| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
4. саамаг̇аамасуд̇д̇аван̣н̣анаа
4. Sāmagāmasuttavaṇṇanā
41. звам̣ мз суд̇анд̇и саамаг̇аамасуд̇д̇ам̣. д̇ад̇т̇а саамаг̇аамзд̇и саамаагаанам̣ уссаннад̇д̇аа звам̣лад̣̇д̇ханаамз г̇аамз. ад̇хунаа гаалан̇гад̇од̇и самбад̇и гаалам̣ гад̇о. д̣̇взд̇хигаж̇аад̇аад̇и д̣̇взж̇жхаж̇аад̇аа д̣̇взбхааг̇аж̇аад̇аа. бхан̣д̣анаад̣̇ийсу бхан̣д̣анам̣ буб̣б̣абхааг̇агалахо, д̇ам̣ д̣̇ан̣д̣аад̣̇аанаад̣̇ивасзна бан̣н̣ад̇д̇ивийд̇иггамавасзна жа вад̣̇д̇хид̇ам̣ галахо, ‘‘на д̇вам̣ имам̣ д̇хаммавинаяам̣ ааж̇аанаасий’’д̇иаад̣̇игам̣ вируд̣̇д̇хаважанам̣ виваад̣̇о. вид̇уд̣̇анд̇аад̇и вид̇уж̇ж̇анд̇аа. сахид̇ам̣ мзд̇и мама важанам̣ ад̇т̇асам̣хид̇ам̣. ад̇хижин̣н̣ам̣ д̇з вибараавад̇д̇анд̇и яам̣ д̇ава ад̇хижин̣н̣ам̣ жирагааласзванавасзна баг̇ун̣ам̣, д̇ам̣ мама ваад̣̇ам̣ ааг̇амма нивад̇д̇ам̣. ааробид̇о д̇з ваад̣̇од̇и д̇уяхам̣ убари маяаа д̣̇осо ааробид̇о. жара ваад̣̇аббамогкааяаад̇и бхад̇д̇абудам̣ аад̣̇ааяа д̇ам̣ д̇ам̣ убасан̇гамид̇ваа ваад̣̇аббамогкад̇т̇ааяа уд̇д̇ари бариязсамаано жара. ниб̣б̣зтзхи ваад̇и ат̇а маяаа ааробид̇аваад̣̇ад̇о ад̇д̇аанам̣ можзхи. сажз бахосийд̇и сажз саггоси. вад̇хоязваад̇и маран̣амзва.
41.Evaṃme sutanti sāmagāmasuttaṃ. Tattha sāmagāmeti sāmākānaṃ ussannattā evaṃladdhanāme gāme. Adhunā kālaṅkatoti sampati kālaṃ kato. Dvedhikajātāti dvejjhajātā dvebhāgajātā. Bhaṇḍanādīsu bhaṇḍanaṃ pubbabhāgakalaho, taṃ daṇḍādānādivasena paṇṇattivītikkamavasena ca vaddhitaṃ kalaho, ‘‘na tvaṃ imaṃ dhammavinayaṃ ājānāsī’’tiādikaṃ viruddhavacanaṃ vivādo. Vitudantāti vitujjantā. Sahitaṃ meti mama vacanaṃ atthasaṃhitaṃ. Adhiciṇṇaṃ te viparāvattanti yaṃ tava adhiciṇṇaṃ cirakālasevanavasena paguṇaṃ, taṃ mama vādaṃ āgamma nivattaṃ. Āropito te vādoti tuyhaṃ upari mayā doso āropito. Cara vādappamokkhāyāti bhattapuṭaṃ ādāya taṃ taṃ upasaṅkamitvā vādappamokkhatthāya uttari pariyesamāno cara. Nibbeṭhehi vāti atha mayā āropitavādato attānaṃ mocehi. Sace pahosīti sace sakkosi. Vadhoyevāti maraṇameva.
наадабуд̇д̇иязсууд̇и наадабуд̇д̇асса анд̇зваасигзсу. ниб̣б̣иннаруубаад̇и угган̣тид̇асабхааваа, абхиваад̣̇анаад̣̇ийни на гаронд̇и. вирад̇д̇аруубаад̇и виг̇ад̇абзмаа. бадиваанаруубаад̇и д̇зсам̣ нибажжагирияад̇о нивад̇д̇асабхааваа. яат̇аа д̇анд̇и яат̇аа жа д̣̇урагкаад̇аад̣̇исабхаавз д̇хаммавинаяз ниб̣б̣иннавирад̇д̇абадиваанаруубзхи бхавид̇аб̣б̣ам̣, д̇ат̇зва ж̇аад̇аад̇и ад̇т̇о. д̣̇урагкаад̇зд̇и д̣̇уггат̇ид̇з. д̣̇уббавзд̣̇ид̇зд̇и д̣̇увин̃н̃аабид̇з. анубасамасам̣вад̇д̇анигзд̇и рааг̇аад̣̇ийнам̣ убасамам̣ гаад̇ум̣ асамад̇т̇о. бхиннат̇уубзд̇и бхиннабад̇идтз. зд̇т̇а хи наадабуд̇д̇ова нзсам̣ бад̇идтзна т̇уубо, со бана бхинно мад̇о. д̇зна вуд̇д̇ам̣ ‘‘бхиннат̇уубз’’д̇и. аббадисаран̣зд̇и д̇ассзва абхаавзна бадисаран̣авирахид̇з.
Nāṭaputtiyesūti nāṭaputtassa antevāsikesu. Nibbinnarūpāti ukkaṇṭhitasabhāvā, abhivādanādīni na karonti. Virattarūpāti vigatapemā. Paṭivānarūpāti tesaṃ nipaccakiriyato nivattasabhāvā. Yathā tanti yathā ca durakkhātādisabhāve dhammavinaye nibbinnavirattapaṭivānarūpehi bhavitabbaṃ, tatheva jātāti attho. Durakkhāteti dukkathite. Duppavediteti duviññāpite. Anupasamasaṃvattaniketi rāgādīnaṃ upasamaṃ kātuṃ asamattho. Bhinnathūpeti bhinnapatiṭṭhe. Ettha hi nāṭaputtova nesaṃ patiṭṭhena thūpo, so pana bhinno mato. Tena vuttaṃ ‘‘bhinnathūpe’’ti. Appaṭisaraṇeti tasseva abhāvena paṭisaraṇavirahite.
