| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૭. સમાધિસુત્તં
7. Samādhisuttaṃ
૨૭. ‘‘સમાધિં, ભિક્ખવે, ભાવેથ અપ્પમાણં નિપકા પતિસ્સતા. સમાધિં, ભિક્ખવે, ભાવયતં અપ્પમાણં નિપકાનં પતિસ્સતાનં પઞ્ચ ઞાણાનિ પચ્ચત્તઞ્ઞેવ ઉપ્પજ્જન્તિ. કતમાનિ પઞ્ચ? ‘અયં સમાધિ પચ્ચુપ્પન્નસુખો ચેવ આયતિઞ્ચ સુખવિપાકો’તિ પચ્ચત્તઞ્ઞેવ ઞાણં ઉપ્પજ્જતિ, ‘અયં સમાધિ અરિયો નિરામિસો’તિ પચ્ચત્તઞ્ઞેવ ઞાણં ઉપ્પજ્જતિ, ‘અયં સમાધિ અકાપુરિસસેવિતો’તિ 1 પચ્ચત્તઞ્ઞેવ ઞાણં ઉપ્પજ્જતિ, ‘અયં સમાધિ સન્તો પણીતો પટિપ્પસ્સદ્ધલદ્ધો એકોદિભાવાધિગતો, ન સઙ્ખારનિગ્ગય્હવારિતગતો’તિ 2 પચ્ચત્તઞ્ઞેવ ઞાણં ઉપ્પજ્જતિ, ‘સતો ખો પનાહં ઇમં સમાપજ્જામિ સતો વુટ્ઠહામી’તિ 3 પચ્ચત્તઞ્ઞેવ ઞાણં ઉપ્પજ્જતિ.
27. ‘‘Samādhiṃ, bhikkhave, bhāvetha appamāṇaṃ nipakā patissatā. Samādhiṃ, bhikkhave, bhāvayataṃ appamāṇaṃ nipakānaṃ patissatānaṃ pañca ñāṇāni paccattaññeva uppajjanti. Katamāni pañca? ‘Ayaṃ samādhi paccuppannasukho ceva āyatiñca sukhavipāko’ti paccattaññeva ñāṇaṃ uppajjati, ‘ayaṃ samādhi ariyo nirāmiso’ti paccattaññeva ñāṇaṃ uppajjati, ‘ayaṃ samādhi akāpurisasevito’ti 4 paccattaññeva ñāṇaṃ uppajjati, ‘ayaṃ samādhi santo paṇīto paṭippassaddhaladdho ekodibhāvādhigato, na saṅkhāraniggayhavāritagato’ti 5 paccattaññeva ñāṇaṃ uppajjati, ‘sato kho panāhaṃ imaṃ samāpajjāmi sato vuṭṭhahāmī’ti 6 paccattaññeva ñāṇaṃ uppajjati.
‘‘સમાધિં, ભિક્ખવે, ભાવેથ અપ્પમાણં નિપકા પતિસ્સતા. સમાધિં, ભિક્ખવે, ભાવયતં અપ્પમાણં નિપકાનં પતિસ્સતાનં ઇમાનિ પઞ્ચ ઞાણાનિ પચ્ચત્તઞ્ઞેવ ઉપ્પજ્જન્તી’’તિ. સત્તમં.
‘‘Samādhiṃ, bhikkhave, bhāvetha appamāṇaṃ nipakā patissatā. Samādhiṃ, bhikkhave, bhāvayataṃ appamāṇaṃ nipakānaṃ patissatānaṃ imāni pañca ñāṇāni paccattaññeva uppajjantī’’ti. Sattamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૭. સમાધિસુત્તવણ્ણના • 7. Samādhisuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૭. સમાધિસુત્તવણ્ણના • 7. Samādhisuttavaṇṇanā
