасаннам̣ г̇аманааг̇аманасамбанна’’нд̇и згам̣ ан̇г̇ам̣, ‘‘д̣̇иваа аббаагин̣н̣ам̣ рад̇д̇им̣ аббасад̣̇д̣̇ам̣ аббаниг̇гхоса’’нд̇и згам̣, ‘‘аббад̣ам̣самагасаваад̇аад̇абасарийсабасампасса’’нд̇и згам̣, ‘‘д̇асмим̣ ко бана сзнаасанз вихаранд̇асса аббагасирзна уббаж̇ж̇анд̇и жийвара…бз… баригкаараа’’д̇и згам̣, ‘‘д̇асмим̣ ко бана сзнаасанз т̇зраа бхигкуу вихаранд̇и б̣ахуссуд̇аа’’д̇и згам̣, звамзд̇зхи бан̃жавид̇хасзнаасанан̇г̇зхи самбаннад̇ааяа. яад̣̇и ж̇зд̇аванам̣ д̇ат̇ам̣ анаат̇абин̣д̣игасса аараамод̇и ааха ‘‘со хий’’д̇иаад̣̇и.

гийд̇агаалад̇о бадтааяа анаат̇абин̣д̣игассзва д̇ам̣ ванам̣, ат̇а гасмаа убхиннам̣ баригид̇д̇ананд̇и ааха ‘‘ж̇зд̇аванз’’д̇иаад̣̇и. ‘‘яад̣̇иби со бхуумибхааг̇о годисант̇арзна махаасздтинаа гийд̇о, ругкаа бана ж̇зд̇зна на виггийд̇аад̇и ж̇зд̇авананд̇и вад̇д̇аб̣б̣ад̇ам̣ лабхий’’д̇и вад̣̇анд̇и.

гасмаа ид̣̇ам̣ суд̇д̇амабхаасийд̇и гат̇зд̇угамяад̇ааяа суд̇д̇анигкзбам̣ бужчад̇и. сааман̃н̃ад̇о хи бхаг̇авад̇о д̣̇зсанаагааран̣ам̣ баагадамзваад̇и. го банааяам̣ суд̇д̇анигкзбод̇и? ад̇д̇аж̇жхаасаяо. барзхи анаж̇жхидто зва хи бхаг̇аваа ад̇д̇ано аж̇жхаасаязна имам̣ суд̇д̇ам̣ д̣̇зсзд̇ийд̇и аажарияаа. яасмаа банзса бхигкуунам̣ убаггилидтажид̇д̇ад̇ам̣ вид̣̇ид̇ваа ‘‘имз бхигкуу имааяа д̣̇зсанааяа убаггилзсависод̇ханам̣ гад̇ваа аасавагкаяааяа бадибаж̇ж̇иссанд̇ий’’д̇и аяам̣ д̣̇зсанаа аарад̣̇д̇хаа, д̇асмаа бараж̇жхаасаяод̇и абарз. убхаяамби бана яуд̇д̇ам̣. ад̇д̇аж̇жхаасаяаад̣̇ийнан̃хи сам̣саг̇г̇абхзд̣̇асса самбхаво хздтаа д̣̇ассид̇оваад̇и. д̇зсам̣ бхигкуунанд̇и д̇ад̣̇аа д̇хаммабадиг̇г̇аахад̇абхигкуунам̣. убаггилзсависод̇хананд̇и самат̇авибассанубаггилзсад̇о жид̇д̇асса висод̇ханам̣. батаман̃хи бхаг̇аваа анубуб̣б̣игат̇аад̣̇инаа бадибад̇д̇ияаа сам̣гилзсам̣ нийхарид̇ваа бажчаа саамуггам̣сигам̣ д̣̇зсанам̣ д̣̇зсзд̇и кзд̇д̇з каан̣уган̣дагаг̇умб̣аад̣̇игз авахарид̇ваа гасанам̣ вияа, д̇асмаа гаммадтаанамзва авад̇ваа имааяа анубуб̣б̣ияаа д̣̇зсанаа бавад̇д̇аад̇и ад̇хиббааяо.

сам̣варабхууд̇анд̇и сийласам̣вараад̣̇исам̣варабхууд̇ам̣ сам̣варан̣асабхаавам̣ гааран̣ам̣, д̇ам̣ бана ад̇т̇ад̇о д̣̇ассанаад̣̇и зваад̇и взд̣̇ид̇аб̣б̣ам̣. сам̣варид̇аад̇и бавад̇д̇ид̇ум̣ аббад̣̇аанавасзна саммаа, саб̣б̣ат̇аа ваа ваарид̇аа. звам̣бхууд̇аа жа яасмаа бавад̇д̇ид̣̇ваарабид̇хаанзна бихид̇аа наама хонд̇и, д̇асмаа вуд̇д̇ам̣ ‘‘вид̣̇ахид̇аа худ̇ваа’’д̇и. звам̣ ажжанд̇игасса сам̣варасса гааран̣абхууд̇ам̣ анажжанд̇игам̣ сам̣варам̣ д̣̇ассзд̇ваа ид̣̇аани ажжанд̇игамзва сам̣варам̣ д̣̇ассзнд̇о яасмим̣ д̣̇ассанаад̣̇имхи сад̇и уббаж̇ж̇анаарахаа аасаваа на уббаж̇ж̇анд̇и, со д̇зсам̣ ануббаад̣̇о нирод̇хо каяо бахаананд̇и жа вужжамаано ад̇т̇ад̇о аббавад̇д̇имад̇д̇анд̇и д̇асса жа д̣̇ассанаад̣̇и гааран̣анд̇и ааха ‘‘язна гааран̣зна ануббаад̣̇анирод̇хасан̇каад̇ам̣ каяам̣ г̇ажчанд̇и бахийяанд̇и наббавад̇д̇анд̇и, д̇ам̣ гааран̣анд̇и ад̇т̇о’’д̇и.

жагкуд̇оби…бз… манад̇обийд̇и (д̇ха. са. мууладий. 14-19) жагкувин̃н̃аан̣аад̣̇ивийт̇ийсу д̇ад̣̇ануг̇ад̇амановин̃н̃аан̣авийт̇ийсу жа гин̃жааби гусалаад̣̇ийнамби бавад̇д̇и ад̇т̇и, гаамаасаваад̣̇аяо зва бана ван̣ад̇о яуусам̣ вияа баг̇гхаран̣агаасужибхаавзна санд̣̇анд̇и, д̇асмаа д̇з зва ‘‘аасаваа’’д̇и вужжанд̇и. д̇ад̇т̇а хи баг̇гхаран̣аасужимхи нирул̣хо аасава-сад̣̇д̣̇од̇и. д̇хаммад̇о яаава г̇од̇рабхунд̇и д̇ад̇о барам̣ маг̇г̇апалзсу аббавад̇д̇анад̇о вуд̇д̇ам̣. зд̇з хи аарамман̣авасзна д̇хаммз г̇ажчанд̇аа д̇ад̇о барам̣ на г̇ажчанд̇и. нану д̇ад̇о барам̣ бхаван̇г̇аад̣̇ийниби г̇ажчанд̇ийд̇и жз? на, д̇зсамби буб̣б̣з ааламб̣ид̇зсу логияад̇хаммзсу саасавабхаавзна анд̇ог̇ад̇хад̇д̇аа д̇ад̇о барад̇аабхаавад̇о. зд̇т̇а жа г̇од̇рабхуважанзна г̇од̇рабхувод̣̇аанапаласамаабад̇д̇ибурзжааригабаригаммаани вуд̇д̇аанийд̇и взд̣̇ид̇аб̣б̣аани. батамамаг̇г̇абурзжааригамзва ваа г̇од̇рабху авад̇хинид̣̇ассанабхаавзна г̇ахид̇ам̣, д̇ад̇о барам̣ бана маг̇г̇апаласамаанад̇ааяа ан̃н̃зсу маг̇г̇зсу маг̇г̇авийт̇ияам̣ самаабад̇д̇ивийт̇ияам̣ нирод̇хаананд̇аран̃жа бавад̇д̇амаанзсу палзсу ниб̣б̣аанз жа аасаваанам̣ бавад̇д̇и ниваарид̇аад̇и взд̣̇ид̇аб̣б̣ам̣. саванд̇ийд̇и г̇ажчанд̇и, аарамман̣агаран̣авасзна бавад̇д̇анд̇ийд̇и ад̇т̇о. авад̇хиад̇т̇о аа-гааро, авад̇хи жа марияаад̣̇аабхивид̇хибхзд̣̇ад̇о д̣̇увид̇хо. д̇ад̇т̇а марияаад̣̇ам̣ гирияам̣ б̣ахи гад̇ваа бавад̇д̇ад̇и яат̇аа ‘‘аабаадалибуд̇д̇аа вудто д̣̇зво’’д̇и. абхивид̇хи бана гирияам̣ б̣яаабзд̇ваа бавад̇д̇ад̇и яат̇аа ‘‘аабхаваг̇г̇аа бхаг̇авад̇о яасо бавад̇д̇ад̇ий’’д̇и. абхивид̇хиад̇т̇о жааяам̣ аа-гааро ид̇ха г̇ахид̇од̇и вуд̇д̇ам̣ ‘‘анд̇огаран̣ад̇т̇о’’д̇и.

мад̣̇ираад̣̇аяод̇и аад̣̇и-сад̣̇д̣̇зна синд̇хавагаад̣̇амб̣аригаабод̇игаад̣̇ийнам̣ сан̇г̇ахо д̣̇адтаб̣б̣о. жирабаариваасияадто вирабаривуд̇т̇ад̇аа бураан̣абхааво. авиж̇ж̇аа наахосийд̇иаад̣̇ийд̇и зд̇т̇а аад̣̇и-сад̣̇д̣̇зна ‘‘буримаа, бхигкавз, годи на бан̃н̃ааяад̇и бхавад̇ан̣хааяаа’’д̇и (а. ни. 10.62) ид̣̇ам̣ суд̇д̇ам̣ сан̇г̇ахид̇ам̣. авиж̇ж̇аасавабхаваасаваанам̣ жирабаривуд̇т̇ад̇ааяа д̣̇ассид̇ааяа д̇аб̣бхаавабхаавино гаамаасавасса жирабаривуд̇т̇ад̇аа д̣̇ассид̇аава ход̇и. ан̃н̃зсу жа яат̇аавуд̇д̇з д̇хаммз огаасан̃жа аарамман̣ам̣ гад̇ваа бавад̇д̇амаанзсу маанаад̣̇ийсу виж̇ж̇амаанзсу ад̇д̇ад̇д̇анияаад̣̇иг̇г̇аахавасзна абхиб̣яаабанам̣ мад̣̇агаран̣авасзна аасавасад̣̇исад̇аа жа зд̇зсам̣язва, на ан̃н̃зсанд̇и зд̇зсвзва аасава-сад̣̇д̣̇о нирул̣ход̇и д̣̇адтаб̣б̣о. на жзд̇т̇а д̣̇идтаасаво нааг̇ад̇од̇и г̇ахзд̇аб̣б̣ам̣ бхавад̇ан̣хааяа вияа бхавад̣̇идтияааби бхаваасаваг̇г̇ахан̣знзва г̇ахид̇ад̇д̇аа. ааяад̇ам̣ анаад̣̇игаалигад̇д̇аа. басаванд̇ийд̇и паланд̇и. на хи д̇ам̣ гин̃жи сам̣саарад̣̇угкам̣ ад̇т̇и, яам̣ аасавзхи винаа уббаж̇ж̇зяяа. буримаани жзд̇т̇аад̇и зд̇т̇а зд̇зсу жад̇уусу ад̇т̇авид̇аббзсу буримаани д̇ийн̣и. яад̇т̇аад̇и язсу суд̇д̇аабхид̇хаммабад̣̇зсзсу. д̇ад̇т̇а яуж̇ж̇анд̇и гилзсзсуязва яат̇аавуд̇д̇асса ад̇т̇ад̇д̇аяасса самбхавад̇о. бажчимам̣ ‘‘ааяад̇ам̣ ваа сам̣саарад̣̇угкам̣ саванд̇ий’’д̇и вуд̇д̇аниб̣б̣ажанам̣. гаммзби яуж̇ж̇ад̇и д̣̇угкаббасаванасса гилзсагаммасаад̇хааран̣ад̇д̇аа.

д̣̇идтад̇хаммаа вужжанд̇и бажжагкабхууд̇аа канд̇хаа, д̣̇идтад̇хаммз бхаваа д̣̇идтад̇хаммигаа. виваад̣̇амуулабхууд̇аад̇и виваад̣̇асса муулагааран̣абхууд̇аа год̇хуубанааха-магка-бал̣ааса-иссаа-мажчарияа-мааяаа-саатзяяа-т̇амбха-саарамбха-маанаад̇имаанаа.

язна д̣̇звуубабад̇яассаад̇и язна гаммагилзсаббагаарзна аасавзна д̣̇звзсу убабад̇д̇и ниб̣б̣ад̇д̇и асса маяханд̇и самб̣анд̇хо. г̇анд̇хаб̣б̣о ваа вихан̇г̇амо аагаасажаарий ассанд̇и вибхад̇д̇им̣ барин̣аамзд̇ваа яож̇зд̇аб̣б̣ам̣. зд̇т̇а жа яагкаг̇анд̇хаб̣б̣ад̇ааяа винимуд̇д̇аа саб̣б̣аа д̣̇зваг̇ад̇и д̣̇зваг̇г̇ахан̣зна г̇ахид̇аа. авасзсаа жа агусалаа д̇хаммаад̇и агусалагаммад̇о авасзсаа агусалаа д̇хаммаа аасаваад̇и ааг̇ад̇аад̇и самб̣анд̇хо.

бадигхаад̇ааяаад̇и бадисзд̇ханааяа. баруубаваа…бз… убад̣̇д̣̇аваад̇и ид̣̇ам̣ яад̣̇и бхаг̇аваа сигкаабад̣̇ам̣ на бан̃н̃абзяяа, д̇ад̇о асад̣̇д̇хаммаббадисзванаад̣̇иннаад̣̇аанабаан̣аад̇ибаад̇аад̣̇ихзд̇у яз уббаж̇ж̇зяяум̣ баруубаваад̣̇аад̣̇аяо д̣̇идтад̇хаммигаа наанаббагаараа анад̇т̇аа, яз жа д̇аннимид̇д̇аа зва нираяаад̣̇ийсу ниб̣б̣ад̇д̇асса бан̃жавид̇хаб̣анд̇ханагаммагааран̣аад̣̇ивасзна махаад̣̇угкаанубхаваад̣̇иббагаараа анад̇т̇аа, д̇з санд̇хааяа вуд̇д̇ам̣. д̇з банзд̇зд̇и зд̇з гаамарааг̇аад̣̇игилзса-д̇збхуумагагаммабаруубаваад̣̇аад̣̇иубад̣̇д̣̇аваббагаараа аасаваа. яад̇т̇аад̇и яасмим̣ винаяаад̣̇ибаал̣ибад̣̇зсз. яат̇аад̇и язна д̣̇увид̇хаад̣̇иббагаарзна ан̃н̃зсу жа суд̇д̇анд̇зсу ааг̇ад̇аад̇и самб̣анд̇хо.

нираяам̣ г̇амзнд̇ийд̇и нираяаг̇ааминияаа. чагганибаад̇з аахунзяяасуд̇д̇з. д̇ад̇т̇а хи аасаваа чад̇хаа ааг̇ад̇аа аасава-сад̣̇д̣̇аабхид̇хзяяасса ад̇т̇асса бабхзд̣̇обажаарзна аасава-бад̣̇з бабхзд̣̇од̇и вуд̇д̇о, годтаасад̇т̇о ваа бад̣̇а-сад̣̇д̣̇од̇и аасавабад̣̇зд̇и аасаваббагаарз сад̣̇д̣̇агодтаасз ад̇т̇агодтаасз ваад̇и ад̇т̇о.

д̇ат̇аа хийд̇и д̇асмаа сам̣варан̣ам̣ бид̣̇аханам̣ бавад̇д̇ид̇ум̣ аббад̣̇аанам̣, д̇знзва гааран̣знаад̇и ад̇т̇о. сийлаад̣̇исам̣варз ад̇хиббзд̇з бавад̇д̇ид̇ум̣ аббад̣̇аанавасзна т̇аганабхаавасааман̃н̃ад̇о д̣̇ваарам̣ сам̣варид̇ваад̇и г̇зхад̣̇ваарасам̣варан̣амби уд̣̇аахадам̣. сийласам̣варод̇иаад̣̇и хздтаа муулабарияааяаван̣н̣анааяа вуд̇д̇амби имасса суд̇д̇асса ад̇т̇аван̣н̣анам̣ барибун̣н̣ам̣ гад̇ваа вад̇д̇угаамо буна вад̣̇ад̇и. яуд̇д̇ам̣ д̇аава сийласад̇ин̃аан̣аанам̣ сам̣варад̇т̇о баал̣ияам̣ д̇ат̇аа ааг̇ад̇ад̇д̇аа, канд̇ивийрияаанам̣ бана гат̇анд̇и ааха ‘‘д̇зсан̃жаа’’д̇иаад̣̇и. д̇ассад̇т̇о – яад̣̇иби ‘‘камо ход̇и…бз… сийд̇асса уббаннам̣ гаамавид̇аггам̣ наад̇хиваасзд̇ий’’д̇иаад̣̇инид̣̇д̣̇зсз канд̇ивийрияаанам̣ сам̣варабарияааяо нааг̇ад̇о, уд̣̇д̣̇зсз бана саб̣б̣аасавасам̣варабарияааяанд̇и сам̣варабарияааязна г̇ахид̇ад̇д̇аа ад̇т̇зва д̇зсам̣ сам̣варабхаавод̇и.

буб̣б̣з сийласад̇ин̃аан̣аанам̣ баатанд̇арзна сам̣варабхааво д̣̇ассид̇од̇и ид̣̇аани д̇ам̣ иминааби суд̇д̇зна г̇ахид̇абхаавам̣ д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. канд̇ивийрияасам̣вараа вуд̇д̇ааязва ‘‘камо ход̇и сийд̇ассаа’’д̇иаад̣̇инаа (ма. ни. 1.14) баал̣ияаа д̣̇ассанавасзна. ‘‘д̇ан̃жа анаасанам̣, д̇ан̃жа аг̇ожара’’нд̇и аяам̣ банзд̇т̇а сийласам̣варод̇и д̇ан̃жа ‘‘яат̇ааруубз’’д̇иаад̣̇инаа вуд̇д̇ам̣ аяуд̇д̇ам̣ анияад̇авад̇т̇угам̣ рахо бадижчаннаасанам̣, д̇ан̃жа яат̇аавуд̇д̇ам̣ аяуд̇д̇ам̣ взсияаад̣̇иг̇ожарам̣, ‘‘бадисан̇кааяонисо бариваж̇ж̇зд̇ий’’д̇и ааг̇ад̇ам̣ яам̣ бариваж̇ж̇анам̣, аяам̣ бана зд̇т̇а зд̇асмим̣ суд̇д̇з ааг̇ад̇о сийласам̣варод̇и ад̇т̇о. анаасанабариваж̇ж̇анзна хи анаажаарабариваж̇ж̇анам̣ вуд̇д̇ам̣, анаажаарааг̇ожарабариваж̇ж̇анам̣ жаарид̇д̇асийлад̇ааяасийласам̣варо. д̇ат̇аа хи бхаг̇авад̇аа ‘‘баад̇имогкасам̣варасам̣вуд̇о вихарад̇ий’’д̇и (вибха. 508) сийласам̣варавибхаж̇анз аажаараг̇ожарасамбад̇д̇им̣ д̣̇ассзнд̇зна ‘‘ад̇т̇и анаажааро, ад̇т̇и аг̇ожаро’’д̇иаад̣̇инаа (вибха. 513, 514) анаажаарааг̇ожараа вибхаж̇ид̇ваа д̣̇ассид̇аа. ид̣̇ан̃жа згад̣̇зсзна самуд̣̇ааяанид̣̇ассанам̣ д̣̇адтаб̣б̣ам̣ самуд̣̇д̣̇абаб̣б̣ад̇анид̣̇ассанам̣ вияа.

саб̣б̣ад̇т̇а бадисан̇каа н̃аан̣асам̣варод̇и зд̇т̇а ‘‘яонисоманасигааро, бадисан̇каа н̃аан̣асам̣варо’’д̇и вад̇д̇аб̣б̣ам̣ . на хи д̣̇ассанабахаад̇аб̣б̣анид̣̇д̣̇зсз бадисан̇кааг̇ахан̣ам̣ ад̇т̇и, ‘‘яонисо манаси гарод̇ий’’д̇и бана вуд̇д̇ам̣. яонисоманасигаран̣амби ад̇т̇ад̇о бадисан̇каа н̃аан̣асам̣варамзваад̇и звам̣ бана ад̇т̇з г̇аяхамаанз яуд̇д̇амзд̇ам̣ сияаа. гзжи бана ‘‘яад̇т̇а яад̇т̇а ‘ид̇ха бадисан̇каа яонисо’д̇и ааг̇ад̇ам̣ , д̇ам̣ саб̣б̣ам̣ санд̇хааяа ‘саб̣б̣ад̇т̇а бадисан̇каа н̃аан̣асам̣варо’д̇и вуд̇д̇а’’нд̇и вад̣̇анд̇и. д̇зсам̣ мад̇зна ‘‘ид̣̇ам̣ д̣̇угканд̇и яонисо манаси гарод̇ий’’д̇иаад̣̇игасса н̃аан̣асам̣варзна жа асан̇г̇ахо сияаа, ‘‘д̣̇ассанам̣ бадисзванаа бхааванаа жа н̃аан̣асам̣варо’’д̇и жа важанам̣ вируж̇жхзяяа, д̇асмаа вуд̇д̇анаязнзвзд̇т̇а ад̇т̇о взд̣̇ид̇аб̣б̣о. ‘‘саб̣б̣ад̇т̇а бадисан̇каа н̃аан̣асам̣варо’’д̇и иминаа сад̇д̇асуби таанзсу яам̣ н̃аан̣ам̣, со н̃аан̣асам̣варод̇и бариваж̇ж̇анаад̣̇ивасзна вуд̇д̇аа сийлаад̣̇аяо сийласам̣вараад̣̇аяод̇и аяамад̇т̇о д̣̇ассид̇о. звам̣ сад̇и сам̣вараанам̣ сан̇гаро вияа ход̇ийд̇и д̇з асан̇гарад̇о д̣̇ассзд̇ум̣ ‘‘аг̇г̇ахид̇аг̇г̇ахан̣знаа’’д̇и вуд̇д̇ам̣ бариваж̇ж̇анависзсасам̣вараад̇хиваасанавинод̣̇анаанам̣ сийласам̣вараад̣̇ибхаавзна г̇ахид̇ад̇д̇аа, д̇ат̇аа аг̇г̇ахид̇аанам̣ г̇ахан̣знаад̇и ад̇т̇о. д̇з бана аг̇г̇ахид̇з саруубад̇о д̣̇ассзнд̇о ‘‘д̣̇ассанам̣ бадисзванаа бхааванаа’’д̇и ааха.