нану жааяам̣ наадабуд̇д̇о наал̣анд̣̇аваасиго, со гасмаа баавааяам̣ гаалам̣гад̇од̇и. со гира убаалинаа г̇ахабад̇инаа бадивид̣̇д̇хасажжзна д̣̇асахи г̇аат̇аахи бхаасид̇з б̣уд̣̇д̇хаг̇ун̣з суд̇ваа ун̣хам̣ лохид̇ам̣ чад̣д̣зси. ат̇а нам̣ апаасугам̣ г̇ахзд̇ваа баавам̣ аг̇амам̣су, со д̇ад̇т̇а гааламагааси. гаалам̣ гурумаано жа ‘‘мама лад̣̇д̇хи анияяаанигаа саарарахид̇аа, маяам̣ д̇аава надтаа, авасзсаж̇ано маа абааяабуураго ахоси . сажз банаахам̣ ‘мама саасанам̣ анияяаанига’нд̇и вагкаами, на сад̣̇д̣̇ахиссанд̇и. яам̣нуунаахам̣ д̣̇взби ж̇анз на зганийхаарзна уг̇г̇ан̣хаабзяяам̣, д̇з мамажжаязна ан̃н̃аман̃н̃ам̣ вивад̣̇иссанд̇и. сад̇т̇аа д̇ам̣ виваад̣̇ам̣ бадижжа згам̣ д̇хаммагат̇ам̣ гат̇зссад̇и, д̇ад̇о д̇з саасанасса маханд̇абхаавам̣ ж̇аад̇иссанд̇ий’’д̇и.
Nanu cāyaṃ nāṭaputto nāḷandavāsiko, so kasmā pāvāyaṃ kālaṃkatoti. So kira upālinā gahapatinā paṭividdhasaccena dasahi gāthāhi bhāsite buddhaguṇe sutvā uṇhaṃ lohitaṃ chaḍḍesi. Atha naṃ aphāsukaṃ gahetvā pāvaṃ agamaṃsu, so tattha kālamakāsi. Kālaṃ kurumāno ca ‘‘mama laddhi aniyyānikā sārarahitā, mayaṃ tāva naṭṭhā, avasesajano mā apāyapūrako ahosi . Sace panāhaṃ ‘mama sāsanaṃ aniyyānika’nti vakkhāmi, na saddahissanti. Yaṃnūnāhaṃ dvepi jane na ekanīhārena uggaṇhāpeyyaṃ, te mamaccayena aññamaññaṃ vivadissanti. Satthā taṃ vivādaṃ paṭicca ekaṃ dhammakathaṃ kathessati, tato te sāsanassa mahantabhāvaṃ jātissantī’’ti.
ат̇а нам̣ зго анд̇зваасиго убасан̇гамид̇ваа ааха ‘‘бханд̇з, д̇умхз д̣̇уб̣б̣алаа, маяхам̣ имасмим̣ д̇хаммз саарам̣ аажигкат̇а аажарияаббамаан̣а’’нд̇и. аавусо, д̇вам̣ мамажжаязна сассад̇анд̇и г̇ан̣хзяяаасийд̇и. абароби д̇ам̣ убасан̇гами, д̇ам̣ ужчзд̣̇ам̣ г̇ан̣хаабзси. звам̣ д̣̇взби ж̇анз згалад̣̇д̇хигз агад̇ваа б̣ахуу наанаанийхаарзна уг̇г̇ан̣хаабзд̇ваа гааламагааси. д̇з д̇асса сарийрагижжам̣ гад̇ваа саннибад̇ид̇ваа ан̃н̃аман̃н̃ам̣ бужчим̣су ‘‘гассаавусо, аажарияо саарамаажигкий’’д̇и? зго удтахид̇ваа маяханд̇и ааха. гим̣ аажигкийд̇и? сассад̇анд̇и. абаро д̇ам̣ бадиб̣аахид̇ваа маяхам̣ саарам̣ аажигкийд̇и ааха. звам̣ саб̣б̣з ‘‘маяхам̣ саарам̣ аажигки, ахам̣ ж̇здтаго’’д̇и ан̃н̃аман̃н̃ам̣ виваад̣̇ам̣ вад̣дхзд̇ваа аггосз жзва барибхаасз жа хад̇т̇абаад̣̇абахаараад̣̇ийни жа бавад̇д̇зд̇ваа згамаг̇г̇зна д̣̇вз аг̇ажчанд̇аа наанаад̣̇исаасу баггамим̣су, згажжз г̇ихий ахзсум̣.
Atha naṃ eko antevāsiko upasaṅkamitvā āha ‘‘bhante, tumhe dubbalā, mayhaṃ imasmiṃ dhamme sāraṃ ācikkhatha ācariyappamāṇa’’nti. Āvuso, tvaṃ mamaccayena sassatanti gaṇheyyāsīti. Aparopi taṃ upasaṅkami, taṃ ucchedaṃ gaṇhāpesi. Evaṃ dvepi jane ekaladdhike akatvā bahū nānānīhārena uggaṇhāpetvā kālamakāsi. Te tassa sarīrakiccaṃ katvā sannipatitvā aññamaññaṃ pucchiṃsu ‘‘kassāvuso, ācariyo sāramācikkhī’’ti? Eko uṭṭhahitvā mayhanti āha. Kiṃ ācikkhīti? Sassatanti. Aparo taṃ paṭibāhitvā mayhaṃ sāraṃ ācikkhīti āha. Evaṃ sabbe ‘‘mayhaṃ sāraṃ ācikkhi, ahaṃ jeṭṭhako’’ti aññamaññaṃ vivādaṃ vaḍḍhetvā akkose ceva paribhāse ca hatthapādapahārādīni ca pavattetvā ekamaggena dve agacchantā nānādisāsu pakkamiṃsu, ekacce gihī ahesuṃ.
