| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. сагун̣аг̇гхисуд̇д̇аван̣н̣анаа
6. Sakuṇagghisuttavaṇṇanā
372. чадтз сагун̣аг̇гхийд̇и сагун̣ам̣ ханад̇ийд̇и сагун̣аг̇гхи, сзнассзд̇ам̣ ад̇хиважанам̣. сахасаа аж̇жхабад̇д̇аад̇и лобхасаахасзна бад̇д̇аа. алагкигаад̇и ниссиригаа. аббабун̃н̃аад̇и барид̇д̇абун̃н̃аа. сажзж̇ж̇а маяанд̇и сажз аж̇ж̇а маяам̣. нан̇г̇алагадтагаран̣анд̇и нан̇г̇алзна гасигаран̣ам̣, ад̇хунаа гадтам̣ кзд̇д̇адтаананд̇и ад̇т̇о. лзд̣д̣удтаананд̇и лзд̣д̣уунам̣ таанам̣. сам̣вад̣̇амаанаад̇и саммаа вад̣̇амаанаа, ад̇д̇ано б̣аласса судту ван̣н̣ам̣ вад̣̇амаанаад̇и ад̇т̇о. маханд̇ам̣ лзд̣д̣ум̣ абхирухид̇ваад̇и уд̣̇д̇ханасан̣таанзна тид̇зсу д̇ийсу лзд̣д̣уусу ‘‘ид̇о сзнз ааг̇ажчанд̇з ид̇о нигкамиссаами, ид̇о ааг̇ажчанд̇з ид̇о’’д̇и саллагкзд̇ваа д̇зсу згам̣ лзд̣д̣ум̣ абхирухид̇ваа адтааси авад̣̇амаано. саннаяхаад̇и кураббам̣ саннаяхамаано вияа саннаяхид̇ваа судту табзд̇ваа. б̣ахуааг̇ад̇о ко мяааяанд̇и ‘‘маяхам̣ ад̇т̇ааяа аяам̣ б̣ахуд̇ам̣ таанам̣ ааг̇ад̇о, аббам̣ авасидтам̣, ид̣̇аани мам̣ г̇ан̣хиссад̇ий’’д̇и н̃ад̇ваа д̣̇ааруг̇ул̣о вияа винивад̇д̇ид̇ваа д̇ассзва лзд̣д̣усса анд̇арз бажжубаад̣̇и, бадибанно бавидтод̇и ад̇т̇о. урам̣ бажжад̇аал̣зсийд̇и ‘‘згаббахаарзнзва лаабасса сийсам̣ чинд̣̇ид̇ваа г̇ахзссаамий’’д̇и багканд̣̇ад̇д̇аа взг̇ам̣ санд̇хаарзд̇ум̣ асаггонд̇о д̇асмим̣ лзд̣д̣усмим̣ урам̣ бад̇аал̣зси. д̇аавад̣̇звасса хад̣̇аяамам̣сам̣ паалияид̇т̇а. ат̇а лаабо ‘‘д̣̇идтаа вад̇а сад̇д̇уно бидтий’’д̇и хадтад̇удто д̇асса хад̣̇аяз абараабарам̣ жан̇гами.
372. Chaṭṭhe sakuṇagghīti sakuṇaṃ hanatīti sakuṇagghi, senassetaṃ adhivacanaṃ. Sahasā ajjhapattāti lobhasāhasena pattā. Alakkhikāti nissirikā. Appapuññāti parittapuññā. Sacejja mayanti sace ajja mayaṃ. Naṅgalakaṭṭhakaraṇanti naṅgalena kasikaraṇaṃ, adhunā kaṭṭhaṃ khettaṭṭhānanti attho. Leḍḍuṭṭhānanti leḍḍūnaṃ ṭhānaṃ. Saṃvadamānāti sammā vadamānā, attano balassa suṭṭhu vaṇṇaṃ vadamānāti attho. Mahantaṃ leḍḍuṃ abhiruhitvāti uddhanasaṇṭhānena ṭhitesu tīsu leḍḍūsu ‘‘ito sene āgacchante ito nikkhamissāmi, ito āgacchante ito’’ti sallakkhetvā tesu ekaṃ leḍḍuṃ abhiruhitvā aṭṭhāsi avadamāno. Sannayhāti khurappaṃ sannayhamāno viya sannayhitvā suṭṭhu ṭhapetvā. Bahuāgato kho myāyanti ‘‘mayhaṃ atthāya ayaṃ bahutaṃ ṭhānaṃ āgato, appaṃ avasiṭṭhaṃ, idāni maṃ gaṇhissatī’’ti ñatvā dāruguḷo viya vinivattitvā tasseva leḍḍussa antare paccupādi, paṭipanno paviṭṭhoti attho. Uraṃ paccatāḷesīti ‘‘ekappahāreneva lāpassa sīsaṃ chinditvā gahessāmī’’ti pakkhandattā vegaṃ sandhāretuṃ asakkonto tasmiṃ leḍḍusmiṃ uraṃ patāḷesi. Tāvadevassa hadayamaṃsaṃ phāliyittha. Atha lāpo ‘‘diṭṭhā vata sattuno piṭṭhī’’ti haṭṭhatuṭṭho tassa hadaye aparāparaṃ caṅkami.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. сагун̣аг̇гхисуд̇д̇ам̣ • 6. Sakuṇagghisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. сагун̣аг̇гхисуд̇д̇аван̣н̣анаа • 6. Sakuṇagghisuttavaṇṇanā
