| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
7. த⁴ம்மசக்ககதா²
7. Dhammacakkakathā
1. ஸச்சவாரோ
1. Saccavāro
39. ஏகங் ஸமயங் ப⁴க³வா பா³ராணஸியங் விஹரதி…பே॰… இதி ஹித³ங் ஆயஸ்மதோ கொண்ட³ஞ்ஞஸ்ஸ ‘‘அஞ்ஞாஸிகொண்ட³ஞ்ஞோ’’ த்வேவ நாமங் அஹோஸி.
39. Ekaṃ samayaṃ bhagavā bārāṇasiyaṃ viharati…pe… iti hidaṃ āyasmato koṇḍaññassa ‘‘aññāsikoṇḍañño’’ tveva nāmaṃ ahosi.
[க] ‘‘இத³ங் து³க்க²ங் அரியஸச்ச’’ந்தி புப்³பே³ அனநுஸ்ஸுதேஸு த⁴ம்மேஸு சக்கு²ங் உத³பாதி³, ஞாணங் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதி³.
[Ka] ‘‘idaṃ dukkhaṃ ariyasacca’’nti pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.
சக்கு²ங் உத³பாதீ³தி – கேனட்டே²ன? ஞாணங் உத³பாதீ³தி – கேனட்டே²ன? பஞ்ஞா உத³பாதீ³தி – கேனட்டே²ன? விஜ்ஜா உத³பாதீ³தி – கேனட்டே²ன? ஆலோகோ உத³பாதீ³தி – கேனட்டே²ன? சக்கு²ங் உத³பாதீ³தி – த³ஸ்ஸனட்டே²ன. ஞாணங் உத³பாதீ³தி – ஞாதட்டே²ன. பஞ்ஞா உத³பாதீ³தி – பஜானநட்டே²ன . விஜ்ஜா உத³பாதீ³தி – படிவேத⁴ட்டே²ன. ஆலோகோ உத³பாதீ³தி – ஓபா⁴ஸட்டே²ன.
Cakkhuṃ udapādīti – kenaṭṭhena? Ñāṇaṃ udapādīti – kenaṭṭhena? Paññā udapādīti – kenaṭṭhena? Vijjā udapādīti – kenaṭṭhena? Āloko udapādīti – kenaṭṭhena? Cakkhuṃ udapādīti – dassanaṭṭhena. Ñāṇaṃ udapādīti – ñātaṭṭhena. Paññā udapādīti – pajānanaṭṭhena . Vijjā udapādīti – paṭivedhaṭṭhena. Āloko udapādīti – obhāsaṭṭhena.
சக்கு²ங் த⁴ம்மோ, த³ஸ்ஸனட்டோ² அத்தோ². ஞாணங் த⁴ம்மோ, ஞாதட்டோ² அத்தோ². பஞ்ஞா த⁴ம்மோ, பஜானநட்டோ² அத்தோ². விஜ்ஜா த⁴ம்மோ, படிவேத⁴ட்டோ² அத்தோ². ஆலோகோ த⁴ம்மோ, ஓபா⁴ஸட்டோ² அத்தோ². இமே பஞ்ச த⁴ம்மா பஞ்ச அத்தா² து³க்க²வத்து²கா ஸச்சவத்து²கா ஸச்சாரம்மணா ஸச்சகோ³சரா ஸச்சஸங்க³ஹிதா ஸச்சபரியாபன்னா ஸச்சே ஸமுதா³க³தா ஸச்சே டி²தா ஸச்சே பதிட்டி²தா.
Cakkhuṃ dhammo, dassanaṭṭho attho. Ñāṇaṃ dhammo, ñātaṭṭho attho. Paññā dhammo, pajānanaṭṭho attho. Vijjā dhammo, paṭivedhaṭṭho attho. Āloko dhammo, obhāsaṭṭho attho. Ime pañca dhammā pañca atthā dukkhavatthukā saccavatthukā saccārammaṇā saccagocarā saccasaṅgahitā saccapariyāpannā sacce samudāgatā sacce ṭhitā sacce patiṭṭhitā.
