| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
6. сабхияасуд̇д̇аван̣н̣анаа
6. Sabhiyasuttavaṇṇanā
звам̣ мз суд̇анд̇и сабхияасуд̇д̇ам̣. гаа уббад̇д̇и? аяамзва яаасса нид̣̇аанз вуд̇д̇аа. ад̇т̇аван̣н̣анааггамзби жасса буб̣б̣асад̣̇исам̣ буб̣б̣з вуд̇д̇анаязнзва взд̣̇ид̇аб̣б̣ам̣. яам̣ бана абуб̣б̣ам̣, д̇ам̣ уд̇д̇аанад̇т̇аани бад̣̇аани барихаранд̇аа ван̣н̣аяиссаама. взл̣уванз галанд̣̇аганиваабзд̇и взл̣увананд̇и д̇асса уяяаанасса наамам̣. д̇ам̣ гира взл̣уухи жа баригкид̇д̇ам̣ ахоси адтаарасахад̇т̇зна жа баагаарзна, г̇обурад̣̇ваараддаалагаяуд̇д̇ам̣ нийлобхаасам̣ манорамам̣, д̇зна ‘‘взл̣увана’’нд̇и вужжад̇и. галанд̣̇агаанан̃жзд̇т̇а ниваабам̣ ад̣̇ам̣су, д̇зна ‘‘галанд̣̇аганиваабо’’д̇и вужжад̇и. галанд̣̇агаа наама гаал̣агаа вужжанд̇и. буб̣б̣з гира ан̃н̃ад̇аро рааж̇аа д̇ад̇т̇а уяяаанагийл̣анад̇т̇ам̣ ааг̇ад̇о сураамад̣̇зна мад̇д̇о д̣̇иваасзяяам̣ суби. бариж̇анобисса ‘‘суд̇д̇о рааж̇аа’’д̇и бубпапалаад̣̇ийхи балобхияамаано ид̇о жид̇о жа баггаами. ат̇а сурааг̇анд̇хзна ан̃н̃ад̇арасмаа сусираругкаа ган̣хасаббо нигкамид̇ваа ран̃н̃о абхимуко ааг̇ажчад̇и. д̇ам̣ д̣̇исваа ругкад̣̇звад̇аа ‘‘ран̃н̃о ж̇ийвид̇ам̣ д̣̇ассаамий’’д̇и гаал̣агавзсзна ааг̇анд̇ваа ган̣н̣амуулз сад̣̇д̣̇амагааси. рааж̇аа бадиб̣уж̇жхи, ган̣хасаббо нивад̇д̇о. со д̇ам̣ д̣̇исваа ‘‘имааяа мама гаал̣агааяа ж̇ийвид̇ам̣ д̣̇инна’’нд̇и гаал̣агаанам̣ д̇ад̇т̇а ниваабам̣ бадтабзси, абхаяагхосанан̃жа гхосаабзси. д̇асмаа д̇ам̣ д̇ад̇о бабхуд̇и ‘‘галанд̣̇аганиваабо’’д̇и сан̇кам̣ г̇ад̇ам̣.
Evaṃme sutanti sabhiyasuttaṃ. Kā uppatti? Ayameva yāssa nidāne vuttā. Atthavaṇṇanākkamepi cassa pubbasadisaṃ pubbe vuttanayeneva veditabbaṃ. Yaṃ pana apubbaṃ, taṃ uttānatthāni padāni pariharantā vaṇṇayissāma. Veḷuvane kalandakanivāpeti veḷuvananti tassa uyyānassa nāmaṃ. Taṃ kira veḷūhi ca parikkhittaṃ ahosi aṭṭhārasahatthena ca pākārena, gopuradvāraṭṭālakayuttaṃ nīlobhāsaṃ manoramaṃ, tena ‘‘veḷuvana’’nti vuccati. Kalandakānañcettha nivāpaṃ adaṃsu, tena ‘‘kalandakanivāpo’’ti vuccati. Kalandakā nāma kāḷakā vuccanti. Pubbe kira aññataro rājā tattha uyyānakīḷanatthaṃ āgato surāmadena matto divāseyyaṃ supi. Parijanopissa ‘‘sutto rājā’’ti pupphaphalādīhi palobhiyamāno ito cito ca pakkāmi. Atha surāgandhena aññatarasmā susirarukkhā kaṇhasappo nikkhamitvā rañño abhimukho āgacchati. Taṃ disvā rukkhadevatā ‘‘rañño jīvitaṃ dassāmī’’ti kāḷakavesena āgantvā kaṇṇamūle saddamakāsi. Rājā paṭibujjhi, kaṇhasappo nivatto. So taṃ disvā ‘‘imāya mama kāḷakāya jīvitaṃ dinna’’nti kāḷakānaṃ tattha nivāpaṃ paṭṭhapesi, abhayaghosanañca ghosāpesi. Tasmā taṃ tato pabhuti ‘‘kalandakanivāpo’’ti saṅkhaṃ gataṃ.
сабхияасса бариб̣б̣ааж̇агассаад̇и сабхияод̇и д̇асса наамам̣, бариб̣б̣ааж̇агод̇и б̣аахира баб̣б̣аж̇ж̇ам̣ убаад̣̇ааяа вужжад̇и. бураан̣асаалохид̇ааяа д̣̇звад̇ааяаад̇и на маад̇аа на бид̇аа, абижа ко банасса маад̇аа вияа бид̇аа вияа жа хид̇аж̇жхаасаяад̇д̇аа со д̣̇звабуд̇д̇о ‘‘бураан̣асаалохид̇аа д̣̇звад̇аа’’д̇и вуд̇д̇о. бариниб̣б̣уд̇з гира гассабз бхаг̇авад̇и бад̇идтид̇з суван̣н̣ажзд̇ияз д̇аяо гулабуд̇д̇аа саммукасаавагаанам̣ санд̇игз баб̣б̣аж̇ид̇ваа жарияаануруубаани гаммадтаанаани г̇ахзд̇ваа бажжанд̇аж̇анабад̣̇ам̣ г̇анд̇ваа аран̃н̃ааяад̇анз саман̣ад̇хаммам̣ гаронд̇и, анд̇аранд̇араа жа жзд̇ияаванд̣̇анад̇т̇ааяа д̇хаммассаванад̇т̇ааяа жа наг̇арам̣ г̇ажчанд̇и. абарзна жа самаязна д̇аавад̇агамби аран̃н̃з виббаваасам̣ арожаяамаанаа д̇ад̇т̇зва аббамад̇д̇аа вихарим̣су, звам̣ вихаранд̇ааби на жа гин̃жи висзсам̣ ад̇хиг̇амим̣су. д̇ад̇о нзсам̣ ахоси – ‘‘маяам̣ бин̣д̣ааяа г̇ажчанд̇аа ж̇ийвид̇з саабзгкаа хома, ж̇ийвид̇з саабзгкзна жа на саггаа логуд̇д̇арад̇хаммо ад̇хиг̇анд̇ум̣, бут̇уж̇ж̇анагаалагирияааби д̣̇угкаа, ханд̣̇а маяам̣ ниссзн̣им̣ б̣анд̇хид̇ваа баб̣б̣ад̇ам̣ абхируяха гааяз жа ж̇ийвид̇з жа анабзгкаа саман̣ад̇хаммам̣ гаромаа’’д̇и. д̇з д̇ат̇аа агам̣су.
Sabhiyassa paribbājakassāti sabhiyoti tassa nāmaṃ, paribbājakoti bāhira pabbajjaṃ upādāya vuccati. Purāṇasālohitāya devatāyāti na mātā na pitā, apica kho panassa mātā viya pitā viya ca hitajjhāsayattā so devaputto ‘‘purāṇasālohitā devatā’’ti vutto. Parinibbute kira kassape bhagavati patiṭṭhite suvaṇṇacetiye tayo kulaputtā sammukhasāvakānaṃ santike pabbajitvā cariyānurūpāni kammaṭṭhānāni gahetvā paccantajanapadaṃ gantvā araññāyatane samaṇadhammaṃ karonti, antarantarā ca cetiyavandanatthāya dhammassavanatthāya ca nagaraṃ gacchanti. Aparena ca samayena tāvatakampi araññe vippavāsaṃ arocayamānā tattheva appamattā vihariṃsu, evaṃ viharantāpi na ca kiñci visesaṃ adhigamiṃsu. Tato nesaṃ ahosi – ‘‘mayaṃ piṇḍāya gacchantā jīvite sāpekkhā homa, jīvite sāpekkhena ca na sakkā lokuttaradhammo adhigantuṃ, puthujjanakālakiriyāpi dukkhā, handa mayaṃ nisseṇiṃ bandhitvā pabbataṃ abhiruyha kāye ca jīvite ca anapekkhā samaṇadhammaṃ karomā’’ti. Te tathā akaṃsu.
ат̇а нзсам̣ махаат̇зро убаниссаяасамбаннад̇д̇аа д̇ад̣̇ахзва чал̣абхин̃н̃аабариваарам̣ арахад̇д̇ам̣ сажчаагааси. со ид̣̇д̇хияаа химаванд̇ам̣ г̇анд̇ваа анод̇ад̇д̇з мукам̣ д̇ховид̇ваа уд̇д̇арагуруусу бин̣д̣ааяа жарид̇ваа гад̇абхад̇д̇агижжо буна ан̃н̃амби бад̣̇зсам̣ г̇анд̇ваа бад̇д̇ам̣ буурзд̇ваа анод̇ад̇д̇ауд̣̇аган̃жа нааг̇алад̇аад̣̇анд̇абон̣ан̃жа г̇ахзд̇ваа д̇зсам̣ санд̇игам̣ ааг̇анд̇ваа ааха – ‘‘бассат̇аавусо мамаанубхаавам̣, аяам̣ уд̇д̇арагуруд̇о бин̣д̣абаад̇о, ид̣̇ам̣ химаванд̇ад̇о уд̣̇агад̣̇анд̇абон̣ам̣ аабхад̇ам̣, имам̣ бхун̃ж̇ид̇ваа саман̣ад̇хаммам̣ гарот̇а, зваахам̣ д̇умхз сад̣̇аа убадтахиссаамий’’д̇и. д̇з д̇ам̣ суд̇ваа аахам̣су – ‘‘д̇умхз, бханд̇з, гад̇агижжаа, д̇умхзхи саха саллаабамад̇д̇амби амхаагам̣ бабан̃жо, маа д̣̇аани д̇умхз буна амхаагам̣ санд̇игам̣ ааг̇амид̇т̇аа’’д̇и. со гзнажи барияааязна д̇з самбадижчаабзд̇ум̣ асаггонд̇о баггаами.
Atha nesaṃ mahāthero upanissayasampannattā tadaheva chaḷabhiññāparivāraṃ arahattaṃ sacchākāsi. So iddhiyā himavantaṃ gantvā anotatte mukhaṃ dhovitvā uttarakurūsu piṇḍāya caritvā katabhattakicco puna aññampi padesaṃ gantvā pattaṃ pūretvā anotattaudakañca nāgalatādantapoṇañca gahetvā tesaṃ santikaṃ āgantvā āha – ‘‘passathāvuso mamānubhāvaṃ, ayaṃ uttarakuruto piṇḍapāto, idaṃ himavantato udakadantapoṇaṃ ābhataṃ, imaṃ bhuñjitvā samaṇadhammaṃ karotha, evāhaṃ tumhe sadā upaṭṭhahissāmī’’ti. Te taṃ sutvā āhaṃsu – ‘‘tumhe, bhante, katakiccā, tumhehi saha sallāpamattampi amhākaṃ papañco, mā dāni tumhe puna amhākaṃ santikaṃ āgamitthā’’ti. So kenaci pariyāyena te sampaṭicchāpetuṃ asakkonto pakkāmi.
д̇ад̇о д̇зсам̣ зго д̣̇вийхад̇ийхажжаязна бан̃жаабхин̃н̃о анааг̇аамий ахоси. соби д̇ат̇зва агааси, ид̇арзна жа бадигкид̇д̇о д̇ат̇зва аг̇амааси. со д̇ам̣ бадигкибид̇ваа вааяаманд̇о баб̣б̣ад̇ам̣ ааруханад̣̇ивасад̇о сад̇д̇амз д̣̇ивасз гин̃жи висзсам̣ анад̇хиг̇анд̇ваава гаалагад̇о д̣̇звалогз ниб̣б̣ад̇д̇и. кийн̣аасавад̇т̇зроби д̇ам̣ д̣̇ивасамзва бариниб̣б̣ааяи, анааг̇аамий суд̣̇д̇хааваасзсу уббаж̇ж̇и. д̣̇звабуд̇д̇о часу гаамааважарад̣̇звалогзсу ануломабадиломзна д̣̇иб̣б̣асамбад̇д̇им̣ анубхавид̇ваа амхаагам̣ бхаг̇авад̇о гаалз д̣̇звалогаа жавид̇ваа ан̃н̃ад̇ариссаа бариб̣б̣ааж̇игааяа гужчимхи бадисанд̇хим̣ аг̇г̇ахзси. саа гира ан̃н̃ад̇арасса кад̇д̇ияасса д̇хийд̇аа, д̇ам̣ маад̇аабид̇аро ‘‘амхаагам̣ д̇хийд̇аа самаяанд̇арам̣ ж̇аанаад̇уу’’д̇и згасса бариб̣б̣ааж̇агасса нияяаад̇зсум̣. д̇ассзго анд̇зваасиго бариб̣б̣ааж̇аго д̇ааяа сад̣̇д̇хим̣ виббадибаж̇ж̇и. саа д̇зна г̇аб̣бхам̣ г̇ан̣хи. д̇ам̣ г̇аб̣бхиним̣ д̣̇исваа бариб̣б̣ааж̇игаа ниггад̣дхим̣су. саа ан̃н̃ад̇т̇а г̇ажчанд̇ий анд̇араамаг̇г̇з сабхааяам̣ виж̇ааяи, д̇знасса ‘‘сабхияо’’д̇взва наамам̣ агааси. соби сабхияо вад̣дхид̇ваа бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа наанаасад̇т̇аани уг̇г̇ахзд̇ваа махааваад̣̇ий худ̇ваа ваад̣̇агкид̇д̇ад̇ааяа сагалаж̇амб̣уд̣̇ийбз вижаранд̇о ад̇д̇ано сад̣̇исам̣ ваад̣̇им̣ ад̣̇исваа наг̇арад̣̇ваарз ассамам̣ гаараабзд̇ваа кад̇д̇ияагумаараад̣̇аяо сиббам̣ сигкаабзнд̇о д̇ад̇т̇а васад̇и.
