| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. सळलमण्डपियत्थेरअपदानं
8. Saḷalamaṇḍapiyattheraapadānaṃ
४४९.
449.
‘‘निब्बुते ककुसन्धम्हि, ब्राह्मणम्हि वुसीमति।
‘‘Nibbute kakusandhamhi, brāhmaṇamhi vusīmati;
गहेत्वा सळलं मालं, मण्डपं कारयिं अहं॥
Gahetvā saḷalaṃ mālaṃ, maṇḍapaṃ kārayiṃ ahaṃ.
४५०.
450.
‘‘तावतिंसगतो सन्तो, लभामि ब्यम्हमुत्तमं।
‘‘Tāvatiṃsagato santo, labhāmi byamhamuttamaṃ;
अञ्ञे देवेतिरोचामि, पुञ्ञकम्मस्सिदं फलं॥
Aññe devetirocāmi, puññakammassidaṃ phalaṃ.
४५१.
451.
‘‘दिवा वा यदि वा रत्तिं, चङ्कमन्तो ठितो चहं।
‘‘Divā vā yadi vā rattiṃ, caṅkamanto ṭhito cahaṃ;
छन्नो सळलपुप्फेहि, पुञ्ञकम्मस्सिदं फलं॥
Channo saḷalapupphehi, puññakammassidaṃ phalaṃ.
४५२.
452.
‘‘इमस्मिंयेव कप्पम्हि, यं बुद्धमभिपूजयिं।
‘‘Imasmiṃyeva kappamhi, yaṃ buddhamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
४५३.
453.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
४५४.
454.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
४५५.
455.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सळलमण्डपियो थेरो इमा गाथायो अभासित्थाति।
Itthaṃ sudaṃ āyasmā saḷalamaṇḍapiyo thero imā gāthāyo abhāsitthāti.
सळलमण्डपियत्थेरस्सापदानं अट्ठमं।
Saḷalamaṇḍapiyattherassāpadānaṃ aṭṭhamaṃ.
