Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[494] 11. саад̇хинаж̇аад̇агаван̣н̣анаа

[494] 11. Sādhinajātakavaṇṇanā

аб̣бхуд̇о вад̇а логасминд̇и ид̣̇ам̣ сад̇т̇аа ж̇зд̇аванз вихаранд̇о убосат̇игз убаасагз аараб̣бха гат̇зси. д̇ад̣̇аа хи сад̇т̇аа ‘‘убаасагаа бораан̣агабан̣д̣ид̇аа ад̇д̇ано убосат̇агаммам̣ ниссааяа мануссасарийрзнзва д̣̇звалогам̣ г̇анд̇ваа жирам̣ васим̣суу’’д̇и вад̇ваа д̇зхи яаажид̇о ад̇ийд̇ам̣ аахари.

Abbhutovata lokasminti idaṃ satthā jetavane viharanto uposathike upāsake ārabbha kathesi. Tadā hi satthā ‘‘upāsakā porāṇakapaṇḍitā attano uposathakammaṃ nissāya manussasarīreneva devalokaṃ gantvā ciraṃ vasiṃsū’’ti vatvā tehi yācito atītaṃ āhari.

ад̇ийд̇з мит̇илааяам̣ саад̇хино наама рааж̇аа д̇хаммзна раж̇ж̇ам̣ гаарзси. со жад̇уусу наг̇арад̣̇ваарзсу наг̇арамаж̇жхз нивзсанад̣̇ваарз жаад̇и ча д̣̇аанасаалааяо гаарзд̇ваа сагалаж̇амб̣уд̣̇ийбам̣ уннан̇г̇алам̣ гад̇ваа махаад̣̇аанам̣ бавад̇д̇зси, д̣̇звасигам̣ ча сад̇асахассаани ваяагаран̣ам̣ г̇ажчанд̇и, бан̃жа сийлаани рагкад̇и, убосат̇ам̣ убавасад̇и. радтаваасиноби д̇асса оваад̣̇з тад̇ваа д̣̇аанаад̣̇ийни бун̃н̃аани гад̇ваа мад̇амад̇аа д̣̇званаг̇арзязва ниб̣б̣ад̇д̇им̣су. суд̇хаммад̣̇звасабхам̣ буурзд̇ваа нисиннаа д̣̇зваа ран̃н̃о сийлаад̣̇иг̇ун̣амзва ван̣н̣аяанд̇и. д̇ам̣ суд̇ваа сзсад̣̇звааби рааж̇аанам̣ д̣̇адтугаамаа ахзсум̣. сагго д̣̇зварааж̇аа д̇зсам̣ манам̣ вид̣̇ид̇ваа ааха – ‘‘саад̇хинарааж̇аанам̣ д̣̇адтугаамад̇т̇аа’’д̇и. ‘‘аама д̣̇зваа’’д̇и. со маад̇алим̣ аан̣аабзси ‘‘г̇ажча д̇вам̣ взж̇аяанд̇арат̇ам̣ яож̇зд̇ваа саад̇хинарааж̇аанам̣ аанзхий’’д̇и. со ‘‘саад̇хуу’’д̇и самбадижчид̇ваа рат̇ам̣ яож̇зд̇ваа вид̣̇зхарадтам̣ аг̇амааси, д̇ад̣̇аа бун̣н̣амад̣̇ивасо ход̇и. маад̇али мануссаанам̣ сааяамаасам̣ бхун̃ж̇ид̇ваа гхарад̣̇ваарзсу сукагат̇ааяа нисиннагаалз жанд̣̇аман̣д̣алзна сад̣̇д̇хим̣ рат̇ам̣ бзсзси. мануссаа ‘‘д̣̇вз жанд̣̇аа удтид̇аа’’д̇и вад̣̇анд̇аа буна жанд̣̇аман̣д̣алам̣ охааяа рат̇ам̣ ааг̇ажчанд̇ам̣ д̣̇исваа ‘‘нааяам̣ жанд̣̇о, рат̇о зсо, д̣̇звабуд̇д̇о бан̃н̃ааяад̇и, гассзса зд̇ам̣ маномаяасинд̇хаваяуд̇д̇ам̣ д̣̇иб̣б̣арат̇ам̣ аанзд̇и, на ан̃н̃асса, амхаагам̣ ран̃н̃о бхависсад̇и, рааж̇аа хи но д̇хаммиго д̇хаммарааж̇аа’’д̇и соманассаж̇аад̇аа худ̇ваа ан̃ж̇алим̣ баг̇г̇аяха тид̇аа батамам̣ г̇аат̇амаахам̣су –

