Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೧೪. ಪಕಿಣ್ಣಕನಿಪಾತೋ
14. Pakiṇṇakanipāto
೪೮೪. ಸಾಲಿಕೇದಾರಜಾತಕಂ (೧)
484. Sālikedārajātakaṃ (1)
೧.
1.
ಸಮ್ಪನ್ನಂ ಸಾಲಿಕೇದಾರಂ, ಸುವಾ ಭುಞ್ಜನ್ತಿ ಕೋಸಿಯ।
Sampannaṃ sālikedāraṃ, suvā bhuñjanti kosiya;
೨.
2.
ಭುತ್ವಾ ಸಾಲಿಂ ಯಥಾಕಾಮಂ, ತುಣ್ಡೇನಾದಾಯ ಗಚ್ಛತಿ॥
Bhutvā sāliṃ yathākāmaṃ, tuṇḍenādāya gacchati.
೩.
3.
೪.
4.
ಏಕೋ ಬದ್ಧೋಸ್ಮಿ ಪಾಸೇನ, ಕಿಂ ಪಾಪಂ ಪಕತಂ ಮಯಾ॥
Eko baddhosmi pāsena, kiṃ pāpaṃ pakataṃ mayā.
೫.
5.
ಉದರಂ ನೂನ ಅಞ್ಞೇಸಂ, ಸುವ ಅಚ್ಚೋದರಂ ತವ।
Udaraṃ nūna aññesaṃ, suva accodaraṃ tava;
ಭುತ್ವಾ ಸಾಲಿಂ ಯಥಾಕಾಮಂ, ತುಣ್ಡೇನಾದಾಯ ಗಚ್ಛಸಿ॥
Bhutvā sāliṃ yathākāmaṃ, tuṇḍenādāya gacchasi.
೬.
6.
ಕೋಟ್ಠಂ ನು ತತ್ಥ ಪೂರೇಸಿ, ಸುವ ವೇರಂ ನು ತೇ ಮಯಾ।
Koṭṭhaṃ nu tattha pūresi, suva veraṃ nu te mayā;
೭.
7.
ನ ಮೇ ವೇರಂ ತಯಾ ಸದ್ಧಿಂ, ಕೋಟ್ಠೋ ಮಯ್ಹಂ ನ ವಿಜ್ಜತಿ।
Na me veraṃ tayā saddhiṃ, koṭṭho mayhaṃ na vijjati;
ಇಣಂ ಮುಞ್ಚಾಮಿಣಂ ದಮ್ಮಿ, ಸಮ್ಪತ್ತೋ ಕೋಟಸಿಮ್ಬಲಿಂ।
Iṇaṃ muñcāmiṇaṃ dammi, sampatto koṭasimbaliṃ;
ನಿಧಿಮ್ಪಿ ತತ್ಥ ನಿದಹಾಮಿ, ಏವಂ ಜಾನಾಹಿ ಕೋಸಿಯ॥
Nidhimpi tattha nidahāmi, evaṃ jānāhi kosiya.
೮.
8.
ಕೀದಿಸಂ ತೇ ಇಣದಾನಂ, ಇಣಮೋಕ್ಖೋ ಚ ಕೀದಿಸೋ।
Kīdisaṃ te iṇadānaṃ, iṇamokkho ca kīdiso;
ನಿಧಿನಿಧಾನಮಕ್ಖಾಹಿ , ಅಥ ಪಾಸಾ ಪಮೋಕ್ಖಸಿ॥
Nidhinidhānamakkhāhi , atha pāsā pamokkhasi.
೯.
9.
ಅಜಾತಪಕ್ಖಾ ತರುಣಾ, ಪುತ್ತಕಾ ಮಯ್ಹ ಕೋಸಿಯ।
Ajātapakkhā taruṇā, puttakā mayha kosiya;
ತೇ ಮಂ ಭತಾ ಭರಿಸ್ಸನ್ತಿ, ತಸ್ಮಾ ತೇಸಂ ಇಣಂ ದದೇ॥
Te maṃ bhatā bharissanti, tasmā tesaṃ iṇaṃ dade.
