| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[36] 6. сагун̣аж̇аад̇агаван̣н̣анаа
[36] 6. Sakuṇajātakavaṇṇanā
яам̣ ниссид̇аад̇и ид̣̇ам̣ сад̇т̇аа ж̇зд̇аванз вихаранд̇о д̣̇ад̣дхабан̣н̣асаалам̣ бхигкум̣ аараб̣бха гат̇зси. зго гира бхигку сад̇т̇у санд̇игз гаммадтаанам̣ г̇ахзд̇ваа ж̇зд̇аванад̇о нигкамма госалзсу згам̣ бажжанд̇аг̇аамам̣ ниссааяа згасмим̣ аран̃н̃асзнаасанз васад̇и. ат̇асса батамамаасзязва бан̣н̣асаалаа д̣аяхид̇т̇а. со ‘‘бан̣н̣асаалаа мз д̣̇ад̣дхаа, д̣̇угкам̣ васаамий’’д̇и мануссаанам̣ аажигки. мануссаа ‘‘ид̣̇аани но кзд̇д̇ам̣ барисугкам̣, гзд̣̇аарз бааязд̇ваа гариссаама’’, д̇асмим̣ бааяид̇з ‘‘б̣ийж̇ам̣ вабид̇ваа’’, б̣ийж̇з вуд̇д̇з ‘‘вад̇им̣ гад̇ваа’’, вад̇ияаа гад̇ааяа ‘‘нид̣̇д̣̇ааяид̇ваа, лааяид̇ваа, мад̣̇д̣̇ид̇ваа’’д̇и звам̣ д̇ам̣ д̇ам̣ гаммам̣ абад̣̇исанд̇ааязва д̇змаасам̣ вийд̇инаамзсум̣. со бхигку д̇змаасам̣ аж̇жхогаасз д̣̇угкам̣ васанд̇о гаммадтаанам̣ вад̣дхзд̇ваа висзсам̣ ниб̣б̣ад̇д̇зд̇ум̣ наасагки. баваарзд̇ваа бана сад̇т̇у санд̇игам̣ г̇анд̇ваа ванд̣̇ид̇ваа згаманд̇ам̣ нисийд̣̇и. сад̇т̇аа д̇зна сад̣̇д̇хим̣ бадисант̇аарам̣ гад̇ваа ‘‘гим̣ бхигку сукзна вассам̣вуд̇т̇оси, гаммадтаанам̣ д̇з мад̇т̇агам̣ бад̇д̇а’’нд̇и бужчи. со д̇ам̣ бавад̇д̇им̣ аажигкид̇ваа ‘‘сзнаасанасаббааяасса мз абхаавзна гаммадтаанам̣ мад̇т̇агам̣ на бад̇д̇а’’нд̇и ааха. сад̇т̇аа ‘‘буб̣б̣з бхигку д̇иражчаанаг̇ад̇ааби ад̇д̇ано саббааяаасаббааяам̣ ж̇ааним̣су, д̇вам̣ гасмаа на ан̃н̃аасий’’д̇и вад̇ваа ад̇ийд̇ам̣ аахари.
Yaṃ nissitāti idaṃ satthā jetavane viharanto daḍḍhapaṇṇasālaṃ bhikkhuṃ ārabbha kathesi. Eko kira bhikkhu satthu santike kammaṭṭhānaṃ gahetvā jetavanato nikkhamma kosalesu ekaṃ paccantagāmaṃ nissāya ekasmiṃ araññasenāsane vasati. Athassa paṭhamamāseyeva paṇṇasālā ḍayhittha. So ‘‘paṇṇasālā me daḍḍhā, dukkhaṃ vasāmī’’ti manussānaṃ ācikkhi. Manussā ‘‘idāni no khettaṃ parisukkhaṃ, kedāre pāyetvā karissāma’’, tasmiṃ pāyite ‘‘bījaṃ vapitvā’’, bīje vutte ‘‘vatiṃ katvā’’, vatiyā katāya ‘‘niddāyitvā, lāyitvā, madditvā’’ti evaṃ taṃ taṃ kammaṃ apadisantāyeva temāsaṃ vītināmesuṃ. So bhikkhu temāsaṃ ajjhokāse dukkhaṃ vasanto kammaṭṭhānaṃ vaḍḍhetvā visesaṃ nibbattetuṃ nāsakkhi. Pavāretvā pana satthu santikaṃ gantvā vanditvā ekamantaṃ nisīdi. Satthā tena saddhiṃ paṭisanthāraṃ katvā ‘‘kiṃ bhikkhu sukhena vassaṃvutthosi, kammaṭṭhānaṃ te matthakaṃ patta’’nti pucchi. So taṃ pavattiṃ ācikkhitvā ‘‘senāsanasappāyassa me abhāvena kammaṭṭhānaṃ matthakaṃ na patta’’nti āha. Satthā ‘‘pubbe bhikkhu tiracchānagatāpi attano sappāyāsappāyaṃ jāniṃsu, tvaṃ kasmā na aññāsī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сагун̣аяонияам̣ ниб̣б̣ад̇д̇ид̇ваа сагун̣асан̇гхабаривуд̇о аран̃н̃ааяад̇анз саакаавидабасамбаннам̣ махааругкам̣ ниссааяа васад̇и. ат̇згад̣̇ивасам̣ д̇асса ругкасса саакаасу ан̃н̃аман̃н̃ам̣ гхам̣санд̇ийсу жун̣н̣ам̣ бад̇ад̇и, д̇хуумо удтаад̇и. д̇ам̣ д̣̇исваа б̣од̇хисад̇д̇о жинд̇зси ‘‘имаа д̣̇вз саакаа звам̣ гхам̣самаанаа аг̇г̇им̣ виссаж̇ж̇зссанд̇и, со бад̇ид̇ваа бураан̣абан̣н̣аани г̇ан̣хиссад̇и, д̇ад̇о бадтааяа имамби ругкам̣ жхаабзссад̇и, на саггаа ид̇ха амхзхи васид̇ум̣, ид̇о балааяид̇ваа ан̃н̃ад̇т̇а г̇анд̇ум̣ ваддад̇ий’’д̇и. со сагун̣асан̇гхасса имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto sakuṇayoniyaṃ nibbattitvā sakuṇasaṅghaparivuto araññāyatane sākhāviṭapasampannaṃ mahārukkhaṃ nissāya vasati. Athekadivasaṃ tassa rukkhassa sākhāsu aññamaññaṃ ghaṃsantīsu cuṇṇaṃ patati, dhūmo uṭṭhāti. Taṃ disvā bodhisatto cintesi ‘‘imā dve sākhā evaṃ ghaṃsamānā aggiṃ vissajjessanti, so patitvā purāṇapaṇṇāni gaṇhissati, tato paṭṭhāya imampi rukkhaṃ jhāpessati, na sakkā idha amhehi vasituṃ, ito palāyitvā aññattha gantuṃ vaṭṭatī’’ti. So sakuṇasaṅghassa imaṃ gāthamāha –
36.
36.
‘‘яам̣ ниссид̇аа ж̇аг̇ад̇ирухам̣ вихан̇г̇амаа, свааяам̣ аг̇г̇им̣ бамун̃жад̇и;
‘‘Yaṃ nissitā jagatiruhaṃ vihaṅgamā, svāyaṃ aggiṃ pamuñcati;
д̣̇исаа бхаж̇ат̇а вагган̇г̇аа, ж̇аад̇ам̣ саран̣ад̇о бхаяа’’нд̇и.
Disā bhajatha vakkaṅgā, jātaṃ saraṇato bhaya’’nti.
д̇ад̇т̇а ж̇аг̇ад̇ируханд̇и ж̇аг̇ад̇и вужжад̇и бат̇авий, д̇ад̇т̇а ж̇аад̇ад̇д̇аа ругко ‘‘ж̇аг̇ад̇ирухо’’д̇и вужжад̇и. вихан̇г̇амаад̇и вихам̣ вужжад̇и аагаасам̣, д̇ад̇т̇а г̇аманад̇о багкий ‘‘вихан̇г̇амаа’’д̇и вужжанд̇и. д̣̇исаа бхаж̇ат̇аад̇и имам̣ ругкам̣ мун̃жид̇ваа ид̇о балааяанд̇аа жад̇ассо д̣̇исаа бхаж̇ат̇а. вагган̇г̇аад̇и сагун̣з аалабад̇и. д̇з хи уд̇д̇аман̇г̇ам̣ г̇алам̣ гад̣̇аажи гад̣̇аажи ван̇гам̣ гаронд̇и, д̇асмаа ‘‘вагган̇г̇аа’’д̇и вужжанд̇и. ван̇гаа ваа д̇зсам̣ убхосу бассзсу багкаа ж̇аад̇аад̇и вагган̇г̇аа. ж̇аад̇ам̣ саран̣ад̇о бхаяанд̇и амхаагам̣ авассаяаругкад̇оязва бхаяам̣ ниб̣б̣ад̇д̇ам̣, зт̇а ан̃н̃ад̇т̇а г̇ажчаамаад̇и.
