| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
2. ஸளாயதனுப்பத்திகதா²வண்ணனா
2. Saḷāyatanuppattikathāvaṇṇanā
691-692. இதா³னி ஸளாயதனுப்பத்திகதா² நாம ஹோதி. தத்த² உபபத்தேஸியேன படிஸந்தி⁴சித்தேன ஸஹேவ ஓபபாதிகானங் ஸளாயதனங் உப்பஜ்ஜதி. க³ப்³ப⁴ஸெய்யகானங் அஜ்ஜ²த்திகாயதனேஸு மனாயதனகாயாயதனானேவ படிஸந்தி⁴க்க²ணே உப்பஜ்ஜந்தி. ஸேஸானி சத்தாரி ஸத்தஸத்ததிரத்திம்ஹி. தானி ச கோ² யேன கம்முனா படிஸந்தி⁴ க³ஹிதா, தஸ்ஸேவ அஞ்ஞஸ்ஸ வா கதத்தாதி அயங் ஸகஸமயே வாதோ³. யேஸங் பன ஏககம்மஸம்ப⁴வத்தா ஸம்பன்னஸாகா²விடபானங் ருக்கா²தீ³னங் அங்குரோ விய பீ³ஜமத்தங் ஸளாயதனங் மாதுகுச்சி²ஸ்மிங் படிஸந்தி⁴க்க²ணேயேவ உப்பஜ்ஜதீதி லத்³தி⁴, ஸெய்யதா²பி புப்³ப³ஸேலியானங்; தே ஸந்தா⁴ய ஸளாயதனந்தி புச்சா² ஸகவாதி³ஸ்ஸ, படிஞ்ஞா இதரஸ்ஸ. ஸப்³ப³ங்க³பச்சங்கீ³திஆதி³ ஸளாயதனே ஸதி ஏவரூபோ ஹுத்வா ஓக்கமெய்யாதி சோத³னத்த²ங் வுத்தங். மாதுகுச்சி²க³தஸ்ஸாதி புச்சா² பரவாதி³ஸ்ஸ. பரதோ மாதுகுச்சி²க³தஸ்ஸ பச்சா² கேஸாதி புச்சா² ஸகவாதி³ஸ்ஸ. ஸேஸமெத்த² உத்தானத்த²மேவாதி.
691-692. Idāni saḷāyatanuppattikathā nāma hoti. Tattha upapattesiyena paṭisandhicittena saheva opapātikānaṃ saḷāyatanaṃ uppajjati. Gabbhaseyyakānaṃ ajjhattikāyatanesu manāyatanakāyāyatanāneva paṭisandhikkhaṇe uppajjanti. Sesāni cattāri sattasattatirattimhi. Tāni ca kho yena kammunā paṭisandhi gahitā, tasseva aññassa vā katattāti ayaṃ sakasamaye vādo. Yesaṃ pana ekakammasambhavattā sampannasākhāviṭapānaṃ rukkhādīnaṃ aṃkuro viya bījamattaṃ saḷāyatanaṃ mātukucchismiṃ paṭisandhikkhaṇeyeva uppajjatīti laddhi, seyyathāpi pubbaseliyānaṃ; te sandhāya saḷāyatananti pucchā sakavādissa, paṭiññā itarassa. Sabbaṅgapaccaṅgītiādi saḷāyatane sati evarūpo hutvā okkameyyāti codanatthaṃ vuttaṃ. Mātukucchigatassāti pucchā paravādissa. Parato mātukucchigatassa pacchā kesāti pucchā sakavādissa. Sesamettha uttānatthamevāti.
ஸளாயதனுப்பத்திகதா²வண்ணனா.
Saḷāyatanuppattikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (137) 2. ஸளாயதனுப்பத்திகதா² • (137) 2. Saḷāyatanuppattikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 2. ஸளாயதனுப்பத்திகதா²வண்ணனா • 2. Saḷāyatanuppattikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 2. ஸளாயதனுப்பத்திகதா²வண்ணனா • 2. Saḷāyatanuppattikathāvaṇṇanā