Atīte mithilāyaṃ sādhino nāma rājā dhammena rajjaṃ kāresi. So catūsu nagaradvāresu nagaramajjhe nivesanadvāre cāti cha dānasālāyo kāretvā sakalajambudīpaṃ unnaṅgalaṃ katvā mahādānaṃ pavattesi, devasikaṃ cha satasahassāni vayakaraṇaṃ gacchanti, pañca sīlāni rakkhati, uposathaṃ upavasati. Raṭṭhavāsinopi tassa ovāde ṭhatvā dānādīni puññāni katvā matamatā devanagareyeva nibbattiṃsu. Sudhammadevasabhaṃ pūretvā nisinnā devā rañño sīlādiguṇameva vaṇṇayanti. Taṃ sutvā sesadevāpi rājānaṃ daṭṭhukāmā ahesuṃ. Sakko devarājā tesaṃ manaṃ viditvā āha – ‘‘sādhinarājānaṃ daṭṭhukāmatthā’’ti. ‘‘Āma devā’’ti. So mātaliṃ āṇāpesi ‘‘gaccha tvaṃ vejayantarathaṃ yojetvā sādhinarājānaṃ ānehī’’ti. So ‘‘sādhū’’ti sampaṭicchitvā rathaṃ yojetvā videharaṭṭhaṃ agamāsi, tadā puṇṇamadivaso hoti. Mātali manussānaṃ sāyamāsaṃ bhuñjitvā gharadvāresu sukhakathāya nisinnakāle candamaṇḍalena saddhiṃ rathaṃ pesesi. Manussā ‘‘dve candā uṭṭhitā’’ti vadantā puna candamaṇḍalaṃ ohāya rathaṃ āgacchantaṃ disvā ‘‘nāyaṃ cando, ratho eso, devaputto paññāyati, kassesa etaṃ manomayasindhavayuttaṃ dibbarathaṃ āneti, na aññassa, amhākaṃ rañño bhavissati, rājā hi no dhammiko dhammarājā’’ti somanassajātā hutvā añjaliṃ paggayha ṭhitā paṭhamaṃ gāthamāhaṃsu –

202.

‘‘аб̣бхуд̇о вад̇а логасмим̣, уббаж̇ж̇и ломахам̣сано;

‘‘Abbhuto vata lokasmiṃ, uppajji lomahaṃsano;

д̣̇иб̣б̣о рат̇о баад̇ураху, взд̣̇зхасса яасассино’’д̇и.

Dibbo ratho pāturahu, vedehassa yasassino’’ti.

д̇ассад̇т̇о – аб̣бхуд̇о вад̇зса амхаагам̣ рааж̇аа, логасмим̣ ломахам̣сано уббаж̇ж̇и, яасса д̣̇иб̣б̣о рат̇о баад̇урахоси взд̣̇зхасса яасассинод̇и.

Tassattho – abbhuto vatesa amhākaṃ rājā, lokasmiṃ lomahaṃsano uppajji, yassa dibbo ratho pāturahosi vedehassa yasassinoti.

маад̇алибиз д̇ам̣ рат̇ам̣ аанзд̇ваа мануссзсу г̇анд̇хамаалаад̣̇ийхи бууж̇знд̇зсу д̇игкад̇д̇ум̣ наг̇арам̣ бад̣̇агкин̣ам̣ гад̇ваа ран̃н̃о нивзсанад̣̇ваарам̣ г̇анд̇ваа рат̇ам̣ нивад̇д̇зд̇ваа бажчаабхааг̇зна сийхабан̃ж̇арауммаарз табзд̇ваа аарохан̣асаж̇ж̇ам̣ гад̇ваа адтааси. д̇ам̣ д̣̇ивасам̣ рааж̇ааби д̣̇аанасаалааяо ологзд̇ваа ‘‘иминаа нияаамзна д̣̇аанам̣ д̣̇зт̇аа’’д̇и аан̣аабзд̇ваа убосат̇ам̣ самаад̣̇ияид̇ваа д̣̇ивасам̣ вийд̇инаамзд̇ваа амажжаг̇ан̣абаривуд̇о алан̇гад̇амахаад̇алз баажийнасийхабан̃ж̇араабхимуко д̇хаммаяуд̇д̇ам̣ гат̇знд̇о нисинно ход̇и. ат̇а нам̣ маад̇али рат̇аабхируханад̇т̇ам̣ ниманд̇зд̇ваа аад̣̇ааяа аг̇амааси. д̇амад̇т̇ам̣ багаасзнд̇о сад̇т̇аа имаа г̇аат̇аа абхааси –

Mātalipie taṃ rathaṃ ānetvā manussesu gandhamālādīhi pūjentesu tikkhattuṃ nagaraṃ padakkhiṇaṃ katvā rañño nivesanadvāraṃ gantvā rathaṃ nivattetvā pacchābhāgena sīhapañjaraummāre ṭhapetvā ārohaṇasajjaṃ katvā aṭṭhāsi. Taṃ divasaṃ rājāpi dānasālāyo oloketvā ‘‘iminā niyāmena dānaṃ dethā’’ti āṇāpetvā uposathaṃ samādiyitvā divasaṃ vītināmetvā amaccagaṇaparivuto alaṅkatamahātale pācīnasīhapañjarābhimukho dhammayuttaṃ kathento nisinno hoti. Atha naṃ mātali rathābhiruhanatthaṃ nimantetvā ādāya agamāsi. Tamatthaṃ pakāsento satthā imā gāthā abhāsi –

203.

