| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
7. сал̣ааяад̇анавибхан̇г̇асуд̇д̇ам̣
7. Saḷāyatanavibhaṅgasuttaṃ
304. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘сал̣ааяад̇анавибхан̇г̇ам̣ во, бхигкавз, д̣̇зсзссаами. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
304. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘saḷāyatanavibhaṅgaṃ vo, bhikkhave, desessāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘‘ча аж̇жхад̇д̇игаани ааяад̇анаани взд̣̇ид̇аб̣б̣аани, ча б̣аахираани ааяад̇анаани взд̣̇ид̇аб̣б̣аани, ча вин̃н̃аан̣агааяаа взд̣̇ид̇аб̣б̣аа, ча пассагааяаа взд̣̇ид̇аб̣б̣аа, адтаараса манобавижаараа взд̣̇ид̇аб̣б̣аа, чад̇д̇им̣са сад̇д̇абад̣̇аа взд̣̇ид̇аб̣б̣аа, д̇ад̇ра ид̣̇ам̣ ниссааяа ид̣̇ам̣ баж̇ахат̇а, д̇аяо сад̇ибадтаанаа яад̣̇арияо сзвад̇и яад̣̇арияо сзвамаано сад̇т̇аа г̇ан̣аманусаасид̇умарахад̇и, со вужжад̇и яог̇г̇аажарияаанам̣ 1 ануд̇д̇аро бурисад̣̇аммасаарат̇ий’д̇и – аяамуд̣̇д̣̇зсо сал̣ааяад̇анавибхан̇г̇асса.
‘‘‘Cha ajjhattikāni āyatanāni veditabbāni, cha bāhirāni āyatanāni veditabbāni, cha viññāṇakāyā veditabbā, cha phassakāyā veditabbā, aṭṭhārasa manopavicārā veditabbā, chattiṃsa sattapadā veditabbā, tatra idaṃ nissāya idaṃ pajahatha, tayo satipaṭṭhānā yadariyo sevati yadariyo sevamāno satthā gaṇamanusāsitumarahati, so vuccati yoggācariyānaṃ 2 anuttaro purisadammasārathī’ti – ayamuddeso saḷāyatanavibhaṅgassa.
305. ‘‘‘ча аж̇жхад̇д̇игаани ааяад̇анаани взд̣̇ид̇аб̣б̣ааний’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ‘жагкааяад̇анам̣ сод̇ааяад̇анам̣ гхаанааяад̇анам̣ ж̇ивхааяад̇анам̣ гааяааяад̇анам̣ манааяад̇анам̣ – ча аж̇жхад̇д̇игаани ааяад̇анаани взд̣̇ид̇аб̣б̣ааний’д̇и – ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
305. ‘‘‘Cha ajjhattikāni āyatanāni veditabbānī’ti – iti kho panetaṃ vuttaṃ. Kiñcetaṃ paṭicca vuttaṃ? ‘Cakkhāyatanaṃ sotāyatanaṃ ghānāyatanaṃ jivhāyatanaṃ kāyāyatanaṃ manāyatanaṃ – cha ajjhattikāni āyatanāni veditabbānī’ti – iti yaṃ taṃ vuttaṃ idametaṃ paṭicca vuttaṃ.
‘‘‘ча б̣аахираани ааяад̇анаани взд̣̇ид̇аб̣б̣ааний’д̇и – ид̇и ко банзд̇ам̣ вуд̇д̇ам̣ . гин̃жзд̇ам̣ бадижжа вуд̇д̇ам̣? ‘руубааяад̇анам̣ сад̣̇д̣̇ааяад̇анам̣ г̇анд̇хааяад̇анам̣ расааяад̇анам̣ подтаб̣б̣ааяад̇анам̣ д̇хаммааяад̇анам̣ – ча б̣аахираани ааяад̇анаани взд̣̇ид̇аб̣б̣ааний’д̇и – ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Cha bāhirāni āyatanāni veditabbānī’ti – iti kho panetaṃ vuttaṃ . Kiñcetaṃ paṭicca vuttaṃ? ‘Rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ dhammāyatanaṃ – cha bāhirāni āyatanāni veditabbānī’ti – iti yaṃ taṃ vuttaṃ idametaṃ paṭicca vuttaṃ.
‘‘‘ча вин̃н̃аан̣агааяаа взд̣̇ид̇аб̣б̣аа’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ‘жагкувин̃н̃аан̣ам̣ сод̇авин̃н̃аан̣ам̣ гхаанавин̃н̃аан̣ам̣ ж̇ивхаавин̃н̃аан̣ам̣ гааяавин̃н̃аан̣ам̣ мановин̃н̃аан̣ам̣ – ча вин̃н̃аан̣агааяаа взд̣̇ид̇аб̣б̣аа’д̇и – ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Cha viññāṇakāyā veditabbā’ti – iti kho panetaṃ vuttaṃ. Kiñcetaṃ paṭicca vuttaṃ? ‘Cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ – cha viññāṇakāyā veditabbā’ti – iti yaṃ taṃ vuttaṃ idametaṃ paṭicca vuttaṃ.
‘‘‘ча пассагааяаа взд̣̇ид̇аб̣б̣аа’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ‘жагкусампассо сод̇асампассо гхаанасампассо ж̇ивхаасампассо гааяасампассо маносампассо – ча пассагааяаа взд̣̇ид̇аб̣б̣аа’д̇и – ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Cha phassakāyā veditabbā’ti – iti kho panetaṃ vuttaṃ. Kiñcetaṃ paṭicca vuttaṃ? ‘Cakkhusamphasso sotasamphasso ghānasamphasso jivhāsamphasso kāyasamphasso manosamphasso – cha phassakāyā veditabbā’ti – iti yaṃ taṃ vuttaṃ idametaṃ paṭicca vuttaṃ.