зд̇зна сийласам̣вараад̣̇инаа гаран̣абхууд̇зна, гааран̣абхууд̇зна ваа. д̇хаммаад̇и гусалаагусалад̇хаммаа. сийласам̣вараад̣̇инаа хи сахаж̇аад̇агодияаа, убаниссаяагодияаа ваа бажжаяабхууд̇зна ануббаннаа гусалаа д̇хаммаа уббад̇д̇им̣ г̇ажчанд̇и уббаж̇ж̇анд̇и, д̇ат̇аа анируд̣̇д̇хаа агусалаа д̇хаммаа нирод̇хам̣ г̇ажчанд̇и нируж̇жханд̇ийд̇и ад̇т̇о. баал̣ияам̣ бана ‘‘ануббаннаа жзва аасаваа на уббаж̇ж̇анд̇и, уббаннаа жа аасаваа бахийяанд̇ий’’д̇и агусалад̇хаммаанам̣ ануббаад̣̇абахаанаани зва вуд̇д̇аани, на гусалад̇хаммаанам̣ уббаад̣̇аад̣̇аяод̇и? наяид̣̇амзвам̣ д̣̇адтаб̣б̣ам̣, ‘‘яонисо жа ко, бхигкавз, манасигарод̇о’’д̇иаад̣̇инаа гусалад̇хаммаанамби уббад̇д̇и багаасид̇аава аасавасам̣варан̣асса бад̇хаанабхаавзна г̇ахид̇ад̇д̇аа. д̇ат̇аа хи барияосаанзби ‘‘яз аасаваа д̣̇ассанаа бахаад̇аб̣б̣аа, д̇з д̣̇ассанаа бахийнаа хонд̇ий’’д̇иаад̣̇инаа (ма. ни. 1.28) аасаваббахаанамзва бад̇хаанам̣ гад̇ваа ниг̇амид̇ам̣.

15. ж̇аанад̇о бассад̇од̇и зд̇т̇а д̣̇ассанамби бан̃н̃аажагкунаава д̣̇ассанам̣ ад̇хиббзд̇ам̣, на мам̣сажагкунаа д̣̇иб̣б̣ажагкунаа ваад̇и ааха ‘‘д̣̇взби бад̣̇аани згад̇т̇ааний’’д̇и. звам̣ санд̇збийд̇и бад̣̇ад̣̇ваяасса згад̇т̇ад̇т̇зби. н̃аан̣алагкан̣анд̇и н̃аан̣асса сабхаавам̣, висаяасса яат̇аасабхаавааваб̣од̇хананд̇и ад̇т̇о. д̇знааха ‘‘ж̇аананалагкан̣ан̃хи н̃аан̣а’’нд̇и. н̃аан̣аббабхааванд̇и н̃аан̣аанубхаавам̣, н̃аан̣агижжам̣ висаяобхаасананд̇и ад̇т̇о. д̇знзвааха ‘‘н̃аан̣зна вивадз д̇хаммз’’д̇и. ‘‘ж̇аанад̇о бассад̇о’’д̇и жа ж̇аананад̣̇ассанамукзна буг̇г̇алаад̇хидтаанаа д̣̇зсанаа бавад̇д̇аад̇и ааха ‘‘н̃аан̣алагкан̣ам̣ н̃аан̣аббабхаавам̣ убаад̣̇ааяа буг̇г̇алам̣ нид̣̇д̣̇исад̇ий’’д̇и. ж̇аанад̇о бассад̇од̇и ‘‘яонисо жа манасигаарам̣ аяонисо жа манасигаара’’нд̇и вагкамаанад̇д̇аа яонисоманасигаарависаяаж̇аананам̣, аяонисоманасигаарависаяад̣̇ассанам̣. д̇ан̃жа ко бана нзсам̣ аасаваанам̣ каяуубааяасабхаавасса ад̇хиббзд̇ад̇д̇аа уббаад̣̇анаануббаад̣̇анавасзна на аарамман̣амад̇д̇знаад̇и аяамад̇т̇о яуд̇д̇од̇и ааха ‘‘яонисоманасигаарам̣…бз… аяамзд̇т̇а сааро’’д̇и.

‘‘ж̇аанад̇о’’д̇и вад̇ваа ж̇аананан̃жа ануссаваагаарабадивид̇аггамад̇д̇авасзна на ид̇хаад̇хиббзд̇ам̣, ат̇а ко руубаад̣̇и вияа жагкувин̃н̃аан̣зна яонисоманасигаарааяонисоманасигаарз бажжагкз гад̇ваа д̇зсам̣ уббаад̣̇авасзна д̣̇ассананд̇и имамад̇т̇ам̣ вибхаавзд̇ум̣ ‘‘бассад̇о’’д̇и вуд̇д̇анд̇и звам̣ ваа зд̇т̇а ад̇т̇о д̣̇адтаб̣б̣о. ан̃н̃ад̇т̇ааби хи ‘‘звам̣ ж̇аанад̇о звам̣ бассад̇о (ид̇иву. 102), ж̇аанам̣ ж̇аанаад̇и бассам̣ бассад̇и (ма. ни. 1.203), звам̣ ж̇аананд̇аа звам̣ бассанд̇аа (ма. ни. 1.407), аж̇аанад̇ам̣ абассад̇а’’нд̇и жа аад̣̇ийсу н̃аан̣агижжасса сааман̃н̃ависзсад̣̇ийбанавасзнзд̇ам̣ бад̣̇ад̣̇ваяам̣ ааг̇ад̇анд̇и. гзжийд̇и абхаяаг̇ириваасисаарасамаасаажарияаа. д̇з хи ‘‘самаад̇хинаа ж̇аанад̇о вибассанааяа бассад̇о ж̇аанам̣ ж̇аанаад̇и бассам̣ бассад̇и, звам̣ ж̇аананаа самат̇о, бассанаа вибассанаа’’д̇и жа аад̣̇инаа бабан̃жзнд̇и. д̇зд̇и бабан̃жаа. имасмим̣ ад̇т̇зд̇и ‘‘ж̇аанад̇о’’д̇иаад̣̇инаяаббавад̇д̇з имасмим̣ суд̇д̇абад̣̇аад̇т̇з нид̣̇д̇хаарияамаанз. на яуж̇ж̇анд̇и ж̇аананад̣̇ассанаанам̣ яонисоманасигаарааяонисоманасигаарависаяабхаавасса баал̣ияам̣ вуд̇д̇ад̇д̇аа.

аасаваббахаанам̣ аасаваанам̣ ажжанд̇аббахаанам̣. со бана нзсам̣ ануббаад̣̇о саб̣б̣зна саб̣б̣ам̣ кийн̣ад̇аа абхааво зваад̇и ааха ‘‘аасаваанам̣ ажжанд̇акаяамасамуббаад̣̇ам̣ кийн̣аагаарам̣ над̇т̇ибхаава’’нд̇и. уж̇умаг̇г̇аанусааринод̇и гилзсаван̇гасса гааяаван̇гаад̣̇ийнан̃жа бахаанзна уж̇убхууд̇з савибассанз хздтимамаг̇г̇з ануссаранд̇асса. д̇ад̣̇зва хисса сигканам̣. каяасмим̣ батамам̣ н̃аан̣ам̣. д̇ад̇о ан̃н̃аа ананд̇араад̇и каяасан̇каад̇з аг̇г̇амаг̇г̇з д̇аббарияаабаннамзва н̃аан̣ам̣ батамам̣ уббаж̇ж̇ад̇и , д̇ад̣̇ананд̇арам̣ бана ан̃н̃ам̣ арахад̇д̇анд̇и. яад̣̇иби г̇аат̇ааяам̣ ‘‘каяасмим̣’’ижжзва вуд̇д̇ам̣, самужчзд̣̇авасзна бана аасавзхи кийн̣од̇ийд̇и маг̇г̇о каяод̇и вужжад̇ийд̇и ааха ‘‘маг̇г̇о аасавагкаяод̇и вуд̇д̇о’’д̇и. саман̣од̇и самид̇абаабо ад̇хиббзд̇о. со бана кийн̣аасаво ход̇ийд̇и ‘‘аасаваанам̣ каяаа’’д̇и имасса палабарияааяад̇аа вуд̇д̇аа, ниббарияааязна бана аасавагкаяо маг̇г̇о, д̇зна бад̇д̇аб̣б̣ад̇о палам̣. зд̇знзва ниб̣б̣аанассаби аасавагкаяабхааво вуд̇д̇од̇и взд̣̇ид̇аб̣б̣о.

‘‘ж̇аанад̇о бассад̇о’’д̇и ж̇аанад̇о зва бассад̇о зваад̇и звамзд̇т̇а нияамо ижчид̇о, на ан̃н̃ат̇аа висзсаабхаавад̇о анидтасаад̇ханад̇о жаад̇и д̇асса нияамасса палам̣ д̣̇ассзд̇ум̣ ‘‘но аж̇аанад̇о но абассад̇о’’д̇и вуд̇д̇анд̇и ааха ‘‘яо бана на ж̇аанаад̇и на бассад̇и, д̇асса нзва вад̣̇аамийд̇и ад̇т̇о’’д̇и. иминаа д̣̇уурийгад̇ааяонисоманасигааро ид̇хаад̇хиббзд̇о, яонисоманасигааро жа аасавагкаяасса зганд̇игагааран̣анд̇и д̣̇ассзд̇и. зд̇знаад̇и ‘‘но аж̇аанад̇о но абассад̇о’’д̇и важанзна. д̇з бадигкид̇д̇аад̇и гз бана д̇зд̇и? ‘‘б̣аалз жа бан̣д̣ид̇з жа санд̇хаавид̇ваа сам̣сарид̇ваа д̣̇угкассанд̇ам̣ гариссанд̇и (д̣̇ий. ни. 1.168; ма. ни. 2.228), ахзд̇уу абажжаяаа сад̇д̇аа висуж̇жханд̇ий’’д̇и (д̣̇ий. ни. 1.168; ма. ни. 2.227) звамаад̣̇иваад̣̇аа. д̇зсу хи гзжи абхиж̇аад̇исан̇ганд̇имад̇д̇зна бхавасан̇ганд̇имад̇д̇зна жа сам̣саарасуд̣̇д̇хим̣ бадиж̇аананд̇и, ан̃н̃з иссарабаж̇аабад̇игаалаад̣̇ивасзна, д̇аяид̣̇ам̣ саб̣б̣ам̣ ‘‘сам̣саараад̣̇ийхий’’д̇и зд̇т̇зва сан̇г̇ахид̇анд̇и д̣̇адтаб̣б̣ам̣.

буримзна ваа бад̣̇ад̣̇ваязнаад̇и ‘‘ж̇аанад̇о, бассад̇о’’д̇и иминаа бад̣̇ад̣̇ваязна. убааяо вуд̇д̇о ‘‘аасавагкаяассаа’’д̇и ад̇хигаарад̇о вин̃н̃ааяад̇и. иминаад̇и ‘‘но аж̇аанад̇о, но абассад̇о’’д̇и иминаа бад̣̇ад̣̇ваязна. анубааяо зва хи аасаваанам̣ каяасса яад̣̇ид̣̇ам̣ яонисо жа аяонисо жа манасигаарасса аж̇аананам̣ ад̣̇ассанан̃жа, д̇зна д̇ат̇ад̇д̇ааяа аббадибад̇д̇ид̇о мижчаабадибад̇д̇ид̇о жа. нану ‘‘бассад̇о’’д̇и иминаа аяонисоманасигааро яат̇аа на уббаж̇ж̇ад̇и, звам̣ д̣̇ассанз ад̇хиббзд̇з буримзнзва анубааяабадисзд̇хо вуд̇д̇о ход̇ийд̇и? на ход̇и, аяонисоманасигаараануббаад̣̇анассаби убааяабхаавад̇о сад̇иб̣алзна сам̣вуд̇ажагкунд̣̇рияаад̣̇ид̇аа вияа самбаж̇ан̃н̃аб̣алзнзва нижжаад̣̇ивасзна абхууд̇аж̇аананаабхааво ход̇ийд̇и. д̇знааха ‘‘сан̇кзбзна…бз… ход̇ий’’д̇и. д̇ад̇т̇а сан̇кзбзнаад̇и самаасзна, анваяад̇о б̣яад̇ирзгад̇о жа вид̇т̇аарам̣ агад̇ваад̇и ад̇т̇о. н̃аан̣ам̣…бз… д̣̇ассид̇ам̣ ход̇и ‘‘ж̇аанад̇о’’д̇иаад̣̇инаа н̃аан̣ассзва г̇ахид̇ад̇д̇аа. яад̣̇и звам̣ ‘‘свааяам̣ сам̣варо’’д̇иаад̣̇и гат̇ам̣ нийяад̇ийд̇и? н̃аан̣асса бад̇хаанабхаавад̣̇ассанад̇т̇ам̣ звамаяам̣ д̣̇зсанаа гад̇аад̇и нааяам̣ д̣̇осо, д̇ат̇аа ан̃н̃ад̇т̇ааби ‘‘арияам̣ во бхигкавз саммаасамаад̇хим̣ д̣̇зсзссаами саубанисам̣ сабаригкаара’’нд̇и (ма. ни. 3.136) вид̇т̇ааро.

д̣̇аб̣б̣аж̇аад̇игод̇и д̣̇аб̣б̣аруубо. со хи д̣̇раб̣яод̇и вужжад̇и ‘‘д̣̇раб̣яам̣ винассад̇и наад̣̇раб̣яа’’нд̇иаад̣̇ийсу. д̣̇аб̣б̣аж̇аад̇иго ваа саарасабхааво, сааруббасийлаажаарод̇и ад̇т̇о. яат̇ааха ‘‘на ко д̣̇аб̣б̣а д̣̇аб̣б̣аа звам̣ ниб̣б̣зтзнд̇ий’’д̇и (баараа. 384, 391; жуул̣ава. 193). вад̇д̇асийсз тад̇ваад̇и вад̇д̇ам̣ уд̇д̇аман̇г̇ам̣, д̇хурам̣ ваа гад̇ваа. яо хи барисуд̣̇д̇хааж̇ийво гаад̇ум̣ аж̇аананд̇аанам̣ саб̣рахмажаарийнам̣, ад̇д̇ано ваа ваад̇аад̇абаад̣̇ибадиб̣ааханад̇т̇ам̣ чад̇д̇аад̣̇ийни гарод̇и, со вад̇д̇асийсз тад̇ваа гарод̇и наама. бад̣̇адтаанам̣ на ход̇ийд̇и на вад̇д̇аб̣б̣аа наат̇агаран̣ад̇хаммабхаавзна убаниссаяабхаавад̇о. вуд̇д̇ан̃хи ‘‘яаани д̇аани саб̣рахмажаарийнам̣ ужжааважаани гижжагаран̣ийяаани, д̇ад̇т̇а д̣̇агко ход̇ий’’д̇иаад̣̇и (ма. ни. 1.497).

убааяаманасигаарод̇и гусалад̇хаммаббавад̇д̇ияаа гааран̣абхууд̇о манасигааро. бат̇аманасигаарод̇и д̇ассаа зва маг̇г̇абхууд̇о манасигааро. анижжаад̣̇ийсу анижжанд̇иаад̣̇инаад̇и анижжад̣̇угкаасубхаанад̇д̇асабхаавзсу д̇хаммзсу ‘‘анижжам̣ д̣̇угкам̣ асубхам̣ анад̇д̇аа’’д̇иаад̣̇инаа зва наязна, авибарийд̇асабхаавзнаад̇и ад̇т̇о. сажжаануломигзна ваад̇и сажжаабхисамаяасса ануломавасзна. жид̇д̇асса аавадданаад̇иаад̣̇инаа аавадданааяа бажжаяабхууд̇аа д̇ад̇о буримуббаннаа манод̣̇вааригаа гусалаж̇аванаббавад̇д̇и палавохаарзна д̇ат̇аа вуд̇д̇аа. д̇ассаа хи васзна саа гусалуббад̇д̇ияаа убаниссаяо ход̇и. ааваж̇ж̇анаа хи бхаван̇г̇ажид̇д̇ам̣ ааваддаяад̇ийд̇и аавадданаа. ану ану ааваддзд̇ийд̇и анваавадданаа. бхаван̇г̇аарамман̣ад̇о ан̃н̃ам̣ аабхуж̇ад̇ийд̇и аабхог̇о. саманнаахарад̇ийд̇и саманнаахааро. д̇ад̣̇зваарамман̣ам̣ ад̇д̇аанам̣ ануб̣анд̇хид̇ваа уббаж̇ж̇амаанам̣ манаси гарод̇и табзд̇ийд̇и манасигааро. аяам̣ вужжад̇ийд̇и аяам̣ убааяабат̇аманасигааралагкан̣о яонисоманасигааро наама вужжад̇и, яасса васзна буг̇г̇ало д̣̇угкаад̣̇ийни сажжаани ааваж̇ж̇ид̇ум̣ саггод̇и . аяонисоманасигаарз сажжабадигуулзнаад̇и сажжаабхисамаяасса анануломавасзна. сзсам̣ яонисоманасигаарз вуд̇д̇авибарияааязна взд̣̇ид̇аб̣б̣ам̣.

яуд̇д̇инд̇и убабад̇д̇исаад̇ханаяуд̇д̇им̣, хзд̇унд̇и ад̇т̇о. д̇знзвааха ‘‘яасмаа’’д̇иаад̣̇и. зд̇т̇аад̇и ‘‘аяонисо бхигкавз…бз… бахийяанд̇ий’’д̇и зд̇асмим̣ баатз. д̇ад̇т̇аад̇и ваагяобан̃н̃аасанам̣. гасмаа банзд̇т̇а аяамуд̣̇д̣̇зсанид̣̇д̣̇зсо баривад̇д̇од̇и жод̣̇анам̣ санд̇хааяааха ‘‘яонисо’’д̇иаад̣̇и. д̇ад̇т̇а манасигаарабад̣̇ам̣ д̣̇виннам̣ саад̇хааран̣анд̇и ад̇хиббааязна ‘‘яонисо аяонисод̇и имзхи д̇аава д̣̇вийхи бад̣̇зхий’’д̇и вуд̇д̇ам̣. яонисод̇и хи яонисоманасигааро, аяонисод̇и жа аяонисоманасигааро д̇ад̇т̇а анувад̇д̇анад̇о вагкамаанад̇д̇аа жа. сад̇иби анад̇т̇уббад̇д̇исааман̃н̃з бхаваад̣̇ийсу буг̇г̇аласса б̣ахулисааман̃н̃ам̣ д̣̇ассзд̇ваа д̇ам̣ баривад̇д̇ид̇ваа висзсад̣̇ассанад̇д̇ам̣ нааваад̣̇и убамаад̇д̇аяаг̇г̇ахан̣ам̣ д̣̇адтаб̣б̣ам̣. жаггаяанд̇ам̣ аахадагхадийяанд̇анд̇и вад̣̇анд̇и.

ануббаннаад̇и аниб̣б̣ад̇д̇аа. аарамман̣ависзсавасзна д̇асса ануббад̇д̇и взд̣̇ид̇аб̣б̣аа, на руубаарамман̣аад̣̇иаарамман̣асааман̃н̃зна, нааби аасававасзна. д̇знааха ‘‘ананубхууд̇абуб̣б̣ам̣ аарамман̣ам̣…бз… ан̃н̃ат̇аа хи анамад̇аг̇г̇з сам̣саарз ануббаннаа наама аасаваа на санд̇ий’’д̇и. вад̇т̇унд̇и савин̃н̃аан̣агаавин̃н̃аан̣агаббабхзд̣̇ам̣ аасавуббад̇д̇игааран̣ам̣. аарамман̣ам̣ аарамман̣абажжаяабхууд̇аруубаад̣̇ийни . ид̣̇аани аасававасзнаби ануббаннабарияааяо лаб̣бхад̇ийд̇и д̣̇ассзд̇ум̣ ‘‘анубхууд̇абуб̣б̣збий’’д̇иаад̣̇и вуд̇д̇ам̣. багад̇исуд̣̇д̇хияаад̇и буб̣б̣ажарияад̇о гилзсад̣̇уурийбхаавасид̣̇д̇хааяа суд̣̇д̇хибагад̇ид̇ааяа. баал̣ияаа уд̣̇д̣̇исанам̣ уд̣̇д̣̇зсо, ад̇т̇агат̇анам̣ барибужчаа. аж̇жхаяанам̣ барияад̇д̇и, жийварасиб̣б̣аад̣̇и навагаммам̣, самат̇авибассанаануяог̇о яонисоманасигааро. д̇аад̣̇исзнаад̇и яаад̣̇исзна ‘‘манун̃н̃авад̇т̇уу’’д̇иманасигаараад̣̇инаа гаамаасаваад̣̇аяо самбхавзяяум̣, д̇аад̣̇исзна. аасаваанам̣ вад̣дхи наама барияудтаанад̇иб̣б̣ад̇ааяа взд̣̇ид̇аб̣б̣аа, саа жа абхин̣хуббад̇д̇ияаа б̣ахулийгаарад̇од̇и д̇з лад̣̇д̇хаасзванаа б̣ахулабхаавам̣ бад̇д̇аа мад̣̇д̣̇анд̇аа паранд̇аа чаад̣̇знд̇аа анд̇хаагаарам̣ гаронд̇аа абараабарам̣ уббаж̇ж̇амаанаа згасанд̇аананаязна ‘‘уббаннаа бавад̣дханд̇ий’’д̇и вужжанд̇и. д̇зна вуд̇д̇ам̣ ‘‘бунаббунам̣ уббаж̇ж̇амаанаа уббаннаа бавад̣дханд̇ийд̇и вужжанд̇ий’’д̇и. ид̇о ан̃н̃ат̇аад̇и ид̇о абараабаруббаннаанам̣ згад̇д̇аг̇г̇ахан̣ад̇о ан̃н̃ат̇аа вад̣дхи наама над̇т̇и кан̣игабхаавад̇о.

со жа ж̇аанаад̇ийд̇и д̇хаммуд̣̇д̇хажжавиг̇г̇ахаабхаавамааха. гаарагассзваад̇и яуд̇д̇аяог̇ассзва. яасса банаад̇иаад̣̇инаа ануд̣̇д̣̇зсигам̣ гад̇ваа вуд̇д̇амад̇т̇ам̣ бураад̇анасса бурисаад̇исаяасса бадибад̇д̇ид̣̇ассанзна баагадад̇арам̣ гаад̇ум̣ ‘‘ман̣д̣алаараамаваасиймахаад̇иссабхууд̇ад̇т̇зрасса вияаа’’д̇иаад̣̇и вуд̇д̇ам̣. д̇ан̃хи саб̣рахмажаарийнам̣ ааяад̇им̣ д̇ат̇аабадибад̇д̇игааран̣ам̣ ход̇и, яад̇о зд̣̇исам̣ вад̇т̇у вужжад̇и. д̇асмим̣ язваад̇и ман̣д̣алаараамзязва. аажарияам̣ аабужчид̇ваад̇и ад̇д̇ано уд̣̇д̣̇зсаажарияам̣ гаммадтаанаг̇г̇ахан̣ад̇т̇ам̣ г̇анд̇ум̣ аабужчид̇ваа. аажарияам̣ ванд̣̇ид̇ваад̇и гаммадтаанад̣̇ааяагам̣ махаарагкид̇ад̇т̇зрам̣ ванд̣̇ид̇ваа. уд̣̇д̣̇зсамаг̇г̇анд̇и яат̇аааарад̣̇д̇хам̣ уд̣̇д̣̇зсабаб̣анд̇хам̣. д̇ад̣̇аа гира мукабаатзнзва б̣ахуу згаж̇жхам̣ уд̣̇д̣̇исаабзд̇ваа маносаж̇жхааяавасзна д̇хаммам̣ саж̇жхааяанд̇и. д̇ад̇т̇ааяам̣ т̇зро бан̃н̃аванд̇ад̇ааяа уд̣̇д̣̇зсам̣ г̇ан̣ханд̇аанам̣ бхигкуунам̣ д̇хораяхо, со ‘‘ид̣̇аанаахам̣ анааг̇аамий, гим̣ маяхам̣ уд̣̇д̣̇зсзнаа’’д̇и сан̇гожам̣ анаабаж̇ж̇ид̇ваа д̣̇уд̇ияад̣̇ивасз уд̣̇д̣̇зсагаалз аажарияам̣ убасан̇гами. ‘‘уббаннаа бахийяанд̇ий’’д̇и зд̇т̇а уббаннасад̣̇исаа ‘‘уббаннаа’’д̇и вуд̇д̇аа, на бажжуббаннаа. на хи бажжуббаннзсу аасавзсу маг̇г̇зна бахаанам̣ самбхавад̇ийд̇и ааха ‘‘яз бана…бз… над̇т̇ий’’д̇и. вад̇д̇амаануббаннаа кан̣ад̇д̇аяасаман̇г̇ино. д̇зсам̣ бадибад̇д̇ияаа бахаанам̣ над̇т̇и уббаж̇ж̇анаарахаанам̣ бажжаяагхаад̇зна ануббаад̣̇анамзва д̇ааяа бахаананд̇и.