‘‘д̣̇звабуд̇д̇о махид̣̇д̇хиго, маад̇али д̣̇звасаарат̇и;

‘‘Devaputto mahiddhiko, mātali devasārathi;

ниманд̇аяид̇т̇а рааж̇аанам̣, взд̣̇зхам̣ мит̇илаг̇г̇ахам̣.

Nimantayittha rājānaṃ, vedehaṃ mithilaggahaṃ.

204.

‘‘зхимам̣ рат̇амааруяха, рааж̇асздта д̣̇исамбад̇и;

‘‘Ehimaṃ rathamāruyha, rājaseṭṭha disampati;

д̣̇зваа д̣̇ассанагаамаа д̇з, д̇аавад̇им̣саа саинд̣̇агаа;

Devā dassanakāmā te, tāvatiṃsā saindakā;

сарамаанаа хи д̇з д̣̇зваа, суд̇хаммааяам̣ самажчарз.

Saramānā hi te devā, sudhammāyaṃ samacchare.

205.

‘‘д̇ад̇о жа рааж̇аа саад̇хино, взд̣̇зхо мит̇илаг̇г̇ахо;

‘‘Tato ca rājā sādhino, vedeho mithilaggaho;

сахассаяуд̇д̇амааруяха, аг̇аа д̣̇зваана санд̇игз;

Sahassayuttamāruyha, agā devāna santike;

д̇ам̣ д̣̇зваа бадинанд̣̇им̣су, д̣̇исваа рааж̇аанамааг̇ад̇ам̣.

Taṃ devā paṭinandiṃsu, disvā rājānamāgataṃ.

206.

‘‘свааг̇ад̇ам̣ д̇з махаарааж̇а, ат̇о д̇з ад̣̇урааг̇ад̇ам̣;

‘‘Svāgataṃ te mahārāja, atho te adurāgataṃ;

нисийд̣̇а д̣̇аани рааж̇ийси, д̣̇зварааж̇асса санд̇игз.

Nisīda dāni rājīsi, devarājassa santike.

207.

‘‘саггоби бадинанд̣̇ид̇т̇а, взд̣̇зхам̣ мит̇илаг̇г̇ахам̣;

‘‘Sakkopi paṭinandittha, vedehaṃ mithilaggahaṃ;

ниманд̇аяид̇т̇а гаамзхи, аасанзна жа ваасаво.

Nimantayittha kāmehi, āsanena ca vāsavo.

208.

‘‘саад̇ху коси ануббад̇д̇о, ааваасам̣ васавад̇д̇инам̣;

‘‘Sādhu khosi anuppatto, āvāsaṃ vasavattinaṃ;

васа д̣̇звзсу рааж̇ийси, саб̣б̣агаамасамид̣̇д̇хису;

Vasa devesu rājīsi, sabbakāmasamiddhisu;

д̇аавад̇им̣сзсу д̣̇звзсу, бхун̃ж̇а гаамз амаанусз’’д̇и.

Tāvatiṃsesu devesu, bhuñja kāme amānuse’’ti.

д̇ад̇т̇а самажчарзд̇и ажчанд̇и. аг̇аа д̣̇зваана санд̇игзд̇и д̣̇зваанам̣ санд̇игам̣ аг̇амааси. д̇асмин̃хи рат̇ам̣ абхирухид̇ваа тид̇з рат̇о аагаасам̣ багканд̣̇и, со махааж̇анасса ологзнд̇ассзва анд̇арад̇хааяи. маад̇али рааж̇аанам̣ д̣̇звалогам̣ нзси . д̇ам̣ д̣̇исваа д̣̇звад̇аа жа сагго жа хадтад̇удтаа бажжуг̇г̇аманам̣ гад̇ваа бадисант̇аарам̣ гарим̣су. д̇амад̇т̇ам̣ д̣̇ассзд̇ум̣ ‘‘д̇ам̣ д̣̇зваа’’д̇иаад̣̇и вуд̇д̇ам̣. д̇ад̇т̇а бадинанд̣̇им̣сууд̇и бунаббунам̣ нанд̣̇им̣су. аасанзна жаад̇и рааж̇аанам̣ аалин̇г̇ид̇ваа ‘‘ид̇ха нисийд̣̇аа’’д̇и ад̇д̇ано бан̣д̣угамб̣аласилаасанзна жа гаамзхи жа ниманд̇зси, убад̣дхараж̇ж̇ам̣ д̣̇ад̇ваа згаасанз нисийд̣̇аабзсийд̇и ад̇т̇о.