Tattha jagatiruhanti jagati vuccati pathavī, tattha jātattā rukkho ‘‘jagatiruho’’ti vuccati. Vihaṅgamāti vihaṃ vuccati ākāsaṃ, tattha gamanato pakkhī ‘‘vihaṅgamā’’ti vuccanti. Disā bhajathāti imaṃ rukkhaṃ muñcitvā ito palāyantā catasso disā bhajatha. Vakkaṅgāti sakuṇe ālapati. Te hi uttamaṅgaṃ galaṃ kadāci kadāci vaṅkaṃ karonti, tasmā ‘‘vakkaṅgā’’ti vuccanti. Vaṅkā vā tesaṃ ubhosu passesu pakkhā jātāti vakkaṅgā. Jātaṃ saraṇato bhayanti amhākaṃ avassayarukkhatoyeva bhayaṃ nibbattaṃ, etha aññattha gacchāmāti.
б̣од̇хисад̇д̇асса важанагараа бан̣д̣ид̇асагун̣аа д̇зна сад̣̇д̇хим̣ згаббахаарзнзва уббад̇ид̇ваа ан̃н̃ад̇т̇а г̇ад̇аа. яз бана абан̣д̣ид̇аа, д̇з ‘‘звамзва зса б̣инд̣̇умад̇д̇з уд̣̇агз гумбхийлз бассад̇ий’’д̇и д̇асса важанам̣ аг̇г̇ахзд̇ваа д̇ад̇т̇зва васим̣су. д̇ад̇о на жирассзва б̣од̇хисад̇д̇зна жинд̇ид̇аагаарзнзва аг̇г̇и ниб̣б̣ад̇д̇ид̇ваа д̇ам̣ ругкам̣ аг̇г̇ахзси. д̇хуумзсу жа ж̇аалаасу жа удтид̇аасу д̇хууманд̇хаа сагун̣аа ан̃н̃ад̇т̇а г̇анд̇ум̣ наасагким̣су, аг̇г̇имхи бад̇ид̇ваа бад̇ид̇ваа винаасам̣ баабун̣им̣су.
Bodhisattassa vacanakarā paṇḍitasakuṇā tena saddhiṃ ekappahāreneva uppatitvā aññattha gatā. Ye pana apaṇḍitā, te ‘‘evameva esa bindumatte udake kumbhīle passatī’’ti tassa vacanaṃ aggahetvā tattheva vasiṃsu. Tato na cirasseva bodhisattena cintitākāreneva aggi nibbattitvā taṃ rukkhaṃ aggahesi. Dhūmesu ca jālāsu ca uṭṭhitāsu dhūmandhā sakuṇā aññattha gantuṃ nāsakkhiṃsu, aggimhi patitvā patitvā vināsaṃ pāpuṇiṃsu.
сад̇т̇аа ‘‘звам̣ бхигку буб̣б̣з д̇иражчаанаг̇ад̇ааби ругкаг̇г̇з васанд̇аа ад̇д̇ано саббааяаасаббааяам̣ ж̇аананд̇и, д̇вам̣ гасмаа на ан̃н̃аасий’’д̇и имам̣ д̇хаммад̣̇зсанам̣ аахарид̇ваа сажжаани багаасзси. сажжабарияосаанз со бхигку сод̇аабад̇д̇ипалз бад̇идтид̇о. сад̇т̇ааби анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа б̣од̇хисад̇д̇асса важанагараа сагун̣аа б̣уд̣̇д̇хабарисаа ахзсум̣, бан̣д̣ид̇асагун̣о бана ахамзва ахоси’’нд̇и.
Satthā ‘‘evaṃ bhikkhu pubbe tiracchānagatāpi rukkhagge vasantā attano sappāyāsappāyaṃ jānanti, tvaṃ kasmā na aññāsī’’ti imaṃ dhammadesanaṃ āharitvā saccāni pakāsesi. Saccapariyosāne so bhikkhu sotāpattiphale patiṭṭhito. Satthāpi anusandhiṃ ghaṭetvā jātakaṃ samodhānesi – ‘‘tadā bodhisattassa vacanakarā sakuṇā buddhaparisā ahesuṃ, paṇḍitasakuṇo pana ahameva ahosi’’nti.
сагун̣аж̇аад̇агаван̣н̣анаа чадтаа.
Sakuṇajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 36. сагун̣аж̇аад̇агам̣ • 36. Sakuṇajātakaṃ