16. яад̣̇и звам̣ д̣̇уд̇ияабад̣̇ам̣ гимад̇т̇ияанд̇и? бад̣̇ад̣̇ваяаг̇г̇ахан̣ам̣ аасаваанам̣ уббаннаануббаннабхаавасамбхавад̣̇ассанад̇т̇ан̃жзва бахааяагавибхааг̇зна бахаад̇аб̣б̣авибхааг̇ад̣̇ассанад̇т̇ан̃жа. д̇знааха ‘‘ид̣̇амзва бад̣̇ам̣ г̇ахзд̇ваа’’д̇и. ан̃н̃амбийд̇и н̃аан̣ад̇о ан̃н̃амби сад̇исам̣вараад̣̇им̣. д̣̇ассанаад̇и ид̣̇ам̣ хзд̇умхи ниссаггаважананд̇и д̣̇ассанзнаад̇и хзд̇умхи гаран̣аважанзна д̇ад̣̇ад̇т̇ам̣ виварад̇и. зса наяод̇и д̇амзвад̇т̇ам̣ ад̇ид̣̇исад̇и. д̣̇ассанзнаад̇и сод̇аабад̇д̇имаг̇г̇зна. со хи батамам̣ ниб̣б̣аанад̣̇ассанад̇о ‘‘д̣̇ассана’’нд̇и вужжад̇и. яад̣̇иби д̇ам̣ г̇од̇рабху батамад̇арам̣ бассад̇и, д̣̇исваа бана гад̇д̇аб̣б̣агижжасса гилзсаббахаанасса агаран̣ад̇о на д̇ам̣ д̣̇ассананд̇и вужжад̇и. ааваж̇ж̇анадтаанияан̃хи д̇ам̣ н̃аан̣ам̣ маг̇г̇асса, ниб̣б̣аанаарамман̣ад̇д̇асааман̃н̃зна жзд̇ам̣ вуд̇д̇ам̣, на ниб̣б̣аанабадивиж̇жханзна, д̇асмаа д̇хаммажагку бунаббунам̣ ниб̣б̣ад̇д̇анзна бхааванам̣ аббад̇д̇ам̣ д̣̇ассанам̣ наама, д̇хаммажагкун̃жа барин̃н̃аад̣̇игижжагаран̣авасзна жад̇усажжад̇хаммад̣̇ассанам̣ д̇ад̣̇абхисамаяод̇и нуд̇т̇зд̇т̇а г̇од̇рабхусса д̣̇ассанабхааваббад̇д̇и . аяан̃жа вижааро барад̇о адтагат̇ааяамзва (ма. ни. адта. 1.22) ааг̇амиссад̇и. саб̣б̣ад̇т̇аад̇и ‘‘сам̣вараа бахаад̇аб̣б̣аа’’д̇иаад̣̇ийсу. сам̣вараад̇и сам̣варзна, ‘‘сам̣варо’’д̇и жзд̇т̇а сад̇исам̣варо взд̣̇ид̇аб̣б̣о. бадисзвад̇и зд̇знаад̇и бадисзванам̣, бажжаязсу ид̣̇амад̇т̇игад̇аан̃аан̣ам̣. ад̇хиваасзд̇и камад̇и зд̇ааяаад̇и ад̇хиваасанаа, сийд̇аад̣̇ийнам̣ каманаагаарзна бавад̇д̇о ад̣̇осо, д̇аббад̇хаанаа ваа жад̇д̇ааро гусалагканд̇хаа. бариваж̇ж̇зд̇и зд̇знаад̇и бариваж̇ж̇анам̣, ваал̣амиг̇аад̣̇ийнам̣ барихаран̣авасзна бавад̇д̇аа жзд̇анаа, д̇ат̇аабавад̇д̇аа ваа жад̇д̇ааро гусалагканд̇хаа. гаамавид̇аггаад̣̇игз винод̣̇зд̇и вид̇уд̣̇ад̇и зд̇знаад̇и винод̣̇анам̣, гусалавийрияам̣. батамамаг̇г̇зна д̣̇идтз жад̇усажжад̇хаммз бхааванаавасзна уббаж̇ж̇анад̇о бхааванаа, сзсамаг̇г̇ад̇д̇аяам̣. на хи д̇ам̣ ад̣̇идтабуб̣б̣ам̣ гин̃жи бассад̇и, звам̣ д̣̇ассанаад̣̇ийнам̣ важанад̇т̇о взд̣̇ид̇аб̣б̣о.

д̣̇ассанаабахаад̇аб̣б̣ааасававан̣н̣анаа

17. гусалаагусалад̇хаммзхи ааламб̣ияамаанааби аарамман̣ад̇хаммаа ааваж̇ж̇анамукзнзва д̇аб̣бхаавам̣ г̇ажчанд̇ийд̇и д̣̇ассзнд̇о ‘‘манасигаран̣ийяз’’д̇и бад̣̇асса ‘‘ааваж̇ж̇ид̇аб̣б̣з’’д̇и ад̇т̇амааха. хид̇асукаавахабхаавзна манасигаран̣ам̣ араханд̇ийд̇и манасигаран̣ийяаа, д̇аббадибагкад̇о аманасигаран̣ийяаад̇и ааха ‘‘аманасигаран̣ийязд̇и д̇аб̣б̣ибарийд̇з’’д̇и. сзсабад̣̇зсууд̇и ‘‘манасигаран̣ийяз д̇хаммз аббаж̇аананд̇о’’д̇иаад̣̇ийсу. яасмаа гусалад̇хаммзсуби субхасуканижжаад̣̇ивасзна манасигааро ассаад̣̇анаад̣̇ихзд̇уд̇ааяа сааваж̇ж̇о ахид̇ад̣̇угкаавахо агусалад̇хаммзсуби анижжаад̣̇ивасзна манасигааро ниб̣б̣ид̣̇аад̣̇ихзд̇уд̇ааяа анаваж̇ж̇о хид̇асукаавахо, д̇асмаа ‘‘д̇хаммад̇о нияамо над̇т̇ий’’д̇и вад̇ваа ‘‘аагаарад̇о бана ад̇т̇ий’’д̇и ааха.

ваа-сад̣̇д̣̇о язбхуяязна ‘‘мамам̣ ваа хи бхигкавз (д̣̇ий. ни. 1.5, 6), д̣̇зво ваа бхависсаами д̣̇зван̃н̃ад̇аро ваа’’д̇иаад̣̇ийсу (ма. ни. 1.186; ма. ни. 2.79, 80) вигаббад̇т̇о д̣̇идто, на самужжаяад̇т̇од̇и д̇ад̇т̇а самужжаяад̇т̇з баяог̇ам̣ д̣̇ассзд̇ум̣ ‘‘яат̇аа’’д̇иаад̣̇и вуд̇д̇ам̣. зван̃жа гад̇ваа самужжаяад̇т̇ад̣̇ийбагам̣ банзд̇ам̣ суд̇д̇абад̣̇ам̣ самуд̣̇аахадам̣.

гаамаасавод̇и бан̃жагаамаг̇ун̣асан̇каад̇з гаамз аасаво гаамаасаво. д̇знааха ‘‘бан̃жагаамаг̇ун̣иго рааг̇о’’д̇и. бхаваасавам̣ бана табзд̇ваа саб̣б̣о лобхо гаамаасавод̇и яуд̇д̇ам̣ сияаа. руубааруубабхавзд̇и гаммубабад̇д̇ибхзд̣̇ад̇о д̣̇увид̇хзби руубааруубабхавз чанд̣̇арааг̇о. жхаананиганд̇ийд̇и жхаанассаад̣̇о. ‘‘сунд̣̇арамид̣̇ам̣ таанам̣ нижжам̣ д̇хува’’нд̇иаад̣̇инаа ассаад̣̇знд̇асса уббаж̇ж̇амаано сассад̇ужчзд̣̇ад̣̇идтисахаг̇ад̇о рааг̇о бхавз аасавод̇и бхаваасаво. званд̇и саб̣б̣ад̣̇идтийнам̣ сассад̇ужчзд̣̇ад̣̇идтисан̇г̇ахад̇о бхаваасавзнзва д̣̇идтаасаво г̇ахид̇о д̇ам̣сахаг̇ад̇арааг̇ад̇ааяаад̇и ад̇хиббааяо. абарз бана ‘‘д̣̇идтаасаво авиж̇ж̇аасавзна жа сан̇г̇ахид̇о’’д̇и вад̣̇анд̇и. зд̇т̇а жа ‘‘бхаваасаво жад̇уусу д̣̇идтиг̇ад̇авиббаяуд̇д̇алобхасахаг̇ад̇ажид̇д̇уббаад̣̇зсу уббаж̇ж̇ад̇ий’’д̇и (д̇ха. са. 1465) важанад̇о д̣̇идтисамбаяуд̇д̇арааг̇асса бхаваасавабхааво вижаарзд̇аб̣б̣о, ат̇а ‘‘гаамасахаг̇ад̇аа сан̃н̃ааманасигаараа’’д̇иаад̣̇ийсу (сам̣. ни. 4.332) вияа аарамман̣агаран̣ад̇т̇о сахаг̇ад̇ад̇т̇о, звам̣ сад̇и бхаваасавз д̣̇идтаасавасса самод̇хаанаг̇аманам̣ гад̇ам̣ на сияаа. на хи д̇амбаяог̇ад̇аб̣бхааваад̣̇игз асад̇и д̇ам̣сан̇г̇ахо яуд̇д̇о, д̇асмаа яат̇аавуд̇д̇абаал̣им̣ анусаарзна д̣̇идтиг̇ад̇асамбаяуд̇д̇алобхоби гаамаасавод̇и яуд̇д̇ам̣ сияаа. д̣̇идтад̇хаммигасамбарааяигад̣̇угкаанан̃хи гааран̣абхууд̇аа гаамаасаваад̣̇аяоби д̣̇вид̇хаа вуд̇д̇аа.

абхид̇хаммз (д̇ха. са. 1103) жа гаамаасаванид̣̇д̣̇зсз ‘‘гаамзсууд̇и гаамарааг̇ад̣̇идтирааг̇аад̣̇ийнам̣ аарамман̣абхууд̇зсу д̇збхуумагзсу вад̇т̇угаамзсуу’’д̇и ад̇т̇о самбхавад̇и. д̇ад̇т̇а хи уббаж̇ж̇амаанаа саа д̇ан̣хаа саб̣б̣ааби на гаамажчанд̣̇аад̣̇инаамам̣ на лабхад̇ийд̇и. яад̣̇и бана лобхо гаамаасавабхаваасававинимуд̇д̇оби сияаа, со яад̣̇аа д̣̇идтиг̇ад̇авиббаяуд̇д̇зсу жид̇д̇зсу уббаж̇ж̇ад̇и, д̇ад̣̇аа д̇зна самбаяуд̇д̇о авиж̇ж̇аасаво аасававиббаяуд̇д̇од̇и д̣̇оманассавижигижчуд̣̇д̇хажжасамбаяуд̇д̇асса вияа д̇ассаби аасававиббаяуд̇д̇ад̇аа вад̇д̇аб̣б̣аа сияаа ‘‘жад̇уусу д̣̇идтиг̇ад̇авиббаяуд̇д̇алобхасахаг̇ад̇ажид̇д̇уббаад̣̇зсу уббанно мохо сияаа аасавасамбаяуд̇д̇о, сияаа аасававиббаяуд̇д̇о’’д̇и. ‘‘гаамаасаво адтасу лобхасахаг̇ад̇ажид̇д̇уббаад̣̇зсу уббаж̇ж̇ад̇ий’д̇и (д̇ха. са. 1465), ‘‘гаамаасавам̣ бадижжа д̣̇идтаасаво авиж̇ж̇аасаво’’д̇и (бадтаа. 3.3.109) жа важанад̇о д̣̇идтисахаг̇ад̇арааг̇о гаамаасаво на ход̇ийд̇и на саггаа вад̇д̇ум̣. гин̃жа абхиж̇жхаагаамарааг̇аанам̣ висзсо аасавад̣̇ваяазгаасавабхааво сияаа, на абхиж̇жхааяа жа ноаасавабхаавод̇и ноаасавалобхасса саб̣бхааво вижаарзд̇аб̣б̣о. на хи ад̇т̇и абхид̇хаммз ‘‘аасаво жа ноаасаво жа д̇хаммаа аасавасса д̇хаммасса аасавасса жа ноаасавасса жа д̇хаммасса хзд̇убажжаяо’’д̇и (бадтаа. 3.3.16-17) сад̇д̇амо навамо жа бан̃хо. г̇ан̣анааяан̃жа ‘‘хзд̇уяаа сад̇д̇аа’’д̇и (бадтаа. 3.3.40) вуд̇д̇ам̣, но ‘‘наваа’’д̇и. д̣̇идтисамбаяуд̇д̇з бана лобхз ноаасавз виж̇ж̇амаанз сад̇д̇аманавамааби бан̃хаа виссаж̇ж̇анам̣ лабхзяяум̣, г̇ан̣анааяа жа ‘‘хзд̇уяаа наваа’’д̇и вад̇д̇аб̣б̣ам̣ сияаа, на бана вуд̇д̇ам̣. д̣̇идтивиббаяуд̇д̇з жа лобхз ноаасавз виж̇ж̇амаанз вад̇д̇аб̣б̣ам̣ вуд̇д̇амзва. яасмаа бана суд̇д̇анд̇ад̣̇зсанаа наама барияааяагат̇аа, на абхид̇хаммад̣̇зсанаа вияа ниббарияааяагат̇аа, д̇асмаа б̣алавагаамарааг̇ассзва гаамаасавам̣ д̣̇ассзд̇ум̣ ‘‘гаамаасавод̇и бан̃жагаамаг̇ун̣иго рааг̇о’’д̇и вуд̇д̇ам̣, д̇ат̇аа бхаваабхинанд̣̇ананд̇и.

сааман̃н̃зна бхаваасаво д̣̇идтаасавам̣ анд̇ог̇ад̇хам̣ гад̇ваа ид̇ха д̇аяо зва аасаваа вуд̇д̇аад̇и д̇асса д̇ад̣̇анд̇ог̇ад̇хад̇ам̣ д̣̇ассзд̇ум̣ ‘‘звам̣ д̣̇идтаасаво’’д̇иаад̣̇и вуд̇д̇ам̣. д̇ат̇аа хи вагкад̇и бхаваасавасса анимид̇д̇авимогкабадибагкад̇ам̣. жад̇уусу сажжзсу ан̃н̃аан̣анд̇и ид̣̇ам̣ суд̇д̇анд̇анаяам̣ ниссааяа вуд̇д̇ам̣. суд̇д̇анд̇асам̣ван̣н̣анаа хзсаад̇и, д̇ад̣̇анд̇ог̇ад̇хад̇д̇аа ваа буб̣б̣анд̇аад̣̇ийнам̣. яат̇аа ад̇т̇ад̇о гаамаасаваад̣̇аяо вавад̇т̇аабид̇аа, д̇ат̇аа нзсам̣ уббаад̣̇авад̣дхияо д̣̇ассзнд̇о ‘‘гаамаг̇ун̣з’’д̇иаад̣̇имааха. ассаад̣̇ад̇о манасигарод̇од̇и ‘‘субхасукаа’’д̇иаад̣̇инаа ассаад̣̇анавасзна манаси гаронд̇асса. жад̇увибаллаасабад̣̇адтаанабхаавзнаад̇и субхасан̃н̃аад̣̇ийнам̣ вад̇т̇убхаавзна. вуд̇д̇анаяабажжанийгад̇од̇и ‘‘гаамаа наамзд̇з анижжаа д̣̇угкаа вибарин̣аамад̇хаммаа’’д̇иаад̣̇инаа гаамаг̇ун̣зсу аад̣̇ийнавад̣̇ассанабуб̣б̣аганзгкаммабадибад̇д̇ияаа чанд̣̇арааг̇ам̣ вигкамбхаяад̇о самужчинд̣̇анд̇асса жа ануббанно жа гаамаасаво на уббаж̇ж̇ад̇и, уббанно жа бахийяад̇и. д̇ат̇аа махаг̇г̇ад̇ад̇хаммзсу жзва сагалад̇збхуумагад̇хаммзсу жа аад̣̇ийнавад̣̇ассанабуб̣б̣агаанижжаад̣̇иманасигааравасзна ниссаран̣абадибад̇д̇ияаа ануббаннаа жа бхаваасаваавиж̇ж̇аасаваа на уббаж̇ж̇анд̇и, уббаннаа жа бахийяанд̇ийд̇и звам̣ д̇ан̣хаабагкз вуд̇д̇асса наяасса бадибагкад̇о суггабагкз вид̇т̇ааро взд̣̇ид̇аб̣б̣о.

д̇аяо зваад̇и абхид̇хаммз вияа ‘‘жад̇д̇ааро’’д̇и авад̇ваа гасмаа д̇аяо зва аасаваа ид̇ха имиссам̣ д̣̇ассанаабахаад̇аб̣б̣агат̇ааяам̣ вуд̇д̇аа? д̇ад̇т̇а гаамаасавасса д̇ан̣хаабан̣ид̇хибхаавад̇о аббан̣ихид̇авимогкабадибагкад̇аа взд̣̇ид̇аб̣б̣аа. бхавзсу нижжаг̇г̇аахаанусаарад̇о язбхуяяад̇о бхаварааг̇асамбад̇д̇ид̇о бхаваасавасса анимид̇д̇авимогкабадибагкад̇аа, бхавад̣̇идтияаа бана бхаваасавабхаавз вад̇д̇аб̣б̣амзва над̇т̇и, анад̇д̇асан̃н̃ааяа н̃аан̣аанубхаавасид̣̇д̇хид̇о авиж̇ж̇аасавасса сун̃н̃ад̇авимогкабадибагкад̇аа. зд̇т̇аад̇и зд̇иссам̣ аасавагат̇ааяам̣. ван̣н̣ид̇анд̇и гат̇ид̇ам̣. абхзд̣̇ад̇од̇и сааман̃н̃ад̇о.

18. гаамаасаваад̣̇ийнанд̇и мануссалогад̣̇звалогаг̇аманийяаанам̣ гаамаасаваад̣̇ийнам̣. нираяаад̣̇иг̇аманийяаа бана гаамаасаваад̣̇аяо ‘‘д̣̇ассанаа бахаад̇аб̣б̣з аасавз’’д̇и зд̇т̇зва самаарул̣хаа. ат̇а ваа яад̣̇аг̇г̇зна со буг̇г̇алод̣̇ассанаабахаад̇аб̣б̣аанам̣ аасаваанам̣ ад̇хидтаанам̣, д̇ад̣̇аг̇г̇зна гаамаасаваад̣̇ийнамби ад̇хидтаанам̣. на хи саман̃н̃аабхзд̣̇зна вад̇т̇убхзд̣̇о ад̇т̇ийд̇и д̣̇ассзд̇ум̣ ‘‘зд̇д̇аавад̇аа’’д̇иаад̣̇и вуд̇д̇ам̣. д̇знзвааха ‘‘сааман̃н̃ад̇о вуд̇д̇аана’’нд̇и. гасмаа банзд̇т̇а д̣̇ассанаабахаад̇аб̣б̣зсу аасавзсу д̣̇ассзд̇аб̣б̣зсу ‘‘ахосим̣ ну ко аха’’нд̇иаад̣̇инаа вижигижчаа д̣̇ассид̇аад̇и ааха ‘‘вижигижчаасийсзна жзд̇т̇аа’’д̇иаад̣̇и. званд̇и яат̇аа сол̣асавад̇т̇угаа вижигижчаа уббаж̇ж̇ад̇и, звам̣ аяонисоманасигаарод̇и.

виж̇ж̇амаанад̇ам̣ авиж̇ж̇амаанад̇ан̃жаад̇и (сам̣. ни. дий. 2.2.20) сассад̇аасан̇гам̣ ниссааяа ‘‘ахосим̣ ну ко ахамад̇ийд̇амад̣̇д̇хаана’’нд̇и ад̇ийд̇з ад̇д̇ано виж̇ж̇амаанад̇ам̣, ад̇хижжасамуббад̇д̇иаасан̇гам̣ ниссааяа ‘‘яад̇о бабхуд̇и ахам̣, д̇ад̇о буб̣б̣з на ну ко ахоси’’нд̇и ад̇ийд̇з ад̇д̇ано авиж̇ж̇амаанад̇ан̃жа ган̇кад̇и. гасмаа? вижигижчааяа аагаарад̣̇ваяааваламб̣анад̇о. д̇ассаа бана ад̇ийд̇авад̇т̇уд̇ааяа г̇ахид̇ад̇д̇аа сассад̇аад̇хижжасамуббад̇д̇иаагаараниссаяад̇аа д̣̇ассид̇аа. звам̣ аасаббанабарисаббанаабавад̇д̇игам̣ гад̇т̇ажиби аббадивад̇д̇ихзд̇убхууд̇ам̣ вижигижчам̣ гасмаа уббаад̣̇зд̇ийд̇и на жод̣̇зд̇аб̣б̣амзд̇анд̇и д̣̇ассзнд̇о ааха ‘‘гим̣ гааран̣анд̇и на вад̇д̇аб̣б̣а’’нд̇и. свзва бут̇уж̇ж̇анабхааво зва. яад̣̇и звам̣ д̇асса аяонисоманасигаарзнзва бхавид̇аб̣б̣анд̇и аабаннанд̇и ааха ‘‘нану жа бут̇уж̇ж̇аноби яонисо манаси гарод̇ий’’д̇и. д̇ад̇т̇аад̇и яонисоманасигаран̣з.

ж̇аад̇илин̇г̇уубабад̇д̇ияод̇и кад̇д̇ияаб̣раахман̣аад̣̇иж̇аад̇им̣ г̇ахадтабаб̣б̣аж̇ид̇аад̣̇илин̇г̇ам̣ д̣̇звамануссаад̣̇иубабад̇д̇ин̃жа. ниссааяаад̇и убаад̣̇ааяа.

