| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
12. сажжасам̣яуд̇д̇ам̣
12. Saccasaṃyuttaṃ
1. самаад̇хиваг̇г̇о
1. Samādhivaggo
1. самаад̇хисуд̇д̇аван̣н̣анаа
1. Samādhisuttavaṇṇanā
1071. сажжасам̣яуд̇д̇асса батамз самаад̇хим̣, бхигкавзд̇и д̇з гира бхигкуу жид̇д̇згаг̇г̇ад̇ааяа барихааяанд̇и, ат̇а нзсам̣ сад̇т̇аа – ‘‘звамзд̇з жид̇д̇згаг̇г̇ад̇ам̣ лабхид̇ваа, гаммадтаанам̣ вад̣дхзд̇ваа, висзсам̣ баабун̣иссанд̇ий’’д̇и имам̣ д̣̇зсанам̣ аарабхи. д̇асмаад̇иха, бхигкавз, ‘‘ид̣̇ам̣ д̣̇угка’’нд̇и яог̇о гаран̣ийяод̇и зд̇т̇а яат̇аабхууд̇аад̣̇ивасзна гааран̣ажчзд̣̇о взд̣̇ид̇аб̣б̣о. ид̣̇ан̃хи вуд̇д̇ам̣ ход̇и – бхигкавз, яасмаа самаахид̇о бхигку жад̇д̇аари сажжаани яат̇аабхууд̇ам̣ баж̇аанаад̇и, д̇асмаа д̇умхзхи жа самаахид̇зхи жад̇уннам̣ сажжаанам̣ яат̇аабхууд̇ам̣ баж̇аананад̇т̇ааяа ‘‘ид̣̇ам̣ д̣̇угка’’нд̇и яог̇о гаран̣ийяо. д̇ат̇аа яасмаа жад̇д̇аари сажжаани д̇ат̇ааг̇ад̇ассзва баад̇убхааваа баагадаани хонд̇и, яасмаа жа д̇ат̇ааг̇ад̇зна сувибхад̇д̇аани, яасмаа жа д̇зсу абаримаан̣аа ван̣н̣аа абаримаан̣аани бад̣̇аб̣яан̃ж̇анаани, яасмаа жа д̇зсам̣ аббадивид̣̇д̇хад̇д̇аа ваддам̣ вад̣дхад̇и, д̇зсам̣ бадивид̣̇д̇хагаалад̇о бадтааяа на вад̣дхад̇и, д̇асмаа ‘‘звам̣ но ваддам̣ на вад̣дхиссад̇ий’’д̇и д̇умхзхи ‘‘ид̣̇ам̣ д̣̇угка’’нд̇и яог̇о гаран̣ийяо.
1071. Saccasaṃyuttassa paṭhame samādhiṃ, bhikkhaveti te kira bhikkhū cittekaggatāya parihāyanti, atha nesaṃ satthā – ‘‘evamete cittekaggataṃ labhitvā, kammaṭṭhānaṃ vaḍḍhetvā, visesaṃ pāpuṇissantī’’ti imaṃ desanaṃ ārabhi. Tasmātiha, bhikkhave, ‘‘idaṃ dukkha’’nti yogo karaṇīyoti ettha yathābhūtādivasena kāraṇacchedo veditabbo. Idañhi vuttaṃ hoti – bhikkhave, yasmā samāhito bhikkhu cattāri saccāni yathābhūtaṃ pajānāti, tasmā tumhehi ca samāhitehi catunnaṃ saccānaṃ yathābhūtaṃ pajānanatthāya ‘‘idaṃ dukkha’’nti yogo karaṇīyo. Tathā yasmā cattāri saccāni tathāgatasseva pātubhāvā pākaṭāni honti, yasmā ca tathāgatena suvibhattāni, yasmā ca tesu aparimāṇā vaṇṇā aparimāṇāni padabyañjanāni, yasmā ca tesaṃ appaṭividdhattā vaṭṭaṃ vaḍḍhati, tesaṃ paṭividdhakālato paṭṭhāya na vaḍḍhati, tasmā ‘‘evaṃ no vaṭṭaṃ na vaḍḍhissatī’’ti tumhehi ‘‘idaṃ dukkha’’nti yogo karaṇīyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. самаад̇хисуд̇д̇ам̣ • 1. Samādhisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. самаад̇хисуд̇д̇аван̣н̣анаа • 1. Samādhisuttavaṇṇanā