бхаг̇авад̇о бана д̇харамаанагаалзби бхигкусан̇гхз виваад̣̇о на уббаж̇ж̇и. сад̇т̇аа хи д̇зсам̣ виваад̣̇агааран̣з уббаннамад̇д̇зязва саяам̣ ваа г̇анд̇ваа д̇з ваа бхигкуу баггосаабзд̇ваа канд̇и мзд̇д̇аа бадисан̇каа авихим̣саа сааран̣ийяад̇хаммзсу згам̣ гааран̣ам̣ гат̇зд̇ваа виваад̣̇ам̣ вуубасамзд̇и. звам̣ д̇харамааноби сан̇гхасса бад̇идтаава ахоси. бариниб̣б̣ааяамааноби авиваад̣̇агааран̣ам̣ гад̇ваава бариниб̣б̣ааяи. бхаг̇авад̇аа хи суд̇д̇з д̣̇зсид̇аа жад̇д̇ааро махаабад̣̇зсаа (а. ни. 4.180; д̣̇ий. ни. 2.187) яааваж̇ж̇ад̣̇ивасаа бхигкуунам̣ бад̇идтаа жа авассаяо жа. д̇ат̇аа канд̇хагз д̣̇зсид̇аа жад̇д̇ааро махаабад̣̇зсаа (махаава. 305) суд̇д̇з вуд̇д̇аани жад̇д̇аари бан̃хаб̣яаагаран̣аани (а. ни. 4.42) жа. д̇знзвааха – ‘‘яо во маяаа, аананд̣̇а, д̇хаммо жа винаяо жа д̣̇зсид̇о бан̃н̃ад̇д̇о, со во мамажжаязна сад̇т̇аа’’д̇и (д̣̇ий. ни. 2.216).
Bhagavato pana dharamānakālepi bhikkhusaṅghe vivādo na uppajji. Satthā hi tesaṃ vivādakāraṇe uppannamatteyeva sayaṃ vā gantvā te vā bhikkhū pakkosāpetvā khanti mettā paṭisaṅkhā avihiṃsā sāraṇīyadhammesu ekaṃ kāraṇaṃ kathetvā vivādaṃ vūpasameti. Evaṃ dharamānopi saṅghassa patiṭṭhāva ahosi. Parinibbāyamānopi avivādakāraṇaṃ katvāva parinibbāyi. Bhagavatā hi sutte desitā cattāro mahāpadesā (a. ni. 4.180; dī. ni. 2.187) yāvajjadivasā bhikkhūnaṃ patiṭṭhā ca avassayo ca. Tathā khandhake desitā cattāro mahāpadesā (mahāva. 305) sutte vuttāni cattāri pañhabyākaraṇāni (a. ni. 4.42) ca. Tenevāha – ‘‘yo vo mayā, ānanda, dhammo ca vinayo ca desito paññatto, so vo mamaccayena satthā’’ti (dī. ni. 2.216).
42. ат̇а ко жунд̣̇о саман̣уд̣̇д̣̇зсод̇и аяам̣ т̇зро д̇хаммасзнаабад̇исса ганидтабхаад̇иго. д̇ам̣ бхигкуу анубасамбаннагаалз жунд̣̇о саман̣уд̣̇д̣̇зсод̇и самуд̣̇аажарид̇ваа т̇зрагаалзби д̇ат̇зва самуд̣̇аажарим̣су. д̇зна вуд̇д̇ам̣ ‘‘жунд̣̇о саман̣уд̣̇д̣̇зсо’’д̇и. убасан̇гамийд̇и гасмаа убасан̇гами? наадабуд̇д̇з гира гаалам̣гад̇з ж̇амб̣уд̣̇ийбз мануссаа д̇ад̇т̇а д̇ад̇т̇а гат̇ам̣ бавад̇д̇аяим̣су – ‘‘ниг̇ан̣то наадабуд̇д̇о зго сад̇т̇аад̇и бан̃н̃ааяид̇т̇а, д̇асса гаалагирияааяа саавагаанам̣ зваруубо виваад̣̇о ж̇аад̇о, саман̣о бана г̇од̇амо ж̇амб̣уд̣̇ийбз жанд̣̇о вияа суурияо вияа жа баагадоязва, гийд̣̇исо ну ко саман̣з г̇од̇амз бариниб̣б̣уд̇з саавагаанам̣ виваад̣̇о бхависсад̇ий’’д̇и. т̇зро д̇ам̣ гат̇ам̣ суд̇ваа жинд̇зси – ‘‘имам̣ гат̇ам̣ г̇ахзд̇ваа д̣̇асаб̣аласса аарожзссаами, сад̇т̇аа жа зд̇ам̣ ад̇т̇уббад̇д̇им̣ гад̇ваа згам̣ д̣̇зсанам̣ гат̇зссад̇ий’’д̇и. со нигкамид̇ваа язна саамаг̇аамо, язнааяасмаа аананд̣̇о д̇знубасан̇гами. уж̇умзва бхаг̇авад̇о санд̇игам̣ аг̇анд̇ваа язнасса убаж̇жхааяо ааяасмаа аананд̣̇о д̇знубасан̇гамийд̇и ад̇т̇о. звам̣ гирасса ахоси – ‘‘убаж̇жхааяо мз махаабан̃н̃о, со имам̣ саасанам̣ сад̇т̇у аарожзссад̇и, ат̇а сад̇т̇аа д̇ад̣̇ануруубам̣ д̇хаммам̣ д̣̇зсзссад̇ий’’д̇и. гат̇аабаабхад̇анд̇и гат̇аамуулам̣, муулан̃хи баабхад̇анд̇и вужжад̇и. яат̇ааха –
42.Athakho cundo samaṇuddesoti ayaṃ thero dhammasenāpatissa kaniṭṭhabhātiko. Taṃ bhikkhū anupasampannakāle cundo samaṇuddesoti samudācaritvā therakālepi tatheva samudācariṃsu. Tena vuttaṃ ‘‘cundo samaṇuddeso’’ti. Upasaṅkamīti kasmā upasaṅkami? Nāṭaputte kira kālaṃkate jambudīpe manussā tattha tattha kathaṃ pavattayiṃsu – ‘‘nigaṇṭho nāṭaputto eko satthāti paññāyittha, tassa kālakiriyāya sāvakānaṃ evarūpo vivādo jāto, samaṇo pana gotamo jambudīpe cando viya sūriyo viya ca pākaṭoyeva, kīdiso nu kho samaṇe gotame parinibbute sāvakānaṃ vivādo bhavissatī’’ti. Thero taṃ kathaṃ sutvā cintesi – ‘‘imaṃ kathaṃ gahetvā dasabalassa ārocessāmi, satthā ca etaṃ atthuppattiṃ katvā ekaṃ desanaṃ kathessatī’’ti. So nikkhamitvā yena sāmagāmo, yenāyasmā ānando tenupasaṅkami. Ujumeva bhagavato santikaṃ agantvā yenassa upajjhāyo āyasmā ānando tenupasaṅkamīti attho. Evaṃ kirassa ahosi – ‘‘upajjhāyo me mahāpañño, so imaṃ sāsanaṃ satthu ārocessati, atha satthā tadanurūpaṃ dhammaṃ desessatī’’ti. Kathāpābhatanti kathāmūlaṃ, mūlañhi pābhatanti vuccati. Yathāha –
