| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. རཱཛཀཱརཱམཝགྒོ
2. Rājakārāmavaggo
༡. སཧསྶབྷིཀྑུནིསངྒྷསུཏྟཝཎྞནཱ
1. Sahassabhikkhunisaṅghasuttavaṇṇanā
༡༠༠༧. དྷམྨིཀཏྟཱ དེསཝཱསཱིཧི ཨནུཀམྤིཏོ རཱཛཱཏི རཱཛཀོ, ཏསྶ ཨཱརཱམོ རཱཛཀཱརཱམོ, ཏསྨིཾ། བྷཱུམིསཱིསཾ སེཊྛཔྤདེསོ, ཡཏྠ ཝསནྟོ ལཱབྷགྒཡསགྒཔྤཏྟོ ཧོཏཱིཏི ཏེསཾ ཨདྷིཔྤཱཡོ།
1007. Dhammikattā desavāsīhi anukampito rājāti rājako, tassa ārāmo rājakārāmo, tasmiṃ. Bhūmisīsaṃ seṭṭhappadeso, yattha vasanto lābhaggayasaggappatto hotīti tesaṃ adhippāyo.
ཝཱརཱཔེཧཱིཏི པཊིསེདྷེཧི། ཡུཛ྄ཛྷཱཔེཏུནྟི ཀལཧཾ ཀཱརཱཔེཏུཾ། པུན ཨཱགཙྪནྟཱཏི ཨཔརསྨིཾ སཾཝཙྪརེ ཨཱགཙྪནྟཱ། ཨུབྦཊྚེཏྭཱཏི མཧཏཱི ཝཱིཙིཡོ ཨུབྦཊྚེཏྭཱ། ཡཐཱ ཏསྶ སཀལམེཝ རཊྛཾ ཨེཀོདཀཱིབྷཱུཏཾ ཧོཏི, ཨེཝཾ ཀཏྭཱ སམུདྡམེཝ ཛཱཏཾ། ཏེན ཝུཏྟཾ ‘‘སམུདྡམེཝ ཨཀཾསཱུ’’ཏི།
Vārāpehīti paṭisedhehi. Yujjhāpetunti kalahaṃ kārāpetuṃ. Puna āgacchantāti aparasmiṃ saṃvacchare āgacchantā. Ubbaṭṭetvāti mahatī vīciyo ubbaṭṭetvā. Yathā tassa sakalameva raṭṭhaṃ ekodakībhūtaṃ hoti, evaṃ katvā samuddameva jātaṃ. Tena vuttaṃ ‘‘samuddameva akaṃsū’’ti.
ཨིསཱིནམནྟརཾ ཀཏྭཱཏི ཨིསཱིནཾ ཀཱརཎཾ ཀཏྭཱ, ཨིསཱིནཾ ཧེཏཱུཏི ཨཏྠོ, ཨིསཱིནཾ ཝཱ ཨནྟརབྷེདཾ ཀཏྭཱ། ཏཐཱ ལོཀེ ཀོལཱཧལསྶ པཏྠཊཏཾ ཝིབྷཱཝེནྟོ བྷགཝཱ ‘‘མེ སུཏ’’ནྟི ཨཱཧ པཙྩཀྑཏོ ཛཱནམྤི། ཨུཙྪིནྣོཏི ཀུལཙྪེདེན ཨུཙྪིནྣོ། ན ཀེཝལཾ སཡམེཝ, ཨཐ ཁོ སཧ རཊྛེཧི། ཝིབྷཝནྟི ཝིནཱསཾ ཨུཔགཏོ།
Isīnamantaraṃ katvāti isīnaṃ kāraṇaṃ katvā, isīnaṃ hetūti attho, isīnaṃ vā antarabhedaṃ katvā. Tathā loke kolāhalassa patthaṭataṃ vibhāvento bhagavā ‘‘me suta’’nti āha paccakkhato jānampi. Ucchinnoti kulacchedena ucchinno. Na kevalaṃ sayameva, atha kho saha raṭṭhehi. Vibhavanti vināsaṃ upagato.
ཏཾ སནྡྷཱཡེཏཾ ཝུཏྟནྟི ཏཾ ཡཐཱཝུཏྟཾ པསེནདིནཱ ཀོསལརཱཛེན ཀཱརིཏཾ ཝིཧཱརཾ སནྡྷཱཡ ཨེཏཾ ‘‘རཱཛཀཱརཱམེ’’ཏི ཝུཏྟཾ།
Taṃ sandhāyetaṃ vuttanti taṃ yathāvuttaṃ pasenadinā kosalarājena kāritaṃ vihāraṃ sandhāya etaṃ ‘‘rājakārāme’’ti vuttaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. སཧསྶབྷིཀྑུནིསངྒྷསུཏྟཾ • 1. Sahassabhikkhunisaṅghasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡. སཧསྶབྷིཀྑུནིསངྒྷསུཏྟཝཎྞནཱ • 1. Sahassabhikkhunisaṅghasuttavaṇṇanā
