| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૯. સચ્છિકરણીયસુત્તં
9. Sacchikaraṇīyasuttaṃ
૧૮૯. ‘‘ચત્તારોમે , ભિક્ખવે, સચ્છિકરણીયા ધમ્મા. કતમે ચત્તારો? અત્થિ , ભિક્ખવે, ધમ્મા કાયેન સચ્છિકરણીયા; અત્થિ, ભિક્ખવે, ધમ્મા સતિયા સચ્છિકરણીયા; અત્થિ, ભિક્ખવે, ધમ્મા ચક્ખુના સચ્છિકરણીયા; અત્થિ, ભિક્ખવે, ધમ્મા પઞ્ઞાય સચ્છિકરણીયા. કતમે ચ, ભિક્ખવે, ધમ્મા કાયેન સચ્છિકરણીયા? અટ્ઠ વિમોક્ખા, ભિક્ખવે, કાયેન સચ્છિકરણીયા.
189. ‘‘Cattārome , bhikkhave, sacchikaraṇīyā dhammā. Katame cattāro? Atthi , bhikkhave, dhammā kāyena sacchikaraṇīyā; atthi, bhikkhave, dhammā satiyā sacchikaraṇīyā; atthi, bhikkhave, dhammā cakkhunā sacchikaraṇīyā; atthi, bhikkhave, dhammā paññāya sacchikaraṇīyā. Katame ca, bhikkhave, dhammā kāyena sacchikaraṇīyā? Aṭṭha vimokkhā, bhikkhave, kāyena sacchikaraṇīyā.
‘‘કતમે ચ, ભિક્ખવે, ધમ્મા સતિયા સચ્છિકરણીયા? પુબ્બેનિવાસો, ભિક્ખવે, સતિયા સચ્છિકરણીયો.
‘‘Katame ca, bhikkhave, dhammā satiyā sacchikaraṇīyā? Pubbenivāso, bhikkhave, satiyā sacchikaraṇīyo.
‘‘કતમે ચ, ભિક્ખવે, ધમ્મા ચક્ખુના સચ્છિકરણીયા? સત્તાનં ચુતૂપપાતો, ભિક્ખવે, ચક્ખુના સચ્છિકરણીયો.
‘‘Katame ca, bhikkhave, dhammā cakkhunā sacchikaraṇīyā? Sattānaṃ cutūpapāto, bhikkhave, cakkhunā sacchikaraṇīyo.
‘‘કતમે ચ, ભિક્ખવે, ધમ્મા પઞ્ઞાય સચ્છિકરણીયા? આસવાનં ખયો, ભિક્ખવે, પઞ્ઞાય સચ્છિકરણીયો. ઇમે ખો, ભિક્ખવે, ચત્તારો સચ્છિકરણીયા ધમ્મા’’તિ. નવમં.
‘‘Katame ca, bhikkhave, dhammā paññāya sacchikaraṇīyā? Āsavānaṃ khayo, bhikkhave, paññāya sacchikaraṇīyo. Ime kho, bhikkhave, cattāro sacchikaraṇīyā dhammā’’ti. Navamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૯. સચ્છિકરણીયસુત્તવણ્ણના • 9. Sacchikaraṇīyasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૯. સચ્છિકરણીયસુત્તવણ્ણના • 9. Sacchikaraṇīyasuttavaṇṇanā
