| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. सालपुप्फदायकत्थेरअपदानं
9. Sālapupphadāyakattheraapadānaṃ
६०.
60.
‘‘मिगराजा तदा आसिं, अभिजातो सुकेसरी।
‘‘Migarājā tadā āsiṃ, abhijāto sukesarī;
गिरिदुग्गं गवेसन्तो, अद्दसं लोकनायकं॥
Giriduggaṃ gavesanto, addasaṃ lokanāyakaṃ.
६१.
61.
‘‘अयं नु खो महावीरो, निब्बापेति महाजनं।
‘‘Ayaṃ nu kho mahāvīro, nibbāpeti mahājanaṃ;
यंनूनाहं उपासेय्यं, देवदेवं नरासभं॥
Yaṃnūnāhaṃ upāseyyaṃ, devadevaṃ narāsabhaṃ.
६२.
62.
‘‘साखं सालस्स भञ्जित्वा, सकोसं पुप्फमाहरिं।
‘‘Sākhaṃ sālassa bhañjitvā, sakosaṃ pupphamāhariṃ;
उपगन्त्वान सम्बुद्धं, अदासिं पुप्फमुत्तमं॥
Upagantvāna sambuddhaṃ, adāsiṃ pupphamuttamaṃ.
६३.
63.
‘‘एकनवुतितो कप्पे, यं पुप्फमभिरोपयिं।
‘‘Ekanavutito kappe, yaṃ pupphamabhiropayiṃ;
दुग्गतिं नाभिजानामि, पुप्फदानस्सिदं फलं॥
Duggatiṃ nābhijānāmi, pupphadānassidaṃ phalaṃ.
६४.
64.
‘‘इतो च नवमे कप्पे, विरोचनसनामका।
‘‘Ito ca navame kappe, virocanasanāmakā;
तयो आसिंसु राजानो, चक्कवत्ती महब्बला॥
Tayo āsiṃsu rājāno, cakkavattī mahabbalā.
६५.
65.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सालपुप्फदायको थेरो इमा गाथायो अभासित्थाति।
Itthaṃ sudaṃ āyasmā sālapupphadāyako thero imā gāthāyo abhāsitthāti.
सालपुप्फदायकत्थेरस्सापदानं नवमं।
Sālapupphadāyakattherassāpadānaṃ navamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ९. सालपुप्फदायकत्थेरअपदानवण्णना • 9. Sālapupphadāyakattheraapadānavaṇṇanā