д̇асмим̣ гаалз сад̇д̇аанам̣ маж̇жхимаббамаан̣ам̣, д̇зна яуд̇д̇о бамаан̣иго, д̇ад̣̇абхаавад̇о, д̇ад̇о ад̇ийд̇абхаавад̇о ваа аббамаан̣иго взд̣̇ид̇аб̣б̣о. гзжийд̇и саарасамаасаажарияаа. д̇з хи ‘‘гат̇ам̣ ну код̇и иссарзна ваа б̣рахмунаа ваа буб̣б̣агад̇зна ваа ахзд̇уд̇о ваа ниб̣б̣ад̇д̇од̇и жинд̇зд̇ий’’д̇и ааху. д̇зна вуд̇д̇ам̣ ‘‘хзд̇уд̇о ган̇кад̇ийд̇и вад̣̇анд̇ий’’д̇и. ахзд̇уд̇о ниб̣б̣ад̇д̇иган̇кааби хи хзд̇убараамасанамзваад̇и.

барамбаранд̇и буб̣б̣аабараббавад̇д̇им̣. ад̣̇д̇хаананд̇и гаалаад̇хиважанам̣, д̇ан̃жа бхуммад̇т̇з убаяог̇аважанам̣ д̣̇адтаб̣б̣ам̣.

виж̇ж̇амаанад̇ам̣ авиж̇ж̇амаанад̇ан̃жаад̇и сассад̇аасан̇гам̣ ниссааяа ‘‘бхависсаами ну ко ахаманааг̇ад̇амад̣̇д̇хаана’’нд̇и анааг̇ад̇з ад̇д̇ано виж̇ж̇амаанад̇ам̣, ужчзд̣̇аасан̇гам̣ ниссааяа ‘‘яасмин̃жа ад̇д̇абхаавз ахам̣, д̇ад̇о барам̣ на ну ко бхависсаамий’’д̇и анааг̇ад̇з ад̇д̇ано авиж̇ж̇амаанад̇ан̃жа ган̇кад̇ийд̇и хздтаа вуд̇д̇анаязна яож̇зд̇аб̣б̣ам̣.

бажжуббаннамад̣̇д̇хаананд̇и ад̣̇д̇хаабажжуббаннасса ид̇хаад̇хиббзд̇ад̇д̇аа ‘‘бадисанд̇хим̣ аад̣̇им̣ гад̇ваа’’д̇иаад̣̇и вуд̇д̇ам̣. ‘‘ид̣̇ам̣ гат̇ам̣ ид̣̇ам̣ гат̇а’’нд̇и бавад̇д̇анад̇о гат̇ам̣гат̇аа, вижигижчаа, саа асса ад̇т̇ийд̇и гат̇ам̣гат̇ийд̇и ааха ‘‘вижигижчо ход̇ий’’д̇и. гаа зд̇т̇а жинд̇аа, уммад̇д̇аго вияа хи б̣аалабут̇уж̇ж̇анод̇и бадигажжзва вуд̇д̇анд̇и ад̇хиббааяо. д̇ам̣ махаамаад̇ааяа буд̇д̇ам̣. мун̣д̣зсунд̇и мун̣д̣зна анижчанд̇ам̣ ж̇ааг̇аран̣агаалз на саггаад̇и суд̇д̇ам̣ мун̣д̣зсум̣ гулад̇хаммад̇ааяа яат̇аа д̇ам̣ згажжз гулад̇аабасаа, рааж̇абхаязнаад̇и жа вад̣̇анд̇и.

сийд̇ибхууд̇анд̇и ид̣̇ам̣ мад̇хурагабхааваббад̇д̇ияаа гааран̣аважанам̣. ‘‘сзд̇ибхууд̇а’’нд̇иби баато, уд̣̇агз жирадтаанзна сзд̇абхаавам̣ бад̇д̇анд̇и ад̇т̇о.

ад̇д̇ано кад̇д̇ияабхаавам̣ ган̇кад̇и ган̣н̣о вияа сууд̇абуд̇д̇асан̃н̃ий. ж̇аад̇ияаа вибхаавияамаанааяа ‘‘аха’’нд̇и д̇асса ад̇д̇ано бараамасанам̣ санд̇хааяааха ‘‘зван̃хи сияаа ган̇каа’’д̇и. мануссааби жа рааж̇аано вияаад̇и мануссааби гзжи згажжз рааж̇аано вияаад̇и ад̇хиббааяо.

вуд̇д̇анаяамзва ‘‘сан̣таанаагаарам̣ ниссааяаа’’д̇иаад̣̇инаа. зд̇т̇аад̇и ‘‘гат̇ам̣ ну космий’’д̇и бад̣̇з. аб̣бханд̇арз ж̇ийвод̇и барабаригаббид̇ам̣ анд̇арад̇д̇аанам̣ вад̣̇ад̇и. сол̣асам̣саад̣̇ийнанд̇и аад̣̇и-сад̣̇д̣̇зна сарийра-баримаан̣а-бариман̣д̣ала-ан̇г̇удтаяавабарамаан̣у-баримаан̣ад̇аад̣̇игз сан̇г̇ан̣хаад̇и.

‘‘сад̇д̇абан̃н̃ад̇д̇и ж̇ийвависаяаа’’д̇и д̣̇идтиг̇ад̇игаанам̣ мад̇имад̇д̇ам̣, барамад̇т̇ад̇о бана саа ад̇д̇абхаавависаяааваад̇и ааха ‘‘ад̇д̇абхаавасса ааг̇ад̇иг̇ад̇идтаана’’нд̇и, яад̇ааяам̣ ааг̇ад̇о, яад̇т̇а жа г̇амиссад̇и, д̇ам̣ таананд̇и ад̇т̇о.

19. яат̇аа аяам̣ вижигижчаа уббаж̇ж̇ад̇ийд̇и аяам̣ вуд̇д̇аббабхзд̣̇аа вижигижчаа яат̇аа уббаж̇ж̇ад̇и, звам̣ аяонисо манасигарод̇о. зд̇зна вижигижчааяа ад̇д̇аабхинивзсасанниссаяад̇амааха. яат̇аа хи вижигижчаа ад̇д̇аабхинивзсам̣ ниссааяа бавад̇д̇ад̇и, яад̇о саа сассад̇аад̇хижжасамуббад̇д̇исассад̇ужчзд̣̇аагаарааваламб̣иний вуд̇д̇аа, звам̣ ад̇д̇аабхинивзсоби д̇ам̣ ниссааяа бавад̇д̇ад̇и ‘‘ахосим̣ ну ко аха’’нд̇иаад̣̇инаа анд̇ог̇ад̇хаахам̣гаарасса гат̇ам̣гат̇ибхаавасса ад̇д̇аг̇г̇аахасанниссаяабхаавад̇о. д̇знзвааха ‘‘савижигижчасса аяонисоманасигаарасса т̇аамаг̇ад̇ад̇д̇аа’’д̇и. вигаббад̇т̇од̇и анияамад̇т̇о. ‘‘ан̃н̃ад̇араа д̣̇идти уббаж̇ж̇ад̇ий’’д̇и хи вуд̇д̇ам̣. судту д̣̇ал̣хабхаавзнаад̇и абхинивзсасса ад̇ивияа т̇аамаг̇ад̇абхаавзна. д̇ад̇т̇а д̇ад̇т̇аад̇и д̇асмим̣ бхавз. бажжуббаннамзваад̇и авад̇хааран̣зна анааг̇ад̇з ад̇т̇ибхаавам̣ нивад̇д̇зд̇и, на ад̇ийд̇з д̇ад̇т̇аби сад̇и ад̇т̇ид̇ааяа ужчзд̣̇аг̇г̇аахасса саб̣бхаавад̇о. ад̇ийд̇з зва над̇т̇и, на анааг̇ад̇збийд̇и ад̇хиббааяо.

сан̃н̃аагканд̇хасийсзнаад̇и сан̃н̃аагканд̇хабамукзна, сан̃н̃аагканд̇хам̣ бамукам̣ гад̇ваад̇и ад̇т̇о. канд̇хзд̇и бан̃жаби канд̇хз. ад̇д̇аад̇и г̇ахзд̇ваад̇и ‘‘сан̃ж̇аананасабхааво мз ад̇д̇аа’’д̇и абхинивисса. багаасзд̇аб̣б̣ам̣ вад̇т̇ум̣ вияа, ад̇д̇аанамби багаасзнд̇о бад̣̇ийбо вияа, сан̃ж̇аанид̇аб̣б̣ам̣ нийлаад̣̇иаарамман̣ам̣ вияа ад̇д̇аанамби сан̃ж̇аанаад̇ийд̇и звам̣д̣̇идтид̇оби д̣̇идтиг̇ад̇ид̇о ход̇ийд̇и вуд̇д̇ам̣ ‘‘ад̇д̇анаава ад̇д̇аанам̣ сан̃ж̇аанаамий’’д̇и. свааяамад̇т̇о сан̃н̃ам̣ д̇ад̣̇ан̃н̃ад̇арад̇хаммз жа ‘‘ад̇д̇аа анад̇д̇аа’’д̇и жа г̇ахан̣авасзна ход̇ийд̇и вуд̇д̇ам̣ ‘‘сан̃н̃аагканд̇хасийсзнаа’’д̇иаад̣̇и. зд̇т̇а жа канд̇хавинимуд̇д̇о ад̇д̇аад̇и г̇ан̣хад̇о сассад̇ад̣̇идти, канд̇хам̣ бана ‘‘ад̇д̇аа’’д̇и г̇ан̣хад̇о ужчзд̣̇ад̣̇идтийд̇и ааха ‘‘саб̣б̣ааби сассад̇ужчзд̣̇ад̣̇идтияоваа’’д̇и.

абхинивзсаагаараад̇и вибариязсаагаараа. вад̣̇ад̇ийд̇и иминаа гаарагавзд̣̇агасад̇д̇аанам̣ хид̇асукааваб̣од̇ханасамад̇т̇ад̇ам̣ ад̇д̇ано д̣̇ийбзд̇и. д̇знааха ‘‘важийгаммасса гаараго’’д̇и. взд̣̇зд̇ийд̇и взд̣̇ияо, взд̣̇ияова взд̣̇зяяо. ийд̣̇исаанан̃хи бад̣̇аанам̣ б̣ахулаа гад̇д̇усаад̇ханад̇ам̣ сад̣̇д̣̇асад̇т̇авид̣̇уу ман̃н̃анд̇и. уббаад̣̇авад̇о зганд̇знзва ваяо ижчид̇аб̣б̣о, сад̇и жа уд̣̇аяаб̣б̣аяад̇д̇з нзва нижжад̇аад̇и ‘‘нижжо’’д̇и вад̣̇анд̇асса ад̇хиббааяам̣ виваранд̇о ааха ‘‘уббаад̣̇аваяарахид̇о’’д̇и. саарабхууд̇од̇и нижжад̇ааяа зва саарабхааво. саб̣б̣агаалигод̇и саб̣б̣асмим̣ гаалз виж̇ж̇амаано. багад̇ибхааванд̇и сабхаавабхууд̇ам̣ багад̇им̣, ‘‘вад̣̇о’’д̇иаад̣̇инаа ваа вуд̇д̇ам̣ багад̇исан̇каад̇ам̣ сабхаавам̣. сассад̇исаманд̇и сассад̇ияаа самам̣ сассад̇исамам̣, т̇ааварам̣ нижжагааланд̇и ад̇т̇о. д̇ат̇зва тассад̇ийд̇и язнаагаарзна буб̣б̣з адтааси, зд̇арахи д̇идтад̇и, д̇ат̇зва д̇знаагаарзна анааг̇ад̇зби тассад̇ийд̇и ад̇т̇о.

бажжагканид̣̇ассанам̣ ид̣̇ам̣-сад̣̇д̣̇асса аасаннабажжагкабхаавам̣ гад̇ваа. д̣̇идтиязва д̣̇идтиг̇ад̇анд̇и г̇ад̇а-сад̣̇д̣̇асса бад̣̇авад̣дханамад̇д̇ад̇ам̣ ааха. д̣̇идтийсуг̇ад̇анд̇и мижчаад̣̇идтийсу барияаабаннанд̇и ад̇т̇о. д̇знзвааха ‘‘д̣̇ваасадтид̣̇идтианд̇ог̇ад̇хад̇д̇аа’’д̇и. д̣̇идтияаа г̇аманамад̇д̇анд̇и д̣̇идтияаа г̇ахан̣амад̇д̇ам̣. яат̇аа бана баб̣б̣ад̇аж̇алавид̣̇уг̇г̇аани д̣̇унниг̇г̇аманаани, звам̣ д̣̇идтиг̇г̇аахобийд̇и ааха ‘‘д̣̇унниг̇г̇аманадтзна г̇ахана’’нд̇и. д̇ам̣ наама уд̣̇агам̣, д̇ам̣ г̇ахзд̇ваа д̇ам̣ ад̇иггамид̇аб̣б̣ад̇о ганд̇ааро, нируд̣̇агаванам̣, д̇ам̣ бавананд̇иби вужжад̇и. ан̃н̃о бана аран̃н̃абад̣̇зсо д̣̇урад̇иггаманадтзна ганд̇ааро вияаад̇и, звам̣ д̣̇идтибийд̇и ааха ‘‘д̣̇урад̇иггаманадтзнаа’’д̇иаад̣̇и. винивиж̇жханам̣ вид̇уд̣̇анам̣. виломанам̣ вибарин̣аамабхааво. анавадтид̇асабхаавад̇ааяа вижалид̇ам̣ вибпанд̣̇ид̇анд̇и ааха ‘‘гад̣̇аажий’’д̇иаад̣̇и. анд̣̇уб̣анд̇ханаад̣̇и вияа ниссарид̇ум̣ аббад̣̇аанавасзна асзрибхаавагаран̣ам̣ б̣анд̇ханадто, гилзсагаммавибаагаваддаанам̣ бажжаяабхаавзна д̣̇уураг̇ад̇амби аагад̣дхид̇ваа сам̣яож̇анам̣ сам̣яож̇анадто, д̣̇идтиби д̇ат̇ааруубаад̇и вуд̇д̇ам̣ ‘‘д̣̇идтисам̣яож̇ана’’нд̇и. б̣анд̇ханад̇т̇ам̣ д̣̇ассзнд̇о гижжасид̣̇д̇хияаад̇и ад̇хиббааяо. д̇знзвааха ‘‘д̣̇идтисам̣яож̇анзна…бз… мужжад̇ий’’д̇и. д̇ад̇т̇а зд̇зхийд̇и иминаа ж̇аад̇иаад̣̇ид̣̇угкасса бажжаяабхаавамааха. ж̇аад̇иаад̣̇игз д̣̇угкад̇хаммз саруубад̇о д̣̇ассзд̇вааби ‘‘на баримужжад̇и д̣̇угкасмаа’’д̇и вад̣̇анд̇зна бхаг̇авад̇аа д̣̇идтисам̣яож̇анам̣ наама саб̣б̣аанад̇т̇агарам̣ махаасааваж̇ж̇ам̣ саб̣б̣ассаби д̣̇угкасса муулабхууд̇анд̇и аяамад̇т̇о вибхаавид̇од̇и д̣̇ассзд̇ум̣ ‘‘гим̣ ваа б̣ахунаа, сагалаваддад̣̇угкад̇оби на мужжад̇ий’’д̇и вуд̇д̇ам̣.

20. нану жзд̇т̇а д̣̇идтисам̣яож̇анад̣̇ассанзна сийлаб̣б̣ад̇абараамаасоби д̣̇ассзд̇аб̣б̣о, зван̃хи д̣̇ассанзна бахаад̇аб̣б̣аа аасаваа анавасзсад̇о д̣̇ассид̇аа хонд̇ийд̇и жод̣̇анам̣ санд̇хааяааха ‘‘яасмаа’’д̇иаад̣̇и. сийлаб̣б̣ад̇абараамаасо гаамаасаваад̣̇иг̇г̇ахан̣знзва г̇ахид̇о ход̇и гаамаасаваад̣̇ихзд̇угад̇д̇аа д̇асса. аббахийнагаамарааг̇аад̣̇иго хи гаамасукад̇т̇ам̣ ваа бхавасуд̣̇д̇хад̇т̇ам̣ ваа звам̣ бхавависуд̣̇д̇хи ход̇ийд̇и сийлаб̣б̣ад̇аани бараамасанд̇и, ‘‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’’д̇и (ма. ни. 1.186; ма. ни. 2.79), ‘‘д̇ад̇т̇а нижжо д̇хуво сассад̇о авибарин̣аамад̇хаммо сассад̇исамам̣ д̇ат̇зва тассаамий’’д̇и (ма. ни. 1.19), ‘‘сийлзна суд̣̇д̇хи вад̇зна суд̣̇д̇хи сийлаб̣б̣ад̇зна суд̣̇д̇хий’’д̇и (д̇ха. са. 1222) жа суд̇д̇звуд̇д̇ам̣ сийлаб̣б̣ад̇ам̣ бараамасанд̇и. д̇ад̇т̇а бхавасукабхавависуд̣̇д̇хиад̇т̇анд̇и бхавасукад̇т̇ан̃жа бхавависуд̣̇д̇хиад̇т̇ан̃жа. д̇асса г̇ахид̇ад̇д̇аад̇и сийлаб̣б̣ад̇абараамаасасса д̣̇идтиг̇г̇ахан̣зна г̇ахид̇ад̇д̇аа яат̇аа ‘‘д̣̇идтиг̇ад̇аанам̣ бахаанааяаа’’д̇иаад̣̇ийсу (д̇ха. са. 277). д̇зсанд̇и д̣̇ассанабахаад̇аб̣б̣аанам̣. д̣̇ассзд̇ум̣ буг̇г̇алаад̇хидтаанааяа д̣̇зсанааяа. д̇аб̣б̣ибарийд̇ассаад̇и яонисоманасигарод̇о галяаан̣абут̇уж̇ж̇анасса.

д̇ассаад̇и ‘‘суд̇аваа’’д̇иаад̣̇ибаатасса. д̇ааваад̇и ‘‘суд̇аваа’’д̇и ид̇о бадтааяа яаава ‘‘со ид̣̇ам̣ д̣̇угка’’нд̇и бад̣̇ам̣, д̇аава имам̣ бад̣̇ам̣ авад̇хим̣ гад̇ваад̇и ад̇т̇о. хздтаа вуд̇д̇анаязнаад̇и арияасаббуриса-арияад̇хамма-саббурисад̇хамма-манасигаран̣ийяа-аманасигаран̣ийяабад̣̇аанам̣ яат̇ааггамам̣ муулабарияааяз ид̇ха г̇ахзд̇ваа вуд̇д̇анаязна ад̇т̇о взд̣̇ид̇аб̣б̣од̇и самб̣анд̇хо. вуд̇д̇абажжанийгад̇од̇и ‘‘суд̇аваа арияасааваго, арияаанам̣ д̣̇ассаавий, саббурисаанам̣ д̣̇ассаавий’’д̇и зд̇зсам̣ бад̣̇аанам̣ саб̣б̣аагаарзна вуд̇д̇авибарийд̇ад̇о ад̇т̇о взд̣̇ид̇аб̣б̣о, говид̣̇авинийд̇абад̣̇аанам̣ бана на саб̣б̣аббагаарзна вуд̇д̇авибарийд̇ад̇о. арахаа хи ниббарияааязна арияад̇хаммз говид̣̇о арияад̇хаммз сувинийд̇о жа наама. д̇знааха ‘‘бажжанийгад̇о жа саб̣б̣аагаарзна…бз… арияасаавагод̇и взд̣̇ид̇аб̣б̣о’’д̇и. сан̇каарубзгкаан̃аан̣ам̣ сикааббад̇д̇авибассанаа. гзжи бана ‘‘бхан̇г̇ан̃аан̣ад̇о бадтааяа сикаабад̇д̇авибассанаа’’д̇и вад̣̇анд̇и, д̇ад̣̇аяуд̇д̇ам̣ . д̇ад̣̇ануруубзна ад̇т̇знаад̇и д̇асса буг̇г̇аласса ануруубзна арияадтзна, на бадивзд̇хавасзнаад̇и ад̇хиббааяо. галяаан̣абут̇уж̇ж̇ано хи аяам̣. яат̇аа жасса ‘‘яоби галяаан̣абут̇уж̇ж̇ано’’д̇и аарабхид̇ваа ‘‘соби вужжад̇и сигкад̇ийд̇и сзгко’’д̇и барияааязна сзгкасуд̇д̇з (сам̣. ни. 5.13) сзгкабхааво вуд̇д̇о, звам̣ ид̇ха арияасаавагабхааво вуд̇д̇о. вудтаанаг̇ааминийвибассанаалагкан̣зхи яз арияасаббурисад̇хаммавинаяасан̇каад̇аа б̣од̇хибагкияад̇хаммаа д̇иссо сигкаа зва ваа самбхаванд̇и, д̇зсам̣ васзна имасса арияасаавагаад̣̇ибхааво вуд̇д̇о . д̇знааха ‘‘д̇ад̣̇ануруубзна ад̇т̇знаа’’д̇и. арияасса саавагод̇и ваа арияасаавагад̇т̇зна зва вуд̇д̇о яат̇аа ‘‘аг̇амаа рааж̇аг̇ахам̣ б̣уд̣̇д̇хо’’д̇и (су. ни. 410). сикааббад̇д̇авибассанааг̇г̇ахан̣ан̃жзд̇т̇а вибассанам̣ уссуггаабзд̇ваа анивад̇д̇ибадибад̣̇ааяам̣ тид̇асса г̇ахан̣ад̇т̇анд̇и яат̇аавуд̇д̇аа ад̇т̇асам̣ван̣н̣анаа судтуд̇арам̣ яуж̇ж̇ад̇зва.

21. яат̇аа д̇хаад̇умукзна вибассанам̣ абхинивидто д̇хаад̇угаммадтааниго ааяад̇анаад̣̇имукзна абхинивидто ааяад̇анаад̣̇игаммадтааниго, звам̣ сажжамукзна абхинивидтод̇и вуд̇д̇ам̣ ‘‘жад̇усажжагаммадтааниго’’д̇и. жад̇урогханид̇т̇аран̣ад̇т̇игзхи гаад̇аб̣б̣ад̇о гаммам̣, бхааванаа. гаммамзва висзсаад̇хиг̇амасса таанам̣ гааран̣анд̇и, гаммз ваа яат̇аавуд̇д̇анадтзна таанам̣ авадтаанам̣ бхааванаарамбхогаммадтаанам̣, д̇ад̣̇зва жад̇усажжамукзна бавад̇д̇ам̣ зд̇асса ад̇т̇ийд̇и жад̇усажжагаммадтааниго. убхаяам̣ наббавад̇д̇ад̇и зд̇т̇аад̇и аббавад̇д̇и. уг̇г̇ахид̇ажад̇усажжагаммадтаанод̇и жа жад̇усажжагаммадтаанам̣ баал̣ид̇о ад̇т̇ад̇о жа уг̇г̇ахзд̇ваа манасигаараяог̇г̇ам̣ гад̇ваа тид̇о. вибассанаамаг̇г̇ам̣ самаарул̣ход̇и саббажжаяанаамаруубад̣̇ассанз бад̇идтааяа д̇ад̣̇зва наамаруубам̣ анижжаад̣̇ид̇о саммасанд̇о. саманнаахарад̇ийд̇и вибассанааваж̇ж̇анам̣ санд̇хааяааха, д̇асмаа яат̇аа ‘‘ид̣̇ам̣ д̣̇угка’’нд̇и вибассанаан̃аан̣ам̣ бавад̇д̇ад̇и, звам̣ саманнаахарад̇и ааваж̇ж̇ад̇ийд̇и ад̇т̇о. гат̇ам̣ банзд̇т̇а ‘‘манаси гарод̇ий’’д̇и иминаа ‘‘вибассад̇ий’’д̇и аяамад̇т̇о вуд̇д̇о ход̇ийд̇и ааха ‘‘зд̇т̇а…бз… вуд̇д̇аа’’д̇и. зд̇т̇аад̇и жа имасмим̣ суд̇д̇зд̇и ад̇т̇о. вибассад̇ийд̇и жа яат̇аа убари висзсаад̇хиг̇амо ход̇и, звам̣ н̃аан̣ажагкунаа вибассад̇и, ологзд̇ийд̇и ад̇т̇о. маг̇г̇оби вад̇д̇аб̣б̣о. буриман̃хи сажжад̣̇ваяам̣ г̇амбхийрад̇д̇аа д̣̇уд̣̇д̣̇асам̣, ид̇арам̣ д̣̇уд̣̇д̣̇асад̇д̇аа г̇амбхийрам̣.

