| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
салаагабхад̇д̇агат̇аа
Salākabhattakathā
салаагабхад̇д̇ам̣ бана звам̣ взд̣̇ид̇аб̣б̣анд̇и яож̇анаа. ‘‘важанад̇о’’д̇и бад̣̇ам̣ ‘‘д̣̇аад̇аб̣б̣аа’’д̇и бад̣̇з н̃аабагахзд̇у. салаагааяа ваад̇и гусад̣̇ан̣д̣з ваа. асугасса наамаад̇и асугасса наама убаасагасса. убаниб̣анд̇хид̇ваад̇и ликид̇ваа, чинд̣̇ид̇ваад̇и ад̇т̇о. ‘‘обун̃ж̇ид̇ваа’’д̇и бад̣̇асса ад̇т̇ам̣ д̣̇ассзнд̇о ааха ‘‘бунаббунам̣ хздтубарияавасзна аалол̣зд̇ваа’’д̇и. бхад̇д̇уд̣̇д̣̇зсагзна д̣̇аад̇аб̣б̣аад̇и самб̣анд̇хо.
Salākabhattaṃ pana evaṃ veditabbanti yojanā. ‘‘Vacanato’’ti padaṃ ‘‘dātabbā’’ti pade ñāpakahetu. Salākāya vāti kusadaṇḍe vā. Asukassa nāmāti asukassa nāma upāsakassa. Upanibandhitvāti likhitvā, chinditvāti attho. ‘‘Opuñjitvā’’ti padassa atthaṃ dassento āha ‘‘punappunaṃ heṭṭhupariyavasena āloḷetvā’’ti. Bhattuddesakena dātabbāti sambandho.
на б̣ахугаад̇и аббагаа. г̇аамавасзнабийд̇и язбхуяязна самааналаабхаг̇аамавасзнаби. бисад̣̇д̣̇зна гулам̣ абзгкад̇и. г̇аахзнд̇зна г̇аахид̇аанзваад̇и самб̣анд̇хо. садтисалаагабхад̇д̇аани хонд̇ийд̇и яож̇анаа. д̇зсанд̇и д̣̇виннам̣ д̇ин̣н̣ам̣ салаагабхад̇д̇аанам̣.
Na bahukāti appakā. Gāmavasenapīti yebhuyyena samānalābhagāmavasenapi. Pisaddena kulaṃ apekkhati. Gāhentena gāhitānevāti sambandho. Saṭṭhisalākabhattāni hontīti yojanā. Tesanti dvinnaṃ tiṇṇaṃ salākabhattānaṃ.
д̇анд̇и б̣ахусалаагабхад̇д̇аг̇аамам̣. д̇ам̣ банаад̇и згасалаагабхад̇д̇ам̣ бана. зд̇зсууд̇и бхигкуусу. ниг̇г̇ахзнаад̇и д̣̇уурад̇д̇аа анижчанд̇ассаби згасса ниг̇г̇ахзна. д̇анд̇и салаагабхад̇д̇ам̣. оримаг̇аамзд̇и орабхааг̇з тид̇з г̇аамз. г̇аахид̇асан̃н̃ааяаад̇и г̇аахид̇аа ид̇и сан̃н̃ааяа. буна вихаарам̣ ааг̇анд̇ваад̇и буна вихаарам̣ анааг̇анд̇ваа оримаг̇аамз салаагабхад̇д̇аани батамам̣ г̇ахзд̇ваа бажчаа вихаарам̣ ааг̇анд̇ваа ад̇д̇ано баабзд̇ваа бхун̃ж̇ид̇умби ваддад̇и. гасмаа буна вихааро ааг̇анд̇аб̣б̣о, нану аг̇аахид̇оби ад̇д̇ано бад̇д̇ад̇д̇аа г̇ахзд̇ваа бхун̃ж̇ид̇ум̣ ваддад̇ийд̇и ааха ‘‘на хий’’д̇иаад̣̇и. хи яасмаа б̣ахисиймааяа сан̇гхалаабхо г̇аахзд̇ум̣ на лаб̣бхад̇и, д̇асмаа вихааро ааг̇анд̇аб̣б̣од̇и яож̇анаа. згаб̣аахавасзна ваад̇и згааяа гхарабаал̣исан̇каад̇ааяа б̣аахааяавасзна ваа. вийт̇иаад̣̇ийсу жаад̇и вийт̇иб̣аахагулзсу жа, нид̣̇д̇хааран̣з бхуммам̣. яад̇т̇аад̇и яасмим̣ таанз. салаагаасу асад̇и асанд̇аасууд̇и яож̇анаа. уд̣̇д̣̇исид̇ваабийд̇и ‘‘асугаг̇аамасса салаагабхад̇д̇аани д̇уяхам̣ баабун̣анд̇ий’’д̇и г̇аамаад̣̇ийни уд̣̇д̣̇исид̇вааби.
Tanti bahusalākabhattagāmaṃ. Taṃ panāti ekasalākabhattaṃ pana. Etesūti bhikkhūsu. Niggahenāti dūrattā anicchantassapi ekassa niggahena. Tanti salākabhattaṃ. Orimagāmeti orabhāge ṭhite gāme. Gāhitasaññāyāti gāhitā iti saññāya. Puna vihāraṃ āgantvāti puna vihāraṃ anāgantvā orimagāme salākabhattāni paṭhamaṃ gahetvā pacchā vihāraṃ āgantvā attano pāpetvā bhuñjitumpi vaṭṭati. Kasmā puna vihāro āgantabbo, nanu agāhitopi attano pattattā gahetvā bhuñjituṃ vaṭṭatīti āha ‘‘na hī’’tiādi. Hi yasmā bahisīmāya saṅghalābho gāhetuṃ na labbhati, tasmā vihāro āgantabboti yojanā. Ekabāhavasena vāti ekāya gharapāḷisaṅkhātāya bāhāyavasena vā. Vīthiādīsu cāti vīthibāhakulesu ca, niddhāraṇe bhummaṃ. Yatthāti yasmiṃ ṭhāne. Salākāsu asati asantāsūti yojanā. Uddisitvāpīti ‘‘asukagāmassa salākabhattāni tuyhaṃ pāpuṇantī’’ti gāmādīni uddisitvāpi.
д̇амзвад̇т̇ам̣ вид̇т̇аарзнд̇о ааха ‘‘д̇зна хий’’д̇иаад̣̇и. д̇ад̇т̇а д̇знаад̇и салаагад̣̇ааяагзна бхигкунаа. г̇аахзд̇аб̣б̣анд̇и самб̣анд̇хо. ваараг̇аамзд̇и ад̇ид̣̇уурад̇д̇аа ваарзна г̇анд̇аб̣б̣з г̇аамз. д̇ад̇раад̇и д̇ам̣ г̇аамам̣.
Tamevatthaṃ vitthārento āha ‘‘tena hī’’tiādi. Tattha tenāti salākadāyakena bhikkhunā. Gāhetabbanti sambandho. Vāragāmeti atidūrattā vārena gantabbe gāme. Tatrāti taṃ gāmaṃ.
ад̇ирзгаг̇аавуд̇зд̇и г̇аавуд̇ад̇о ад̇ирзгз таанз. д̇ам̣д̣̇ивасанд̇и д̇асмим̣ салаагабхад̇д̇аг̇ахан̣ад̣̇ивасз. яо на г̇ажчад̇и, д̇асса на д̣̇аад̇аб̣б̣аад̇и яож̇анаа. хийд̇и яасмаа. д̇ийн̣и бана д̣̇ивасаанийд̇и ажжанд̇асам̣яог̇з жзд̇ам̣ убаяог̇аважанам̣. д̇анд̇и оримаваараг̇аамасалаагам̣. д̣̇ан̣д̣агаммам̣ бана гинд̇и г̇аал̣хам̣ гаад̇аб̣б̣анд̇и ааха ‘‘садтид̇о ваа бан̣н̣аасад̇о ваа на барихаабзд̇аб̣б̣а’’нд̇и. вихаараваарод̇и вихаарасса рагканад̇т̇ааяа вааро. вихааравааригассаад̇и вихаарам̣ ваарзна, ваарам̣ г̇ахзд̇ваа ваа рагкад̇ийд̇и вихаараваариго, д̇асса д̣̇аад̇аб̣б̣аад̇и самб̣анд̇хо. вихаараг̇обагаад̇и вихаарам̣ г̇обзнд̇ийд̇и вихаараг̇обагаа. ан̃н̃ат̇ад̇д̇анд̇и басаад̣̇ан̃н̃ат̇ад̇д̇ам̣. ан̃н̃зсу гулзсу д̣̇аад̇аб̣б̣аад̇и ан̃н̃зсам̣ гулаанам̣ яааг̇уаад̣̇аяо д̣̇аад̇аб̣б̣аа.