Tato tesaṃ eko dvīhatīhaccayena pañcābhiñño anāgāmī ahosi. Sopi tatheva akāsi, itarena ca paṭikkhitto tatheva agamāsi. So taṃ paṭikkhipitvā vāyamanto pabbataṃ āruhanadivasato sattame divase kiñci visesaṃ anadhigantvāva kālakato devaloke nibbatti. Khīṇāsavattheropi taṃ divasameva parinibbāyi, anāgāmī suddhāvāsesu uppajji. Devaputto chasu kāmāvacaradevalokesu anulomapaṭilomena dibbasampattiṃ anubhavitvā amhākaṃ bhagavato kāle devalokā cavitvā aññatarissā paribbājikāya kucchimhi paṭisandhiṃ aggahesi. Sā kira aññatarassa khattiyassa dhītā, taṃ mātāpitaro ‘‘amhākaṃ dhītā samayantaraṃ jānātū’’ti ekassa paribbājakassa niyyātesuṃ. Tasseko antevāsiko paribbājako tāya saddhiṃ vippaṭipajji. Sā tena gabbhaṃ gaṇhi. Taṃ gabbhiniṃ disvā paribbājikā nikkaḍḍhiṃsu. Sā aññattha gacchantī antarāmagge sabhāyaṃ vijāyi, tenassa ‘‘sabhiyo’’tveva nāmaṃ akāsi. Sopi sabhiyo vaḍḍhitvā paribbājakapabbajjaṃ pabbajitvā nānāsatthāni uggahetvā mahāvādī hutvā vādakkhittatāya sakalajambudīpe vicaranto attano sadisaṃ vādiṃ adisvā nagaradvāre assamaṃ kārāpetvā khattiyakumārādayo sippaṃ sikkhāpento tattha vasati.
ат̇а бхаг̇аваа бавад̇д̇ид̇аварад̇хаммажагго анубуб̣б̣зна рааж̇аг̇ахам̣ ааг̇анд̇ваа взл̣уванз вихарад̇и галанд̣̇аганиваабз. сабхияо бана б̣уд̣̇д̇хуббаад̣̇ам̣ на ж̇аанаад̇и. ат̇а со суд̣̇д̇хааваасаб̣рахмаа самаабад̇д̇ид̇о вудтааяа ‘‘имаахам̣ висзсам̣ гассаанубхаавзна бад̇д̇о’’д̇и ааваж̇ж̇знд̇о гассабасса бхаг̇авад̇о саасанз саман̣ад̇хаммагирияам̣ д̇з жа сахааяз ануссарид̇ваа ‘‘д̇зсу зго бариниб̣б̣уд̇о, зго ид̣̇аани гад̇т̇аа’’д̇и ааваж̇ж̇знд̇о ‘‘д̣̇звалогаа жавид̇ваа ж̇амб̣уд̣̇ийбз уббанно б̣уд̣̇д̇хуббаад̣̇амби на ж̇аанаад̇ий’’д̇и н̃ад̇ваа ‘‘ханд̣̇а нам̣ б̣уд̣̇д̇хубасзванааяа нияож̇змий’’д̇и вийсад̇и бан̃хз абхисан̇карид̇ваа рад̇д̇ибхааг̇з д̇асса ассамамааг̇амма аагаасз тад̇ваа ‘‘сабхияа, сабхияаа’’д̇и баггоси. со нид̣̇д̣̇ааяамаано д̇игкад̇д̇ум̣ д̇ам̣ сад̣̇д̣̇ам̣ суд̇ваа нигкамма обхаасам̣ д̣̇исваа бан̃ж̇алиго адтааси. д̇ад̇о д̇ам̣ б̣рахмаа ааха – ‘‘ахам̣ сабхияа д̇авад̇т̇ааяа вийсад̇и бан̃хз аахарим̣, д̇з д̇вам̣ уг̇г̇ан̣ха. яо жа д̇з саман̣о ваа б̣раахман̣о ваа имз бан̃хз будто б̣яаагарод̇и, д̇асса санд̇игз б̣рахмажарияам̣ жарзяяаасий’’д̇и. имам̣ д̣̇звабуд̇д̇ам̣ санд̇хааязд̇ам̣ вуд̇д̇ам̣ ‘‘бураан̣асаалохид̇ааяа д̣̇звад̇ааяа бан̃хаа уд̣̇д̣̇идтаа хонд̇ий’’д̇и. уд̣̇д̣̇идтаад̇и уд̣̇д̣̇зсамад̇д̇знзва вуд̇д̇аа, на вибхан̇г̇зна.
Atha bhagavā pavattitavaradhammacakko anupubbena rājagahaṃ āgantvā veḷuvane viharati kalandakanivāpe. Sabhiyo pana buddhuppādaṃ na jānāti. Atha so suddhāvāsabrahmā samāpattito vuṭṭhāya ‘‘imāhaṃ visesaṃ kassānubhāvena patto’’ti āvajjento kassapassa bhagavato sāsane samaṇadhammakiriyaṃ te ca sahāye anussaritvā ‘‘tesu eko parinibbuto, eko idāni katthā’’ti āvajjento ‘‘devalokā cavitvā jambudīpe uppanno buddhuppādampi na jānātī’’ti ñatvā ‘‘handa naṃ buddhupasevanāya niyojemī’’ti vīsati pañhe abhisaṅkharitvā rattibhāge tassa assamamāgamma ākāse ṭhatvā ‘‘sabhiya, sabhiyā’’ti pakkosi. So niddāyamāno tikkhattuṃ taṃ saddaṃ sutvā nikkhamma obhāsaṃ disvā pañjaliko aṭṭhāsi. Tato taṃ brahmā āha – ‘‘ahaṃ sabhiya tavatthāya vīsati pañhe āhariṃ, te tvaṃ uggaṇha. Yo ca te samaṇo vā brāhmaṇo vā ime pañhe puṭṭho byākaroti, tassa santike brahmacariyaṃ careyyāsī’’ti. Imaṃ devaputtaṃ sandhāyetaṃ vuttaṃ ‘‘purāṇasālohitāya devatāya pañhā uddiṭṭhā hontī’’ti. Uddiṭṭhāti uddesamatteneva vuttā, na vibhaṅgena.
звам̣ вуд̇д̇з жа нз сабхияо згаважанзнзва бад̣̇абадибаадияаа уг̇г̇ахзси. ат̇а со б̣рахмаа ж̇аананд̇оби д̇асса б̣уд̣̇д̇хуббаад̣̇ам̣ наажигки. ‘‘ад̇т̇ам̣ г̇авзсамаано бариб̣б̣ааж̇аго саяамзва сад̇т̇аарам̣ н̃ассад̇и. ид̇о б̣ахид̣̇д̇хаа жа саман̣аб̣раахман̣аанам̣ д̇ужчабхаава’’нд̇и иминаа банаад̇хиббааязна звамааха – ‘‘яо д̇з сабхияа…бз… жарзяяаасий’’д̇и. т̇зраг̇аат̇аасу бана жад̇угганибаад̇з сабхияад̇т̇зраабад̣̇аанам̣ ван̣н̣знд̇аа бхан̣анд̇и ‘‘саа жасса маад̇аа ад̇д̇ано виббадибад̇д̇им̣ жинд̇зд̇ваа д̇ам̣ ж̇иг̇ужчамаанаа жхаанам̣ уббаад̣̇зд̇ваа б̣рахмалогз уббаннаа, д̇ааяа б̣рахмад̣̇звад̇ааяа д̇з бан̃хаа уд̣̇д̣̇идтаа’’д̇и.
Evaṃ vutte ca ne sabhiyo ekavacaneneva padapaṭipāṭiyā uggahesi. Atha so brahmā jānantopi tassa buddhuppādaṃ nācikkhi. ‘‘Atthaṃ gavesamāno paribbājako sayameva satthāraṃ ñassati. Ito bahiddhā ca samaṇabrāhmaṇānaṃ tucchabhāva’’nti iminā panādhippāyena evamāha – ‘‘yo te sabhiya…pe… careyyāsī’’ti. Theragāthāsu pana catukkanipāte sabhiyattherāpadānaṃ vaṇṇentā bhaṇanti ‘‘sā cassa mātā attano vippaṭipattiṃ cintetvā taṃ jigucchamānā jhānaṃ uppādetvā brahmaloke uppannā, tāya brahmadevatāya te pañhā uddiṭṭhā’’ti.
яз д̇зд̇и ид̣̇аани вад̇д̇аб̣б̣аанам̣ уд̣̇д̣̇зсабажжуд̣̇д̣̇зсо. саман̣аб̣раахман̣аад̇и баб̣б̣аж̇ж̇уубаг̇аманзна логасаммуд̇ияаа жа саман̣аа жзва б̣раахман̣аа жа. сан̇гхинод̇и г̇ан̣аванд̇о. г̇ан̣инод̇и сад̇т̇ааро, ‘‘саб̣б̣ан̃н̃уно маяа’’нд̇и звам̣ бадин̃н̃аад̇ааро. г̇ан̣аажарияаад̇и уд̣̇д̣̇зсабарибужчаад̣̇ивасзна баб̣б̣аж̇ид̇аг̇ахадтаг̇ан̣асса аажарияаа. н̃аад̇аад̇и абхин̃н̃аад̇аа, виссуд̇аа баагадаад̇и вуд̇д̇ам̣ ход̇и. яасассинод̇и лаабхабариваарасамбаннаа. д̇ид̇т̇агараад̇и д̇зсам̣ д̣̇идтаануг̇ад̇им̣ аабаж̇ж̇анд̇зхи од̇арид̇аб̣б̣аанам̣ ог̇аахид̇аб̣б̣аанам̣ д̣̇идтид̇ид̇т̇аанам̣ гад̇д̇ааро. саад̇хусаммад̇аа б̣ахуж̇анассаад̇и ‘‘саад̇хаво зд̇з санд̇о саббурисаа’’д̇и звам̣ б̣ахуж̇анасса саммад̇аа.
Ye teti idāni vattabbānaṃ uddesapaccuddeso. Samaṇabrāhmaṇāti pabbajjūpagamanena lokasammutiyā ca samaṇā ceva brāhmaṇā ca. Saṅghinoti gaṇavanto. Gaṇinoti satthāro, ‘‘sabbaññuno maya’’nti evaṃ paṭiññātāro. Gaṇācariyāti uddesaparipucchādivasena pabbajitagahaṭṭhagaṇassa ācariyā. Ñātāti abhiññātā, vissutā pākaṭāti vuttaṃ hoti. Yasassinoti lābhaparivārasampannā. Titthakarāti tesaṃ diṭṭhānugatiṃ āpajjantehi otaritabbānaṃ ogāhitabbānaṃ diṭṭhititthānaṃ kattāro. Sādhusammatā bahujanassāti ‘‘sādhavo ete santo sappurisā’’ti evaṃ bahujanassa sammatā.
сзяяат̇ид̣̇анд̇и гад̇амз д̇зд̇и жз-ижжзд̇асмим̣ ад̇т̇з нибаад̇о. бууран̣од̇и наамам̣, гассабод̇и г̇од̇д̇ам̣. со гира ж̇аад̇ияаа д̣̇аасо, д̣̇аасасад̇ам̣ буурзнд̇о ж̇аад̇о. д̇знасса ‘‘бууран̣о’’д̇и наамамагам̣су. балааяид̇ваа бана наг̇г̇зсу баб̣б̣аж̇ид̇ваа ‘‘гассабо аха’’нд̇и г̇од̇д̇ам̣ уд̣̇д̣̇иси, саб̣б̣ан̃н̃уд̇ан̃жа бажжан̃н̃ааси. магкалийд̇и наамам̣, г̇осаалааяа ж̇аад̇ад̇д̇аа г̇осаалод̇иби вужжад̇и. соби гира ж̇аад̇ияаа д̣̇аасо зва, балааяид̇ваа баб̣б̣аж̇и, саб̣б̣ан̃н̃уд̇ан̃жа бажжан̃н̃ааси. аж̇ид̇од̇и наамам̣, аббижчад̇ааяа гзсагамб̣алам̣ д̇хаарзд̇и, д̇зна гзсагамб̣алод̇иби вужжад̇и, соби саб̣б̣ан̃н̃уд̇ам̣ бажжан̃н̃ааси . багуд̇ход̇и наамам̣, гажжааяанод̇и г̇од̇д̇ам̣. аббижчавасзна уд̣̇агз ж̇ийвасан̃н̃ааяа жа нхаанамукад̇хованаад̣̇и бадигкид̇д̇о, соби саб̣б̣ан̃н̃уд̇ам̣ бажжан̃н̃ааси. сан̃жаяод̇и наамам̣, б̣зладто банасса бид̇аа, д̇асмаа б̣зладтабуд̇д̇од̇и вужжад̇и, соби саб̣б̣ан̃н̃уд̇ам̣ бажжан̃н̃ааси. ниг̇ан̣тод̇и баб̣б̣аж̇ж̇аанаамзна, наадабуд̇д̇од̇и бид̇унаамзна вужжад̇и. наадод̇и гира наамасса бид̇аа, д̇асса буд̇д̇од̇и наадабуд̇д̇о, соби саб̣б̣ан̃н̃уд̇ам̣ бажжан̃н̃ааси. саб̣б̣зби бан̃жасад̇абан̃жасад̇асиссабариваараа ахзсум̣. д̇зд̇и д̇з ча сад̇т̇ааро. д̇з бан̃хзд̇и д̇з вийсад̇и бан̃хз. д̇зд̇и д̇з ча сад̇т̇ааро. на самбааяанд̇ийд̇и на самбаад̣̇знд̇и. гобанд̇и жид̇д̇ажзд̇асигаанам̣ аавилабхаавам̣. д̣̇осанд̇и бад̣̇удтажид̇д̇ад̇ам̣, д̇ад̣̇убхаяамбзд̇ам̣ манд̣̇ад̇игкабхзд̣̇асса год̇хассзваад̇хиважанам̣. аббажжаяанд̇и аббад̇ийд̇ад̇аа, д̣̇оманассанд̇и вуд̇д̇ам̣ ход̇и. баад̇угаронд̇ийд̇и гааяаважийвигаарзна багаасзнд̇и, баагадам̣ гаронд̇и.
Seyyathidanti katame teti ce-iccetasmiṃ atthe nipāto. Pūraṇoti nāmaṃ, kassapoti gottaṃ. So kira jātiyā dāso, dāsasataṃ pūrento jāto. Tenassa ‘‘pūraṇo’’ti nāmamakaṃsu. Palāyitvā pana naggesu pabbajitvā ‘‘kassapo aha’’nti gottaṃ uddisi, sabbaññutañca paccaññāsi. Makkhalīti nāmaṃ, gosālāya jātattā gosālotipi vuccati. Sopi kira jātiyā dāso eva, palāyitvā pabbaji, sabbaññutañca paccaññāsi. Ajitoti nāmaṃ, appicchatāya kesakambalaṃ dhāreti, tena kesakambalotipi vuccati, sopi sabbaññutaṃ paccaññāsi . Pakudhoti nāmaṃ, kaccāyanoti gottaṃ. Appicchavasena udake jīvasaññāya ca nhānamukhadhovanādi paṭikkhitto, sopi sabbaññutaṃ paccaññāsi. Sañcayoti nāmaṃ, belaṭṭho panassa pitā, tasmā belaṭṭhaputtoti vuccati, sopi sabbaññutaṃ paccaññāsi. Nigaṇṭhoti pabbajjānāmena, nāṭaputtoti pitunāmena vuccati. Nāṭoti kira nāmassa pitā, tassa puttoti nāṭaputto, sopi sabbaññutaṃ paccaññāsi. Sabbepi pañcasatapañcasatasissaparivārā ahesuṃ. Teti te cha satthāro. Te pañheti te vīsati pañhe. Teti te cha satthāro. Na sampāyantīti na sampādenti. Kopanti cittacetasikānaṃ āvilabhāvaṃ. Dosanti paduṭṭhacittataṃ, tadubhayampetaṃ mandatikkhabhedassa kodhassevādhivacanaṃ. Appaccayanti appatītatā, domanassanti vuttaṃ hoti. Pātukarontīti kāyavacīvikārena pakāsenti, pākaṭaṃ karonti.