абхинивзсод̇и вибассанаабхинивзсо вибассанаабадибад̇д̇и. д̇ад̣̇аарамман̣зд̇и д̇ам̣ руубагканд̇хам̣ аарамман̣ам̣ гад̇ваа бавад̇д̇з. яаат̇аавасарасалагкан̣ам̣ вавад̇т̇абзд̇ваад̇и авибарийд̇ам̣ ад̇д̇ано аарамман̣ам̣ сабхааважчзд̣̇анаад̣̇игижжан̃жзва ан̃н̃аан̣аад̣̇илагкан̣ан̃жа асан̇гарад̇о хад̣̇аяз табзд̇ваа. иминаа буб̣б̣з наамаруубабарижчзд̣̇з гад̇зби д̇хаммаанам̣ салагкан̣ававад̇т̇аабанам̣ бажжаяабариг̇г̇ахзна сувавад̇т̇аабид̇ам̣ наама ход̇ийд̇и д̣̇ассзд̇и яат̇аа ‘‘д̣̇вигкад̇д̇ум̣ б̣ад̣̇д̇хам̣ суб̣ад̣̇д̇ха’’нд̇и. зван̃хи н̃аад̇абарин̃н̃ааяа гижжам̣ сид̣̇д̇хам̣ наама ход̇и. бажжаяад̇о бажжаяуббаннад̇о жа вавад̇т̇аабид̇ад̇д̇аа баагадабхаавзна сид̣̇д̇хзнаби сид̣̇д̇хабхааво баагадо ход̇ийд̇и вуд̇д̇ам̣ ‘‘ахуд̇ваа хонд̇ий’’д̇и. анижжалагкан̣ам̣ ааробзд̇ийд̇и асад̇о хи уббаад̣̇зна бхавид̇аб̣б̣ам̣, на сад̇о, уббаад̣̇аванд̇ад̇о жа нзсам̣ зганд̇зна ижчид̇аб̣б̣аа бажжаяааяад̇д̇авуд̇д̇ибхаавад̇о, сад̇и уббаад̣̇з авассам̣бхаавий нирод̇ход̇и над̇т̇зва нижжад̇аавагаасод̇и. суубадтид̇аанижжад̇ааяа жа уд̣̇аяаб̣б̣аяад̇хаммзхи абхин̣хабадибийл̣анад̇о д̣̇угкаманадтзна д̣̇угкам̣. д̇знааха ‘‘уд̣̇аяаб̣б̣аяабадибийл̣ид̇ад̇д̇аа д̣̇угкаад̇и д̣̇угкалагкан̣ам̣ ааробзд̇ий’’д̇и. гад̇т̇ажиби сан̇каараг̇ад̇з ‘‘маа ж̇ийри маа б̣яаад̇хияий’’д̇и алаб̣бханад̇о над̇т̇и васавад̇д̇ананд̇и ааха ‘‘авасавад̇д̇анад̇о анад̇д̇аад̇и анад̇д̇алагкан̣ам̣ ааробзд̇ий’’д̇и. бадибаадияаад̇и уд̣̇аяаб̣б̣аяан̃аан̣аад̣̇ибарамбарааяа.

д̇асмим̣ кан̣зд̇и сод̇аабад̇д̇имаг̇г̇агкан̣з. згабадивзд̇хзнзваад̇и зган̃аан̣знзва бадивиж̇жханзна. бадивзд̇хо бадигхаад̇аабхаавзна висаяз ниссан̇г̇ажаарасан̇каад̇ам̣ ниб̣б̣иж̇жханам̣. абхисамаяо авираж̇жхид̇ваа висаяасса ад̇хиг̇амасан̇каад̇о аваб̣од̇хо. ‘‘ид̣̇ам̣ д̣̇угкам̣, зд̇д̇агам̣ д̣̇угкам̣, на ид̇о бхияяо’’д̇и барижчинд̣̇ид̇ваа ж̇аананамзва вуд̇д̇анаязна бадивзд̇ход̇и барин̃н̃аабадивзд̇хо. аяам̣ яат̇аа н̃аан̣з бавад̇д̇з бажчаа д̣̇угкасса саруубаад̣̇ибарижчзд̣̇з саммохо на ход̇и, д̇ат̇аа бавад̇д̇им̣ г̇ахзд̇ваа вуд̇д̇о, на бана маг̇г̇ан̃аан̣асса ‘‘ид̣̇ам̣ д̣̇угка’’нд̇иаад̣̇инааби вад̇д̇анад̇о. д̇знааха ‘‘на хисса д̇асмим̣ самаяз’’д̇иаад̣̇и. бахийнасса буна аббахаад̇аб̣б̣ад̇ааяа багадтам̣ хаанам̣ жаж̇анам̣ самужчинд̣̇анам̣ бахаанам̣, бахаанамзва вуд̇д̇анаязна бадивзд̇ход̇и бахаанабадивзд̇хо. аяамби язна гилзсзна аббахийяамаанзна маг̇г̇абхааванааяа на бхавид̇аб̣б̣ам̣, асад̇и жа маг̇г̇абхааванааяа яо уббаж̇ж̇зяяа, д̇асса гилзсасса бад̣̇агхаад̇ам̣ гаронд̇асса ануббад̇д̇ид̇хаммад̇ам̣ аабаад̣̇знд̇асса н̃аан̣асса д̇ат̇аабавад̇д̇ияаа бадигхаад̇аабхаавзна ниссан̇г̇ажаарам̣ убаад̣̇ааяа звам̣ вуд̇д̇о. сажчигирияаа бажжагкагаран̣ам̣, ануссаваагаарабаривид̇аггаад̣̇игз мун̃жид̇ваа саруубад̇о аарамман̣агаран̣ам̣ ид̣̇ам̣ д̇анд̇и яат̇аасабхаавад̇о г̇ахан̣ам̣, саа зва вуд̇д̇анаязна бадивзд̇ход̇и сажчигирияаабадивзд̇хо. аяам̣ бана яасса ааваран̣асса асамужчинд̣̇анад̇о н̃аан̣ам̣ нирод̇хам̣ ааламб̣ид̇ум̣ на саггод̇и, д̇асса самужчинд̣̇анад̇о д̇ам̣ саруубад̇о вибхаавид̇амзва бавад̇д̇ад̇ийд̇и звам̣ вуд̇д̇о.

бхааванаа уббаад̣̇анаа вад̣дханаа жа, д̇ад̇т̇а батамамаг̇г̇з уббаад̣̇анадтзна, д̣̇уд̇ияаад̣̇ийсу вад̣дханадтзна, убхаяад̇т̇ааби ваа убхаяат̇ааби взд̣̇ид̇аб̣б̣ам̣. батамамаг̇г̇оби хи яат̇аарахам̣ вудтаанаг̇ааминияам̣ бавад̇д̇ам̣ бариж̇аананаад̣̇им̣ вад̣дхзнд̇о бавад̇д̇од̇и д̇ад̇т̇ааби вад̣дханадтзна бхааванаа саггаа вин̃н̃аад̇ум̣. д̣̇уд̇ияаад̣̇ийсуби аббахийнагилзсаббахаанад̇о буг̇г̇аланд̇арасаад̇ханад̇о уббаад̣̇анадтзна бхааванаа, саа зва вуд̇д̇анаязна бадивзд̇ход̇и бхааванаа бадивзд̇хо. аяамби хи яат̇аа н̃аан̣з бавад̇д̇з бажчаа маг̇г̇ад̇хаммаанам̣ саруубабарижчзд̣̇з саммохо на ход̇и, д̇ат̇аа бавад̇д̇имзва г̇ахзд̇ваа вуд̇д̇о, д̇идтад̇у д̇аава яат̇аад̇хиг̇ад̇амаг̇г̇ад̇хаммам̣ яат̇аабавад̇д̇зсу палад̇хаммзсуби аяам̣ яат̇аад̇хиг̇ад̇асажжад̇хаммзсу вияа виг̇ад̇асаммохова ход̇и. д̇зна вуд̇д̇ам̣ ‘‘д̣̇идтад̇хаммо бад̇д̇ад̇хаммо вид̣̇ид̇ад̇хаммо барияог̇аал̣хад̇хаммо’’д̇и (д̣̇ий. ни. 1.299, 356; махаава. 27, 57). яад̇о жасса д̇хаммад̇аасан̃жод̣̇ид̇аа яат̇аад̇хиг̇ад̇асажжад̇хаммааваламб̣инияо маг̇г̇авийт̇ид̇о барад̇о маг̇г̇апалабахийнаавасидтагилзсаниб̣б̣аанаанам̣ бажжавзгкан̣аа бавад̇д̇анд̇и. д̣̇угкасажжад̇хаммаа хи саггааяад̣̇идтиаад̣̇аяо. аяан̃жа ад̇т̇аван̣н̣анаа ‘‘барин̃н̃аабхисамаязнаа’’д̇иаад̣̇ийсуби вибхаавзд̇аб̣б̣аа. згаабхисамаязна абхисамзд̇ийд̇и вуд̇д̇амзвад̇т̇ам̣ вибхууд̇ад̇арам̣ гад̇ваа д̣̇ассзд̇ум̣ ‘‘но жа ко ан̃н̃аман̃н̃зна н̃аан̣знаа’’д̇иаад̣̇и вуд̇д̇ам̣.

вид̇ан̣д̣аваад̣̇ий банааха ‘‘арияамаг̇г̇ан̃аан̣ам̣ жад̇уусу сажжзсу наанаабхисамаяавасзна гижжагаран̣ам̣, на згаабхисамаяавасзна. д̇ан̃хи гаалзна д̣̇угкам̣ баж̇аанаад̇и, гаалзна самуд̣̇аяам̣ баж̇ахад̇и, гаалзна нирод̇хам̣ сажчигарод̇и, гаалзна маг̇г̇ам̣ бхаавзд̇и, ан̃н̃ат̇аа згасса н̃аан̣асса згасмим̣ кан̣з жад̇угижжагаран̣ам̣ на яуж̇ж̇ад̇и. на хид̣̇ам̣ гад̇т̇ажи д̣̇идтамби суд̇д̇ам̣ ад̇т̇ий’’д̇и. со вад̇д̇аб̣б̣о – яад̣̇и арияамаг̇г̇ан̃аан̣ам̣ наанаабхисамаяавасзна сажжаани абхисамзд̇и, на згаабхисамаяавасзна, звам̣ санд̇з бажжзгамби сажжзсу наанагкан̣знзва бавад̇д̇зяяа, на згагкан̣зна, д̇ат̇аа сад̇и д̣̇угкаад̣̇ийнам̣ згад̣̇зсзгад̣̇зсамзва бариж̇аанаад̇и баж̇ахад̇ийд̇и аабаж̇ж̇ад̇ийд̇и наанаабхисамаяз батамамаг̇г̇аад̣̇ийхи бахаад̇аб̣б̣аанам̣ сан̃н̃ож̇анад̇д̇аяаад̣̇ийнам̣ згад̣̇зсзгад̣̇зсаббахаанам̣ сияаад̇и згад̣̇зсасод̇аабад̇д̇имаг̇г̇адтаад̣̇ид̇аа, д̇ад̇о зва згад̣̇зсасод̇аабаннаад̣̇ид̇аа жа аабаж̇ж̇ад̇и ананд̇арапалад̇д̇аа логуд̇д̇арагусалаанам̣, на жа д̇ам̣ яуд̇д̇ам̣. на хи гаалабхзд̣̇зна винаа со зва сод̇аабанно жа асод̇аабанно жаад̇и саггаа вин̃н̃аад̇ум̣.

абижааяам̣ наанаабхисамаяаваад̣̇ий звам̣ бужчид̇аб̣б̣о ‘‘маг̇г̇ан̃аан̣ам̣ сажжаани бадивиж̇жханд̇ам̣ гим̣ аарамман̣ад̇о бадивиж̇жхад̇и, уд̣̇ааху гижжад̇о’’д̇и? ж̇аанамаано ‘‘гижжад̇о’’д̇и вад̣̇зяяа, ‘‘гижжад̇о бадивиж̇жханд̇асса гим̣ наанаабхисамаязнаа’’д̇и вад̇ваа бадибаадияаанид̣̇ассанзна сан̃н̃аабзд̇аб̣б̣о. ат̇а ‘‘аарамман̣ад̇о’’д̇и вад̣̇зяяа, звам̣ санд̇з д̇асса н̃аан̣асса вибассанаан̃аан̣асса вияа д̣̇угкасамуд̣̇аяаанам̣ ажжанд̇абарин̃н̃аасамужчзд̣̇аа на яуд̇д̇аа аниссадад̇д̇аа. д̇ат̇аа маг̇г̇ад̣̇ассанам̣. на хи маг̇г̇о саяамзва ад̇д̇аанам̣ аараб̣бха бавад̇д̇ад̇ийд̇и яуд̇д̇ам̣, маг̇г̇анд̇арабаригаббанааяа бана анавадтаанам̣ аабаж̇ж̇ад̇и, д̇асмаа д̇ийн̣и сажжаани гижжад̇о, нирод̇хам̣ гижжад̇о жа аарамман̣ад̇о жа бадивиж̇жхад̇ийд̇и звам̣ асаммохад̇о бадивиж̇жханд̇асса маг̇г̇ан̃аан̣асса над̇т̇зва наанаабхисамаяо. вуд̇д̇ан̃хзд̇ам̣ ‘‘яо бхигкавз д̣̇угкам̣ бассад̇и, д̣̇угкасамуд̣̇аяамби со бассад̇ий’’д̇иаад̣̇и. на жзд̇ам̣ гааланд̇арад̣̇ассанам̣ санд̇хааяа вуд̇д̇ам̣ ‘‘яо ну ко, аавусо, д̣̇угкам̣ бассад̇и, д̣̇угкасамуд̣̇аяамби …бз… д̣̇угканирод̇хаг̇ааминибадибад̣̇амби со бассад̇ий’’д̇и (сам̣. ни. 5.1100) згажжад̣̇ассанасаман̇г̇ино ан̃н̃асажжад̣̇ассанасаман̇г̇ибхаававижааран̣ааяам̣ д̇ад̣̇ад̇т̇асаад̇ханад̇т̇ам̣ ааяасмад̇аа г̇авамбад̇ид̇т̇зрзна аабхад̇ад̇д̇аа, бажжзган̃жа сажжад̇д̇аяад̣̇ассанасса яож̇ид̇ад̇д̇аа, ан̃н̃ат̇аа буримад̣̇идтасса буна ад̣̇ассанад̇о самуд̣̇аяаад̣̇ид̣̇ассанамаяож̇анияам̣ сияаа. на хи логуд̇д̇арамаг̇г̇о логияамаг̇г̇о вияа гад̇агаарийбхаавзна бавад̇д̇ад̇и самужчзд̣̇агад̇д̇аа, д̇ат̇аа яож̇анзна жа саб̣б̣ад̣̇ассанам̣ д̣̇ассананд̇арабараманд̇и д̣̇ассанаанубарамо сияаад̇и звам̣ ааг̇амад̇о яуд̇д̇ид̇о жа наанаабхисамаяо на яуж̇ж̇ад̇ийд̇и сан̃н̃аабзд̇аб̣б̣о. звам̣ жз сан̃н̃ад̇д̇им̣ г̇ажчад̇и, ижжзд̇ам̣ гусалам̣. но жз г̇ажчад̇и, абхид̇хаммз (гат̇аа. 274) од̇хисогат̇ааяа сан̃н̃аабзд̇аб̣б̣од̇и.

нирод̇хам̣ аарамман̣ад̇од̇и нирод̇хамзва аарамман̣ад̇од̇и нияамо г̇ахзд̇аб̣б̣о, на аарамман̣ад̇оваад̇и. д̇зна нирод̇хз гижжад̇оби бадивзд̇хо сид̣̇д̇хо ход̇и. д̇асмим̣ самаязд̇и сажжаанам̣ абхисамаяз. вийсад̇ивад̇т̇угаад̇иаад̣̇и ‘‘д̇ийн̣и сан̃н̃ож̇анааний’’д̇и вуд̇д̇аанам̣ саруубад̣̇ассанам̣. жад̇уусу аасавзсууд̇и ид̣̇ам̣ абхид̇хамманаязна вуд̇д̇ам̣, на суд̇д̇анд̇анаязна. на хи суд̇д̇з гад̇т̇ажи жад̇д̇ааро аасаваа ааг̇ад̇аа ад̇т̇и. яад̣̇и вижигижчаа на аасаво, ат̇а гасмаа ‘‘саггааяад̣̇идти вижигижчаа сийлаб̣б̣ад̇абараамаасо, имз вужжанд̇и, бхигкавз, аасаваа д̣̇ассанаа бахаад̇аб̣б̣аа’’д̇и вуд̇д̇анд̇и ааха ‘‘д̣̇ассанаа бахаад̇аб̣б̣аа’’д̇иаад̣̇и. зд̇т̇а барияаабаннад̇д̇аад̇и зд̇зна саммаасан̇габбасса вияа бан̃н̃аагканд̇хз гижжасабхааг̇ад̇ааяа ид̇ха вижигижчааяа аасавасан̇г̇ахо гад̇од̇и д̣̇ассзд̇и.

саб̣б̣о ад̇д̇аг̇г̇аахо саггааяад̣̇идтивинимуд̇д̇о над̇т̇ийд̇и вуд̇д̇ам̣ ‘‘чаннам̣ д̣̇идтийнам̣…бз… вибхад̇д̇аа’’д̇и. саа хи д̣̇идти згасмим̣ жид̇д̇уббаад̣̇з санд̇аанз жа тид̇ам̣ згадтам̣, д̇ад̇т̇а батамам̣ сахаж̇аад̇згадтам̣, ид̇арам̣ бахаанзгадтам̣, д̇ад̣̇убхаяамби нид̣̇д̇хаарзд̇ваа д̣̇ассзд̇ум̣ ‘‘д̣̇идтаасавзхий’’д̇иаад̣̇и вуд̇д̇ам̣. саб̣б̣ат̇аабийд̇и саб̣б̣аббагаарзна, сахаж̇аад̇згадтабахаанзгадтаббагаарзхийд̇и ад̇т̇о. авасзсаад̇и д̣̇идтаасавад̇о авасидтаа. д̇аяоби аасаваад̇и гаамаасавабхаваасаваавиж̇ж̇аасаваа. д̇ат̇аа хи буб̣б̣з ‘‘жад̇уусу аасавзсуу’’д̇и вуд̇д̇ам̣. д̇асмаад̇и яасмаа б̣ахуу звзд̇т̇а аасаваа бахаад̇аб̣б̣аа, д̇асмаа б̣ахуважананид̣̇д̣̇зсо гад̇о ‘‘имз вужжанд̇и, бхигкавз, аасаваа д̣̇ассанаа бахаад̇аб̣б̣аа’’д̇и. бораан̣аананд̇и адтагат̇аажарияаанам̣, ‘‘бураад̇анаанам̣ маж̇жхимабхаан̣агаана’’нд̇и жа вад̣̇анд̇и.

д̣̇ассанаа бахаад̇аб̣б̣аад̇иаад̣̇ийсу яам̣ вад̇д̇аб̣б̣ам̣, д̇ам̣ хздтаа вуд̇д̇амзва.

д̣̇ассанаабахаад̇аб̣б̣ааасававан̣н̣анаа нидтид̇аа.

сам̣вараабахаад̇аб̣б̣ааасававан̣н̣анаа

22. сам̣вараад̣̇ийхийд̇и сам̣варабадисзванаад̇хиваасанабариваж̇ж̇анавинод̣̇анзхи. саб̣б̣зсамбийд̇и жад̇уннамби арияамаг̇г̇аанам̣. аяанд̇и сам̣вараабахаад̇аб̣б̣аад̣̇игат̇аа буб̣б̣абхааг̇абадибад̣̇аад̇и взд̣̇ид̇аб̣б̣аа. д̇ат̇аа хи хздтаа ‘‘убаггилзсависод̇ханам̣ аад̣̇им̣ гад̇ваа аасавагкаяабадибад̇д̇ид̣̇ассанад̇т̇а’’нд̇и суд̇д̇анд̇ад̣̇зсанааяа баяож̇анам̣ вуд̇д̇ам̣. на хи саггаа аад̣̇ид̇о зва арияамаг̇г̇ам̣ бхаавзд̇ум̣, ат̇а ко самаад̣̇иннасийло инд̣̇риязсу г̇уд̇д̇ад̣̇вааро ‘‘сан̇кааязгам̣ бадисзвад̇и, сан̇кааязгам̣ ад̇хиваасзд̇и, сан̇кааязгам̣ бариваж̇ж̇зд̇и, сан̇кааязгам̣ винод̣̇зд̇ий’’д̇и (д̣̇ий. ни. 3.348; ма. ни. 2.168) звам̣ вуд̇д̇ам̣ жад̇ураабассзнабадибад̇д̇им̣ бадибаж̇ж̇амаано саммасанавид̇хим̣ од̇арид̇ваа ануггамзна вибассанам̣ уссуггаабзд̇ваа маг̇г̇абадибаадияаа аасавз кзбзд̇и. д̇знааха бхаг̇аваа ‘‘сзяяат̇ааби, бхигкавз, махаасамуд̣̇д̣̇о анубуб̣б̣анинно анубуб̣б̣абон̣о анубуб̣б̣абаб̣бхааро, на ааяад̇агзнзва бабаад̇о, звам̣ ко, бхигкавз, имасмим̣ д̇хаммавинаяз анубуб̣б̣асигкаа анубуб̣б̣агирияаа анубуб̣б̣абадибад̣̇аа, на ааяад̇агзнзва ан̃н̃аабадивзд̇хо’’д̇и (а. ни. 8.20; уд̣̇аа. 45; жуул̣ава. 385).

ид̇хаад̇и аяам̣ ид̇ха-сад̣̇д̣̇о саб̣б̣аагаарад̇о инд̣̇рияасам̣варасам̣вуд̇асса буг̇г̇аласса санниссаяабхууд̇асаасанабарид̣̇ийбано, ан̃н̃асаасанасса д̇ат̇аабхаавабадисзд̇хано жаад̇и вуд̇д̇ам̣ ‘‘имасмим̣ саасанз’’д̇и. аад̣̇ийнавабадисан̇каад̇и аад̣̇ийнавабажжавзгкан̣аа. самбалимадтанд̇и (а. ни. дий. 3.6.58) гхам̣сид̇ам̣. ануб̣яан̃ж̇анасод̇и хад̇т̇абаад̣̇ахасид̇агат̇ид̇авилогид̇аад̣̇иббагаарабхааг̇асо. д̇ан̃хи аяонисо манасигарод̇о гилзсаанам̣ ану ану б̣яан̃ж̇анад̇о ‘‘ануб̣яан̃ж̇ана’’нд̇и вужжад̇и. нимид̇д̇аг̇г̇ааход̇и ид̇т̇ибурисанимид̇д̇аад̣̇игасса ваа гилзсавад̇т̇убхууд̇асса ваа нимид̇д̇асса г̇аахо. аад̣̇ид̇д̇абарияааяанаязнаад̇и аад̣̇ид̇д̇абарияааяз (сам̣. ни. 4.28; махаава. 54) ааг̇ад̇анаязна взд̣̇ид̇аб̣б̣аа аад̣̇ийнавабадисан̇каад̇и яож̇анаа. яат̇аа ид̇т̇ияаа инд̣̇рияанд̇и ид̇т̇инд̣̇рияам̣, на звамид̣̇ам̣, ид̣̇ам̣ бана жагкумзва инд̣̇рияанд̇и жагкунд̣̇рияанд̇и. д̇ид̇т̇агааго вияаад̇и д̇ид̇т̇з гааго д̇ид̇т̇агааго, над̣̇ияаа самад̇иггаманад̇ид̇т̇з нияад̇адтид̇иго. ааваадагажчабод̇иаад̣̇ийсуби зсзва наяо.

звам̣ д̇аббадиб̣ад̣̇д̇хавуд̇д̇ид̇ааяа жагкунд̣̇рияз нияад̇адтаано сам̣варо жагкунд̣̇рияасам̣варо. мудтассажжам̣ сад̇ибадибагкаа агусалад̇хаммаа. яад̣̇иби ан̃н̃ад̇т̇а асан̇кзяяамби бхаван̇г̇ажид̇д̇ам̣ ниранд̇арам̣ уббаж̇ж̇ад̇и, басаад̣̇агхадданааваж̇ж̇ануббаад̣̇аанам̣ бана анд̇арз д̣̇вз зва бхаван̇г̇ажид̇д̇аани уббаж̇ж̇анд̇ийд̇и аяам̣ жид̇д̇анияаамод̇и ааха бхаван̇г̇з ‘‘д̣̇вигкад̇д̇ум̣ уббаж̇ж̇ид̇ваа нируд̣̇д̇хз’’д̇и.

ж̇аванагкан̣з бана сажз д̣̇уссийляам̣ ваад̇иаад̣̇и (висуд̣̇д̇хи. дий. 1.15; д̇ха. са. мууладий. 1352) буна аважанад̇т̇ам̣ ид̇хзва саб̣б̣ам̣ вуд̇д̇анд̇и часу д̣̇ваарзсу яат̇аасамбхавам̣ яож̇зд̇аб̣б̣ам̣. на хи бан̃жад̣̇ваарз гааяаважийд̣̇ужжарид̇асан̇каад̇о д̣̇уссийляасам̣варо ад̇т̇ийд̇и со манод̣̇вааравасзна, ид̇аро чаннамби д̣̇ваараанам̣ васзна яож̇зд̇аб̣б̣о. мудтассажжаад̣̇ийнан̃хи сад̇ибадибагкаад̣̇илагкан̣аанам̣ агусалад̇хаммаанам̣ сияаа бан̃жад̣̇ваарз уббад̇д̇и, на д̇взва гааяигаваажасигавийд̇иггамабхууд̇асса д̣̇уссийляасса д̇ад̇т̇а уббад̇д̇и бан̃жад̣̇вааригаж̇аванаанам̣ авин̃н̃ад̇д̇иж̇анагад̇д̇аад̇и.

яат̇аа гинд̇и язна багаарзна ж̇аванз уббаж̇ж̇амаано асам̣варо ‘‘жагкуд̣̇ваарз асам̣варо’’д̇и вужжад̇и, д̇ам̣ нид̣̇ассанам̣ гинд̇и ад̇т̇о. яат̇аад̇иаад̣̇инаа наг̇арад̣̇ваарз асам̣варз сад̇и д̇ам̣самб̣анд̇хаанам̣ гхараад̣̇ийнам̣ асам̣вуд̇ад̇аа вияа ж̇аванз асам̣варз сад̇и д̇ам̣самб̣анд̇хаанам̣ д̣̇ваараад̣̇ийнам̣ асам̣вуд̇ад̇аад̇и ан̃н̃аасам̣варз ан̃н̃аасам̣вуд̇ад̇аасааман̃н̃амзва нид̣̇ассзд̇и, на буб̣б̣аабарасааман̃н̃ам̣, анд̇об̣ахисааман̃н̃ам̣ ваа. самб̣анд̇хо жа ж̇аванзна д̣̇ваараад̣̇ийнам̣ згасанд̇ад̇ибарияаабаннад̇ааяа зва д̣̇адтаб̣б̣о. бажжаяабхаавзна буриманибпаннам̣ ж̇аванагаалз асанд̇амби бхаван̇г̇аад̣̇и паланибпад̇д̇ияаа жагкаад̣̇и вияа санд̇ам̣язва наама. на хи д̇харамаанам̣язва ‘‘санд̇а’’нд̇и вужжад̇и, д̇асмаа сад̇и д̣̇ваарабхаван̇г̇аад̣̇игз бажчаа уббаж̇ж̇амаанам̣ ж̇аванам̣ б̣аахирам̣ вияа гад̇ваа наг̇арад̣̇ваарасамаанам̣ вуд̇д̇ам̣. ид̇аран̃жа анд̇онаг̇арагхараад̣̇исамаанам̣. ж̇аванасса хи барамад̇т̇ад̇о асад̇иби б̣аахирабхаавз ид̇арасса жа аб̣бханд̇арабхаавз ‘‘бабхассарамид̣̇ам̣, бхигкавз, жид̇д̇ам̣, д̇ан̃жа ко ааг̇анд̇угзхи убаггилзсзхи убаггилидта’’нд̇и (а. ни. 1.49) аад̣̇иважанад̇о ааг̇анд̇угабхууд̇асса гад̣̇аажи гад̣̇аажи уббаж̇ж̇амаанасса ж̇аванасса б̣аахирабхааво, д̇аб̣б̣ид̇хурасабхаавасса ид̇арасса аб̣бханд̇арабхааво жа барияааяад̇о взд̣̇ид̇аб̣б̣о. ж̇аванз ваа асам̣варз уббаннз д̇ад̇о барам̣ д̣̇ваарабхаван̇г̇аад̣̇ийнам̣ асам̣варахзд̇убхааваабад̇д̇ид̇о наг̇арад̣̇ваарасад̣̇исзна ж̇аванзна бависид̇ваа д̣̇уссийляаад̣̇ижораанам̣ д̣̇ваарабхаван̇г̇аад̣̇ийсу мусанам̣ гусалабхан̣д̣авинаасанам̣ д̣̇адтаб̣б̣ам̣. уббаннз хи асам̣варз д̣̇ваараад̣̇ийнам̣ д̇асса хзд̇убхааво бан̃н̃ааяад̇и, со жа уббаж̇ж̇амааноязва д̣̇ваараад̣̇ийнам̣ сам̣варуубаниссаяабхаавам̣ бадиб̣аахзнд̇оязва бавад̇д̇ад̇ийд̇и аяан̃хзд̇т̇а асам̣вараад̣̇ийнам̣ бавад̇д̇инаяо. бан̃жад̣̇ваарз руубаад̣̇иаарамман̣з аабаат̇аг̇ад̇з яат̇аабажжаяам̣ агусалаж̇аванз уббаж̇ж̇ид̇ваа бхаван̇г̇ам̣ од̇ин̣н̣з манод̣̇вааригаж̇аванам̣ д̇ам̣язва аарамман̣ам̣ гад̇ваа бхаван̇г̇ам̣ од̇арад̇и, буна д̇асмим̣язва д̣̇ваарз ‘‘ид̇т̇ий бурисо’’д̇иаад̣̇инаа висаяам̣ вавад̇т̇абзд̇ваа ж̇аванам̣ бхаван̇г̇ам̣ од̇арад̇и, буна ваарз раж̇ж̇анаад̣̇ивасзна ж̇аванам̣ ж̇авад̇и, бунаби яад̣̇и д̇аад̣̇исам̣ аарамман̣ам̣ аабаат̇амааг̇ажчад̇и, д̇ам̣сад̣̇исамзва бан̃жад̣̇ваарз руубаад̣̇ийсу ж̇аванам̣ уббаж̇ж̇ад̇и. д̇ам̣ санд̇хааяа вуд̇д̇ам̣ ‘‘звамзва ж̇аванз д̣̇уссийляаад̣̇ийсу уббаннзсу д̇асмим̣ асам̣варз сад̇и д̣̇ваарамби аг̇уд̇д̇а’’нд̇иаад̣̇и. аяам̣ д̇аава асам̣варабагкз ад̇т̇аван̣н̣анаа.

сам̣варабагкзби иминаава наязна ад̇т̇о взд̣̇ид̇аб̣б̣о. сам̣варзна саманнааг̇ад̇о буг̇г̇ало сам̣вуд̇од̇и вуд̇д̇од̇и ааха ‘‘убзд̇од̇и вуд̇д̇ам̣ ход̇ий’’д̇и. згаж̇жхам̣ гад̇ваад̇и ‘‘баад̇имогкасам̣варасам̣вуд̇о’’д̇и бад̣̇ан̃жа ад̇т̇ад̇о абхиннам̣ самаанам̣ гад̇ваа. аяамзва жзд̇т̇а ад̇т̇о сунд̣̇арад̇аро убарибаал̣ияаа сам̣санд̣̇анад̇о. д̇знааха ‘‘д̇ат̇аахий’’д̇иаад̣̇и. яанд̇и аад̣̇зсод̇и иминаа лин̇г̇авибаллаасзна сад̣̇д̇хим̣ важанавибаллаасо гад̇од̇и д̣̇ассзд̇и, нибаад̇абад̣̇ам̣ ваа зд̇ам̣ бажжад̇д̇абут̇уважанад̇т̇ам̣. вигхаад̇агараад̇и жид̇д̇авигхаад̇агаран̣аа жид̇д̇ад̣̇угканиб̣б̣ад̇д̇агаа жа. яат̇аавуд̇д̇агилзсахзд̇угаа д̣̇аахаануб̣анд̇хаа вибаагаа зва вибаагабарил̣аахаа. яат̇аа банзд̇т̇а аасаваа ан̃н̃з жа вигхаад̇агараа гилзсавибаагабарил̣аахаа самбхаванд̇и, д̇ам̣ д̣̇ассзд̇ум̣ ‘‘жагкуд̣̇ваарзхий’’д̇иаад̣̇и вуд̇д̇ам̣, д̇ам̣ сувин̃н̃зяяамзва. зд̇т̇а жа сам̣варан̣уубааяо, сам̣варид̇аб̣б̣ам̣, сам̣варо, яад̇о со сам̣варо, яад̇т̇а сам̣варо, яан̃жа сам̣варапаланд̇и аяам̣ вибхааг̇о взд̣̇ид̇аб̣б̣о. гат̇ам̣? бадисан̇каа яонисод̇и хи сам̣варан̣уубааяо. жагкунд̣̇рияам̣ сам̣варид̇аб̣б̣ам̣. сам̣вараг̇г̇ахан̣зна г̇ахид̇аа сад̇и сам̣варо. асам̣вуд̇ассаад̇и сам̣варан̣аавад̇хи. асам̣варад̇о хи сам̣варан̣ам̣. сам̣варид̇аб̣б̣аг̇г̇ахан̣зна сид̣̇д̇хо ид̇ха сам̣варависаяо. жагкунд̣̇рияан̃хи сам̣варан̃аан̣ам̣ руубаарамман̣з сам̣варийяад̇ийд̇и авуд̇д̇асид̣̇д̇хояамад̇т̇о. аасавад̇аннимид̇д̇агилзсаад̣̇ибарил̣аахаабхааво палам̣. звам̣ сод̇ад̣̇ваараад̣̇ийсуби яож̇зд̇аб̣б̣ам̣. саб̣б̣ад̇т̇зваад̇и манод̣̇ваарз бан̃жад̣̇ваарз жаад̇и саб̣б̣асмим̣ д̣̇ваарз.

сам̣вараабахаад̇аб̣б̣ааасававан̣н̣анаа нидтид̇аа.

бадисзванаабахаад̇аб̣б̣ааасававан̣н̣анаа

23. бадисан̇каа яонисо жийваранд̇иаад̣̇ийсу ‘‘сийд̇асса бадигхаад̇ааяаа’’д̇иаад̣̇инаа вуд̇д̇ам̣ бажжавзгкан̣амзва яонисо бадисан̇каа. ийд̣̇исанд̇и зваруубам̣ идтаарамман̣ам̣. бхавабад̇т̇анааяа ассаад̣̇аяад̇од̇и бхавабад̇т̇анаамукзна бхаавид̇ам̣ аарамман̣ам̣ ассаад̣̇знд̇асса. жийваранд̇и ниваасанаад̣̇и яам̣ гин̃жи жийварам̣. бадисзвад̇ийд̇и ниваасанаад̣̇ивасзна барибхун̃ж̇ад̇и. яаавад̣̇зваад̇и баяож̇анабаримаан̣анияаманам̣. сийд̇абадигхаад̇аад̣̇иязва хи яог̇ино жийварабадисзванз баяож̇анам̣. сийд̇ассаад̇и д̇хаад̇угкобхад̇о ваа уд̇убарин̣аамад̇о ваа уббаннасийд̇асса. бадигхаад̇ааяаад̇и бадиб̣ааханад̇т̇ам̣ д̇аббажжаяасса вигаарасса винод̣̇анад̇т̇ам̣. ун̣хассаад̇и аг̇г̇исанд̇аабад̇о уббаннасса ун̣хасса. д̣ам̣саад̣̇аяо баагадааязва. буна яаавад̣̇зваад̇и нияад̇абаяож̇анабаримаан̣анияаманам̣. нияад̇ан̃хи баяож̇анам̣ жийварабадисзванасса хиригобийнабадижчаад̣̇анам̣, ид̇арам̣ гад̣̇аажи гад̣̇аажи . хиригобийнанд̇и самб̣аад̇хадтаанам̣ . яасмин̃хи ан̇г̇з вивадз хирийгуббад̇и винассад̇и, д̇ам̣ хирияаа гобанад̇о хиригобийнам̣, д̇асса бадижчаад̣̇анад̇т̇ам̣ жийварам̣ бадисзвад̇и.

бин̣д̣абаад̇анд̇и яам̣ гин̃жи аахаарам̣. со хи бин̣д̣олязна бхигканааяа бад̇д̇з бад̇анад̇о д̇ад̇т̇а д̇ад̇т̇а лад̣̇д̇хабхигкаабин̣д̣аанам̣ баад̇о саннибаад̇од̇и ‘‘бин̣д̣абаад̇о’’д̇и вужжад̇и. нзва д̣̇авааяаад̇и на гийл̣анааяа. на мад̣̇ааяаад̇и на б̣аламад̣̇амаанамад̣̇абурисамад̣̇ад̇т̇ам̣. на ман̣д̣анааяаад̇и на ан̇г̇абажжан̇г̇аанам̣ бийн̣анабхаавад̇т̇ам̣. на вибхуусанааяаад̇и на д̇зсам̣язва собханад̇т̇ам̣, чависамбад̇иад̇т̇анд̇и ад̇т̇о. имаани жа бад̣̇аани яат̇ааггамам̣ моха-д̣̇оса-сан̣таана-ван̣н̣а-рааг̇уубаниссаяа-бахаанад̇т̇аани взд̣̇ид̇аб̣б̣аани. буримам̣ ваа д̣̇ваяам̣ ад̇д̇ано ад̇д̇ано сам̣гилзсуббад̇д̇инисзд̇ханад̇т̇ам̣, ид̇арам̣ барассаби. жад̇д̇аариби гаамасукаллигаануяог̇асса бахаанад̇т̇ам̣ вуд̇д̇аанийд̇и взд̣̇ид̇аб̣б̣аани. гааяассаад̇и руубагааяасса. тид̇ияаа яаабанааяаад̇и баб̣анд̇хадтид̇ад̇т̇ан̃жзва бавад̇д̇ияаа авижчзд̣̇анад̇т̇ан̃жа жирагааладтид̇ад̇т̇ам̣ ж̇ийвид̇инд̣̇рияасса бавад̇д̇аабанад̇т̇ам̣. вихим̣суубарад̇ияаад̇и ж̇игхажчаад̣̇угкасса убараман̣ад̇т̇ам̣. б̣рахмажарияаануг̇г̇ахааяаад̇и саасанамаг̇г̇аб̣рахмажарияаанам̣ ануг̇г̇ахад̇т̇ам̣. ид̇ийд̇и звам̣ иминаа убааязна. бураан̣ан̃жа взд̣̇анам̣ бадихан̇каамийд̇и бураан̣ам̣ абхуд̇д̇абажжаяаа уббаж̇ж̇анагавзд̣̇анам̣ бадиханиссаами. наван̃жа взд̣̇анам̣ на уббаад̣̇зссаамийд̇и навам̣ бхуд̇д̇абажжаяаа уббаж̇ж̇анагавзд̣̇анам̣ на уббаад̣̇зссаамийд̇и. д̇ассаа хи ануббаннааяа ануббаж̇ж̇анад̇т̇амзва аахаарам̣ барибхун̃ж̇ад̇и. зд̇т̇а жа абхуд̇д̇абажжаяаа уббаж̇ж̇анагавзд̣̇анаа наама яат̇аабавад̇д̇аа ж̇игхажчаанимид̇д̇аа взд̣̇анаа. саа хи абхун̃ж̇анд̇асса бхияяо бхияяо бавад̣дханавасзна уббаж̇ж̇ад̇и, бхуд̇д̇абажжаяаа уббаж̇ж̇анагавзд̣̇анааби куд̣̇аанимид̇д̇аава ан̇г̇ад̣̇аахасуулаад̣̇ивзд̣̇анаа аббавад̇д̇аа. саа хи бхуд̇д̇абажжаяаа ануббаннаава на уббаж̇ж̇иссад̇ийд̇и. вихим̣саанимид̇д̇ад̇аа жзд̇аасам̣ вихим̣сааяа висзсо.

яаад̇раа жа мз бхависсад̇ийд̇и яаабанаа жа мз жад̇уннам̣ ирияаабат̇аанам̣ бхависсад̇и. яаабанааяаад̇и иминаа ж̇ийвид̇инд̣̇рияаяаабанаа вуд̇д̇аа, ид̇ха жад̇уннам̣ ирияаабат̇аанам̣ авижчзд̣̇асан̇каад̇аа яаабанаад̇и аяамзд̇аасам̣ висзсо. анаваж̇ж̇ад̇аа жа паасувихааро жаад̇и аяуд̇д̇абариязсанабадиг̇г̇ахан̣абарибхог̇абариваж̇ж̇анзна анаваж̇ж̇ад̇аа, баримид̇абарибхог̇зна паасувихааро. асаббааяаабаримид̇абхож̇анабажжаяаа арад̇ид̇анд̣̇ийвиж̇амбхид̇аавин̃н̃уг̇арахаад̣̇ид̣̇осаабхаавзна ваа анаваж̇ж̇ад̇аа, саббааяабаримид̇абхож̇анабажжаяаа гааяаб̣аласамбхавзна паасувихааро. яаавад̣̇ад̇т̇ауд̣̇араавад̣̇зхагабхож̇анабариваж̇ж̇анзна сзяяасукабассасукамид̣̇д̇хасукаад̣̇ийнам̣ абхаавад̇о анаваж̇ж̇ад̇аа, жад̇убан̃жаалобамад̇д̇ан̃н̃ийнабхож̇анзна жад̇уирияаабат̇аяог̇яад̇аабаад̣̇анад̇о паасувихааро. вуд̇д̇ан̃хзд̇ам̣ –

‘‘жад̇д̇ааро бан̃жа аалобз, абхуд̇ваа уд̣̇агам̣ бивз;

алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 983);

зд̇д̇аавад̇аа баяож̇анабариг̇г̇ахо, маж̇жхимаа жа бадибад̣̇аа д̣̇ийбид̇аа ход̇и.

сзнаасананд̇и саяанан̃жа аасанан̃жа. яад̇т̇а хи вихаараад̣̇игз сзд̇и нибаж̇ж̇ад̇и, аасад̇и нисийд̣̇ад̇и, д̇ам̣ сзнаасанам̣. уд̇убариссаяавинод̣̇анабадисаллаанаараамад̇т̇анд̇и уд̇уязва барисаханадтзна бариссаяо, сарийрааб̣аад̇хажид̇д̇авигкзбагаро, ат̇а ваа яат̇аавуд̇д̇о уд̇у жа сийхаб̣яаг̇гхаад̣̇ибаагадабариссаяо жа рааг̇ад̣̇осаад̣̇ибадижчаннабариссаяо жа уд̇убариссаяо, д̇асса винод̣̇анад̇т̇ан̃жзва згийбхаавасукад̇т̇ан̃жа. ид̣̇ан̃жа жийварабадисзванз хиригобийнабадижчаад̣̇анам̣ вияа д̇асса нияад̇абаяож̇ананд̇и буна ‘‘яаавад̣̇зваа’’д̇и вуд̇д̇ам̣.

г̇илаанабажжаяабхзсаж̇ж̇абаригкааранд̇и рог̇асса бажжанийгаббавад̇д̇ияаа г̇илаанабажжаяо, д̇ад̇о зва бхисаггасса анун̃н̃аад̇авад̇т̇уд̇ааяа бхзсаж̇ж̇ам̣, ж̇ийвид̇асса бариваарасамбхаарабхаавзхи баригкааро жаад̇и г̇илаанабажжаяабхзсаж̇ж̇абаригкааро, д̇ам̣. уббаннаананд̇и ж̇аад̇аанам̣ ниб̣б̣ад̇д̇аанам̣. взяяааб̣аад̇хигаананд̇и б̣яааб̣аад̇хад̇о д̇хаад̇угкобхад̇о жа д̇анниб̣б̣ад̇д̇арог̇ад̇о жа ж̇аад̇аанам̣. взд̣̇анаананд̇и д̣̇угкавзд̣̇анаанам̣. аб̣яааб̣аж̇жхабарамад̇ааяаад̇и нид̣̇д̣̇угкабарамабхаавааяа бадисзваамийд̇и яож̇анаа. звамзд̇т̇а сан̇кзбзнзва баал̣иван̣н̣анаа взд̣̇ид̇аб̣б̣аа. нававзд̣̇ануббаад̣̇анад̇обийд̇и на гзвалам̣ ааяад̇им̣ зва вибаагабарил̣аахаа, ат̇а ко ад̇ибхож̇анабажжаяаа алам̣саадагаад̣̇ийнам̣ вияа нававзд̣̇ануббаад̣̇анад̇оби взд̣̇ид̇аб̣б̣аад̇и ад̇т̇о.

бадисзванаабахаад̇аб̣б̣ааасававан̣н̣анаа нидтид̇аа.

ад̇хиваасанаабахаад̇аб̣б̣ааасававан̣н̣анаа

24. камод̇и каманаго. гаммадтаанигасса жаланам̣ наама гаммадтаанабарижжааг̇од̇и ааха ‘‘жалад̇и гамбад̇и гаммадтаанам̣ виж̇ахад̇ий’’д̇и. ад̇химад̇д̇амби ун̣хам̣ сахад̇и, саханд̇о жа на наг̇г̇асаман̣аад̣̇аяо вияа сахад̇и, ат̇а ко гаммадтаанаавиж̇аханзнаад̇и ааха ‘‘свзва т̇зро вияаа’’д̇и. б̣ахижан̇гамзд̇и лзн̣ад̇о б̣ахи жан̇гамз. ун̣хабхаязнзваад̇и нарагаг̇г̇иун̣хабхаязнзва. д̇знааха ‘‘авийжимахаанираяам̣ бажжавзгкид̇ваа’’д̇и, д̇амби ‘‘маяаа анзгагкад̇д̇ум̣ анубхууд̇ам̣, ид̣̇ам̣ бана д̇ад̇о муд̣̇уд̇ара’’нд̇и звам̣ бажжавзгкид̇ваа. зд̇т̇аад̇и зд̇асмим̣ таанз. аг̇г̇исанд̇аабова взд̣̇ид̇аб̣б̣о суурияасанд̇аабасса барад̇о вужжамаанад̇д̇аа.