‘‘‘адтаараса манобавижаараа взд̣̇ид̇аб̣б̣аа’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ‘жагкунаа руубам̣ д̣̇исваа соманассадтаанийяам̣ руубам̣ убавижарад̇и, д̣̇оманассадтаанийяам̣ руубам̣ убавижарад̇и, убзгкаадтаанийяам̣ руубам̣ убавижарад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа соманассадтаанийяам̣ д̇хаммам̣ убавижарад̇и, д̣̇оманассадтаанийяам̣ д̇хаммам̣ убавижарад̇и, убзгкаадтаанийяам̣ д̇хаммам̣ убавижарад̇и. ид̇и ча соманассуубавижаараа, ча д̣̇оманассуубавижаараа, ча убзгкуубавижаараа, адтаараса манобавижаараа взд̣̇ид̇аб̣б̣аа’д̇и – ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Aṭṭhārasa manopavicārā veditabbā’ti – iti kho panetaṃ vuttaṃ. Kiñcetaṃ paṭicca vuttaṃ? ‘Cakkhunā rūpaṃ disvā somanassaṭṭhānīyaṃ rūpaṃ upavicarati, domanassaṭṭhānīyaṃ rūpaṃ upavicarati, upekkhāṭṭhānīyaṃ rūpaṃ upavicarati. Sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya somanassaṭṭhānīyaṃ dhammaṃ upavicarati, domanassaṭṭhānīyaṃ dhammaṃ upavicarati, upekkhāṭṭhānīyaṃ dhammaṃ upavicarati. Iti cha somanassūpavicārā, cha domanassūpavicārā, cha upekkhūpavicārā, aṭṭhārasa manopavicārā veditabbā’ti – iti yaṃ taṃ vuttaṃ idametaṃ paṭicca vuttaṃ.
306. ‘‘‘чад̇д̇им̣са сад̇д̇абад̣̇аа взд̣̇ид̇аб̣б̣аа’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ча г̇зхасид̇аани 3 соманассаани, ча нзгкаммасид̇аани 4 соманассаани, ча г̇зхасид̇аани д̣̇оманассаани, ча нзгкаммасид̇аани д̣̇оманассаани, ча г̇зхасид̇аа убзгкаа, ча нзгкаммасид̇аа убзгкаа. д̇ад̇т̇а гад̇амаани ча г̇зхасид̇аани соманассаани? жагкувин̃н̃зяяаанам̣ руубаанам̣ идтаанам̣ ганд̇аанам̣ манаабаанам̣ манорамаанам̣ логаамисабадисам̣яуд̇д̇аанам̣ бадилаабхам̣ ваа бадилаабхад̇о саманубассад̇о буб̣б̣з ваа бадилад̣̇д̇хабуб̣б̣ам̣ ад̇ийд̇ам̣ нируд̣̇д̇хам̣ вибарин̣ад̇ам̣ самануссарад̇о уббаж̇ж̇ад̇и соманассам̣. яам̣ зваруубам̣ соманассам̣ ид̣̇ам̣ вужжад̇и г̇зхасид̇ам̣ соманассам̣. сод̇авин̃н̃зяяаанам̣ сад̣̇д̣̇аанам̣… гхаанавин̃н̃зяяаанам̣ г̇анд̇хаанам̣… ж̇ивхаавин̃н̃зяяаанам̣ расаанам̣… гааяавин̃н̃зяяаанам̣ подтаб̣б̣аанам̣… мановин̃н̃зяяаанам̣ д̇хаммаанам̣ идтаанам̣ ганд̇аанам̣ манаабаанам̣…бз… соманассам̣. яам̣ зваруубам̣ соманассам̣ ид̣̇ам̣ вужжад̇и г̇зхасид̇ам̣ соманассам̣. имаани ча г̇зхасид̇аани соманассаани.
306. ‘‘‘Chattiṃsa sattapadā veditabbā’ti – iti kho panetaṃ vuttaṃ. Kiñcetaṃ paṭicca vuttaṃ? Cha gehasitāni 5 somanassāni, cha nekkhammasitāni 6 somanassāni, cha gehasitāni domanassāni, cha nekkhammasitāni domanassāni, cha gehasitā upekkhā, cha nekkhammasitā upekkhā. Tattha katamāni cha gehasitāni somanassāni? Cakkhuviññeyyānaṃ rūpānaṃ iṭṭhānaṃ kantānaṃ manāpānaṃ manoramānaṃ lokāmisapaṭisaṃyuttānaṃ paṭilābhaṃ vā paṭilābhato samanupassato pubbe vā paṭiladdhapubbaṃ atītaṃ niruddhaṃ vipariṇataṃ samanussarato uppajjati somanassaṃ. Yaṃ evarūpaṃ somanassaṃ idaṃ vuccati gehasitaṃ somanassaṃ. Sotaviññeyyānaṃ saddānaṃ… ghānaviññeyyānaṃ gandhānaṃ… jivhāviññeyyānaṃ rasānaṃ… kāyaviññeyyānaṃ phoṭṭhabbānaṃ… manoviññeyyānaṃ dhammānaṃ iṭṭhānaṃ kantānaṃ manāpānaṃ…pe… somanassaṃ. Yaṃ evarūpaṃ somanassaṃ idaṃ vuccati gehasitaṃ somanassaṃ. Imāni cha gehasitāni somanassāni.
