| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[237] 7. саагзд̇аж̇аад̇агаван̣н̣анаа
[237] 7. Sāketajātakavaṇṇanā
го ну ко бхаг̇аваа хзд̇ууд̇и ид̣̇ам̣ сад̇т̇аа саагзд̇ам̣ убаниссааяа вихаранд̇о саагзд̇ам̣ б̣раахман̣ам̣ аараб̣бха гат̇зси. вад̇т̇у банзд̇т̇а ад̇ийд̇амби бажжуббаннамби хздтаа згаганибаад̇з (ж̇аа. адта. 1.1.саагзд̇аж̇аад̇агаван̣н̣анаа) гат̇ид̇амзва. д̇ат̇ааг̇ад̇асса бана вихаарам̣ г̇ад̇агаалз бхигкуу ‘‘синзхо наамзса, бханд̇з, гат̇ам̣ бад̇идтаад̇ий’’д̇и бужчанд̇аа батамам̣ г̇аат̇амаахам̣су –
Konu kho bhagavā hetūti idaṃ satthā sāketaṃ upanissāya viharanto sāketaṃ brāhmaṇaṃ ārabbha kathesi. Vatthu panettha atītampi paccuppannampi heṭṭhā ekakanipāte (jā. aṭṭha. 1.1.sāketajātakavaṇṇanā) kathitameva. Tathāgatassa pana vihāraṃ gatakāle bhikkhū ‘‘sineho nāmesa, bhante, kathaṃ patiṭṭhātī’’ti pucchantā paṭhamaṃ gāthamāhaṃsu –
173.
173.
‘‘го ну ко бхаг̇аваа хзд̇у, згажжз ид̇ха буг̇г̇алз;
‘‘Ko nu kho bhagavā hetu, ekacce idha puggale;
ад̇ийва хад̣̇аяам̣ ниб̣б̣аад̇и, жид̇д̇ан̃жааби басийд̣̇ад̇ий’’д̇и.
Atīva hadayaṃ nibbāti, cittañcāpi pasīdatī’’ti.
д̇ассад̇т̇о – го ну ко хзд̇у, язна ид̇хзгажжз буг̇г̇алз д̣̇идтамад̇д̇зязва хад̣̇аяам̣ ад̇ивияа ниб̣б̣аад̇и, суваасид̇асса сийд̇асса уд̣̇агасса гхадасахассзна барисид̇д̇ам̣ вияа сийд̇алам̣ ход̇и, згажжз на ниб̣б̣аад̇и. згажжз д̣̇идтамад̇д̇зязва жид̇д̇ам̣ басийд̣̇ад̇и, муд̣̇у ход̇и, бзмавасзна аллийяад̇и, згажжз на аллийяад̇ийд̇и.
Tassattho – ko nu kho hetu, yena idhekacce puggale diṭṭhamatteyeva hadayaṃ ativiya nibbāti, suvāsitassa sītassa udakassa ghaṭasahassena parisittaṃ viya sītalaṃ hoti, ekacce na nibbāti. Ekacce diṭṭhamatteyeva cittaṃ pasīdati, mudu hoti, pemavasena allīyati, ekacce na allīyatīti.
ат̇а нзсам̣ сад̇т̇аа бзмагааран̣ам̣ д̣̇ассзнд̇о д̣̇уд̇ияам̣ г̇аат̇амааха –
Atha nesaṃ satthā pemakāraṇaṃ dassento dutiyaṃ gāthamāha –
174.
174.
‘‘буб̣б̣зва санниваасзна, бажжуббаннахид̇зна ваа;
‘‘Pubbeva sannivāsena, paccuppannahitena vā;
звам̣ д̇ам̣ ж̇ааяад̇з бзмам̣, уббалам̣ва яат̇од̣̇агз’’д̇и.
Evaṃ taṃ jāyate pemaṃ, uppalaṃva yathodake’’ti.
д̇ассад̇т̇о – бхигкавз, бзмам̣ наамзд̇ам̣ д̣̇вийхи гааран̣зхи ж̇ааяад̇и, буримабхавз маад̇аа ваа бид̇аа ваа буд̇д̇о ваа д̇хийд̇аа ваа бхаад̇аа ваа бхаг̇иний ваа бад̇и ваа бхарияаа ваа сахааяо ваа мид̇д̇о ваа худ̇ваа яо язна сад̣̇д̇хим̣ згадтаанз вуд̇т̇абуб̣б̣о, д̇асса иминаа буб̣б̣зва санниваасзна бхаванд̇арзби ануб̣анд̇ханд̇о со синзхо на виж̇ахад̇и. имасмим̣ ад̇д̇абхаавз гад̇зна бажжуббаннахид̇зна ваа звам̣ д̇ам̣ ж̇ааяад̇з бзмам̣, имзхи д̣̇вийхи гааран̣зхи бзмам̣ наама ж̇ааяад̇и. яат̇аа гим̣? уббалам̣ва яат̇од̣̇агзд̇и. ваа-гаарасса рассад̇д̇ам̣ гад̇ам̣. самужжаяад̇т̇з жзса вуд̇д̇о, д̇асмаа уббалан̃жа сзсам̣ ж̇алаж̇абубпан̃жа яат̇аа уд̣̇агз ж̇ааяамаанам̣ д̣̇вз гааран̣аани ниссааяа ж̇ааяад̇и уд̣̇аган̃жзва галалан̃жа, д̇ат̇аа зд̇зхи д̣̇вийхи гааран̣зхи бзмам̣ ж̇ааяад̇ийд̇и звамзд̇т̇а ад̇т̇о д̣̇адтаб̣б̣о.
Tassattho – bhikkhave, pemaṃ nāmetaṃ dvīhi kāraṇehi jāyati, purimabhave mātā vā pitā vā putto vā dhītā vā bhātā vā bhaginī vā pati vā bhariyā vā sahāyo vā mitto vā hutvā yo yena saddhiṃ ekaṭṭhāne vutthapubbo, tassa iminā pubbeva sannivāsena bhavantarepi anubandhanto so sineho na vijahati. Imasmiṃ attabhāve katena paccuppannahitena vā evaṃ taṃ jāyate pemaṃ, imehi dvīhi kāraṇehi pemaṃ nāma jāyati. Yathā kiṃ? Uppalaṃva yathodaketi. Vā-kārassa rassattaṃ kataṃ. Samuccayatthe cesa vutto, tasmā uppalañca sesaṃ jalajapupphañca yathā udake jāyamānaṃ dve kāraṇāni nissāya jāyati udakañceva kalalañca, tathā etehi dvīhi kāraṇehi pemaṃ jāyatīti evamettha attho daṭṭhabbo.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа б̣раахман̣о жа б̣раахман̣ий жа имз д̣̇вз ж̇анаа ахзсум̣, буд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā brāhmaṇo ca brāhmaṇī ca ime dve janā ahesuṃ, putto pana ahameva ahosi’’nti.
саагзд̇аж̇аад̇агаван̣н̣анаа сад̇д̇амаа.
Sāketajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 237. саагзд̇аж̇аад̇агам̣ • 237. Sāketajātakaṃ
