| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೯. ಸಚ್ಛಿಕರಣೀಯಸುತ್ತಂ
9. Sacchikaraṇīyasuttaṃ
೧೮೯. ‘‘ಚತ್ತಾರೋಮೇ , ಭಿಕ್ಖವೇ, ಸಚ್ಛಿಕರಣೀಯಾ ಧಮ್ಮಾ। ಕತಮೇ ಚತ್ತಾರೋ? ಅತ್ಥಿ , ಭಿಕ್ಖವೇ, ಧಮ್ಮಾ ಕಾಯೇನ ಸಚ್ಛಿಕರಣೀಯಾ; ಅತ್ಥಿ, ಭಿಕ್ಖವೇ, ಧಮ್ಮಾ ಸತಿಯಾ ಸಚ್ಛಿಕರಣೀಯಾ; ಅತ್ಥಿ, ಭಿಕ್ಖವೇ, ಧಮ್ಮಾ ಚಕ್ಖುನಾ ಸಚ್ಛಿಕರಣೀಯಾ; ಅತ್ಥಿ, ಭಿಕ್ಖವೇ, ಧಮ್ಮಾ ಪಞ್ಞಾಯ ಸಚ್ಛಿಕರಣೀಯಾ। ಕತಮೇ ಚ, ಭಿಕ್ಖವೇ, ಧಮ್ಮಾ ಕಾಯೇನ ಸಚ್ಛಿಕರಣೀಯಾ? ಅಟ್ಠ ವಿಮೋಕ್ಖಾ, ಭಿಕ್ಖವೇ, ಕಾಯೇನ ಸಚ್ಛಿಕರಣೀಯಾ।
189. ‘‘Cattārome , bhikkhave, sacchikaraṇīyā dhammā. Katame cattāro? Atthi , bhikkhave, dhammā kāyena sacchikaraṇīyā; atthi, bhikkhave, dhammā satiyā sacchikaraṇīyā; atthi, bhikkhave, dhammā cakkhunā sacchikaraṇīyā; atthi, bhikkhave, dhammā paññāya sacchikaraṇīyā. Katame ca, bhikkhave, dhammā kāyena sacchikaraṇīyā? Aṭṭha vimokkhā, bhikkhave, kāyena sacchikaraṇīyā.
‘‘ಕತಮೇ ಚ, ಭಿಕ್ಖವೇ, ಧಮ್ಮಾ ಸತಿಯಾ ಸಚ್ಛಿಕರಣೀಯಾ? ಪುಬ್ಬೇನಿವಾಸೋ, ಭಿಕ್ಖವೇ, ಸತಿಯಾ ಸಚ್ಛಿಕರಣೀಯೋ।
‘‘Katame ca, bhikkhave, dhammā satiyā sacchikaraṇīyā? Pubbenivāso, bhikkhave, satiyā sacchikaraṇīyo.
‘‘ಕತಮೇ ಚ, ಭಿಕ್ಖವೇ, ಧಮ್ಮಾ ಚಕ್ಖುನಾ ಸಚ್ಛಿಕರಣೀಯಾ? ಸತ್ತಾನಂ ಚುತೂಪಪಾತೋ, ಭಿಕ್ಖವೇ, ಚಕ್ಖುನಾ ಸಚ್ಛಿಕರಣೀಯೋ।
‘‘Katame ca, bhikkhave, dhammā cakkhunā sacchikaraṇīyā? Sattānaṃ cutūpapāto, bhikkhave, cakkhunā sacchikaraṇīyo.
‘‘ಕತಮೇ ಚ, ಭಿಕ್ಖವೇ, ಧಮ್ಮಾ ಪಞ್ಞಾಯ ಸಚ್ಛಿಕರಣೀಯಾ? ಆಸವಾನಂ ಖಯೋ, ಭಿಕ್ಖವೇ, ಪಞ್ಞಾಯ ಸಚ್ಛಿಕರಣೀಯೋ। ಇಮೇ ಖೋ, ಭಿಕ್ಖವೇ, ಚತ್ತಾರೋ ಸಚ್ಛಿಕರಣೀಯಾ ಧಮ್ಮಾ’’ತಿ। ನವಮಂ।
‘‘Katame ca, bhikkhave, dhammā paññāya sacchikaraṇīyā? Āsavānaṃ khayo, bhikkhave, paññāya sacchikaraṇīyo. Ime kho, bhikkhave, cattāro sacchikaraṇīyā dhammā’’ti. Navamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೯. ಸಚ್ಛಿಕರಣೀಯಸುತ್ತವಣ್ಣನಾ • 9. Sacchikaraṇīyasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೯. ಸಚ್ಛಿಕರಣೀಯಸುತ್ತವಣ್ಣನಾ • 9. Sacchikaraṇīyasuttavaṇṇanā
