Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi

    ൧൧. ഏകാദസമവഗ്ഗോ

    11. Ekādasamavaggo

    (൧൧൩) ൮. സമാധികഥാ

    (113) 8. Samādhikathā

    ൬൨൫. ചിത്തസന്തതി സമാധീതി? ആമന്താ. അതീതാ ചിത്തസന്തതി സമാധീതി? ന ഹേവം വത്തബ്ബേ …പേ॰… ചിത്തസന്തതി സമാധീതി? ആമന്താ. അനാഗതാ ചിത്തസന്തതി സമാധീതി? ന ഹേവം വത്തബ്ബേ…പേ॰… ചിത്തസന്തതി സമാധീതി? ആമന്താ. നനു അതീതം നിരുദ്ധം അനാഗതം അജാതന്തി? ആമന്താ. ഹഞ്ചി അതീതം നിരുദ്ധം അനാഗതം അജാതം, നോ ച വത രേ വത്തബ്ബേ – ‘‘ചിത്തസന്തതി സമാധീ’’തി.

    625. Cittasantati samādhīti? Āmantā. Atītā cittasantati samādhīti? Na hevaṃ vattabbe …pe… cittasantati samādhīti? Āmantā. Anāgatā cittasantati samādhīti? Na hevaṃ vattabbe…pe… cittasantati samādhīti? Āmantā. Nanu atītaṃ niruddhaṃ anāgataṃ ajātanti? Āmantā. Hañci atītaṃ niruddhaṃ anāgataṃ ajātaṃ, no ca vata re vattabbe – ‘‘cittasantati samādhī’’ti.

    ൬൨൬. ഏകചിത്തക്ഖണികോ സമാധീതി? ആമന്താ. ചക്ഖുവിഞ്ഞാണസമങ്ഗീ സമാപന്നോതി? ന ഹേവം വത്തബ്ബേ…പേ॰… സോതവിഞ്ഞാണസമങ്ഗീ…പേ॰… ഘാനവിഞ്ഞാണസമങ്ഗീ… ജിവ്ഹാവിഞ്ഞാണസമങ്ഗീ… കായവിഞ്ഞാണസമങ്ഗീ…പേ॰… അകുസലചിത്തസമങ്ഗീ …പേ॰… രാഗസഹഗതചിത്തസമങ്ഗീ…പേ॰… ദോസസഹഗതചിത്തസമങ്ഗീ…പേ॰… മോഹസഹഗതചിത്തസമങ്ഗീ…പേ॰… അനോത്തപ്പസഹഗതചിത്തസമങ്ഗീ സമാപന്നോതി? ന ഹേവം വത്തബ്ബേ…പേ॰….

    626. Ekacittakkhaṇiko samādhīti? Āmantā. Cakkhuviññāṇasamaṅgī samāpannoti? Na hevaṃ vattabbe…pe… sotaviññāṇasamaṅgī…pe… ghānaviññāṇasamaṅgī… jivhāviññāṇasamaṅgī… kāyaviññāṇasamaṅgī…pe… akusalacittasamaṅgī …pe… rāgasahagatacittasamaṅgī…pe… dosasahagatacittasamaṅgī…pe… mohasahagatacittasamaṅgī…pe… anottappasahagatacittasamaṅgī samāpannoti? Na hevaṃ vattabbe…pe….

    ചിത്തസന്തതി സമാധീതി? ആമന്താ. അകുസലചിത്തസന്തതി സമാധീതി? ന ഹേവം വത്തബ്ബേ…പേ॰… രാഗസഹഗതാ…പേ॰… ദോസസഹഗതാ…പേ॰… മോഹസഹഗതാ…പേ॰… അനോത്തപ്പസഹഗതാ ചിത്തസന്തതി സമാധീതി? ന ഹേവം വത്തബ്ബേ…പേ॰….

    Cittasantati samādhīti? Āmantā. Akusalacittasantati samādhīti? Na hevaṃ vattabbe…pe… rāgasahagatā…pe… dosasahagatā…pe… mohasahagatā…pe… anottappasahagatā cittasantati samādhīti? Na hevaṃ vattabbe…pe….

    ന വത്തബ്ബം – ‘‘ചിത്തസന്തതി സമാധീ’’തി? ആമന്താ. നനു വുത്തം ഭഗവതാ – ‘‘അഹം ഖോ, ആവുസോ നിഗണ്ഠാ, പഹോമി അനിഞ്ജമാനോ കായേന, അഭാസമാനോ വാചം, സത്ത രത്തിന്ദിവാനി 1 ഏകന്തസുഖം പടിസംവേദീ വിഹരിതു’’ന്തി 2! അത്ഥേവ സുത്തന്തോതി? ആമന്താ. തേന ഹി ചിത്തസന്തതി സമാധീതി.

    Na vattabbaṃ – ‘‘cittasantati samādhī’’ti? Āmantā. Nanu vuttaṃ bhagavatā – ‘‘ahaṃ kho, āvuso nigaṇṭhā, pahomi aniñjamāno kāyena, abhāsamāno vācaṃ, satta rattindivāni 3 ekantasukhaṃ paṭisaṃvedī viharitu’’nti 4! Attheva suttantoti? Āmantā. Tena hi cittasantati samādhīti.

    സമാധികഥാ നിട്ഠിതാ.

    Samādhikathā niṭṭhitā.







    Footnotes:
    1. രത്തിദിവാനി (ക॰)
    2. മ॰ നി॰ ൧.൧൮൦
    3. rattidivāni (ka.)
    4. ma. ni. 1.180



    Related texts:



    അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൮. സമാധികഥാവണ്ണനാ • 8. Samādhikathāvaṇṇanā

    ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൮. സമാധികഥാവണ്ണനാ • 8. Samādhikathāvaṇṇanā

    ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൮. സമാധികഥാവണ്ണനാ • 8. Samādhikathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact