| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. सळलपुप्फिकाथेरीअपदानं
2. Saḷalapupphikātherīapadānaṃ
२२.
22.
‘‘चन्दभागानदीतीरे, अहोसिं किन्नरी तदा।
‘‘Candabhāgānadītīre, ahosiṃ kinnarī tadā;
अद्दसाहं देवदेवं, चङ्कमन्तं नरासभं॥
Addasāhaṃ devadevaṃ, caṅkamantaṃ narāsabhaṃ.
२३.
23.
‘‘ओचिनित्वान सळलं, बुद्धसेट्ठस्सदासहं।
‘‘Ocinitvāna saḷalaṃ, buddhaseṭṭhassadāsahaṃ;
उपसिङ्घि महावीरो, सळलं देवगन्धिकं॥
Upasiṅghi mahāvīro, saḷalaṃ devagandhikaṃ.
२४.
24.
‘‘पटिग्गहेत्वा सम्बुद्धो, विपस्सी लोकनायको।
‘‘Paṭiggahetvā sambuddho, vipassī lokanāyako;
उपसिङ्घि महावीरो, पेक्खमानाय मे तदा॥
Upasiṅghi mahāvīro, pekkhamānāya me tadā.
२५.
25.
सकं चित्तं पसादेत्वा, ततो पब्बतमारुहिं॥
Sakaṃ cittaṃ pasādetvā, tato pabbatamāruhiṃ.
२६.
26.
‘‘एकनवुतितो कप्पे, यं पुप्फमददिं तदा।
‘‘Ekanavutito kappe, yaṃ pupphamadadiṃ tadā;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
२७.
27.
‘‘किलेसा झापिता मय्हं…पे॰… विहरामि अनासवा॥
‘‘Kilesā jhāpitā mayhaṃ…pe… viharāmi anāsavā.
२८.
28.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
२९.
29.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं सळलपुप्फिका भिक्खुनी इमा गाथायो अभासित्थाति।
Itthaṃ sudaṃ saḷalapupphikā bhikkhunī imā gāthāyo abhāsitthāti.
सळलपुप्फिकाथेरियापदानं दुतियं।
Saḷalapupphikātheriyāpadānaṃ dutiyaṃ.
Footnotes:
