| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༨. སདྡསཉྙཀཏྠེརཨཔདཱནཝཎྞནཱ
8. Saddasaññakattheraapadānavaṇṇanā
པབྦཏེ ཧིམཝནྟམྷཱིཏིཨཱདིཀཾ ཨཱཡསྨཏོ སདྡསཉྙཀཏྠེརསྶ ཨཔདཱནཾ། ཨཡམྤི པུརིམབུདྡྷེསུ ཀཏཱདྷིཀཱརོ ཏཏྠ ཏཏྠ བྷཝེ ཝིཝཊྚཱུཔནིསྶཡཱནི པུཉྙཱནི ཨུཔཙིནནྟོ ཕུསྶསྶ བྷགཝཏོ ཀཱལེ ཨེཀསྨིཾ ཀུལགེཧེ ནིབྦཏྟོ ཝུདྡྷིཔྤཏྟོ སདྡྷཱཛཱཏོ ཏཱཔསཔབྦཛྫཾ པབྦཛིཏྭཱ ཧིམཝནྟམྷི ཨརཉྙཱཝཱསེ ཝསནྟོ ཨཏྟནོ ཨནུཀམྤཱཡ ཨུཔགཏསྶ བྷགཝཏོ དྷམྨཾ སུཏྭཱ དྷམྨེསུ ཙིཏྟཾ པསཱདེཏྭཱ ཡཱཝཏཱཡུཀཾ ཋཏྭཱ ཨཔརབྷཱགེ ཀཱལཾ ཀཏྭཱ ཏུསིཏཱདཱིསུ ཚསུ ཀཱམཱཝཙརསམྤཏྟིཡོ ཙ མནུསྶེསུ མནུསྶསམྤཏྟིཡོ ཙ ཨནུབྷཝིཏྭཱ ཨིམསྨིཾ བུདྡྷུཔྤཱདེ ཨེཀསྨིཾ ཀུལགེཧེ ནིབྦཏྟོ ཝུདྡྷིམནྭཱཡ སདྡྷཱཛཱཏོ པབྦཛིཏྭཱ ཝིཔསྶནཾ ཝཌྜྷེཏྭཱ ཨརཧཏྟཾ པཱཔུཎི།
Pabbate himavantamhītiādikaṃ āyasmato saddasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto vuddhippatto saddhājāto tāpasapabbajjaṃ pabbajitvā himavantamhi araññāvāse vasanto attano anukampāya upagatassa bhagavato dhammaṃ sutvā dhammesu cittaṃ pasādetvā yāvatāyukaṃ ṭhatvā aparabhāge kālaṃ katvā tusitādīsu chasu kāmāvacarasampattiyo ca manussesu manussasampattiyo ca anubhavitvā imasmiṃ buddhuppāde ekasmiṃ kulagehe nibbatto vuddhimanvāya saddhājāto pabbajitvā vipassanaṃ vaḍḍhetvā arahattaṃ pāpuṇi.
༤༣. སོ ཨཔརབྷཱགེ ཨཏྟནོ པུབྦཀམྨཾ སརིཏྭཱ སོམནསྶཛཱཏོ པུབྦཙརིཏཱཔདཱནཾ པཀཱསེནྟོ པབྦཏེ ཧིམཝནྟམྷཱིཏིཨཱདིམཱཧ། ཏཾ སབྦཾ ཨུཏྟཱནཏྠམེཝཱཏི།
43. So aparabhāge attano pubbakammaṃ saritvā somanassajāto pubbacaritāpadānaṃ pakāsento pabbate himavantamhītiādimāha. Taṃ sabbaṃ uttānatthamevāti.
སདྡསཉྙཀཏྠེརཨཔདཱནཝཎྞནཱ སམཏྟཱ།
Saddasaññakattheraapadānavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༨. སདྡསཉྙཀཏྠེརཨཔདཱནཾ • 8. Saddasaññakattheraapadānaṃ
