| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
7. саб̣рахмагасуд̇д̇аван̣н̣анаа
7. Sabrahmakasuttavaṇṇanā
106. сад̇д̇амз саб̣рахмагаанийд̇и сасздтагаани. язсанд̇и язсам̣ гулаанам̣. буд̇д̇аананд̇и буд̇д̇зхи бууж̇ид̇асад̣̇д̣̇аяог̇зна хи ид̣̇ам̣ гаран̣ад̇т̇з саамиважанам̣. аж̇жхааг̇аарзд̇и сагз гхарз. бууж̇ид̇аа хонд̇ийд̇и яам̣ гхарз ад̇т̇и, д̇зна бадиж̇аг̇г̇ид̇аа манаабзна жзва гааяигаваажасигзна жа бажжубадтид̇аа хонд̇и. ид̇и маад̇аабид̇убууж̇агаани гулаани ‘‘саб̣рахмагааний’’д̇и басам̣сид̇ваа убариби нзсам̣ басам̣санийяад̇ам̣ д̣̇ассзнд̇о ‘‘сабуб̣б̣ад̣̇звад̇ааний’’д̇иаад̣̇имааха.
106. Sattame sabrahmakānīti saseṭṭhakāni. Yesanti yesaṃ kulānaṃ. Puttānanti puttehi pūjitasaddayogena hi idaṃ karaṇatthe sāmivacanaṃ. Ajjhāgāreti sake ghare. Pūjitā hontīti yaṃ ghare atthi, tena paṭijaggitā manāpena ceva kāyikavācasikena ca paccupaṭṭhitā honti. Iti mātāpitupūjakāni kulāni ‘‘sabrahmakānī’’ti pasaṃsitvā uparipi nesaṃ pasaṃsanīyataṃ dassento ‘‘sapubbadevatānī’’tiādimāha.
д̇ад̇т̇а б̣рахмаад̇иаад̣̇ийни д̇зсам̣ б̣рахмаад̣̇ибхаавасаад̇ханад̇т̇ам̣ вуд̇д̇аани. д̇ад̇рааяамад̇т̇авибхааванаа – б̣рахмаад̇и сздтаад̇хиважанам̣. яат̇аа хи б̣рахмуно жад̇ассо бхааванаа авиж̇ахид̇аа хонд̇и мзд̇д̇аа, гарун̣аа, муд̣̇ид̇аа, убзгкаад̇и, звам̣ маад̇аабид̇уунам̣ буд̇д̇зсу жад̇ассо бхааванаа авиж̇ахид̇аа хонд̇и. д̇аа д̇асмим̣ д̇асмим̣ гаалз взд̣̇ид̇аб̣б̣аа – гужчиг̇ад̇асмин̃хи д̣̇аарагз ‘‘гад̣̇аа на ко буд̇д̇агам̣ арог̇ам̣ барибун̣н̣ан̇г̇абажжан̇г̇ам̣ бассиссаамаа’’д̇и маад̇аабид̇уунам̣ мзд̇д̇ажид̇д̇ам̣ уббаж̇ж̇ад̇и. яад̣̇аа банзса манд̣̇о уд̇д̇аанасзяяаго уугаахи ваа ман̇гулзхи ваа д̣̇адто д̣̇угкасзяяааяа ваа бийл̣ид̇о барод̣̇ад̇и виравад̇и, д̇ад̣̇аасса сад̣̇д̣̇ам̣ суд̇ваа маад̇аабид̇уунам̣ гаарун̃н̃ам̣ уббаж̇ж̇ад̇и. аад̇хаавид̇ваа вид̇хаавид̇ваа гийл̣анагаалз бана лобханийяаваяасмим̣ ваа тид̇агаалз д̣̇аарагам̣ ологзд̇ваа маад̇аабид̇уунам̣ жид̇д̇ам̣ саббиман̣д̣з багкид̇д̇асад̇авихад̇агаббаасабижубадалам̣ вияа муд̣̇угам̣ аамод̣̇ид̇ам̣ бамод̣̇ид̇ам̣, д̇ад̣̇аа нзсам̣ муд̣̇ид̇аа лаб̣бхад̇и. яад̣̇аа бана д̇зсам̣ буд̇д̇о д̣̇аарабхаран̣ам̣ бажжубадтабзд̇ваа баадиязггам̣ аг̇аарам̣ аж̇жхаавасад̇и, д̇ад̣̇аа маад̇аабид̇уунам̣ ‘‘саггод̇и д̣̇аани но буд̇д̇аго ад̇д̇ано д̇хаммад̇ааяа ж̇ийвид̇у’’нд̇и маж̇жхад̇д̇абхааво уббаж̇ж̇ад̇и. звам̣ д̇асмим̣ гаалз убзгкаа лаб̣бхад̇и. звам̣ маад̇аабид̇уунам̣ буд̇д̇зсу яат̇аагаалам̣ жад̇уб̣б̣ид̇хассаби б̣рахмавихаарасса лаб̣бханад̇о б̣рахмасад̣̇исавуд̇д̇ид̇ааяа вуд̇д̇ам̣ ‘‘б̣рахмаад̇и, бхигкавз, маад̇аабид̇уунам̣ зд̇ам̣ ад̇хиважана’’нд̇и.
