| Library / Tipiṭaka / திபிடக • Tipiṭaka / த்³வேமாதிகாபாளி • Dvemātikāpāḷi |
ஸாதா⁴ரணபாராஜிகங்
Sādhāraṇapārājikaṃ
1…பே॰…4. மேது²னத⁴ம்மஸிக்கா²பத³வண்ணனா
1…Pe…4. methunadhammasikkhāpadavaṇṇanā
தத்த² ஸுணாது மேதிஆதீ³னங் பி⁴க்கு²பாதிமொக்க²வண்ணனாயங் வுத்தனயேனேவ அத்தோ² வேதி³தப்³போ³. கேவலஞ்ஹி, ப⁴ந்தே, அய்யேதிஆதி³வஸேன தஸ்மிஞ்ச இத⁴ ச அபி⁴லாபமத்தமேவ லிங்க³பே⁴த³மத்தஞ்ச விஸேஸோ . யஸ்மா ச பி⁴க்கு²னியா ஸிக்கா²பச்சக்கா²னங் நாம நத்தி², தஸ்மா பி⁴க்கு²னீனங் ‘‘ஸிக்கா²ஸாஜீவஸமாபன்னா ஸிக்க²ங் அபச்சக்கா²ய து³ப்³ப³ல்யங் அனாவிகத்வா’’தி அவத்வா யா பன பி⁴க்கு²னீ ச²ந்த³ஸோ மேது²னங் த⁴ம்மங் படிஸேவெய்யாதி வுத்தங். தத்த² ச²ந்த³ஸோதி மேது²னராக³ப்படிஸங்யுத்தேன ச²ந்தே³ன சேவ ருசியா ச. ச²ந்தே³ பன அஸதி ப³லக்காரேன பத⁴ங்ஸிதாய அனாபத்தி, தஸ்மா யா பரிபுண்ணூபஸம்பதா³ பி⁴க்கு²னீ மனுஸ்ஸாமனுஸ்ஸதிரச்சா²னஜாதீஸு புரிஸஉப⁴தொப்³யஞ்ஜனகபண்ட³கானங் யஸ்ஸ கஸ்ஸசி ஸஜீவஸ்ஸ வா நிஜ்ஜீவஸ்ஸ வா ஸந்த²தஸ்ஸ வா அஸந்த²தஸ்ஸ வா அக்கா²யிதஸ்ஸ வா யேபு⁴ய்யேன அக்கா²யிதஸ்ஸ வா அங்க³ஜாதஸ்ஸ அத்தனோ வச்சமக்³க³பஸ்ஸாவமக்³க³முகே²ஸு தீஸு யத்த²கத்த²சி ஸந்த²தே வா அஸந்த²தே வா பகதிவாதேன அஸங்பு²ட்டே² அல்லோகாஸே அந்தமஸோ திலப²லமத்தம்பி பதே³ஸங் ச²ந்த³ஸோ பவேஸேதி, பரேன வா பவேஸியமானா பவேஸனபவிட்ட²ட்டி²தஉத்³த⁴ரணேஸு யங்கிஞ்சி ஸாதி³யதி, அயங் பாராஜிகா ஹோதி. ஸேஸமெத்த² இதோ பரேஸு ச ஸாதா⁴ரணஸிக்கா²பதே³ஸு வுத்தனயானுஸாரேனேவ வேதி³தப்³ப³ங்.
Tattha suṇātu metiādīnaṃ bhikkhupātimokkhavaṇṇanāyaṃ vuttanayeneva attho veditabbo. Kevalañhi, bhante, ayyetiādivasena tasmiñca idha ca abhilāpamattameva liṅgabhedamattañca viseso . Yasmā ca bhikkhuniyā sikkhāpaccakkhānaṃ nāma natthi, tasmā bhikkhunīnaṃ ‘‘sikkhāsājīvasamāpannā sikkhaṃ apaccakkhāya dubbalyaṃ anāvikatvā’’ti avatvā yā pana bhikkhunī chandaso methunaṃ dhammaṃ paṭiseveyyāti vuttaṃ. Tattha chandasoti methunarāgappaṭisaṃyuttena chandena ceva ruciyā ca. Chande pana asati balakkārena padhaṃsitāya anāpatti, tasmā yā paripuṇṇūpasampadā bhikkhunī manussāmanussatiracchānajātīsu purisaubhatobyañjanakapaṇḍakānaṃ yassa kassaci sajīvassa vā nijjīvassa vā santhatassa vā asanthatassa vā akkhāyitassa vā yebhuyyena akkhāyitassa vā aṅgajātassa attano vaccamaggapassāvamaggamukhesu tīsu yatthakatthaci santhate vā asanthate vā pakativātena asaṃphuṭṭhe allokāse antamaso tilaphalamattampi padesaṃ chandaso paveseti, parena vā pavesiyamānā pavesanapaviṭṭhaṭṭhitauddharaṇesu yaṃkiñci sādiyati, ayaṃ pārājikā hoti. Sesamettha ito paresu ca sādhāraṇasikkhāpadesu vuttanayānusāreneva veditabbaṃ.
