| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
8. салласуд̇д̇аван̣н̣анаа
8. Sallasuttavaṇṇanā
580. анимид̇д̇анд̇и салласуд̇д̇ам̣. гаа уббад̇д̇и? бхаг̇авад̇о гира убадтааго зго убаасаго, д̇асса буд̇д̇о гааламагааси. со буд̇д̇асогаабхибхууд̇о сад̇д̇аахам̣ нираахааро ахоси. д̇ам̣ анугамбанд̇о бхаг̇аваа д̇асса гхарам̣ г̇анд̇ваа согавинод̣̇анад̇т̇ам̣ имам̣ суд̇д̇амабхааси.
580.Animittanti sallasuttaṃ. Kā uppatti? Bhagavato kira upaṭṭhāko eko upāsako, tassa putto kālamakāsi. So puttasokābhibhūto sattāhaṃ nirāhāro ahosi. Taṃ anukampanto bhagavā tassa gharaṃ gantvā sokavinodanatthaṃ imaṃ suttamabhāsi.
д̇ад̇т̇а анимад̇д̇анд̇и гирияаагааранимид̇д̇авирахид̇ам̣. яат̇аа хи ‘‘яад̣̇аахам̣ агким̣ ваа никан̣иссаами, бхамугам̣ ваа угкибиссаами, д̇зна нимид̇д̇зна д̇ам̣ бхан̣д̣ам̣ авахараа’’д̇иаад̣̇ийсу гирияаагааранимид̇д̇амад̇т̇и, на звам̣ ж̇ийвид̇з. на хи саггаа лад̣̇д̇хум̣ ‘‘яааваахам̣ ид̣̇ам̣ ваа ид̣̇ам̣ ваа гароми, д̇аава д̇вам̣ ж̇ийва, маа мийяаа’’д̇и. анан̃н̃аад̇анд̇и ад̇о зва на саггаа згам̣сзна ан̃н̃аад̇ум̣ ‘‘зд̇д̇агам̣ ваа зд̇д̇агам̣ ваа гаалам̣ иминаа ж̇ийвид̇аб̣б̣а’’нд̇и г̇ад̇ияаа ааяубарияанд̇авасзна ваа. яат̇аа хи жаад̇умахаарааж̇игаад̣̇ийнам̣ баримид̇ам̣ ааяу, на д̇ат̇аа мажжаанам̣, звамби згам̣сзна анан̃н̃аад̇ам̣.
Tattha animattanti kiriyākāranimittavirahitaṃ. Yathā hi ‘‘yadāhaṃ akkhiṃ vā nikhaṇissāmi, bhamukaṃ vā ukkhipissāmi, tena nimittena taṃ bhaṇḍaṃ avaharā’’tiādīsu kiriyākāranimittamatthi, na evaṃ jīvite. Na hi sakkā laddhuṃ ‘‘yāvāhaṃ idaṃ vā idaṃ vā karomi, tāva tvaṃ jīva, mā mīyā’’ti. Anaññātanti ato eva na sakkā ekaṃsena aññātuṃ ‘‘ettakaṃ vā ettakaṃ vā kālaṃ iminā jīvitabba’’nti gatiyā āyupariyantavasena vā. Yathā hi cātumahārājikādīnaṃ parimitaṃ āyu, na tathā maccānaṃ, evampi ekaṃsena anaññātaṃ.