Tattha brahmātiādīni tesaṃ brahmādibhāvasādhanatthaṃ vuttāni. Tatrāyamatthavibhāvanā – brahmāti seṭṭhādhivacanaṃ. Yathā hi brahmuno catasso bhāvanā avijahitā honti mettā, karuṇā, muditā, upekkhāti, evaṃ mātāpitūnaṃ puttesu catasso bhāvanā avijahitā honti. Tā tasmiṃ tasmiṃ kāle veditabbā – kucchigatasmiñhi dārake ‘‘kadā na kho puttakaṃ arogaṃ paripuṇṇaṅgapaccaṅgaṃ passissāmā’’ti mātāpitūnaṃ mettacittaṃ uppajjati. Yadā panesa mando uttānaseyyako ūkāhi vā maṅkulehi vā daṭṭho dukkhaseyyāya vā pīḷito parodati viravati, tadāssa saddaṃ sutvā mātāpitūnaṃ kāruññaṃ uppajjati. Ādhāvitvā vidhāvitvā kīḷanakāle pana lobhanīyavayasmiṃ vā ṭhitakāle dārakaṃ oloketvā mātāpitūnaṃ cittaṃ sappimaṇḍe pakkhittasatavihatakappāsapicupaṭalaṃ viya mudukaṃ āmoditaṃ pamoditaṃ, tadā nesaṃ muditā labbhati. Yadā pana tesaṃ putto dārabharaṇaṃ paccupaṭṭhapetvā pāṭiyekkaṃ agāraṃ ajjhāvasati, tadā mātāpitūnaṃ ‘‘sakkoti dāni no puttako attano dhammatāya jīvitu’’nti majjhattabhāvo uppajjati. Evaṃ tasmiṃ kāle upekkhā labbhati. Evaṃ mātāpitūnaṃ puttesu yathākālaṃ catubbidhassapi brahmavihārassa labbhanato brahmasadisavuttitāya vuttaṃ ‘‘brahmāti, bhikkhave, mātāpitūnaṃ etaṃ adhivacana’’nti.
буб̣б̣ад̣̇звад̇аад̇и зд̇т̇а д̣̇зваа наама д̇ивид̇хаа – саммуд̇ид̣̇зваа, убабад̇д̇ид̣̇зваа, висуд̣̇д̇хид̣̇зваад̇и. д̇зсу саммуд̇ид̣̇зваа наама рааж̇аано кад̇д̇ияаа. д̇з хи ‘‘д̣̇зво, д̣̇звий’’д̇и логз вохарийяанд̇и, д̣̇зваа вияа логасса ниг̇г̇ахаануг̇г̇ахасамад̇т̇аа жа хонд̇и. убабад̇д̇ид̣̇зваа наама жаад̇умахаарааж̇игад̇о бадтааяа яаава бхаваг̇г̇аа уббаннаа сад̇д̇аа. висуд̣̇д̇хид̣̇зваа наама кийн̣аасаваа саб̣б̣агилзсависуд̣̇д̇хид̇о. д̇ад̇рааяам̣ важанад̇т̇о – д̣̇иб̣б̣анд̇и, гийл̣анд̇и, лал̣анд̇и, ж̇од̇анд̇и бадибагкам̣ ж̇аяанд̇и ваад̇и д̣̇зваа. д̇зсу саб̣б̣асздтаа висуд̣̇д̇хид̣̇зваа. яат̇аа д̇з б̣аалаж̇анзхи гад̇ам̣ абараад̇хам̣ аг̇ан̣зд̇ваа зганд̇знзва д̇зсам̣ анад̇т̇ахааним̣ ад̇т̇уббад̇д̇ин̃жа ааган̇канд̇аава яат̇аавуд̇д̇аб̣рахмавихаараяог̇зна ад̇т̇ааяа хид̇ааяа сукааяа бадибаж̇ж̇анд̇и, д̣̇агкин̣зяяад̇ааяа жа д̇зсам̣ гаараанам̣ махабпалад̇ам̣ махаанисам̣сад̇ан̃жа ааваханд̇и; звамзва