Library / Tipiṭaka / တိပိဋက • Tipiṭaka / ဇာတကပာဠိ • Jātakapāḷi |
၄၉၄. သာဓိနဇာတကံ (၁၁)
494. Sādhinajātakaṃ (11)
၂၀၂.
202.
အဗ္ဘုတော ဝတ လောကသ္မိံ၊ ဥပ္ပဇ္ဇိ လောမဟံသနော။
Abbhuto vata lokasmiṃ, uppajji lomahaṃsano;
ဒိဗ္ဗော ရထော ပာတုရဟု၊ ဝေဒေဟသ္သ ယသသ္သိနော။
Dibbo ratho pāturahu, vedehassa yasassino.
၂၀၃.
203.
နိမန္တယိတ္ထ ရာဇာနံ၊ ဝေဒေဟံ မိထိလဂ္ဂဟံ။
Nimantayittha rājānaṃ, vedehaṃ mithilaggahaṃ.
၂၀၄.
204.
ဧဟိမံ ရထမာရုယ္ဟ၊ ရာဇသေဋ္ဌ ဒိသမ္ပတိ။
Ehimaṃ rathamāruyha, rājaseṭṭha disampati;
ဒေဝာ ဒသ္သနကာမာ တေ၊ တာဝတိံသာ သဣန္ဒကာ။
Devā dassanakāmā te, tāvatiṃsā saindakā;
သရမာနာ ဟိ တေ ဒေဝာ၊ သုဓမ္မာယံ သမစ္ဆရေ။
Saramānā hi te devā, sudhammāyaṃ samacchare.
၂၀၅.
205.
တံ ဒေဝာ ပဋိနန္ဒိံသု၊ ဒိသ္ဝာ ရာဇာနမာဂတံ။
Taṃ devā paṭinandiṃsu, disvā rājānamāgataṃ.
၂၀၆.
206.
သ္ဝာဂတံ တေ မဟာရာဇ၊ အထော တေ အဒုရာဂတံ။
Svāgataṃ te mahārāja, atho te adurāgataṃ;
၂၀၇.
207.
သက္ကောပိ ပဋိနန္ဒိတ္ထ၊ ဝေဒေဟံ မိထိလဂ္ဂဟံ။
Sakkopi paṭinandittha, vedehaṃ mithilaggahaṃ;
၂၀၈.
208.
သာဓု ခောသိ အနုပ္ပတ္တော၊ အာဝာသံ ဝသဝတ္တိနံ။
Sādhu khosi anuppatto, āvāsaṃ vasavattinaṃ;
ဝသ ဒေဝေသု ရာဇီသိ၊ သဗ္ဗကာမသမိဒ္ဓိသု။
Vasa devesu rājīsi, sabbakāmasamiddhisu;
တာဝတိံသေသု ဒေဝေသု၊ ဘုဉ္ဇ ကာမေ အမာနုသေ။
Tāvatiṃsesu devesu, bhuñja kāme amānuse.
၂၀၉.
209.
အဟံ ပုရေ သဂ္ဂဂတော ရမာမိ၊ နစ္စေဟိ ဂီတေဟိ စ ဝာဒိတေဟိ။
Ahaṃ pure saggagato ramāmi, naccehi gītehi ca vāditehi;
သော ဒာနိ အဇ္ဇ န ရမာမိ သဂ္ဂေ၊ အာယုံ နု ခီဏော 13 မရဏံ နု သန္တိကေ။
So dāni ajja na ramāmi sagge, āyuṃ nu khīṇo 14 maraṇaṃ nu santike;
ဥဒာဟု မူဠ္ဟောသ္မိ ဇနိန္ဒသေဋ္ဌ။
Udāhu mūḷhosmi janindaseṭṭha.
၂၁၀.
210.
၂၁၁.
211.
ဝသ ဒေဝာနုဘာဝေန၊ ရာဇသေဋ္ဌ ဒိသမ္ပတိ။
Vasa devānubhāvena, rājaseṭṭha disampati;
တာဝတိံသေသု ဒေဝေသု၊ ဘုဉ္ဇ ကာမေ အမာနုသေ။
Tāvatiṃsesu devesu, bhuñja kāme amānuse.
၂၁၂.
212.