Tattha samacchareti acchanti. Agā devāna santiketi devānaṃ santikaṃ agamāsi. Tasmiñhi rathaṃ abhiruhitvā ṭhite ratho ākāsaṃ pakkhandi, so mahājanassa olokentasseva antaradhāyi. Mātali rājānaṃ devalokaṃ nesi . Taṃ disvā devatā ca sakko ca haṭṭhatuṭṭhā paccuggamanaṃ katvā paṭisanthāraṃ kariṃsu. Tamatthaṃ dassetuṃ ‘‘taṃ devā’’tiādi vuttaṃ. Tattha paṭinandiṃsūti punappunaṃ nandiṃsu. Āsanena cāti rājānaṃ āliṅgitvā ‘‘idha nisīdā’’ti attano paṇḍukambalasilāsanena ca kāmehi ca nimantesi, upaḍḍharajjaṃ datvā ekāsane nisīdāpesīti attho.

д̇ад̇т̇а саггзна д̣̇зваран̃н̃аа д̣̇асаяож̇анасахассам̣ д̣̇званаг̇арам̣ ад̣дхад̇ияаа жа ажчараагодияо взж̇аяанд̇абаасаад̣̇ан̃жа маж̇жхз бхинд̣̇ид̇ваа д̣̇иннам̣ самбад̇д̇им̣ анубхаванд̇асса мануссаг̇ан̣анааяа сад̇д̇а вассасад̇аани ад̇игганд̇аани. д̇знад̇д̇абхаавзна д̣̇звалогз васанагам̣ бун̃н̃ам̣ кийн̣ам̣, анабхирад̇и уббаннаа, д̇асмаа саггзна сад̣̇д̇хим̣ саллабанд̇о г̇аат̇амааха –

Tattha sakkena devaraññā dasayojanasahassaṃ devanagaraṃ aḍḍhatiyā ca accharākoṭiyo vejayantapāsādañca majjhe bhinditvā dinnaṃ sampattiṃ anubhavantassa manussagaṇanāya satta vassasatāni atikkantāni. Tenattabhāvena devaloke vasanakaṃ puññaṃ khīṇaṃ, anabhirati uppannā, tasmā sakkena saddhiṃ sallapanto gāthamāha –

209.

‘‘ахам̣ бурз саг̇г̇аг̇ад̇о рамаами, нажжзхи г̇ийд̇зхи жа ваад̣̇ид̇зхи;

‘‘Ahaṃ pure saggagato ramāmi, naccehi gītehi ca vāditehi;

со д̣̇аани аж̇ж̇а на рамаами саг̇г̇з, ааяум̣ ну кийн̣о маран̣ам̣ ну санд̇игз;

So dāni ajja na ramāmi sagge, āyuṃ nu khīṇo maraṇaṃ nu santike;

уд̣̇ааху муул̣хосми ж̇анинд̣̇асздтаа’’д̇и.

Udāhu mūḷhosmi janindaseṭṭhā’’ti.

д̇ад̇т̇а ааяум̣ ну кийн̣од̇и гим̣ ну мама сарасзна ж̇ийвид̇инд̣̇рияам̣ кийн̣ам̣, уд̣̇ааху убажчзд̣̇агагаммавасзна маран̣ам̣ санд̇игз ж̇аад̇анд̇и бужчад̇и. ж̇анинд̣̇асздтаад̇и ж̇анинд̣̇аанам̣ д̣̇зваанам̣ сздта.

Tattha āyuṃ nu khīṇoti kiṃ nu mama sarasena jīvitindriyaṃ khīṇaṃ, udāhu upacchedakakammavasena maraṇaṃ santike jātanti pucchati. Janindaseṭṭhāti janindānaṃ devānaṃ seṭṭha.

ат̇а нам̣ сагго ааха –

Atha naṃ sakko āha –

210.

‘‘на д̇ааяу кийн̣ам̣ маран̣ан̃жа д̣̇уурз, на жааби муул̣хо наравийрасздта;

‘‘Na tāyu khīṇaṃ maraṇañca dūre, na cāpi mūḷho naravīraseṭṭha;

д̇уяхан̃жа бун̃н̃аани барид̇д̇агаани, язсам̣ вибаагам̣ ид̇ха взд̣̇аяид̇т̇о.

Tuyhañca puññāni parittakāni, yesaṃ vipākaṃ idha vedayittho.

211.

‘‘васа д̣̇зваанубхаавзна, рааж̇асздта д̣̇исамбад̇и;

‘‘Vasa devānubhāvena, rājaseṭṭha disampati;

д̇аавад̇им̣сзсу д̣̇звзсу, бхун̃ж̇а гаамз амаанусз’’д̇и.

Tāvatiṃsesu devesu, bhuñja kāme amānuse’’ti.

д̇ад̇т̇а ‘‘барид̇д̇агааний’’д̇и ид̣̇ам̣ д̇зна ад̇д̇абхаавзна д̣̇звалогз вибаагад̣̇ааяагаани бун̃н̃аани санд̇хааяа вуд̇д̇ам̣, ид̇араани банасса бун̃н̃аани бат̇авияам̣ бам̣су вияа аббамаан̣аани. васа д̣̇зваанубхаавзнаад̇и ахам̣ д̇з ад̇д̇ано бун̃н̃аани маж̇жхз бхинд̣̇ид̇ваа д̣̇ассаами, мамаанубхаавзна васаад̇и д̇ам̣ самассаасзнд̇о ааха.