Atirekagāvuteti gāvutato atireke ṭhāne. Taṃdivasanti tasmiṃ salākabhattagahaṇadivase. Yo na gacchati, tassa na dātabbāti yojanā. Hīti yasmā. Tīṇi pana divasānīti accantasaṃyoge cetaṃ upayogavacanaṃ. Tanti orimavāragāmasalākaṃ. Daṇḍakammaṃ pana kinti gāḷhaṃ kātabbanti āha ‘‘saṭṭhito vā paṇṇāsato vā na parihāpetabba’’nti. Vihāravāroti vihārassa rakkhanatthāya vāro. Vihāravārikassāti vihāraṃ vārena, vāraṃ gahetvā vā rakkhatīti vihāravāriko, tassa dātabbāti sambandho. Vihāragopakāti vihāraṃ gopentīti vihāragopakā. Aññathattanti pasādaññathattaṃ. Aññesu kulesu dātabbāti aññesaṃ kulānaṃ yāguādayo dātabbā.
ваарам̣ г̇аахзд̇ваад̇и ан̃н̃зхи ваарам̣ г̇аахаабзд̇ваа. нзсанд̇и вихааравааригаанам̣. салаагаад̇и багад̇игад̇д̇аарам̣ абзгкид̇ваа ‘‘бхаванд̇ий’’д̇и б̣ахуважанавасзна вуд̇д̇ам̣. паад̇игаммамзваад̇и вихаарарагканад̇т̇ааяа сан̇гхзна д̣̇аад̇аб̣б̣апаад̇игаммамзва. ан̃н̃амбийд̇и бисад̣̇д̣̇зна на гзвалам̣ паад̇игаммамзва, ан̃н̃амбийд̇и д̣̇ассзд̇и. ад̇ирзгауд̇д̇арибхан̇г̇ассаад̇и ад̇ирзгам̣ уд̇д̇арибхан̇г̇амзд̇ассаад̇и ад̇ирзгауд̇д̇арибхан̇г̇ам̣, д̇асса.
Vāraṃ gāhetvāti aññehi vāraṃ gāhāpetvā. Nesanti vihāravārikānaṃ. Salākāti pakatikattāraṃ apekkhitvā ‘‘bhavantī’’ti bahuvacanavasena vuttaṃ. Phātikammamevāti vihārarakkhanatthāya saṅghena dātabbaphātikammameva. Aññampīti pisaddena na kevalaṃ phātikammameva, aññampīti dasseti. Atirekauttaribhaṅgassāti atirekaṃ uttaribhaṅgametassāti atirekauttaribhaṅgaṃ, tassa.
салаагаа лад̣̇д̇хаад̇и салаагаа зва лад̣̇д̇хаа. д̇ам̣д̣̇ивасанд̇и д̇асмим̣ салаагалад̣̇д̇хад̣̇ивасз. згассзваад̇и згзгассзва. виж̇адзд̇ваад̇и д̇аани д̣̇вз д̇ийн̣и згажааригабхад̇д̇аани виж̇адам̣ ниг̇умб̣ам̣ гад̇ваа.
Salākā laddhāti salākā eva laddhā. Taṃdivasanti tasmiṃ salākaladdhadivase. Ekassevāti ekekasseva. Vijaṭetvāti tāni dve tīṇi ekacārikabhattāni vijaṭaṃ nigumbaṃ katvā.
згасамбхог̇аад̇и згад̇о самбхог̇аа. г̇аахзнд̇зна д̣̇аад̇унд̇и самб̣анд̇хо. саммукийбхууд̇ассаад̇и убажаарасиймааяам̣ тид̇асса яасса гассажи, баабзд̇ваад̇и яож̇анаа. расасалааганд̇и ужчусалаагам̣. ‘‘расааласалаага’’нд̇иби баато, аяамзвад̇т̇о. куд̣̇д̣̇агавихаарз г̇аахзд̇аб̣б̣авид̇хаанам̣ д̣̇ассзд̇ваа махааааваасз д̇ам̣ д̣̇ассзнд̇о ааха ‘‘махааааваасз’’д̇иаад̣̇и.
