| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
8. ஸத்³த³ஸஞ்ஞகத்தே²ரஅபதா³னவண்ணனா
8. Saddasaññakattheraapadānavaṇṇanā
பப்³ப³தே ஹிமவந்தம்ஹீதிஆதி³கங் ஆயஸ்மதோ ஸத்³த³ஸஞ்ஞகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ பு²ஸ்ஸஸ்ஸ ப⁴க³வதோ காலே ஏகஸ்மிங் குலகே³ஹே நிப்³ப³த்தோ வுத்³தி⁴ப்பத்தோ ஸத்³தா⁴ஜாதோ தாபஸபப்³ப³ஜ்ஜங் பப்³ப³ஜித்வா ஹிமவந்தம்ஹி அரஞ்ஞாவாஸே வஸந்தோ அத்தனோ அனுகம்பாய உபக³தஸ்ஸ ப⁴க³வதோ த⁴ம்மங் ஸுத்வா த⁴ம்மேஸு சித்தங் பஸாதெ³த்வா யாவதாயுகங் ட²த்வா அபரபா⁴கே³ காலங் கத்வா துஸிதாதீ³ஸு ச²ஸு காமாவசரஸம்பத்தியோ ச மனுஸ்ஸேஸு மனுஸ்ஸஸம்பத்தியோ ச அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ வுத்³தி⁴மன்வாய ஸத்³தா⁴ஜாதோ பப்³ப³ஜித்வா விபஸ்ஸனங் வட்³டெ⁴த்வா அரஹத்தங் பாபுணி.
Pabbate himavantamhītiādikaṃ āyasmato saddasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto vuddhippatto saddhājāto tāpasapabbajjaṃ pabbajitvā himavantamhi araññāvāse vasanto attano anukampāya upagatassa bhagavato dhammaṃ sutvā dhammesu cittaṃ pasādetvā yāvatāyukaṃ ṭhatvā aparabhāge kālaṃ katvā tusitādīsu chasu kāmāvacarasampattiyo ca manussesu manussasampattiyo ca anubhavitvā imasmiṃ buddhuppāde ekasmiṃ kulagehe nibbatto vuddhimanvāya saddhājāto pabbajitvā vipassanaṃ vaḍḍhetvā arahattaṃ pāpuṇi.
43. ஸோ அபரபா⁴கே³ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ பப்³ப³தே ஹிமவந்தம்ஹீதிஆதி³மாஹ. தங் ஸப்³ப³ங் உத்தானத்த²மேவாதி.
43. So aparabhāge attano pubbakammaṃ saritvā somanassajāto pubbacaritāpadānaṃ pakāsento pabbate himavantamhītiādimāha. Taṃ sabbaṃ uttānatthamevāti.
ஸத்³த³ஸஞ்ஞகத்தே²ரஅபதா³னவண்ணனா ஸமத்தா.
Saddasaññakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 8. ஸத்³த³ஸஞ்ஞகத்தே²ரஅபதா³னங் • 8. Saddasaññakattheraapadānaṃ