‘‘аббагзнаби мзд̇хаавий, баабхад̇зна вижагкан̣о;
‘‘Appakenapi medhāvī, pābhatena vicakkhaṇo;
самудтаабзд̇и ад̇д̇аанам̣, ан̣ум̣ аг̇г̇им̣ва санд̇хама’’нд̇и. (ж̇аа. 2.1.4);
Samuṭṭhāpeti attānaṃ, aṇuṃ aggiṃva sandhama’’nti. (jā. 2.1.4);
д̣̇ассанааяаад̇и д̣̇ассанад̇т̇ааяа. гим̣ баниминаа бхаг̇аваа на д̣̇идтабуб̣б̣од̇и? но на д̣̇идтабуб̣б̣о, аяан̃хи ааяасмаа д̣̇иваа нава ваарз рад̇д̇им̣ нава ваарзд̇и згаахам̣ адтаараса ваарз убадтаанамзва г̇ажчад̇и. д̣̇ивасасса бана сад̇агкад̇д̇ум̣ ваа сахассагкад̇д̇ум̣ ваа г̇анд̇угаамо самааноби на агааран̣аа г̇ажчад̇и, згам̣ бан̃худ̣̇д̇хаарам̣ г̇ахзд̇ваава г̇ажчад̇и. со д̇ам̣д̣̇ивасам̣ д̇зна г̇анд̇угаамо звамааха.
Dassanāyāti dassanatthāya. Kiṃ paniminā bhagavā na diṭṭhapubboti? No na diṭṭhapubbo, ayañhi āyasmā divā nava vāre rattiṃ nava vāreti ekāhaṃ aṭṭhārasa vāre upaṭṭhānameva gacchati. Divasassa pana satakkhattuṃ vā sahassakkhattuṃ vā gantukāmo samānopi na akāraṇā gacchati, ekaṃ pañhuddhāraṃ gahetvāva gacchati. So taṃdivasaṃ tena gantukāmo evamāha.
ахид̇ааяа д̣̇угкааяа д̣̇звамануссаананд̇и згасмим̣ вихаарз сан̇гхамаж̇жхз уббанно виваад̣̇о гат̇ам̣ д̣̇звамануссаанам̣ ахид̇ааяа д̣̇угкааяа сам̣вад̇д̇ад̇и? госамб̣агагканд̇хагз (махаава. 451) вияа хи д̣̇вийсу бхигкуусу виваад̣̇ам̣ аабаннзсу д̇асмим̣ вихаарз д̇зсам̣ анд̇зваасигаа вивад̣̇анд̇и, д̇зсам̣ оваад̣̇ам̣ г̇ан̣ханд̇о бхигкунисан̇гхо вивад̣̇ад̇и, д̇ад̇о д̇зсам̣ убадтаагаа вивад̣̇анд̇и, ат̇а мануссаанам̣ аарагкад̣̇звад̇аа д̣̇вз годтаасаа хонд̇и. д̇ад̇т̇а д̇хаммаваад̣̇ийнам̣ аарагкад̣̇звад̇аа д̇хаммаваад̣̇инияо хонд̇и, ад̇хаммаваад̣̇ийнам̣ ад̇хаммаваад̣̇инияо хонд̇и. д̇ад̇о д̇аасам̣ аарагкад̣̇звад̇аанам̣ мид̇д̇аа бхуммад̣̇звад̇аа бхиж̇ж̇анд̇и. звам̣ барамбарааяа яаава б̣рахмалогаа табзд̇ваа арияасаавагз саб̣б̣з д̣̇звамануссаа д̣̇вз годтаасаа хонд̇и. д̇хаммаваад̣̇ийхи бана ад̇хаммаваад̣̇инова б̣ахуд̇араа хонд̇и, д̇ад̇о яам̣ б̣ахуухи г̇ахид̇ам̣, д̇ам̣ г̇ан̣ханд̇и. д̇хаммам̣ виссаж̇ж̇зд̇ваа б̣ахуд̇араава ад̇хаммам̣ г̇ан̣ханд̇и. д̇з ад̇хаммам̣ буурзд̇ваа вихаранд̇аа абааяз ниб̣б̣ад̇д̇анд̇и. звам̣ згасмим̣ вихаарз сан̇гхамаж̇жхз уббанно виваад̣̇о б̣ахуунам̣ ахид̇ааяа д̣̇угкааяа ход̇и.
Ahitāya dukkhāya devamanussānanti ekasmiṃ vihāre saṅghamajjhe uppanno vivādo kathaṃ devamanussānaṃ ahitāya dukkhāya saṃvattati? Kosambakakkhandhake (mahāva. 451) viya hi dvīsu bhikkhūsu vivādaṃ āpannesu tasmiṃ vihāre tesaṃ antevāsikā vivadanti, tesaṃ ovādaṃ gaṇhanto bhikkhunisaṅgho vivadati, tato tesaṃ upaṭṭhākā vivadanti, atha manussānaṃ ārakkhadevatā dve koṭṭhāsā honti. Tattha dhammavādīnaṃ ārakkhadevatā dhammavādiniyo honti, adhammavādīnaṃ adhammavādiniyo honti. Tato tāsaṃ ārakkhadevatānaṃ mittā bhummadevatā bhijjanti. Evaṃ paramparāya yāva brahmalokā ṭhapetvā ariyasāvake sabbe devamanussā dve koṭṭhāsā honti. Dhammavādīhi pana adhammavādinova bahutarā honti, tato yaṃ bahūhi gahitaṃ, taṃ gaṇhanti. Dhammaṃ vissajjetvā bahutarāva adhammaṃ gaṇhanti. Te adhammaṃ pūretvā viharantā apāye nibbattanti. Evaṃ ekasmiṃ vihāre saṅghamajjhe uppanno vivādo bahūnaṃ ahitāya dukkhāya hoti.