Tattha ‘‘parittakānī’’ti idaṃ tena attabhāvena devaloke vipākadāyakāni puññāni sandhāya vuttaṃ, itarāni panassa puññāni pathaviyaṃ paṃsu viya appamāṇāni. Vasa devānubhāvenāti ahaṃ te attano puññāni majjhe bhinditvā dassāmi, mamānubhāvena vasāti taṃ samassāsento āha.

ат̇а нам̣ бадигкибанд̇о махаасад̇д̇о ааха –

Atha naṃ paṭikkhipanto mahāsatto āha –

212.

‘‘яат̇аа яаажид̇агам̣ яаанам̣, яат̇аа яаажид̇агам̣ д̇ханам̣;

‘‘Yathā yācitakaṃ yānaṃ, yathā yācitakaṃ dhanaṃ;

звам̣самбад̣̇амзвзд̇ам̣, яам̣ барад̇о д̣̇аанабажжаяаа.

Evaṃsampadamevetaṃ, yaṃ parato dānapaccayā.

213.

‘‘на жаахамзд̇амижчаами, яам̣ барад̇о д̣̇аанабажжаяаа;

‘‘Na cāhametamicchāmi, yaṃ parato dānapaccayā;

саяам̣гад̇аани бун̃н̃аани, д̇ам̣ мз аавзн̣игам̣ д̇ханам̣.

Sayaṃkatāni puññāni, taṃ me āveṇikaṃ dhanaṃ.

214.

‘‘сохам̣ г̇анд̇ваа мануссзсу, гаахаами гусалам̣ б̣ахум̣;

‘‘Sohaṃ gantvā manussesu, kāhāmi kusalaṃ bahuṃ;

д̣̇аанзна самажарияааяа, сам̣яамзна д̣̇амзна жа;

Dānena samacariyāya, saṃyamena damena ca;

яам̣ гад̇ваа сукид̇о ход̇и, на жа бажчаануд̇аббад̇ий’’д̇и.

Yaṃ katvā sukhito hoti, na ca pacchānutappatī’’ti.

д̇ад̇т̇а яам̣ барад̇о д̣̇аанабажжаяаад̇и яам̣ барзна д̣̇иннад̇д̇аа лаб̣бхад̇и, д̇ам̣ яаажид̇агасад̣̇исамзва ход̇и. яаажид̇аган̃хи д̇удтагаалз д̣̇знд̇и, ад̇удтагаалз ажчинд̣̇ид̇ваа г̇ан̣ханд̇ийд̇и вад̣̇ад̇и. самажарияааяаад̇и гааяаад̣̇ийхи баабасса агаран̣зна. сам̣яамзнаад̇и сийласам̣яамзна. д̣̇амзнаад̇и инд̣̇рияад̣̇аманзна. яам̣ гад̇ваад̇и яам̣ гарид̇ваа сукид̇о жзва ход̇и на жа бажчаануд̇аббад̇и, д̇ат̇ааруубамзва гаммам̣ гариссаамийд̇и.

Tattha yaṃ parato dānapaccayāti yaṃ parena dinnattā labbhati, taṃ yācitakasadisameva hoti. Yācitakañhi tuṭṭhakāle denti, atuṭṭhakāle acchinditvā gaṇhantīti vadati. Samacariyāyāti kāyādīhi pāpassa akaraṇena. Saṃyamenāti sīlasaṃyamena. Damenāti indriyadamanena. Yaṃ katvāti yaṃ karitvā sukhito ceva hoti na ca pacchānutappati, tathārūpameva kammaṃ karissāmīti.

ат̇асса важанам̣ суд̇ваа сагго маад̇алим̣ аан̣аабзси ‘‘г̇ажча, д̇аад̇а, саад̇хинарааж̇аанам̣ мит̇илам̣ нзд̇ваа уяяаанз од̇аарзхий’’д̇и. со д̇ат̇аа агааси. рааж̇аа уяяаанз жан̇гамад̇и. ат̇а нам̣ уяяаанабаало д̣̇исваа бужчид̇ваа г̇анд̇ваа наарад̣̇аран̃н̃о аарожзси. со ран̃н̃о ааг̇ад̇абхаавам̣ суд̇ваа ‘‘д̇вам̣ бурад̇о г̇анд̇ваа уяяаанам̣ саж̇ж̇зд̇ваа д̇асса жа маяхан̃жа д̣̇вз аасанаани бан̃н̃аабзхий’’д̇и уяяаанабаалам̣ уяяож̇зси. со д̇ат̇аа агааси. ат̇а нам̣ рааж̇аа бужчи ‘‘гасса д̣̇вз аасанаани бан̃н̃аабзсий’’д̇и? ‘‘згам̣ д̇умхаагам̣, згам̣ амхаагам̣ ран̃н̃о’’д̇и. ат̇а нам̣ рааж̇аа ‘‘го ан̃н̃о сад̇д̇о мама санд̇игз аасанз нисийд̣̇иссад̇ий’’д̇и вад̇ваа згасмим̣ нисийд̣̇ид̇ваа згасмим̣ баад̣̇з табзси. наарад̣̇арааж̇аа ааг̇анд̇ваа д̇асса баад̣̇з ванд̣̇ид̇ваа згаманд̇ам̣ нисийд̣̇и. со гирасса сад̇д̇амо банад̇д̇аа. д̇ад̣̇аа гира вассасад̇ааяугагаалова ход̇и. махаасад̇д̇о бана ад̇д̇ано бун̃н̃аб̣алзна зд̇д̇агам̣ гаалам̣ вийд̇инаамзси. со наарад̣̇ам̣ хад̇т̇з г̇ахзд̇ваа уяяаанз вижаранд̇о д̇иссо г̇аат̇аа абхааси –