хийнааяаад̇и г̇ахадтабхаавааяа. г̇ахадтабхааво хи баб̣б̣аж̇ж̇ам̣ убанид̇хааяа сийлаад̣̇иг̇ун̣ахийнад̇о хийнагаамасукабадисзванад̇о ваа ‘‘хийно’’д̇и вужжад̇и. ужжаа баб̣б̣аж̇ж̇аа. аавад̇д̇ид̇ваад̇и осаггид̇ваа. гаамз барибхун̃ж̇зяяанд̇и гаамз бадисзвзяяам̣. ид̇и гирасса саб̣б̣ан̃н̃убадин̃н̃аанамби баб̣б̣аж̇ид̇аанам̣ д̇ужчагад̇д̇ам̣ д̣̇исваа ахоси. уббаннабаривид̇аггавасзнзва жа ааг̇анд̇ваа бунаббунам̣ виймам̣самаанасса ат̇а ко сабхияасса бариб̣б̣ааж̇агасса зд̇ад̣̇ахоси – ‘‘аяамби ко саман̣о’’д̇и жа ‘‘язби ко д̇з бхонд̇о’’д̇и жа ‘‘саман̣о ко д̣̇ахарод̇и на ун̃н̃аад̇аб̣б̣о’’д̇и жаад̇и звамаад̣̇и. д̇ад̇т̇а ж̇ин̣н̣аад̇иаад̣̇ийни бад̣̇аани вуд̇д̇анаяаанзва. т̇зраад̇и ад̇д̇ано саман̣ад̇хаммз т̇ирабхааваббад̇д̇аа. рад̇д̇ан̃н̃ууд̇и рад̇анан̃н̃уу, ‘‘ниб̣б̣аанарад̇анам̣ ж̇аанаама маяа’’нд̇и звам̣ сагааяа бадин̃н̃ааяа логзнааби саммад̇аа, б̣ахурад̇д̇ивид̣̇уу ваа. жирам̣ баб̣б̣аж̇ид̇аанам̣ зд̇зсанд̇и жирабаб̣б̣аж̇ид̇аа. на ун̃н̃аад̇аб̣б̣од̇и на аваж̇аанид̇аб̣б̣о, на нийжам̣ гад̇ваа ж̇аанид̇аб̣б̣од̇и вуд̇д̇ам̣ ход̇и. на барибход̇аб̣б̣од̇и на барибхавид̇аб̣б̣о, ‘‘гимзса н̃ассад̇ий’’д̇и звам̣ на г̇ахзд̇аб̣б̣од̇и вуд̇д̇ам̣ ход̇и.
Hīnāyāti gahaṭṭhabhāvāya. Gahaṭṭhabhāvo hi pabbajjaṃ upanidhāya sīlādiguṇahīnato hīnakāmasukhapaṭisevanato vā ‘‘hīno’’ti vuccati. Uccā pabbajjā. Āvattitvāti osakkitvā. Kāme paribhuñjeyyanti kāme paṭiseveyyaṃ. Iti kirassa sabbaññupaṭiññānampi pabbajitānaṃ tucchakattaṃ disvā ahosi. Uppannaparivitakkavaseneva ca āgantvā punappunaṃ vīmaṃsamānassa atha kho sabhiyassa paribbājakassa etadahosi – ‘‘ayampi kho samaṇo’’ti ca ‘‘yepi kho te bhonto’’ti ca ‘‘samaṇo kho daharoti na uññātabbo’’ti cāti evamādi. Tattha jiṇṇātiādīni padāni vuttanayāneva. Therāti attano samaṇadhamme thirabhāvappattā. Rattaññūti ratanaññū, ‘‘nibbānaratanaṃ jānāma maya’’nti evaṃ sakāya paṭiññāya lokenāpi sammatā, bahurattividū vā. Ciraṃ pabbajitānaṃ etesanti cirapabbajitā. Na uññātabboti na avajānitabbo, na nīcaṃ katvā jānitabboti vuttaṃ hoti. Na paribhotabboti na paribhavitabbo, ‘‘kimesa ñassatī’’ti evaṃ na gahetabboti vuttaṃ hoti.
516. ган̇кий взжигижчийд̇и сабхияо бхаг̇авад̇аа сад̣̇д̇хим̣ саммод̣̇амаано звам̣ бхаг̇авад̇о руубасамбад̇д̇ид̣̇амуубасамасуужид̇ам̣ саб̣б̣ан̃н̃уд̇ам̣ самбхааваяамаано виг̇ад̇уд̣̇д̇хажжо худ̇ваа ааха – ‘‘ган̇кий взжигижчий’’д̇и. д̇ад̇т̇а ‘‘лабхзяяам̣ ну ко имзсам̣ б̣яаагаран̣а’’нд̇и звам̣ бан̃хаанам̣ б̣яаагаран̣аган̇кааяа ган̇кий. ‘‘го ну ко имассимасса жа бан̃хасса ад̇т̇о’’д̇и звам̣ вижигижчааяа взжигижчий. д̣̇уб̣б̣алавижигижчааяа ваа д̇зсам̣ бан̃хаанам̣ ад̇т̇з ган̇канад̇о ган̇кий, б̣алавад̇ияаа вижинанд̇о гижчад̇иязва, на саггод̇и саннидтаад̇унд̇и взжигижчий. абхиган̇камаанод̇и ад̇ивияа бад̇т̇аяамаано. д̇зсанд̇агарод̇и д̇зсам̣ бан̃хаанам̣ анд̇агаро. бхаванд̇ова звам̣ бхаваахийд̇и д̣̇ассзнд̇о ааха ‘‘бан̃хз мз будто…бз… б̣яаагарохи мз’’д̇и. д̇ад̇т̇а бан̃хз мзд̇и бан̃хз маяаа. будтод̇и бужчид̇о. анубуб̣б̣анд̇и бан̃хабадибаадияаа ануд̇хамманд̇и ад̇т̇аануруубам̣ баал̣им̣ ааробзнд̇о. б̣яаагарохи мзд̇и маяхам̣ б̣яаагарохи.
516.Kaṅkhī vecikicchīti sabhiyo bhagavatā saddhiṃ sammodamāno evaṃ bhagavato rūpasampattidamūpasamasūcitaṃ sabbaññutaṃ sambhāvayamāno vigatuddhacco hutvā āha – ‘‘kaṅkhī vecikicchī’’ti. Tattha ‘‘labheyyaṃ nu kho imesaṃ byākaraṇa’’nti evaṃ pañhānaṃ byākaraṇakaṅkhāya kaṅkhī. ‘‘Ko nu kho imassimassa ca pañhassa attho’’ti evaṃ vicikicchāya vecikicchī. Dubbalavicikicchāya vā tesaṃ pañhānaṃ atthe kaṅkhanato kaṅkhī, balavatiyā vicinanto kicchatiyeva, na sakkoti sanniṭṭhātunti vecikicchī. Abhikaṅkhamānoti ativiya patthayamāno. Tesantakaroti tesaṃ pañhānaṃ antakaro. Bhavantova evaṃ bhavāhīti dassento āha ‘‘pañhe me puṭṭho…pe… byākarohi me’’ti. Tattha pañhe meti pañhe mayā. Puṭṭhoti pucchito. Anupubbanti pañhapaṭipāṭiyā anudhammanti atthānurūpaṃ pāḷiṃ āropento. Byākarohi meti mayhaṃ byākarohi.
517. д̣̇уурад̇од̇и со гира ид̇о жид̇о жаахин̣д̣анд̇о сад̇д̇аяож̇анасад̇амаг̇г̇ад̇о ааг̇ад̇о. д̇знааха – бхаг̇аваа ‘‘д̣̇уурад̇о ааг̇ад̇осий’’д̇и, гассабасса бхаг̇авад̇о ваа саасанад̇о ааг̇ад̇ад̇д̇аа ‘‘д̣̇уурад̇о ааг̇ад̇осий’’д̇и нам̣ ааха.
517.Dūratoti so kira ito cito cāhiṇḍanto sattayojanasatamaggato āgato. Tenāha – bhagavā ‘‘dūrato āgatosī’’ti, kassapassa bhagavato vā sāsanato āgatattā ‘‘dūrato āgatosī’’ti naṃ āha.
518. бужча манд̇и имааяа банасса г̇аат̇ааяа саб̣б̣ан̃н̃убавааран̣ам̣ баваарзд̇и. д̇ад̇т̇а манасижчасийд̇и манасаа ижчаси.
518.Puccha manti imāya panassa gāthāya sabbaññupavāraṇaṃ pavāreti. Tattha manasicchasīti manasā icchasi.
яам̣ вад̇ааханд̇и яам̣ вад̇а ахам̣. ад̇д̇аманод̇и бийд̇ибаамож̇ж̇асоманассзхи пудажид̇д̇о. уд̣̇аг̇г̇од̇и гааязна жид̇д̇зна жа аб̣бхуннад̇о . ид̣̇ам̣ бана бад̣̇ам̣ на саб̣б̣абаатзсу ад̇т̇и. ид̣̇аани язхи д̇хаммзхи ад̇д̇амано, д̇з д̣̇ассзнд̇о ааха – ‘‘бамуд̣̇ид̇о бийд̇исоманассаж̇аад̇о’’д̇и.
Yaṃ vatāhanti yaṃ vata ahaṃ. Attamanoti pītipāmojjasomanassehi phuṭacitto. Udaggoti kāyena cittena ca abbhunnato . Idaṃ pana padaṃ na sabbapāṭhesu atthi. Idāni yehi dhammehi attamano, te dassento āha – ‘‘pamudito pītisomanassajāto’’ti.
519. гим̣ бад̇д̇инанд̇и гим̣ бад̇д̇ам̣ гимад̇хиг̇ад̇ам̣. сорад̇анд̇и сувуубасанд̇ам̣. ‘‘сурад̇а’’нд̇иби баато, судту убарад̇анд̇и ад̇т̇о. д̣̇анд̇анд̇и д̣̇амид̇ам̣. б̣уд̣̇д̇ход̇и виб̣уд̣̇д̇хо, б̣уд̣̇д̇хаб̣од̣̇д̇хаб̣б̣о ваа. звам̣ сабхияо згзгааяа г̇аат̇ааяа жад̇д̇ааро жад̇д̇ааро гад̇ваа бан̃жахи г̇аат̇аахи вийсад̇и бан̃хз бужчи. бхаг̇аваа банасса згамзгам̣ бан̃хам̣ згамзгааяа г̇аат̇ааяа гад̇ваа арахад̇д̇анигуудзнзва вийсад̇ияаа г̇аат̇аахи б̣яаагааси.
519.Kiṃ pattinanti kiṃ pattaṃ kimadhigataṃ. Soratanti suvūpasantaṃ. ‘‘Surata’’ntipi pāṭho, suṭṭhu uparatanti attho. Dantanti damitaṃ. Buddhoti vibuddho, buddhaboddhabbo vā. Evaṃ sabhiyo ekekāya gāthāya cattāro cattāro katvā pañcahi gāthāhi vīsati pañhe pucchi. Bhagavā panassa ekamekaṃ pañhaṃ ekamekāya gāthāya katvā arahattanikūṭeneva vīsatiyā gāthāhi byākāsi.
520. д̇ад̇т̇а яасмаа бхиннагилзсо барамад̇т̇абхигку, со жа ниб̣б̣аанаббад̇д̇о ход̇и, д̇асмаа асса ‘‘гим̣ бад̇д̇инамааху бхигкуна’’нд̇и имам̣ бан̃хам̣ б̣яаагаронд̇о ‘‘баж̇ж̇знаа’’д̇иаад̣̇имааха. д̇ассад̇т̇о – яо ад̇д̇анаа бхаавид̇зна маг̇г̇зна бариниб̣б̣аанаг̇ад̇о гилзсабариниб̣б̣аанам̣ бад̇д̇о, бариниб̣б̣аанаг̇ад̇ад̇д̇аа зва жа вид̇ин̣н̣аган̇ко вибад̇д̇исамбад̇д̇ихааниб̣уд̣̇д̇хиужчзд̣̇асассад̇аабун̃н̃абун̃н̃абхзд̣̇ам̣ вибхаван̃жа бхаван̃жа виббахааяа, маг̇г̇аваасам̣ вусид̇аваа кийн̣абунаб̣бхавод̇и жа зд̇зсам̣ т̇уд̇иважанаанам̣ арахо, со бхигкууд̇и.
520. Tattha yasmā bhinnakileso paramatthabhikkhu, so ca nibbānappatto hoti, tasmā assa ‘‘kiṃ pattinamāhu bhikkhuna’’nti imaṃ pañhaṃ byākaronto ‘‘pajjenā’’tiādimāha. Tassattho – yo attanā bhāvitena maggena parinibbānagato kilesaparinibbānaṃ patto, parinibbānagatattā eva ca vitiṇṇakaṅkho vipattisampattihānibuddhiucchedasassataapuññapuññabhedaṃ vibhavañca bhavañca vippahāya, maggavāsaṃ vusitavā khīṇapunabbhavoti ca etesaṃ thutivacanānaṃ araho, so bhikkhūti.
521. яасмаа бана виббадибад̇д̇ид̇о судту убарад̇абхаавзна наанаббагаарагилзсавуубасамзна жа сорад̇о ход̇и, д̇асмаа д̇амад̇т̇ам̣ д̣̇ассзнд̇о ‘‘саб̣б̣ад̇т̇а убзгкаго’’д̇иаад̣̇инаа наязна д̣̇уд̇ияабан̃хаб̣яаагаран̣амааха. д̇ассад̇т̇о – яо саб̣б̣ад̇т̇а руубаад̣̇ийсу аарамман̣зсу ‘‘жагкунаа руубам̣ д̣̇исваа нзва сумано ход̇и, на д̣̇уммано’’д̇и звам̣ бавад̇д̇ааяа чал̣ан̇г̇убзгкааяа убзгкаго, взбуллаббад̇д̇ааяа сад̇ияаа сад̇имаа, на со хим̣сад̇и нзва хим̣сад̇и ган̃жи д̇асат̇аавараад̣̇ибхзд̣̇ам̣ сад̇д̇ам̣ саб̣б̣алогз саб̣б̣асмимби логз, д̇ин̣н̣огхад̇д̇аа д̇ин̣н̣о, самид̇абаабад̇д̇аа саман̣о, аавиласан̇габбаббахаанаа анаавило. яасса жимз рааг̇ад̣̇осамохамаанад̣̇идтигилзсад̣̇ужжарид̇асан̇каад̇аа сад̇д̇уссад̣̇аа гзжи ол̣ааригаа ваа сукумаа ваа на санд̇и, со имааяа убзгкаавихаарид̇ааяа сад̇ивзбуллад̇ааяа ахим̣сагад̇ааяа жа виббадибад̇д̇ид̇о судту убарад̇абхаавзна иминаа огхаад̣̇инаанаббагаарагилзсавуубасамзна жа сорад̇од̇и.
