| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. сад̇уллабагааяигаваг̇г̇о
4. Satullapakāyikavaggo
1. саб̣бхисуд̇д̇аван̣н̣анаа
1. Sabbhisuttavaṇṇanā
31. сад̇уллабагааяигаваг̇г̇асса батамз сад̇уллабагааяигаад̇и сад̇ам̣ д̇хаммам̣ самаад̣̇аанавасзна уллабзд̇ваа саг̇г̇з ниб̣б̣ад̇д̇аад̇и сад̇уллабагааяигаа. д̇ад̇рид̣̇ам̣ вад̇т̇у – самб̣ахулаа гира самуд̣̇д̣̇аваан̣иж̇аа наавааяа самуд̣̇д̣̇ам̣ багканд̣̇им̣су. д̇зсам̣ кид̇д̇асаравзг̇зна г̇ажчанд̇ияаа наавааяа сад̇д̇амз д̣̇ивасз самуд̣̇д̣̇амаж̇жхз маханд̇ам̣ уббаад̇игам̣ баад̇убхууд̇ам̣, махаауумияо удтахид̇ваа наавам̣ уд̣̇агасса буурзнд̇и. наавааяа нимуж̇ж̇амаанааяа махааж̇ано ад̇д̇ано ад̇д̇ано д̣̇звад̇аанам̣ наамаани г̇ахзд̇ваа ааяаажанаад̣̇ийни гаронд̇о барид̣̇зви. д̇зсам̣ маж̇жхз зго бурисо – ‘‘ад̇т̇и ну ко мз зваруубз бхаяз бад̇идтаа’’д̇и ааваж̇ж̇знд̇о ад̇д̇ано барисуд̣̇д̇хаани саран̣аани жзва сийлаани жа д̣̇исваа яог̇ий вияа баллан̇гам̣ аабхуж̇ид̇ваа нисийд̣̇и. д̇амзнам̣ ид̇арз сабхаяагааран̣ам̣ бужчим̣су. со д̇зсам̣ гат̇зси – ‘‘амбхо ахам̣ наавам̣ абхирууханад̣̇ивасз бхигкусан̇гхасса д̣̇аанам̣ д̣̇ад̇ваа саран̣аани жзва сийлаани жа аг̇г̇ахзсим̣, д̇зна мз бхаяам̣ над̇т̇ий’’д̇и. гим̣ бана саами зд̇аани ан̃н̃зсамби вад̇д̇анд̇ийд̇и? аама вад̇д̇анд̇ийд̇и д̇зна хи амхаагамби д̣̇зт̇аад̇и. со д̇з мануссз сад̇ам̣ сад̇ам̣ гад̇ваа сад̇д̇а годтаасз агааси, д̇ад̇о бан̃жасийлаани ад̣̇ааси. д̇зсу батамам̣ ж̇ан̇гхасад̇ам̣ г̇обпагамад̇д̇з уд̣̇агз тид̇ам̣ аг̇г̇ахзси, д̣̇уд̇ияам̣ ж̇аан̣умад̇д̇з, д̇ад̇ияам̣ гадимад̇д̇з, жад̇уд̇т̇ам̣ наабхимад̇д̇з, бан̃жамам̣ т̇анамад̇д̇з, чадтам̣ г̇алаббамаан̣з, сад̇д̇амам̣ мукзна лон̣од̣̇агз бависанд̇з аг̇г̇ахзси. со д̇зсам̣ сийлаани д̣̇ад̇ваа – ‘‘ан̃н̃ам̣ д̇умхаагам̣ бадисаран̣ам̣ над̇т̇и, сийламзва ааваж̇ж̇зт̇аа’’д̇и уг̇гхосзси. д̇аани сад̇д̇аби ж̇ан̇гхасад̇аани д̇ад̇т̇а гаалам̣ гад̇ваа аасаннагаалз г̇ахид̇асийлам̣ ниссааяа д̇аавад̇им̣сабхаванз ниб̣б̣ад̇д̇им̣су, д̇зсам̣ гхадаавасзнзва вимаанаани ниб̣б̣ад̇д̇им̣су. саб̣б̣зсам̣ маж̇жхз аажарияасса яож̇анасад̇игам̣ суван̣н̣авимаанам̣ ниб̣б̣ад̇д̇и, авасзнаани д̇асса бариваараани худ̇ваа саб̣б̣ахздтимам̣ д̣̇ваад̣̇асаяож̇анигам̣ ахоси. д̇з ниб̣б̣ад̇д̇агкан̣зязва гаммам̣ ааваж̇ж̇знд̇аа аажарияам̣ ниссааяа самбад̇д̇илаабхам̣ н̃ад̇ваа, ‘‘г̇ажчаама д̇аава, д̣̇асаб̣аласса санд̇игз амхаагам̣ аажарияасса ван̣н̣ам̣ гат̇зяяаамаа’’д̇и маж̇жхимаяаамасамананд̇арз бхаг̇аванд̇ам̣ убасан̇гамим̣су, д̇аа д̣̇звад̇аа аажарияасса ван̣н̣абхан̣анад̇т̇ам̣ згзгам̣ г̇аат̇ам̣ абхаасим̣су.