‘‘д̇ад̇т̇а гад̇амаани ча нзгкаммасид̇аани соманассаани? руубаанам̣д̇взва анижжад̇ам̣ вид̣̇ид̇ваа вибарин̣аамавирааг̇анирод̇хам̣ 7, ‘буб̣б̣з жзва руубаа зд̇арахи жа саб̣б̣з д̇з руубаа анижжаа д̣̇угкаа вибарин̣аамад̇хаммаа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇о уббаж̇ж̇ад̇и соманассам̣. яам̣ зваруубам̣ соманассам̣ ид̣̇ам̣ вужжад̇и нзгкаммасид̇ам̣ соманассам̣. сад̣̇д̣̇аанам̣д̇взва… г̇анд̇хаанам̣д̇взва… расаанам̣д̇взва… подтаб̣б̣аанам̣д̇взва… д̇хаммаанам̣д̇вз анижжад̇ам̣ вид̣̇ид̇ваа вибарин̣аамавирааг̇анирод̇хам̣, ‘буб̣б̣з жзва д̇хаммаа зд̇арахи жа саб̣б̣з д̇з д̇хаммаа анижжаа д̣̇угкаа вибарин̣аамад̇хаммаа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇о уббаж̇ж̇ад̇и соманассам̣. яам̣ зваруубам̣ соманассам̣ ид̣̇ам̣ вужжад̇и нзгкаммасид̇ам̣ соманассам̣. имаани ча нзгкаммасид̇аани соманассаани.
‘‘Tattha katamāni cha nekkhammasitāni somanassāni? Rūpānaṃtveva aniccataṃ viditvā vipariṇāmavirāganirodhaṃ 8, ‘pubbe ceva rūpā etarahi ca sabbe te rūpā aniccā dukkhā vipariṇāmadhammā’ti evametaṃ yathābhūtaṃ sammappaññāya passato uppajjati somanassaṃ. Yaṃ evarūpaṃ somanassaṃ idaṃ vuccati nekkhammasitaṃ somanassaṃ. Saddānaṃtveva… gandhānaṃtveva… rasānaṃtveva… phoṭṭhabbānaṃtveva… dhammānaṃtve aniccataṃ viditvā vipariṇāmavirāganirodhaṃ, ‘pubbe ceva dhammā etarahi ca sabbe te dhammā aniccā dukkhā vipariṇāmadhammā’ti evametaṃ yathābhūtaṃ sammappaññāya passato uppajjati somanassaṃ. Yaṃ evarūpaṃ somanassaṃ idaṃ vuccati nekkhammasitaṃ somanassaṃ. Imāni cha nekkhammasitāni somanassāni.
307. ‘‘д̇ад̇т̇а гад̇амаани ча г̇зхасид̇аани д̣̇оманассаани? жагкувин̃н̃зяяаанам̣ руубаанам̣…бз… сод̇авин̃н̃зяяаанам̣ сад̣̇д̣̇аанам̣… гхаанавин̃н̃зяяаанам̣ г̇анд̇хаанам̣… ж̇ивхаавин̃н̃зяяаанам̣ расаанам̣… гааяавин̃н̃зяяаанам̣ подтаб̣б̣аанам̣… мановин̃н̃зяяаанам̣ д̇хаммаанам̣ идтаанам̣ ганд̇аанам̣ манаабаанам̣ манорамаанам̣ логаамисабадисам̣яуд̇д̇аанам̣ аббадилаабхам̣ ваа аббадилаабхад̇о саманубассад̇о буб̣б̣з ваа аббадилад̣̇д̇хабуб̣б̣ам̣ ад̇ийд̇ам̣ нируд̣̇д̇хам̣ вибарин̣ад̇ам̣ самануссарад̇о уббаж̇ж̇ад̇и д̣̇оманассам̣. яам̣ зваруубам̣ д̣̇оманассам̣ ид̣̇ам̣ вужжад̇и г̇зхасид̇ам̣ д̣̇оманассам̣. имаани ча г̇зхасид̇аани д̣̇оманассаани.
307. ‘‘Tattha katamāni cha gehasitāni domanassāni? Cakkhuviññeyyānaṃ rūpānaṃ…pe… sotaviññeyyānaṃ saddānaṃ… ghānaviññeyyānaṃ gandhānaṃ… jivhāviññeyyānaṃ rasānaṃ… kāyaviññeyyānaṃ phoṭṭhabbānaṃ… manoviññeyyānaṃ dhammānaṃ iṭṭhānaṃ kantānaṃ manāpānaṃ manoramānaṃ lokāmisapaṭisaṃyuttānaṃ appaṭilābhaṃ vā appaṭilābhato samanupassato pubbe vā appaṭiladdhapubbaṃ atītaṃ niruddhaṃ vipariṇataṃ samanussarato uppajjati domanassaṃ. Yaṃ evarūpaṃ domanassaṃ idaṃ vuccati gehasitaṃ domanassaṃ. Imāni cha gehasitāni domanassāni.
‘‘д̇ад̇т̇а гад̇амаани ча нзгкаммасид̇аани д̣̇оманассаани? руубаанам̣д̇взва анижжад̇ам̣ вид̣̇ид̇ваа вибарин̣аамавирааг̇анирод̇хам̣, ‘буб̣б̣з жзва руубаа зд̇арахи жа саб̣б̣з д̇з руубаа анижжаа д̣̇угкаа вибарин̣аамад̇хаммаа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇исваа ануд̇д̇арзсу вимогкзсу бихам̣ убадтаабзд̇и – ‘гуд̣̇аассу 9 наамаахам̣ д̇ад̣̇ааяад̇анам̣ убасамбаж̇ж̇а вихариссаами яад̣̇арияаа зд̇арахи ааяад̇анам̣ убасамбаж̇ж̇а вихаранд̇ий’д̇и ид̇и ануд̇д̇арзсу вимогкзсу бихам̣ убадтаабаяад̇о уббаж̇ж̇ад̇и бихабажжаяаа д̣̇оманассам̣. яам̣ зваруубам̣ д̣̇оманассам̣ ид̣̇ам̣ вужжад̇и нзгкаммасид̇ам̣ д̣̇оманассам̣. сад̣̇д̣̇аанам̣д̇взва…бз… г̇анд̇хаанам̣д̇взва… расаанам̣д̇взва… подтаб̣б̣аанам̣д̇взва… д̇хаммаанам̣д̇взва анижжад̇ам̣ вид̣̇ид̇ваа вибарин̣аамавирааг̇анирод̇хам̣, ‘буб̣б̣з жзва д̇хаммаа зд̇арахи жа саб̣б̣з д̇з д̇хаммаа анижжаа д̣̇угкаа вибарин̣аамад̇хаммаа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇исваа ануд̇д̇арзсу вимогкзсу бихам̣ убадтаабзд̇и – ‘гуд̣̇аассу наамаахам̣ д̇ад̣̇ааяад̇анам̣ убасамбаж̇ж̇а вихариссаами яад̣̇арияаа зд̇арахи ааяад̇анам̣ убасамбаж̇ж̇а вихаранд̇ий’д̇и ид̇и ануд̇д̇арзсу вимогкзсу бихам̣ убадтаабаяад̇о уббаж̇ж̇ад̇и бихабажжаяаа д̣̇оманассам̣. яам̣ зваруубам̣ д̣̇оманассам̣ ид̣̇ам̣ вужжад̇и нзгкаммасид̇ам̣ д̣̇оманассам̣. имаани ча нзгкаммасид̇аани д̣̇оманассаани.
‘‘Tattha katamāni cha nekkhammasitāni domanassāni? Rūpānaṃtveva aniccataṃ viditvā vipariṇāmavirāganirodhaṃ, ‘pubbe ceva rūpā etarahi ca sabbe te rūpā aniccā dukkhā vipariṇāmadhammā’ti evametaṃ yathābhūtaṃ sammappaññāya disvā anuttaresu vimokkhesu pihaṃ upaṭṭhāpeti – ‘kudāssu 10 nāmāhaṃ tadāyatanaṃ upasampajja viharissāmi yadariyā etarahi āyatanaṃ upasampajja viharantī’ti iti anuttaresu vimokkhesu pihaṃ upaṭṭhāpayato uppajjati pihapaccayā domanassaṃ. Yaṃ evarūpaṃ domanassaṃ idaṃ vuccati nekkhammasitaṃ domanassaṃ. Saddānaṃtveva…pe… gandhānaṃtveva… rasānaṃtveva… phoṭṭhabbānaṃtveva… dhammānaṃtveva aniccataṃ viditvā vipariṇāmavirāganirodhaṃ, ‘pubbe ceva dhammā etarahi ca sabbe te dhammā aniccā dukkhā vipariṇāmadhammā’ti evametaṃ yathābhūtaṃ sammappaññāya disvā anuttaresu vimokkhesu pihaṃ upaṭṭhāpeti – ‘kudāssu nāmāhaṃ tadāyatanaṃ upasampajja viharissāmi yadariyā etarahi āyatanaṃ upasampajja viharantī’ti iti anuttaresu vimokkhesu pihaṃ upaṭṭhāpayato uppajjati pihapaccayā domanassaṃ. Yaṃ evarūpaṃ domanassaṃ idaṃ vuccati nekkhammasitaṃ domanassaṃ. Imāni cha nekkhammasitāni domanassāni.
308. ‘‘д̇ад̇т̇а гад̇амаа ча г̇зхасид̇аа убзгкаа? жагкунаа руубам̣ д̣̇исваа уббаж̇ж̇ад̇и убзгкаа б̣ааласса муул̣хасса ( ) 11 бут̇уж̇ж̇анасса анод̇хиж̇инасса авибаагаж̇инасса анаад̣̇ийнавад̣̇ассаавино ассуд̇авад̇о бут̇уж̇ж̇анасса. яаа зваруубаа убзгкаа, руубам̣ саа наад̇ивад̇д̇ад̇и. д̇асмаа саа 12 убзгкаа ‘г̇зхасид̇аа’д̇и вужжад̇и. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа уббаж̇ж̇ад̇и убзгкаа б̣ааласса муул̣хасса бут̇уж̇ж̇анасса анод̇хиж̇инасса авибаагаж̇инасса анаад̣̇ийнавад̣̇ассаавино ассуд̇авад̇о бут̇уж̇ж̇анасса. яаа зваруубаа убзгкаа, д̇хаммам̣ саа наад̇ивад̇д̇ад̇и. д̇асмаа саа убзгкаа ‘г̇зхасид̇аа’д̇и вужжад̇и. имаа ча г̇зхасид̇аа убзгкаа.
308. ‘‘Tattha katamā cha gehasitā upekkhā? Cakkhunā rūpaṃ disvā uppajjati upekkhā bālassa mūḷhassa ( ) 13 puthujjanassa anodhijinassa avipākajinassa anādīnavadassāvino assutavato puthujjanassa. Yā evarūpā upekkhā, rūpaṃ sā nātivattati. Tasmā sā 14 upekkhā ‘gehasitā’ti vuccati. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya uppajjati upekkhā bālassa mūḷhassa puthujjanassa anodhijinassa avipākajinassa anādīnavadassāvino assutavato puthujjanassa. Yā evarūpā upekkhā, dhammaṃ sā nātivattati. Tasmā sā upekkhā ‘gehasitā’ti vuccati. Imā cha gehasitā upekkhā.
