| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
11. сажжавибхан̇г̇асуд̇д̇аван̣н̣анаа
11. Saccavibhaṅgasuttavaṇṇanā
371. звам̣ мз суд̇анд̇и сажжавибхан̇г̇асуд̇д̇ам̣. д̇ад̇т̇а аажигканаад̇и ид̣̇ам̣ д̣̇угкам̣ арияасажжам̣ наама…бз… аяам̣ д̣̇угканирод̇хаг̇ааминий бадибад̣̇аа арияасажжам̣ наамаад̇и. сзсабад̣̇зсуби зсзва наяо. абижзд̇т̇а бан̃н̃аабанаа наама д̣̇угкасажжаад̣̇ийнам̣ табанаа. аасанам̣ табзнд̇о хи аасанам̣ бан̃н̃абзд̇ийд̇и вужжад̇и. бадтабанаад̇и бан̃н̃аабанаа. виваран̣аад̇и вивадагаран̣аа. вибхаж̇анаад̇и вибхааг̇агирияаа. уд̇д̇аанийгамманд̇и баагадабхаавагаран̣ам̣.
371.Evaṃme sutanti saccavibhaṅgasuttaṃ. Tattha ācikkhanāti idaṃ dukkhaṃ ariyasaccaṃ nāma…pe… ayaṃ dukkhanirodhagāminī paṭipadā ariyasaccaṃ nāmāti. Sesapadesupi eseva nayo. Apicettha paññāpanā nāma dukkhasaccādīnaṃ ṭhapanā. Āsanaṃ ṭhapento hi āsanaṃ paññapetīti vuccati. Paṭṭhapanāti paññāpanā. Vivaraṇāti vivaṭakaraṇā. Vibhajanāti vibhāgakiriyā. Uttānīkammanti pākaṭabhāvakaraṇaṃ.
ануг̇г̇аахагаад̇и аамисасан̇г̇ахзна д̇хаммасан̇г̇ахзнаад̇и д̣̇вийхиби сан̇г̇ахзхи ануг̇г̇аахагаа. ж̇анзд̇аад̇и ж̇анигаа маад̇аа. аабаад̣̇зд̇аад̇и босзд̇аа. босигамаад̇аа вияа мог̇г̇аллаанод̇и д̣̇ийбзд̇и. ж̇анигамаад̇аа хи нава ваа д̣̇аса ваа маасз лон̣амб̣илаад̣̇ийни барихарамаанаа гужчияаа д̣̇аарагам̣ д̇хаарзд̇ваа гужчид̇о нигканд̇ам̣ босигамаад̇арам̣ д̇хаад̇им̣ бадижчаабзд̇и. саа кийранаванийд̇аад̣̇ийхи д̣̇аарагам̣ босзд̇ваа вад̣дхзд̇и, со вуд̣̇д̇химааг̇амма яат̇аасукам̣ вижарад̇и. звамзва саарибуд̇д̇о ад̇д̇ано ваа барзсам̣ ваа санд̇игз баб̣б̣аж̇ид̇з д̣̇вийхи сан̇г̇ахзхи сан̇г̇ан̣ханд̇о г̇илаанз бадиж̇аг̇г̇анд̇о гаммадтаанз яож̇зд̇ваа сод̇аабаннабхаавам̣ н̃ад̇ваа абааяабхаязхи вудтид̇агаалад̇о бадтааяа – ‘‘ид̣̇аани бажжад̇д̇абурисагаарзна убаримаг̇г̇з ниб̣б̣ад̇д̇зссанд̇ий’’д̇и д̇зсу анабзгко худ̇ваа ан̃н̃з навз навз овад̣̇ад̇и. махаамог̇г̇аллааноби ад̇д̇ано ваа барзсам̣ ваа санд̇игз баб̣б̣аж̇ид̇з д̇ат̇зва сан̇г̇ан̣хид̇ваа гаммадтаанз яож̇зд̇ваа хздтаа д̇ийн̣и палаани бад̇д̇зсуби анабзгкад̇ам̣ на аабаж̇ж̇ад̇и. гасмаа? звам̣ гирасса ход̇и – вуд̇д̇ам̣ бхаг̇авад̇аа – ‘‘сзяяат̇ааби, бхигкавз, аббамад̇д̇агоби г̇уут̇о д̣̇уг̇г̇анд̇хо ход̇и…бз… аббамад̇д̇агамби муд̇д̇ам̣… кзл̣о… буб̣б̣о… лохид̇ам̣ д̣̇уг̇г̇анд̇хам̣ ход̇и, звамзва ко ахам̣, бхигкавз, аббамад̇д̇агамби бхавам̣ на ван̣н̣зми анд̇амасо ажчараасан̇гхад̇амад̇д̇амбий’’д̇и (а. ни. 1.320-321). д̇асмаа яаава арахад̇д̇ам̣ на баабун̣анд̇и, д̇аава д̇зсу анабзгкад̇ам̣ анаабаж̇ж̇ид̇ваа арахад̇д̇ам̣ бад̇д̇зсуязва аабаж̇ж̇ад̇ийд̇и. д̇знааха бхаг̇аваа – ‘‘сзяяат̇ааби, бхигкавз, ж̇анзд̇аа звам̣ саарибуд̇д̇о. сзяяат̇ааби ж̇аад̇асса аабаад̣̇зд̇аа, звам̣ мог̇г̇аллаано. саарибуд̇д̇о, бхигкавз, сод̇аабад̇д̇ипалз винзд̇и, мог̇г̇аллаано уд̇д̇амад̇т̇з’’д̇и. баход̇ийд̇и саггод̇и.