гасиранд̇и анзгабажжаяабадиб̣ад̣̇д̇хавуд̇д̇ибхаавад̇о гижчам̣ на сукаяаабанийяам̣. д̇ат̇аа хи д̇ам̣ ассаасабадиб̣ад̣̇д̇хан̃жа, бассаасабадиб̣ад̣̇д̇хан̃жа, махаабхууд̇абадиб̣ад̣̇д̇хан̃жа, габ̣ал̣ийгаараахаарабадиб̣ад̣̇д̇хан̃жа, усмаабадиб̣ад̣̇д̇хан̃жа, вин̃н̃аан̣абадиб̣ад̣̇д̇хан̃жа. анассасанд̇оби хи на ж̇ийвад̇и абассасанд̇оби. жад̇уусу жа д̇хаад̇уусу гадтамукаад̣̇иаасийвисад̣̇адто вияа гааяо бат̇авийд̇хаад̇уббагобзна д̇аава т̇ад̣̇д̇хо ход̇и галин̇г̇арасад̣̇исо. яат̇ааха –
Kasiranti anekapaccayapaṭibaddhavuttibhāvato kicchaṃ na sukhayāpanīyaṃ. Tathā hi taṃ assāsapaṭibaddhañca, passāsapaṭibaddhañca, mahābhūtapaṭibaddhañca, kabaḷīkārāhārapaṭibaddhañca, usmāpaṭibaddhañca, viññāṇapaṭibaddhañca. Anassasantopi hi na jīvati apassasantopi. Catūsu ca dhātūsu kaṭṭhamukhādiāsīvisadaṭṭho viya kāyo pathavīdhātuppakopena tāva thaddho hoti kaliṅgarasadiso. Yathāha –
‘‘бад̇т̇ад̣̇д̇хо бхавад̇ий гааяо, д̣̇адто гадтамукзна ваа;
‘‘Patthaddho bhavatī kāyo, daṭṭho kaṭṭhamukhena vā;
бат̇авийд̇хаад̇уббагобзна, ход̇и гадтамукзва со’’д̇и. (д̇ха. са. адта. 584);
Pathavīdhātuppakopena, hoti kaṭṭhamukheva so’’ti. (dha. sa. aṭṭha. 584);
аабод̇хаад̇уббагобзна бууд̇ибхаавам̣ аабаж̇ж̇ид̇ваа баг̇гхарид̇абуб̣б̣амам̣салохид̇о адтижаммаавасзсо ход̇и. яат̇ааха –
Āpodhātuppakopena pūtibhāvaṃ āpajjitvā paggharitapubbamaṃsalohito aṭṭhicammāvaseso hoti. Yathāha –
‘‘бууд̇иго бхавад̇ий гааяо, д̣̇адто бууд̇имукзна ваа;
‘‘Pūtiko bhavatī kāyo, daṭṭho pūtimukhena vā;
аабод̇хаад̇уббагобзна, ход̇и бууд̇имукзва со’’д̇и. (д̇ха. са. адта. 584);
Āpodhātuppakopena, hoti pūtimukheva so’’ti. (dha. sa. aṭṭha. 584);
д̇зж̇од̇хаад̇уббагобзна ан̇г̇аарагаасуяам̣ багкид̇д̇о вияа саманд̇аа барид̣аяхад̇и. яат̇ааха –
Tejodhātuppakopena aṅgārakāsuyaṃ pakkhitto viya samantā pariḍayhati. Yathāha –
‘‘санд̇ад̇д̇о бхавад̇ий гааяо, д̣̇адто аг̇г̇имукзна ваа;
‘‘Santatto bhavatī kāyo, daṭṭho aggimukhena vā;
д̇зж̇од̇хаад̇уббагобзна, ход̇и аг̇г̇имукзва со’’д̇и. (д̇ха. са. адта. 584);
Tejodhātuppakopena, hoti aggimukheva so’’ti. (dha. sa. aṭṭha. 584);
вааяод̇хаад̇уббагобзна сан̃чиж̇ж̇амаанасанд̇хиб̣анд̇хано баасаан̣зхи годдзд̇ваа сан̃жун̣н̣ияамаанадтиго вияа жа ход̇и. яат̇ааха –
Vāyodhātuppakopena sañchijjamānasandhibandhano pāsāṇehi koṭṭetvā sañcuṇṇiyamānaṭṭhiko viya ca hoti. Yathāha –
‘‘сан̃чинно бхавад̇ий гааяо, д̣̇адто сад̇т̇амукзна ваа;
‘‘Sañchinno bhavatī kāyo, daṭṭho satthamukhena vā;
