| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
6. сахаж̇аад̇абажжаяанид̣̇д̣̇зсаван̣н̣анаа
6. Sahajātapaccayaniddesavaṇṇanā
6. бораан̣абаатод̇и бураад̇ано адтагат̇аабаато. имассаад̇и имасса бад̣̇асса. авуд̇д̇ассаад̇и баал̣ияам̣ авуд̇д̇асса. яад̣̇иби сахаг̇ад̇асад̣̇д̣̇асса ад̇т̇асам̣ван̣н̣анааяам̣ сам̣садтасад̣̇д̣̇асса вияа самаанад̇т̇ассаби гад̇т̇ажи сад̣̇д̣̇анд̇арасса ад̇т̇о вужжад̇и барияааяависзсаб̣од̇ханад̇т̇ам̣, д̇ат̇ааби на мууласад̣̇д̣̇асса ад̇т̇о вибхаавид̇о ход̇ийд̇и д̣̇ассзнд̇о ааха ‘‘на жа…бз… ход̇ий’’д̇и. ‘‘ан̃н̃аман̃н̃а’’нд̇и жа ‘‘ан̃н̃аан̃н̃а’’нд̇и вад̇д̇аб̣б̣з ма-гаарааг̇амам̣ гад̇ваа нид̣̇д̣̇зсо, гаммаб̣яад̇ихаарз жзд̇ам̣ бад̣̇ам̣, д̇асмаа ид̇арзд̇аранд̇и вуд̇д̇ам̣ ход̇и. бажжаяабажжаяуббаннаанам̣ згасмим̣язва кан̣з бажжаяуббаннабажжаяабхаавасса ижчид̇ад̇д̇аа яо хи яасса бажжаяо яасмим̣ кан̣з, д̇асмим̣язва кан̣з соби д̇асса бажжаяод̇и аяамзд̇т̇а ан̃н̃аман̃н̃абажжаяад̇аа. д̇ат̇аа хи адтагат̇ааяам̣ ‘‘ан̃н̃о ан̃н̃ассаа’’д̇и вад̇ваа ‘‘иминаа…бз… д̣̇ийбзд̇ий’’д̇и вуд̇д̇ам̣. оггаманам̣ бависананд̇и ад̇т̇о. аасанагкан̣з хи д̇хаммаа буримабхавад̇о имам̣ бхавам̣ бависанд̇аа вияа хонд̇и. д̇зна вуд̇д̇ам̣ ‘‘баралогад̇о имам̣ логам̣ ааг̇анд̇ваа бависанд̇ам̣ вияа уббаж̇ж̇ад̇ий’’д̇и. д̇асмаа ависзсзна бадисанд̇хи огганд̇исад̣̇д̣̇аабхид̇хзяяаад̇и ад̇хиббааязна вуд̇д̇ам̣ ‘‘огганд̇и…бз… ад̇хиббааязнаахаа’’д̇и. д̇ам̣нивааран̣ад̇т̇анд̇и д̇асса кан̣анд̇арз руубийнам̣ сахаж̇аад̇абажжаяабхаавасса ‘‘ган̃жи гаалз на сахаж̇аад̇абажжаязна бажжаяо’’д̇и нивааран̣ад̇т̇ам̣. д̇зна бад̣̇ад̣̇ваязна самаанзсу бажжаяабажжаяуббаннад̇хаммзсу буримад̇о бажчимасса висзсамад̇т̇ам̣ д̣̇ассзд̇и.
6. Porāṇapāṭhoti purātano aṭṭhakathāpāṭho. Imassāti imassa padassa. Avuttassāti pāḷiyaṃ avuttassa. Yadipi sahagatasaddassa atthasaṃvaṇṇanāyaṃ saṃsaṭṭhasaddassa viya samānatthassapi katthaci saddantarassa attho vuccati pariyāyavisesabodhanatthaṃ, tathāpi na mūlasaddassa attho vibhāvito hotīti dassento āha ‘‘na ca…pe… hotī’’ti. ‘‘Aññamañña’’nti ca ‘‘aññaañña’’nti vattabbe ma-kārāgamaṃ katvā niddeso, kammabyatihāre cetaṃ padaṃ, tasmā itaretaranti vuttaṃ hoti. Paccayapaccayuppannānaṃ ekasmiṃyeva khaṇe paccayuppannapaccayabhāvassa icchitattā yo hi yassa paccayo yasmiṃ khaṇe, tasmiṃyeva khaṇe sopi tassa paccayoti ayamettha aññamaññapaccayatā. Tathā hi aṭṭhakathāyaṃ ‘‘añño aññassā’’ti vatvā ‘‘iminā…pe… dīpetī’’ti vuttaṃ. Okkamanaṃ pavisananti attho. Āsanakkhaṇe hi dhammā purimabhavato imaṃ bhavaṃ pavisantā viya honti. Tena vuttaṃ ‘‘paralokato imaṃ lokaṃ āgantvā pavisantaṃ viya uppajjatī’’ti. Tasmā avisesena paṭisandhi okkantisaddābhidheyyāti adhippāyena vuttaṃ ‘‘okkanti…pe… adhippāyenāhā’’ti. Taṃnivāraṇatthanti tassa khaṇantare rūpīnaṃ sahajātapaccayabhāvassa ‘‘kañci kāle na sahajātapaccayena paccayo’’ti nivāraṇatthaṃ. Tena padadvayena samānesu paccayapaccayuppannadhammesu purimato pacchimassa visesamatthaṃ dasseti.