Athassa vacanaṃ sutvā sakko mātaliṃ āṇāpesi ‘‘gaccha, tāta, sādhinarājānaṃ mithilaṃ netvā uyyāne otārehī’’ti. So tathā akāsi. Rājā uyyāne caṅkamati. Atha naṃ uyyānapālo disvā pucchitvā gantvā nāradarañño ārocesi. So rañño āgatabhāvaṃ sutvā ‘‘tvaṃ purato gantvā uyyānaṃ sajjetvā tassa ca mayhañca dve āsanāni paññāpehī’’ti uyyānapālaṃ uyyojesi. So tathā akāsi. Atha naṃ rājā pucchi ‘‘kassa dve āsanāni paññāpesī’’ti? ‘‘Ekaṃ tumhākaṃ, ekaṃ amhākaṃ rañño’’ti. Atha naṃ rājā ‘‘ko añño satto mama santike āsane nisīdissatī’’ti vatvā ekasmiṃ nisīditvā ekasmiṃ pāde ṭhapesi. Nāradarājā āgantvā tassa pāde vanditvā ekamantaṃ nisīdi. So kirassa sattamo panattā. Tadā kira vassasatāyukakālova hoti. Mahāsatto pana attano puññabalena ettakaṃ kālaṃ vītināmesi. So nāradaṃ hatthe gahetvā uyyāne vicaranto tisso gāthā abhāsi –

215.

‘‘имаани д̇аани кзд̇д̇аани, имам̣ нигкам̣ сугун̣д̣алам̣;

‘‘Imāni tāni khettāni, imaṃ nikkhaṃ sukuṇḍalaṃ;

имаа д̇аа харид̇аануубаа, имаа наж̇ж̇о саванд̇ияо.

Imā tā haritānūpā, imā najjo savantiyo.

216.

‘‘имаа д̇аа богкаран̣ий раммаа, жаггаваагабагууж̇ид̇аа;

‘‘Imā tā pokkharaṇī rammā, cakkavākapakūjitā;

манд̣̇аалагзхи сан̃чаннаа, бад̣̇умуббалагзхи жа;

Mandālakehi sañchannā, padumuppalakehi ca;

яассимаани мамааяим̣су, гим̣ ну д̇з д̣̇исад̇ам̣ г̇ад̇аа.

Yassimāni mamāyiṃsu, kiṃ nu te disataṃ gatā.

217.

‘‘д̇аанийд̇ха кзд̇д̇аани со бхуумибхааг̇о, д̇зязва аараамавануубажаараа;

‘‘Tānīdha khettāni so bhūmibhāgo, teyeva ārāmavanūpacārā;

д̇амзва маяхам̣ ж̇анад̇ам̣ абассад̇о, сун̃н̃ам̣ва мз наарад̣̇а кааяад̇з д̣̇исаа’’д̇и.

Tameva mayhaṃ janataṃ apassato, suññaṃva me nārada khāyate disā’’ti.

д̇ад̇т̇а кзд̇д̇аанийд̇и бхуумибхааг̇з санд̇хааяааха. имам̣ нигканд̇и имам̣ д̇аад̣̇исамзва уд̣̇аганид̣̇д̇хаманам̣. сугун̣д̣аланд̇и собханзна мусалабавзсанагун̣д̣алзна саманнааг̇ад̇ам̣. харид̇аануубаад̇и уд̣̇аганид̣̇д̇хаманасса убхосу бассзсу харид̇ад̇ин̣асан̃чаннаа ануубабхуумияо. яассимаани мамааяим̣сууд̇и д̇аад̇а наарад̣̇а, яз мама убадтаагаа жа ород̇хаа жа имасмим̣ уяяаанз маханд̇зна яасзна маяаа сад̣̇д̇хим̣ вижаранд̇аа имаани таанаани мамааяим̣су бияааяим̣су, гад̇арам̣ ну д̇з д̣̇исад̇ам̣ г̇ад̇аа, гад̇т̇а д̇з бзсид̇аа. д̇аанийд̇ха кзд̇д̇аанийд̇и имасмим̣ уяяаанз д̇аанзва зд̇аани убаробанагавируханадтаанаани. д̇зязва аараамавануубажаараад̇и имз д̇зязва аараамавануубажаараа, вихаарабхуумияод̇и ад̇т̇о.

