| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૬. સાળ્હસુત્તવણ્ણના
6. Sāḷhasuttavaṇṇanā
૬૭. છટ્ઠે પાતો અસિતબ્બભોજનં પાતરાસં, ભુત્તં પાતરાસં એતેસન્તિ ભુત્તપાતરાસા. દાસા નામ અન્તોજાતા વા ધનક્કીતા વા કરમરાનીતા વા સયં વા દાસબ્યં ઉપગતા. ભત્તવેતનભતા કમ્મકારા નામ.
67. Chaṭṭhe pāto asitabbabhojanaṃ pātarāsaṃ, bhuttaṃ pātarāsaṃ etesanti bhuttapātarāsā. Dāsā nāma antojātā vā dhanakkītā vā karamarānītā vā sayaṃ vā dāsabyaṃ upagatā. Bhattavetanabhatā kammakārā nāma.
નિચ્છાતોતિ એત્થ છાતં વુચ્ચતિ તણ્હા જિઘચ્છાહેતુતાય, સા અસ્સ નત્થીતિ નિચ્છાતો. તેનાહ ‘‘નિત્તણ્હો’’તિ. અબ્ભન્તરે સન્તાપકરાનં કિલેસાનન્તિ અત્તનો સન્તાને દરથપરિળાહજનનેન સન્તાપનકિલેસાનં. અન્તોતાપનકિલેસાનં અભાવા સીતો સીતલો ભૂતો જાતોતિ સીતિભૂતો. તેનાહ ‘‘સીતલીભૂતો’’તિ. મગ્ગફલનિબ્બાનસુખાનિ વા પટિસંવેદેતીતિ સુખપ્પટિસંવેદી. સેસં સુવિઞ્ઞેય્યમેવ.
Nicchātoti ettha chātaṃ vuccati taṇhā jighacchāhetutāya, sā assa natthīti nicchāto. Tenāha ‘‘nittaṇho’’ti. Abbhantare santāpakarānaṃ kilesānanti attano santāne darathapariḷāhajananena santāpanakilesānaṃ. Antotāpanakilesānaṃ abhāvā sīto sītalo bhūto jātoti sītibhūto. Tenāha ‘‘sītalībhūto’’ti. Maggaphalanibbānasukhāni vā paṭisaṃvedetīti sukhappaṭisaṃvedī. Sesaṃ suviññeyyameva.
સાળ્હસુત્તવણ્ણના નિટ્ઠિતા.
Sāḷhasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૬. સાળ્હસુત્તં • 6. Sāḷhasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૬. સાળ્હસુત્તવણ્ણના • 6. Sāḷhasuttavaṇṇanā