Ekasambhogāti ekato sambhogā. Gāhentena dātunti sambandho. Sammukhībhūtassāti upacārasīmāyaṃ ṭhitassa yassa kassaci, pāpetvāti yojanā. Rasasalākanti ucchusalākaṃ. ‘‘Rasālasalāka’’ntipi pāṭho, ayamevattho. Khuddakavihāre gāhetabbavidhānaṃ dassetvā mahāāvāse taṃ dassento āha ‘‘mahāāvāse’’tiādi.
‘‘д̇аггасалаагамби …бз… д̣̇аад̇ум̣ ваддад̇ий’’д̇и ид̣̇ам̣ куд̣̇д̣̇агавихаарам̣ санд̇хааяа вуд̇д̇ам̣, д̇зна вуд̇д̇ам̣ ‘‘махааааваасз’’д̇иаад̣̇и. бхзсаж̇ж̇аад̣̇исалаагааяод̇и зд̇т̇а аад̣̇исад̣̇д̣̇зна г̇анд̇хамаалаасалаагааяо сан̇г̇ан̣хаад̇и. зд̇т̇аад̇и салаагаасу. аг̇г̇абхигкамад̇д̇анд̇и аг̇г̇ад̇о д̣̇аад̇аб̣б̣ам̣ бхигкаамад̇д̇ам̣. д̇аад̣̇исаани бхад̇д̇аанийд̇и аг̇г̇абхигкаамад̇д̇асабхааваани бхад̇д̇аани. но жзд̇и д̇аад̣̇исаани бхад̇д̇аани б̣ахууни но жз хонд̇и. лад̣̇д̇хаа ваа алад̣̇д̇хаа ваад̇и лабхид̇ваа ваа алабхид̇ваа ваа.
‘‘Takkasalākampi …pe… dātuṃ vaṭṭatī’’ti idaṃ khuddakavihāraṃ sandhāya vuttaṃ, tena vuttaṃ ‘‘mahāāvāse’’tiādi. Bhesajjādisalākāyoti ettha ādisaddena gandhamālāsalākāyo saṅgaṇhāti. Etthāti salākāsu. Aggabhikkhamattanti aggato dātabbaṃ bhikkhāmattaṃ. Tādisāni bhattānīti aggabhikkhāmattasabhāvāni bhattāni. No ceti tādisāni bhattāni bahūni no ce honti. Laddhā vā aladdhā vāti labhitvā vā alabhitvā vā.
салаагаасу г̇аахид̇аасууд̇и ан̃н̃аасу салаагаасу г̇аахид̇аасу. самийбз тид̇ассаад̇и хад̇т̇ам̣ абасаарзд̇ваа самийбз тид̇асса. ассаад̇и бхигкусса. аяам̣ салаагаад̇и ‘‘аяам̣ д̇асса салаагаа’’д̇и табзд̇ум̣ ваддад̇и. ад̇хаммигаад̇и гад̇игаа ад̇хаммаяуд̇д̇аа. анааг̇ад̇асса д̣̇зт̇аад̇и анааг̇ад̇асса бхигкусса салаагам̣ д̣̇зт̇а.
Salākāsu gāhitāsūti aññāsu salākāsu gāhitāsu. Samīpe ṭhitassāti hatthaṃ apasāretvā samīpe ṭhitassa. Assāti bhikkhussa. Ayaṃ salākāti ‘‘ayaṃ tassa salākā’’ti ṭhapetuṃ vaṭṭati. Adhammikāti katikā adhammayuttā. Anāgatassa dethāti anāgatassa bhikkhussa salākaṃ detha.