Tattha khettānīti bhūmibhāge sandhāyāha. Imaṃ nikkhanti imaṃ tādisameva udakaniddhamanaṃ. Sukuṇḍalanti sobhanena musalapavesanakuṇḍalena samannāgataṃ. Haritānūpāti udakaniddhamanassa ubhosu passesu haritatiṇasañchannā anūpabhūmiyo. Yassimāni mamāyiṃsūti tāta nārada, ye mama upaṭṭhākā ca orodhā ca imasmiṃ uyyāne mahantena yasena mayā saddhiṃ vicarantā imāni ṭhānāni mamāyiṃsu piyāyiṃsu, kataraṃ nu te disataṃ gatā, kattha te pesitā. Tānīdha khettānīti imasmiṃ uyyāne tāneva etāni uparopanakaviruhanaṭṭhānāni. Teyeva ārāmavanūpacārāti ime teyeva ārāmavanūpacārā, vihārabhūmiyoti attho.

ат̇а нам̣ наарад̣̇о ааха – ‘‘д̣̇зва, д̇умхаагам̣ д̣̇звалогаг̇ад̇аанам̣ ид̣̇аани сад̇д̇а вассасад̇аани, ахам̣ во сад̇д̇амо банад̇д̇аа, д̇умхаагам̣ убадтаагаа жа ород̇хаа жа маран̣амукам̣ бад̇д̇аа, ид̣̇ам̣ во ад̇д̇ано санд̇агам̣ раж̇ж̇ам̣, анубхават̇а на’’нд̇и. рааж̇аа ‘‘д̇аад̇а наарад̣̇а, наахам̣ ид̇хааг̇ажчанд̇о раж̇ж̇ад̇т̇ааяа ааг̇ад̇о, бун̃н̃агаран̣ад̇т̇ааяамхи ааг̇ад̇о, ахам̣ бун̃н̃амзва гариссаамий’’д̇и вад̇ваа г̇аат̇аа ааха –

Atha naṃ nārado āha – ‘‘deva, tumhākaṃ devalokagatānaṃ idāni satta vassasatāni, ahaṃ vo sattamo panattā, tumhākaṃ upaṭṭhākā ca orodhā ca maraṇamukhaṃ pattā, idaṃ vo attano santakaṃ rajjaṃ, anubhavatha na’’nti. Rājā ‘‘tāta nārada, nāhaṃ idhāgacchanto rajjatthāya āgato, puññakaraṇatthāyamhi āgato, ahaṃ puññameva karissāmī’’ti vatvā gāthā āha –

218.

‘‘д̣̇идтаа маяаа вимаанаани, обхаасзнд̇аа жад̇уд̣̇д̣̇исаа;

‘‘Diṭṭhā mayā vimānāni, obhāsentā catuddisā;

саммукаа д̣̇зварааж̇асса, д̇ид̣̇асаанан̃жа саммукаа.

Sammukhā devarājassa, tidasānañca sammukhā.

219.

‘‘вуд̇т̇ам̣ мз бхаванам̣ д̣̇иб̣яам̣, бхуд̇д̇аа гаамаа амаанусаа;

‘‘Vutthaṃ me bhavanaṃ dibyaṃ, bhuttā kāmā amānusā;

д̇аавад̇им̣сзсу д̣̇звзсу, саб̣б̣агаамасамид̣̇д̇хису.

Tāvatiṃsesu devesu, sabbakāmasamiddhisu.

220.

‘‘сохам̣ зд̇аад̣̇исам̣ хид̇ваа, бун̃н̃ааяамхи ид̇хааг̇ад̇о;

‘‘Sohaṃ etādisaṃ hitvā, puññāyamhi idhāgato;

д̇хаммамзва жариссаами, наахам̣ раж̇ж̇зна ад̇т̇иго.

Dhammameva carissāmi, nāhaṃ rajjena atthiko.

221.

‘‘ад̣̇ан̣д̣ааважарам̣ маг̇г̇ам̣, саммаасамб̣уд̣̇д̇хад̣̇зсид̇ам̣;

‘‘Adaṇḍāvacaraṃ maggaṃ, sammāsambuddhadesitaṃ;

д̇ам̣ маг̇г̇ам̣ бадибаж̇ж̇иссам̣, язна г̇ажчанд̇и суб̣б̣ад̇аа’’д̇и.

Taṃ maggaṃ paṭipajjissaṃ, yena gacchanti subbatā’’ti.

