| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[308] 8. сагун̣аж̇аад̇агаван̣н̣анаа
[308] 8. Sakuṇajātakavaṇṇanā
агарамхаса д̇з гижжанд̇и ид̣̇ам̣ сад̇т̇аа ж̇зд̇аванз вихаранд̇о д̣̇звад̣̇ад̇д̇асса агад̇ан̃н̃уд̇ам̣ аараб̣бха гат̇зси. ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о агад̇ан̃н̃ууязваа’’д̇и вад̇ваа ад̇ийд̇ам̣ аахари.
Akaramhasa te kiccanti idaṃ satthā jetavane viharanto devadattassa akataññutaṃ ārabbha kathesi. ‘‘Na, bhikkhave, idāneva, pubbepi devadatto akataññūyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о химаванд̇абад̣̇зсз ругкагоддагасагун̣о худ̇ваа ниб̣б̣ад̇д̇и. ат̇згасса сийхасса мам̣сам̣ каад̣̇анд̇асса адти г̇алз лаг̇г̇и, г̇ало уд̣̇д̇хумааяи, г̇ожарам̣ г̇ан̣хид̇ум̣ на саггод̇и, караа взд̣̇анаа бавад̇д̇ад̇и. ат̇а нам̣ со сагун̣о г̇ожараббасуд̇о д̣̇исваа саакааяа нилийно ‘‘гим̣ д̇з, самма, д̣̇угка’’нд̇и бужчи. со д̇амад̇т̇ам̣ аажигки. ‘‘ахам̣ д̇з, самма, зд̇ам̣ адтим̣ абанзяяам̣, бхаязна бана д̇з мукам̣ бависид̇ум̣ на висахаами, каад̣̇зяяаасиби ма’’нд̇и. ‘‘маа бхааяи, самма, наахам̣ д̇ам̣ каад̣̇аами, ж̇ийвид̇ам̣ мз д̣̇зхий’’д̇и. со ‘‘саад̇хуу’’д̇и д̇ам̣ ваамабассзна нибаж̇ж̇аабзд̇ваа ‘‘го ж̇аанаад̇и, гимбзса гариссад̇ий’’д̇и жинд̇зд̇ваа яат̇аа мукам̣ бид̣̇ахид̇ум̣ на саггод̇и, д̇ат̇аа д̇асса ад̇хародтз жа уд̇д̇ародтз жа д̣̇ан̣д̣агам̣ табзд̇ваа мукам̣ бависид̇ваа адтигодим̣ д̇ун̣д̣зна бахари, адти бад̇ид̇ваа г̇ад̇ам̣. со адтим̣ баад̇зд̇ваа сийхасса мукад̇о нигкаманд̇о д̣̇ан̣д̣агам̣ д̇ун̣д̣зна бахарид̇ваа баад̇знд̇ова нигкамид̇ваа саакаг̇г̇з нилийяи. сийхо нирог̇о худ̇ваа згад̣̇ивасам̣ згам̣ ванамахим̣сам̣ вад̇хид̇ваа каад̣̇ад̇и. сагун̣о ‘‘виймам̣сиссаами на’’нд̇и д̇асса убарибхааг̇з саакааяа нилийяид̇ваа д̇зна сад̣̇д̇хим̣ саллабанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto himavantapadese rukkhakoṭṭakasakuṇo hutvā nibbatti. Athekassa sīhassa maṃsaṃ khādantassa aṭṭhi gale laggi, galo uddhumāyi, gocaraṃ gaṇhituṃ na sakkoti, kharā vedanā pavattati. Atha naṃ so sakuṇo gocarappasuto disvā sākhāya nilīno ‘‘kiṃ te, samma, dukkha’’nti pucchi. So tamatthaṃ ācikkhi. ‘‘Ahaṃ te, samma, etaṃ aṭṭhiṃ apaneyyaṃ, bhayena pana te mukhaṃ pavisituṃ na visahāmi, khādeyyāsipi ma’’nti. ‘‘Mā bhāyi, samma, nāhaṃ taṃ khādāmi, jīvitaṃ me dehī’’ti. So ‘‘sādhū’’ti taṃ vāmapassena nipajjāpetvā ‘‘ko jānāti, kimpesa karissatī’’ti cintetvā yathā mukhaṃ pidahituṃ na sakkoti, tathā tassa adharoṭṭhe ca uttaroṭṭhe ca daṇḍakaṃ ṭhapetvā mukhaṃ pavisitvā aṭṭhikoṭiṃ tuṇḍena pahari, aṭṭhi patitvā gataṃ. So aṭṭhiṃ pātetvā sīhassa mukhato nikkhamanto daṇḍakaṃ tuṇḍena paharitvā pātentova nikkhamitvā sākhagge nilīyi. Sīho nirogo hutvā ekadivasaṃ ekaṃ vanamahiṃsaṃ vadhitvā khādati. Sakuṇo ‘‘vīmaṃsissāmi na’’nti tassa uparibhāge sākhāya nilīyitvā tena saddhiṃ sallapanto paṭhamaṃ gāthamāha –
29.
29.
‘‘агарамхаса д̇з гижжам̣, яам̣ б̣алам̣ ахувамхасз;
‘‘Akaramhasa te kiccaṃ, yaṃ balaṃ ahuvamhase;
миг̇арааж̇а намо д̇яад̇т̇у, аби гин̃жи лабхаамасз’’д̇и.
Migarāja namo tyatthu, api kiñci labhāmase’’ti.
д̇ад̇т̇а агарамхаса д̇з гижжанд̇и бхо, сийха, маяамби д̇ава згам̣ гижжам̣ агаримха. яам̣ б̣алам̣ ахувамхасзд̇и яам̣ амхаагам̣ б̣алам̣ ахоси, д̇зна б̣алзна д̇ад̇о гин̃жи ахаабзд̇ваа агаримхаязва.
Tattha akaramhasa te kiccanti bho, sīha, mayampi tava ekaṃ kiccaṃ akarimha. Yaṃ balaṃ ahuvamhaseti yaṃ amhākaṃ balaṃ ahosi, tena balena tato kiñci ahāpetvā akarimhayeva.
д̇ам̣ суд̇ваа сийхо д̣̇уд̇ияам̣ г̇аат̇амааха –
Taṃ sutvā sīho dutiyaṃ gāthamāha –
30.
30.
‘‘мама лохид̇абхагкасса, нижжам̣ луд̣̇д̣̇аани губ̣б̣ад̇о;
‘‘Mama lohitabhakkhassa, niccaṃ luddāni kubbato;
д̣̇анд̇анд̇араг̇ад̇о санд̇о, д̇ам̣ б̣ахум̣ яамби ж̇ийвасий’’д̇и.
Dantantaragato santo, taṃ bahuṃ yampi jīvasī’’ti.
д̇ам̣ суд̇ваа сагун̣о ид̇араа д̣̇вз г̇аат̇аа абхааси –
Taṃ sutvā sakuṇo itarā dve gāthā abhāsi –
31.
31.
‘‘агад̇ан̃н̃умагад̇д̇аарам̣, гад̇асса аббадигаарагам̣;
‘‘Akataññumakattāraṃ, katassa appaṭikārakaṃ;
яасмим̣ гад̇ан̃н̃уд̇аа над̇т̇и, нирад̇т̇аа д̇асса сзванаа.
Yasmiṃ kataññutā natthi, niratthā tassa sevanā.
32.
32.
‘‘яасса саммукажин̣н̣зна, мид̇д̇ад̇хаммо на лаб̣бхад̇и;
‘‘Yassa sammukhaciṇṇena, mittadhammo na labbhati;
анусууяаманаггосам̣, сан̣игам̣ д̇амхаа абаггамз’’нд̇и.
Anusūyamanakkosaṃ, saṇikaṃ tamhā apakkame’’nti.
д̇ад̇т̇а агад̇ан̃н̃унд̇и гад̇аг̇ун̣ам̣ аж̇аананд̇ам̣. агад̇д̇ааранд̇и яам̣гин̃жи агаронд̇ам̣. саммукажин̣н̣знаад̇и саммукз гад̇зна г̇ун̣зна. анусууяаманаггосанд̇и д̇ам̣ буг̇г̇алам̣ на усууяанд̇о на аггосанд̇о сан̣игам̣ д̇амхаа баабабуг̇г̇алаа абаг̇ажчзяяаад̇и. звам̣ вад̇ваа со сагун̣о баггаами.
Tattha akataññunti kataguṇaṃ ajānantaṃ. Akattāranti yaṃkiñci akarontaṃ. Sammukhaciṇṇenāti sammukhe katena guṇena. Anusūyamanakkosanti taṃ puggalaṃ na usūyanto na akkosanto saṇikaṃ tamhā pāpapuggalā apagaccheyyāti. Evaṃ vatvā so sakuṇo pakkāmi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа сийхо д̣̇звад̣̇ад̇д̇о ахоси, сагун̣о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā sīho devadatto ahosi, sakuṇo pana ahameva ahosi’’nti.
сагун̣аж̇аад̇агаван̣н̣анаа адтамаа.
Sakuṇajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 308. сагун̣аж̇аад̇агам̣ • 308. Sakuṇajātakaṃ