‘‘д̇ад̇т̇а гад̇амаа ча нзгкаммасид̇аа убзгкаа? руубаанам̣д̇взва анижжад̇ам̣ вид̣̇ид̇ваа вибарин̣аамавирааг̇анирод̇хам̣, ‘буб̣б̣з жзва руубаа зд̇арахи жа саб̣б̣з д̇з руубаа анижжаа д̣̇угкаа вибарин̣аамад̇хаммаа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇о уббаж̇ж̇ад̇и убзгкаа. яаа зваруубаа убзгкаа, руубам̣ саа ад̇ивад̇д̇ад̇и. д̇асмаа саа убзгкаа ‘нзгкаммасид̇аа’д̇и вужжад̇и. сад̣̇д̣̇аанам̣д̇взва… г̇анд̇хаанам̣д̇взва… расаанам̣д̇взва… подтаб̣б̣аанам̣д̇взва… д̇хаммаанам̣д̇взва анижжад̇ам̣ вид̣̇ид̇ваа вибарин̣аамавирааг̇анирод̇хам̣, ‘буб̣б̣з жзва д̇хаммаа зд̇арахи жа саб̣б̣з д̇з д̇хаммаа анижжаа д̣̇угкаа вибарин̣аамад̇хаммаа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇о уббаж̇ж̇ад̇и убзгкаа. яаа зваруубаа убзгкаа, д̇хаммам̣ саа ад̇ивад̇д̇ад̇и. д̇асмаа саа убзгкаа ‘нзгкаммасид̇аа’д̇и вужжад̇и. имаа ча нзгкаммасид̇аа убзгкаа. ‘чад̇д̇им̣са сад̇д̇абад̣̇аа взд̣̇ид̇аб̣б̣аа’д̇и – ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Tattha katamā cha nekkhammasitā upekkhā? Rūpānaṃtveva aniccataṃ viditvā vipariṇāmavirāganirodhaṃ, ‘pubbe ceva rūpā etarahi ca sabbe te rūpā aniccā dukkhā vipariṇāmadhammā’ti evametaṃ yathābhūtaṃ sammappaññāya passato uppajjati upekkhā. Yā evarūpā upekkhā, rūpaṃ sā ativattati. Tasmā sā upekkhā ‘nekkhammasitā’ti vuccati. Saddānaṃtveva… gandhānaṃtveva… rasānaṃtveva… phoṭṭhabbānaṃtveva… dhammānaṃtveva aniccataṃ viditvā vipariṇāmavirāganirodhaṃ, ‘pubbe ceva dhammā etarahi ca sabbe te dhammā aniccā dukkhā vipariṇāmadhammā’ti evametaṃ yathābhūtaṃ sammappaññāya passato uppajjati upekkhā. Yā evarūpā upekkhā, dhammaṃ sā ativattati. Tasmā sā upekkhā ‘nekkhammasitā’ti vuccati. Imā cha nekkhammasitā upekkhā. ‘Chattiṃsa sattapadā veditabbā’ti – iti yaṃ taṃ vuttaṃ idametaṃ paṭicca vuttaṃ.
309. ‘‘д̇ад̇ра ид̣̇ам̣ ниссааяа ид̣̇ам̣ баж̇ахат̇аа’’д̇и – ид̇и ко банзд̇ам̣ вуд̇д̇ам̣; гин̃жзд̇ам̣ бадижжа вуд̇д̇ам̣? д̇ад̇ра, бхигкавз, яаани ча нзгкаммасид̇аани соманассаани д̇аани ниссааяа д̇аани ааг̇амма яаани ча г̇зхасид̇аани соманассаани д̇аани баж̇ахат̇а, д̇аани самад̇иггамат̇а. звамзд̇зсам̣ бахаанам̣ ход̇и, звамзд̇зсам̣ самад̇иггамо ход̇и.
309. ‘‘Tatra idaṃ nissāya idaṃ pajahathā’’ti – iti kho panetaṃ vuttaṃ; kiñcetaṃ paṭicca vuttaṃ? Tatra, bhikkhave, yāni cha nekkhammasitāni somanassāni tāni nissāya tāni āgamma yāni cha gehasitāni somanassāni tāni pajahatha, tāni samatikkamatha. Evametesaṃ pahānaṃ hoti, evametesaṃ samatikkamo hoti.
‘‘д̇ад̇ра, бхигкавз, яаани ча нзгкаммасид̇аани д̣̇оманассаани д̇аани ниссааяа д̇аани ааг̇амма яаани ча г̇зхасид̇аани д̣̇оманассаани д̇аани баж̇ахат̇а, д̇аани самад̇иггамат̇а. звамзд̇зсам̣ бахаанам̣ ход̇и, звамзд̇зсам̣ самад̇иггамо ход̇и.
‘‘Tatra, bhikkhave, yāni cha nekkhammasitāni domanassāni tāni nissāya tāni āgamma yāni cha gehasitāni domanassāni tāni pajahatha, tāni samatikkamatha. Evametesaṃ pahānaṃ hoti, evametesaṃ samatikkamo hoti.
‘‘д̇ад̇ра, бхигкавз, яаа ча нзгкаммасид̇аа убзгкаа д̇аа ниссааяа д̇аа ааг̇амма яаа ча г̇зхасид̇аа убзгкаа д̇аа баж̇ахат̇а, д̇аа самад̇иггамат̇а. звамзд̇аасам̣ бахаанам̣ ход̇и, звамзд̇аасам̣ самад̇иггамо ход̇и.
‘‘Tatra, bhikkhave, yā cha nekkhammasitā upekkhā tā nissāya tā āgamma yā cha gehasitā upekkhā tā pajahatha, tā samatikkamatha. Evametāsaṃ pahānaṃ hoti, evametāsaṃ samatikkamo hoti.
‘‘д̇ад̇ра, бхигкавз, яаани ча нзгкаммасид̇аани соманассаани д̇аани ниссааяа д̇аани ааг̇амма яаани ча нзгкаммасид̇аани д̣̇оманассаани д̇аани баж̇ахат̇а, д̇аани самад̇иггамат̇а. звамзд̇зсам̣ бахаанам̣ ход̇и, звамзд̇зсам̣ самад̇иггамо ход̇и.
‘‘Tatra, bhikkhave, yāni cha nekkhammasitāni somanassāni tāni nissāya tāni āgamma yāni cha nekkhammasitāni domanassāni tāni pajahatha, tāni samatikkamatha. Evametesaṃ pahānaṃ hoti, evametesaṃ samatikkamo hoti.
‘‘д̇ад̇ра, бхигкавз, яаа ча нзгкаммасид̇аа убзгкаа д̇аа ниссааяа д̇аа ааг̇амма яаани ча нзгкаммасид̇аани соманассаани д̇аани баж̇ахат̇а, д̇аани самад̇иггамат̇а. звамзд̇зсам̣ бахаанам̣ ход̇и, звамзд̇зсам̣ самад̇иггамо ход̇и.
‘‘Tatra, bhikkhave, yā cha nekkhammasitā upekkhā tā nissāya tā āgamma yāni cha nekkhammasitāni somanassāni tāni pajahatha, tāni samatikkamatha. Evametesaṃ pahānaṃ hoti, evametesaṃ samatikkamo hoti.
310. ‘‘ад̇т̇и , бхигкавз, убзгкаа наанад̇д̇аа наанад̇д̇асид̇аа, ад̇т̇и убзгкаа згад̇д̇аа згад̇д̇асид̇аа. гад̇амаа жа, бхигкавз, убзгкаа наанад̇д̇аа наанад̇д̇асид̇аа? ад̇т̇и, бхигкавз, убзгкаа руубзсу, ад̇т̇и сад̣̇д̣̇зсу , ад̇т̇и г̇анд̇хзсу, ад̇т̇и расзсу, ад̇т̇и подтаб̣б̣зсу – аяам̣, бхигкавз, убзгкаа наанад̇д̇аа наанад̇д̇асид̇аа. гад̇амаа жа, бхигкавз, убзгкаа згад̇д̇аа згад̇д̇асид̇аа? ад̇т̇и, бхигкавз, убзгкаа аагаасаанан̃жааяад̇ананиссид̇аа, ад̇т̇и вин̃н̃аан̣ан̃жааяад̇ананиссид̇аа, ад̇т̇и аагин̃жан̃н̃ааяад̇ананиссид̇аа, ад̇т̇и нзвасан̃н̃аанаасан̃н̃ааяад̇ананиссид̇аа – аяам̣, бхигкавз, убзгкаа згад̇д̇аа згад̇д̇асид̇аа.
310. ‘‘Atthi , bhikkhave, upekkhā nānattā nānattasitā, atthi upekkhā ekattā ekattasitā. Katamā ca, bhikkhave, upekkhā nānattā nānattasitā? Atthi, bhikkhave, upekkhā rūpesu, atthi saddesu , atthi gandhesu, atthi rasesu, atthi phoṭṭhabbesu – ayaṃ, bhikkhave, upekkhā nānattā nānattasitā. Katamā ca, bhikkhave, upekkhā ekattā ekattasitā? Atthi, bhikkhave, upekkhā ākāsānañcāyatananissitā, atthi viññāṇañcāyatananissitā, atthi ākiñcaññāyatananissitā, atthi nevasaññānāsaññāyatananissitā – ayaṃ, bhikkhave, upekkhā ekattā ekattasitā.
‘‘д̇ад̇ра, бхигкавз, яааяам̣ убзгкаа згад̇д̇аа згад̇д̇асид̇аа д̇ам̣ ниссааяа д̇ам̣ ааг̇амма яааяам̣ убзгкаа наанад̇д̇аа наанад̇д̇асид̇аа д̇ам̣ баж̇ахат̇а, д̇ам̣ самад̇иггамат̇а. звамзд̇иссаа бахаанам̣ ход̇и, звамзд̇иссаа самад̇иггамо ход̇и.
‘‘Tatra, bhikkhave, yāyaṃ upekkhā ekattā ekattasitā taṃ nissāya taṃ āgamma yāyaṃ upekkhā nānattā nānattasitā taṃ pajahatha, taṃ samatikkamatha. Evametissā pahānaṃ hoti, evametissā samatikkamo hoti.
‘‘ад̇аммаяад̇ам̣, бхигкавз, ниссааяа ад̇аммаяад̇ам̣ ааг̇амма яааяам̣ убзгкаа згад̇д̇аа згад̇д̇асид̇аа д̇ам̣ баж̇ахат̇а, д̇ам̣ самад̇иггамат̇а. звамзд̇иссаа бахаанам̣ ход̇и, звамзд̇иссаа самад̇иггамо ход̇и. ‘д̇ад̇ра ид̣̇ам̣ ниссааяа ид̣̇ам̣ баж̇ахат̇аа’д̇и – ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Atammayataṃ, bhikkhave, nissāya atammayataṃ āgamma yāyaṃ upekkhā ekattā ekattasitā taṃ pajahatha, taṃ samatikkamatha. Evametissā pahānaṃ hoti, evametissā samatikkamo hoti. ‘Tatra idaṃ nissāya idaṃ pajahathā’ti – iti yaṃ taṃ vuttaṃ idametaṃ paṭicca vuttaṃ.
311. ‘‘‘д̇аяо сад̇ибадтаанаа яад̣̇арияо сзвад̇и, яад̣̇арияо сзвамаано сад̇т̇аа г̇ан̣аманусаасид̇умарахад̇ий’д̇и – ид̇и ко банзд̇ам̣ вуд̇д̇ам̣; гин̃жзд̇ам̣ бадижжа вуд̇д̇ам̣? ид̇ха, бхигкавз, сад̇т̇аа саавагаанам̣ д̇хаммам̣ д̣̇зсзд̇и анугамбаго хид̇зсий анугамбам̣ убаад̣̇ааяа – ‘ид̣̇ам̣ во хид̇ааяа, ид̣̇ам̣ во сукааяаа’д̇и. д̇асса саавагаа на суссуусанд̇и, на сод̇ам̣ од̣̇аханд̇и, на ан̃н̃аа жид̇д̇ам̣ убадтабзнд̇и , воггамма жа сад̇т̇усаасанаа вад̇д̇анд̇и. д̇ад̇ра, бхигкавз, д̇ат̇ааг̇ад̇о на жзва анад̇д̇амано ход̇и, на жа анад̇д̇аманад̇ам̣ бадисам̣взд̣̇зд̇и, анавассуд̇о жа вихарад̇и сад̇о самбаж̇аано. ид̣̇ам̣, бхигкавз, батамам̣ сад̇ибадтаанам̣ яад̣̇арияо сзвад̇и, яад̣̇арияо сзвамаано сад̇т̇аа г̇ан̣аманусаасид̇умарахад̇и.
