| Library / Tipiṭaka / తిపిటక • Tipiṭaka / సారత్థదీపనీ-టీకా • Sāratthadīpanī-ṭīkā |
౩. సభోజనసిక్ఖాపదవణ్ణనా
3. Sabhojanasikkhāpadavaṇṇanā
౨౮౦. తతియే పిట్ఠసఙ్ఘాటోతి ద్వారబాహాయేతం అధివచనం. ఖుద్దకం నామ సయనిఘరం విత్థారతో పఞ్చహత్థప్పమాణం హోతి, తస్స చ మజ్ఝిమట్ఠానం పిట్ఠసఙ్ఘాటతో అడ్ఢతేయ్యహత్థప్పమాణమేవ హోతి, తస్మా తాదిసే సయనిఘరే పిట్ఠసఙ్ఘాటతో హత్థపాసం విజహిత్వా నిసిన్నో పిట్ఠివంసం అతిక్కమిత్వా నిసిన్నో నామ హోతి. ఏవం నిసిన్నో చ మజ్ఝం అతిక్కమిత్వా నిసిన్నో నామ హోతీతి ఆహ ‘‘ఇమినా మజ్ఝాతిక్కమం దస్సేతీ’’తి. యథా వా తథా వా కతస్సాతి పిట్ఠివంసం ఆరోపేత్వా వా అనారోపేత్వా వా కతస్స. సచిత్తకన్తి అనుపవిసిత్వా నిసీదనచిత్తేన సచిత్తకం. సేసమేత్థ ఉత్తానమేవ. పరియుట్ఠితరాగజాయమ్పతికానం సన్నిహితతా, సయనిఘరతా, దుతియస్స భిక్ఖునో అభావో, అనుపఖజ్జ నిసీదనన్తి ఇమాని పనేత్థ చత్తారి అఙ్గాని.
280. Tatiye piṭṭhasaṅghāṭoti dvārabāhāyetaṃ adhivacanaṃ. Khuddakaṃ nāma sayanigharaṃ vitthārato pañcahatthappamāṇaṃ hoti, tassa ca majjhimaṭṭhānaṃ piṭṭhasaṅghāṭato aḍḍhateyyahatthappamāṇameva hoti, tasmā tādise sayanighare piṭṭhasaṅghāṭato hatthapāsaṃ vijahitvā nisinno piṭṭhivaṃsaṃ atikkamitvā nisinno nāma hoti. Evaṃ nisinno ca majjhaṃ atikkamitvā nisinno nāma hotīti āha ‘‘iminā majjhātikkamaṃ dassetī’’ti. Yathā vā tathā vā katassāti piṭṭhivaṃsaṃ āropetvā vā anāropetvā vā katassa. Sacittakanti anupavisitvā nisīdanacittena sacittakaṃ. Sesamettha uttānameva. Pariyuṭṭhitarāgajāyampatikānaṃ sannihitatā, sayanigharatā, dutiyassa bhikkhuno abhāvo, anupakhajja nisīdananti imāni panettha cattāri aṅgāni.
సభోజనసిక్ఖాపదవణ్ణనా నిట్ఠితా.
Sabhojanasikkhāpadavaṇṇanā niṭṭhitā.
౨౮౪-౨౮౯. చతుత్థపఞ్చమేసు నత్థి కిఞ్చి వత్తబ్బం.
284-289. Catutthapañcamesu natthi kiñci vattabbaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౫. అచేలకవగ్గో • 5. Acelakavaggo
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావిభఙ్గ-అట్ఠకథా • Mahāvibhaṅga-aṭṭhakathā / ౩. సభోజనసిక్ఖాపదవణ్ణనా • 3. Sabhojanasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā
౩. సభోజనసిక్ఖాపదవణ్ణనా • 3. Sabhojanasikkhāpadavaṇṇanā
౪. రహోపటిచ్ఛన్నసిక్ఖాపదవణ్ణనా • 4. Rahopaṭicchannasikkhāpadavaṇṇanā
౫. రహోనిసజ్జసిక్ఖాపదవణ్ణనా • 5. Rahonisajjasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౩. సభోజనసిక్ఖాపదవణ్ణనా • 3. Sabhojanasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౩. సభోజనసిక్ఖాపదం • 3. Sabhojanasikkhāpadaṃ