43. абхин̃н̃аа д̣̇зсид̇аад̇и махааб̣од̇химуулз нисиннзна бажжагкам̣ гад̇ваа бавзд̣̇ид̇аа. бад̇иссаяамаанаруубаа вихаранд̇ийд̇и убаниссааяа вихаранд̇и. бхаг̇авад̇о ажжаязнаад̇и зд̇арахи бхаг̇аванд̇ам̣ ж̇здтагам̣ гад̇ваа саг̇аараваа вихаранд̇и, д̇умхаагам̣, бханд̇з, уг̇г̇ад̇зж̇ад̇ааяа д̣̇ураасад̣̇ад̇ааяа виваад̣̇ам̣ ж̇анзд̇ум̣ на саггонд̇и, бхаг̇авад̇о бана ажжаязна виваад̣̇ам̣ ж̇анзяяунд̇и вад̣̇ад̇и. яад̇т̇а бана д̇ам̣ виваад̣̇ам̣ ж̇анзяяум̣, д̇ам̣ д̣̇ассзнд̇о аж̇жхааж̇ийвз ваа ад̇хибаад̇имогкз ваад̇и ааха. д̇ад̇т̇а аж̇жхааж̇ийвзд̇и ааж̇ийвахзд̇у ааж̇ийвагааран̣аа – ‘‘бхигку уд̇д̇аримануссад̇хаммам̣ уллабад̇и аабад̇д̇и баарааж̇игассаа’’д̇иаад̣̇инаа (бари. 287) наязна бариваарз бан̃н̃ад̇д̇аани ча сигкаабад̣̇аани, д̇аани табзд̇ваа сзсаани саб̣б̣асигкаабад̣̇аани ад̇хибаад̇имогкам̣ наама. аббамад̇д̇аго со аананд̣̇аад̇и аж̇жхааж̇ийвам̣ ад̇хибаад̇имогкан̃жа аараб̣бха уббаннавиваад̣̇о наама яасмаа барасса гат̇ааяаби ад̇д̇ано д̇хаммад̇ааяаби саллагкзд̇ваа суббаж̇ахо ход̇и, д̇асмаа ‘‘аббамад̇д̇аго’’д̇и вуд̇д̇о.
43.Abhiññā desitāti mahābodhimūle nisinnena paccakkhaṃ katvā paveditā. Patissayamānarūpā viharantīti upanissāya viharanti. Bhagavatoaccayenāti etarahi bhagavantaṃ jeṭṭhakaṃ katvā sagāravā viharanti, tumhākaṃ, bhante, uggatejatāya durāsadatāya vivādaṃ janetuṃ na sakkonti, bhagavato pana accayena vivādaṃ janeyyunti vadati. Yattha pana taṃ vivādaṃ janeyyuṃ, taṃ dassento ajjhājīve vā adhipātimokkhe vāti āha. Tattha ajjhājīveti ājīvahetu ājīvakāraṇā – ‘‘bhikkhu uttarimanussadhammaṃ ullapati āpatti pārājikassā’’tiādinā (pari. 287) nayena parivāre paññattāni cha sikkhāpadāni, tāni ṭhapetvā sesāni sabbasikkhāpadāni adhipātimokkhaṃ nāma. Appamattako so ānandāti ajjhājīvaṃ adhipātimokkhañca ārabbha uppannavivādo nāma yasmā parassa kathāyapi attano dhammatāyapi sallakkhetvā suppajaho hoti, tasmā ‘‘appamattako’’ti vutto.
д̇ад̇рааяам̣ наяо – ид̇хзгажжо ‘‘на саггаа уд̇д̇аримануссад̇хаммам̣ ануллабанд̇зна гин̃жи лад̣̇д̇ху’’нд̇иаад̣̇ийни жинд̇зд̇ваа ааж̇ийвахзд̇у уд̇д̇аримануссад̇хаммам̣ ваа уллабад̇и сан̃жарид̇д̇ам̣ ваа аабаж̇ж̇ад̇и, яо д̇з вихаарз васад̇и, со бхигку арахаад̇иаад̣̇инаа наязна сааманд̇аж̇аббанам̣ ваа гарод̇и, аг̇илаано ваа ад̇д̇ано ад̇т̇ааяа бан̣ийд̇абхож̇анаани вин̃н̃аабзд̇ваа бхун̃ж̇ад̇и, бхигкуний ваа бана д̇аани вин̃н̃аабзд̇ваа баадид̣̇зсанийяам̣ аабаж̇ж̇ад̇и, яо гожи д̣̇уггадавад̇т̇угам̣ яам̣гин̃жи суубод̣̇анавин̃н̃ад̇д̇имзва ваа гарод̇и, ан̃н̃ад̇арам̣ ваа бана бан̣н̣ад̇д̇ивийд̇иггамам̣ гаронд̇о вихарад̇и, д̇амзнам̣ саб̣рахмажаарий звам̣ сан̃ж̇аананд̇и – ‘‘гим̣ имасса иминаа лаабхзна лад̣̇д̇хзна, яо саасанз баб̣б̣аж̇ид̇ваа мижчааж̇ийвзна ж̇ийвигам̣ габбзд̇и, бан̣н̣ад̇д̇ивийд̇иггамам̣ гарод̇ий’’д̇и. ад̇д̇ано д̇хаммад̇ааяабисса звам̣ ход̇и – ‘‘гисса маяхам̣ иминаа лаабхзна, яваахам̣ звам̣ сваагкаад̇з д̇хаммавинаяз баб̣б̣аж̇ид̇ваа мижчааж̇ийвзна ж̇ийвигам̣ габбзми, бан̣н̣ад̇д̇ивийд̇иггамам̣ гаромий’’д̇и саллагкзд̇ваа д̇ад̇о орамад̇и. звам̣ барасса гат̇ааяаби ад̇д̇ано д̇хаммад̇ааяаби саллагкзд̇ваа суббаж̇ахо ход̇и. д̇зна бхаг̇аваа ‘‘аббамад̇д̇аго’’д̇и ааха.