маад̇аабид̇ароби буд̇д̇аанам̣ абараад̇хам̣ аг̇ан̣зд̇ваа зганд̇знзва д̇зсам̣ анад̇т̇ахааним̣ ад̇т̇уббад̇д̇ин̃жа ааган̇канд̇аа вуд̇д̇анаязнзва жад̇уб̣б̣ид̇хассаби б̣рахмавихаарасса лаб̣бханад̇о ад̇т̇ааяа хид̇ааяа сукааяа бадибаж̇ж̇анд̇аа барамад̣̇агкин̣зяяаа худ̇ваа ад̇д̇ани гад̇аанам̣ гаараанам̣ махабпалад̇ам̣ махаанисам̣сад̇ан̃жа ааваханд̇и. саб̣б̣ад̣̇звзхи жа батамам̣ д̇зсам̣ убагаараванд̇ад̇ааяа д̇з аад̣̇ид̇оязва д̣̇зваа. д̇зсан̃хи васзна д̇з батамам̣ ан̃н̃з д̣̇звз ‘‘д̣̇зваа’’д̇и ж̇аананд̇и аараад̇хзнд̇и баяирубаасанд̇и, аараад̇ханавид̇хим̣ н̃ад̇ваа д̇ат̇аа бадибаж̇ж̇анд̇аа д̇ассаа бадибад̇д̇ияаа палам̣ ад̇хиг̇ажчанд̇и, д̇асмаа д̇з бажчаад̣̇зваа наама. д̇зна вуд̇д̇ам̣ ‘‘буб̣б̣ад̣̇звад̇аад̇и, бхигкавз, маад̇аабид̇уунам̣ зд̇ам̣ ад̇хиважана’’нд̇и.
Pubbadevatāti ettha devā nāma tividhā – sammutidevā, upapattidevā, visuddhidevāti. Tesu sammutidevā nāma rājāno khattiyā. Te hi ‘‘devo, devī’’ti loke voharīyanti, devā viya lokassa niggahānuggahasamatthā ca honti. Upapattidevā nāma cātumahārājikato paṭṭhāya yāva bhavaggā uppannā sattā. Visuddhidevā nāma khīṇāsavā sabbakilesavisuddhito. Tatrāyaṃ vacanattho – dibbanti, kīḷanti, laḷanti, jotanti paṭipakkhaṃ jayanti vāti devā. Tesu sabbaseṭṭhā visuddhidevā. Yathā te bālajanehi kataṃ aparādhaṃ agaṇetvā ekanteneva tesaṃ anatthahāniṃ atthuppattiñca ākaṅkhantāva yathāvuttabrahmavihārayogena atthāya hitāya sukhāya paṭipajjanti, dakkhiṇeyyatāya ca tesaṃ kārānaṃ mahapphalataṃ mahānisaṃsatañca āvahanti; evameva mātāpitaropi puttānaṃ aparādhaṃ agaṇetvā ekanteneva tesaṃ anatthahāniṃ atthuppattiñca ākaṅkhantā vuttanayeneva catubbidhassapi brahmavihārassa labbhanato atthāya hitāya sukhāya paṭipajjantā paramadakkhiṇeyyā hutvā attani katānaṃ kārānaṃ mahapphalataṃ mahānisaṃsatañca āvahanti. Sabbadevehi ca paṭhamaṃ tesaṃ upakāravantatāya te āditoyeva devā. Tesañhi vasena te paṭhamaṃ aññe deve ‘‘devā’’ti jānanti ārādhenti payirupāsanti, ārādhanavidhiṃ ñatvā tathā paṭipajjantā tassā paṭipattiyā phalaṃ adhigacchanti, tasmā te pacchādevā nāma. Tena vuttaṃ ‘‘pubbadevatāti, bhikkhave, mātāpitūnaṃ etaṃ adhivacana’’nti.
буб̣б̣аажарияаад̇и батамааажарияаа. маад̇аабид̇аро хи буд̇д̇з сигкаабзнд̇аа ад̇ид̇арун̣агаалад̇о бадтааяа ‘‘звам̣ нисийд̣̇а, звам̣ г̇ажча, звам̣ д̇идта, звам̣ саяа, звам̣ каад̣̇а, звам̣ бхун̃ж̇а, аяам̣ д̇з ‘д̇аад̇аа’д̇и вад̇д̇аб̣б̣о, аяам̣ ‘бхаад̇игаа’д̇и, аяам̣ ‘бхаг̇иний’д̇и, ид̣̇ам̣ наама гаад̇ум̣ ваддад̇и, ид̣̇ам̣ на ваддад̇и, асугам̣ наама убасан̇гамид̇ум̣ ваддад̇и, асугам̣ наама на ваддад̇ий’’д̇и г̇аахзнд̇и сигкаабзнд̇и. абарабхааг̇з ан̃н̃з аажарияааби сиббам̣ муд̣̇д̣̇ам̣ г̇ан̣ананд̇и звамаад̣̇им̣ сигкаабзнд̇и, ан̃н̃з саран̣аани д̣̇знд̇и, сийлзсу бад̇идтаабзнд̇и, баб̣б̣ааж̇знд̇и , д̇хаммам̣ уг̇г̇ан̣хаабзнд̇и, убасамбаад̣̇знд̇и, сод̇аабад̇д̇имаг̇г̇аад̣̇ийни баабзнд̇и. ид̇и саб̣б̣зби д̇з бажчаааажарияаа наама. маад̇аабид̇аро бана саб̣б̣абатамам̣. д̇знааха ‘‘буб̣б̣аажарияаад̇и, бхигкавз, маад̇аабид̇уунам̣ зд̇ам̣ ад̇хиважана’’нд̇и.
Pubbācariyāti paṭhamaācariyā. Mātāpitaro hi putte sikkhāpentā atitaruṇakālato paṭṭhāya ‘‘evaṃ nisīda, evaṃ gaccha, evaṃ tiṭṭha, evaṃ saya, evaṃ khāda, evaṃ bhuñja, ayaṃ te ‘tātā’ti vattabbo, ayaṃ ‘bhātikā’ti, ayaṃ ‘bhaginī’ti, idaṃ nāma kātuṃ vaṭṭati, idaṃ na vaṭṭati, asukaṃ nāma upasaṅkamituṃ vaṭṭati, asukaṃ nāma na vaṭṭatī’’ti gāhenti sikkhāpenti. Aparabhāge aññe ācariyāpi sippaṃ muddaṃ gaṇananti evamādiṃ sikkhāpenti, aññe saraṇāni denti, sīlesu patiṭṭhāpenti, pabbājenti , dhammaṃ uggaṇhāpenti, upasampādenti, sotāpattimaggādīni pāpenti. Iti sabbepi te pacchāācariyā nāma. Mātāpitaro pana sabbapaṭhamaṃ. Tenāha ‘‘pubbācariyāti, bhikkhave, mātāpitūnaṃ etaṃ adhivacana’’nti.
аахунзяяаад̇и аанзд̇ваа хунид̇аб̣б̣анд̇и аахунам̣, д̣̇уурад̇оби аанзд̇ваа палависзсам̣ ааган̇канд̇зна г̇ун̣аванд̇зсу д̣̇аад̇аб̣б̣аанам̣ аннабаанавад̇т̇ажчаад̣̇анаад̣̇ийнам̣ зд̇ам̣ наамам̣, убагааракзд̇д̇ад̇ааяа д̇ам̣ аахунам̣ араханд̇ийд̇и аахунзяяаа. д̇зна вуд̇д̇ам̣ ‘‘аахунзяяаад̇и, бхигкавз, маад̇аабид̇уунам̣ зд̇ам̣ ад̇хиважана’’нд̇и.
Āhuneyyāti ānetvā hunitabbanti āhunaṃ, dūratopi ānetvā phalavisesaṃ ākaṅkhantena guṇavantesu dātabbānaṃ annapānavatthacchādanādīnaṃ etaṃ nāmaṃ, upakārakhettatāya taṃ āhunaṃ arahantīti āhuneyyā. Tena vuttaṃ ‘‘āhuneyyāti, bhikkhave, mātāpitūnaṃ etaṃ adhivacana’’nti.
ид̣̇аани д̇зсам̣ б̣рахмаад̣̇ибхаавз гааран̣ам̣ д̣̇ассзд̇ум̣ ‘‘д̇ам̣ гисса хзд̇у? б̣ахугаараа’’д̇иаад̣̇и вуд̇д̇ам̣. д̇ам̣ гисса хзд̇ууд̇и д̇ам̣ маад̇аабид̇уунам̣ б̣рахмаад̣̇иад̇хиважанам̣ гзна гааран̣знаад̇и жзд̇и ад̇т̇о. б̣ахугаараад̇и б̣ахуубагаараа. аабаад̣̇агаад̇и ж̇ийвид̇асса аабаад̣̇агаа, баалагаа. буд̇д̇аанан̃хи маад̇аабид̇уухи ж̇ийвид̇ам̣ аабаад̣̇ид̇ам̣ баалид̇ам̣ гхадид̇ам̣ ануббаб̣анд̇хзна бавад̇д̇ид̇ам̣ самбаад̣̇ид̇ам̣. босагаад̇и хад̇т̇абаад̣̇з вад̣дхзд̇ваа хад̣̇аяалохид̇ам̣ бааязд̇ваа босзд̇ааро. имасса логасса д̣̇ассзд̇аарод̇и буд̇д̇аанам̣ имасмим̣ логз идтаанидтаарамман̣ад̣̇ассанам̣ наама маад̇аабид̇аро ниссааяа ж̇аад̇анд̇и д̇з нзсам̣ имасса логасса д̣̇ассзд̇ааро наама. ид̇и д̇зсам̣ б̣ахугаарад̇д̇ам̣ б̣рахмаад̣̇ибхаавасса гааран̣ам̣ д̣̇ассид̇ам̣, язна буд̇д̇о маад̇аабид̇уунам̣ логиязна убагаарзна гзнажи барияааязна барияанд̇ам̣ бадигаарам̣ гаад̇ум̣ на самад̇т̇оязва. сажз хи буд̇д̇о ‘‘маад̇аабид̇уунам̣ убагаарасса бажжубагаарам̣ гариссаамий’’д̇и удтааяа самудтааяа вааяаманд̇о д̣̇агкин̣з ам̣сагуудз маад̇арам̣, ид̇арасмим̣ бид̇арам̣ табзд̇ваа вассасад̇ааяуго сагалам̣ вассасад̇амби барихарзяяа жад̇уухи бажжаязхи ужчаад̣̇анабаримад̣̇д̣̇ананхаабанасамб̣ааханаад̣̇ийхи жа яат̇ааружи убадтаханд̇о д̇зсам̣ муд̇д̇агарийсамби аж̇иг̇ужчанд̇о, на зд̇д̇аавад̇аа буд̇д̇зна маад̇аабид̇уунам̣ бадигааро гад̇о ход̇и ан̃н̃ад̇ра сад̣̇д̇хаад̣̇иг̇ун̣ависзсз бад̇идтаабанаа. вуд̇д̇ан̃хзд̇ам̣ бхаг̇авад̇аа –
Idāni tesaṃ brahmādibhāve kāraṇaṃ dassetuṃ ‘‘taṃ kissa hetu? Bahukārā’’tiādi vuttaṃ. Taṃ kissa hetūti taṃ mātāpitūnaṃ brahmādiadhivacanaṃ kena kāraṇenāti ceti attho. Bahukārāti bahūpakārā. Āpādakāti jīvitassa āpādakā, pālakā. Puttānañhi mātāpitūhi jīvitaṃ āpāditaṃ pālitaṃ ghaṭitaṃ anuppabandhena pavattitaṃ sampāditaṃ. Posakāti hatthapāde vaḍḍhetvā hadayalohitaṃ pāyetvā posetāro. Imassa lokassa dassetāroti puttānaṃ imasmiṃ loke iṭṭhāniṭṭhārammaṇadassanaṃ nāma mātāpitaro nissāya jātanti te nesaṃ imassa lokassa dassetāro nāma. Iti tesaṃ bahukārattaṃ brahmādibhāvassa kāraṇaṃ dassitaṃ, yena putto mātāpitūnaṃ lokiyena upakārena kenaci pariyāyena pariyantaṃ paṭikāraṃ kātuṃ na samatthoyeva. Sace hi putto ‘‘mātāpitūnaṃ upakārassa paccupakāraṃ karissāmī’’ti uṭṭhāya samuṭṭhāya vāyamanto dakkhiṇe aṃsakūṭe mātaraṃ, itarasmiṃ pitaraṃ ṭhapetvā vassasatāyuko sakalaṃ vassasatampi parihareyya catūhi paccayehi ucchādanaparimaddananhāpanasambāhanādīhi ca yathāruci upaṭṭhahanto tesaṃ muttakarīsampi ajigucchanto, na ettāvatā puttena mātāpitūnaṃ paṭikāro kato hoti aññatra saddhādiguṇavisese patiṭṭhāpanā. Vuttañhetaṃ bhagavatā –
‘‘д̣̇виннаахам̣, бхигкавз, на суббадигаарам̣ вад̣̇аами. гад̇амзсам̣ д̣̇виннам̣? маад̇у жа бид̇у жа. згзна, бхигкавз, ам̣сзна маад̇арам̣ барихарзяяа, згзна ам̣сзна бид̇арам̣ барихарзяяа вассасад̇ааяуго вассасад̇аж̇ийвий, со жа нзсам̣ ужчаад̣̇анабаримад̣̇д̣̇ананхаабанасамб̣ааханзна, д̇з жа д̇ад̇т̇зва муд̇д̇агарийсам̣ жаж̇зяяум̣, на д̇взва, бхигкавз, маад̇аабид̇уунам̣ гад̇ам̣ ваа ход̇и бадигад̇ам̣ ваа . имиссаа жа, бхигкавз, махаабат̇авияаа бахууд̇арад̇д̇арад̇анааяа маад̇аабид̇аро иссарияаад̇хибажжз раж̇ж̇з бад̇идтаабзяяа, на д̇взва, бхигкавз, маад̇аабид̇уунам̣ гад̇ам̣ ваа ход̇и бадигад̇ам̣ ваа. д̇ам̣ гисса хзд̇у? б̣ахугаараа, бхигкавз, маад̇аабид̇аро буд̇д̇аанам̣ аабаад̣̇агаа босагаа имасса логасса д̣̇ассзд̇ааро.
‘‘Dvinnāhaṃ, bhikkhave, na suppaṭikāraṃ vadāmi. Katamesaṃ dvinnaṃ? Mātu ca pitu ca. Ekena, bhikkhave, aṃsena mātaraṃ parihareyya, ekena aṃsena pitaraṃ parihareyya vassasatāyuko vassasatajīvī, so ca nesaṃ ucchādanaparimaddananhāpanasambāhanena, te ca tattheva muttakarīsaṃ cajeyyuṃ, na tveva, bhikkhave, mātāpitūnaṃ kataṃ vā hoti paṭikataṃ vā . Imissā ca, bhikkhave, mahāpathaviyā pahūtarattaratanāya mātāpitaro issariyādhipacce rajje patiṭṭhāpeyya, na tveva, bhikkhave, mātāpitūnaṃ kataṃ vā hoti paṭikataṃ vā. Taṃ kissa hetu? Bahukārā, bhikkhave, mātāpitaro puttānaṃ āpādakā posakā imassa lokassa dassetāro.
‘‘яо жа ко, бхигкавз, маад̇аабид̇аро ассад̣̇д̇хз сад̣̇д̇хаасамбад̣̇ааяа самаад̣̇абзд̇и нивзсзд̇и бад̇идтаабзд̇и. д̣̇уссийлз сийласамбад̣̇ааяа, мажчарино жааг̇асамбад̣̇ааяа, д̣̇уббан̃н̃з бан̃н̃аасамбад̣̇ааяа самаад̣̇абзд̇и нивзсзд̇и бад̇идтаабзд̇и. зд̇д̇аавад̇аа ко, бхигкавз, маад̇аабид̇уунам̣ гад̇ан̃жа ход̇и бадигад̇ан̃жаа’’д̇и (а. ни. 2.34).
‘‘Yo ca kho, bhikkhave, mātāpitaro assaddhe saddhāsampadāya samādapeti niveseti patiṭṭhāpeti. Dussīle sīlasampadāya, maccharino cāgasampadāya, duppaññe paññāsampadāya samādapeti niveseti patiṭṭhāpeti. Ettāvatā kho, bhikkhave, mātāpitūnaṃ katañca hoti paṭikatañcā’’ti (a. ni. 2.34).
д̇ат̇аа –
Tathā –
‘‘маад̇аабид̇уубадтаанам̣, буд̇д̇ад̣̇аарасса сан̇г̇ахо’’д̇и; (ку. баа. 5.6);
‘‘Mātāpituupaṭṭhānaṃ, puttadārassa saṅgaho’’ti; (Khu. pā. 5.6);
‘‘маад̇аабид̇уубадтаанам̣, бхигкавз, бан̣д̣ид̇абан̃н̃ад̇д̇а’’нд̇и жа –
‘‘Mātāpituupaṭṭhānaṃ, bhikkhave, paṇḍitapaññatta’’nti ca –
звамаад̣̇ийни маад̇аабид̇уунам̣ буд̇д̇асса б̣ахуубагаарабхаавасаад̇хагаани суд̇д̇аани д̣̇адтаб̣б̣аани.
Evamādīni mātāpitūnaṃ puttassa bahūpakārabhāvasādhakāni suttāni daṭṭhabbāni.
г̇аат̇аасу вужжарзд̇и вужжанд̇и гат̇ийяанд̇и. баж̇ааяа анугамбагаад̇и барзсам̣ баан̣ам̣ чинд̣̇ид̇вааби ад̇д̇ано санд̇агам̣ яам̣гин̃жи жаж̇ид̇вааби ад̇д̇ано баж̇ам̣ бадиж̇аг̇г̇анд̇и г̇обаяанд̇и, д̇асмаа баж̇ааяа ад̇д̇ано буд̇д̇аанам̣ анугамбагаа ануг̇г̇аахагаа.
Gāthāsu vuccareti vuccanti kathīyanti. Pajāya anukampakāti paresaṃ pāṇaṃ chinditvāpi attano santakaṃ yaṃkiñci cajitvāpi attano pajaṃ paṭijagganti gopayanti, tasmā pajāya attano puttānaṃ anukampakā anuggāhakā.
намассзяяаад̇и сааяам̣ баад̇ам̣ убадтаанам̣ г̇анд̇ваа ‘‘ид̣̇ам̣ маяхам̣ уд̇д̇амам̣ бун̃н̃агкзд̇д̇а’’нд̇и намаггаарам̣ гарзяяа. саггарзяяаад̇и саггаарзна бадимаанзяяа. ид̣̇аани д̇ам̣ саггаарам̣ д̣̇ассзнд̇о ‘‘аннзнаа’’д̇иаад̣̇имааха. д̇ад̇т̇а аннзнаад̇и яааг̇убхад̇д̇акаад̣̇анийязна. баанзнаад̇и адтавид̇хабаанзна. вад̇т̇знаад̇и ниваасанабаарубанзна. саяанзнаад̇и ман̃жабийтабхисиб̣имб̣оханаад̣̇инаа саяанзна. ужчаад̣̇анзнаад̇и д̣̇уг̇г̇анд̇хам̣ бадивинод̣̇зд̇ваа суг̇анд̇хагаран̣ужчаад̣̇анзна. нхаанзнаад̇и сийд̇агаалз ун̣ход̣̇агзна, ун̣хагаалз сийд̇од̣̇агзна г̇ад̇д̇аани барисин̃жид̇ваа нхаабанзна. баад̣̇аанам̣ д̇хованзна жаад̇и ун̣ход̣̇агасийд̇од̣̇агзхи баад̣̇ад̇хованзна жзва д̇зламагканзна жа.
Namasseyyāti sāyaṃ pātaṃ upaṭṭhānaṃ gantvā ‘‘idaṃ mayhaṃ uttamaṃ puññakkhetta’’nti namakkāraṃ kareyya. Sakkareyyāti sakkārena paṭimāneyya. Idāni taṃ sakkāraṃ dassento ‘‘annenā’’tiādimāha. Tattha annenāti yāgubhattakhādanīyena. Pānenāti aṭṭhavidhapānena. Vatthenāti nivāsanapārupanena. Sayanenāti mañcapīṭhabhisibimbohanādinā sayanena. Ucchādanenāti duggandhaṃ paṭivinodetvā sugandhakaraṇucchādanena. Nhānenāti sītakāle uṇhodakena, uṇhakāle sītodakena gattāni parisiñcitvā nhāpanena. Pādānaṃ dhovanena cāti uṇhodakasītodakehi pādadhovanena ceva telamakkhanena ca.
д̇ааяа нам̣ баарижарияааяаад̇и зд̇т̇а нанд̇и нибаад̇амад̇д̇ам̣, яат̇аавуд̇д̇абарижаран̣зна. ат̇а ваа баарижарияааяаад̇и бхаран̣агижжагаран̣агулавам̣сабад̇идтаабанаад̣̇инаа бан̃жавид̇хаубадтаанзна. вуд̇д̇ан̃хзд̇ам̣ –
Tāyanaṃ pāricariyāyāti ettha nanti nipātamattaṃ, yathāvuttaparicaraṇena. Atha vā pāricariyāyāti bharaṇakiccakaraṇakulavaṃsapatiṭṭhāpanādinā pañcavidhaupaṭṭhānena. Vuttañhetaṃ –
‘‘бан̃жахи ко, г̇ахабад̇ибуд̇д̇а, таанзхи буд̇д̇зна бурад̇т̇имаа д̣̇исаа маад̇аабид̇аро бажжубадтаад̇аб̣б̣аа ‘бхад̇о нз бхариссаами, гижжам̣ нзсам̣ гариссаами, гулавам̣сам̣ табзссаами, д̣̇ааяаж̇ж̇ам̣ бадибаж̇ж̇иссаами. ат̇а ваа бана нзсам̣ бзд̇аанам̣ гаалагад̇аанам̣ д̣̇агкин̣амануббад̣̇ассаамий’д̇и. имзхи ко, г̇ахабад̇ибуд̇д̇а, бан̃жахи таанзхи буд̇д̇зна бурад̇т̇имаа д̣̇исаа маад̇аабид̇аро бажжубадтид̇аа бан̃жахи таанзхи буд̇д̇ам̣ анугамбанд̇и – баабаа ниваарзнд̇и, галяаан̣з нивзсзнд̇и, сиббам̣ сигкаабзнд̇и, бад̇ируубзна д̣̇аарзна сам̣яож̇знд̇и, самаяз д̣̇ааяаж̇ж̇ам̣ нияяаад̣̇знд̇ий’’д̇и (д̣̇ий. ни. 3.267).