31. Satullapakāyikavaggassa paṭhame satullapakāyikāti sataṃ dhammaṃ samādānavasena ullapetvā sagge nibbattāti satullapakāyikā. Tatridaṃ vatthu – sambahulā kira samuddavāṇijā nāvāya samuddaṃ pakkhandiṃsu. Tesaṃ khittasaravegena gacchantiyā nāvāya sattame divase samuddamajjhe mahantaṃ uppātikaṃ pātubhūtaṃ, mahāūmiyo uṭṭhahitvā nāvaṃ udakassa pūrenti. Nāvāya nimujjamānāya mahājano attano attano devatānaṃ nāmāni gahetvā āyācanādīni karonto paridevi. Tesaṃ majjhe eko puriso – ‘‘atthi nu kho me evarūpe bhaye patiṭṭhā’’ti āvajjento attano parisuddhāni saraṇāni ceva sīlāni ca disvā yogī viya pallaṅkaṃ ābhujitvā nisīdi. Tamenaṃ itare sabhayakāraṇaṃ pucchiṃsu. So tesaṃ kathesi – ‘‘ambho ahaṃ nāvaṃ abhirūhanadivase bhikkhusaṅghassa dānaṃ datvā saraṇāni ceva sīlāni ca aggahesiṃ, tena me bhayaṃ natthī’’ti. Kiṃ pana sāmi etāni aññesampi vattantīti? Āma vattantīti tena hi amhākampi dethāti. So te manusse sataṃ sataṃ katvā satta koṭṭhāse akāsi, tato pañcasīlāni adāsi. Tesu paṭhamaṃ jaṅghasataṃ gopphakamatte udake ṭhitaṃ aggahesi, dutiyaṃ jāṇumatte, tatiyaṃ kaṭimatte, catutthaṃ nābhimatte, pañcamaṃ thanamatte, chaṭṭhaṃ galappamāṇe, sattamaṃ mukhena loṇodake pavisante aggahesi. So tesaṃ sīlāni datvā – ‘‘aññaṃ tumhākaṃ paṭisaraṇaṃ natthi, sīlameva āvajjethā’’ti ugghosesi. Tāni sattapi jaṅghasatāni tattha kālaṃ katvā āsannakāle gahitasīlaṃ nissāya tāvatiṃsabhavane nibbattiṃsu, tesaṃ ghaṭāvaseneva vimānāni nibbattiṃsu. Sabbesaṃ majjhe ācariyassa yojanasatikaṃ suvaṇṇavimānaṃ nibbatti, avasenāni tassa parivārāni hutvā sabbaheṭṭhimaṃ dvādasayojanikaṃ ahosi. Te nibbattakkhaṇeyeva kammaṃ āvajjentā ācariyaṃ nissāya sampattilābhaṃ ñatvā, ‘‘gacchāma tāva, dasabalassa santike amhākaṃ ācariyassa vaṇṇaṃ katheyyāmā’’ti majjhimayāmasamanantare bhagavantaṃ upasaṅkamiṃsu, tā devatā ācariyassa vaṇṇabhaṇanatthaṃ ekekaṃ gāthaṃ abhāsiṃsu.