сод̇и бхад̇д̇уд̣̇д̣̇зсаго, вад̣̇зяяаад̇и самб̣анд̇хо. маяаа маяхам̣ баабид̇анд̇и самб̣анд̇хо. д̇ад̇т̇аад̇и г̇аамз. бхун̃ж̇зяяаат̇а ид̇и вад̣̇зяяа, ваддад̇ийд̇и яож̇анаа. д̇ад̇т̇зваад̇и асанасаалааяамзва. д̇ад̇раад̇и д̇асмим̣ г̇аамз. вихаарам̣ аанзд̇ваад̇и вихаарам̣ салаагабхад̇д̇ам̣ аанзд̇ваа. салаагаг̇г̇аахан̣агаалзд̇и салаагааяа бхигкуухи г̇аахаабанагаалз.
Soti bhattuddesako, vadeyyāti sambandho. Mayā mayhaṃ pāpitanti sambandho. Tatthāti gāme. Bhuñjeyyātha iti vadeyya, vaṭṭatīti yojanā. Tatthevāti asanasālāyameva. Tatrāti tasmiṃ gāme. Vihāraṃ ānetvāti vihāraṃ salākabhattaṃ ānetvā. Salākaggāhaṇakāleti salākāya bhikkhūhi gāhāpanakāle.
д̇ад̇т̇аад̇и д̇асмим̣ д̣̇исаабхааг̇з. ан̃н̃знаад̇и ад̇д̇анаа ан̃н̃зна, лад̣̇д̇хаа ход̇ийд̇и самб̣анд̇хо. д̇зна банаад̇и г̇амигад̇о ид̇арзна. д̇асминд̇и г̇амигз. убажаарасиймам̣ анад̇игганд̇зязваад̇и яож̇анаа.
Tatthāti tasmiṃ disābhāge. Aññenāti attanā aññena, laddhā hotīti sambandho. Tena panāti gamikato itarena. Tasminti gamike. Upacārasīmaṃ anatikkanteyevāti yojanā.
д̇ад̇т̇аад̇и чад̣д̣ид̇авихаарз. д̇зсууд̇и ааваасигзсу бхигкуусу, г̇ад̇зсууд̇и самб̣анд̇хо. соваад̇и ааг̇анд̇уго зва. яо бана г̇ажчад̇ийд̇и самб̣анд̇хо. д̇анд̇и салаагабхад̇д̇ам̣, на баабун̣аад̇ийд̇и самб̣анд̇хо.
Tatthāti chaḍḍitavihāre. Tesūti āvāsikesu bhikkhūsu, gatesūti sambandho. Sovāti āgantuko eva. Yo pana gacchatīti sambandho. Tanti salākabhattaṃ, na pāpuṇātīti sambandho.
бун̃н̃знаад̇и бун̃н̃асмаа. д̇аа жа ко банаад̇и салаагааяо бана. бажчим̣ банаад̇и салаагабажчим̣ бана. д̇ад̇т̇аад̇и бажчияам̣. зд̇д̇оваад̇и аагиран̣адтаанад̇ова. зганд̇и згам̣ салаагам̣. вад̇д̇аб̣б̣анд̇и салаагад̣̇ааяагзна вад̇д̇аб̣б̣ам̣.
Puññenāti puññasmā. Tā ca kho panāti salākāyo pana. Pacchiṃ panāti salākapacchiṃ pana. Tatthāti pacchiyaṃ. Ettovāti ākiraṇaṭṭhānatova. Ekanti ekaṃ salākaṃ. Vattabbanti salākadāyakena vattabbaṃ.
бхигкуу г̇ад̇аад̇и самб̣анд̇хо. д̇ад̇т̇аад̇и ан̃н̃асмим̣ вихаарз. махаат̇зроби г̇ажчад̇ийд̇и самб̣анд̇хо. г̇ад̇авихаарз абхун̃ж̇ид̇ваава г̇ожараг̇аамам̣ ануббад̇д̇зхи бхигкуухи бад̇д̇аа на д̣̇аад̇аб̣б̣аад̇и яож̇анаа. вихаарадтагам̣ бхад̇д̇анд̇и вихаарз тид̇ам̣ бхад̇д̇ам̣.
Bhikkhū gatāti sambandho. Tatthāti aññasmiṃ vihāre. Mahātheropi gacchatīti sambandho. Gatavihāre abhuñjitvāva gocaragāmaṃ anuppattehi bhikkhūhi pattā na dātabbāti yojanā. Vihāraṭṭhakaṃ bhattanti vihāre ṭhitaṃ bhattaṃ.