Anuggāhakāti āmisasaṅgahena dhammasaṅgahenāti dvīhipi saṅgahehi anuggāhakā. Janetāti janikā mātā. Āpādetāti posetā. Posikamātā viya moggallānoti dīpeti. Janikamātā hi nava vā dasa vā māse loṇambilādīni pariharamānā kucchiyā dārakaṃ dhāretvā kucchito nikkhantaṃ posikamātaraṃ dhātiṃ paṭicchāpeti. Sā khīranavanītādīhi dārakaṃ posetvā vaḍḍheti, so vuddhimāgamma yathāsukhaṃ vicarati. Evameva sāriputto attano vā paresaṃ vā santike pabbajite dvīhi saṅgahehi saṅgaṇhanto gilāne paṭijagganto kammaṭṭhāne yojetvā sotāpannabhāvaṃ ñatvā apāyabhayehi vuṭṭhitakālato paṭṭhāya – ‘‘idāni paccattapurisakārena uparimagge nibbattessantī’’ti tesu anapekkho hutvā aññe nave nave ovadati. Mahāmoggallānopi attano vā paresaṃ vā santike pabbajite tatheva saṅgaṇhitvā kammaṭṭhāne yojetvā heṭṭhā tīṇi phalāni pattesupi anapekkhataṃ na āpajjati. Kasmā? Evaṃ kirassa hoti – vuttaṃ bhagavatā – ‘‘seyyathāpi, bhikkhave, appamattakopi gūtho duggandho hoti…pe… appamattakampi muttaṃ… kheḷo… pubbo… lohitaṃ duggandhaṃ hoti, evameva kho ahaṃ, bhikkhave, appamattakampi bhavaṃ na vaṇṇemi antamaso accharāsaṅghatamattampī’’ti (a. ni. 1.320-321). Tasmā yāva arahattaṃ na pāpuṇanti, tāva tesu anapekkhataṃ anāpajjitvā arahattaṃ pattesuyeva āpajjatīti. Tenāha bhagavā – ‘‘seyyathāpi, bhikkhave, janetā evaṃ sāriputto. Seyyathāpi jātassa āpādetā, evaṃ moggallāno. Sāriputto, bhikkhave, sotāpattiphale vineti, moggallāno uttamatthe’’ti. Pahotīti sakkoti.
д̣̇угкз н̃аан̣анд̇и саванасаммасанабадивзд̇хан̃аан̣ам̣, д̇ат̇аа д̣̇угкасамуд̣̇аяз. д̣̇угканирод̇хз саванабадивзд̇хан̃аан̣анд̇и ваддад̇и, д̇ат̇аа д̣̇угканирод̇хаг̇ааминияаа бадибад̣̇ааяа. нзгкаммасан̇габбаад̣̇ийсу гаамабажжанийгадтзна, гаамад̇о ниссадабхаавзна ваа, гаамам̣ саммасанд̇асса уббаннод̇и ваа, гаамабад̣̇агхаад̇ам̣ гаамавуубасамам̣ гаронд̇о уббаннод̇и ваа, гаамавивид̇д̇анд̇з уббаннод̇и ваа нзгкаммасан̇габбо. сзсабад̣̇ад̣̇ваязби зсзва наяо. саб̣б̣зби жзд̇з буб̣б̣абхааг̇з наанаажид̇д̇зсу, маг̇г̇агкан̣з згажид̇д̇з лаб̣бханд̇и. д̇ад̇ра хи мижчаасан̇габбажзд̇анааяа самуг̇гхаад̇аго згова сан̇габбо лаб̣бхад̇и, на наанаа лаб̣бхад̇и . саммааваажаад̣̇аяоби буб̣б̣абхааг̇з наанаажид̇д̇зсу, вуд̇д̇анаязнзва маг̇г̇агкан̣з згажид̇д̇з лаб̣бханд̇и. аяамзд̇т̇а сан̇кзбо, вид̇т̇аарзна бана сажжагат̇аа висуд̣̇д̇химаг̇г̇з жа саммаад̣̇идтисуд̇д̇з (ма. ни. 1.89 аад̣̇аяо) жа вуд̇д̇ааязваад̇и.
Dukkheñāṇanti savanasammasanapaṭivedhañāṇaṃ, tathā dukkhasamudaye. Dukkhanirodhe savanapaṭivedhañāṇanti vaṭṭati, tathā dukkhanirodhagāminiyā paṭipadāya. Nekkhammasaṅkappādīsu kāmapaccanīkaṭṭhena, kāmato nissaṭabhāvena vā, kāmaṃ sammasantassa uppannoti vā, kāmapadaghātaṃ kāmavūpasamaṃ karonto uppannoti vā, kāmavivittante uppannoti vā nekkhammasaṅkappo. Sesapadadvayepi eseva nayo. Sabbepi cete pubbabhāge nānācittesu, maggakkhaṇe ekacitte labbhanti. Tatra hi micchāsaṅkappacetanāya samugghātako ekova saṅkappo labbhati, na nānā labbhati . Sammāvācādayopi pubbabhāge nānācittesu, vuttanayeneva maggakkhaṇe ekacitte labbhanti. Ayamettha saṅkhepo, vitthārena pana saccakathā visuddhimagge ca sammādiṭṭhisutte (ma. ni. 1.89 ādayo) ca vuttāyevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
сажжавибхан̇г̇асуд̇д̇аван̣н̣анаа нидтид̇аа.
Saccavibhaṅgasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 11. сажжавибхан̇г̇асуд̇д̇ам̣ • 11. Saccavibhaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 11. сажжавибхан̇г̇асуд̇д̇аван̣н̣анаа • 11. Saccavibhaṅgasuttavaṇṇanā