барисуд̣̇д̇хасийлохамасмийд̇и саб̣б̣ат̇ааби ‘‘висуд̣̇д̇хасийлохамасмий’’д̇и маран̣ам̣ аг̇г̇ахзд̇ваа авиббадисаарамуулигам̣ бийд̇им̣ уббаад̣̇зси. саха бийд̇уббаад̣̇аад̇и паран̣абийд̇ияаа уббаад̣̇зна сахзва. висам̣ нивад̇д̇ид̇ваад̇и бийд̇ивзг̇зна аж̇жход̇т̇ад̇ам̣ д̣̇адтамукзнзва бхассид̇ваа. д̇ад̇т̇зваад̇и саббзна д̣̇адтадтаанзязва. жид̇д̇згаг̇г̇ад̇ам̣ лабхид̇ваад̇и ‘‘бийд̇иманасса гааяо бассамбхад̇ий’’д̇иаад̣̇инаа (д̣̇ий. ни. 1.466; 3.359; сам̣. ни. 5.376; а. ни. 3.96; 11.12) наязна самаад̇хаанам̣ баабун̣ид̇ваа.

бажжаязсу санд̇осо бхааванааяа жа аарамид̇аб̣б̣адтаанад̇ааяа аараамо ассаад̇и бажжаяасанд̇осабхааванаараамо, д̇асса бхааво бажжаяа…бз… раамад̇аа, д̇ааяа. махаат̇зрод̇и вуд̣дхад̇аро т̇зро. важанамзва д̇ад̣̇ад̇т̇ам̣ н̃аабзд̇угаамаанам̣ бат̇од̇и важанабат̇о.

асукадтзна ваа д̇иб̣б̣аа. яан̃хи на сукам̣, д̇ам̣ анидтам̣ ‘‘д̇иб̣б̣а’’нд̇и вужжад̇и. звам̣сабхаавод̇и ‘‘ад̇хиваасанаж̇аад̇ияо’’д̇и бад̣̇асса ад̇т̇амааха. мухуд̇д̇зна кан̣зва ваад̇з хад̣̇аяам̣ паалзд̇ум̣ аарад̣̇д̇хзязва. анааг̇аамий худ̇ваа бариниб̣б̣ааяийд̇и арахад̇д̇ам̣ бад̇ваа бариниб̣б̣ааяи.

звам̣ саб̣б̣ад̇т̇аад̇и ‘‘ун̣хзна пудтасса сийд̇ам̣ бад̇т̇аяад̇о’’д̇иаад̣̇инаа саб̣б̣ад̇т̇а ун̣хаад̣̇инимид̇д̇ам̣ гаамаасавуббад̇д̇и взд̣̇ид̇аб̣б̣аа, сийд̇ам̣ ваа ун̣хам̣ ваа анидтанд̇и ад̇хиббааяо. ад̇д̇аг̇г̇аахз сад̇и ад̇д̇анияаг̇г̇ааход̇и ааха ‘‘маяхам̣ сийд̇ам̣ ун̣ханд̇и г̇аахо д̣̇идтаасаво’’д̇и. сийд̇аад̣̇игз убаг̇ад̇з саханд̇ий каманд̇ий д̇з ад̇д̇ано убари ваасзнд̇ий вияа ход̇ийд̇и вуд̇д̇ам̣ ‘‘ааробзд̇ваа ваасзд̇иязваа’’д̇и . на нирассад̇ийд̇и на вид̇хунад̇и. яо хи сийд̇аад̣̇игз на сахад̇и, со д̇з нирассанд̇о вид̇хунанд̇о вияа ход̇ийд̇и.

ад̇хиваасанаабахаад̇аб̣б̣ааасававан̣н̣анаа нидтид̇аа.

бариваж̇ж̇анаабахаад̇аб̣б̣ааасававан̣н̣анаа

25. ахам̣ саман̣од̇и (а. ни. дий. 3.6.58) ‘‘ахам̣ саман̣о, гим̣ мама ж̇ийвид̇зна ваа маран̣зна ваа’’д̇и звам̣ ажинд̇зд̇ваад̇и ад̇хиббааяо. бажжавзгкид̇ваад̇и г̇аамаббад̣̇зсам̣ баяож̇анаад̣̇ин̃жа бажжавзгкид̇ваа. бадиггамад̇ийд̇и хад̇т̇иаад̣̇ийнам̣ самийбаг̇аманад̇о абаггамад̇и. ган̣дагаа яад̇т̇а д̇идтанд̇и, д̇ам̣ ган̣дагадтаанам̣. амануссад̣̇удтаанийд̇и амануссасан̃жаарзна д̣̇уусид̇аани, сабариссаяаанийд̇и ад̇т̇о. самаананд̇и самам̣, ависаманд̇и ад̇т̇о. агааси ваа д̇аад̣̇исам̣ анаажаарам̣.

сийласам̣варасан̇каад̇знаад̇и ‘‘гат̇ам̣ бариваж̇ж̇анам̣ сийла’’нд̇и яад̣̇зд̇т̇а вад̇д̇аб̣б̣ам̣, д̇ам̣ хздтаа вуд̇д̇амзва. абижа ‘‘жан̣д̣ам̣ хад̇т̇им̣ бариваж̇ж̇зд̇ий’’д̇и важанад̇о хад̇т̇иаад̣̇ибариваж̇ж̇анамби бхаг̇авад̇о важанаанудтаананд̇и гад̇ваа аажаарасийламзваад̇и взд̣̇ид̇аб̣б̣ам̣.

бариваж̇ж̇анаабахаад̇аб̣б̣ааасававан̣н̣анаа нидтид̇аа.

винод̣̇анаабахаад̇аб̣б̣ааасававан̣н̣анаа

26. ид̇ибийд̇и иминаа гааран̣зна, аяонисоманасигаарасамудтид̇ад̇д̇ааби лобхаад̣̇исахаг̇ад̇ад̇д̇ааби гусалабадибагкад̇обийд̇иаад̣̇ийхи гааран̣зхи аяам̣ вид̇агго агусалод̇и ад̇т̇о. иминаа наязна сааваж̇ж̇од̇иаад̣̇ийсуби ад̇т̇о взд̣̇ид̇аб̣б̣о. зд̇т̇а жа агусалод̇иаад̣̇инаа д̣̇идтад̇хаммигам̣ гаамавид̇аггасса аад̣̇ийнавам̣ д̣̇ассзд̇и, д̣̇угкавибаагод̇и иминаа самбарааяигам̣. ад̇д̇аб̣яааб̣аад̇хааяа сам̣вад̇д̇ад̇ийд̇иаад̣̇ийсуби иминаава наязна аад̣̇ийнававибхааванаа взд̣̇ид̇аб̣б̣аа. уббаннасса гаамавид̇аггасса анад̇хиваасанам̣ наама буна д̇аад̣̇исасса ануббаад̣̇анам̣, д̇ам̣ банасса бахаанам̣ винод̣̇анам̣ б̣яанд̇игаран̣ам̣ анабхааваг̇амананд̇и жа вад̇д̇ум̣ ваддад̇ийд̇и баал̣ияам̣ ‘‘уббаннам̣ гаамавид̇аггам̣ наад̇хиваасзд̇ий’’д̇и вад̇ваа ‘‘баж̇ахад̇ий’’д̇иаад̣̇и вуд̇д̇анд̇и д̇амад̇т̇ам̣ д̣̇ассзнд̇о ‘‘анад̇хиваасзнд̇о гим̣ гарод̇ийд̇и баж̇ахад̇ий’’д̇иаад̣̇имааха. бахаанан̃жзд̇т̇а вигкамбханамзва, на самужчзд̣̇од̇и д̣̇ассзд̇ум̣ ‘‘винод̣̇зд̇ий’’д̇иаад̣̇и вуд̇д̇анд̇и вигкамбханавасзнзва ад̇т̇о д̣̇ассид̇о.

гаамавид̇аггод̇и самбаяог̇ад̇о аарамман̣ад̇о жа гаамасахаг̇ад̇о вид̇агго. д̇знааха ‘‘гаамабадисам̣яуд̇д̇о д̇агго’’д̇иаад̣̇и. гаамабадисам̣яуд̇д̇од̇и хи гаамарааг̇асан̇каад̇зна гаамзна самбаяуд̇д̇о вад̇т̇угаамасан̇каад̇зна бадиб̣ад̣̇д̇хо жа. уббаннуббаннзд̇и д̇зсам̣ баабавид̇аггаанам̣ уббаад̣̇аавад̇т̇ааг̇ахан̣ам̣ ваа гад̇ам̣ сияаа анавасзсаг̇г̇ахан̣ам̣ ваа. д̇зсу батамам̣ санд̇хааяааха ‘‘убаннамад̇д̇з’’д̇и, самбад̇иж̇аад̇зд̇и ад̇т̇о. анавасзсаг̇г̇ахан̣ам̣ б̣яаабанижчааяа ход̇ийд̇и д̣̇ассзд̇ум̣ ‘‘сад̇агкад̇д̇умби уббаннз’’д̇и вуд̇д̇ам̣. н̃аад̇ивид̇аггод̇и ‘‘амхаагам̣ н̃аад̇аяо сукаж̇ийвино самбад̇д̇ияуд̇д̇аа’’д̇иаад̣̇инаа г̇зхассид̇абзмавасзна н̃аад̇агз аараб̣бха уббаннавид̇агго. ж̇анабад̣̇авид̇аггод̇и ‘‘амхаагам̣ ж̇анабад̣̇о субхигко самбаннасассо раман̣ийяо’’д̇иаад̣̇инаа г̇зхассид̇абзмавасзнзва ж̇анабад̣̇ам̣ аараб̣бха уббаннавид̇агго. уггудигаббад̇хаанаад̣̇ийхи д̣̇угкз ниж̇ж̇ин̣н̣з самбарааяз ад̇д̇аа сукий ход̇и амарод̇и д̣̇уггарагааригааяа бадисам̣яуд̇д̇о амарад̇т̇ааяа вид̇агго, д̇ам̣ ваа аараб̣бха амараавигкзбад̣̇идтисахаг̇ад̇о амаро жа со вид̇агго жаад̇и амаравид̇агго. бараануд̣̇д̣̇аяад̇аабадисам̣яуд̇д̇од̇и барзсу убадтаагаад̣̇ийсу сахананд̣̇игаад̣̇ивасзна бавад̇д̇о ануд̣̇д̣̇аяад̇аабад̇ируубаго г̇зхассид̇абзмзна бадисам̣яуд̇д̇о вид̇агго. лаабхасаггаарасилогабадисам̣яуд̇д̇од̇и жийвараад̣̇илаабхзна жзва саггаарзна жа гид̇д̇исад̣̇д̣̇зна жа аарамман̣агаран̣авасзна бадисам̣яуд̇д̇о. анаван̃н̃ад̇д̇ибадисам̣яуд̇д̇од̇и ‘‘ахо вад̇а мам̣ барз на аваж̇аанзяяум̣, на хздтаа гад̇ваа ман̃н̃зяяум̣, баасаан̣ажчад̇д̇ам̣ вияа г̇арум̣ гарзяяу’’нд̇и уббаннавид̇агго.

гаамавид̇агго гаамасан̇габбанасабхаавад̇д̇аа гаамасан̇габбабавад̇д̇ияаа саад̇исаяад̇д̇аа жа гааманаагаарод̇и ааха ‘‘гаамавид̇агго банзд̇т̇а гаамаасаво’’д̇и. д̇аб̣б̣исзсод̇и гаамаасавависзсо, рааг̇асахавуд̇д̇ийд̇и ад̇хиббааяо. гаамавид̇аггаад̣̇игз винод̣̇зд̇и ад̇д̇ано санд̇аанад̇о нийхарад̇и зд̇знаад̇и винод̣̇анам̣, вийрияанд̇и ааха ‘‘вийрияасам̣варасан̇каад̇зна винод̣̇анзнаа’’д̇и.

винод̣̇анаабахаад̇аб̣б̣ааасававан̣н̣анаа нидтид̇аа.

бхааванаабахаад̇аб̣б̣ааасававан̣н̣анаа

27. ‘‘сад̇д̇а б̣ож̇жхан̇г̇аа бхаавид̇аа б̣ахулийгад̇аа виж̇ж̇аавимуд̇д̇ияо барибуурзнд̇ий’’д̇и (сам̣. ни. 5.187) важанад̇о виж̇ж̇аавимуд̇д̇ийнам̣ анад̇хиг̇амо д̇ад̇о жа сагалаваддад̣̇угкаанад̇ивад̇д̇и абхааванааяа аад̣̇ийнаво, вуд̇д̇авибарияааязна бхаг̇авад̇о орасабуд̇д̇абхааваад̣̇ивасзна жа бхааванааяа аанисам̣со взд̣̇ид̇аб̣б̣о. убаримаг̇г̇ад̇д̇аяасамаяасамбхууд̇аад̇и д̣̇уд̇ияаад̣̇имаг̇г̇агкан̣з ж̇аад̇аа, бхааванаад̇хигаарад̇о д̣̇уд̇ияамаг̇г̇аад̣̇ибарияаабаннаад̇и ад̇т̇о. нану жа д̇з логуд̇д̇араа зва, гасмаа висзсанам̣ гад̇анд̇и? наяид̣̇ам̣ висзсанам̣, висзсид̇аб̣б̣ам̣ банзд̇ам̣, логуд̇д̇араб̣ож̇жхан̇г̇аа зва ад̇хиббзд̇аа, д̇з жа ко убаримаг̇г̇ад̇д̇аяасамаяасамбхууд̇аад̇и. б̣ож̇жхан̇г̇зсу асаммохад̇т̇анд̇и вибассанаажхаанамаг̇г̇апалаб̣ож̇жхан̇г̇зсу саммохаабхаавад̇т̇ам̣. миссаганаязна хи б̣ож̇жхан̇г̇зсу вужжамаанзсу д̇ад̣̇ан̇г̇аад̣̇ививзгад̣̇ассанавасзна вибассанааб̣ож̇жхан̇г̇аад̣̇аяо вибхаж̇ид̇ваа вужжанд̇и, на ниб̣б̣ад̇д̇ид̇алогуд̇д̇араб̣ож̇жхан̇г̇аа зваад̇и б̣ож̇жхан̇г̇зсу саммохо на ход̇и б̣ож̇жхан̇г̇абхааванаабадибад̇д̇ияаа жа саммад̣̇зва багаасид̇ад̇д̇аа. ид̇ха банаад̇и имасмим̣ суд̇д̇з, имасмим̣ ваа ад̇хигаарз. логуд̇д̇аранаяо зва г̇ахзд̇аб̣б̣о бхааванаамаг̇г̇асса ад̇хигад̇ад̇д̇аа.

аад̣̇ибад̣̇аананд̇и (а. ни. дий. 1.1.418) ‘‘сад̇исамб̣ож̇жхан̇г̇а’’нд̇и звамаад̣̇ийнам̣ д̇асмим̣ д̇асмим̣ ваагяз аад̣̇ибхууд̇аанам̣ бад̣̇аанам̣. ад̇т̇ад̇од̇и висзсавасзна сааман̃н̃авасзна жа бад̣̇ад̇т̇ад̇о. лагкан̣аад̣̇ийхийд̇и лагкан̣арасабажжубадтаанад̇о. гамад̇од̇и анубуб̣б̣ид̇о. ануунаад̇хигад̇од̇и д̇аавад̇д̇агад̇о. вибхаавинаад̇и вин̃н̃унаа.

сад̇исамб̣ож̇жхан̇г̇зд̇и сад̇исамб̣ож̇жхан̇г̇абад̣̇з. саран̣адтзнаад̇и ануссаран̣адтзна. жирагад̇аад̣̇ибхзд̣̇ам̣ аарамман̣ам̣ убаг̇анд̇ваа таанам̣, аниссаж̇ж̇анам̣ ваа убадтаанам̣. уд̣̇агз алааб̣у вияа билавид̇ваа г̇анд̇ум̣ ад̣̇ад̇ваа баасаан̣асса вияа нижжаласса аарамман̣асса табанам̣ сааран̣ам̣ асаммудтад̇аагаран̣ам̣ абилаабанам̣. вуд̇д̇амби хзд̇ам̣ милинд̣̇абан̃хз. бхан̣д̣ааг̇ааригод̇и бхан̣д̣аг̇обаго. абилаабз гарод̇и абилаабзд̇и. т̇зрзнаад̇и нааг̇асзнад̇т̇зрзна. саммосабажжанийгам̣ гижжам̣ асаммосо, на саммосаабхаавамад̇д̇ам̣. г̇ожараабхимукабхаавабажжубадтаанаад̇и гааяаад̣̇иаарамман̣аабхимукабхаавабажжубадтаанаа.

б̣од̇хияаа д̇хаммасаамаг̇г̇ияаа, ан̇г̇о аваяаво, б̣од̇хисса ваа арияасаавагасса ан̇г̇о гааран̣ам̣. бад̇идтаанааяууханаа огхад̇аран̣асуд̇д̇аван̣н̣анааяам̣ (сам̣. ни. адта. 1.1.1) –

‘‘гилзсавасзна бад̇идтаанам̣, абхисан̇кааравасзна ааяууханаа. д̇ан̣хаад̣̇идтийхи бад̇идтаанам̣, авасзсагилзсаабхисан̇каарзхи ааяууханаа. д̇ан̣хаавасзна бад̇идтаанам̣, д̣̇идтивасзна ааяууханаа. сассад̇ад̣̇идтияаа бад̇идтаанам̣, ужчзд̣̇ад̣̇идтияаа ааяууханаа. лийнавасзна бад̇идтаанам̣, уд̣̇д̇хажжавасзна ааяууханаа. гаамасукаануяог̇авасзна бад̇идтаанам̣, ад̇д̇агиламат̇аануяог̇авасзна ааяууханаа. саб̣б̣аагусалаабхисан̇кааравасзна бад̇идтаанам̣, саб̣б̣алогияагусалаабхисан̇кааравасзна ааяууханаа’’д̇и –

вуд̇д̇зсу багаарзсу ид̇ха авуд̇д̇аанам̣ васзна взд̣̇ид̇аб̣б̣аа. яаа хи аяам̣ б̣од̇хийд̇и вужжад̇ийд̇и яож̇зд̇аб̣б̣ам̣ . ‘‘б̣уж̇жхад̇ий’’д̇и бад̣̇асса бадиб̣уж̇жхад̇ийд̇и ад̇т̇од̇и ааха ‘‘гилзсасанд̇аананид̣̇д̣̇ааяа удтахад̇ий’’д̇и. д̇ам̣ бана бадиб̣уж̇жханам̣ ад̇т̇ад̇о жад̇уннам̣ сажжаанам̣ бадивзд̇хо, ниб̣б̣аанассзва ваа сажчигирияаад̇и ааха ‘‘жад̇д̇аарий’’д̇иаад̣̇и. жхаанан̇г̇амаг̇г̇ан̇г̇аад̣̇аяо вияаад̇и яат̇аа ан̇г̇аани зва жхаанамаг̇г̇аа, на ан̇г̇авинимуд̇д̇аа, звамид̇хаабийд̇и ад̇т̇о. сзнан̇г̇арат̇ан̇г̇аад̣̇аяо вияаад̇и зд̇зна буг̇г̇алабан̃н̃ад̇д̇ияаа авиж̇ж̇амаанабан̃н̃ад̇д̇ибхаавам̣ д̣̇ассзд̇и.

б̣од̇хааяа сам̣вад̇д̇анд̇ийд̇и б̣ож̇жхан̇г̇аад̇и ид̣̇ам̣ гааран̣ад̇т̇о ан̇г̇а-сад̣̇д̣̇од̇и гад̇ваа вуд̇д̇ам̣. б̣уж̇жханд̇ийд̇и б̣од̇хияо, б̣од̇хияо зва ан̇г̇аад̇и б̣ож̇жхан̇г̇аад̇и вуд̇д̇ам̣ ‘‘б̣уж̇жханд̇ийд̇и б̣ож̇жхан̇г̇аа’’д̇и. ануб̣уж̇жханд̇ийд̇и вибассанаад̣̇ийнам̣ гааран̣аанам̣ б̣уж̇жхид̇аб̣б̣аанан̃жа сажжаанам̣ ануруубам̣ б̣уж̇жханд̇и. бадиб̣уж̇жханд̇ийд̇и гилзсанид̣̇д̣̇ааяа удтаханад̇о бажжагкабхаавзна ваа бадимукам̣ б̣уж̇жханд̇и. самб̣уж̇жханд̇ийд̇и авибарийд̇абхаавзна саммаа жа б̣уж̇жханд̇и. звам̣ убасаг̇г̇аанам̣ ад̇т̇ависзсад̣̇ийбанад̇аа д̣̇адтаб̣б̣аа. б̣од̇хи-сад̣̇д̣̇о хи саб̣б̣ависзсаяуд̇д̇ам̣ б̣уж̇жханам̣ сааман̃н̃зна г̇ахзд̇ваа тид̇о.

вижинаад̇ийд̇и ‘‘д̇аяид̣̇ам̣ д̣̇угка’’нд̇иаад̣̇инаа виймам̣сад̇и. обхаасанам̣ д̇хаммаанам̣ яат̇аабхууд̇асабхаавабадижчаад̣̇агасса саммохасса вид̣̇д̇хам̣санам̣ яат̇аа аалого анд̇хагаарасса. яасмим̣ д̇хаммз сад̇и вийро наама ход̇и, со д̇хаммо вийрабхааво. ийраяид̇аб̣б̣ад̇од̇и бавад̇д̇зд̇аб̣б̣ад̇о. госаж̇ж̇абагкад̇о бад̇ид̇ум̣ аббад̣̇аанавасзна самбаяуд̇д̇аанам̣ баг̇г̇ан̣ханам̣ баг̇г̇ахо. убад̇т̇амбханам̣ ануб̣алаббад̣̇аанам̣. осийд̣̇анам̣ лаяаабад̇д̇и, д̇аббадибагкад̇о аносийд̣̇анам̣ д̣̇адтаб̣б̣ам̣. бийн̣аяад̇ийд̇и д̇аббзд̇и вад̣дхзд̇и ваа. паран̣ам̣ бан̣ийд̇аруубзхи гааяасса б̣яаабанам̣. д̇удти наама бийд̇и. уд̣̇аг̇г̇абхааво од̣̇аг̇яам̣, гааяажид̇д̇аанам̣ угкибананд̇и ад̇т̇о. гааяажид̇д̇ад̣̇арат̇абассамбханад̇од̇и гааяад̣̇арат̇асса жид̇д̇ад̣̇арат̇асса жа бассамбханад̇о вуубасаманад̇о. гааяод̇и жзд̇т̇а взд̣̇анаад̣̇аяо д̇аяо канд̇хаа. д̣̇арат̇о саарамбхо, д̣̇угкад̣̇оманассабажжаяаанам̣ уд̣̇д̇хажжаад̣̇игилзсаанам̣, д̇аббад̇хаанаанам̣ ваа жад̇уннам̣ канд̇хаанам̣ ад̇хиважанам̣. уд̣̇д̇хажжаад̣̇игилзсабадибагкабхааво д̣̇адтаб̣б̣о, зван̃жзд̇т̇а бассад̣̇д̇хияаа абарибпанд̣̇анасийд̇ибхааво д̣̇адтаб̣б̣о асаарад̣̇д̇хабхаавад̇о. д̇знааха бхаг̇аваа ‘‘бассад̣̇д̇хо гааяо асаарад̣̇д̇хо’’д̇и (ма. ни. 1.52).