311. ‘‘‘Tayo satipaṭṭhānā yadariyo sevati, yadariyo sevamāno satthā gaṇamanusāsitumarahatī’ti – iti kho panetaṃ vuttaṃ; kiñcetaṃ paṭicca vuttaṃ? Idha, bhikkhave, satthā sāvakānaṃ dhammaṃ deseti anukampako hitesī anukampaṃ upādāya – ‘idaṃ vo hitāya, idaṃ vo sukhāyā’ti. Tassa sāvakā na sussūsanti, na sotaṃ odahanti, na aññā cittaṃ upaṭṭhapenti , vokkamma ca satthusāsanā vattanti. Tatra, bhikkhave, tathāgato na ceva anattamano hoti, na ca anattamanataṃ paṭisaṃvedeti, anavassuto ca viharati sato sampajāno. Idaṃ, bhikkhave, paṭhamaṃ satipaṭṭhānaṃ yadariyo sevati, yadariyo sevamāno satthā gaṇamanusāsitumarahati.
‘‘буна жабарам̣, бхигкавз, сад̇т̇аа саавагаанам̣ д̇хаммам̣ д̣̇зсзд̇и анугамбаго хид̇зсий анугамбам̣ убаад̣̇ааяа – ‘ид̣̇ам̣ во хид̇ааяа, ид̣̇ам̣ во сукааяаа’д̇и. д̇асса згажжз саавагаа на суссуусанд̇и, на сод̇ам̣ од̣̇аханд̇и, на ан̃н̃аа жид̇д̇ам̣ убадтабзнд̇и, воггамма жа сад̇т̇усаасанаа вад̇д̇анд̇и; згажжз саавагаа суссуусанд̇и, сод̇ам̣ од̣̇аханд̇и, ан̃н̃аа жид̇д̇ам̣ убадтабзнд̇и, на жа воггамма сад̇т̇усаасанаа вад̇д̇анд̇и . д̇ад̇ра, бхигкавз, д̇ат̇ааг̇ад̇о на жзва анад̇д̇амано ход̇и, на жа анад̇д̇аманад̇ам̣ бадисам̣взд̣̇зд̇и; на жа ад̇д̇амано ход̇и, на жа ад̇д̇аманад̇ам̣ бадисам̣взд̣̇зд̇и. анад̇д̇аманад̇аа жа ад̇д̇аманад̇аа жа – д̇ад̣̇убхаяам̣ абхиниваж̇ж̇зд̇ваа убзгкаго вихарад̇и сад̇о самбаж̇аано. ид̣̇ам̣ вужжад̇и, бхигкавз, д̣̇уд̇ияам̣ сад̇ибадтаанам̣ яад̣̇арияо сзвад̇и, яад̣̇арияо сзвамаано сад̇т̇аа г̇ан̣аманусаасид̇умарахад̇и.
‘‘Puna caparaṃ, bhikkhave, satthā sāvakānaṃ dhammaṃ deseti anukampako hitesī anukampaṃ upādāya – ‘idaṃ vo hitāya, idaṃ vo sukhāyā’ti. Tassa ekacce sāvakā na sussūsanti, na sotaṃ odahanti, na aññā cittaṃ upaṭṭhapenti, vokkamma ca satthusāsanā vattanti; ekacce sāvakā sussūsanti, sotaṃ odahanti, aññā cittaṃ upaṭṭhapenti, na ca vokkamma satthusāsanā vattanti . Tatra, bhikkhave, tathāgato na ceva anattamano hoti, na ca anattamanataṃ paṭisaṃvedeti; na ca attamano hoti, na ca attamanataṃ paṭisaṃvedeti. Anattamanatā ca attamanatā ca – tadubhayaṃ abhinivajjetvā upekkhako viharati sato sampajāno. Idaṃ vuccati, bhikkhave, dutiyaṃ satipaṭṭhānaṃ yadariyo sevati, yadariyo sevamāno satthā gaṇamanusāsitumarahati.
‘‘буна жабарам̣, бхигкавз, сад̇т̇аа саавагаанам̣ д̇хаммам̣ д̣̇зсзд̇и анугамбаго хид̇зсий анугамбам̣ убаад̣̇ааяа – ‘ид̣̇ам̣ во хид̇ааяа, ид̣̇ам̣ во сукааяаа’д̇и. д̇асса саавагаа суссуусанд̇и, сод̇ам̣ од̣̇аханд̇и, ан̃н̃аажид̇д̇ам̣ убадтабзнд̇и, на жа воггамма сад̇т̇усаасанаа вад̇д̇анд̇и. д̇ад̇ра, бхигкавз, д̇ат̇ааг̇ад̇о ад̇д̇амано жзва ход̇и, ад̇д̇аманад̇ан̃жа бадисам̣взд̣̇зд̇и, анавассуд̇о жа вихарад̇и сад̇о самбаж̇аано. ид̣̇ам̣ вужжад̇и, бхигкавз, д̇ад̇ияам̣ сад̇ибадтаанам̣ яад̣̇арияо сзвад̇и, яад̣̇арияо сзвамаано сад̇т̇аа г̇ан̣аманусаасид̇умарахад̇и. ‘д̇аяо сад̇ибадтаанаа яад̣̇арияо сзвад̇и, яад̣̇арияо сзвамаано сад̇т̇аа г̇ан̣аманусаасид̇умарахад̇ий’д̇и – ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Puna caparaṃ, bhikkhave, satthā sāvakānaṃ dhammaṃ deseti anukampako hitesī anukampaṃ upādāya – ‘idaṃ vo hitāya, idaṃ vo sukhāyā’ti. Tassa sāvakā sussūsanti, sotaṃ odahanti, aññācittaṃ upaṭṭhapenti, na ca vokkamma satthusāsanā vattanti. Tatra, bhikkhave, tathāgato attamano ceva hoti, attamanatañca paṭisaṃvedeti, anavassuto ca viharati sato sampajāno. Idaṃ vuccati, bhikkhave, tatiyaṃ satipaṭṭhānaṃ yadariyo sevati, yadariyo sevamāno satthā gaṇamanusāsitumarahati. ‘Tayo satipaṭṭhānā yadariyo sevati, yadariyo sevamāno satthā gaṇamanusāsitumarahatī’ti – iti yaṃ taṃ vuttaṃ idametaṃ paṭicca vuttaṃ.
312. ‘‘‘со вужжад̇и яог̇г̇аажарияаанам̣ ануд̇д̇аро бурисад̣̇аммасаарат̇ий’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? хад̇т̇ид̣̇амагзна, бхигкавз, хад̇т̇ид̣̇аммо саарид̇о згам̣язва д̣̇исам̣ д̇хаавад̇и – бурад̇т̇имам̣ ваа бажчимам̣ ваа уд̇д̇арам̣ ваа д̣̇агкин̣ам̣ ваа. ассад̣̇амагзна, бхигкавз, ассад̣̇аммо саарид̇о зган̃н̃зва д̣̇исам̣ д̇хаавад̇и – бурад̇т̇имам̣ ваа бажчимам̣ ваа уд̇д̇арам̣ ваа д̣̇агкин̣ам̣ ваа. г̇од̣̇амагзна, бхигкавз, г̇од̣̇аммо саарид̇о згам̣язва д̣̇исам̣ д̇хаавад̇и – бурад̇т̇имам̣ ваа бажчимам̣ ваа уд̇д̇арам̣ ваа д̣̇агкин̣ам̣ ваа. д̇ат̇ааг̇ад̇зна хи, бхигкавз, арахад̇аа саммаасамб̣уд̣̇д̇хзна бурисад̣̇аммо саарид̇о адта д̣̇исаа вид̇хаавад̇и. руубий руубаани бассад̇и – аяам̣ згаа д̣̇исаа; аж̇жхад̇д̇ам̣ аруубасан̃н̃ий б̣ахид̣̇д̇хаа руубаани бассад̇и – аяам̣ д̣̇уд̇ияаа д̣̇исаа; субханд̇взва ад̇химуд̇д̇о ход̇и – аяам̣ д̇ад̇ияаа д̣̇исаа; саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и – аяам̣ жад̇уд̇т̇ий д̣̇исаа; саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и – аяам̣ бан̃жамий д̣̇исаа; саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и – аяам̣ чадтий д̣̇исаа; саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и – аяам̣ сад̇д̇амий д̣̇исаа; саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и – аяам̣ адтамий д̣̇исаа. д̇ат̇ааг̇ад̇зна, бхигкавз, арахад̇аа саммаасамб̣уд̣̇д̇хзна бурисад̣̇аммо саарид̇о имаа адта д̣̇исаа вид̇хаавад̇и. ‘со вужжад̇и яог̇г̇аажарияаанам̣ ануд̇д̇аро бурисад̣̇аммасаарат̇ий’д̇и – ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇а’’нд̇и.
312. ‘‘‘So vuccati yoggācariyānaṃ anuttaro purisadammasārathī’ti – iti kho panetaṃ vuttaṃ. Kiñcetaṃ paṭicca vuttaṃ? Hatthidamakena, bhikkhave, hatthidammo sārito ekaṃyeva disaṃ dhāvati – puratthimaṃ vā pacchimaṃ vā uttaraṃ vā dakkhiṇaṃ vā. Assadamakena, bhikkhave, assadammo sārito ekaññeva disaṃ dhāvati – puratthimaṃ vā pacchimaṃ vā uttaraṃ vā dakkhiṇaṃ vā. Godamakena, bhikkhave, godammo sārito ekaṃyeva disaṃ dhāvati – puratthimaṃ vā pacchimaṃ vā uttaraṃ vā dakkhiṇaṃ vā. Tathāgatena hi, bhikkhave, arahatā sammāsambuddhena purisadammo sārito aṭṭha disā vidhāvati. Rūpī rūpāni passati – ayaṃ ekā disā; ajjhattaṃ arūpasaññī bahiddhā rūpāni passati – ayaṃ dutiyā disā; subhantveva adhimutto hoti – ayaṃ tatiyā disā; sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati – ayaṃ catutthī disā; sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati – ayaṃ pañcamī disā; sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati – ayaṃ chaṭṭhī disā; sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati – ayaṃ sattamī disā; sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati – ayaṃ aṭṭhamī disā. Tathāgatena, bhikkhave, arahatā sammāsambuddhena purisadammo sārito imā aṭṭha disā vidhāvati. ‘So vuccati yoggācariyānaṃ anuttaro purisadammasārathī’ti – iti yaṃ taṃ vuttaṃ idametaṃ paṭicca vutta’’nti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
сал̣ааяад̇анавибхан̇г̇асуд̇д̇ам̣ нидтид̇ам̣ сад̇д̇амам̣.
Saḷāyatanavibhaṅgasuttaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. сал̣ааяад̇анавибхан̇г̇асуд̇д̇аван̣н̣анаа • 7. Saḷāyatanavibhaṅgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. сал̣ааяад̇анавибхан̇г̇асуд̇д̇аван̣н̣анаа • 7. Saḷāyatanavibhaṅgasuttavaṇṇanā
