| Library / Tipiṭaka / તિપિટક • Tipiṭaka / પટિસમ્ભિદામગ્ગપાળિ • Paṭisambhidāmaggapāḷi |
૭. સચ્ચવારો
7. Saccavāro
૩૬. ‘‘‘યાવતા દુક્ખસ્સ દુક્ખટ્ઠો, ઞાતો દિટ્ઠો વિદિતો સચ્છિકતો ફસ્સિતો પઞ્ઞાય. અફસ્સિતો પઞ્ઞાય દુક્ખટ્ઠો નત્થી’તિ – ચક્ખું ઉદપાદિ, ઞાણં ઉદપાદિ, પઞ્ઞા ઉદપાદિ, વિજ્જા ઉદપાદિ, આલોકો ઉદપાદિ’’. દુક્ખસ્સ દુક્ખટ્ઠે પઞ્ચવીસતિ ધમ્મા, પઞ્ચવીસતિ અત્થા, પઞ્ઞાસ નિરુત્તિયો, સતં ઞાણાનિ.
36. ‘‘‘Yāvatā dukkhassa dukkhaṭṭho, ñāto diṭṭho vidito sacchikato phassito paññāya. Aphassito paññāya dukkhaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Dukkhassa dukkhaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
‘‘‘યાવતા સમુદયસ્સ સમુદયટ્ઠો…પે॰… યાવતા નિરોધસ્સ નિરોધટ્ઠો…પે॰… યાવતા મગ્ગસ્સ મગ્ગટ્ઠો ઞાતો દિટ્ઠો વિદિતો સચ્છિકતો ફસ્સિતો પઞ્ઞાય. અફસ્સિતો પઞ્ઞાય મગ્ગટ્ઠો નત્થી’તિ – ચક્ખું ઉદપાદિ…પે॰… આલોકો ઉદપાદિ’’. મગ્ગસ્સ મગ્ગટ્ઠે પઞ્ચવીસતિ ધમ્મા, પઞ્ચવીસતિ અત્થા, પઞ્ઞાસ નિરુત્તિયો, સતં ઞાણાનિ.
‘‘‘Yāvatā samudayassa samudayaṭṭho…pe… yāvatā nirodhassa nirodhaṭṭho…pe… yāvatā maggassa maggaṭṭho ñāto diṭṭho vidito sacchikato phassito paññāya. Aphassito paññāya maggaṭṭho natthī’ti – cakkhuṃ udapādi…pe… āloko udapādi’’. Maggassa maggaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ચતૂસુ અરિયસચ્ચેસુ સતં ધમ્મા, સતં અત્થા, દ્વે નિરુત્તિસતાનિ, ચત્તારિ ઞાણસતાનિ.
Catūsu ariyasaccesu sataṃ dhammā, sataṃ atthā, dve niruttisatāni, cattāri ñāṇasatāni.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / પટિસમ્ભિદામગ્ગ-અટ્ઠકથા • Paṭisambhidāmagga-aṭṭhakathā / ૪-૮. સત્તબોધિસત્તવારાદિવણ્ણના • 4-8. Sattabodhisattavārādivaṇṇanā
