Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೯೪. ಸಾಧಿನಜಾತಕಂ (೧೧)
494. Sādhinajātakaṃ (11)
೨೦೨.
202.
ಅಬ್ಭುತೋ ವತ ಲೋಕಸ್ಮಿಂ, ಉಪ್ಪಜ್ಜಿ ಲೋಮಹಂಸನೋ।
Abbhuto vata lokasmiṃ, uppajji lomahaṃsano;
ದಿಬ್ಬೋ ರಥೋ ಪಾತುರಹು, ವೇದೇಹಸ್ಸ ಯಸಸ್ಸಿನೋ॥
Dibbo ratho pāturahu, vedehassa yasassino.
೨೦೩.
203.
ನಿಮನ್ತಯಿತ್ಥ ರಾಜಾನಂ, ವೇದೇಹಂ ಮಿಥಿಲಗ್ಗಹಂ॥
Nimantayittha rājānaṃ, vedehaṃ mithilaggahaṃ.
೨೦೪.
204.
ಏಹಿಮಂ ರಥಮಾರುಯ್ಹ, ರಾಜಸೇಟ್ಠ ದಿಸಮ್ಪತಿ।
Ehimaṃ rathamāruyha, rājaseṭṭha disampati;
ದೇವಾ ದಸ್ಸನಕಾಮಾ ತೇ, ತಾವತಿಂಸಾ ಸಇನ್ದಕಾ।
Devā dassanakāmā te, tāvatiṃsā saindakā;
ಸರಮಾನಾ ಹಿ ತೇ ದೇವಾ, ಸುಧಮ್ಮಾಯಂ ಸಮಚ್ಛರೇ॥
Saramānā hi te devā, sudhammāyaṃ samacchare.
೨೦೫.
205.
ತಂ ದೇವಾ ಪಟಿನನ್ದಿಂಸು, ದಿಸ್ವಾ ರಾಜಾನಮಾಗತಂ॥
Taṃ devā paṭinandiṃsu, disvā rājānamāgataṃ.
೨೦೬.
206.
ಸ್ವಾಗತಂ ತೇ ಮಹಾರಾಜ, ಅಥೋ ತೇ ಅದುರಾಗತಂ।
Svāgataṃ te mahārāja, atho te adurāgataṃ;
೨೦೭.
207.
ಸಕ್ಕೋಪಿ ಪಟಿನನ್ದಿತ್ಥ, ವೇದೇಹಂ ಮಿಥಿಲಗ್ಗಹಂ।
Sakkopi paṭinandittha, vedehaṃ mithilaggahaṃ;
೨೦೮.
208.
ಸಾಧು ಖೋಸಿ ಅನುಪ್ಪತ್ತೋ, ಆವಾಸಂ ವಸವತ್ತಿನಂ।
Sādhu khosi anuppatto, āvāsaṃ vasavattinaṃ;
ವಸ ದೇವೇಸು ರಾಜೀಸಿ, ಸಬ್ಬಕಾಮಸಮಿದ್ಧಿಸು।
Vasa devesu rājīsi, sabbakāmasamiddhisu;
ತಾವತಿಂಸೇಸು ದೇವೇಸು, ಭುಞ್ಜ ಕಾಮೇ ಅಮಾನುಸೇ॥
Tāvatiṃsesu devesu, bhuñja kāme amānuse.
೨೦೯.
209.
ಅಹಂ ಪುರೇ ಸಗ್ಗಗತೋ ರಮಾಮಿ, ನಚ್ಚೇಹಿ ಗೀತೇಹಿ ಚ ವಾದಿತೇಹಿ।
Ahaṃ pure saggagato ramāmi, naccehi gītehi ca vāditehi;
ಸೋ ದಾನಿ ಅಜ್ಜ ನ ರಮಾಮಿ ಸಗ್ಗೇ, ಆಯುಂ ನು ಖೀಣೋ 13 ಮರಣಂ ನು ಸನ್ತಿಕೇ।
So dāni ajja na ramāmi sagge, āyuṃ nu khīṇo 14 maraṇaṃ nu santike;
ಉದಾಹು ಮೂಳ್ಹೋಸ್ಮಿ ಜನಿನ್ದಸೇಟ್ಠ॥
Udāhu mūḷhosmi janindaseṭṭha.
೨೧೦.
210.
೨೧೧.
211.
ವಸ ದೇವಾನುಭಾವೇನ, ರಾಜಸೇಟ್ಠ ದಿಸಮ್ಪತಿ।
Vasa devānubhāvena, rājaseṭṭha disampati;
ತಾವತಿಂಸೇಸು ದೇವೇಸು, ಭುಞ್ಜ ಕಾಮೇ ಅಮಾನುಸೇ॥
Tāvatiṃsesu devesu, bhuñja kāme amānuse.
೨೧೨.
212.
ಯಥಾ ಯಾಚಿತಕಂ ಯಾನಂ, ಯಥಾ ಯಾಚಿತಕಂ ಧನಂ।
Yathā yācitakaṃ yānaṃ, yathā yācitakaṃ dhanaṃ;
ಏವಂ ಸಮ್ಪದಮೇವೇತಂ, ಯಂ ಪರತೋ ದಾನಪಚ್ಚಯಾ॥
Evaṃ sampadamevetaṃ, yaṃ parato dānapaccayā.
