| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
6. сахаж̇аад̇абажжаяанид̣̇д̣̇зсаван̣н̣анаа
6. Sahajātapaccayaniddesavaṇṇanā
6. ‘‘ан̃н̃аман̃н̃ассаад̇и ан̃н̃о ан̃н̃ассаа’’д̇и бораан̣абаато. баал̣ияам̣ бана ‘‘ан̃н̃аман̃н̃ам̣ сахаж̇аад̇абажжаязна бажжаяо’’д̇и зд̇т̇а вуд̇д̇асса ‘‘ан̃н̃аман̃н̃а’’нд̇и имасса ад̇т̇о вад̇д̇аб̣б̣о , на авуд̇д̇асса ‘‘ан̃н̃аман̃н̃ассаа’’д̇и имасса, на жа самаанад̇т̇ассаби сад̣̇д̣̇анд̇арасса ад̇т̇з вуд̇д̇з сад̣̇д̣̇анд̇арасса ад̇т̇о вуд̇д̇о ход̇и, д̇асмаа ‘‘ан̃н̃аман̃н̃анд̇и ан̃н̃о ан̃н̃ассаа’’д̇и батанд̇и. огганд̇ийд̇и бан̃жавогаарабадисанд̇хиязва вужжад̇и, на ид̇араад̇и иминаа ад̇хиббааязнааха ‘‘бан̃жавогаарабхавз бадисанд̇хигкан̣з’’д̇и. руубино д̇хаммаа аруубийнам̣ д̇хаммаананд̇и ид̣̇ам̣ яад̣̇иби буб̣б̣з ‘‘огганд̇игкан̣з наамарууба’’нд̇и вуд̇д̇ам̣, д̇ат̇ааби на д̇зна кан̣анд̇арз бажжаяабхааво руубийнам̣ ниваарид̇од̇и д̇аннивааран̣ад̇т̇ам̣ вуд̇д̇ам̣. ган̃жи гаалзд̇и гзжи гисмин̃жи гаалзд̇и ваа ад̇т̇о. д̇зна руубино д̇хаммаа гзжи вад̇т̇убхууд̇аа гисмин̃жи бадисанд̇хигаалзд̇и руубанд̇араанам̣ вад̇т̇усса жа гааланд̇арз аруубийнам̣ сахаж̇аад̇абажжаяам̣ буб̣б̣з аниваарид̇ам̣ ниваарзд̇и. зван̃жа гад̇ваа ‘‘ган̃жи гаала’’нд̇и ваа ‘‘гисмин̃жи гаалз’’д̇и ваа вад̇д̇аб̣б̣з вибхад̇д̇ивибаллаасо гад̇о. д̇зна хи ‘‘ган̃жий’’д̇и убаяог̇згаважанам̣ ‘‘руубино д̇хаммаа’’д̇и зд̇зна саха самб̣анд̇хзна бажжад̇д̇аб̣ахуважанасса аад̣̇зсо, ‘‘гаалз’’д̇и иминаа самб̣анд̇хзна бхуммзгаважанассаад̇и вин̃н̃ааяад̇и. буримзна жа ‘‘зго канд̇хо вад̇т̇у жа д̇ин̣н̣аннам̣ канд̇хаана’’нд̇иаад̣̇инаа наамасахид̇ассзва вад̇т̇усса ‘‘наамасса бажжаяо’’д̇и вад̇д̇аб̣б̣ад̇д̇з аабаннз зд̇зна гзвалассзва д̇ат̇аа вад̇д̇аб̣б̣ад̇ам̣ д̣̇ассзд̇и.
6. ‘‘Aññamaññassāti añño aññassā’’ti porāṇapāṭho. Pāḷiyaṃ pana ‘‘aññamaññaṃ sahajātapaccayena paccayo’’ti ettha vuttassa ‘‘aññamañña’’nti imassa attho vattabbo , na avuttassa ‘‘aññamaññassā’’ti imassa, na ca samānatthassapi saddantarassa atthe vutte saddantarassa attho vutto hoti, tasmā ‘‘aññamaññanti añño aññassā’’ti paṭhanti. Okkantīti pañcavokārapaṭisandhiyeva vuccati, na itarāti iminā adhippāyenāha ‘‘pañcavokārabhave paṭisandhikkhaṇe’’ti. Rūpino dhammā arūpīnaṃ dhammānanti idaṃ yadipi pubbe ‘‘okkantikkhaṇe nāmarūpa’’nti vuttaṃ, tathāpi na tena khaṇantare paccayabhāvo rūpīnaṃ nivāritoti tannivāraṇatthaṃ vuttaṃ. Kañci kāleti keci kismiñci kāleti vā attho. Tena rūpino dhammā keci vatthubhūtā kismiñci paṭisandhikāleti rūpantarānaṃ vatthussa ca kālantare arūpīnaṃ sahajātapaccayaṃ pubbe anivāritaṃ nivāreti. Evañca katvā ‘‘kañci kāla’’nti vā ‘‘kismiñci kāle’’ti vā vattabbe vibhattivipallāso kato. Tena hi ‘‘kañcī’’ti upayogekavacanaṃ ‘‘rūpino dhammā’’ti etena saha sambandhena paccattabahuvacanassa ādeso, ‘‘kāle’’ti iminā sambandhena bhummekavacanassāti viññāyati. Purimena ca ‘‘eko khandho vatthu ca tiṇṇannaṃ khandhāna’’ntiādinā nāmasahitasseva vatthussa ‘‘nāmassa paccayo’’ti vattabbatte āpanne etena kevalasseva tathā vattabbataṃ dasseti.
д̇аяо на ан̃н̃аман̃н̃авасзнаад̇и лаб̣бхамаанзби гад̇т̇ажи ан̃н̃аман̃н̃асахаж̇аад̇абажжаяабхаавз важанзна асан̇г̇ахид̇ад̇д̇аа д̇асса звам̣ вуд̇д̇анд̇и д̣̇адтаб̣б̣ам̣. жад̇усамудтаанигасса руубасса згад̣̇зсабхууд̇з гаммасамудтаанаруубз самуд̣̇ааязгад̣̇зсавасзна саамиважанам̣ д̣̇адтаб̣б̣ам̣, нид̣̇д̇хааран̣з ваа.
Tayo na aññamaññavasenāti labbhamānepi katthaci aññamaññasahajātapaccayabhāve vacanena asaṅgahitattā tassa evaṃ vuttanti daṭṭhabbaṃ. Catusamuṭṭhānikassa rūpassa ekadesabhūte kammasamuṭṭhānarūpe samudāyekadesavasena sāmivacanaṃ daṭṭhabbaṃ, niddhāraṇe vā.
сахаж̇аад̇абажжаяанид̣̇д̣̇зсаван̣н̣анаа нидтид̇аа.
Sahajātapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 6. сахаж̇аад̇абажжаяанид̣̇д̣̇зсаван̣н̣анаа • 6. Sahajātapaccayaniddesavaṇṇanā