д̇ад̇т̇а вуд̇т̇ам̣ мз бхаванам̣ д̣̇иб̣яанд̇и взж̇аяанд̇ам̣ санд̇хааяа ааха. сохам̣ зд̇аад̣̇исанд̇и д̇аад̇а наарад̣̇а, сохам̣ б̣уд̣̇д̇хан̃аан̣зна абарижчинд̣̇анийяам̣ зваруубам̣ гаамаг̇ун̣асамбад̇д̇им̣ бахааяа бун̃н̃агаран̣ад̇т̇ааяа ид̇хааг̇ад̇о. ад̣̇ан̣д̣ааважаранд̇и ад̣̇ан̣д̣зхи нигкид̇д̇ад̣̇ан̣д̣ахад̇т̇зхи аважарид̇аб̣б̣ам̣ саммаад̣̇идтибурзгкаарам̣ адтан̇г̇игам̣ маг̇г̇ам̣. суб̣б̣ад̇аад̇и язна маг̇г̇зна суб̣б̣ад̇аа саб̣б̣ан̃н̃уб̣уд̣̇д̇хаа г̇ажчанд̇и, ахамби аг̇ад̇абуб̣б̣ам̣ д̣̇исам̣ г̇анд̇ум̣ б̣од̇хид̇алз нисийд̣̇ид̇ваа д̇амзва маг̇г̇ам̣ бадибаж̇ж̇иссаамийд̇и.

Tattha vutthaṃ me bhavanaṃ dibyanti vejayantaṃ sandhāya āha. Sohaṃ etādisanti tāta nārada, sohaṃ buddhañāṇena aparicchindanīyaṃ evarūpaṃ kāmaguṇasampattiṃ pahāya puññakaraṇatthāya idhāgato. Adaṇḍāvacaranti adaṇḍehi nikkhittadaṇḍahatthehi avacaritabbaṃ sammādiṭṭhipurekkhāraṃ aṭṭhaṅgikaṃ maggaṃ. Subbatāti yena maggena subbatā sabbaññubuddhā gacchanti, ahampi agatapubbaṃ disaṃ gantuṃ bodhitale nisīditvā tameva maggaṃ paṭipajjissāmīti.

звам̣ б̣од̇хисад̇д̇о имаа г̇аат̇ааяо саб̣б̣ан̃н̃уд̇ан̃н̃аан̣зна сан̇кибид̇ваа гат̇зси. наарад̣̇о бунаби ааха – ‘‘раж̇ж̇ам̣, д̣̇зва, анусаасаа’’д̇и. ‘‘д̇аад̇а, на мз раж̇ж̇знад̇т̇о, сад̇д̇а вассасад̇аани виг̇ад̇ам̣ д̣̇аанам̣ сад̇д̇аахзнзва д̣̇аад̇угаамамхий’’д̇и. наарад̣̇о ‘‘саад̇хуу’’д̇и д̇асса важанам̣ самбадижчид̇ваа махаад̣̇аанам̣ бадияаад̣̇зси. рааж̇аа сад̇д̇аахам̣ д̣̇аанам̣ д̣̇ад̇ваа сад̇д̇амз д̣̇ивасз гаалам̣ гад̇ваа д̇аавад̇им̣сабхаванзязва ниб̣б̣ад̇д̇и.

Evaṃ bodhisatto imā gāthāyo sabbaññutaññāṇena saṅkhipitvā kathesi. Nārado punapi āha – ‘‘rajjaṃ, deva, anusāsā’’ti. ‘‘Tāta, na me rajjenattho, satta vassasatāni vigataṃ dānaṃ sattāheneva dātukāmamhī’’ti. Nārado ‘‘sādhū’’ti tassa vacanaṃ sampaṭicchitvā mahādānaṃ paṭiyādesi. Rājā sattāhaṃ dānaṃ datvā sattame divase kālaṃ katvā tāvatiṃsabhavaneyeva nibbatti.

сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣ васид̇аб̣б̣аяуд̇д̇агам̣ убосат̇агаммам̣ наамаа’’д̇и д̣̇ассзд̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз убосат̇игзсу убаасагзсу гзжи сод̇аабад̇д̇ипалз, гзжи сагад̣̇ааг̇аамипалз, гзжи анааг̇аамипалз бад̇идтахим̣су. д̇ад̣̇аа наарад̣̇арааж̇аа саарибуд̇д̇о ахоси, маад̇али аананд̣̇о, сагго ануруд̣̇д̇хо, саад̇хинарааж̇аа бана ахамзва ахосинд̇и.

Satthā imaṃ dhammadesanaṃ āharitvā ‘‘evaṃ vasitabbayuttakaṃ uposathakammaṃ nāmā’’ti dassetvā saccāni pakāsetvā jātakaṃ samodhānesi, saccapariyosāne uposathikesu upāsakesu keci sotāpattiphale, keci sakadāgāmiphale, keci anāgāmiphale patiṭṭhahiṃsu. Tadā nāradarājā sāriputto ahosi, mātali ānando, sakko anuruddho, sādhinarājā pana ahameva ahosinti.

саад̇хинаж̇аад̇агаван̣н̣анаа згаад̣̇асамаа.

Sādhinajātakavaṇṇanā ekādasamā.

Next: [495] 12. д̣̇асаб̣раахман̣аж̇аад̇агаван̣н̣анаа • [495] 12. Dasabrāhmaṇajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 494. саад̇хинаж̇аад̇агам̣ • 494. Sādhinajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact