| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
2. ஸஹஜாதவாரவண்ணனா
2. Sahajātavāravaṇṇanā
234-242. ஸஹஜாதவாரே குஸலங் த⁴ம்மங் ஸஹஜாதோதி குஸலங் த⁴ம்மங் படிச்ச தேன ஸஹஜாதோ ஹுத்வாதி அத்தோ². ஸேஸமெத்த² படிச்சவாரே வுத்தனயேனேவ வேதி³தப்³ப³ங். அவஸானே பனஸ்ஸ ‘‘படிச்சத்தங் நாம ஸஹஜாதத்தங், ஸஹஜாதத்தங் நாம படிச்சத்த’’ந்தி இத³ங் உபி⁴ன்னம்பி ஏதேஸங் வாரானங் அத்த²தோ நின்னானாகரணபா⁴வத³ஸ்ஸனத்த²ங் வுத்தங். அத்த²தோ ஹி ஏதே த்³வேபி நின்னானாகரணா. ஏவங் ஸந்தேபி அஞ்ஞமஞ்ஞஸ்ஸ அத்த²னியமனத்த²ங் வுத்தா. ‘‘சக்கு²ஞ்ச படிச்ச ரூபே சா’’திஆதீ³ஸு ஹி அஸஹஜாதம்பி படிச்ச உப்பஜ்ஜதீதி வுச்சதி. ஸஹஜாதம்பி ச உபாதா³ரூபங் பூ⁴தரூபஸ்ஸ பச்சயோ ந ஹோதி. இதி படிச்சவாரேன ஸஹஜாதபச்சயபா⁴வங், ஸஹஜாதவாரேன ச படிச்சாதி வுத்தஸ்ஸ ஸஹஜாதபா⁴வங் நியமேதுங் உபோ⁴பேதே வுத்தா. அபிச ததா² பு³ஜ்ஜ²னகானங் அஜ்ஜா²ஸயவஸேன தே³ஸனாவிலாஸேன நிருத்திபடிஸம்பி⁴தா³ப்பபே⁴த³ஜானநவஸேன சாபி ஏதே உபோ⁴பி வுத்தாதி.
234-242. Sahajātavāre kusalaṃ dhammaṃ sahajātoti kusalaṃ dhammaṃ paṭicca tena sahajāto hutvāti attho. Sesamettha paṭiccavāre vuttanayeneva veditabbaṃ. Avasāne panassa ‘‘paṭiccattaṃ nāma sahajātattaṃ, sahajātattaṃ nāma paṭiccatta’’nti idaṃ ubhinnampi etesaṃ vārānaṃ atthato ninnānākaraṇabhāvadassanatthaṃ vuttaṃ. Atthato hi ete dvepi ninnānākaraṇā. Evaṃ santepi aññamaññassa atthaniyamanatthaṃ vuttā. ‘‘Cakkhuñca paṭicca rūpe cā’’tiādīsu hi asahajātampi paṭicca uppajjatīti vuccati. Sahajātampi ca upādārūpaṃ bhūtarūpassa paccayo na hoti. Iti paṭiccavārena sahajātapaccayabhāvaṃ, sahajātavārena ca paṭiccāti vuttassa sahajātabhāvaṃ niyametuṃ ubhopete vuttā. Apica tathā bujjhanakānaṃ ajjhāsayavasena desanāvilāsena niruttipaṭisambhidāppabhedajānanavasena cāpi ete ubhopi vuttāti.
ஸஹஜாதவாரவண்ணனா நிட்டி²தா.
Sahajātavāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / பட்டா²னபாளி • Paṭṭhānapāḷi / 1. குஸலத்திகங் • 1. Kusalattikaṃ