Tatrāyaṃ nayo – idhekacco ‘‘na sakkā uttarimanussadhammaṃ anullapantena kiñci laddhu’’ntiādīni cintetvā ājīvahetu uttarimanussadhammaṃ vā ullapati sañcarittaṃ vā āpajjati, yo te vihāre vasati, so bhikkhu arahātiādinā nayena sāmantajappanaṃ vā karoti, agilāno vā attano atthāya paṇītabhojanāni viññāpetvā bhuñjati, bhikkhunī vā pana tāni viññāpetvā pāṭidesanīyaṃ āpajjati, yo koci dukkaṭavatthukaṃ yaṃkiñci sūpodanaviññattimeva vā karoti, aññataraṃ vā pana paṇṇattivītikkamaṃ karonto viharati, tamenaṃ sabrahmacārī evaṃ sañjānanti – ‘‘kiṃ imassa iminā lābhena laddhena, yo sāsane pabbajitvā micchājīvena jīvikaṃ kappeti, paṇṇattivītikkamaṃ karotī’’ti. Attano dhammatāyapissa evaṃ hoti – ‘‘kissa mayhaṃ iminā lābhena, yvāhaṃ evaṃ svākkhāte dhammavinaye pabbajitvā micchājīvena jīvikaṃ kappemi, paṇṇattivītikkamaṃ karomī’’ti sallakkhetvā tato oramati. Evaṃ parassa kathāyapi attano dhammatāyapi sallakkhetvā suppajaho hoti. Tena bhagavā ‘‘appamattako’’ti āha.
маг̇г̇з ваа хи, аананд̣̇а, бадибад̣̇ааяа ваад̇и логуд̇д̇арамаг̇г̇ам̣ бад̇ваа виваад̣̇о наама саб̣б̣асо вуубасаммад̇и, над̇т̇и ад̇хиг̇ад̇амаг̇г̇аанам̣ виваад̣̇о. буб̣б̣абхааг̇амаг̇г̇ам̣ бана буб̣б̣абхааг̇абадибад̣̇ан̃жа санд̇хааязд̇ам̣ вуд̇д̇ам̣.
Magge vā hi, ānanda, paṭipadāya vāti lokuttaramaggaṃ patvā vivādo nāma sabbaso vūpasammati, natthi adhigatamaggānaṃ vivādo. Pubbabhāgamaggaṃ pana pubbabhāgapaṭipadañca sandhāyetaṃ vuttaṃ.
д̇ад̇рааяам̣ наяо – звам̣ бхигкум̣ мануссаа логуд̇д̇арад̇хаммз самбхаавзнд̇и. со сад̣̇д̇хивихааригаад̣̇аяо ааг̇анд̇ваа ванд̣̇ид̇ваа тид̇з бужчад̇и ‘‘гим̣ ааг̇ад̇ад̇т̇аа’’д̇и. манасигаад̇аб̣б̣агаммадтаанам̣ бужчид̇ум̣, бханд̇зд̇и. нисийд̣̇ат̇а, кан̣знзва арахад̇д̇ам̣ баабзд̇ум̣ самад̇т̇агаммадтаанагат̇ам̣ аажигкиссаамийд̇и вад̇ваа вад̣̇ад̇и – ‘‘ид̇ха бхигку ад̇д̇ано васанадтаанам̣ бависид̇ваа нисинно муулагаммадтаанам̣ манаси гарод̇и, д̇асса д̇ам̣ манасигарод̇о обхаасо уббаж̇ж̇ад̇и. аяам̣ батамамаг̇г̇о наама. со д̣̇уд̇ияам̣ обхаасан̃аан̣ам̣ ниб̣б̣ад̇д̇зд̇и, д̣̇уд̇ияамаг̇г̇о ад̇хиг̇ад̇о ход̇и, звам̣ д̇ад̇ияан̃жа жад̇уд̇т̇ан̃жа. зд̇д̇аавад̇аа маг̇г̇аббад̇д̇о жзва палаббад̇д̇о жа ход̇ий’’д̇и. ат̇а д̇з бхигкуу ‘‘акийн̣аасаво наама звам̣ гаммадтаанам̣ гат̇зд̇ум̣ на саггод̇и, ад̣̇д̇хааяам̣ кийн̣аасаво’’д̇и нидтам̣ г̇ажчанд̇и.
Tatrāyaṃ nayo – evaṃ bhikkhuṃ manussā lokuttaradhamme sambhāventi. So saddhivihārikādayo āgantvā vanditvā ṭhite pucchati ‘‘kiṃ āgatatthā’’ti. Manasikātabbakammaṭṭhānaṃ pucchituṃ, bhanteti. Nisīdatha, khaṇeneva arahattaṃ pāpetuṃ samatthakammaṭṭhānakathaṃ ācikkhissāmīti vatvā vadati – ‘‘idha bhikkhu attano vasanaṭṭhānaṃ pavisitvā nisinno mūlakammaṭṭhānaṃ manasi karoti, tassa taṃ manasikaroto obhāso uppajjati. Ayaṃ paṭhamamaggo nāma. So dutiyaṃ obhāsañāṇaṃ nibbatteti, dutiyamaggo adhigato hoti, evaṃ tatiyañca catutthañca. Ettāvatā maggappatto ceva phalappatto ca hotī’’ti. Atha te bhikkhū ‘‘akhīṇāsavo nāma evaṃ kammaṭṭhānaṃ kathetuṃ na sakkoti, addhāyaṃ khīṇāsavo’’ti niṭṭhaṃ gacchanti.