вааяод̇хаад̇уббагобзна, ход̇и сад̇т̇амукзва со’’д̇и. (д̇ха. са. адта. 584);
Vāyodhātuppakopena, hoti satthamukheva so’’ti. (dha. sa. aṭṭha. 584);
д̇хаад̇уббагобаб̣яаабаннагааяоби жа на ж̇ийвад̇и. яад̣̇аа бана д̇аа д̇хаад̇уяо ан̃н̃аман̃н̃ам̣ бад̇идтаанаад̣̇игижжам̣ саад̇хзнд̇ааби самам̣ ваханд̇и, д̇ад̣̇аа ж̇ийвид̇ам̣ бавад̇д̇ад̇и. звам̣ махаабхууд̇абадиб̣ад̣̇д̇хан̃жа ж̇ийвид̇ам̣. д̣̇уб̣бхигкаад̣̇ийсу бана аахаарубажчзд̣̇зна сад̇д̇аанам̣ ж̇ийвид̇агкаяо баагадо зва. звам̣ габ̣ал̣ийгаараахаарабадиб̣ад̣̇д̇хан̃жа ж̇ийвид̇ам̣. д̇ат̇аа асид̇абийд̇аад̣̇ибарибаагз гаммаж̇ад̇зж̇з кийн̣з сад̇д̇аа ж̇ийвид̇агкаяам̣ баабун̣анд̇ааби баагадаа зва. звам̣ усмаабадиб̣ад̣̇д̇хан̃жа ж̇ийвид̇ам̣. вин̃н̃аан̣з бана нируд̣̇д̇хз нируд̣̇д̇хад̇о бабхуд̇и сад̇д̇аанам̣ на ход̇и ж̇ийвид̇анд̇и звамби логз баагадамзва. звам̣ вин̃н̃аан̣абадиб̣ад̣̇д̇хан̃жа ж̇ийвид̇ам̣. звам̣ анзгабажжаяабадиб̣ад̣̇д̇хавуд̇д̇ибхаавад̇о гасирам̣ взд̣̇ид̇аб̣б̣ам̣.
Dhātuppakopabyāpannakāyopi ca na jīvati. Yadā pana tā dhātuyo aññamaññaṃ patiṭṭhānādikiccaṃ sādhentāpi samaṃ vahanti, tadā jīvitaṃ pavattati. Evaṃ mahābhūtapaṭibaddhañca jīvitaṃ. Dubbhikkhādīsu pana āhārupacchedena sattānaṃ jīvitakkhayo pākaṭo eva. Evaṃ kabaḷīkārāhārapaṭibaddhañca jīvitaṃ. Tathā asitapītādiparipāke kammajateje khīṇe sattā jīvitakkhayaṃ pāpuṇantāpi pākaṭā eva. Evaṃ usmāpaṭibaddhañca jīvitaṃ. Viññāṇe pana niruddhe niruddhato pabhuti sattānaṃ na hoti jīvitanti evampi loke pākaṭameva. Evaṃ viññāṇapaṭibaddhañca jīvitaṃ. Evaṃ anekapaccayapaṭibaddhavuttibhāvato kasiraṃ veditabbaṃ.
барид̇д̇ан̃жаад̇и аббагам̣, д̣̇зваанам̣ ж̇ийвид̇ам̣ убанид̇хааяа д̇ин̣аг̇г̇з уссааваб̣инд̣̇усад̣̇исам̣, жид̇д̇агкан̣ад̇о уд̣̇д̇хам̣ абхаавзна ваа барид̇д̇ам̣. ад̇ид̣̇ийгхааяугоби хи сад̇д̇о ад̇ийд̇зна жид̇д̇зна ж̇ийвид̇т̇а на ж̇ийвад̇и на ж̇ийвиссад̇и, анааг̇ад̇зна ж̇ийвиссад̇и на ж̇ийвад̇и на ж̇ийвид̇т̇а, бажжуббаннзна ж̇ийвад̇и на ж̇ийвид̇т̇а на ж̇ийвиссад̇и. вуд̇д̇ан̃жзд̇ам̣ –
Parittañcāti appakaṃ, devānaṃ jīvitaṃ upanidhāya tiṇagge ussāvabindusadisaṃ, cittakkhaṇato uddhaṃ abhāvena vā parittaṃ. Atidīghāyukopi hi satto atītena cittena jīvittha na jīvati na jīvissati, anāgatena jīvissati na jīvati na jīvittha, paccuppannena jīvati na jīvittha na jīvissati. Vuttañcetaṃ –
‘‘ж̇ийвид̇ам̣ ад̇д̇абхааво жа, сукад̣̇угкаа жа гзвалаа;
‘‘Jīvitaṃ attabhāvo ca, sukhadukkhā ca kevalā;
згажид̇д̇асамааяуд̇д̇аа, лахусо вад̇д̇ад̇з кан̣о.
Ekacittasamāyuttā, lahuso vattate khaṇo.
‘‘жуллаасийд̇исахассаани , габбаа д̇идтанд̇и яз маруу;
‘‘Cullāsītisahassāni , kappā tiṭṭhanti ye marū;
над̇взва д̇зби ж̇ийванд̇и, д̣̇вийхи жид̇д̇зхи сам̣яуд̇аа’’д̇и. (махаани. 10);
Natveva tepi jīvanti, dvīhi cittehi saṃyutā’’ti. (mahāni. 10);
д̇ан̃жа д̣̇угкзна сам̣яуд̇анд̇и д̇ан̃жа ж̇ийвид̇ам̣ звам̣ анимид̇д̇аманан̃н̃аад̇ам̣ гасирам̣ барид̇д̇ан̃жа самаанамби сийд̇ун̣хад̣ам̣самагасаад̣̇исампассакуббибаасаасан̇каарад̣̇угкавибарин̣аамад̣̇угкад̣̇угкад̣̇угкзхи сам̣яуд̇ам̣. гим̣ вуд̇д̇ам̣ ход̇и? яасмаа ийд̣̇исам̣ мажжаанам̣ ж̇ийвид̇ам̣, д̇асмаа д̇вам̣ яаава д̇ам̣ баригкаяам̣ на г̇ажчад̇и, д̇аава д̇хаммажарияамзва б̣руухаяа, маа буд̇д̇аманусожаад̇и.
Tañca dukkhena saṃyutanti tañca jīvitaṃ evaṃ animittamanaññātaṃ kasiraṃ parittañca samānampi sītuṇhaḍaṃsamakasādisamphassakhuppipāsāsaṅkhāradukkhavipariṇāmadukkhadukkhadukkhehi saṃyutaṃ. Kiṃ vuttaṃ hoti? Yasmā īdisaṃ maccānaṃ jīvitaṃ, tasmā tvaṃ yāva taṃ parikkhayaṃ na gacchati, tāva dhammacariyameva brūhaya, mā puttamanusocāti.
581. ат̇ааби ман̃н̃зяяааси ‘‘саб̣б̣уубагаран̣зхи буд̇д̇ам̣ анурагканд̇ассааби мз со мад̇о, д̇зна сожаамий’’д̇и, звамби маа сожи. на хи со убаггамо ад̇т̇и, язна ж̇аад̇аа на мияяарз, на хи саггаа гзнажи убаггамзна ж̇аад̇аа сад̇д̇аа маа маранд̇ууд̇и рагкид̇унд̇и вуд̇д̇ам̣ ход̇и. д̇ад̇о яасмаа со ‘‘ж̇арам̣ бад̇ваа наама, бханд̇з, маран̣ам̣ ануруубам̣, ад̇ид̣̇ахаро мз буд̇д̇о мад̇о’’д̇и жинд̇зси, д̇асмаа ааха ‘‘ж̇арамби бад̇ваа маран̣ам̣, звам̣д̇хаммаа хи баан̣ино’’д̇и, ж̇арам̣ бад̇вааби аббад̇вааби маран̣ам̣, над̇т̇и зд̇т̇а нияамод̇и вуд̇д̇ам̣ ход̇и.
581. Athāpi maññeyyāsi ‘‘sabbūpakaraṇehi puttaṃ anurakkhantassāpi me so mato, tena socāmī’’ti, evampi mā soci. Na hi so upakkamo atthi, yena jātā na miyyare, na hi sakkā kenaci upakkamena jātā sattā mā marantūti rakkhitunti vuttaṃ hoti. Tato yasmā so ‘‘jaraṃ patvā nāma, bhante, maraṇaṃ anurūpaṃ, atidaharo me putto mato’’ti cintesi, tasmā āha ‘‘jarampi patvā maraṇaṃ, evaṃdhammā hi pāṇino’’ti, jaraṃ patvāpi appatvāpi maraṇaṃ, natthi ettha niyamoti vuttaṃ hoti.
582. ид̣̇аани д̇амад̇т̇ам̣ нид̣̇ассанзна саад̇хзнд̇о ‘‘палаанамива баггаана’’нд̇иаад̣̇имааха. д̇ассад̇т̇о – яат̇аа палаанам̣ баггаанам̣ яасмаа суурияуг̇г̇аманад̇о бабхуд̇и суурияаад̇абзна санд̇аббамаанз ругкз бат̇авирасо жа ааборасо жа бад̇д̇ад̇о саакам̣ саакад̇о канд̇хам̣ канд̇хад̇о мууланд̇и звам̣ ануггамзна муулад̇о бат̇авимзва бависад̇и, ог̇аманад̇о бабхуд̇и бана бат̇авид̇о муулам̣ муулад̇о канд̇ханд̇и звам̣ ануггамзна саакаабад̇д̇абаллаваад̣̇ийни буна аарохад̇и, звам̣ аароханд̇о жа барибаагаг̇ад̇з палз ван̣дамуулам̣ на бависад̇и. ат̇а суурияаад̇абзна д̇аббамаанз ван̣дамуулз барил̣аахо уббаж̇ж̇ад̇и. д̇зна д̇аани палаани баад̇о баад̇о нижжагаалам̣ бад̇анд̇и, нзсам̣ баад̇о бад̇анад̇о бхаяам̣ ход̇и, бад̇анаа бхаяам̣ ход̇ийд̇и ад̇т̇о. звам̣ ж̇аад̇аанам̣ мажжаанам̣ нижжам̣ маран̣ад̇о бхаяам̣ . баггапаласад̣̇исаа хи сад̇д̇аад̇и.
582. Idāni tamatthaṃ nidassanena sādhento ‘‘phalānamiva pakkāna’’ntiādimāha. Tassattho – yathā phalānaṃ pakkānaṃ yasmā sūriyuggamanato pabhuti sūriyātapena santappamāne rukkhe pathaviraso ca āporaso ca pattato sākhaṃ sākhato khandhaṃ khandhato mūlanti evaṃ anukkamena mūlato pathavimeva pavisati, ogamanato pabhuti pana pathavito mūlaṃ mūlato khandhanti evaṃ anukkamena sākhāpattapallavādīni puna ārohati, evaṃ ārohanto ca paripākagate phale vaṇṭamūlaṃ na pavisati. Atha sūriyātapena tappamāne vaṇṭamūle pariḷāho uppajjati. Tena tāni phalāni pāto pāto niccakālaṃ patanti, nesaṃ pāto patanato bhayaṃ hoti, patanā bhayaṃ hotīti attho. Evaṃ jātānaṃ maccānaṃ niccaṃ maraṇato bhayaṃ . Pakkaphalasadisā hi sattāti.
583-6. гин̃жа бхияяо ‘‘яат̇ааби гумбхагаарасса…бз… ж̇ийвид̇а’’нд̇и. д̇асмаа ‘‘д̣̇ахараа жа…бз… барааяан̣аа’’д̇и звам̣ г̇ан̣ха, зван̃жа г̇ахзд̇ваа ‘‘д̇зсам̣ мажжу…бз… н̃аад̇ий ваа бана н̃аад̇агз’’д̇и звамби г̇ан̣ха. яасмаа жа на бид̇аа д̇ааяад̇з буд̇д̇ам̣, н̃аад̇ий ваа бана н̃аад̇агз, д̇асмаа бзгкад̇ам̣язва…бз… нийяад̇и.
583-6. Kiñca bhiyyo ‘‘yathāpi kumbhakārassa…pe… jīvita’’nti. Tasmā ‘‘daharā ca…pe… parāyaṇā’’ti evaṃ gaṇha, evañca gahetvā ‘‘tesaṃ maccu…pe… ñātī vā pana ñātake’’ti evampi gaṇha. Yasmā ca na pitā tāyate puttaṃ, ñātī vā pana ñātake, tasmā pekkhataṃyeva…pe… nīyati.
д̇ад̇т̇а аяам̣ яож̇анаа – бассамаанаанам̣язва н̃аад̇ийнам̣ ‘‘амма, д̇аад̇аа’’д̇иаад̣̇инаа наязна бут̇у анзгаббагаарагам̣ лаалабад̇ам̣язва мажжаанам̣ згамзго мажжо яат̇аа г̇о важ̇жхо звам̣ нийяад̇и, звам̣ басса, убаасага, яаава ад̇аан̣о логод̇и.
Tattha ayaṃ yojanā – passamānānaṃyeva ñātīnaṃ ‘‘amma, tātā’’tiādinā nayena puthu anekappakārakaṃ lālapataṃyeva maccānaṃ ekameko macco yathā go vajjho evaṃ nīyati, evaṃ passa, upāsaka, yāva atāṇo lokoti.
587. д̇ад̇т̇а яз б̣уд̣̇д̇хабажжзгаб̣уд̣̇д̇хаад̣̇аяо д̇хид̇исамбаннаа, д̇з ‘‘звамаб̣бхаахад̇о лого мажжунаа жа ж̇арааяа жа, со на саггаа гзнажи барид̇д̇аан̣ам̣ гаад̇у’’нд̇и яасмаа ж̇аананд̇и, д̇асмаа д̇хийраа на сожанд̇и вид̣̇ид̇ваа логабарияааяам̣. имам̣ логасабхаавам̣ н̃ад̇ваа на сожанд̇ийд̇и вуд̇д̇ам̣ ход̇и.
587. Tattha ye buddhapaccekabuddhādayo dhitisampannā, te ‘‘evamabbhāhato loko maccunā ca jarāya ca, so na sakkā kenaci parittāṇaṃ kātu’’nti yasmā jānanti, tasmā dhīrā na socanti viditvā lokapariyāyaṃ. Imaṃ lokasabhāvaṃ ñatvā na socantīti vuttaṃ hoti.
588. д̇вам̣ бана яасса маг̇г̇ам̣…бз… барид̣̇зваси. гим̣ вуд̇д̇ам̣ ход̇и? яасса маад̇угужчим̣ ааг̇ад̇асса ааг̇ад̇амаг̇г̇ам̣ ваа ид̇о жавид̇ваа ан̃н̃ад̇т̇а г̇ад̇асса г̇ад̇амаг̇г̇ам̣ ваа на ж̇аанааси, д̇асса имз убхо анд̇з асамбассам̣ нирад̇т̇ам̣ барид̣̇зваси. д̇хийраа бана д̇з бассанд̇аа вид̣̇ид̇ваа логабарияааяам̣ на сожанд̇ийд̇и.
588. Tvaṃ pana yassa maggaṃ…pe… paridevasi. Kiṃ vuttaṃ hoti? Yassa mātukucchiṃ āgatassa āgatamaggaṃ vā ito cavitvā aññattha gatassa gatamaggaṃ vā na jānāsi, tassa ime ubho ante asampassaṃ niratthaṃ paridevasi. Dhīrā pana te passantā viditvā lokapariyāyaṃ na socantīti.
589. ид̣̇аани ‘‘нирад̇т̇ам̣ барид̣̇звасий’’д̇и зд̇т̇а вуд̇д̇абарид̣̇званааяа нирад̇т̇агабхаавам̣ саад̇хзнд̇о ‘‘барид̣̇зваяамаано жз’’д̇иаад̣̇имааха. д̇ад̇т̇а уд̣̇аб̣б̣ахзд̇и уб̣б̣ахзяяа д̇хаарзяяа, ад̇д̇ани сан̃ж̇анзяяаад̇и ад̇т̇о. саммуул̣хо хим̣самад̇д̇аананд̇и саммуул̣хо худ̇ваа ад̇д̇аанам̣ б̣аад̇хзнд̇о. гаяираа жз нам̣ вижагкан̣од̇и яад̣̇и д̇аад̣̇исо ган̃жи ад̇т̇ам̣ уд̣̇аб̣б̣ахз, вижагкан̣оби нам̣ барид̣̇звам̣ гарзяяа.
589. Idāni ‘‘niratthaṃ paridevasī’’ti ettha vuttaparidevanāya niratthakabhāvaṃ sādhento ‘‘paridevayamāno ce’’tiādimāha. Tattha udabbaheti ubbaheyya dhāreyya, attani sañjaneyyāti attho. Sammūḷho hiṃsamattānanti sammūḷho hutvā attānaṃ bādhento. Kayirā ce naṃ vicakkhaṇoti yadi tādiso kañci atthaṃ udabbahe, vicakkhaṇopi naṃ paridevaṃ kareyya.
590. на хи рун̣н̣знаад̇и зд̇т̇ааяам̣ яож̇анаа – на бана гожи рун̣н̣зна ваа согзна ваа жзд̇асо санд̇им̣ баббод̇и, абижа ко бана род̣̇ад̇о сожад̇о жа бхияяо асса уббаж̇ж̇ад̇з д̣̇угкам̣, сарийран̃жа д̣̇уб̣б̣ан̣н̣ияаад̣̇ийхи убахан̃н̃ад̇ийд̇и.
590.Na hi ruṇṇenāti etthāyaṃ yojanā – na pana koci ruṇṇena vā sokena vā cetaso santiṃ pappoti, apica kho pana rodato socato ca bhiyyo assa uppajjate dukkhaṃ, sarīrañca dubbaṇṇiyādīhi upahaññatīti.
591. на д̇зна бзд̇аад̇и д̇зна барид̣̇званзна гаалагад̇аа на баалзнд̇и на яаабзнд̇и, на д̇ам̣ д̇зсам̣ убагаарааяа ход̇и. д̇асмаа нирад̇т̇аа барид̣̇званаад̇и.
591.Na tena petāti tena paridevanena kālakatā na pālenti na yāpenti, na taṃ tesaṃ upakārāya hoti. Tasmā niratthā paridevanāti.
592. на гзвалан̃жа нирад̇т̇аа, анад̇т̇амби аавахад̇и. гасмаа? яасмаа согамаббаж̇ахам̣ …бз… васаманваг̇уу. д̇ад̇т̇а ануд̇т̇унанд̇од̇и анусожанд̇о. васаманваг̇ууд̇и васам̣ г̇ад̇о.
592. Na kevalañca niratthā, anatthampi āvahati. Kasmā? Yasmā sokamappajahaṃ…pe… vasamanvagū. Tattha anutthunantoti anusocanto. Vasamanvagūti vasaṃ gato.
593. звамби нирад̇т̇агад̇д̇ам̣ анад̇т̇аавахад̇д̇ан̃жа согасса д̣̇ассзд̇ваа ид̣̇аани согавинаяад̇т̇ам̣ овад̣̇анд̇о ‘‘ан̃н̃зби бассаа’’д̇иаад̣̇имааха. д̇ад̇т̇а г̇аминзд̇и г̇амигз, баралогаг̇аманасаж̇ж̇з тид̇зд̇и вуд̇д̇ам̣ ход̇и. панд̣̇анд̇звид̇ха баан̣инод̇и маран̣абхаязна панд̣̇амаанзязва ид̇ха сад̇д̇з.
593. Evampi niratthakattaṃ anatthāvahattañca sokassa dassetvā idāni sokavinayatthaṃ ovadanto ‘‘aññepi passā’’tiādimāha. Tattha gamineti gamike, paralokagamanasajje ṭhiteti vuttaṃ hoti. Phandantevidha pāṇinoti maraṇabhayena phandamāneyeva idha satte.
594. язна язнаад̇и язнаагаарзна ман̃н̃анд̇и ‘‘д̣̇ийгхааяуго бхависсад̇и, арог̇о бхависсад̇ий’’д̇и. д̇ад̇о д̇ам̣ ан̃н̃ат̇ааязва ход̇и, со звам̣ ман̃н̃ид̇о марад̇иби, рог̇ийби ход̇и. зд̇аад̣̇исо аяам̣ винаабхааво ман̃н̃ид̇аббажжанийгзна ход̇и, басса, убаасага, логасабхааванд̇и звамзд̇т̇а ад̇хиббааяаяож̇анаа взд̣̇ид̇аб̣б̣аа.
594.Yena yenāti yenākārena maññanti ‘‘dīghāyuko bhavissati, arogo bhavissatī’’ti. Tato taṃ aññathāyeva hoti, so evaṃ maññito maratipi, rogīpi hoti. Etādiso ayaṃ vinābhāvo maññitappaccanīkena hoti, passa, upāsaka, lokasabhāvanti evamettha adhippāyayojanā veditabbā.