зван̃жа ‘‘ган̃жи гаалз’’д̇и бад̣̇асса ‘‘гзжи гаалзд̇и ваа, гисмин̃жи гаалз’’д̇и ваа вибхад̇д̇ивибаллаасзна ад̇т̇о г̇ахзд̇аб̣б̣од̇и ад̇хиббааязна батамавигаббам̣ д̣̇ассзд̇ваа ид̣̇аани багааранд̇арзна д̣̇ассзд̇ум̣ ‘‘ган̃жи гаалзд̇и гзжи гисмин̃жи гаалзд̇и ваа ад̇т̇о’’д̇и ааха. д̇зна ‘‘ган̃жий’’д̇и аяам̣ сааман̃н̃анид̣̇д̣̇зсод̇и д̣̇ассзд̇и. яо хи аяам̣ ‘‘гзжий’’д̇и бажжад̇д̇аб̣ахуважанаабхид̇хзяяо ад̇т̇о, яо жа ‘‘гисмин̃жий’’д̇и бхуммзгаважанаабхид̇хзяяо, д̇ад̣̇убхаяам̣ сад̇и гаалаванд̇агаалад̇аавибхааг̇з гим̣-сад̣̇д̣̇асса важанийяад̇аасааман̃н̃зна бана згаж̇жхам̣ гад̇ваа ‘‘ган̃жий’’д̇и баал̣ияам̣ вуд̇д̇анд̇и д̇ам̣ вибхаж̇ид̇ваа д̣̇ассзд̇ум̣ ‘‘гзжи гисмин̃жий’’д̇и вуд̇д̇ам̣. адтагат̇ааяам̣ бана ‘‘гисмин̃жий’’д̇и бхуммавасзнзва вуд̇д̇ам̣. д̇зна яат̇аавуд̇д̇аад̇т̇авибхааг̇зна бад̣̇зна. вад̇т̇убхууд̇аад̇и вад̇т̇усабхааваа. хад̣̇аяаруубамзва санд̇хааяа вад̣̇ад̇и. руубанд̇араананд̇и хад̣̇аяавад̇т̇уд̇о ан̃н̃аруубаанам̣. аруубийнам̣ сахаж̇аад̇абажжаяад̇ам̣ буб̣б̣з ‘‘огганд̇игкан̣з наамарууба’’нд̇и зд̇т̇а аниваарид̇ам̣ ниваарзд̇ийд̇и яож̇анаа, д̇ат̇аа вад̇т̇усса жа гааланд̇арз бадисанд̇хигаалад̇о ан̃н̃асмим̣ гаалз аруубийнам̣ ниваарзд̇ийд̇и. зван̃жа гад̇ваад̇иаад̣̇инаа яат̇аавуд̇д̇аад̇т̇аван̣н̣анааяа баал̣ияам̣ вибхад̇д̇инид̣̇д̣̇зсасса руубагабхаавамааха. бунаби буримад̇о бажчимасса убажаязна висзсам̣ д̣̇ассзд̇ум̣ ‘‘буримзна жаа’’д̇иаад̣̇и вуд̇д̇ам̣. д̇ад̇т̇а буримзнаад̇и ‘‘огганд̇игкан̣з наамарууба’’нд̇и иминаа бажжаяанид̣̇д̣̇зсаважанзна. ‘‘зго канд̇хо вад̇т̇у жа д̇ин̣н̣ам̣ канд̇хаана’’нд̇иаад̣̇инаа бадижжаваараад̣̇ибаатзна. ад̇т̇авиваран̣ан̃хи бажжаяанид̣̇д̣̇зсабаал̣ияаа саб̣б̣зби сад̇д̇а махааваараа. вад̇т̇усса вад̇д̇аб̣б̣ад̇д̇з аабаннз гинд̇и бажжаяод̇и д̇асса наамассаад̇и яож̇анаа. зд̇знаад̇и ‘‘руубино д̇хаммаа аруубийнам̣ д̇хаммаана’’нд̇и зд̇зна важанзна. гзвалассаад̇и наамарахид̇асса вад̇т̇усса. д̇ат̇аад̇и наамасса бажжаяабхаавзна.