೧೦.
10.
ಮಾತಾ ಪಿತಾ ಚ ಮೇ ವುದ್ಧಾ, ಜಿಣ್ಣಕಾ ಗತಯೋಬ್ಬನಾ।
Mātā pitā ca me vuddhā, jiṇṇakā gatayobbanā;
೧೧.
11.
ಅಞ್ಞೇಪಿ ತತ್ಥ ಸಕುಣಾ, ಖೀಣಪಕ್ಖಾ ಸುದುಬ್ಬಲಾ।
Aññepi tattha sakuṇā, khīṇapakkhā sudubbalā;
ತೇಸಂ ಪುಞ್ಞತ್ಥಿಕೋ ದಮ್ಮಿ, ತಂ ನಿಧಿಂ ಆಹು ಪಣ್ಡಿತಾ॥
Tesaṃ puññatthiko dammi, taṃ nidhiṃ āhu paṇḍitā.
೧೨.
12.
೧೩.
13.
ಭದ್ದಕೋ ವತಯಂ ಪಕ್ಖೀ, ದಿಜೋ ಪರಮಧಮ್ಮಿಕೋ।
Bhaddako vatayaṃ pakkhī, dijo paramadhammiko;
ಏಕಚ್ಚೇಸು ಮನುಸ್ಸೇಸು, ಅಯಂ ಧಮ್ಮೋ ನ ವಿಜ್ಜತಿ॥
Ekaccesu manussesu, ayaṃ dhammo na vijjati.
೧೪.
14.
ಭುಞ್ಜ ಸಾಲಿಂ ಯಥಾಕಾಮಂ, ಸಹ ಸಬ್ಬೇಹಿ ಞಾತಿಭಿ।
Bhuñja sāliṃ yathākāmaṃ, saha sabbehi ñātibhi;
ಪುನಾಪಿ ಸುವ ಪಸ್ಸೇಮು, ಪಿಯಂ ಮೇ ತವ ದಸ್ಸನಂ॥
Punāpi suva passemu, piyaṃ me tava dassanaṃ.
೧೫.
15.
ನಿಕ್ಖಿತ್ತದಣ್ಡೇಸು ದದಾಹಿ ದಾನಂ, ಜಿಣ್ಣೇ ಚ ಮಾತಾಪಿತರೋ ಭರಸ್ಸು॥
Nikkhittadaṇḍesu dadāhi dānaṃ, jiṇṇe ca mātāpitaro bharassu.
೧೬.
16.
ಲಕ್ಖೀ ವತ ಮೇ ಉದಪಾದಿ ಅಜ್ಜ, ಯೋ ಅದ್ದಸಾಸಿಂ ಪವರಂ 23 ದಿಜಾನಂ।
Lakkhī vata me udapādi ajja, yo addasāsiṃ pavaraṃ 24 dijānaṃ;
ಸುವಸ್ಸ ಸುತ್ವಾನ ಸುಭಾಸಿತಾನಿ, ಕಾಹಾಮಿ ಪುಞ್ಞಾನಿ ಅನಪ್ಪಕಾನಿ॥
Suvassa sutvāna subhāsitāni, kāhāmi puññāni anappakāni.
೧೭.
17.
ಸೋ ಕೋಸಿಯೋ ಅತ್ತಮನೋ ಉದಗ್ಗೋ, ಅನ್ನಞ್ಚ ಪಾನಞ್ಚಭಿಸಙ್ಖರಿತ್ವಾ 25।
So kosiyo attamano udaggo, annañca pānañcabhisaṅkharitvā 26;
ಅನ್ನೇನ ಪಾನೇನ ಪಸನ್ನಚಿತ್ತೋ, ಸನ್ತಪ್ಪಯಿ ಸಮಣಬ್ರಾಹ್ಮಣೇ ಚಾತಿ॥
Annena pānena pasannacitto, santappayi samaṇabrāhmaṇe cāti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೮೪] ೧. ಸಾಲಿಕೇದಾರಜಾತಕವಣ್ಣನಾ • [484] 1. Sālikedārajātakavaṇṇanā