521. Yasmā pana vippaṭipattito suṭṭhu uparatabhāvena nānappakārakilesavūpasamena ca sorato hoti, tasmā tamatthaṃ dassento ‘‘sabbattha upekkhako’’tiādinā nayena dutiyapañhabyākaraṇamāha. Tassattho – yo sabbattha rūpādīsu ārammaṇesu ‘‘cakkhunā rūpaṃ disvā neva sumano hoti, na dummano’’ti evaṃ pavattāya chaḷaṅgupekkhāya upekkhako, vepullappattāya satiyā satimā, na so hiṃsati neva hiṃsati kañci tasathāvarādibhedaṃ sattaṃ sabbaloke sabbasmimpi loke, tiṇṇoghattā tiṇṇo, samitapāpattā samaṇo, āvilasaṅkappappahānā anāvilo. Yassa cime rāgadosamohamānadiṭṭhikilesaduccaritasaṅkhātā sattussadā keci oḷārikā vā sukhumā vā na santi, so imāya upekkhāvihāritāya sativepullatāya ahiṃsakatāya ca vippaṭipattito suṭṭhu uparatabhāvena iminā oghādinānappakārakilesavūpasamena ca soratoti.
522. яасмаа жа бхаавид̇инд̣̇рияо ниб̣бхаяо ниб̣б̣игааро д̣̇анд̇о ход̇и, д̇асмаа д̇амад̇т̇ам̣ д̣̇ассзнд̇о ‘‘яассинд̣̇рияааний’’д̇и г̇аат̇ааяа д̇ад̇ияабан̃хам̣ б̣яаагааси. д̇ассад̇т̇о – яасса жагкаад̣̇ийни чал̣инд̣̇рияаани г̇ожарабхааванааяа анижжаад̣̇ид̇илагкан̣ам̣ ааробзд̇ваа ваасанаабхааванааяа сад̇исамбаж̇ан̃н̃аг̇анд̇хам̣ г̇аахаабзд̇ваа жа бхаавид̇аани, д̇аани жа ко яат̇аа аж̇жхад̇д̇ам̣ г̇ожарабхааванааяа, звам̣ бана б̣ахид̣̇д̇хаа жа саб̣б̣алогзд̇и яад̇т̇а яад̇т̇а инд̣̇рияаанам̣ взгаллад̇аа взгаллад̇ааяа ваа самбхаво, д̇ад̇т̇а д̇ад̇т̇а наабхиж̇жхаад̣̇ивасзна бхаавид̇аанийд̇и звам̣ ниб̣б̣иж̇жха н̃ад̇ваа бадивиж̇жхид̇ваа имам̣ баран̃жа логам̣ сагасанд̇ад̇игканд̇халогам̣ барасанд̇ад̇игканд̇халоган̃жа ад̣̇анд̇хамаран̣ам̣ марид̇угаамо гаалам̣ ган̇кад̇и, ж̇ийвид̇агкаяагаалам̣ ааг̇амзд̇и бад̇имаанзд̇и, на бхааяад̇и маран̣асса. яат̇ааха т̇зро –
522. Yasmā ca bhāvitindriyo nibbhayo nibbikāro danto hoti, tasmā tamatthaṃ dassento ‘‘yassindriyānī’’ti gāthāya tatiyapañhaṃ byākāsi. Tassattho – yassa cakkhādīni chaḷindriyāni gocarabhāvanāya aniccāditilakkhaṇaṃ āropetvā vāsanābhāvanāya satisampajaññagandhaṃ gāhāpetvā ca bhāvitāni, tāni ca kho yathā ajjhattaṃ gocarabhāvanāya, evaṃ pana bahiddhā ca sabbaloketi yattha yattha indriyānaṃ vekallatā vekallatāya vā sambhavo, tattha tattha nābhijjhādivasena bhāvitānīti evaṃ nibbijjha ñatvā paṭivijjhitvā imaṃ parañca lokaṃ sakasantatikkhandhalokaṃ parasantatikkhandhalokañca adandhamaraṇaṃ maritukāmo kālaṃ kaṅkhati, jīvitakkhayakālaṃ āgameti patimāneti, na bhāyati maraṇassa. Yathāha thero –
‘‘маран̣з мз бхаяам̣ над̇т̇и, ниганд̇и над̇т̇и ж̇ийвид̇з’’; (т̇зраг̇аа. 20);
‘‘Maraṇe me bhayaṃ natthi, nikanti natthi jīvite’’; (Theragā. 20);
‘‘наабхиган̇каами маран̣ам̣, наабхиган̇каами ж̇ийвид̇ам̣;
‘‘Nābhikaṅkhāmi maraṇaṃ, nābhikaṅkhāmi jīvitaṃ;
гаалан̃жа бадиган̇каами, ниб̣б̣исам̣ бхад̇аго яат̇аа’’д̇и. (т̇зраг̇аа. 606);
Kālañca paṭikaṅkhāmi, nibbisaṃ bhatako yathā’’ti. (theragā. 606);
бхаавид̇о са д̣̇анд̇од̇и звам̣ бхаавид̇инд̣̇рияо со д̣̇анд̇од̇и.
Bhāvito sa dantoti evaṃ bhāvitindriyo so dantoti.
523. яасмаа бана б̣уд̣̇д̇хо наама б̣уд̣̇д̇хисамбанно гилзсанид̣̇д̣̇аа виб̣уд̣̇д̇хо жа, д̇асмаа д̇амад̇т̇ам̣ д̣̇ассзнд̇о ‘‘габбааний’’д̇и г̇аат̇ааяа жад̇уд̇т̇абан̃хам̣ б̣яаагааси. д̇ад̇т̇а габбаанийд̇и д̇ан̣хаад̣̇идтияо. д̇аа хи д̇ат̇аа д̇ат̇аа вигаббанад̇о ‘‘габбааний’’д̇и вужжанд̇и. вижзяяаад̇и анижжаад̣̇ибхаавзна саммасид̇ваа. гзвалаанийд̇и сагалаани. сам̣сааранд̇и яо жааяам̣ –
523. Yasmā pana buddho nāma buddhisampanno kilesaniddā vibuddho ca, tasmā tamatthaṃ dassento ‘‘kappānī’’ti gāthāya catutthapañhaṃ byākāsi. Tattha kappānīti taṇhādiṭṭhiyo. Tā hi tathā tathā vikappanato ‘‘kappānī’’ti vuccanti. Viceyyāti aniccādibhāvena sammasitvā. Kevalānīti sakalāni. Saṃsāranti yo cāyaṃ –
‘‘канд̇хаанан̃жа бадибаади, д̇хаад̇уааяад̇анаана жа;
‘‘Khandhānañca paṭipāṭi, dhātuāyatanāna ca;
аб̣б̣ожчиннам̣ вад̇д̇амаанаа, сам̣саарод̇и бавужжад̇ий’’д̇и. –
Abbocchinnaṃ vattamānā, saṃsāroti pavuccatī’’ti. –
звам̣ канд̇хаад̣̇ибадибаадисан̇каад̇о сам̣сааро, д̇ам̣ сам̣сааран̃жа гзвалам̣ вижзяяа. зд̇д̇аавад̇аа канд̇хаанам̣ муулабхууд̇зсу гаммагилзсзсу канд̇хзсу жаад̇и звам̣ д̇ийсуби ваддзсу вибассанам̣ ааха. д̣̇убхаяам̣ жуд̇уубабаад̇анд̇и сад̇д̇аанам̣ жуд̇им̣ убабаад̇анд̇и иман̃жа убхаяам̣ вижзяяа н̃ад̇ваад̇и ад̇т̇о. зд̇зна жуд̇уубабаад̇ан̃аан̣ам̣ ааха. виг̇ад̇араж̇аманан̇г̇ан̣ам̣ висуд̣̇д̇ханд̇и рааг̇аад̣̇ираж̇аанам̣ виг̇амаа ан̇г̇ан̣аанам̣ абхааваа малаанан̃жа виг̇амаа виг̇ад̇араж̇аманан̇г̇ан̣ам̣ висуд̣̇д̇хам̣. бад̇д̇ам̣ ж̇аад̇икаяанд̇и ниб̣б̣аанам̣ бад̇д̇ам̣. д̇амааху б̣уд̣̇д̇ханд̇и д̇ам̣ имааяа логуд̇д̇аравибассанааяа жуд̇уубабаад̇ан̃аан̣абхзд̣̇ааяа б̣уд̣̇д̇хияаа самбаннад̇д̇аа имааяа жа виг̇ад̇араж̇аад̣̇ид̇ааяа гилзсанид̣̇д̣̇аа виб̣уд̣̇д̇хад̇д̇аа д̇ааяа бадибад̣̇ааяа ж̇аад̇игкаяам̣ бад̇д̇ам̣ б̣уд̣̇д̇хамааху.
Evaṃ khandhādipaṭipāṭisaṅkhāto saṃsāro, taṃ saṃsārañca kevalaṃ viceyya. Ettāvatā khandhānaṃ mūlabhūtesu kammakilesesu khandhesu cāti evaṃ tīsupi vaṭṭesu vipassanaṃ āha. Dubhayaṃ cutūpapātanti sattānaṃ cutiṃ upapātanti imañca ubhayaṃ viceyya ñatvāti attho. Etena cutūpapātañāṇaṃ āha. Vigatarajamanaṅgaṇaṃ visuddhanti rāgādirajānaṃ vigamā aṅgaṇānaṃ abhāvā malānañca vigamā vigatarajamanaṅgaṇaṃ visuddhaṃ. Pattaṃ jātikhayanti nibbānaṃ pattaṃ. Tamāhu buddhanti taṃ imāya lokuttaravipassanāya cutūpapātañāṇabhedāya buddhiyā sampannattā imāya ca vigatarajāditāya kilesaniddā vibuddhattā tāya paṭipadāya jātikkhayaṃ pattaṃ buddhamāhu.
ат̇а ваа габбаани вижзяяа гзвалаанийд̇и ‘‘анзгзби сам̣ваддавиваддагаббз амуд̇рааси’’нд̇иаад̣̇инаа (ид̇иву. 99; баараа. 12) наязна вижинид̇ваад̇и ад̇т̇о. зд̇зна батамавиж̇ж̇амааха. сам̣саарам̣ д̣̇убхаяам̣ жуд̇уубабаад̇анд̇и сад̇д̇аанам̣ жуд̇им̣ убабаад̇анд̇и иман̃жа убхаяам̣ сам̣саарам̣ ‘‘имз вад̇а бхонд̇о сад̇д̇аа’’д̇иаад̣̇инаа наязна вижинид̇ваад̇и ад̇т̇о. зд̇зна д̣̇уд̇ияавиж̇ж̇амааха. авасзсзна д̇ад̇ияавиж̇ж̇амааха. аасавагкаяан̃аан̣зна хи виг̇ад̇араж̇аад̣̇ид̇аа жа ниб̣б̣аанаббад̇д̇и жа ход̇ийд̇и. д̇амааху б̣уд̣̇д̇ханд̇и звам̣ виж̇ж̇ад̇д̇аяабхзд̣̇аб̣уд̣̇д̇хисамбаннам̣ д̇ам̣ б̣уд̣̇д̇хамаахууд̇и.
Atha vā kappāni viceyya kevalānīti ‘‘anekepi saṃvaṭṭavivaṭṭakappe amutrāsi’’ntiādinā (itivu. 99; pārā. 12) nayena vicinitvāti attho. Etena paṭhamavijjamāha. Saṃsāraṃ dubhayaṃ cutūpapātanti sattānaṃ cutiṃ upapātanti imañca ubhayaṃ saṃsāraṃ ‘‘ime vata bhonto sattā’’tiādinā nayena vicinitvāti attho. Etena dutiyavijjamāha. Avasesena tatiyavijjamāha. Āsavakkhayañāṇena hi vigatarajāditā ca nibbānappatti ca hotīti. Tamāhu buddhanti evaṃ vijjattayabhedabuddhisampannaṃ taṃ buddhamāhūti.
525. звам̣ батамаг̇аат̇ааяа вуд̇д̇абан̃хз виссаж̇ж̇зд̇ваа д̣̇уд̇ияаг̇аат̇ааяа вуд̇д̇абан̃хзсуби яасмаа б̣рахмабхаавам̣ сздтабхаавам̣ бад̇д̇о барамад̇т̇аб̣раахман̣о б̣аахид̇асаб̣б̣абаабо ход̇и, д̇асмаа д̇амад̇т̇ам̣ д̣̇ассзнд̇о ‘‘б̣аахид̇ваа’’д̇и г̇аат̇ааяа батамам̣ бан̃хам̣ б̣яаагааси. д̇ассад̇т̇о – яо жад̇уд̇т̇амаг̇г̇зна б̣аахид̇ваа саб̣б̣абаабагаани тид̇ад̇д̇о, тид̇о ижжзва вуд̇д̇ам̣ ход̇и. б̣аахид̇абаабад̇д̇аа зва жа вимало, вималабхаавам̣ б̣рахмабхаавам̣ сздтабхаавам̣ бад̇д̇о, бадиббассад̣̇д̇хасамаад̇хивигкзбагарагилзсамалзна аг̇г̇апаласамаад̇хинаа саад̇хусамаахид̇о, сам̣саарахзд̇усамад̇иггамзна сам̣саарамад̇ижжа баринидтид̇агижжад̇ааяа гзвалий, со д̇ан̣хаад̣̇идтийхи аниссид̇ад̇д̇аа асид̇о, логад̇хаммзхи ниб̣б̣игаарад̇д̇аа ‘‘д̇аад̣̇ий’’д̇и жа бавужжад̇и. звам̣ т̇уд̇ирахо са б̣рахмаа со б̣раахман̣од̇и.
525. Evaṃ paṭhamagāthāya vuttapañhe vissajjetvā dutiyagāthāya vuttapañhesupi yasmā brahmabhāvaṃ seṭṭhabhāvaṃ patto paramatthabrāhmaṇo bāhitasabbapāpo hoti, tasmā tamatthaṃ dassento ‘‘bāhitvā’’ti gāthāya paṭhamaṃ pañhaṃ byākāsi. Tassattho – yo catutthamaggena bāhitvā sabbapāpakāni ṭhitatto, ṭhito icceva vuttaṃ hoti. Bāhitapāpattā eva ca vimalo, vimalabhāvaṃ brahmabhāvaṃ seṭṭhabhāvaṃ patto, paṭippassaddhasamādhivikkhepakarakilesamalena aggaphalasamādhinā sādhusamāhito, saṃsārahetusamatikkamena saṃsāramaticca pariniṭṭhitakiccatāya kevalī, so taṇhādiṭṭhīhi anissitattā asito, lokadhammehi nibbikārattā ‘‘tādī’’ti ca pavuccati. Evaṃ thutiraho sa brahmā so brāhmaṇoti.
526. яасмаа бана самид̇абаабад̇ааяа саман̣о, нхаад̇абаабад̇ааяа нхаад̇аго, ааг̇уунам̣ агаран̣зна жа нааг̇од̇и бавужжад̇и, д̇асмаа д̇амад̇т̇ам̣ д̣̇ассзнд̇о д̇ад̇о абараахи д̇ийхи г̇аат̇аахи д̇аяо бан̃хз б̣яаагааси. д̇ад̇т̇а самид̇аавийд̇и арияамаг̇г̇зна гилзсз самзд̇ваа тид̇о. саман̣о бавужжад̇з д̇ат̇ад̇д̇аад̇и д̇ат̇ааруубо саман̣о бавужжад̇ийд̇и. зд̇д̇аавад̇аа бан̃хо б̣яаагад̇о ход̇и, сзсам̣ д̇асмим̣ саман̣з сабхияасса б̣ахумаанаж̇ананад̇т̇ам̣ т̇уд̇иважанам̣. яо хи самид̇аавий, со бун̃н̃абаабаанам̣ абадисанд̇хигаран̣зна бахааяа бун̃н̃абаабам̣ раж̇аанам̣ виг̇амзна вираж̇о, анижжаад̣̇ивасзна н̃ад̇ваа имам̣ баран̃жа логам̣ ж̇аад̇имаран̣ам̣ убаад̇ивад̇д̇о д̇аад̣̇и жа ход̇и.
526. Yasmā pana samitapāpatāya samaṇo, nhātapāpatāya nhātako, āgūnaṃ akaraṇena ca nāgoti pavuccati, tasmā tamatthaṃ dassento tato aparāhi tīhi gāthāhi tayo pañhe byākāsi. Tattha samitāvīti ariyamaggena kilese sametvā ṭhito. Samaṇo pavuccate tathattāti tathārūpo samaṇo pavuccatīti. Ettāvatā pañho byākato hoti, sesaṃ tasmiṃ samaṇe sabhiyassa bahumānajananatthaṃ thutivacanaṃ. Yo hi samitāvī, so puññapāpānaṃ apaṭisandhikaraṇena pahāya puññapāpaṃ rajānaṃ vigamena virajo, aniccādivasena ñatvā imaṃ parañca lokaṃ jātimaraṇaṃ upātivatto tādi ca hoti.
527. нинхааяа…бз… нхаад̇агод̇и зд̇т̇а бана яо аж̇жхад̇д̇аб̣ахид̣̇д̇хаасан̇каад̇з саб̣б̣асмимби ааяад̇аналогз аж̇жхад̇д̇аб̣ахид̣̇д̇хаарамман̣авасзна уббад̇д̇ирахаани саб̣б̣абаабагаани маг̇г̇ан̃аан̣зна нинхааяа д̇ховид̇ваа д̇ааяа нинхаад̇абаабагад̇ааяа д̇ан̣хаад̣̇идтигаббзхи габбиязсу д̣̇звамануссзсу габбам̣ на зд̇и, д̇ам̣ нхаад̇агамаахууд̇и звамад̇т̇о д̣̇адтаб̣б̣о.
527.Ninhāya…pe… nhātakoti ettha pana yo ajjhattabahiddhāsaṅkhāte sabbasmimpi āyatanaloke ajjhattabahiddhārammaṇavasena uppattirahāni sabbapāpakāni maggañāṇena ninhāya dhovitvā tāya ninhātapāpakatāya taṇhādiṭṭhikappehi kappiyesu devamanussesu kappaṃ na eti, taṃ nhātakamāhūti evamattho daṭṭhabbo.
528. жад̇уд̇т̇аг̇аат̇ааяаби ааг̇ум̣ на гарод̇и гин̃жи логзд̇и яо логз аббамад̇д̇агамби баабасан̇каад̇ам̣ ааг̇ум̣ на гарод̇и, нааг̇о бавужжад̇з д̇ат̇ад̇д̇аад̇и . зд̇д̇аавад̇аа бан̃хо б̣яаагад̇о ход̇и, сзсам̣ буб̣б̣анаязнзва т̇уд̇иважанам̣. яо хи маг̇г̇зна бахийнаааг̇уд̇д̇аа ааг̇ум̣ на гарод̇и, со гаамаяог̇аад̣̇игз саб̣б̣аяог̇з д̣̇асасан̃н̃ож̇анабхзд̣̇аани жа саб̣б̣аб̣анд̇ханаани висаж̇ж̇а ж̇ахид̇ваа саб̣б̣ад̇т̇а канд̇хаад̣̇ийсу гзнажи сан̇г̇зна на саж̇ж̇ад̇и, д̣̇вийхи жа вимуд̇д̇ийхи вимуд̇д̇о, д̇аад̣̇и жа ход̇ийд̇и.
528. Catutthagāthāyapi āguṃ na karoti kiñci loketi yo loke appamattakampi pāpasaṅkhātaṃ āguṃ na karoti, nāgo pavuccate tathattāti . Ettāvatā pañho byākato hoti, sesaṃ pubbanayeneva thutivacanaṃ. Yo hi maggena pahīnaāguttā āguṃ na karoti, so kāmayogādike sabbayoge dasasaññojanabhedāni ca sabbabandhanāni visajja jahitvā sabbattha khandhādīsu kenaci saṅgena na sajjati, dvīhi ca vimuttīhi vimutto, tādi ca hotīti.
530. звам̣ д̣̇уд̇ияаг̇аат̇ааяа вуд̇д̇абан̃хз виссаж̇ж̇зд̇ваа д̇ад̇ияаг̇аат̇ааяа вуд̇д̇абан̃хзсуби яасмаа ‘‘кзд̇д̇ааний’’д̇и ааяад̇анаани вужжанд̇и. яат̇ааха – ‘‘жагкубзд̇ам̣ жагкааяад̇анам̣бзд̇ам̣…бз… кзд̇д̇амбзд̇ам̣ вад̇т̇убзд̇а’’нд̇и (д̇ха. са. 596-598). д̇аани виж̇зяяа виж̇зд̇ваа абхибхавид̇ваа, вижзяяа ваа анижжаад̣̇ибхаавзна вижинид̇ваа убабаригкид̇ваа гзвалаани анавасзсаани, висзсад̇о бана сан̇г̇ахзд̇убхууд̇ам̣ д̣̇иб̣б̣ам̣ маанусаган̃жа б̣рахмакзд̇д̇ам̣, яам̣ д̣̇иб̣б̣ам̣ д̣̇ваад̣̇асааяад̇анабхзд̣̇ам̣ д̇ат̇аа маанусаган̃жа, яан̃жа б̣рахмакзд̇д̇ам̣ чал̣ааяад̇анз жагкааяад̇анаад̣̇ид̣̇ваад̣̇асааяад̇анабхзд̣̇ам̣, д̇ам̣ саб̣б̣амби виж̇зяяа вижзяяа ваа. яад̇о яад̣̇зд̇ам̣ саб̣б̣зсам̣ кзд̇д̇аанам̣ муулаб̣анд̇ханам̣ авиж̇ж̇аабхавад̇ан̣хаад̣̇и, д̇асмаа саб̣б̣акзд̇д̇амуулаб̣анд̇ханаа бамуд̇д̇о. звамзд̇зсам̣ кзд̇д̇аанам̣ виж̇ид̇ад̇д̇аа вижинид̇ад̇д̇аа ваа кзд̇д̇аж̇ино наама ход̇и, д̇асмаа ‘‘кзд̇д̇ааний’’д̇и имааяа г̇аат̇ааяа батамабан̃хам̣ б̣яаагааси. д̇ад̇т̇а гзжи ‘‘гаммам̣ кзд̇д̇ам̣, вин̃н̃аан̣ам̣ б̣ийж̇ам̣, д̇ан̣хаа снзхо’’д̇и (а. ни. 3.77) важанад̇о гаммаани кзд̇д̇аанийд̇и вад̣̇анд̇и. д̣̇иб̣б̣ам̣ маанусаган̃жа б̣рахмакзд̇д̇анд̇и зд̇т̇а жа д̣̇звуубаг̇ам̣ гаммам̣ д̣̇иб̣б̣ам̣, мануссуубаг̇ам̣ гаммам̣ маанусагам̣, б̣рахмуубаг̇ам̣ гаммам̣ б̣рахмакзд̇д̇анд̇и ван̣н̣аяанд̇и. сзсам̣ вуд̇д̇анаяамзва.
530. Evaṃ dutiyagāthāya vuttapañhe vissajjetvā tatiyagāthāya vuttapañhesupi yasmā ‘‘khettānī’’ti āyatanāni vuccanti. Yathāha – ‘‘cakkhupetaṃ cakkhāyatanaṃpetaṃ…pe… khettampetaṃ vatthupeta’’nti (dha. sa. 596-598). Tāni vijeyya vijetvā abhibhavitvā, viceyya vā aniccādibhāvena vicinitvā upaparikkhitvā kevalāni anavasesāni, visesato pana saṅgahetubhūtaṃ dibbaṃ mānusakañca brahmakhettaṃ, yaṃ dibbaṃ dvādasāyatanabhedaṃ tathā mānusakañca, yañca brahmakhettaṃ chaḷāyatane cakkhāyatanādidvādasāyatanabhedaṃ, taṃ sabbampi vijeyya viceyya vā. Yato yadetaṃ sabbesaṃ khettānaṃ mūlabandhanaṃ avijjābhavataṇhādi, tasmā sabbakhettamūlabandhanā pamutto. Evametesaṃ khettānaṃ vijitattā vicinitattā vā khettajino nāma hoti, tasmā ‘‘khettānī’’ti imāya gāthāya paṭhamapañhaṃ byākāsi. Tattha keci ‘‘kammaṃ khettaṃ, viññāṇaṃ bījaṃ, taṇhā sneho’’ti (a. ni. 3.77) vacanato kammāni khettānīti vadanti. Dibbaṃ mānusakañca brahmakhettanti ettha ca devūpagaṃ kammaṃ dibbaṃ, manussūpagaṃ kammaṃ mānusakaṃ, brahmūpagaṃ kammaṃ brahmakhettanti vaṇṇayanti. Sesaṃ vuttanayameva.
531. яасмаа бана сагадтзна госасад̣̇исад̇д̇аа ‘‘госааний’’д̇и гаммаани вужжанд̇и, д̇зсан̃жа лунанаа самужчзд̣̇анаа гусало ход̇и, д̇асмаа д̇амад̇т̇ам̣ д̣̇ассзнд̇о ‘‘госааний’’д̇и г̇аат̇ааяа д̣̇уд̇ияабан̃хам̣ б̣яаагааси. д̇ассад̇т̇о – логияалогуд̇д̇аравибассанааяа висаяад̇о гижжад̇о жа анижжаад̣̇ибхаавзна гусалаагусалагаммасан̇каад̇аани госаани вижзяяа гзвалаани, висзсад̇о бана сан̇г̇ахзд̇убхууд̇ам̣ адтагаамааважарагусалажзд̇анаабхзд̣̇ам̣ д̣̇иб̣б̣ам̣ маанусаган̃жа навамахаг̇г̇ад̇агусалажзд̇анаабхзд̣̇ан̃жа б̣рахмагосам̣ вижзяяа. д̇ад̇о имааяа маг̇г̇абхааванааяа авиж̇ж̇аабхавад̇ан̣хаад̣̇ибхзд̣̇аа саб̣б̣агосаанам̣ муулаб̣анд̇ханаа бамуд̇д̇о, звамзд̇зсам̣ госаанам̣ лунанаа ‘‘гусало’’д̇и бавужжад̇и, д̇ат̇ад̇д̇аа д̇аад̣̇ий жа ход̇ийд̇и. ат̇а ваа сад̇д̇аанам̣ д̇хаммаанан̃жа ниваасадтзна асигосасад̣̇исад̇д̇аа ‘‘госааний’’д̇и д̇аяо бхаваа д̣̇ваад̣̇асааяад̇анаани жа взд̣̇ид̇аб̣б̣аани. звамзд̇т̇а яож̇анаа гаад̇аб̣б̣аа.
531. Yasmā pana sakaṭṭhena kosasadisattā ‘‘kosānī’’ti kammāni vuccanti, tesañca lunanā samucchedanā kusalo hoti, tasmā tamatthaṃ dassento ‘‘kosānī’’ti gāthāya dutiyapañhaṃ byākāsi. Tassattho – lokiyalokuttaravipassanāya visayato kiccato ca aniccādibhāvena kusalākusalakammasaṅkhātāni kosāni viceyya kevalāni, visesato pana saṅgahetubhūtaṃ aṭṭhakāmāvacarakusalacetanābhedaṃ dibbaṃ mānusakañca navamahaggatakusalacetanābhedañca brahmakosaṃ viceyya. Tato imāya maggabhāvanāya avijjābhavataṇhādibhedā sabbakosānaṃ mūlabandhanā pamutto, evametesaṃ kosānaṃ lunanā ‘‘kusalo’’ti pavuccati, tathattā tādī ca hotīti. Atha vā sattānaṃ dhammānañca nivāsaṭṭhena asikosasadisattā ‘‘kosānī’’ti tayo bhavā dvādasāyatanāni ca veditabbāni. Evamettha yojanā kātabbā.
532. яасмаа жа на гзвалам̣ бан̣д̣ад̇ийд̇и иминаава ‘‘бан̣д̣ид̇о’’д̇и вужжад̇и, абижа ко бана бан̣д̣араани ид̇о убаг̇ад̇о бавижаяабан̃н̃ааяа аллийнод̇иби ‘‘бан̣д̣ид̇о’’д̇и вужжад̇и, д̇асмаа д̇амад̇т̇ам̣ д̣̇ассзнд̇о ‘‘д̣̇убхаяааний’’д̇и г̇аат̇ааяа д̇ад̇ияабан̃хам̣ б̣яаагааси . д̇ассад̇т̇о – аж̇жхад̇д̇ам̣ б̣ахид̣̇д̇хаа жаад̇и звам̣ убхаяаани анижжаад̣̇ибхаавзна вижзяяа. бан̣д̣араанийд̇и ааяад̇анаани. д̇аани хи багад̇ибарисуд̣̇д̇хад̇д̇аа рул̣хияаа жа звам̣ вужжанд̇и, д̇аани вижзяяа имааяа бадибад̇д̇ияаа нид̣̇д̇ханд̇амалад̇д̇аа суд̣̇д̇хибан̃н̃о бан̣д̣ид̇од̇и бавужжад̇и д̇ат̇ад̇д̇аа, яасмаа д̇аани бан̣д̣араани бан̃н̃ааяа ид̇о ход̇и, сзсамасса т̇уд̇иважанам̣. со хи баабабун̃н̃асан̇каад̇ам̣ ган̣хасуггам̣ убаад̇ивад̇д̇о д̇аад̣̇ий жа ход̇и, д̇асмаа звам̣ т̇уд̇о.
532. Yasmā ca na kevalaṃ paṇḍatīti imināva ‘‘paṇḍito’’ti vuccati, apica kho pana paṇḍarāni ito upagato pavicayapaññāya allīnotipi ‘‘paṇḍito’’ti vuccati, tasmā tamatthaṃ dassento ‘‘dubhayānī’’ti gāthāya tatiyapañhaṃ byākāsi . Tassattho – ajjhattaṃ bahiddhā cāti evaṃ ubhayāni aniccādibhāvena viceyya. Paṇḍarānīti āyatanāni. Tāni hi pakatiparisuddhattā ruḷhiyā ca evaṃ vuccanti, tāni viceyya imāya paṭipattiyā niddhantamalattā suddhipañño paṇḍitoti pavuccati tathattā, yasmā tāni paṇḍarāni paññāya ito hoti, sesamassa thutivacanaṃ. So hi pāpapuññasaṅkhātaṃ kaṇhasukkaṃ upātivatto tādī ca hoti, tasmā evaṃ thuto.
533. яасмаа бана ‘‘монам̣ вужжад̇и н̃аан̣ам̣, яаа бан̃н̃аа баж̇аананаа…бз… саммаад̣̇идти, д̇зна н̃аан̣зна саманнааг̇ад̇о муний’’д̇и вуд̇д̇ам̣, д̇асмаа д̇амад̇т̇ам̣ д̣̇ассзнд̇о ‘‘асад̇ан̃жаа’’д̇и г̇аат̇ааяа жад̇уд̇т̇абан̃хам̣ б̣яаагааси. д̇ассад̇т̇о – явааяам̣ агусалагусалаббабхзд̣̇о асад̇ан̃жа сад̇ан̃жа д̇хаммо, д̇ам̣ аж̇жхад̇д̇ам̣ б̣ахид̣̇д̇хаад̇и имасмим̣ саб̣б̣алогз бавижаяан̃аан̣зна асад̇ан̃жа сад̇ан̃жа н̃ад̇ваа д̇хаммам̣ д̇асса н̃аад̇ад̇д̇аа зва рааг̇аад̣̇ибхзд̣̇ад̇о сад̇д̇авид̇хам̣ сан̇г̇ам̣ д̇ан̣хаад̣̇идтибхзд̣̇ад̇о д̣̇увид̇хам̣ ж̇аалан̃жа ад̇ижжа ад̇иггамид̇ваа тид̇о. со д̇зна монасан̇каад̇зна бавижаяан̃аан̣зна саманнааг̇ад̇ад̇д̇аа муни. д̣̇звамануссзхи бууж̇анийяод̇и ид̣̇ам̣ банасса т̇уд̇иважанам̣. со хи кийн̣аасавамунид̇д̇аа д̣̇звамануссаанам̣ бууж̇аарахо ход̇и, д̇асмаа звам̣ т̇уд̇о.
533. Yasmā pana ‘‘monaṃ vuccati ñāṇaṃ, yā paññā pajānanā…pe… sammādiṭṭhi, tena ñāṇena samannāgato munī’’ti vuttaṃ, tasmā tamatthaṃ dassento ‘‘asatañcā’’ti gāthāya catutthapañhaṃ byākāsi. Tassattho – yvāyaṃ akusalakusalappabhedo asatañca satañca dhammo, taṃ ajjhattaṃ bahiddhāti imasmiṃ sabbaloke pavicayañāṇena asatañca satañca ñatvā dhammaṃ tassa ñātattā eva rāgādibhedato sattavidhaṃ saṅgaṃ taṇhādiṭṭhibhedato duvidhaṃ jālañca aticca atikkamitvā ṭhito. So tena monasaṅkhātena pavicayañāṇena samannāgatattā muni. Devamanussehi pūjanīyoti idaṃ panassa thutivacanaṃ. So hi khīṇāsavamunittā devamanussānaṃ pūjāraho hoti, tasmā evaṃ thuto.
535. звам̣ д̇ад̇ияаг̇аат̇ааяа вуд̇д̇абан̃хз виссаж̇ж̇зд̇ваа жад̇уд̇т̇аг̇аат̇ааяа вуд̇д̇абан̃хзсуби яасмаа яо жад̇уухи маг̇г̇ан̃аан̣авзд̣̇зхи гилзсагкаяам̣ гаронд̇о г̇ад̇о, со барамад̇т̇ад̇о взд̣̇аг̇уу наама ход̇и. яо жа саб̣б̣асаман̣аб̣раахман̣аанам̣ сад̇т̇асан̃н̃ид̇аани взд̣̇аани, д̇ааязва маг̇г̇абхааванааяа гижжад̇о анижжаад̣̇ивасзна вижзяяа. д̇ад̇т̇а чанд̣̇арааг̇аббахаанзна д̇амзва саб̣б̣ам̣ взд̣̇амад̇ижжа яаа взд̣̇абажжаяаа ваа ан̃н̃ат̇аа ваа уббаж̇ж̇анд̇и взд̣̇анаа , д̇аасу саб̣б̣авзд̣̇анаасу вийд̇арааг̇о ход̇и, д̇асмаа д̇амад̇т̇ам̣ д̣̇ассзнд̇о ‘‘ид̣̇ам̣ бад̇д̇ина’’нд̇и авад̇ваа ‘‘взд̣̇ааний’’д̇и г̇аат̇ааяа батамабан̃хам̣ б̣яаагааси. яасмаа ваа яо бавижаяабан̃н̃ааяа взд̣̇аани вижзяяа, д̇ад̇т̇а чанд̣̇арааг̇аббахаанзна саб̣б̣ам̣ взд̣̇амад̇ижжа вад̇д̇ад̇и, со сад̇т̇асан̃н̃ид̇аани взд̣̇аани г̇ад̇о н̃аад̇о ад̇игганд̇о жа ход̇и. яо взд̣̇анаасу вийд̇арааг̇о, соби взд̣̇анаасан̃н̃ид̇аани взд̣̇аани г̇ад̇о ад̇игганд̇о жа ход̇и. взд̣̇аани г̇ад̇од̇иби взд̣̇аг̇уу, д̇асмаа д̇амби ад̇т̇ам̣ д̣̇ассзнд̇о ‘‘ид̣̇ам̣ бад̇д̇ина’’нд̇и авад̇ваа имааяа г̇аат̇ааяа батамабан̃хам̣ б̣яаагааси.
535. Evaṃ tatiyagāthāya vuttapañhe vissajjetvā catutthagāthāya vuttapañhesupi yasmā yo catūhi maggañāṇavedehi kilesakkhayaṃ karonto gato, so paramatthato vedagū nāma hoti. Yo ca sabbasamaṇabrāhmaṇānaṃ satthasaññitāni vedāni, tāyeva maggabhāvanāya kiccato aniccādivasena viceyya. Tattha chandarāgappahānena tameva sabbaṃ vedamaticca yā vedapaccayā vā aññathā vā uppajjanti vedanā , tāsu sabbavedanāsu vītarāgo hoti, tasmā tamatthaṃ dassento ‘‘idaṃ pattina’’nti avatvā ‘‘vedānī’’ti gāthāya paṭhamapañhaṃ byākāsi. Yasmā vā yo pavicayapaññāya vedāni viceyya, tattha chandarāgappahānena sabbaṃ vedamaticca vattati, so satthasaññitāni vedāni gato ñāto atikkanto ca hoti. Yo vedanāsu vītarāgo, sopi vedanāsaññitāni vedāni gato atikkanto ca hoti. Vedāni gatotipi vedagū, tasmā tampi atthaṃ dassento ‘‘idaṃ pattina’’nti avatvā imāya gāthāya paṭhamapañhaṃ byākāsi.
536. яасмаа бана д̣̇уд̇ияабан̃хз ‘‘анувид̣̇ид̇о’’д̇и ануб̣уд̣̇д̇хо вужжад̇и, со жа анувижжа бабан̃жанаамаруубам̣ аж̇жхад̇д̇ам̣ ад̇д̇ано санд̇аанз д̇ан̣хаамаанад̣̇идтибхзд̣̇ам̣ бабан̃жам̣ д̇аббажжаяаа наамаруубан̃жа анижжаанубассанаад̣̇ийхи анувижжа анувид̣̇ид̇ваа, на гзвалан̃жа аж̇жхад̇д̇ам̣, б̣ахид̣̇д̇хаа жа рог̇амуулам̣, барасанд̇аанз жа имасса наамаруубарог̇асса муулам̣ авиж̇ж̇аабхавад̇ан̣хаад̣̇им̣, д̇амзва ваа бабан̃жам̣ анувижжа д̇ааяа бхааванааяа саб̣б̣зсам̣ рог̇аанам̣ муулаб̣анд̇ханаа, саб̣б̣асмаа ваа рог̇аанам̣ муулаб̣анд̇ханаа, авиж̇ж̇аабхавад̇ан̣хаад̣̇ибхзд̣̇аа, д̇асмаа зва ваа бабан̃жаа бамуд̇д̇о ход̇и, д̇асмаа д̇ам̣ д̣̇ассзнд̇о ‘‘анувижжаа’’д̇и г̇аат̇ааяа д̣̇уд̇ияабан̃хам̣ б̣яаагааси.
536. Yasmā pana dutiyapañhe ‘‘anuvidito’’ti anubuddho vuccati, so ca anuvicca papañcanāmarūpaṃ ajjhattaṃ attano santāne taṇhāmānadiṭṭhibhedaṃ papañcaṃ tappaccayā nāmarūpañca aniccānupassanādīhi anuvicca anuviditvā, na kevalañca ajjhattaṃ, bahiddhā ca rogamūlaṃ, parasantāne ca imassa nāmarūparogassa mūlaṃ avijjābhavataṇhādiṃ, tameva vā papañcaṃ anuvicca tāya bhāvanāya sabbesaṃ rogānaṃ mūlabandhanā, sabbasmā vā rogānaṃ mūlabandhanā, avijjābhavataṇhādibhedā, tasmā eva vā papañcā pamutto hoti, tasmā taṃ dassento ‘‘anuviccā’’ti gāthāya dutiyapañhaṃ byākāsi.
537. ‘‘гат̇ан̃жа вийрияаваа’’д̇и зд̇т̇а бана яасмаа яо арияамаг̇г̇зна саб̣б̣абаабагзхи вирад̇о, д̇ат̇аа вирад̇ад̇д̇аа жа ааяад̇им̣ абадисанд̇хид̇ааяа нираяад̣̇угкам̣ ад̇ижжа тид̇о вийрияаваасо вийрияанигзд̇о, со кийн̣аасаво ‘‘вийрияаваа’’д̇и вад̇д̇аб̣б̣ад̇ам̣ арахад̇и, д̇асмаа д̇амад̇т̇ам̣ д̣̇ассзнд̇о ‘‘вирад̇о’’д̇и г̇аат̇ааяа д̇ад̇ияабан̃хам̣ б̣яаагааси. бад̇хаанаваа д̇хийро д̇аад̣̇ийд̇и имаани банасса т̇уд̇иважанаани. со хи бад̇хаанаваа маг̇г̇ажхаанабад̇хаанзна, д̇хийро гилзсааривид̣̇д̇хам̣санасамад̇т̇ад̇ааяа, д̇аад̣̇ий ниб̣б̣игаарад̇ааяа, д̇асмаа звам̣ т̇уд̇о. сзсам̣ яож̇зд̇ваа вад̇д̇аб̣б̣ам̣.
537. ‘‘Kathañca vīriyavā’’ti ettha pana yasmā yo ariyamaggena sabbapāpakehi virato, tathā viratattā ca āyatiṃ apaṭisandhitāya nirayadukkhaṃ aticca ṭhito vīriyavāso vīriyaniketo, so khīṇāsavo ‘‘vīriyavā’’ti vattabbataṃ arahati, tasmā tamatthaṃ dassento ‘‘virato’’ti gāthāya tatiyapañhaṃ byākāsi. Padhānavā dhīro tādīti imāni panassa thutivacanāni. So hi padhānavā maggajhānapadhānena, dhīro kilesārividdhaṃsanasamatthatāya, tādī nibbikāratāya, tasmā evaṃ thuto. Sesaṃ yojetvā vattabbaṃ.
538. ‘‘ааж̇аанияо гинд̇и наама ход̇ий’’д̇и зд̇т̇а бана яасмаа бахийнасаб̣б̣аван̇гад̣̇осо гааран̣аагааран̣ан̃н̃уу ассо ваа хад̇т̇ий ваа ‘‘ааж̇аанияо ход̇ий’’д̇и логз вужжад̇и, на жа д̇асса саб̣б̣асо д̇з д̣̇осаа бахийнаа зва, кийн̣аасавасса бана д̇з бахийнаа, д̇асмаа со ‘‘ааж̇аанияо’’д̇и барамад̇т̇ад̇о вад̇д̇аб̣б̣ад̇ам̣ арахад̇ийд̇и д̣̇ассзнд̇о ‘‘яассаа’’д̇и г̇аат̇ааяа жад̇уд̇т̇абан̃хам̣ б̣яаагааси. д̇ассад̇т̇о – аж̇жхад̇д̇ам̣ б̣ахид̣̇д̇хаа жаад̇и звам̣ аж̇жхад̇д̇аб̣ахид̣̇д̇хаасан̃н̃ож̇анасан̇каад̇аани яасса ассу лунаани б̣анд̇ханаани бан̃н̃аасад̇т̇зна чиннаани бад̣̇аалид̇аани. сан̇г̇амууланд̇и яаани д̇зсу д̇зсу вад̇т̇уусу сан̇г̇асса саж̇ж̇анааяа анад̇иггаманааяа муулам̣ хонд̇и, ат̇а ваа яасса ассу лунаани рааг̇аад̣̇ийни б̣анд̇ханаани яаани аж̇жхад̇д̇ам̣ б̣ахид̣̇д̇хаа жа сан̇г̇амуулаани хонд̇и, со саб̣б̣асмаа сан̇г̇аанам̣ муулабхууд̇аа саб̣б̣асан̇г̇аанам̣ ваа муулабхууд̇аа б̣анд̇ханаа бамуд̇д̇о ‘‘ааж̇аанияо’’д̇и вужжад̇и, д̇ат̇ад̇д̇аа д̇аад̣̇и жа ход̇ийд̇и.
538. ‘‘Ājāniyo kinti nāma hotī’’ti ettha pana yasmā pahīnasabbavaṅkadoso kāraṇākāraṇaññū asso vā hatthī vā ‘‘ājāniyo hotī’’ti loke vuccati, na ca tassa sabbaso te dosā pahīnā eva, khīṇāsavassa pana te pahīnā, tasmā so ‘‘ājāniyo’’ti paramatthato vattabbataṃ arahatīti dassento ‘‘yassā’’ti gāthāya catutthapañhaṃ byākāsi. Tassattho – ajjhattaṃ bahiddhā cāti evaṃ ajjhattabahiddhāsaññojanasaṅkhātāni yassa assu lunāni bandhanāni paññāsatthena chinnāni padālitāni. Saṅgamūlanti yāni tesu tesu vatthūsu saṅgassa sajjanāya anatikkamanāya mūlaṃ honti, atha vā yassa assu lunāni rāgādīni bandhanāni yāni ajjhattaṃ bahiddhā ca saṅgamūlāni honti, so sabbasmā saṅgānaṃ mūlabhūtā sabbasaṅgānaṃ vā mūlabhūtā bandhanā pamutto ‘‘ājāniyo’’ti vuccati, tathattā tādi ca hotīti.
