| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. самаад̇химуулагасаад̇ажжагаарийсуд̇д̇ам̣
9. Samādhimūlakasātaccakārīsuttaṃ
670. саавад̇т̇инид̣̇аанам̣. ‘‘жад̇д̇ааромз, бхигкавз, жхааяий. гад̇амз жад̇д̇ааро? ид̇ха, бхигкавз, згажжо жхааяий самаад̇хисмим̣ самаад̇хигусало ход̇и, на самаад̇хисмим̣ саад̇ажжагаарий. ид̇ха бана, бхигкавз, згажжо жхааяий самаад̇хисмим̣ саад̇ажжагаарий ход̇и, на самаад̇хисмим̣ самаад̇хигусало. ид̇ха бана , бхигкавз, згажжо жхааяий нзва самаад̇хисмим̣ самаад̇хигусало ход̇и, на жа самаад̇хисмим̣ саад̇ажжагаарий. ид̇ха бана, бхигкавз, згажжо жхааяий самаад̇хисмим̣ самаад̇хигусало жа ход̇и, самаад̇хисмим̣ саад̇ажжагаарий жа. д̇ад̇ра, бхигкавз, явааяам̣ жхааяий самаад̇хисмим̣ самаад̇хигусало жа ход̇и, самаад̇хисмим̣ саад̇ажжагаарий жа аяам̣ имзсам̣ жад̇уннам̣ жхааяийнам̣ аг̇г̇о жа сздто жа могко жа уд̇д̇амо жа баваро жа. сзяяат̇ааби, бхигкавз, г̇аваа кийрам̣…бз… баваро жаа’’д̇и. навамам̣.
670. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samādhikusalo hoti, na samādhismiṃ sātaccakārī. Idha pana, bhikkhave, ekacco jhāyī samādhismiṃ sātaccakārī hoti, na samādhismiṃ samādhikusalo. Idha pana , bhikkhave, ekacco jhāyī neva samādhismiṃ samādhikusalo hoti, na ca samādhismiṃ sātaccakārī. Idha pana, bhikkhave, ekacco jhāyī samādhismiṃ samādhikusalo ca hoti, samādhismiṃ sātaccakārī ca. Tatra, bhikkhave, yvāyaṃ jhāyī samādhismiṃ samādhikusalo ca hoti, samādhismiṃ sātaccakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-55. самаад̇химуулагатид̇исуд̇д̇аад̣̇иван̣н̣анаа • 2-55. Samādhimūlakaṭhitisuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-55. самаад̇химуулагатид̇исуд̇д̇аад̣̇иван̣н̣анаа • 2-55. Samādhimūlakaṭhitisuttādivaṇṇanā