‘‘Pañcahi kho, gahapatiputta, ṭhānehi puttena puratthimā disā mātāpitaro paccupaṭṭhātabbā ‘bhato ne bharissāmi, kiccaṃ nesaṃ karissāmi, kulavaṃsaṃ ṭhapessāmi, dāyajjaṃ paṭipajjissāmi. Atha vā pana nesaṃ petānaṃ kālakatānaṃ dakkhiṇamanuppadassāmī’ti. Imehi kho, gahapatiputta, pañcahi ṭhānehi puttena puratthimā disā mātāpitaro paccupaṭṭhitā pañcahi ṭhānehi puttaṃ anukampanti – pāpā nivārenti, kalyāṇe nivesenti, sippaṃ sikkhāpenti, patirūpena dārena saṃyojenti, samaye dāyajjaṃ niyyādentī’’ti (dī. ni. 3.267).
абижа яо маад̇аабид̇аро д̇ийсу вад̇т̇уусу абхиббасаннз гад̇ваа сийлзсу ваа бад̇идтаабзд̇ваа баб̣б̣аж̇ж̇ааяа ваа нияож̇зд̇ваа убадтахад̇и, аяам̣ маад̇аабид̇уубадтаагаанам̣ аг̇г̇од̇и взд̣̇ид̇аб̣б̣о. саа банааяам̣ баарижарияаа буд̇д̇асса убхаяалогахид̇асукаавахаад̇и д̣̇ассзнд̇о ‘‘ид̇хзва нам̣ басам̣санд̇и, бзжжа саг̇г̇з бамод̣̇ад̇ий’’д̇и ааха. д̇ад̇т̇а ид̇хаад̇и имасмим̣ логз. маад̇аабид̇уубадтааган̃хи буг̇г̇алам̣ бан̣д̣ид̇амануссаа д̇ад̇т̇а баарижарияааяа басам̣санд̇и ван̣н̣знд̇и т̇омзнд̇и, д̇асса жа д̣̇идтаануг̇ад̇им̣ аабаж̇ж̇анд̇аа саяамби ад̇д̇ано маад̇аабид̇уусу д̇ат̇аа бадибаж̇ж̇ид̇ваа маханд̇ам̣ бун̃н̃ам̣ басаванд̇и. бзжжаад̇и баралогам̣ г̇анд̇ваа саг̇г̇з тид̇о маад̇аабид̇убадтааго д̣̇иб̣б̣асамбад̇д̇ийхи мод̣̇ад̇и бамод̣̇ад̇и абхинанд̣̇ад̇ийд̇и.
Apica yo mātāpitaro tīsu vatthūsu abhippasanne katvā sīlesu vā patiṭṭhāpetvā pabbajjāya vā niyojetvā upaṭṭhahati, ayaṃ mātāpituupaṭṭhākānaṃ aggoti veditabbo. Sā panāyaṃ pāricariyā puttassa ubhayalokahitasukhāvahāti dassento ‘‘idheva naṃ pasaṃsanti, pecca sagge pamodatī’’ti āha. Tattha idhāti imasmiṃ loke. Mātāpituupaṭṭhākañhi puggalaṃ paṇḍitamanussā tattha pāricariyāya pasaṃsanti vaṇṇenti thomenti, tassa ca diṭṭhānugatiṃ āpajjantā sayampi attano mātāpitūsu tathā paṭipajjitvā mahantaṃ puññaṃ pasavanti. Peccāti paralokaṃ gantvā sagge ṭhito mātāpitupaṭṭhāko dibbasampattīhi modati pamodati abhinandatīti.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 7. саб̣рахмагасуд̇д̇ам̣ • 7. Sabrahmakasuttaṃ