со абарзна самаязна гаалам̣ гарод̇и. саманд̇аа бхигкаажаараг̇аамзхи мануссаа ааг̇анд̇ваа бужчанд̇и ‘‘гзнажи, бханд̇з, т̇зро бан̃хам̣ бужчид̇о’’д̇и. убаасагаа буб̣б̣зва т̇зрзна бан̃хо гат̇ид̇о амхааганд̇и. д̇з бубпаман̣д̣абам̣ бубпагуудааг̇аарам̣ саж̇ж̇зд̇ваа суван̣н̣зна агкибид̇хаанамукабид̇хаанаад̣̇им̣ гарид̇ваа г̇анд̇хамаалаад̣̇ийхи бууж̇зд̇ваа сад̇д̇аахам̣ саад̇хугийл̣игам̣ гийл̣зд̇ваа жхаабзд̇ваа адтийни аад̣̇ааяа жзд̇ияам̣ гаронд̇и. ан̃н̃з ааг̇анд̇угаа вихаарам̣ ааг̇анд̇ваа баад̣̇з д̇ховид̇ваа ‘‘махаат̇зрам̣ бассиссаама, гахам̣, аавусо, махаат̇зро’’д̇и бужчанд̇и. бариниб̣б̣уд̇о, бханд̇зд̇и. д̣̇уггарам̣, аавусо, т̇зрзна гад̇ам̣ маг̇г̇апалаани ниб̣б̣ад̇д̇знд̇зна, бан̃хам̣ бужчид̇т̇а, аавусод̇и. бхигкуунам̣ гаммадтаанам̣ гат̇знд̇о иминаа нияаамзна гат̇зси, бханд̇зд̇и. на зсо, аавусо, маг̇г̇о, вибассанубаггилзсо наамзса, на д̇умхз ж̇аанид̇т̇а, бут̇уж̇ж̇ано, аавусо, т̇зрод̇и. д̇з галахам̣ гаронд̇аа удтахид̇ваа ‘‘сагалавихаарз бхигкуу жа бхигкаажаараг̇аамзсу мануссаа жа на ж̇аананд̇и, д̇умхзязва ж̇аанаат̇а. гад̇арамаг̇г̇зна д̇умхз ааг̇ад̇аа, гим̣ во вихаарад̣̇ваарз жзд̇ияам̣ на д̣̇идта’’нд̇и. звам̣ваад̣̇ийнам̣ бана бхигкуунам̣ сад̇ам̣ ваа, ход̇у сахассам̣ ваа, яаава д̇ам̣ лад̣̇д̇хим̣ наббаж̇аханд̇и, саг̇г̇оби маг̇г̇оби ваарид̇оязва.
So aparena samayena kālaṃ karoti. Samantā bhikkhācāragāmehi manussā āgantvā pucchanti ‘‘kenaci, bhante, thero pañhaṃ pucchito’’ti. Upāsakā pubbeva therena pañho kathito amhākanti. Te pupphamaṇḍapaṃ pupphakūṭāgāraṃ sajjetvā suvaṇṇena akkhipidhānamukhapidhānādiṃ karitvā gandhamālādīhi pūjetvā sattāhaṃ sādhukīḷikaṃ kīḷetvā jhāpetvā aṭṭhīni ādāya cetiyaṃ karonti. Aññe āgantukā vihāraṃ āgantvā pāde dhovitvā ‘‘mahātheraṃ passissāma, kahaṃ, āvuso, mahāthero’’ti pucchanti. Parinibbuto, bhanteti. Dukkaraṃ, āvuso, therena kataṃ maggaphalāni nibbattentena, pañhaṃ pucchittha, āvusoti. Bhikkhūnaṃ kammaṭṭhānaṃ kathento iminā niyāmena kathesi, bhanteti. Na eso, āvuso, maggo, vipassanupakkileso nāmesa, na tumhe jānittha, puthujjano, āvuso, theroti. Te kalahaṃ karontā uṭṭhahitvā ‘‘sakalavihāre bhikkhū ca bhikkhācāragāmesu manussā ca na jānanti, tumheyeva jānātha. Kataramaggena tumhe āgatā, kiṃ vo vihāradvāre cetiyaṃ na diṭṭha’’nti. Evaṃvādīnaṃ pana bhikkhūnaṃ sataṃ vā, hotu sahassaṃ vā, yāva taṃ laddhiṃ nappajahanti, saggopi maggopi vāritoyeva.
абароби д̇аад̣̇исова гаммадтаанам̣ гат̇знд̇о звам̣ гат̇зд̇и – жид̇д̇знзва д̇ийсу уд̣̇д̇ханзсу д̇ийн̣и габаллаани ааробзд̇ваа хздтаа аг̇г̇им̣ гад̇ваа жид̇д̇знзва ад̇д̇ано д̣̇вад̇д̇им̣саагаарам̣ уббаадзд̇ваа габаллзсу багкибид̇ваа жид̇д̇знзва д̣̇ан̣д̣агзна баривад̇д̇зд̇ваа баривад̇д̇зд̇ваа бхаж̇ж̇ид̇аб̣б̣ам̣, яаа жхааяамаанз чааригаа ход̇и, саа мукаваад̇зна балаасзд̇аб̣б̣аа. зд̇д̇агзна д̇хууд̇абаабо наамзса саман̣о ход̇и. сзсам̣ буриманаязнзва вид̇т̇аарзд̇аб̣б̣ам̣.
Aparopi tādisova kammaṭṭhānaṃ kathento evaṃ katheti – citteneva tīsu uddhanesu tīṇi kapallāni āropetvā heṭṭhā aggiṃ katvā citteneva attano dvattiṃsākāraṃ uppāṭetvā kapallesu pakkhipitvā citteneva daṇḍakena parivattetvā parivattetvā bhajjitabbaṃ, yā jhāyamāne chārikā hoti, sā mukhavātena palāsetabbā. Ettakena dhūtapāpo nāmesa samaṇo hoti. Sesaṃ purimanayeneva vitthāretabbaṃ.
абаро звам̣ гат̇зд̇и – жид̇д̇знзва махаажаадим̣ табзд̇ваа мад̇т̇ум̣ яож̇зд̇ваа жид̇д̇знзва ад̇д̇ано д̣̇вад̇д̇им̣саагаарам̣ уббаадзд̇ваа д̇ад̇т̇а багкибид̇ваа мад̇т̇ум̣ од̇аарзд̇ваа мант̇ид̇аб̣б̣ам̣. мат̇ияамаанам̣ вилийяад̇и, вилийнз убари пзн̣о уг̇г̇ажчад̇и. со пзн̣о барибхун̃ж̇ид̇аб̣б̣о. зд̇д̇аавад̇аа во амад̇ам̣ барибхуд̇д̇ам̣ наама бхависсад̇и . ид̇о барам̣ ‘‘ат̇а д̇з бхигкуу’’д̇иаад̣̇и саб̣б̣ам̣ буриманаязнзва вид̇т̇аарзд̇аб̣б̣ам̣.