40. த⁴ம்மசக்கந்தி கேனட்டே²ன த⁴ம்மசக்கங்? த⁴ம்மஞ்ச பவத்தேதி சக்கஞ்சாதி – த⁴ம்மசக்கங். சக்கஞ்ச பவத்தேதி த⁴ம்மஞ்சாதி – த⁴ம்மசக்கங். த⁴ம்மேன பவத்தேதீதி – த⁴ம்மசக்கங். த⁴ம்மசரியாய பவத்தேதீதி – த⁴ம்மசக்கங். த⁴ம்மே டி²தோ பவத்தேதீதி – த⁴ம்மசக்கங். த⁴ம்மே பதிட்டி²தோ பவத்தேதீதி – த⁴ம்மசக்கங். த⁴ம்மே பதிட்டா²பெந்தோ பவத்தேதீதி – த⁴ம்மசக்கங். த⁴ம்மே வஸிப்பத்தோ பவத்தேதீதி – த⁴ம்மசக்கங். த⁴ம்மே வஸிங் பாபெந்தோ பவத்தேதீதி – த⁴ம்மசக்கங் . த⁴ம்மே பாரமிப்பத்தோ பவத்தேதீதி – த⁴ம்மசக்கங். த⁴ம்மே பாரமிங் பாபெந்தோ பவத்தேதீதி – த⁴ம்மசக்கங். த⁴ம்மே வேஸாரஜ்ஜப்பத்தோ பவத்தேதீதி – த⁴ம்மசக்கங். த⁴ம்மே வேஸாரஜ்ஜங் பாபெந்தோ பவத்தேதீதி – த⁴ம்மசக்கங். த⁴ம்மங் ஸக்கரொந்தோ பவத்தேதீதி – த⁴ம்மசக்கங். த⁴ம்மங் க³ருங் கரொந்தோ 1 பவத்தேதீதி – த⁴ம்மசக்கங். த⁴ம்மங் மானெந்தோ பவத்தேதீதி – த⁴ம்மசக்கங். த⁴ம்மங் பூஜெந்தோ பவத்தேதீதி – த⁴ம்மசக்கங் . த⁴ம்மங் அபசாயமானோ பவத்தேதீதி – த⁴ம்மசக்கங். த⁴ம்மத்³த⁴ஜோ பவத்தேதீதி – த⁴ம்மசக்கங். த⁴ம்மகேது பவத்தேதீதி – த⁴ம்மசக்கங். த⁴ம்மாதி⁴பதெய்யோ பவத்தேதீதி – த⁴ம்மசக்கங். தங் கோ² பன த⁴ம்மசக்கங் அப்படிவத்தியங் ஸமணேன வா ப்³ராஹ்மணேன வா தே³வேன வா மாரேன வா ப்³ரஹ்முனா வா கேனசி வா லோகஸ்மிந்தி – த⁴ம்மசக்கங்.
40.Dhammacakkanti kenaṭṭhena dhammacakkaṃ? Dhammañca pavatteti cakkañcāti – dhammacakkaṃ. Cakkañca pavatteti dhammañcāti – dhammacakkaṃ. Dhammena pavattetīti – dhammacakkaṃ. Dhammacariyāya pavattetīti – dhammacakkaṃ. Dhamme ṭhito pavattetīti – dhammacakkaṃ. Dhamme patiṭṭhito pavattetīti – dhammacakkaṃ. Dhamme patiṭṭhāpento pavattetīti – dhammacakkaṃ. Dhamme vasippatto pavattetīti – dhammacakkaṃ. Dhamme vasiṃ pāpento pavattetīti – dhammacakkaṃ . Dhamme pāramippatto pavattetīti – dhammacakkaṃ. Dhamme pāramiṃ pāpento pavattetīti – dhammacakkaṃ. Dhamme vesārajjappatto pavattetīti – dhammacakkaṃ. Dhamme vesārajjaṃ pāpento pavattetīti – dhammacakkaṃ. Dhammaṃ sakkaronto pavattetīti – dhammacakkaṃ. Dhammaṃ garuṃ karonto 2 pavattetīti – dhammacakkaṃ. Dhammaṃ mānento pavattetīti – dhammacakkaṃ. Dhammaṃ pūjento pavattetīti – dhammacakkaṃ . Dhammaṃ apacāyamāno pavattetīti – dhammacakkaṃ. Dhammaddhajo pavattetīti – dhammacakkaṃ. Dhammaketu pavattetīti – dhammacakkaṃ. Dhammādhipateyyo pavattetīti – dhammacakkaṃ. Taṃ kho pana dhammacakkaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasminti – dhammacakkaṃ.