д̇ад̇т̇а саб̣бхирзваад̇и бан̣д̣ид̇зхи, саббурисзхи зва. ра-гааро бад̣̇асанд̇хигаро. самаасзт̇аад̇и саха нисийд̣̇зяяа. д̣̇зсанаасийсамзва жзд̇ам̣, саб̣б̣аирияаабат̇з саб̣бхирзва саха губ̣б̣зяяаад̇и ад̇т̇о. губ̣б̣зт̇аад̇и гарзяяа. сант̇аванд̇и мид̇д̇асант̇авам̣. д̇ан̣хаасант̇аво бана на гзнажи сад̣̇д̇хим̣ гаад̇аб̣б̣о, мид̇д̇асант̇аво б̣уд̣̇д̇ха-бажжзгаб̣уд̣̇д̇ха-б̣уд̣̇д̇хасаавагзхи саха гаад̇аб̣б̣о. ид̣̇ам̣ санд̇хааязд̇ам̣ вуд̇д̇ам̣. сад̇анд̇и б̣уд̣̇д̇хаад̣̇ийнам̣ саббурисаанам̣. сад̣̇д̇хамманд̇и бан̃жасийлад̣̇асасийлажад̇усад̇ибадтаанаад̣̇ибхзд̣̇ам̣ сад̣̇д̇хаммам̣, ид̇ха бана бан̃жасийлам̣ ад̇хиббзд̇ам̣. сзяяо ход̇ийд̇и вад̣дхи ход̇и. на баабияод̇и лаамагам̣ гин̃жи на ход̇и. наан̃н̃ад̇од̇и ваалигаад̣̇ийхи д̇злаад̣̇ийни вияа ан̃н̃ад̇о анд̇хаб̣аалад̇о бан̃н̃аа наама на лаб̣бхад̇и, д̇илаад̣̇ийхи бана д̇злаад̣̇ийни вияа сад̇ам̣ д̇хаммам̣ н̃ад̇ваа бан̣д̣ид̇амзва сзванд̇о бхаж̇анд̇о лабхад̇ийд̇и. согамаж̇жхзд̇и согавад̇т̇уунам̣ согаануг̇ад̇аанам̣ ваа сад̇д̇аанам̣ маж̇жхаг̇ад̇о на сожад̇и б̣анд̇хуламалласзнаабад̇исса убаасигаа вияа, бан̃жаннам̣ жорасад̇аанам̣ маж̇жхз д̇хаммасзнаабад̇исса сад̣̇д̇хивихаариго сам̣гижжасааман̣зро вияа жа.
Tattha sabbhirevāti paṇḍitehi, sappurisehi eva. Ra-kāro padasandhikaro. Samāsethāti saha nisīdeyya. Desanāsīsameva cetaṃ, sabbairiyāpathe sabbhireva saha kubbeyyāti attho. Kubbethāti kareyya. Santhavanti mittasanthavaṃ. Taṇhāsanthavo pana na kenaci saddhiṃ kātabbo, mittasanthavo buddha-paccekabuddha-buddhasāvakehi saha kātabbo. Idaṃ sandhāyetaṃ vuttaṃ. Satanti buddhādīnaṃ sappurisānaṃ. Saddhammanti pañcasīladasasīlacatusatipaṭṭhānādibhedaṃ saddhammaṃ, idha pana pañcasīlaṃ adhippetaṃ. Seyyo hotīti vaḍḍhi hoti. Na pāpiyoti lāmakaṃ kiñci na hoti. Nāññatoti vālikādīhi telādīni viya aññato andhabālato paññā nāma na labbhati, tilādīhi pana telādīni viya sataṃ dhammaṃ ñatvā paṇḍitameva sevanto bhajanto labhatīti. Sokamajjheti sokavatthūnaṃ sokānugatānaṃ vā sattānaṃ majjhagato na socati bandhulamallasenāpatissa upāsikā viya, pañcannaṃ corasatānaṃ majjhe dhammasenāpatissa saddhivihāriko saṃkiccasāmaṇero viya ca.
