| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੪੯੪. ਸਾਧਿਨਜਾਤਕਂ (੧੧)
494. Sādhinajātakaṃ (11)
੨੦੨.
202.
ਅਬ੍ਭੁਤੋ વਤ ਲੋਕਸ੍ਮਿਂ, ਉਪ੍ਪਜ੍ਜਿ ਲੋਮਹਂਸਨੋ।
Abbhuto vata lokasmiṃ, uppajji lomahaṃsano;
ਦਿਬ੍ਬੋ ਰਥੋ ਪਾਤੁਰਹੁ, વੇਦੇਹਸ੍ਸ ਯਸਸ੍ਸਿਨੋ॥
Dibbo ratho pāturahu, vedehassa yasassino.
੨੦੩.
203.
ਨਿਮਨ੍ਤਯਿਤ੍ਥ ਰਾਜਾਨਂ, વੇਦੇਹਂ ਮਿਥਿਲਗ੍ਗਹਂ॥
Nimantayittha rājānaṃ, vedehaṃ mithilaggahaṃ.
੨੦੪.
204.
ਏਹਿਮਂ ਰਥਮਾਰੁਯ੍ਹ, ਰਾਜਸੇਟ੍ਠ ਦਿਸਮ੍ਪਤਿ।
Ehimaṃ rathamāruyha, rājaseṭṭha disampati;
ਦੇવਾ ਦਸ੍ਸਨਕਾਮਾ ਤੇ, ਤਾવਤਿਂਸਾ ਸਇਨ੍ਦਕਾ।
Devā dassanakāmā te, tāvatiṃsā saindakā;
ਸਰਮਾਨਾ ਹਿ ਤੇ ਦੇવਾ, ਸੁਧਮ੍ਮਾਯਂ ਸਮਚ੍ਛਰੇ॥
Saramānā hi te devā, sudhammāyaṃ samacchare.
੨੦੫.
205.
ਤਂ ਦੇવਾ ਪਟਿਨਨ੍ਦਿਂਸੁ, ਦਿਸ੍વਾ ਰਾਜਾਨਮਾਗਤਂ॥
Taṃ devā paṭinandiṃsu, disvā rājānamāgataṃ.
੨੦੬.
206.
ਸ੍વਾਗਤਂ ਤੇ ਮਹਾਰਾਜ, ਅਥੋ ਤੇ ਅਦੁਰਾਗਤਂ।
Svāgataṃ te mahārāja, atho te adurāgataṃ;
੨੦੭.
207.
ਸਕ੍ਕੋਪਿ ਪਟਿਨਨ੍ਦਿਤ੍ਥ, વੇਦੇਹਂ ਮਿਥਿਲਗ੍ਗਹਂ।
Sakkopi paṭinandittha, vedehaṃ mithilaggahaṃ;
੨੦੮.
208.
ਸਾਧੁ ਖੋਸਿ ਅਨੁਪ੍ਪਤ੍ਤੋ, ਆવਾਸਂ વਸવਤ੍ਤਿਨਂ।
Sādhu khosi anuppatto, āvāsaṃ vasavattinaṃ;
વਸ ਦੇવੇਸੁ ਰਾਜੀਸਿ, ਸਬ੍ਬਕਾਮਸਮਿਦ੍ਧਿਸੁ।
Vasa devesu rājīsi, sabbakāmasamiddhisu;
ਤਾવਤਿਂਸੇਸੁ ਦੇવੇਸੁ, ਭੁਞ੍ਜ ਕਾਮੇ ਅਮਾਨੁਸੇ॥
Tāvatiṃsesu devesu, bhuñja kāme amānuse.
੨੦੯.
209.
ਅਹਂ ਪੁਰੇ ਸਗ੍ਗਗਤੋ ਰਮਾਮਿ, ਨਚ੍ਚੇਹਿ ਗੀਤੇਹਿ ਚ વਾਦਿਤੇਹਿ।
Ahaṃ pure saggagato ramāmi, naccehi gītehi ca vāditehi;
ਸੋ ਦਾਨਿ ਅਜ੍ਜ ਨ ਰਮਾਮਿ ਸਗ੍ਗੇ, ਆਯੁਂ ਨੁ ਖੀਣੋ 13 ਮਰਣਂ ਨੁ ਸਨ੍ਤਿਕੇ।
So dāni ajja na ramāmi sagge, āyuṃ nu khīṇo 14 maraṇaṃ nu santike;
ਉਦਾਹੁ ਮੂਲ਼੍ਹੋਸ੍ਮਿ ਜਨਿਨ੍ਦਸੇਟ੍ਠ॥
Udāhu mūḷhosmi janindaseṭṭha.
੨੧੦.
210.
੨੧੧.
211.
વਸ ਦੇવਾਨੁਭਾવੇਨ, ਰਾਜਸੇਟ੍ਠ ਦਿਸਮ੍ਪਤਿ।
Vasa devānubhāvena, rājaseṭṭha disampati;
ਤਾવਤਿਂਸੇਸੁ ਦੇવੇਸੁ, ਭੁਞ੍ਜ ਕਾਮੇ ਅਮਾਨੁਸੇ॥
Tāvatiṃsesu devesu, bhuñja kāme amānuse.
੨੧੨.
212.
ਯਥਾ ਯਾਚਿਤਕਂ ਯਾਨਂ, ਯਥਾ ਯਾਚਿਤਕਂ ਧਨਂ।
Yathā yācitakaṃ yānaṃ, yathā yācitakaṃ dhanaṃ;
ਏવਂ ਸਮ੍ਪਦਮੇવੇਤਂ, ਯਂ ਪਰਤੋ ਦਾਨਪਚ੍ਚਯਾ॥
Evaṃ sampadamevetaṃ, yaṃ parato dānapaccayā.
੨੧੩.
213.
ਨ ਚਾਹਮੇਤਮਿਚ੍ਛਾਮਿ, ਯਂ ਪਰਤੋ ਦਾਨਪਚ੍ਚਯਾ।
Na cāhametamicchāmi, yaṃ parato dānapaccayā;
੨੧੪.
214.
ਸੋਹਂ ਗਨ੍ਤ੍વਾ ਮਨੁਸ੍ਸੇਸੁ, ਕਾਹਾਮਿ ਕੁਸਲਂ ਬਹੁਂ।
Sohaṃ gantvā manussesu, kāhāmi kusalaṃ bahuṃ;
ਦਾਨੇਨ ਸਮਚਰਿਯਾਯ, ਸਂਯਮੇਨ ਦਮੇਨ ਚ।
Dānena samacariyāya, saṃyamena damena ca;
ਯਂ ਕਤ੍વਾ ਸੁਖਿਤੋ ਹੋਤਿ, ਨ ਚ ਪਚ੍ਛਾਨੁਤਪ੍ਪਤਿ॥
Yaṃ katvā sukhito hoti, na ca pacchānutappati.
੨੧੫.
215.
ਇਮਾਨਿ ਤਾਨਿ ਖੇਤ੍ਤਾਨਿ, ਇਮਂ ਨਿਕ੍ਖਂ ਸੁਕੁਣ੍ਡਲਂ।
Imāni tāni khettāni, imaṃ nikkhaṃ sukuṇḍalaṃ;
ਇਮਾ ਤਾ ਹਰਿਤਾਨੂਪਾ, ਇਮਾ ਨਜ੍ਜੋ ਸવਨ੍ਤਿਯੋ॥
Imā tā haritānūpā, imā najjo savantiyo.
੨੧੬.
216.
ਮਨ੍ਦਾਲਕੇਹਿ ਸਞ੍ਛਨ੍ਨਾ, ਪਦੁਮੁਪ੍ਪਲਕੇਹਿ ਚ।
Mandālakehi sañchannā, padumuppalakehi ca;
ਯਸ੍ਸਿਮਾਨਿ ਮਮਾਯਿਂਸੁ, ਕਿਂ ਨੁ ਤੇ ਦਿਸਤਂ ਗਤਾ॥
Yassimāni mamāyiṃsu, kiṃ nu te disataṃ gatā.
੨੧੭.
217.
ਤਾਨੀਧ ਖੇਤ੍ਤਾਨਿ ਸੋ ਭੂਮਿਭਾਗੋ, ਤੇਯੇવ ਆਰਾਮવਨੁਪਚਾਰਾ 27।
Tānīdha khettāni so bhūmibhāgo, teyeva ārāmavanupacārā 28;
ਤਮੇવ ਮਯ੍ਹਂ ਜਨਤਂ ਅਪਸ੍ਸਤੋ, ਸੁਞ੍ਞਂવ ਮੇ ਨਾਰਦ ਖਾਯਤੇ ਦਿਸਾ॥
Tameva mayhaṃ janataṃ apassato, suññaṃva me nārada khāyate disā.
੨੧੮.
218.
ਦਿਟ੍ਠਾ ਮਯਾ વਿਮਾਨਾਨਿ, ਓਭਾਸੇਨ੍ਤਾ ਚਤੁਦ੍ਦਿਸਾ।
Diṭṭhā mayā vimānāni, obhāsentā catuddisā;
ਸਮ੍ਮੁਖਾ ਦੇવਰਾਜਸ੍ਸ, ਤਿਦਸਾਨਞ੍ਚ ਸਮ੍ਮੁਖਾ॥
Sammukhā devarājassa, tidasānañca sammukhā.
੨੧੯.
219.
ਤਾવਤਿਂਸੇਸੁ ਦੇવੇਸੁ, ਸਬ੍ਬਕਾਮਸਮਿਦ੍ਧਿਸੁ॥
Tāvatiṃsesu devesu, sabbakāmasamiddhisu.
੨੨੦.
220.
ਸੋਹਂ ਏਤਾਦਿਸਂ ਹਿਤ੍વਾ, ਪੁਞ੍ਞਾਯਮ੍ਹਿ ਇਧਾਗਤੋ।
Sohaṃ etādisaṃ hitvā, puññāyamhi idhāgato;
ਧਮ੍ਮਮੇવ ਚਰਿਸ੍ਸਾਮਿ, ਨਾਹਂ ਰਜ੍ਜੇਨ ਅਤ੍ਥਿਕੋ॥
Dhammameva carissāmi, nāhaṃ rajjena atthiko.
੨੨੧.
221.
ਅਦਣ੍ਡਾવਚਰਂ ਮਗ੍ਗਂ, ਸਮ੍ਮਾਸਮ੍ਬੁਦ੍ਧਦੇਸਿਤਂ।
Adaṇḍāvacaraṃ maggaṃ, sammāsambuddhadesitaṃ;
ਤਂ ਮਗ੍ਗਂ ਪਟਿਪਜ੍ਜਿਸ੍ਸਂ, ਯੇਨ ਗਚ੍ਛਨ੍ਤਿ ਸੁਬ੍ਬਤਾਤਿ॥
Taṃ maggaṃ paṭipajjissaṃ, yena gacchanti subbatāti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੯੪] ੧੧. ਸਾਧਿਨਜਾਤਕવਣ੍ਣਨਾ • [494] 11. Sādhinajātakavaṇṇanā