ஸத்³தி⁴ந்த்³ரியங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். வீரியிந்த்³ரியங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸதிந்த்³ரியங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸமாதி⁴ந்த்³ரியங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். பஞ்ஞிந்த்³ரியங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸத்³தா⁴ப³லங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். வீரியப³லங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸதிப³லங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸமாதி⁴ப³லங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். பஞ்ஞாப³லங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸதிஸம்பொ³ஜ்ஜ²ங்கோ³ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். த⁴ம்மவிசயஸம்பொ³ஜ்ஜ²ங்கோ³ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். வீரியஸம்பொ³ஜ்ஜ²ங்கோ³ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். பீதிஸம்பொ³ஜ்ஜ²ங்கோ³ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். பஸ்ஸத்³தி⁴ஸம்பொ³ஜ்ஜ²ங்கோ³ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸமாதி⁴ஸம்பொ³ஜ்ஜ²ங்கோ³ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். உபெக்கா²ஸம்பொ³ஜ்ஜ²ங்கோ³ த⁴ம்மோ. தங் த⁴ம்மங் பவத்தேதீதி – த⁴ம்மசக்கங் . ஸம்மாதி³ட்டி² த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸம்மாஸங்கப்போ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸம்மாவாசா த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸம்மாகம்மந்தோ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸம்மாஆஜீவோ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸம்மாவாயாமோ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸம்மாஸதி த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸம்மாஸமாதி⁴ த⁴ம்மோ. தங் த⁴ம்மங் பவத்தேதீதி – த⁴ம்மசக்கங்.
Saddhindriyaṃ dhammo. Taṃ dhammaṃ pavattetīti – dhammacakkaṃ. Vīriyindriyaṃ dhammo. Taṃ dhammaṃ pavattetīti – dhammacakkaṃ. Satindriyaṃ dhammo. Taṃ dhammaṃ pavattetīti – dhammacakkaṃ. Samādhindriyaṃ dhammo. Taṃ dhammaṃ pavattetīti – dhammacakkaṃ. Paññindriyaṃ dhammo. Taṃ dhammaṃ pavattetīti – dhammacakkaṃ. Saddhābalaṃ dhammo. Taṃ dhammaṃ pavattetīti – dhammacakkaṃ. Vīriyabalaṃ dhammo. Taṃ dhammaṃ pavattetīti – dhammacakkaṃ. Satibalaṃ dhammo. Taṃ dhammaṃ pavattetīti – dhammacakkaṃ. Samādhibalaṃ dhammo. Taṃ dhammaṃ pavattetīti – dhammacakkaṃ. Paññābalaṃ dhammo. Taṃ dhammaṃ pavattetīti – dhammacakkaṃ. Satisambojjhaṅgo dhammo. Taṃ dhammaṃ pavattetīti – dhammacakkaṃ. Dhammavicayasambojjhaṅgo dhammo. Taṃ dhammaṃ pavattetīti – dhammacakkaṃ. Vīriyasambojjhaṅgo dhammo. Taṃ dhammaṃ pavattetīti – dhammacakkaṃ. Pītisambojjhaṅgo dhammo. Taṃ dhammaṃ pavattetīti – dhammacakkaṃ. Passaddhisambojjhaṅgo dhammo. Taṃ dhammaṃ pavattetīti – dhammacakkaṃ. Samādhisambojjhaṅgo dhammo. Taṃ dhammaṃ pavattetīti – dhammacakkaṃ. Upekkhāsambojjhaṅgo dhammo. Taṃ dhammaṃ pavattetīti – dhammacakkaṃ . Sammādiṭṭhi dhammo. Taṃ dhammaṃ pavattetīti – dhammacakkaṃ. Sammāsaṅkappo dhammo. Taṃ dhammaṃ pavattetīti – dhammacakkaṃ. Sammāvācā dhammo. Taṃ dhammaṃ pavattetīti – dhammacakkaṃ. Sammākammanto dhammo. Taṃ dhammaṃ pavattetīti – dhammacakkaṃ. Sammāājīvo dhammo. Taṃ dhammaṃ pavattetīti – dhammacakkaṃ. Sammāvāyāmo dhammo. Taṃ dhammaṃ pavattetīti – dhammacakkaṃ. Sammāsati dhammo. Taṃ dhammaṃ pavattetīti – dhammacakkaṃ. Sammāsamādhi dhammo. Taṃ dhammaṃ pavattetīti – dhammacakkaṃ.
