| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੯. ਸਾਲਪੁਪ੍ਫਦਾਯਕਤ੍ਥੇਰਅਪਦਾਨવਣ੍ਣਨਾ
9. Sālapupphadāyakattheraapadānavaṇṇanā
ਮਿਗਰਾਜਾ ਤਦਾ ਆਸਿਨ੍ਤਿਆਦਿਕਂ ਆਯਸ੍ਮਤੋ ਸਾਲਪੁਪ੍ਫਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ ਕਤਕੁਸਲਸਞ੍ਚਯੋ ਕੇਨਚਿ ਕਮ੍ਮਚ੍ਛਿਦ੍ਦੇਨ ਹਿਮવਨ੍ਤੇ ਸੀਹਯੋਨਿਯਂ ਨਿਬ੍ਬਤ੍ਤੋ ਅਨੇਕਸੀਹਪਰਿવਾਰੋ વਿਹਾਸਿ। ਤਦਾ ਸਿਖੀ ਭਗવਾ ਤਸ੍ਸਾਨੁਕਮ੍ਪਾਯ ਹਿਮવਨ੍ਤਂ ਅਗਮਾਸਿ। ਸੀਹੋ ਤਂ ਉਪਗਤਂ ਦਿਸ੍વਾ ਪਸਨ੍ਨਮਾਨਸੋ ਸਾਖਾਭਙ੍ਗੇਨ ਸਕਣ੍ਣਿਕਸਾਲਪੁਪ੍ਫਂ ਗਹੇਤ੍વਾ ਪੂਜੇਸਿ। ਭਗવਾ ਤਸ੍ਸ ਅਨੁਮੋਦਨਂ ਅਕਾਸਿ।
Migarājātadā āsintiādikaṃ āyasmato sālapupphadāyakattherassa apadānaṃ. Ayampi purimabuddhesu katādhikāro tattha tattha bhave katakusalasañcayo kenaci kammacchiddena himavante sīhayoniyaṃ nibbatto anekasīhaparivāro vihāsi. Tadā sikhī bhagavā tassānukampāya himavantaṃ agamāsi. Sīho taṃ upagataṃ disvā pasannamānaso sākhābhaṅgena sakaṇṇikasālapupphaṃ gahetvā pūjesi. Bhagavā tassa anumodanaṃ akāsi.
੬੦. ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਤ੍ਥਰਿ ਪਸਨ੍ਨੋ ਪਬ੍ਬਜਿਤ੍વਾ ਅਰਹਤ੍ਤਂ ਪਤ੍ਤੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਮਿਗਰਾਜਾ ਤਦਾ ਆਸਿਨ੍ਤਿਆਦਿਮਾਹ। ਤਤ੍ਥ ਮਰਣਂ ਗਚ੍ਛਨ੍ਤੀਤਿ ਮਿਗਾ, ਅਥ વਾ ਘਾਸਂ ਮਗ੍ਗਨ੍ਤਿ ਗવੇਸਨ੍ਤੀਤਿ ਮਿਗਾ, ਮਿਗਾਨਂ ਰਾਜਾ ਮਿਗਰਾਜਾ। ਸਕਲਚਤੁਪ੍ਪਦਾਨਂ ਰਾਜਭਾવੇ ਸਤਿਪਿ ਗਾਥਾਬਨ੍ਧਸੁਖਤ੍ਥਂ ਮਿਗੇ ਆਦਿਂ ਕਤ੍વਾ ਮਿਗਰਾਜਾਤਿ વੁਤ੍ਤਂ। ਯਦਾ ਭਗવਨ੍ਤਂ ਦਿਸ੍વਾ ਸਪੁਪ੍ਫਂ ਸਾਲਸਾਖਂ ਭਞ੍ਜਿਤ੍વਾ ਪੂਜੇਸਿਂ, ਤਦਾ ਅਹਂ ਮਿਗਰਾਜਾ ਅਹੋਸਿਨ੍ਤਿ ਅਤ੍ਥੋ।
60. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde ekasmiṃ kulagehe nibbatto viññutaṃ patvā satthari pasanno pabbajitvā arahattaṃ patto attano pubbakammaṃ saritvā somanassajāto pubbacaritāpadānaṃ pakāsento migarājā tadā āsintiādimāha. Tattha maraṇaṃ gacchantīti migā, atha vā ghāsaṃ magganti gavesantīti migā, migānaṃ rājā migarājā. Sakalacatuppadānaṃ rājabhāve satipi gāthābandhasukhatthaṃ mige ādiṃ katvā migarājāti vuttaṃ. Yadā bhagavantaṃ disvā sapupphaṃ sālasākhaṃ bhañjitvā pūjesiṃ, tadā ahaṃ migarājā ahosinti attho.
੬੨. ਸਕੋਸਂ ਪੁਪ੍ਫਮਾਹਰਿਨ੍ਤਿ ਸਕਣ੍ਣਿਕਂ ਸਾਲਪੁਪ੍ਫਂ ਆਹਰਿਂ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
62.Sakosaṃ pupphamāharinti sakaṇṇikaṃ sālapupphaṃ āhariṃ pūjesinti attho. Sesaṃ uttānatthamevāti.
ਸਾਲਪੁਪ੍ਫਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sālapupphadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. ਸਾਲਪੁਪ੍ਫਦਾਯਕਤ੍ਥੇਰਅਪਦਾਨਂ • 9. Sālapupphadāyakattheraapadānaṃ