ယထာ ယာစိတကံ ယာနံ၊ ယထာ ယာစိတကံ ဓနံ။
Yathā yācitakaṃ yānaṃ, yathā yācitakaṃ dhanaṃ;
ဧဝံ သမ္ပဒမေဝေတံ၊ ယံ ပရတော ဒာနပစ္စယာ။
Evaṃ sampadamevetaṃ, yaṃ parato dānapaccayā.
၂၁၃.
213.
န စာဟမေတမိစ္ဆာမိ၊ ယံ ပရတော ဒာနပစ္စယာ။
Na cāhametamicchāmi, yaṃ parato dānapaccayā;
၂၁၄.
214.
သောဟံ ဂန္တ္ဝာ မနုသ္သေသု၊ ကာဟာမိ ကုသလံ ဗဟုံ။
Sohaṃ gantvā manussesu, kāhāmi kusalaṃ bahuṃ;
ဒာနေန သမစရိယာယ၊ သံယမေန ဒမေန စ။
Dānena samacariyāya, saṃyamena damena ca;
ယံ ကတ္ဝာ သုခိတော ဟောတိ၊ န စ ပစ္ဆာနုတပ္ပတိ။
Yaṃ katvā sukhito hoti, na ca pacchānutappati.
၂၁၅.
215.
ဣမာနိ တာနိ ခေတ္တာနိ၊ ဣမံ နိက္ခံ သုကုဏ္ဍလံ။
Imāni tāni khettāni, imaṃ nikkhaṃ sukuṇḍalaṃ;
ဣမာ တာ ဟရိတာနူပာ၊ ဣမာ နဇ္ဇော သဝန္တိယော။
Imā tā haritānūpā, imā najjo savantiyo.
၂၁၆.
216.
မန္ဒာလကေဟိ သဉ္ဆန္နာ၊ ပဒုမုပ္ပလကေဟိ စ။
Mandālakehi sañchannā, padumuppalakehi ca;
ယသ္သိမာနိ မမာယိံသု၊ ကိံ နု တေ ဒိသတံ ဂတာ။
Yassimāni mamāyiṃsu, kiṃ nu te disataṃ gatā.
၂၁၇.
217.
တာနီဓ ခေတ္တာနိ သော ဘူမိဘာဂော၊ တေယေဝ အာရာမဝနုပစာရာ 27။
Tānīdha khettāni so bhūmibhāgo, teyeva ārāmavanupacārā 28;
တမေဝ မယ္ဟံ ဇနတံ အပသ္သတော၊ သုညံဝ မေ နာရဒ ခာယတေ ဒိသာ။
Tameva mayhaṃ janataṃ apassato, suññaṃva me nārada khāyate disā.
၂၁၈.
218.
ဒိဋ္ဌာ မယာ ဝိမာနာနိ၊ ဩဘာသေန္တာ စတုဒ္ဒိသာ။
Diṭṭhā mayā vimānāni, obhāsentā catuddisā;
သမ္မုခာ ဒေဝရာဇသ္သ၊ တိဒသာနဉ္စ သမ္မုခာ။
Sammukhā devarājassa, tidasānañca sammukhā.
၂၁၉.
219.
တာဝတိံသေသု ဒေဝေသု၊ သဗ္ဗကာမသမိဒ္ဓိသု။
Tāvatiṃsesu devesu, sabbakāmasamiddhisu.
၂၂၀.
220.
သောဟံ ဧတာဒိသံ ဟိတ္ဝာ၊ ပုညာယမ္ဟိ ဣဓာဂတော။
Sohaṃ etādisaṃ hitvā, puññāyamhi idhāgato;
ဓမ္မမေဝ စရိသ္သာမိ၊ နာဟံ ရဇ္ဇေန အတ္ထိကော။
Dhammameva carissāmi, nāhaṃ rajjena atthiko.
၂၂၁.
221.
အဒဏ္ဍာဝစရံ မဂ္ဂံ၊ သမ္မာသမ္ဗုဒ္ဓဒေသိတံ။
Adaṇḍāvacaraṃ maggaṃ, sammāsambuddhadesitaṃ;
တံ မဂ္ဂံ ပဋိပဇ္ဇိသ္သံ၊ ယေန ဂစ္ဆန္တိ သုဗ္ဗတာတိ။
Taṃ maggaṃ paṭipajjissaṃ, yena gacchanti subbatāti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဇာတက-အဋ္ဌကထာ • Jātaka-aṭṭhakathā / [၄၉၄] ၁၁. သာဓိနဇာတကဝဏ္ဏနာ • [494] 11. Sādhinajātakavaṇṇanā