596. арахад̇о суд̇ваад̇и имам̣ зваруубам̣ арахад̇о д̇хаммад̣̇зсанам̣ суд̇ваа. нзсо лаб̣бхаа маяаа ид̇ийд̇и со бзд̇о ‘‘ид̣̇аани маяаа буна ж̇ийвад̇уу’’д̇и на лаб̣бхаа ид̇и бариж̇аананд̇о, винзяяа барид̣̇звид̇анд̇и вуд̇д̇ам̣ ход̇и.
596.Arahato sutvāti imaṃ evarūpaṃ arahato dhammadesanaṃ sutvā. Neso labbhā mayā itīti so peto ‘‘idāni mayā puna jīvatū’’ti na labbhā iti parijānanto, vineyya paridevitanti vuttaṃ hoti.
597. гин̃жа бхияяо – ‘‘яат̇аа саран̣амаад̣̇ид̇д̇ам̣…бз… д̇хам̣саяз’’д̇и. д̇ад̇т̇а д̇хийро д̇хид̇исамбад̣̇ааяа, сабан̃н̃о саабхаавигабан̃н̃ааяа, бан̣д̣ид̇о б̣аахусажжабан̃н̃ааяа, гусало жинд̇агаж̇аад̇игад̇ааяа взд̣̇ид̇аб̣б̣о. жинд̇аамаяасуд̇амаяабхааванаамаяабан̃н̃аахи ваа яож̇зд̇аб̣б̣ам̣.
597. Kiñca bhiyyo – ‘‘yathā saraṇamādittaṃ…pe… dhaṃsaye’’ti. Tattha dhīro dhitisampadāya, sapañño sābhāvikapaññāya, paṇḍito bāhusaccapaññāya, kusalo cintakajātikatāya veditabbo. Cintāmayasutamayabhāvanāmayapaññāhi vā yojetabbaṃ.
598-9. на гзвалан̃жа согамзва, барид̣̇звам̣…бз… салламад̇д̇ано. д̇ад̇т̇а баж̇аббанд̇и д̇ан̣хам̣. д̣̇оманассанд̇и жзд̇асигад̣̇угкам̣. аб̣б̣ахзд̇и уд̣̇д̇харз. салланд̇и зд̇амзва д̇иббагаарам̣ д̣̇уннийхаран̣адтзна анд̇овиж̇жханадтзна жа саллам̣. буб̣б̣з вуд̇д̇ам̣ сад̇д̇авид̇хам̣ рааг̇аад̣̇исаллам̣ ваа. зд̇асмин̃хи аб̣б̣уул̣хз саллз аб̣б̣уул̣хасалло…бз… ниб̣б̣уд̇од̇и арахад̇д̇анигуудзна д̣̇зсанам̣ нидтаабзси. д̇ад̇т̇а асид̇од̇и д̇ан̣хаад̣̇идтийхи аниссид̇о. баббуяяаад̇и баабун̣ид̇ваа. сзсам̣ ид̇ха ид̇о буб̣б̣з вуд̇д̇ад̇д̇аа уд̇д̇аанад̇т̇амзва, д̇асмаа на ван̣н̣ид̇ам̣.
598-9. Na kevalañca sokameva, paridevaṃ…pe… sallamattano. Tattha pajappanti taṇhaṃ. Domanassanti cetasikadukkhaṃ. Abbaheti uddhare. Sallanti etameva tippakāraṃ dunnīharaṇaṭṭhena antovijjhanaṭṭhena ca sallaṃ. Pubbe vuttaṃ sattavidhaṃ rāgādisallaṃ vā. Etasmiñhi abbūḷhe salle abbūḷhasallo…pe… nibbutoti arahattanikūṭena desanaṃ niṭṭhāpesi. Tattha asitoti taṇhādiṭṭhīhi anissito. Pappuyyāti pāpuṇitvā. Sesaṃ idha ito pubbe vuttattā uttānatthameva, tasmā na vaṇṇitaṃ.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа салласуд̇д̇аван̣н̣анаа нидтид̇аа.
Suttanipāta-aṭṭhakathāya sallasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 8. салласуд̇д̇ам̣ • 8. Sallasuttaṃ
