| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. сагалигасуд̇д̇ам̣
3. Sakalikasuttaṃ
149. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и мад̣̇д̣̇агужчисмим̣ миг̇ад̣̇ааяз. д̇зна ко бана самаязна бхаг̇авад̇о баад̣̇о сагалигааяа кад̇о ход̇и, бхусаа суд̣̇ам̣ бхаг̇авад̇о взд̣̇анаа вад̇д̇анд̇и саарийригаа д̣̇угкаа д̇иб̣б̣аа караа гадугаа асаад̇аа аманаабаа. д̇аа суд̣̇ам̣ бхаг̇аваа сад̇о самбаж̇аано ад̇хиваасзд̇и авихан̃н̃амаано. ат̇а ко бхаг̇аваа жад̇уг̇г̇ун̣ам̣ сан̇гхаадим̣ бан̃н̃абзд̇ваа д̣̇агкин̣зна бассзна сийхасзяяам̣ габбзси баад̣̇з баад̣̇ам̣ ажжаад̇хааяа сад̇о самбаж̇аано. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
149. Evaṃ me sutaṃ – ekaṃ samayaṃ bhagavā rājagahe viharati maddakucchismiṃ migadāye. Tena kho pana samayena bhagavato pādo sakalikāya khato hoti, bhusā sudaṃ bhagavato vedanā vattanti sārīrikā dukkhā tibbā kharā kaṭukā asātā amanāpā. Tā sudaṃ bhagavā sato sampajāno adhivāseti avihaññamāno. Atha kho bhagavā catugguṇaṃ saṅghāṭiṃ paññapetvā dakkhiṇena passena sīhaseyyaṃ kappesi pāde pādaṃ accādhāya sato sampajāno. Atha kho māro pāpimā yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –
‘‘манд̣̇ияаа ну ко сзси уд̣̇ааху гаавзяяамад̇д̇о,
‘‘Mandiyā nu kho sesi udāhu kāveyyamatto,
ад̇т̇аа ну д̇з самбажураа на санд̇и;
Atthā nu te sampacurā na santi;
зго вивид̇д̇з саяанаасанамхи,
Eko vivitte sayanāsanamhi,
нид̣̇д̣̇аамуко гимид̣̇ам̣ соббасз ваа’’д̇и.
Niddāmukho kimidaṃ soppase vā’’ti.
‘‘на манд̣̇ияаа саяаами нааби гаавзяяамад̇д̇о,
‘‘Na mandiyā sayāmi nāpi kāveyyamatto,
ад̇т̇ам̣ самзжжаахамабзд̇асого;
Atthaṃ sameccāhamapetasoko;
зго вивид̇д̇з саяанаасанамхи,
Eko vivitte sayanāsanamhi,
саяаамахам̣ саб̣б̣абхууд̇аанугамбий.
Sayāmahaṃ sabbabhūtānukampī.
‘‘язсамби саллам̣ ураси бавидтам̣,
‘‘Yesampi sallaṃ urasi paviṭṭhaṃ,
мухум̣ мухум̣ хад̣̇аяам̣ взд̇хамаанам̣;
Muhuṃ muhuṃ hadayaṃ vedhamānaṃ;
д̇збийд̇ха соббам̣ лабхарз сасаллаа,
Tepīdha soppaṃ labhare sasallā,
д̇асмаа ахам̣ на субз вийд̇асалло.
Tasmā ahaṃ na supe vītasallo.
‘‘ж̇аг̇г̇ам̣ на сан̇гз наби бхзми сод̇д̇ум̣,
‘‘Jaggaṃ na saṅke napi bhemi sottuṃ,
рад̇д̇инд̣̇иваа наануд̇абанд̇и маамам̣;
Rattindivā nānutapanti māmaṃ;
хааним̣ на бассаами гухин̃жи логз,
Hāniṃ na passāmi kuhiñci loke,
д̇асмаа субз саб̣б̣абхууд̇аанугамбий’’д̇и.
Tasmā supe sabbabhūtānukampī’’ti.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
Atha kho māro pāpimā ‘‘jānāti maṃ bhagavā, jānāti maṃ sugato’’ti dukkhī dummano tatthevantaradhāyīti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. сагалигасуд̇д̇аван̣н̣анаа • 3. Sakalikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. сагалигасуд̇д̇аван̣н̣анаа • 3. Sakalikasuttavaṇṇanā