Evañca ‘‘kañci kāle’’ti padassa ‘‘keci kāleti vā, kismiñci kāle’’ti vā vibhattivipallāsena attho gahetabboti adhippāyena paṭhamavikappaṃ dassetvā idāni pakārantarena dassetuṃ ‘‘kañci kāleti kecikismiñci kāleti vā attho’’ti āha. Tena ‘‘kañcī’’ti ayaṃ sāmaññaniddesoti dasseti. Yo hi ayaṃ ‘‘kecī’’ti paccattabahuvacanābhidheyyo attho, yo ca ‘‘kismiñcī’’ti bhummekavacanābhidheyyo, tadubhayaṃ sati kālavantakālatāvibhāge kiṃ-saddassa vacanīyatāsāmaññena pana ekajjhaṃ katvā ‘‘kañcī’’ti pāḷiyaṃ vuttanti taṃ vibhajitvā dassetuṃ ‘‘keci kismiñcī’’ti vuttaṃ. Aṭṭhakathāyaṃ pana ‘‘kismiñcī’’ti bhummavaseneva vuttaṃ. Tena yathāvuttaatthavibhāgena padena. Vatthubhūtāti vatthusabhāvā. Hadayarūpameva sandhāya vadati. Rūpantarānanti hadayavatthuto aññarūpānaṃ. Arūpīnaṃ sahajātapaccayataṃ pubbe ‘‘okkantikkhaṇe nāmarūpa’’nti ettha anivāritaṃ nivāretīti yojanā, tathā vatthussa ca kālantare paṭisandhikālato aññasmiṃ kāle arūpīnaṃ nivāretīti. Evañca katvātiādinā yathāvuttaatthavaṇṇanāya pāḷiyaṃ vibhattiniddesassa rūpakabhāvamāha. Punapi purimato pacchimassa upacayena visesaṃ dassetuṃ ‘‘purimena cā’’tiādi vuttaṃ. Tattha purimenāti ‘‘okkantikkhaṇe nāmarūpa’’nti iminā paccayaniddesavacanena. ‘‘Eko khandho vatthu ca tiṇṇaṃ khandhāna’’ntiādinā paṭiccavārādipāṭhena. Atthavivaraṇañhi paccayaniddesapāḷiyā sabbepi satta mahāvārā. Vatthussa vattabbatte āpanne kinti paccayoti tassa nāmassāti yojanā. Etenāti ‘‘rūpino dhammā arūpīnaṃ dhammāna’’nti etena vacanena. Kevalassāti nāmarahitassa vatthussa. Tathāti nāmassa paccayabhāvena.
гад̇т̇ажийд̇и ‘‘руубино д̇хаммаа аруубийнам̣ д̇хаммаанам̣ ган̃жи гаалам̣ сахаж̇аад̇абажжаязна бажжаяо’’д̇и зд̇асмим̣ нид̣̇д̣̇зсз. зд̇т̇а хи ан̃н̃аман̃н̃асахаж̇аад̇абажжаяабхааво лаб̣бхад̇и. важанзнаад̇и ‘‘ан̃н̃аман̃н̃а’’нд̇и иминаа важанзна баал̣ияам̣ сахаж̇аад̇абажжаяабхаавасса асан̇г̇ахид̇ад̇д̇аа, ад̇т̇ад̇о бана лаб̣бхад̇зваад̇и. д̇знааха ‘‘лаб̣бхамаанзбий’’д̇и. д̇ассаад̇и ан̃н̃аман̃н̃абажжаяад̇д̇асса. званд̇и ‘‘на ан̃н̃аман̃н̃авасзнаа’’д̇и иминаа багаарзна. самуд̣̇ааязгад̣̇зсавасзна саамиважананд̇и аваяавааваяависамб̣анд̇хз аваяавини саамиважананд̇и ад̇т̇о, нид̣̇д̇хааран̣з ваа ‘‘ган̣хаа г̇аавийна’’нд̇иаад̣̇ийсу вияа.
Katthacīti ‘‘rūpino dhammā arūpīnaṃ dhammānaṃ kañci kālaṃ sahajātapaccayena paccayo’’ti etasmiṃ niddese. Ettha hi aññamaññasahajātapaccayabhāvo labbhati. Vacanenāti ‘‘aññamañña’’nti iminā vacanena pāḷiyaṃ sahajātapaccayabhāvassa asaṅgahitattā, atthato pana labbhatevāti. Tenāha ‘‘labbhamānepī’’ti. Tassāti aññamaññapaccayattassa. Evanti ‘‘na aññamaññavasenā’’ti iminā pakārena. Samudāyekadesavasena sāmivacananti avayavāvayavisambandhe avayavini sāmivacananti attho, niddhāraṇe vā ‘‘kaṇhā gāvīna’’ntiādīsu viya.
сахаж̇аад̇абажжаяанид̣̇д̣̇зсаван̣н̣анаа нидтид̇аа.
Sahajātapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 6. сахаж̇аад̇абажжаяанид̣̇д̣̇зсаван̣н̣анаа • 6. Sahajātapaccayaniddesavaṇṇanā