ஆதி⁴பதெய்யட்டே²ன இந்த்³ரியங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். அகம்பியட்டே²ன ப³லங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். நிய்யானிகட்டே²ன பொ³ஜ்ஜ²ங்கோ³ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஹேதுட்டே²ன மக்³கோ³ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். உபட்டா²னட்டே²ன ஸதிபட்டா²னா த⁴ம்மோ. தங் த⁴ம்மங் பவத்தேதீதி – த⁴ம்மசக்கங். பத³ஹனட்டே²ன ஸம்மப்பதா⁴னா த⁴ம்மோ. தங் த⁴ம்மங் பவத்தேதீதி – த⁴ம்மசக்கங். இஜ்ஜ²னட்டே²ன இத்³தி⁴பாதா³ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். தத²ட்டே²ன ஸச்சா த⁴ம்மோ. தங் த⁴ம்மங் பவத்தேதீதி – த⁴ம்மசக்கங். அவிக்கே²பட்டே²ன ஸமதோ² த⁴ம்மோ. தங் த⁴ம்மங் பவத்தேதீதி – த⁴ம்மசக்கங். அனுபஸ்ஸனட்டே²ன விபஸ்ஸனா த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஏகரஸட்டே²ன ஸமத²விபஸ்ஸனா த⁴ம்மோ. தங் த⁴ம்மங் பவத்தேதீதி – த⁴ம்மசக்கங். அனதிவத்தனட்டே²ன யுக³னத்³த⁴ங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸங்வரட்டே²ன ஸீலவிஸுத்³தி⁴ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். அவிக்கே²பட்டே²ன சித்தவிஸுத்³தி⁴ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். த³ஸ்ஸனட்டே²ன தி³ட்டி²விஸுத்³தி⁴ த⁴ம்மோ. தங் த⁴ம்மங் பவத்தேதீதி – த⁴ம்மசக்கங். முத்தட்டே²ன விமொக்கோ² த⁴ம்மோ. தங் த⁴ம்மங் பவத்தேதீதி – த⁴ம்மசக்கங். படிவேத⁴ட்டே²ன விஜ்ஜா த⁴ம்மோ. தங் த⁴ம்மங் பவத்தேதீதி – த⁴ம்மசக்கங். பரிச்சாக³ட்டே²ன விமுத்தி த⁴ம்மோ . தங் த⁴ம்மங் பவத்தேதீதி – த⁴ம்மசக்கங். ஸமுச்சே²த³ட்டே²ன க²யே ஞாணங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். படிப்பஸ்ஸத்³த⁴ட்டே²ன அனுப்பாதே³ ஞாணங் த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ச²ந்தோ³ மூலட்டே²ன த⁴ம்மோ. தங் த⁴ம்மோ பவத்தேதீதி – த⁴ம்மசக்கங். மனஸிகாரோ ஸமுட்டா²னட்டே²ன த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ப²ஸ்ஸோ ஸமோதா⁴னட்டே²ன த⁴ம்மோ. தங் த⁴ம்மங் பவத்தேதீதி – த⁴ம்மசக்கங். வேத³னா ஸமோஸரணட்டே²ன த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸமாதி⁴ பமுக²ட்டே²ன த⁴ம்மோ. தங் த⁴ம்மங் பவத்தேதீதி – த⁴ம்மசக்கங். ஸதி ஆதி⁴பதெய்யட்டே²ன த⁴ம்மோ. தங் த⁴ம்மங் பவத்தேதீதி – த⁴ம்மசக்கங். பஞ்ஞா ததுத்தரட்டே²ன த⁴ம்மோ. தங் த⁴ம்மங் பவத்தேதீதி – த⁴ம்மசக்கங். விமுத்தி ஸாரட்டே²ன த⁴ம்மோ. தங் த⁴ம்மங் பவத்தேதீதி – த⁴ம்மசக்கங். அமதோக³த⁴ங் நிப்³பா³னங் பரியோஸானட்டே²ன த⁴ம்மோ. தங் த⁴ம்மங் பவத்தேதீதி – த⁴ம்மசக்கங்.
