| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
36. сад̣̇д̣̇асан̃н̃агаваг̇г̇о
36. Saddasaññakavaggo
1. сад̣̇д̣̇асан̃н̃агад̇т̇зраабад̣̇аанам̣
1. Saddasaññakattheraapadānaṃ
1.
1.
‘‘миг̇алуд̣̇д̣̇о бурз аасим̣, аран̃н̃з гаананз ахам̣;
‘‘Migaluddo pure āsiṃ, araññe kānane ahaṃ;
д̇ад̇т̇ад̣̇д̣̇асаасим̣ самб̣уд̣̇д̇хам̣, д̣̇звасан̇гхабурагкад̇ам̣.
Tatthaddasāsiṃ sambuddhaṃ, devasaṅghapurakkhataṃ.
2.
2.
‘‘жад̇усажжам̣ багаасзнд̇ам̣, уд̣̇д̇харанд̇ам̣ махааж̇анам̣;
‘‘Catusaccaṃ pakāsentaṃ, uddharantaṃ mahājanaṃ;
3.
3.
‘‘б̣рахмасарасса мунино, сикино логаб̣анд̇хуно;
‘‘Brahmasarassa munino, sikhino lokabandhuno;
гхосз жид̇д̇ам̣ басаад̣̇зд̇ваа, бад̇д̇омхи аасавагкаяам̣.
Ghose cittaṃ pasādetvā, pattomhi āsavakkhayaṃ.
4.
4.
‘‘згад̇д̇им̣сз ид̇о габбз, яам̣ гаммамагарим̣ д̇ад̣̇аа;
‘‘Ekattiṃse ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, басаад̣̇асса ид̣̇ам̣ палам̣.
Duggatiṃ nābhijānāmi, pasādassa idaṃ phalaṃ.
5.
5.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа сад̣̇д̣̇асан̃н̃аго т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā saddasaññako thero imā gāthāyo abhāsitthāti.
сад̣̇д̣̇асан̃н̃агад̇т̇зрассаабад̣̇аанам̣ батамам̣.
Saddasaññakattherassāpadānaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1-10. бад̣̇умагзсарияад̇т̇зраабад̣̇аанаад̣̇иван̣н̣анаа • 1-10. Padumakesariyattheraapadānādivaṇṇanā
