| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[367] 7. саал̣ияаж̇аад̇агаван̣н̣анаа
[367] 7. Sāḷiyajātakavaṇṇanā
явааяам̣ саал̣ияачаабод̇ийд̇и ид̣̇ам̣ сад̇т̇аа взл̣уванз вихаранд̇о ‘‘аавусо, д̣̇звад̣̇ад̇д̇о д̇аасагаарагоби бхавид̇ум̣ наасагкий’’д̇и важанам̣ аараб̣бха гат̇зси. д̇ад̣̇аа хи сад̇т̇аа ‘‘на, бхигкавз, ид̣̇аанзва, буб̣б̣збзса мама д̇аасагаарагоби бхавид̇ум̣ наасагкий’’д̇и вад̇ваа ад̇ийд̇ам̣ аахари.
Yvāyaṃ sāḷiyachāpotīti idaṃ satthā veḷuvane viharanto ‘‘āvuso, devadatto tāsakārakopi bhavituṃ nāsakkhī’’ti vacanaṃ ārabbha kathesi. Tadā hi satthā ‘‘na, bhikkhave, idāneva, pubbepesa mama tāsakārakopi bhavituṃ nāsakkhī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о г̇аамагз гудумб̣игагулз ниб̣б̣ад̇д̇ид̇ваа д̇арун̣агаалз бам̣сугийл̣агзхи д̣̇аарагзхи сад̣̇д̇хим̣ г̇аамад̣̇ваарз ниг̇род̇харугкамуулз гийл̣ад̇и. д̇ад̣̇аа зго д̣̇уб̣б̣алавзж̇ж̇о г̇аамз гин̃жи алабхид̇ваа нигкаманд̇о д̇ам̣ таанам̣ бад̇ваа згам̣ саббам̣ видабаб̣бханд̇арзна сийсам̣ нийхарид̇ваа нид̣̇д̣̇ааяанд̇ам̣ д̣̇исваа ‘‘маяаа г̇аамз гин̃жи на лад̣̇д̇хам̣, имз д̣̇аарагз ван̃жзд̇ваа саббзна д̣ам̣саабзд̇ваа д̇игижчид̇ваа гин̃жид̣̇зва г̇ан̣хиссаамий’’д̇и жинд̇зд̇ваа б̣од̇хисад̇д̇ам̣ ааха ‘‘сажз саал̣ияачаабам̣ бассзяяааси, г̇ан̣хзяяаасий’’д̇и. ‘‘аама, г̇ан̣хзяяа’’нд̇и . ‘‘бассзсо видабаб̣бханд̇арз саяид̇о’’д̇и. со д̇асса саббабхаавам̣ аж̇аананд̇о ругкам̣ ааруяха д̇ам̣ г̇ийвааяам̣ г̇ахзд̇ваа ‘‘саббо’’д̇и н̃ад̇ваа нивад̇д̇ид̇ум̣ ад̣̇знд̇о суг̇г̇ахид̇ам̣ г̇ахзд̇ваа взг̇зна киби. со г̇анд̇ваа взж̇ж̇асса г̇ийвааяам̣ бад̇ид̇о г̇ийвам̣ баливзтзд̇ваа ‘‘гара гараа’’д̇и д̣ам̣сид̇ваа д̇ад̇т̇зва нам̣ баад̇зд̇ваа балааяи. мануссаа бариваараяим̣су.
Atīte bārāṇasiyaṃ brahmadatte rajjaṃ kārente bodhisatto gāmake kuṭumbikakule nibbattitvā taruṇakāle paṃsukīḷakehi dārakehi saddhiṃ gāmadvāre nigrodharukkhamūle kīḷati. Tadā eko dubbalavejjo gāme kiñci alabhitvā nikkhamanto taṃ ṭhānaṃ patvā ekaṃ sappaṃ viṭapabbhantarena sīsaṃ nīharitvā niddāyantaṃ disvā ‘‘mayā gāme kiñci na laddhaṃ, ime dārake vañcetvā sappena ḍaṃsāpetvā tikicchitvā kiñcideva gaṇhissāmī’’ti cintetvā bodhisattaṃ āha ‘‘sace sāḷiyachāpaṃ passeyyāsi, gaṇheyyāsī’’ti. ‘‘Āma, gaṇheyya’’nti . ‘‘Passeso viṭapabbhantare sayito’’ti. So tassa sappabhāvaṃ ajānanto rukkhaṃ āruyha taṃ gīvāyaṃ gahetvā ‘‘sappo’’ti ñatvā nivattituṃ adento suggahitaṃ gahetvā vegena khipi. So gantvā vejjassa gīvāyaṃ patito gīvaṃ paliveṭhetvā ‘‘kara karā’’ti ḍaṃsitvā tattheva naṃ pātetvā palāyi. Manussā parivārayiṃsu.