н̃аад̇имаж̇жхз вирожад̇ийд̇и н̃аад̇иг̇ан̣амаж̇жхз сам̣гижжат̇зрасса сад̣̇д̇хивихаариго ад̇химуд̇д̇агасааман̣зро вияа собхад̇и. со гира т̇зрасса бхааг̇инзяяо ход̇и, ат̇а нам̣ т̇зро ааха – ‘‘сааман̣зра, махаллагоси ж̇аад̇о, г̇ажча, вассаани бужчид̇ваа зхи, убасамбаад̣̇зссаами д̇а’’нд̇и. со ‘‘саад̇хуу’’д̇и т̇зрам̣ ванд̣̇ид̇ваа бад̇д̇ажийварамаад̣̇ааяа жораадавияаа орабхааг̇з бхаг̇иниг̇аамам̣ г̇анд̇ваа бин̣д̣ааяа жари, д̇ам̣ бхаг̇иний д̣̇исваа ванд̣̇ид̇ваа г̇зхз нисийд̣̇аабзд̇ваа бхож̇зси. со гад̇абхад̇д̇агижжо вассаани бужчи. саа ‘‘ахам̣ на ж̇аанаами, маад̇аа мз ж̇аанаад̇ий’’д̇и ааха. ат̇а со ‘‘д̇идтат̇а д̇умхз, ахам̣ маад̇усанд̇игам̣ г̇амиссаамий’’д̇и адавим̣ од̇ин̣н̣о. д̇амзнам̣ д̣̇уурад̇ова жорабурисо д̣̇исваа жораанам̣ аарожзси. жораа ‘‘сааман̣зро гирзго адавим̣ од̇ин̣н̣о, г̇ажчат̇а нам̣ аанзт̇аа’’д̇и аан̣аабзд̇ваа згажжз ‘‘маарзма на’’нд̇и аахам̣су, згажжз виссаж̇ж̇змаад̇и. сааман̣зро жинд̇зси – ‘‘ахам̣ сзко сагаран̣ийяо, имзхи сад̣̇д̇хим̣ манд̇зд̇ваа сод̇т̇имад̇д̇аанам̣ гариссаамий’’д̇и жораж̇здтагам̣ ааманд̇зд̇ваа, ‘‘убамам̣ д̇з, аавусо, гариссаамий’’д̇и имаа г̇аат̇аа абхааси –
Ñātimajjhe virocatīti ñātigaṇamajjhe saṃkiccatherassa saddhivihāriko adhimuttakasāmaṇero viya sobhati. So kira therassa bhāgineyyo hoti, atha naṃ thero āha – ‘‘sāmaṇera, mahallakosi jāto, gaccha, vassāni pucchitvā ehi, upasampādessāmi ta’’nti. So ‘‘sādhū’’ti theraṃ vanditvā pattacīvaramādāya coraaṭaviyā orabhāge bhaginigāmaṃ gantvā piṇḍāya cari, taṃ bhaginī disvā vanditvā gehe nisīdāpetvā bhojesi. So katabhattakicco vassāni pucchi. Sā ‘‘ahaṃ na jānāmi, mātā me jānātī’’ti āha. Atha so ‘‘tiṭṭhatha tumhe, ahaṃ mātusantikaṃ gamissāmī’’ti aṭaviṃ otiṇṇo. Tamenaṃ dūratova corapuriso disvā corānaṃ ārocesi. Corā ‘‘sāmaṇero kireko aṭaviṃ otiṇṇo, gacchatha naṃ ānethā’’ti āṇāpetvā ekacce ‘‘mārema na’’nti āhaṃsu, ekacce vissajjemāti. Sāmaṇero cintesi – ‘‘ahaṃ sekho sakaraṇīyo, imehi saddhiṃ mantetvā sotthimattānaṃ karissāmī’’ti corajeṭṭhakaṃ āmantetvā, ‘‘upamaṃ te, āvuso, karissāmī’’ti imā gāthā abhāsi –
‘‘аху ад̇ийд̇амад̣̇д̇хаанам̣, аран̃н̃асмим̣ б̣рахааванз;
‘‘Ahu atītamaddhānaṃ, araññasmiṃ brahāvane;
жзд̇о гуудаани од̣д̣зд̇ваа, сасагам̣ авад̇хий д̇ад̣̇аа.