самаад̇хаанад̇од̇и саммаа жид̇д̇асса аад̇хаанад̇о табанад̇о. авигкзбо самбаяуд̇д̇аанам̣ авигкид̇д̇ад̇аа, язна сасамбаяуд̇д̇аа д̇хаммаа авигкид̇д̇аа хонд̇и, со д̇хаммо авигкзбод̇и. ависааро ад̇д̇ано зва ависаран̣асабхааво. самбин̣д̣анам̣ самбаяуд̇д̇аанам̣ авиббагин̣н̣абхааваабаад̣̇анам̣ нхаанийяажун̣н̣аанам̣ уд̣̇агам̣ вияа. жид̇д̇адтид̇ибажжубадтаанод̇и ‘‘жид̇д̇асса тид̇ий’’д̇и (д̇ха. са. 11) важанад̇о жид̇д̇асса баб̣анд̇хатид̇ибажжубадтаано. аж̇жхубзгканад̇од̇и уд̣̇аасийнабхаавад̇о. саад̇и б̣ож̇жхан̇г̇аубзгкаа . самаббавад̇д̇з д̇хаммз бадисан̃жигкад̇и убабад̇д̇ид̇о игкад̇и д̇ад̣̇аагаараа худ̇ваа бавад̇д̇ад̇ийд̇и бадисан̇кааналагкан̣аа, зван̃жа гад̇ваа ‘‘бадисан̇каа санд̇идтанаа г̇ахан̣з маж̇жхад̇д̇ад̇аа’’д̇и убзгкаагижжаад̇химад̇д̇ад̇ааяа сан̇каарубзгкаа вуд̇д̇аа. самбаяуд̇д̇ад̇хаммаанам̣ яат̇аасагагижжагаран̣авасзна самам̣ бавад̇д̇анабажжаяад̇аа самаваахид̇аа. алийнаануд̣̇д̇хад̇аббавад̇д̇ибажжаяад̇аа уунаад̇хигад̇аанивааран̣ам̣. самбаяуд̇д̇аанам̣ асамаббавад̇д̇ихзд̇угабагкабаад̇ам̣ убажчинд̣̇анд̇ий вияа ход̇ийд̇и вуд̇д̇ам̣ ‘‘багкабаад̇убажчзд̣̇арасаа’’д̇и. аж̇жхубзгканамзва маж̇жхад̇д̇абхааво.

саб̣б̣асмим̣ лийнабагкз уд̣̇д̇хажжабагкз жа ад̇т̇игаа бад̇т̇анийяаа ижчид̇аб̣б̣аад̇и саб̣б̣ад̇т̇игаа, д̇ам̣ саб̣б̣ад̇т̇игам̣. самаанагкан̣абавад̇д̇ийсу сад̇д̇асуби самб̣ож̇жхан̇г̇зсу ваажааяа гамаббавад̇д̇ид̇о бадибаадияаа вад̇д̇аб̣б̣зсу яам̣ гин̃жи батамам̣ авад̇ваа сад̇исамб̣ож̇жхан̇г̇ассзва батамам̣ важанасса гааран̣ам̣ саб̣б̣зсам̣ убагаарагад̇д̇анд̇и вуд̇д̇ам̣ ‘‘саб̣б̣зса’’нд̇иаад̣̇и. саб̣б̣зсанд̇и жа лийнуд̣̇д̇хажжабагкигаанам̣, ан̃н̃ат̇аа саб̣б̣зби саб̣б̣зсам̣ бажжаяаад̇и.

‘‘гасмаа сад̇д̇зва б̣ож̇жхан̇г̇аа вуд̇д̇аа’’д̇и жод̣̇аго сад̣̇д̇хаалобхаад̣̇ийнамби б̣ож̇жхан̇г̇абхаавам̣ аасан̇гад̇и, ид̇аро сад̇иаад̣̇ийнам̣язва бхааванааяа убагаарад̇ам̣ д̣̇ассзнд̇о ‘‘лийнуд̣̇д̇хажжабадибагкад̇о саб̣б̣ад̇т̇игад̇о жаа’’д̇иаад̣̇имааха. д̇ад̇т̇а лийнассаад̇и ад̇исит̇илавийрияад̇аад̣̇ийхи бхааванаавийт̇им̣ анод̇арид̇ваа сам̣гудид̇асса жид̇д̇асса. д̇ад̣̇аа хи бассад̣̇д̇хисамаад̇хиубзгкаасамб̣ож̇жхан̇г̇аа на бхаавзд̇аб̣б̣аа. д̇ан̃хи зд̇зхи аллад̇ин̣аад̣̇ийхи вияа барид̇д̇о аг̇г̇и д̣̇уссамудтаабияам̣ ход̇ийд̇и. д̇знааха бхаг̇аваа ‘‘сзяяат̇ааби, бхигкавз, бурисо барид̇д̇ам̣ аг̇г̇им̣ уж̇ж̇аалзд̇угаамо асса, со д̇ад̇т̇а аллаани жзва д̇ин̣аани багкибзяяаа’’д̇иаад̣̇и (сам̣. ни. 5.234). д̇хаммавижаяавийрияабийд̇исамб̣ож̇жхан̇г̇аа бана бхаавзд̇аб̣б̣аа, сугкад̇ин̣аад̣̇ийхи вияа барид̇д̇о аг̇г̇и лийнам̣ жид̇д̇ам̣ зд̇зхи сусамудтаабияам̣ ход̇ийд̇и. д̇зна вуд̇д̇ам̣ ‘‘яасмин̃жа ко’’д̇иаад̣̇и. д̇ад̇т̇а яат̇аасагам̣ аахааравасзна д̇хаммавижаяасамб̣ож̇жхан̇г̇аад̣̇ийнам̣ бхааванаа взд̣̇ид̇аб̣б̣аа. вуд̇д̇ан̃хзд̇ам̣ ‘‘ад̇т̇и, бхигкавз, гусалаагусалаа д̇хаммаа…бз… бийд̇исамб̣ож̇жхан̇г̇асса бхияяобхаавааяа…бз… сам̣вад̇д̇ад̇ий’’д̇и (сам̣. ни. 5.232). д̇ад̇т̇а сабхаавасааман̃н̃алагкан̣абадивзд̇хавасзна бавад̇д̇аманасигааро…бз… д̇хаммавижаяасамб̣ож̇жхан̇г̇аад̣̇аяо бхаавзд̇и наама.

уд̣̇д̇хажжассаад̇и жид̇д̇асса ажжаарад̣̇д̇хавийрияад̇аад̣̇ийхи сийд̇ибхаавабад̇идтид̇абхаавам̣ анод̇ин̣н̣ад̇ааяа, д̇ад̣̇аа д̇хаммавижаяавийрияабийд̇исамб̣ож̇жхан̇г̇аа на бхаавзд̇аб̣б̣аа. д̇ан̃хи зд̇зхи сугкад̇ин̣аад̣̇ийхи вияа аг̇г̇игканд̇хо д̣̇увуубасамаяам̣ ход̇и. д̇знааха бхаг̇аваа ‘‘сзяяат̇ааби, бхигкавз, бурисо маханд̇ам̣ аг̇г̇игканд̇хам̣ ниб̣б̣аабзд̇угаамо асса, со д̇ад̇т̇а сугкаани жзва д̇ин̣аани багкибзяяаа’’д̇иаад̣̇и (сам̣. ни. 5.234). бассад̣̇д̇хисамаад̇хиубзгкаасамб̣ож̇жхан̇г̇аа бана бхаавзд̇аб̣б̣аа, аллад̇ин̣аад̣̇ийхи вияа аг̇г̇игканд̇хо уд̣̇д̇хад̇ам̣ жид̇д̇ам̣ зд̇зхи сувуубасамаяам̣ ход̇и. д̇зна вуд̇д̇ам̣ ‘‘яасмин̃жа ко’’д̇иаад̣̇и. зд̇т̇ааби яат̇аасагам̣ аахааравасзна бассад̣̇д̇хисамб̣ож̇жхан̇г̇аад̣̇ийнам̣ бхааванаа взд̣̇ид̇аб̣б̣аа. вуд̇д̇ан̃хзд̇ам̣ ‘‘ад̇т̇и, бхигкавз, гааяабассад̣̇д̇хи жид̇д̇абассад̣̇д̇хи…бз… убзгкаасамб̣ож̇жхан̇г̇асса бхияяобхаавааяа сам̣вад̇д̇ад̇ий’’д̇и (сам̣. ни. 5.232). д̇ад̇т̇а яат̇аасса бассад̣̇д̇хиаад̣̇аяо уббаннабуб̣б̣аа, д̇ам̣ аагаарам̣ саллагкзд̇ваа д̇зсам̣ уббаад̣̇анавасзна д̇ат̇аа манасигаронд̇ова бассад̣̇д̇хисамб̣ож̇жхан̇г̇аад̣̇аяо бхаавзд̇и наама. сад̇исамб̣ож̇жхан̇г̇о бана саб̣б̣ад̇т̇а б̣ахуубагааро. со хи жид̇д̇ам̣ лийнабагкигаанам̣ бассад̣̇д̇хиаад̣̇ийнам̣ васзна лаяаабад̇д̇ид̇о, уд̣̇д̇хажжабагкигаанан̃жа д̇хаммавижаяаад̣̇ийнам̣ васзна уд̣̇д̇хажжабаад̇ад̇о рагкад̇и, д̇асмаа со лон̣ад̇хуубанам̣ вияа саб̣б̣аб̣яан̃ж̇анзсу саб̣б̣агаммигаамажжо вияа жа рааж̇агижжзсу саб̣б̣ад̇т̇а ижчид̇аб̣б̣о. д̇знааха ‘‘сад̇ин̃жа кваахам̣, бхигкавз, саб̣б̣ад̇т̇игам̣ вад̣̇аамий’’д̇и (сам̣. ни. 5.234).

н̃ад̇ваа н̃аад̇аб̣б̣аад̇и (сам̣. ни. дий. 1.1.129) самб̣анд̇хо. вад̣дхи наама взбуллам̣ бхияяобхааво бунаббунам̣ уббаад̣̇о зваад̇и ааха ‘‘бунаббунам̣ ж̇анзд̇ий’’д̇и. абхивуд̣̇д̇хим̣ баабзнд̇о ниб̣б̣ад̇д̇зд̇и. вивид̇д̇ад̇аад̇и вивид̇д̇абхааво. яо хи вивзжанийяад̇о вивижжад̇и, яам̣ вивижжид̇ваа тид̇ам̣, д̇ад̣̇убхаяам̣ ид̇ха вивид̇д̇абхаавасааман̃н̃зна ‘‘вивид̇д̇ад̇аа’’д̇и вуд̇д̇ам̣. д̇зсу буримо вивзжанийяад̇о вивижжамаанад̇ааяа вивзгасан̇каад̇ааяа вивижжанагирияааяа саман̇г̇ий д̇хаммасамуухо д̇ааяа зва вивижжанагирияааяа васзна вивзгод̇и г̇ахид̇о. ид̇аро саб̣б̣асо д̇ад̇о д̇ад̇о вивид̇д̇асабхаавад̇ааяа. д̇ад̇т̇а яасмим̣ д̇хаммабун̃ж̇з сад̇исамб̣ож̇жхан̇г̇о вивижжанагирияааяа бавад̇д̇ад̇и, д̇ам̣ яат̇аавуд̇д̇ааяа вивижжамаанад̇ааяа вивзгасан̇каад̇ам̣ ниссааязва бавад̇д̇ад̇и, ид̇арам̣ бана д̇анниннад̇аад̇ад̣̇аарамман̣ад̇аахийд̇и вуд̇д̇ам̣ ‘‘вивзгз ниссид̇а’’нд̇и. яат̇аа ваа вивзгавасзна бавад̇д̇ам̣ жхаанам̣ ‘‘вивзгаж̇а’’нд̇и вуд̇д̇ам̣, звам̣ вивзгавасзна бавад̇д̇о б̣ож̇жхан̇г̇о ‘‘вивзганиссид̇о’’д̇и д̣̇адтаб̣б̣о. ниссаяадто жа вибассанаамаг̇г̇аанам̣ васзна маг̇г̇апалаанам̣ взд̣̇ид̇аб̣б̣о. асад̇иби буб̣б̣аабарабхаавз ‘‘бадижжасамуббаад̣̇аа’’д̇и зд̇т̇а бажжаяаанам̣ самуббаад̣̇анам̣ вияа абхиннад̇хаммаад̇хаараа ниссаяанабхааванаа самбхаванд̇ийд̇и. аяамзваад̇и вивзго зва. вивзго хи бахаанавинаяавирааг̇анирод̇хаа жа самаанад̇т̇аа.

д̇ад̣̇ан̇г̇асамужчзд̣̇аниссаран̣авивзганиссид̇ад̇ам̣ вад̇ваа бадибассад̣̇д̇хививзганиссид̇ад̇ааяа аважанам̣ ‘‘сад̇исамб̣ож̇жхан̇г̇ам̣ бхаавзд̇ий’’д̇иаад̣̇инаа бхаавзд̇аб̣б̣аанам̣ б̣ож̇жхан̇г̇аанам̣ ид̇ха вуд̇д̇ад̇д̇аа. бхаавид̇аб̣б̣ож̇жхан̇г̇асса хи яз сажчигаад̇аб̣б̣аа палаб̣ож̇жхан̇г̇аа, д̇зсам̣ гижжам̣ бадибассад̣̇д̇хививзго. аж̇жхаасаяад̇од̇и ‘‘ниб̣б̣аанам̣ сажчигариссаамий’’д̇и маханд̇ааж̇жхаасаяад̇о. яад̣̇иби вибассанаагкан̣з сан̇каараарамман̣ам̣ жид̇д̇ам̣, сан̇каарзсу бана аад̣̇ийнавам̣ судту д̣̇исваа д̇аббадибагкз ниб̣б̣аанз ад̇химуд̇д̇ад̇ааяа аж̇жхаасаяад̇о ниссаран̣авивзганиссид̇ад̇аа д̣̇аахаабхибхууд̇асса буг̇г̇аласса сийд̇аниннажид̇ад̇д̇аа вияа. на бадисид̣̇д̇хаа вибассанаабаад̣̇агзсу гасин̣аарамман̣аад̣̇ижхаанзсу сад̇иаад̣̇ийнам̣ ниб̣б̣зд̇хабхааг̇ияад̇д̇аа. ануд̣̇д̇харанд̇аа бана вибассанаа вияа б̣од̇хияаа маг̇г̇асса аасаннагааран̣ам̣ жхаанам̣ на ход̇и, нааби д̇ат̇аа зганд̇игам̣ гааран̣ам̣, на жа вибассанаагижжасса вияа жхаанагижжасса нидтаанам̣ маг̇г̇од̇и гад̇ваа на уд̣̇д̇харанд̇и. зд̇т̇а жа гасин̣аг̇г̇ахан̣зна д̇ад̣̇ааяад̇д̇аани ааруббааниби г̇ахид̇аанийд̇и д̣̇адтаб̣б̣аани. д̇ааниби хи вибассанаабаад̣̇агаани ниб̣б̣зд̇хабхааг̇ияаани жа хонд̇ийд̇и вад̇д̇ум̣ ваддад̇и д̇анниннабхаавасаб̣бхаавад̇о. яад̣̇аг̇г̇зна хи ниб̣б̣аананиннад̇аа, д̇ад̣̇аг̇г̇зна паланиннад̇ааби сияаа. ‘‘гуд̣̇аассу наамаахам̣ д̇ад̣̇ааяад̇анам̣ убасамбаж̇ж̇а вихарзяяа’’нд̇и (ма. ни. 1.465) аад̣̇иважанамбзд̇асса ад̇т̇асса саад̇хагам̣.

воссаг̇г̇а-сад̣̇д̣̇о барижжааг̇ад̇т̇о багканд̣̇анад̇т̇о жаад̇и воссаг̇г̇асса д̣̇увид̇хад̇аа вуд̇д̇аа. воссаж̇ж̇анан̃хи бахаанам̣, виссадтабхаавзна нираасан̇габавад̇и жа, д̇асмаа вибассанаагкан̣з д̇ад̣̇ан̇г̇авасзна, маг̇г̇агкан̣з самужчзд̣̇авасзна бадибагкасса бахаанам̣ воссаг̇г̇о, д̇ат̇аа вибассанаагкан̣з д̇анниннабхаавзна, маг̇г̇агкан̣з аарамман̣агаран̣зна виссадтасабхаавад̇о воссаг̇г̇од̇и взд̣̇ид̇аб̣б̣ам̣. яат̇аавуд̇д̇зна багаарзнаад̇и д̇ад̣̇ан̇г̇асамужчзд̣̇абагаарзна д̇анниннад̇ад̣̇аарамман̣агаран̣абагаарзна жа. буб̣б̣з воссаг̇г̇а-бад̣̇ассзва ад̇т̇асса вуд̇д̇ад̇д̇аа ааха ‘‘сагалзна важанзнаа’’д̇и. барин̣аманд̇ам̣ вибассанаагкан̣з, барин̣ад̇ам̣ маг̇г̇агкан̣з. барин̣аамо наама барибаагод̇и ааха ‘‘барибажжанд̇ам̣ барибагган̃жаа’’д̇и. барибааго жа аасзваналаабхзна аахид̇асаамад̇т̇ияасса гилзсасса барижжаж̇ид̇ум̣ ниб̣б̣аанан̃жа багканд̣̇ид̇ум̣ д̇игкависад̣̇асабхааво. д̇знааха ‘‘аяан̃хий’’д̇иаад̣̇и. зса наяод̇и явааяам̣ ‘‘д̇ад̣̇ан̇г̇авивзганиссид̇а’’нд̇иаад̣̇инаа сад̇исамб̣ож̇жхан̇г̇з вуд̇д̇о, сзсзсу д̇хаммавижаяасамб̣ож̇жхан̇г̇аад̣̇ийсуби зса наяод̇и звам̣ д̇ад̇т̇а нзд̇аб̣б̣анд̇и ад̇т̇о.

звам̣ аад̣̇игаммигаанам̣ б̣ож̇жхан̇г̇зсу асаммохад̇т̇ам̣ миссаганаяам̣ вад̇ваа ид̣̇аани ниб̣б̣ад̇д̇ид̇алогуд̇д̇араб̣ож̇жхан̇г̇авасзна ад̇т̇ам̣ вибхаавзд̇ум̣ ‘‘ид̇ха банаа’’д̇иаад̣̇и вуд̇д̇ам̣. ид̇ха банаад̇и имасмим̣ саб̣б̣аасавасуд̇д̇анд̇з. маг̇г̇о зва воссаг̇г̇авибарин̣аамий бхааванаамаг̇г̇асса ид̇ха ад̇хиббзд̇ад̇д̇аа. д̇ан̃жа код̇и сад̇исамб̣ож̇жхан̇г̇ам̣. самужчзд̣̇ад̇од̇и самужчинд̣̇анад̇о.

д̣̇идтаасавасса батамамаг̇г̇аваж̇жхад̇д̇аа ‘‘д̇аяо аасаваа’’д̇и вуд̇д̇ам̣. д̇зби анабааяаг̇аманийяаа зва взд̣̇ид̇аб̣б̣аа абааяаг̇аманийяаанам̣ д̣̇ассанзнзва бахийнад̇д̇аа. сад̇иби самб̣ож̇жхан̇г̇аанам̣ язбхуяязна маг̇г̇абхаавз д̇ад̇т̇а д̇ад̇т̇а самб̣ож̇жхан̇г̇асабхааваанам̣ маг̇г̇ад̇хаммаанам̣ васзна вуд̇д̇амаг̇г̇ад̇д̇аяасамбаяуд̇д̇аа б̣ож̇жхан̇г̇аад̇и бажжзгаб̣ож̇жхан̇г̇з ‘‘б̣ож̇жхан̇г̇абхааванааяаа’’д̇и иминаа г̇ан̣ханд̇о ‘‘маг̇г̇ад̇д̇аяасамбаяуд̇д̇ааяаа’’д̇и ааха.

бхааванаабахаад̇аб̣б̣ааасававан̣н̣анаа нидтид̇аа.

28. т̇омзнд̇од̇и аасаваббахаанасса суд̣̇уггарад̇д̇аа д̇ааяа зва д̣̇уггарагирияааяа д̇ам̣ абхид̇т̇аванд̇о. ассаад̇и бахийнаасавабхигкуно. аанисам̣санд̇и д̇ан̣хаажчзд̣̇аад̣̇ид̣̇угкагкаяабарияосаанам̣ уд̣̇раяам̣. зд̇зхи бахаанаад̣̇исам̣гид̇д̇анзхи. уссуггам̣ ж̇анзнд̇од̇и звам̣ д̇хаммассааминааби абхид̇т̇аванийяам̣ махаанисам̣сан̃жа аасаваббахаананд̇и д̇ад̇т̇а аад̣̇арасахид̇ам̣ уссаахам̣ уббаад̣̇знд̇о. д̣̇ассанзнзва бахийнаад̇и д̣̇ассанзна бахийнаа зва. д̇зна вуд̇д̇ам̣ ‘‘на аббахийнзсуязва бахийнасан̃н̃ий’’д̇и.

саб̣б̣а-сад̣̇д̣̇зна аасаваанам̣, аасавасам̣вараанан̃жа самб̣анд̇хавасзна д̣̇уд̇ияабатамавигаббаанам̣ бхзд̣̇о д̣̇адтаб̣б̣о. д̣̇ассанаабхисамаяаад̇и барин̃н̃аабхисамаяаа барин̃н̃аагижжасид̣̇д̇хияаа. д̇знааха ‘‘гижжавасзнаа’’д̇и, асаммохабадивзд̇хзнаад̇и ад̇т̇о. самуссаяо гааяо, ад̇д̇абхааво ваа.

анаваж̇ж̇абийд̇исоманассасахид̇ам̣ жид̇д̇ам̣ ‘‘ад̇д̇ано’’д̇и вад̇д̇аб̣б̣ад̇ам̣ арахад̇и ад̇т̇аавахад̇д̇аа, на д̇аб̣б̣ибарийд̇ам̣ анад̇т̇аавахад̇д̇аад̇и бийд̇исамбаяуд̇д̇ажид̇д̇ад̇ам̣ санд̇хааяааха ‘‘ад̇д̇аманаад̇и сагаманаа’’д̇и. д̇знааха ‘‘д̇удтаманаа’’д̇и. ад̇д̇аманаад̇и ваа бийд̇исоманассзхи г̇ахид̇аманаа. яасмаа бана д̇зхи г̇ахид̇ад̇аа самбаяуд̇д̇ад̇аава, д̇асмаа вуд̇д̇ам̣ ‘‘бийд̇исоманассзхи ваа самбаяуд̇д̇аманаа’’д̇и. яад̣̇зд̇т̇а ад̇т̇ад̇о на вибхад̇д̇ам̣, д̇ам̣ вуд̇д̇анаяад̇д̇аа сувин̃н̃зяяад̇д̇аа жаад̇и взд̣̇ид̇аб̣б̣ам̣.

саб̣б̣аасавасуд̇д̇аван̣н̣анааяа лийнад̇т̇аббагаасанаа самад̇д̇аа.