540. звам̣ жад̇уд̇т̇аг̇аат̇ааяа вуд̇д̇абан̃хз виссаж̇ж̇зд̇ваа бан̃жамаг̇аат̇ааяа вуд̇д̇абан̃хзсуби яасмаа яам̣ чанд̣̇аж̇жхзнамад̇д̇зна агкаражинд̇агаа сод̇д̇ияам̣ ван̣н̣аяанд̇и, вохаарамад̇д̇асод̇д̇ияо со. арияо бана б̣аахусажжзна ниссуд̇абаабад̇ааяа жа барамад̇т̇асод̇д̇ияо ход̇и, д̇асмаа д̇амад̇т̇ам̣ д̣̇ассзнд̇о ‘‘ид̣̇ам̣ бад̇д̇ина’’нд̇и авад̇ваа ‘‘суд̇ваа’’д̇и г̇аат̇ааяа батамабан̃хам̣ б̣яаагааси. д̇ассад̇т̇о – яо имасмим̣ логз суд̇амаяабан̃н̃аагижжавасзна суд̇ваа гаад̇аб̣б̣агижжавасзна ваа суд̇ваа вибассануубаг̇ам̣ саб̣б̣ад̇хаммам̣ анижжаад̣̇ивасзна абхин̃н̃ааяа сааваж̇ж̇аанаваж̇ж̇ам̣ яад̣̇ад̇т̇и гин̃жи, имааяа бадибад̣̇ааяа гилзсз гилзсадтаанияз жа д̇хаммз абхибхавид̇ваа абхибхууд̇и сан̇кам̣ г̇ад̇о, д̇ам̣ суд̇ваа саб̣б̣ад̇хаммам̣ абхин̃н̃ааяа логз сааваж̇ж̇аанаваж̇ж̇ам̣ яад̣̇ад̇т̇и гин̃жи, абхибхум̣ суд̇авад̇д̇аа сод̇д̇ияод̇и ааху. яасмаа жа яо агат̇ам̣гат̇ий гилзсаб̣анд̇ханзхи вимуд̇д̇о, рааг̇аад̣̇ийхи ийгхзхи анийгхо жа ход̇и саб̣б̣ад̇хи саб̣б̣зсу д̇хаммзсу канд̇хааяад̇анаад̣̇ийсу, д̇асмаа д̇ам̣ агат̇ам̣гат̇им̣ вимуд̇д̇ам̣ анийгхам̣ саб̣б̣ад̇хи ниссуд̇абаабагад̇д̇ааби ‘‘сод̇д̇ияо’’д̇и аахууд̇и.
540. Evaṃ catutthagāthāya vuttapañhe vissajjetvā pañcamagāthāya vuttapañhesupi yasmā yaṃ chandajjhenamattena akkharacintakā sottiyaṃ vaṇṇayanti, vohāramattasottiyo so. Ariyo pana bāhusaccena nissutapāpatāya ca paramatthasottiyo hoti, tasmā tamatthaṃ dassento ‘‘idaṃ pattina’’nti avatvā ‘‘sutvā’’ti gāthāya paṭhamapañhaṃ byākāsi. Tassattho – yo imasmiṃ loke sutamayapaññākiccavasena sutvā kātabbakiccavasena vā sutvā vipassanūpagaṃ sabbadhammaṃ aniccādivasena abhiññāya sāvajjānavajjaṃ yadatthi kiñci, imāya paṭipadāya kilese kilesaṭṭhāniye ca dhamme abhibhavitvā abhibhūti saṅkhaṃ gato, taṃ sutvā sabbadhammaṃ abhiññāya loke sāvajjānavajjaṃ yadatthi kiñci, abhibhuṃ sutavattā sottiyoti āhu. Yasmā ca yo akathaṃkathī kilesabandhanehi vimutto, rāgādīhi īghehi anīgho ca hoti sabbadhi sabbesu dhammesu khandhāyatanādīsu, tasmā taṃ akathaṃkathiṃ vimuttaṃ anīghaṃ sabbadhi nissutapāpakattāpi ‘‘sottiyo’’ti āhūti.
541. яасмаа бана хид̇агаамзна ж̇анзна аран̣ийяад̇о арияо ход̇и, абхиг̇аманийяад̇од̇и ад̇т̇о. д̇асмаа язхи г̇ун̣зхи со аран̣ийяо ход̇и, д̇з д̣̇ассзнд̇аа ‘‘чзд̇ваа’’д̇и г̇аат̇ааяа д̣̇уд̇ияабан̃хам̣ б̣яаагааси. д̇ассад̇т̇о – жад̇д̇аари аасаваани д̣̇вз жа аалаяаани бан̃н̃аасад̇т̇зна чзд̇ваа вид̣̇ваа вин̃н̃уу вибхаавий жад̇умаг̇г̇ан̃аан̣ий со бунаб̣бхававасзна на убзд̇и г̇аб̣бхасзяяам̣, ган̃жи яоним̣ на убаг̇ажчад̇и, гаамаад̣̇ибхзд̣̇ан̃жа сан̃н̃ам̣ д̇ивид̇хам̣. гаамаг̇ун̣асан̇каад̇ан̃жа бан̇гам̣ бануж̇ж̇а бануд̣̇ид̇ваа д̇ан̣хаад̣̇идтигаббаанам̣ ан̃н̃ад̇арамби габбам̣ на зд̇и, звам̣ аасаважчзд̣̇аад̣̇иг̇ун̣асаманнааг̇ад̇ам̣ д̇амааху арияод̇и. яасмаа ваа баабагзхи аарагад̇д̇аа арияо ход̇и анаяз жа анирийяанаа, д̇асмаа д̇амби ад̇т̇ам̣ д̣̇ассзнд̇о имааяа г̇аат̇ааяа д̣̇уд̇ияабан̃хам̣ б̣яаагааси. аасаваад̣̇аяо хи баабагаа д̇хаммаа анаяасаммад̇аа, д̇з жаанзна чиннаа бануннаа, на жа д̇зхи гамбад̇и, ижжасса д̇з аарагаа хонд̇и, на жа д̇зсу ирийяад̇и д̇асмаа аарагаасса хонд̇и баабагаа д̇хаммаад̇и иминаабад̇т̇зна. анаяз на ирийяад̇ийд̇и иминаабад̇т̇зна д̇амааху арияод̇и жа звамбзд̇т̇а яож̇анаа взд̣̇ид̇аб̣б̣аа. ‘‘вид̣̇ваа со на убзд̇и г̇аб̣бхасзяяа’’нд̇и ид̣̇ам̣ бана имасмим̣ ад̇т̇авигаббз т̇уд̇иважанамзва ход̇и.
541. Yasmā pana hitakāmena janena araṇīyato ariyo hoti, abhigamanīyatoti attho. Tasmā yehi guṇehi so araṇīyo hoti, te dassentā ‘‘chetvā’’ti gāthāya dutiyapañhaṃ byākāsi. Tassattho – cattāri āsavāni dve ca ālayāni paññāsatthena chetvā vidvā viññū vibhāvī catumaggañāṇī so punabbhavavasena na upetigabbhaseyyaṃ, kañci yoniṃ na upagacchati, kāmādibhedañca saññaṃ tividhaṃ. Kāmaguṇasaṅkhātañca paṅkaṃ panujja panuditvā taṇhādiṭṭhikappānaṃ aññatarampi kappaṃ na eti, evaṃ āsavacchedādiguṇasamannāgataṃ tamāhu ariyoti. Yasmā vā pāpakehi ārakattā ariyo hoti anaye ca anirīyanā, tasmā tampi atthaṃ dassento imāya gāthāya dutiyapañhaṃ byākāsi. Āsavādayo hi pāpakā dhammā anayasammatā, te cānena chinnā panunnā, na ca tehi kampati, iccassa te ārakā honti, na ca tesu irīyati tasmā ārakāssa honti pāpakā dhammāti imināpatthena. Anaye na irīyatīti imināpatthena tamāhu ariyoti ca evampettha yojanā veditabbā. ‘‘Vidvā so na upeti gabbhaseyya’’nti idaṃ pana imasmiṃ atthavikappe thutivacanameva hoti.
542. ‘‘гат̇ам̣ жаран̣аваа’’д̇и зд̇т̇а бана яасмаа жаран̣зхи бад̇д̇аб̣б̣ам̣ бад̇д̇о ‘‘жаран̣аваа’’д̇и вад̇д̇аб̣б̣ад̇ам̣ арахад̇и, д̇асмаа д̇ам̣ д̣̇ассзнд̇о ‘‘яо ид̇хаа’’д̇и г̇аат̇ааяа д̇ад̇ияабан̃хам̣ б̣яаагааси. д̇ад̇т̇а яо ид̇хаад̇и яо имасмим̣ саасанз. жаран̣зсууд̇и сийлаад̣̇ийсу хзмавад̇асуд̇д̇з (су. ни. 153 аад̣̇аяо) вуд̇д̇абаннарасад̇хаммзсу. нимид̇д̇ад̇т̇з бхуммаважанам̣. бад̇д̇ибад̇д̇од̇и бад̇д̇аб̣б̣ам̣ бад̇д̇о. яо жаран̣анимид̇д̇ам̣ жаран̣ахзд̇у жаран̣абажжаяаа бад̇д̇аб̣б̣ам̣ арахад̇д̇ам̣ бад̇д̇од̇и вуд̇д̇ам̣ ход̇и. жаран̣аваа сод̇и со имааяа жаран̣зхи бад̇д̇аб̣б̣абад̇д̇ияаа жаран̣аваа ход̇ийд̇и. зд̇д̇аавад̇аа бан̃хо б̣яаагад̇о ход̇и, сзсамасса т̇уд̇иважанам̣. яо хи жаран̣зхи бад̇д̇ибад̇д̇о, со гусало жа ход̇и чзго, саб̣б̣ад̣̇аа жа ааж̇аанаад̇и ниб̣б̣аанад̇хаммам̣ , нижжам̣ ниб̣б̣аананиннажид̇д̇ад̇ааяа саб̣б̣ад̇т̇а жа канд̇хаад̣̇ийсу на саж̇ж̇ад̇и. д̣̇вийхи жа вимуд̇д̇ийхи вимуд̇д̇ажид̇д̇о ход̇и, бадигхаа яасса на санд̇ийд̇и.
542. ‘‘Kathaṃ caraṇavā’’ti ettha pana yasmā caraṇehi pattabbaṃ patto ‘‘caraṇavā’’ti vattabbataṃ arahati, tasmā taṃ dassento ‘‘yo idhā’’ti gāthāya tatiyapañhaṃ byākāsi. Tattha yo idhāti yo imasmiṃ sāsane. Caraṇesūti sīlādīsu hemavatasutte (su. ni. 153 ādayo) vuttapannarasadhammesu. Nimittatthe bhummavacanaṃ. Pattipattoti pattabbaṃ patto. Yo caraṇanimittaṃ caraṇahetu caraṇapaccayā pattabbaṃ arahattaṃ pattoti vuttaṃ hoti. Caraṇavā soti so imāya caraṇehi pattabbapattiyā caraṇavā hotīti. Ettāvatā pañho byākato hoti, sesamassa thutivacanaṃ. Yo hi caraṇehi pattipatto, so kusalo ca hoti cheko, sabbadā ca ājānāti nibbānadhammaṃ, niccaṃ nibbānaninnacittatāya sabbattha ca khandhādīsu na sajjati. Dvīhi ca vimuttīhi vimuttacitto hoti, paṭighā yassa na santīti.
543. яасмаа бана гаммаад̣̇ийнам̣ бариб̣б̣ааж̇анзна бариб̣б̣ааж̇аго наама ход̇и, д̇асмаа д̇амад̇т̇ам̣ д̣̇ассзнд̇о ‘‘д̣̇угкавзбагга’’нд̇и г̇аат̇ааяа жад̇уд̇т̇абан̃хам̣ б̣яаагааси. д̇ад̇т̇а вибааго зва взбаггам̣, д̣̇угкам̣ взбаггамассаад̇и д̣̇угкавзбаггам̣. бавад̇д̇ид̣̇угкаж̇ананад̇о саб̣б̣амби д̇зд̇хаад̇угагаммам̣ вужжад̇и. уд̣̇д̇ханд̇и ад̇ийд̇ам̣. ад̇ход̇и анааг̇ад̇ам̣. д̇ирияам̣ вааби маж̇жхзд̇и бажжуббаннам̣. д̇ан̃хи на уд̣̇д̇хам̣ на ад̇хо, д̇ирияам̣ убхиннан̃жа анд̇араа, д̇зна ‘‘маж̇жхз’’д̇и вуд̇д̇ам̣. бариб̣б̣ааж̇аяид̇ваад̇и нигкаамзд̇ваа нид̣̇д̇хамзд̇ваа . барин̃н̃ажаарийд̇и бан̃н̃ааяа барижчинд̣̇ид̇ваа жаранд̇о. аяам̣ д̇аава абуб̣б̣абад̣̇аван̣н̣анаа. аяам̣ бана ад̇хиббааяаяож̇анаа – яо д̇ияад̣̇д̇хабарияаабаннамби д̣̇угкаж̇анагам̣ яад̣̇ад̇т̇и гин̃жи гаммам̣, д̇ам̣ саб̣б̣амби арияамаг̇г̇зна д̇ан̣хаавиж̇ж̇аасинзхз сосзнд̇о абадисанд̇хиж̇анагабхаавагаран̣зна бариб̣б̣ааж̇аяид̇ваа д̇ат̇аа бариб̣б̣ааж̇ид̇ад̇д̇аа зва жа д̇ам̣ гаммам̣ барин̃н̃ааяа жаран̣ад̇о барин̃н̃ажаарий. на гзвалан̃жа гаммамзва, мааяам̣ маанамат̇оби лобхагод̇хам̣ имзби д̇хаммз бахаанабарин̃н̃ааяа барин̃н̃ажаарий, барияанд̇амагааси наамаруубам̣, наамаруубасса жа барияанд̇амагааси бариб̣б̣ааж̇зси ижжзвад̇т̇о. имзсам̣ гаммаад̣̇ийнам̣ бариб̣б̣ааж̇анзна д̇ам̣ бариб̣б̣ааж̇агамааху. бад̇д̇ибад̇д̇анд̇и ид̣̇ам̣ банасса т̇уд̇иважанам̣.
543. Yasmā pana kammādīnaṃ paribbājanena paribbājako nāma hoti, tasmā tamatthaṃ dassento ‘‘dukkhavepakka’’nti gāthāya catutthapañhaṃ byākāsi. Tattha vipāko eva vepakkaṃ, dukkhaṃ vepakkamassāti dukkhavepakkaṃ. Pavattidukkhajananato sabbampi tedhātukakammaṃ vuccati. Uddhanti atītaṃ. Adhoti anāgataṃ. Tiriyaṃ vāpi majjheti paccuppannaṃ. Tañhi na uddhaṃ na adho, tiriyaṃ ubhinnañca antarā, tena ‘‘majjhe’’ti vuttaṃ. Paribbājayitvāti nikkhāmetvā niddhametvā . Pariññacārīti paññāya paricchinditvā caranto. Ayaṃ tāva apubbapadavaṇṇanā. Ayaṃ pana adhippāyayojanā – yo tiyaddhapariyāpannampi dukkhajanakaṃ yadatthi kiñci kammaṃ, taṃ sabbampi ariyamaggena taṇhāvijjāsinehe sosento apaṭisandhijanakabhāvakaraṇena paribbājayitvā tathā paribbājitattā eva ca taṃ kammaṃ pariññāya caraṇato pariññacārī. Na kevalañca kammameva, māyaṃ mānamathopi lobhakodhaṃ imepi dhamme pahānapariññāya pariññacārī, pariyantamakāsi nāmarūpaṃ, nāmarūpassa ca pariyantamakāsi paribbājesi iccevattho. Imesaṃ kammādīnaṃ paribbājanena taṃ paribbājakamāhu. Pattipattanti idaṃ panassa thutivacanaṃ.