Ceto kūṭāni oḍḍetvā, sasakaṃ avadhī tadā.
‘‘сасаган̃жа мад̇ам̣ д̣̇исваа, уб̣б̣иг̇г̇аа миг̇абагкино;
‘‘Sasakañca mataṃ disvā, ubbiggā migapakkhino;
згарад̇д̇им̣ абаггаамум̣, ‘агижжам̣ вад̇д̇ад̇з ид̇ха’.
Ekarattiṃ apakkāmuṃ, ‘akiccaṃ vattate idha’.
‘‘д̇ат̇зва саман̣ам̣ ханд̇ваа, ад̇химуд̇д̇ам̣ агин̃жанам̣;
‘‘Tatheva samaṇaṃ hantvā, adhimuttaṃ akiñcanaṃ;
ад̣̇д̇хигаа нааг̇амиссанд̇и, д̇ханаж̇аани бхависсад̇ий’’д̇и.
Addhikā nāgamissanti, dhanajāni bhavissatī’’ti.
‘‘сажжам̣ ко саман̣о ааха, ад̇химуд̇д̇о агин̃жано;
‘‘Saccaṃ kho samaṇo āha, adhimutto akiñcano;
ад̣̇д̇хигаа нааг̇амиссанд̇и, д̇ханаж̇аани бхависсад̇и.
Addhikā nāgamissanti, dhanajāni bhavissati.
‘‘сажз бадибат̇з д̣̇исваа, наарожзссаси гассажи;
‘‘Sace paṭipathe disvā, nārocessasi kassaci;
д̇ава сажжаманурагканд̇о, г̇ажча бханд̇з яат̇аасука’’нд̇и.
Tava saccamanurakkhanto, gaccha bhante yathāsukha’’nti.
со д̇зхи жорзхи виссаж̇ж̇ид̇о г̇ажчанд̇о н̃аад̇аяоби д̣̇исваа д̇зсамби на аарожзси. ат̇а д̇з ануббад̇д̇з жораа г̇ахзд̇ваа вихзтаяим̣су, урам̣ бахарид̇ваа барид̣̇звамаанан̃жасса маад̇арам̣ жораа зд̇ад̣̇авожум̣ –
So tehi corehi vissajjito gacchanto ñātayopi disvā tesampi na ārocesi. Atha te anuppatte corā gahetvā viheṭhayiṃsu, uraṃ paharitvā paridevamānañcassa mātaraṃ corā etadavocuṃ –
‘‘гим̣ д̇з ход̇и ад̇химуд̇д̇о, уд̣̇арз васиго аси;
‘‘Kiṃ te hoti adhimutto, udare vasiko asi;
будтаа мз амма агкаахи, гат̇ам̣ ж̇аанзму д̇ам̣ маяа’’нд̇и.
Puṭṭhā me amma akkhāhi, kathaṃ jānemu taṃ maya’’nti.
‘‘ад̇химуд̇д̇асса ахам̣ маад̇аа, аяан̃жа ж̇анаго бид̇аа;
‘‘Adhimuttassa ahaṃ mātā, ayañca janako pitā;
бхаг̇иний бхаад̇аро жааби, саб̣б̣зва ид̇ха н̃аад̇аяо.
Bhaginī bhātaro cāpi, sabbeva idha ñātayo.
‘‘агижжагаарий ад̇химуд̇д̇о, яам̣ д̣̇исваа на ниваараяз;
‘‘Akiccakārī adhimutto, yaṃ disvā na nivāraye;
зд̇ам̣ ко вад̇д̇ам̣ саман̣аанам̣, арияаанам̣ д̇хаммаж̇ийвинам̣.
Etaṃ kho vattaṃ samaṇānaṃ, ariyānaṃ dhammajīvinaṃ.
‘‘сажжаваад̣̇ий ад̇химуд̇д̇о, яам̣ д̣̇исваа на ниваараяз;
‘‘Saccavādī adhimutto, yaṃ disvā na nivāraye;
ад̇химуд̇д̇асса сужин̣н̣зна, сажжаваад̣̇исса бхигкуно;
Adhimuttassa suciṇṇena, saccavādissa bhikkhuno;
саб̣б̣зва абхаяам̣ бад̇д̇аа, сод̇т̇им̣ г̇ажчанд̇у н̃аад̇аяо’’д̇и.