Ādhipateyyaṭṭhena indriyaṃ dhammo. Taṃ dhammaṃ pavattetīti – dhammacakkaṃ. Akampiyaṭṭhena balaṃ dhammo. Taṃ dhammaṃ pavattetīti – dhammacakkaṃ. Niyyānikaṭṭhena bojjhaṅgo dhammo. Taṃ dhammaṃ pavattetīti – dhammacakkaṃ. Hetuṭṭhena maggo dhammo. Taṃ dhammaṃ pavattetīti – dhammacakkaṃ. Upaṭṭhānaṭṭhena satipaṭṭhānā dhammo. Taṃ dhammaṃ pavattetīti – dhammacakkaṃ. Padahanaṭṭhena sammappadhānā dhammo. Taṃ dhammaṃ pavattetīti – dhammacakkaṃ. Ijjhanaṭṭhena iddhipādā dhammo. Taṃ dhammaṃ pavattetīti – dhammacakkaṃ. Tathaṭṭhena saccā dhammo. Taṃ dhammaṃ pavattetīti – dhammacakkaṃ. Avikkhepaṭṭhena samatho dhammo. Taṃ dhammaṃ pavattetīti – dhammacakkaṃ. Anupassanaṭṭhena vipassanā dhammo. Taṃ dhammaṃ pavattetīti – dhammacakkaṃ. Ekarasaṭṭhena samathavipassanā dhammo. Taṃ dhammaṃ pavattetīti – dhammacakkaṃ. Anativattanaṭṭhena yuganaddhaṃ dhammo. Taṃ dhammaṃ pavattetīti – dhammacakkaṃ. Saṃvaraṭṭhena sīlavisuddhi dhammo. Taṃ dhammaṃ pavattetīti – dhammacakkaṃ. Avikkhepaṭṭhena cittavisuddhi dhammo. Taṃ dhammaṃ pavattetīti – dhammacakkaṃ. Dassanaṭṭhena diṭṭhivisuddhi dhammo. Taṃ dhammaṃ pavattetīti – dhammacakkaṃ. Muttaṭṭhena vimokkho dhammo. Taṃ dhammaṃ pavattetīti – dhammacakkaṃ. Paṭivedhaṭṭhena vijjā dhammo. Taṃ dhammaṃ pavattetīti – dhammacakkaṃ. Pariccāgaṭṭhena vimutti dhammo . Taṃ dhammaṃ pavattetīti – dhammacakkaṃ. Samucchedaṭṭhena khaye ñāṇaṃ dhammo. Taṃ dhammaṃ pavattetīti – dhammacakkaṃ. Paṭippassaddhaṭṭhena anuppāde ñāṇaṃ dhammo. Taṃ dhammaṃ pavattetīti – dhammacakkaṃ. Chando mūlaṭṭhena dhammo. Taṃ dhammo pavattetīti – dhammacakkaṃ. Manasikāro samuṭṭhānaṭṭhena dhammo. Taṃ dhammaṃ pavattetīti – dhammacakkaṃ. Phasso samodhānaṭṭhena dhammo. Taṃ dhammaṃ pavattetīti – dhammacakkaṃ. Vedanā samosaraṇaṭṭhena dhammo. Taṃ dhammaṃ pavattetīti – dhammacakkaṃ. Samādhi pamukhaṭṭhena dhammo. Taṃ dhammaṃ pavattetīti – dhammacakkaṃ. Sati ādhipateyyaṭṭhena dhammo. Taṃ dhammaṃ pavattetīti – dhammacakkaṃ. Paññā tatuttaraṭṭhena dhammo. Taṃ dhammaṃ pavattetīti – dhammacakkaṃ. Vimutti sāraṭṭhena dhammo. Taṃ dhammaṃ pavattetīti – dhammacakkaṃ. Amatogadhaṃ nibbānaṃ pariyosānaṭṭhena dhammo. Taṃ dhammaṃ pavattetīti – dhammacakkaṃ.
‘‘தங் கோ² பனித³ங் து³க்க²ங் அரியஸச்சங் பரிஞ்ஞெய்ய’’ந்தி…பே॰… பரிஞ்ஞாதந்தி புப்³பே³ அனநுஸ்ஸுதேஸு த⁴ம்மேஸு சக்கு²ங் உத³பாதி³…பே॰… ஆலோகோ உத³பாதி³.
‘‘Taṃ kho panidaṃ dukkhaṃ ariyasaccaṃ pariññeyya’’nti…pe… pariññātanti pubbe ananussutesu dhammesu cakkhuṃ udapādi…pe… āloko udapādi.
சக்கு²ங் உத³பாதீ³தி – கேனட்டே²ன…பே॰… ஆலோகோ உத³பாதீ³தி – கேனட்டே²ன? சக்கு²ங் உத³பாதீ³தி – த³ஸ்ஸனட்டே²ன…பே॰… ஆலோகோ உத³பாதீ³தி – ஓபா⁴ஸட்டே²ன. சக்கு²ங் த⁴ம்மோ, த³ஸ்ஸனட்டோ² அத்தோ²…பே॰… ஆலோகோ த⁴ம்மோ, ஓபா⁴ஸட்டோ² அத்தோ². இமே பஞ்ச த⁴ம்மா பஞ்ச அத்தா² து³க்க²வத்து²கா ஸச்சவத்து²கா ஸச்சாரம்மணா ஸச்சகோ³சரா ஸச்சஸங்க³ஹிதா ஸச்சபரியாபன்னா ஸச்சே ஸமுதா³க³தா ஸச்சே டி²தா ஸச்சே பதிட்டி²தா.
Cakkhuṃ udapādīti – kenaṭṭhena…pe… āloko udapādīti – kenaṭṭhena? Cakkhuṃ udapādīti – dassanaṭṭhena…pe… āloko udapādīti – obhāsaṭṭhena. Cakkhuṃ dhammo, dassanaṭṭho attho…pe… āloko dhammo, obhāsaṭṭho attho. Ime pañca dhammā pañca atthā dukkhavatthukā saccavatthukā saccārammaṇā saccagocarā saccasaṅgahitā saccapariyāpannā sacce samudāgatā sacce ṭhitā sacce patiṭṭhitā.
த⁴ம்மசக்கந்தி கேனட்டே²ன த⁴ம்மசக்கங்? த⁴ம்மஞ்ச பவத்தேதி சக்கஞ்சாதி – த⁴ம்மசக்கங். சக்கஞ்ச பவத்தேதி த⁴ம்மஞ்சாதி – த⁴ம்மசக்கங். த⁴ம்மேன பவத்தேதீதி – த⁴ம்மசக்கங். த⁴ம்மபரியாய பவத்தேதீதி – த⁴ம்மசக்கங். த⁴ம்மே டி²தோ பவத்தேதீதி – த⁴ம்மசக்கங். த⁴ம்மே பதிட்டி²தோ பவத்தேதீதி – த⁴ம்மசக்கங்…பே॰… அமதோக³த⁴ங் நிப்³பா³னங் பரியோஸானட்டே²ன த⁴ம்மோ தங் த⁴ம்மங் பவத்தேதீதி – த⁴ம்மசக்கங்.
Dhammacakkanti kenaṭṭhena dhammacakkaṃ? Dhammañca pavatteti cakkañcāti – dhammacakkaṃ. Cakkañca pavatteti dhammañcāti – dhammacakkaṃ. Dhammena pavattetīti – dhammacakkaṃ. Dhammapariyāya pavattetīti – dhammacakkaṃ. Dhamme ṭhito pavattetīti – dhammacakkaṃ. Dhamme patiṭṭhito pavattetīti – dhammacakkaṃ…pe… amatogadhaṃ nibbānaṃ pariyosānaṭṭhena dhammo taṃ dhammaṃ pavattetīti – dhammacakkaṃ.
[க²-க⁴] ‘‘இத³ங் து³க்க²ஸமுத³யங் அரியஸச்ச’’ந்தி புப்³பே³ அனநுஸ்ஸுதேஸு த⁴ம்மேஸு சக்கு²ங் உத³பாதி³…பே॰… ஆலோகோ உத³பாதி³…பே॰… ‘‘தங் கோ² பனித³ங் து³க்க²ஸமுத³யங் அரியஸச்சங் பஹாதப்³ப³’’ந்தி…பே॰… ‘‘பஹீன’’ந்தி புப்³பே³ அனநுஸ்ஸுதேஸு த⁴ம்மேஸு சக்கு²ங் உத³பாதி³…பே॰… ஆலோகோ உத³பாதி³.
[Kha-gha] ‘‘idaṃ dukkhasamudayaṃ ariyasacca’’nti pubbe ananussutesu dhammesu cakkhuṃ udapādi…pe… āloko udapādi…pe… ‘‘taṃ kho panidaṃ dukkhasamudayaṃ ariyasaccaṃ pahātabba’’nti…pe… ‘‘pahīna’’nti pubbe ananussutesu dhammesu cakkhuṃ udapādi…pe… āloko udapādi.
சக்கு²ங் உத³பாதீ³தி – கேனட்டே²ன…பே॰… ஆலோகோ உத³பாதீ³தி – கேனட்டே²ன? சக்கு²ங் உத³பாதீ³தி – த³ஸ்ஸனட்டே²ன…பே॰… ஆலோகோ உத³பாதீ³தி – ஓபா⁴ஸட்டே²ன.
Cakkhuṃ udapādīti – kenaṭṭhena…pe… āloko udapādīti – kenaṭṭhena? Cakkhuṃ udapādīti – dassanaṭṭhena…pe… āloko udapādīti – obhāsaṭṭhena.
சக்கு²ங் த⁴ம்மோ, த³ஸ்ஸனட்டோ² அத்தோ²…பே॰… ஆலோகோ த⁴ம்மோ, ஓபா⁴ஸட்டோ² அத்தோ². இமே பஞ்ச த⁴ம்மா பஞ்ச அத்தா² ஸமுத³யவத்து²கா ஸச்சவத்து²கா…பே॰… நிரோத⁴வத்து²கா ஸச்சவத்து²கா…பே॰… மக்³க³வத்து²கா ஸச்சவத்து²கா ஸச்சாரம்மணா ஸச்சகோ³சரா ஸச்சஸங்க³ஹிதா ஸச்சபரியாபன்னா ஸச்சே ஸமுதா³க³தா ஸச்சே டி²தா ஸச்சே பதிட்டி²தா.
Cakkhuṃ dhammo, dassanaṭṭho attho…pe… āloko dhammo, obhāsaṭṭho attho. Ime pañca dhammā pañca atthā samudayavatthukā saccavatthukā…pe… nirodhavatthukā saccavatthukā…pe… maggavatthukā saccavatthukā saccārammaṇā saccagocarā saccasaṅgahitā saccapariyāpannā sacce samudāgatā sacce ṭhitā sacce patiṭṭhitā.
த⁴ம்மசக்கந்தி கேனட்டே²ன த⁴ம்மசக்கங்? த⁴ம்மஞ்ச பவத்தேதி சக்கஞ்சாதி – த⁴ம்மசக்கங். சக்கஞ்ச பவத்தேதி த⁴ம்மஞ்சாதி – த⁴ம்மசக்கங். த⁴ம்மேன பவத்தேதீதி – த⁴ம்மசக்கங். த⁴ம்மசரியாய பவத்தேதீதி – த⁴ம்மசக்கங். த⁴ம்மே டி²தோ பவத்தேதீதி – த⁴ம்மசக்கங். த⁴ம்மே பதிட்டி²தோ பவத்தேதீதி – த⁴ம்மசக்கங்…பே॰… அமதோக³த⁴ங் நிப்³பா³னங் பரியோஸானட்டே²ன த⁴ம்மோ. தங் த⁴ம்மங் பவத்தேதீதி – த⁴ம்மசக்கங்.
Dhammacakkanti kenaṭṭhena dhammacakkaṃ? Dhammañca pavatteti cakkañcāti – dhammacakkaṃ. Cakkañca pavatteti dhammañcāti – dhammacakkaṃ. Dhammena pavattetīti – dhammacakkaṃ. Dhammacariyāya pavattetīti – dhammacakkaṃ. Dhamme ṭhito pavattetīti – dhammacakkaṃ. Dhamme patiṭṭhito pavattetīti – dhammacakkaṃ…pe… amatogadhaṃ nibbānaṃ pariyosānaṭṭhena dhammo. Taṃ dhammaṃ pavattetīti – dhammacakkaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 1. ஸச்சவாரவண்ணனா • 1. Saccavāravaṇṇanā
