| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
3. ஸத்³தோ³ விபாகோதிகதா²வண்ணனா
3. Saddo vipākotikathāvaṇṇanā
636-637. இதா³னி ஸத்³தோ³ விபாகோதிகதா² நாம ஹோதி. தத்த² ‘‘ஸோ தஸ்ஸ கம்மஸ்ஸ கதத்தா உபசிதத்தா உஸ்ஸன்னத்தா விபுலத்தா ப்³ரஹ்மஸ்ஸரோ ஹோதீ’’திஆதீ³னி (தீ³॰ நி॰ 3.236) அயோனிஸோ க³ஹெத்வா ‘‘ஸத்³தோ³ விபாகோ’’தி யேஸங் லத்³தி⁴, ஸெய்யதா²பி மஹாஸங்கி⁴கானங்; தேஸங் ‘‘கம்மஸமுட்டா²னா அரூபத⁴ம்மாவ விபாகாதி நாமங் லப⁴ந்தி. ரூபத⁴ம்மேஸு பனாயங் வோஹாரோ நத்தீ²’’தி த³ஸ்ஸேதுங் புச்சா² ஸகவாதி³ஸ்ஸ, படிஞ்ஞா இதரஸ்ஸ. ஸுக²வேத³னீயோதிஆதி³ ‘‘விபாகோ நாம ஏவரூபோ ஹோதீ’’தி த³ஸ்ஸனத்த²ங் வுத்தங். ‘‘ஸோ தஸ்ஸ கம்மஸ்ஸா’’தி ஸுத்தங் லக்க²ணபடிலாப⁴த³ஸ்ஸனத்த²ங் வுத்தங். மஹாபுரிஸோ ஹி கம்மஸ்ஸ கதத்தா ஸுசிபரிவாரோபி ஹோதி, ந ச பரிவாரோ விபாகோ, தஸ்மா அஸாத⁴கமேதந்தி.
636-637. Idāni saddo vipākotikathā nāma hoti. Tattha ‘‘so tassa kammassa katattā upacitattā ussannattā vipulattā brahmassaro hotī’’tiādīni (dī. ni. 3.236) ayoniso gahetvā ‘‘saddo vipāko’’ti yesaṃ laddhi, seyyathāpi mahāsaṃghikānaṃ; tesaṃ ‘‘kammasamuṭṭhānā arūpadhammāva vipākāti nāmaṃ labhanti. Rūpadhammesu panāyaṃ vohāro natthī’’ti dassetuṃ pucchā sakavādissa, paṭiññā itarassa. Sukhavedanīyotiādi ‘‘vipāko nāma evarūpo hotī’’ti dassanatthaṃ vuttaṃ. ‘‘So tassa kammassā’’ti suttaṃ lakkhaṇapaṭilābhadassanatthaṃ vuttaṃ. Mahāpuriso hi kammassa katattā suciparivāropi hoti, na ca parivāro vipāko, tasmā asādhakametanti.
ஸத்³தோ³ விபாகோதிகதா²வண்ணனா.
Saddo vipākotikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (118) 3. ஸத்³தோ³ விபாகோதிகதா² • (118) 3. Saddo vipākotikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 3. ஸத்³தோ³விபாகோதிகதா²வண்ணனா • 3. Saddovipākotikathāvaṇṇanā