Sabbeva abhayaṃ pattā, sotthiṃ gacchantu ñātayo’’ti.
звам̣ д̇з жорзхи виссаж̇ж̇ид̇аа г̇анд̇ваа ад̇химуд̇д̇ам̣ аахам̣су –
Evaṃ te corehi vissajjitā gantvā adhimuttaṃ āhaṃsu –
‘‘д̇ава д̇аад̇а сужин̣н̣зна, сажжаваад̣̇исса бхигкуно;
‘‘Tava tāta suciṇṇena, saccavādissa bhikkhuno;
саб̣б̣зва абхаяам̣ бад̇д̇аа, сод̇т̇им̣ бажжааг̇амамхасз’’д̇и.
Sabbeva abhayaṃ pattā, sotthiṃ paccāgamamhase’’ti.
д̇зби бан̃жасад̇аа жораа басаад̣̇ам̣ аабаж̇ж̇ид̇ваа ад̇химуд̇д̇асса сааман̣зрасса санд̇игз баб̣б̣аж̇им̣су. со д̇з аад̣̇ааяа убаж̇жхааяасса санд̇игам̣ г̇анд̇ваа батамам̣ ад̇д̇анаа убасамбанно бажчаа д̇з бан̃жасад̇з ад̇д̇ано анд̇зваасигз гад̇ваа убасамбаад̣̇зси. д̇з ад̇химуд̇д̇ат̇зрасса оваад̣̇з тид̇аа саб̣б̣з аг̇г̇апалам̣ арахад̇д̇ам̣ баабун̣им̣су. имамад̇т̇ам̣ г̇ахзд̇ваа д̣̇звад̇аа ‘‘сад̇ам̣ сад̣̇д̇хаммаман̃н̃ааяа н̃аад̇имаж̇жхз вирожад̇ий’’д̇и ааха.
Tepi pañcasatā corā pasādaṃ āpajjitvā adhimuttassa sāmaṇerassa santike pabbajiṃsu. So te ādāya upajjhāyassa santikaṃ gantvā paṭhamaṃ attanā upasampanno pacchā te pañcasate attano antevāsike katvā upasampādesi. Te adhimuttatherassa ovāde ṭhitā sabbe aggaphalaṃ arahattaṃ pāpuṇiṃsu. Imamatthaṃ gahetvā devatā ‘‘sataṃ saddhammamaññāya ñātimajjhe virocatī’’ti āha.
саад̇ад̇анд̇и сад̇ад̇ам̣ сукам̣ ваа жирам̣ д̇идтанд̇ийд̇и вад̣̇ад̇и. саб̣б̣аасам̣ вод̇и саб̣б̣аасам̣ д̇умхаагам̣. барияааязнаад̇и гааран̣зна. саб̣б̣ад̣̇угкаа бамужжад̇ийд̇и, на гзвалам̣ сзяяова ход̇и, на жа гзвалам̣ бан̃н̃ам̣ лабхад̇и, согамаж̇жхз на сожад̇и, н̃аад̇имаж̇жхз вирожад̇и, суг̇ад̇ияам̣ ниб̣б̣ад̇д̇ад̇и, жирам̣ сукам̣ д̇идтад̇и, сагаласмаа бана ваддад̣̇угкааби мужжад̇ийд̇и. батамам̣.
Sātatanti satataṃ sukhaṃ vā ciraṃ tiṭṭhantīti vadati. Sabbāsaṃ voti sabbāsaṃ tumhākaṃ. Pariyāyenāti kāraṇena. Sabbadukkhā pamuccatīti, na kevalaṃ seyyova hoti, na ca kevalaṃ paññaṃ labhati, sokamajjhe na socati, ñātimajjhe virocati, sugatiyaṃ nibbattati, ciraṃ sukhaṃ tiṭṭhati, sakalasmā pana vaṭṭadukkhāpi muccatīti. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. саб̣бхисуд̇д̇ам̣ • 1. Sabbhisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. саб̣бхисуд̇д̇аван̣н̣анаа • 1. Sabbhisuttavaṇṇanā