544. звам̣ бан̃хаб̣яаагаран̣зна д̇удтасса бана сабхияасса ‘‘яаани жа д̇ийн̣ий’’д̇иаад̣̇ийсу абхид̇т̇аванаг̇аат̇аасу осаран̣аанийд̇и ог̇ахан̣аани д̇ид̇т̇аани, д̣̇идтияод̇и ад̇т̇о. д̇аани яасмаа саггааяад̣̇идтияаа саха б̣рахмаж̇аалз вуд̇д̇ад̣̇ваасадтид̣̇идтиг̇ад̇аани г̇ахзд̇ваа д̇зсадти хонд̇и, яасмаа жа д̇аани ан̃н̃ад̇ид̇т̇ияасаман̣аанам̣ баваад̣̇абхууд̇аани сад̇т̇аани сид̇аани убад̣̇исид̇аб̣б̣авасзна, на уббад̇д̇ивасзна. уббад̇д̇ивасзна бана яад̣̇зд̇ам̣ ‘‘ид̇т̇ий бурисо’’д̇и сан̃н̃агкарам̣ вохааранаамам̣, яаа жааяам̣ мижчаабаривид̇аггаануссаваад̣̇ивасзна ‘‘зваруубзна ад̇д̇анаа бхавид̇аб̣б̣а’’нд̇и б̣аалаанам̣ вибарийд̇асан̃н̃аа уббаж̇ж̇ад̇и, д̇ад̣̇убхаяаниссид̇аани д̇зсам̣ васзна уббаж̇ж̇анд̇и, на ад̇д̇абажжагкаани. д̇аани жа бхаг̇аваа винзяяа винаяид̇ваа огхад̇амаг̇аа огхад̇амам̣ огханд̇хагаарам̣ аг̇аа ад̇игганд̇о. ‘‘огханд̇амаг̇аа’’д̇иби баато, огхаанам̣ анд̇ам̣ аг̇аа, д̇асмаа ааха ‘‘яаани жа д̇ийн̣и…бз… д̇амаг̇аа’’д̇и.
544. Evaṃ pañhabyākaraṇena tuṭṭhassa pana sabhiyassa ‘‘yāni ca tīṇī’’tiādīsu abhitthavanagāthāsu osaraṇānīti ogahaṇāni titthāni, diṭṭhiyoti attho. Tāni yasmā sakkāyadiṭṭhiyā saha brahmajāle vuttadvāsaṭṭhidiṭṭhigatāni gahetvā tesaṭṭhi honti, yasmā ca tāni aññatitthiyasamaṇānaṃ pavādabhūtāni satthāni sitāni upadisitabbavasena, na uppattivasena. Uppattivasena pana yadetaṃ ‘‘itthī puriso’’ti saññakkharaṃ vohāranāmaṃ, yā cāyaṃ micchāparivitakkānussavādivasena ‘‘evarūpena attanā bhavitabba’’nti bālānaṃ viparītasaññā uppajjati, tadubhayanissitāni tesaṃ vasena uppajjanti, na attapaccakkhāni. Tāni ca bhagavā vineyya vinayitvā oghatamagā oghatamaṃ oghandhakāraṃ agā atikkanto. ‘‘Oghantamagā’’tipi pāṭho, oghānaṃ antaṃ agā, tasmā āha ‘‘yāni ca tīṇi…pe… tamagā’’ti.
545. д̇ад̇о барам̣ ваддад̣̇угкасса анд̇ам̣ бааран̃жа ниб̣б̣аанам̣ д̇аббад̇д̇ияаа д̣̇угкаабхаавад̇о д̇аббадибагкад̇о жа д̇ам̣ санд̇хааяааха, ‘‘анд̇аг̇ууси баараг̇уу д̣̇угкассаа’’д̇и. ат̇а ваа баараг̇уу бхаг̇аваа ниб̣б̣аанам̣ г̇ад̇ад̇д̇аа, д̇ам̣ аалабанд̇о ааха, ‘‘баараг̇уу анд̇аг̇ууси д̣̇угкассаа’’д̇и аяамзд̇т̇а самб̣анд̇хо. саммаа жа б̣уд̣̇д̇хо сааман̃жа б̣уд̣̇д̇ход̇и саммаасамб̣уд̣̇д̇хо. д̇ам̣ ман̃н̃зд̇и д̇амзва ман̃н̃аами, на ан̃н̃анд̇и ажжаад̣̇арзна бхан̣ад̇и. ж̇уд̇имаад̇и барзсамби анд̇хагааравид̇хаманзна ж̇уд̇исамбанно. муд̇имаад̇и абараббажжаяан̃зяяан̃аан̣асамад̇т̇ааяа муд̇ияаа бан̃н̃ааяа самбанно. бахууд̇абан̃н̃од̇и ананд̇абан̃н̃о. ид̇ха саб̣б̣ан̃н̃уд̇ан̃н̃аан̣амад̇хиббзд̇ам̣. д̣̇угкассанд̇агараад̇и ааманд̇знд̇о ааха. ад̇аарзси манд̇и ган̇каад̇о мам̣ д̇аарзси.
545. Tato paraṃ vaṭṭadukkhassa antaṃ pārañca nibbānaṃ tappattiyā dukkhābhāvato tappaṭipakkhato ca taṃ sandhāyāha, ‘‘antagūsi pāragū dukkhassā’’ti. Atha vā pāragū bhagavā nibbānaṃ gatattā, taṃ ālapanto āha, ‘‘pāragū antagūsi dukkhassā’’ti ayamettha sambandho. Sammā ca buddho sāmañca buddhoti sammāsambuddho. Taṃ maññeti tameva maññāmi, na aññanti accādarena bhaṇati. Jutimāti paresampi andhakāravidhamanena jutisampanno. Mutimāti aparappaccayañeyyañāṇasamatthāya mutiyā paññāya sampanno. Pahūtapaññoti anantapañño. Idha sabbaññutaññāṇamadhippetaṃ. Dukkhassantakarāti āmantento āha. Atāresi manti kaṅkhāto maṃ tāresi.
546-9. яам̣ мзд̇иаад̣̇иг̇аат̇ааяа намаггаарагаран̣ам̣ бхан̣ад̇и. д̇ад̇т̇а ган̇кид̇д̇анд̇и вийсад̇ибан̃ханиссид̇ам̣ ад̇т̇ам̣ санд̇хааяааха. со хи д̇зна ган̇кид̇о ахоси. монабат̇зсууд̇и н̃аан̣абат̇зсу. винал̣ийгад̇аад̇и виг̇ад̇анал̣аа гад̇аа, ужчиннаад̇и вуд̇д̇ам̣ ход̇и. нааг̇а нааг̇ассаад̇и згам̣ ааманд̇анаважанам̣, згасса ‘‘бхаасад̇о анумод̣̇анд̇ий’’д̇и иминаа самб̣анд̇хо. ‘‘д̇хаммад̣̇зсана’’нд̇и баатасзсо. саб̣б̣з д̣̇зваад̇и аагаасадтаа жа бхуумадтаа жа. наарад̣̇абаб̣б̣ад̇аад̇и д̇зби гира д̣̇вз д̣̇зваг̇ан̣аа бан̃н̃аванд̇о, д̇зби анумод̣̇анд̇ийд̇и саб̣б̣ам̣ басаад̣̇зна жа намаггаарагаран̣ам̣ бхан̣ад̇и .
546-9.Yaṃ metiādigāthāya namakkārakaraṇaṃ bhaṇati. Tattha kaṅkhittanti vīsatipañhanissitaṃ atthaṃ sandhāyāha. So hi tena kaṅkhito ahosi. Monapathesūti ñāṇapathesu. Vinaḷīkatāti vigatanaḷā katā, ucchinnāti vuttaṃ hoti. Nāga nāgassāti ekaṃ āmantanavacanaṃ, ekassa ‘‘bhāsato anumodantī’’ti iminā sambandho. ‘‘Dhammadesana’’nti pāṭhaseso. Sabbe devāti ākāsaṭṭhā ca bhūmaṭṭhā ca. Nāradapabbatāti tepi kira dve devagaṇā paññavanto, tepi anumodantīti sabbaṃ pasādena ca namakkārakaraṇaṃ bhaṇati .
550-53. анумод̣̇анаарахам̣ б̣яаагаран̣асамбад̣̇ам̣ суд̇ваа ‘‘намо д̇з’’д̇и ан̃ж̇алим̣ баг̇г̇ахзд̇ваа ааха. бурисааж̇ан̃н̃аад̇и бурисзсу ж̇аад̇исамбаннам̣. бадибуг̇г̇алод̇и бадибхааг̇о буг̇г̇ало д̇увам̣ б̣уд̣̇д̇хо жад̇усажжабадивзд̇хзна, сад̇т̇аа анусаасанияаа сад̇т̇аваахад̇ааяа жа, маараабхибхуу жад̇умаараабхибхавзна, муни б̣уд̣̇д̇хамуни. убад̇хийд̇и канд̇хагилзсагаамаг̇ун̣аабхисан̇каарабхзд̣̇аа жад̇д̇ааро. ваг̇г̇ууд̇и абхируубам̣. бун̃н̃з жаад̇и логияз на лимбаси д̇зсам̣ агаран̣зна, буб̣б̣з гад̇аанамби ваа ааяад̇им̣ палуубабхог̇аабхаавзна. д̇ам̣нимид̇д̇зна ваа д̇ан̣хаад̣̇идтилзбзна. ванд̣̇ад̇и сад̇т̇унод̇и звам̣ бхан̣анд̇о г̇обпагзсу бариг̇г̇ахзд̇ваа бан̃жабад̇идтид̇ам̣ ванд̣̇и.
550-53. Anumodanārahaṃ byākaraṇasampadaṃ sutvā ‘‘namo te’’ti añjaliṃ paggahetvā āha. Purisājaññāti purisesu jātisampannaṃ. Paṭipuggaloti paṭibhāgo puggalo tuvaṃ buddho catusaccapaṭivedhena, satthā anusāsaniyā satthavāhatāya ca, mārābhibhū catumārābhibhavena, muni buddhamuni. Upadhīti khandhakilesakāmaguṇābhisaṅkhārabhedā cattāro. Vaggūti abhirūpaṃ. Puññe cāti lokiye na limpasi tesaṃ akaraṇena, pubbe katānampi vā āyatiṃ phalūpabhogābhāvena. Taṃnimittena vā taṇhādiṭṭhilepena. Vandati satthunoti evaṃ bhaṇanto gopphakesu pariggahetvā pañcapatiṭṭhitaṃ vandi.
ан̃н̃ад̇ид̇т̇ияабуб̣б̣од̇и ан̃н̃ад̇ид̇т̇ияо зва. ааган̇кад̇ийд̇и ижчад̇и. аарад̣̇д̇хажид̇д̇аад̇и абхираад̇хид̇ажид̇д̇аа. абижа мзд̇т̇а буг̇г̇алавзмад̇д̇ад̇аа вид̣̇ид̇аад̇и абижа маяаа зд̇т̇а ан̃н̃ад̇ид̇т̇ияаанам̣ бариваасз буг̇г̇аланаанад̇д̇ам̣ вид̣̇ид̇ам̣, на саб̣б̣знзва баривасид̇аб̣б̣анд̇и. гзна бана на баривасид̇аб̣б̣ам̣? аг̇г̇иязхи ж̇адилзхи, саагиязна ж̇аад̇ияаа, лин̇г̇ам̣ виж̇ахид̇ваа ааг̇ад̇зна. авиж̇ахид̇ваа ааг̇ад̇оби жа яо маг̇г̇апалабадилаабхааяа хзд̇усамбанно ход̇и, д̇аад̣̇исова сабхияо бариб̣б̣ааж̇аго. д̇асмаа бхаг̇аваа ‘‘д̇ава бана, сабхияа, д̇ид̇т̇ияавад̇д̇абууран̣ад̇т̇ааяа бариваасагааран̣ам̣ над̇т̇и, ад̇т̇ад̇т̇иго д̇вам̣ ‘маг̇г̇апалабадилаабхааяа хзд̇усамбанно’д̇и вид̣̇ид̇амзд̇ам̣ маяаа’’д̇и д̇асса баб̣б̣аж̇ж̇ам̣ ануж̇аананд̇о ааха – ‘‘абижа мзд̇т̇а буг̇г̇алавзмад̇д̇ад̇аа вид̣̇ид̇аа’’д̇и. сабхияо бана ад̇д̇ано аад̣̇арам̣ д̣̇ассзнд̇о ааха ‘‘сажз бханд̇з’’д̇и. д̇ам̣ саб̣б̣ам̣ ан̃н̃ан̃жа д̇ат̇ааруубам̣ уд̇д̇аанад̇т̇ад̇д̇аа буб̣б̣з вуд̇д̇анаяад̇д̇аа жа ид̇ха на ван̣н̣ид̇ам̣, яад̇о буб̣б̣з ван̣н̣ид̇аанусаарзна взд̣̇ид̇аб̣б̣анд̇и.
Aññatitthiyapubboti aññatitthiyo eva. Ākaṅkhatīti icchati. Āraddhacittāti abhirādhitacittā. Apica mettha puggalavemattatā viditāti apica mayā ettha aññatitthiyānaṃ parivāse puggalanānattaṃ viditaṃ, na sabbeneva parivasitabbanti. Kena pana na parivasitabbaṃ? Aggiyehi jaṭilehi, sākiyena jātiyā, liṅgaṃ vijahitvā āgatena. Avijahitvā āgatopi ca yo maggaphalapaṭilābhāya hetusampanno hoti, tādisova sabhiyo paribbājako. Tasmā bhagavā ‘‘tava pana, sabhiya, titthiyavattapūraṇatthāya parivāsakāraṇaṃ natthi, atthatthiko tvaṃ ‘maggaphalapaṭilābhāya hetusampanno’ti viditametaṃ mayā’’ti tassa pabbajjaṃ anujānanto āha – ‘‘apica mettha puggalavemattatā viditā’’ti. Sabhiyo pana attano ādaraṃ dassento āha ‘‘sace bhante’’ti. Taṃ sabbaṃ aññañca tathārūpaṃ uttānatthattā pubbe vuttanayattā ca idha na vaṇṇitaṃ, yato pubbe vaṇṇitānusārena veditabbanti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа сабхияасуд̇д̇аван̣н̣анаа нидтид̇аа.
Suttanipāta-aṭṭhakathāya sabhiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 6. сабхияасуд̇д̇ам̣ • 6. Sabhiyasuttaṃ