махаасад̇д̇о самбад̇д̇абарисааяа д̇хаммам̣ д̣̇зсзнд̇о имаа г̇аат̇аа абхааси –
Mahāsatto sampattaparisāya dhammaṃ desento imā gāthā abhāsi –
90.
90.
‘‘явааяам̣ саал̣ияачаабод̇и, ган̣хасаббам̣ аг̇аахаяи;
‘‘Yvāyaṃ sāḷiyachāpoti, kaṇhasappaṃ agāhayi;
д̇зна саббзнаяам̣ д̣̇адто, хад̇о баабаанусаасаго.
Tena sappenayaṃ daṭṭho, hato pāpānusāsako.
91.
91.
‘‘аханд̇аарамаханд̇аарам̣, яо наро ханд̇умижчад̇и;
‘‘Ahantāramahantāraṃ, yo naro hantumicchati;
звам̣ со нихад̇о сзд̇и, яат̇ааяам̣ бурисо хад̇о.
Evaṃ so nihato seti, yathāyaṃ puriso hato.
92.
92.
‘‘аханд̇аарамагхаад̇знд̇ам̣ , яо наро ханд̇умижчад̇и;
‘‘Ahantāramaghātentaṃ , yo naro hantumicchati;
звам̣ со нихад̇о сзд̇и, яат̇ааяам̣ бурисо хад̇о.
Evaṃ so nihato seti, yathāyaṃ puriso hato.
93.
93.
‘‘яат̇аа бам̣сумудтим̣ бурисо, бадиваад̇ам̣ бадигкибз;
‘‘Yathā paṃsumuṭṭhiṃ puriso, paṭivātaṃ paṭikkhipe;
д̇амзва со раж̇о ханд̇и, д̇ат̇ааяам̣ бурисо хад̇о.
Tameva so rajo hanti, tathāyaṃ puriso hato.
94.
94.
‘‘яо аббад̣̇удтасса нарасса д̣̇уссад̇и, суд̣̇д̇хасса босасса анан̇г̇ан̣асса;
‘‘Yo appaduṭṭhassa narassa dussati, suddhassa posassa anaṅgaṇassa;
д̇амзва б̣аалам̣ бажжзд̇и баабам̣, сукумо раж̇о бадиваад̇ам̣ва кид̇д̇о’’д̇и.
Tameva bālaṃ pacceti pāpaṃ, sukhumo rajo paṭivātaṃva khitto’’ti.
д̇ад̇т̇а явааяанд̇и яо аяам̣, аяамзва ваа баато. саббзнаяанд̇и со аяам̣ д̇зна саббзна д̣̇адто. баабаанусаасагод̇и баабагам̣ анусаасаго.
Tattha yvāyanti yo ayaṃ, ayameva vā pāṭho. Sappenayanti so ayaṃ tena sappena daṭṭho. Pāpānusāsakoti pāpakaṃ anusāsako.
аханд̇ааранд̇и абахаранд̇ам̣. аханд̇ааранд̇и амаарзнд̇ам̣. сзд̇ийд̇и мад̇асаяанам̣ саяад̇и. агхаад̇знд̇анд̇и амаарзнд̇ам̣. суд̣̇д̇хассаад̇и нирабараад̇хасса. босассаад̇и сад̇д̇асса. анан̇г̇ан̣ассаад̇и ид̣̇амби нирабараад̇хабхааван̃н̃зва санд̇хааяа вуд̇д̇ам̣. бажжзд̇ийд̇и гаммасаригкагам̣ худ̇ваа бад̇изд̇и.
Ahantāranti apaharantaṃ. Ahantāranti amārentaṃ. Setīti matasayanaṃ sayati. Aghātentanti amārentaṃ. Suddhassāti niraparādhassa. Posassāti sattassa. Anaṅgaṇassāti idampi niraparādhabhāvaññeva sandhāya vuttaṃ. Paccetīti kammasarikkhakaṃ hutvā patieti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̣̇уб̣б̣алавзж̇ж̇о д̣̇звад̣̇ад̇д̇о ахоси, бан̣д̣ид̇ад̣̇аараго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā dubbalavejjo devadatto ahosi, paṇḍitadārako pana ahameva ahosi’’nti.
саал̣ияаж̇аад̇агаван̣н̣анаа сад̇д̇амаа.
Sāḷiyajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 367. саал̣ияаж̇аад̇агам̣ • 367. Sāḷiyajātakaṃ