೨೧೩.
213.
ನ ಚಾಹಮೇತಮಿಚ್ಛಾಮಿ, ಯಂ ಪರತೋ ದಾನಪಚ್ಚಯಾ।
Na cāhametamicchāmi, yaṃ parato dānapaccayā;
೨೧೪.
214.
ಸೋಹಂ ಗನ್ತ್ವಾ ಮನುಸ್ಸೇಸು, ಕಾಹಾಮಿ ಕುಸಲಂ ಬಹುಂ।
Sohaṃ gantvā manussesu, kāhāmi kusalaṃ bahuṃ;
ದಾನೇನ ಸಮಚರಿಯಾಯ, ಸಂಯಮೇನ ದಮೇನ ಚ।
Dānena samacariyāya, saṃyamena damena ca;
ಯಂ ಕತ್ವಾ ಸುಖಿತೋ ಹೋತಿ, ನ ಚ ಪಚ್ಛಾನುತಪ್ಪತಿ॥
Yaṃ katvā sukhito hoti, na ca pacchānutappati.
೨೧೫.
215.
ಇಮಾನಿ ತಾನಿ ಖೇತ್ತಾನಿ, ಇಮಂ ನಿಕ್ಖಂ ಸುಕುಣ್ಡಲಂ।
Imāni tāni khettāni, imaṃ nikkhaṃ sukuṇḍalaṃ;
ಇಮಾ ತಾ ಹರಿತಾನೂಪಾ, ಇಮಾ ನಜ್ಜೋ ಸವನ್ತಿಯೋ॥
Imā tā haritānūpā, imā najjo savantiyo.
೨೧೬.
216.
ಮನ್ದಾಲಕೇಹಿ ಸಞ್ಛನ್ನಾ, ಪದುಮುಪ್ಪಲಕೇಹಿ ಚ।
Mandālakehi sañchannā, padumuppalakehi ca;
ಯಸ್ಸಿಮಾನಿ ಮಮಾಯಿಂಸು, ಕಿಂ ನು ತೇ ದಿಸತಂ ಗತಾ॥
Yassimāni mamāyiṃsu, kiṃ nu te disataṃ gatā.
೨೧೭.
217.
ತಾನೀಧ ಖೇತ್ತಾನಿ ಸೋ ಭೂಮಿಭಾಗೋ, ತೇಯೇವ ಆರಾಮವನುಪಚಾರಾ 27।
Tānīdha khettāni so bhūmibhāgo, teyeva ārāmavanupacārā 28;
ತಮೇವ ಮಯ್ಹಂ ಜನತಂ ಅಪಸ್ಸತೋ, ಸುಞ್ಞಂವ ಮೇ ನಾರದ ಖಾಯತೇ ದಿಸಾ॥
Tameva mayhaṃ janataṃ apassato, suññaṃva me nārada khāyate disā.
೨೧೮.
218.
ದಿಟ್ಠಾ ಮಯಾ ವಿಮಾನಾನಿ, ಓಭಾಸೇನ್ತಾ ಚತುದ್ದಿಸಾ।
Diṭṭhā mayā vimānāni, obhāsentā catuddisā;
ಸಮ್ಮುಖಾ ದೇವರಾಜಸ್ಸ, ತಿದಸಾನಞ್ಚ ಸಮ್ಮುಖಾ॥
Sammukhā devarājassa, tidasānañca sammukhā.
೨೧೯.
219.
ತಾವತಿಂಸೇಸು ದೇವೇಸು, ಸಬ್ಬಕಾಮಸಮಿದ್ಧಿಸು॥
Tāvatiṃsesu devesu, sabbakāmasamiddhisu.
೨೨೦.
220.
ಸೋಹಂ ಏತಾದಿಸಂ ಹಿತ್ವಾ, ಪುಞ್ಞಾಯಮ್ಹಿ ಇಧಾಗತೋ।
Sohaṃ etādisaṃ hitvā, puññāyamhi idhāgato;
ಧಮ್ಮಮೇವ ಚರಿಸ್ಸಾಮಿ, ನಾಹಂ ರಜ್ಜೇನ ಅತ್ಥಿಕೋ॥
Dhammameva carissāmi, nāhaṃ rajjena atthiko.
೨೨೧.
221.
ಅದಣ್ಡಾವಚರಂ ಮಗ್ಗಂ, ಸಮ್ಮಾಸಮ್ಬುದ್ಧದೇಸಿತಂ।
Adaṇḍāvacaraṃ maggaṃ, sammāsambuddhadesitaṃ;
ತಂ ಮಗ್ಗಂ ಪಟಿಪಜ್ಜಿಸ್ಸಂ, ಯೇನ ಗಚ್ಛನ್ತಿ ಸುಬ್ಬತಾತಿ॥
Taṃ maggaṃ paṭipajjissaṃ, yena gacchanti subbatāti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೯೪] ೧೧. ಸಾಧಿನಜಾತಕವಣ್ಣನಾ • [494] 11. Sādhinajātakavaṇṇanā