Aparo evaṃ katheti – citteneva mahācāṭiṃ ṭhapetvā matthuṃ yojetvā citteneva attano dvattiṃsākāraṃ uppāṭetvā tattha pakkhipitvā matthuṃ otāretvā manthitabbaṃ. Mathiyamānaṃ vilīyati, vilīne upari pheṇo uggacchati. So pheṇo paribhuñjitabbo. Ettāvatā vo amataṃ paribhuttaṃ nāma bhavissati . Ito paraṃ ‘‘atha te bhikkhū’’tiādi sabbaṃ purimanayeneva vitthāretabbaṃ.
44. ид̣̇аани яо звам̣ виваад̣̇о уббаж̇ж̇зяяа, д̇асса муулам̣ д̣̇ассзнд̇о чаяимаанийд̇иаад̣̇имааха. д̇ад̇т̇а аг̇ааравод̇и г̇аарававирахид̇о. аббад̇иссод̇и аббад̇иссаяо анийжавуд̇д̇и. зд̇т̇а бана яо бхигку сад̇т̇ари д̇харамаанз д̇ийсу гаалзсу убадтаанам̣ на яаад̇и, сад̇т̇ари анубааханз жан̇гаманд̇з саубаахано жан̇гамад̇и, нийжз жан̇гамз жан̇гаманд̇з ужжз жан̇гамз жан̇гамад̇и, хздтаа васанд̇з убари васад̇и, сад̇т̇у д̣̇ассанадтаанз убхо ам̣сз баарубад̇и, чад̇д̇ам̣ д̇хаарзд̇и, убааханам̣ д̇хаарзд̇и, нхаанад̇ид̇т̇з ужжаарам̣ ваа бассаавам̣ ваа гарод̇и, бариниб̣б̣уд̇з ваа бана жзд̇ияам̣ ванд̣̇ид̇ум̣ на г̇ажчад̇и, жзд̇ияасса бан̃н̃ааяанадтаанз сад̇т̇уд̣̇ассанадтаанз вуд̇д̇ам̣ саб̣б̣ам̣ гарод̇и, ан̃н̃зхи жа бхигкуухи ‘‘гасмаа звам̣ гароси, на ид̣̇ам̣ ваддад̇и, саммаасаб̣уд̣̇д̇хасса наама лаж̇ж̇ид̇ум̣ ваддад̇ий’’д̇и вуд̇д̇з ‘‘д̇уун̣хий ход̇и, гим̣ б̣уд̣̇д̇хо б̣уд̣̇д̇ход̇и вад̣̇асий’’д̇и бхан̣ад̇и, аяам̣ сад̇т̇ари аг̇аараво наама.
44. Idāni yo evaṃ vivādo uppajjeyya, tassa mūlaṃ dassento chayimānītiādimāha. Tattha agāravoti gāravavirahito. Appatissoti appatissayo anīcavutti. Ettha pana yo bhikkhu satthari dharamāne tīsu kālesu upaṭṭhānaṃ na yāti, satthari anupāhane caṅkamante saupāhano caṅkamati, nīce caṅkame caṅkamante ucce caṅkame caṅkamati, heṭṭhā vasante upari vasati, satthu dassanaṭṭhāne ubho aṃse pārupati, chattaṃ dhāreti, upāhanaṃ dhāreti, nhānatitthe uccāraṃ vā passāvaṃ vā karoti, parinibbute vā pana cetiyaṃ vandituṃ na gacchati, cetiyassa paññāyanaṭṭhāne satthudassanaṭṭhāne vuttaṃ sabbaṃ karoti, aññehi ca bhikkhūhi ‘‘kasmā evaṃ karosi, na idaṃ vaṭṭati, sammāsabuddhassa nāma lajjituṃ vaṭṭatī’’ti vutte ‘‘tūṇhī hoti, kiṃ buddho buddhoti vadasī’’ti bhaṇati, ayaṃ satthari agāravo nāma.
яо бана д̇хаммассаванз сан̇гхудтз саггажжам̣ на г̇ажчад̇и, саггажжам̣ д̇хаммам̣ на сун̣аад̇и, нид̣̇д̣̇ааяад̇и ваа саллабзнд̇о ваа нисийд̣̇ад̇и, саггажжам̣ на г̇ан̣хаад̇и на д̇хаарзд̇и, ‘‘гим̣ д̇хаммз аг̇ааравам̣ гаросий’’д̇и вуд̇д̇з ‘‘д̇ун̣хий ход̇и, д̇хаммо д̇хаммод̇и вад̣̇аси, гим̣ д̇хаммо наамаа’’д̇и вад̣̇ад̇и, аяам̣ д̇хаммз аг̇аараво наама.
Yo pana dhammassavane saṅghuṭṭhe sakkaccaṃ na gacchati, sakkaccaṃ dhammaṃ na suṇāti, niddāyati vā sallapento vā nisīdati, sakkaccaṃ na gaṇhāti na dhāreti, ‘‘kiṃ dhamme agāravaṃ karosī’’ti vutte ‘‘tuṇhī hoti, dhammo dhammoti vadasi, kiṃ dhammo nāmā’’ti vadati, ayaṃ dhamme agāravo nāma.
яо бана т̇зрзна бхигкунаа анаж̇жхидто д̇хаммам̣ д̣̇зсзд̇и, нисийд̣̇ад̇и бан̃хам̣ гат̇зд̇и, вуд̣дхз бхигкуу гхаддзнд̇о г̇ажчад̇и, д̇идтад̇и нисийд̣̇ад̇и, д̣̇уссабаллад̇т̇игам̣ ваа хад̇т̇абаллад̇т̇игам̣ ваа гарод̇и, сан̇гхамаж̇жхз убхо ам̣сз баарубад̇и, чад̇д̇убааханам̣ д̇хаарзд̇и, ‘‘бхигкусан̇гхасса лаж̇ж̇ид̇ум̣ ваддад̇ий’’д̇и вуд̇д̇зби ‘‘д̇ун̣хий ход̇и, сан̇гхо сан̇гход̇и вад̣̇аси, гим̣ сан̇гхо, миг̇асан̇гхо аж̇асан̇гхо’’д̇иаад̣̇ийни вад̣̇ад̇и, аяам̣ сан̇гхз аг̇аараво наама. згабхигкусмимби хи аг̇ааравз гад̇з сан̇гхз гад̇оязва ход̇и. д̇иссо сигкаа бана абарибуураяамаанова сигкааяа на барибуурагаарий наама.
Yo pana therena bhikkhunā anajjhiṭṭho dhammaṃ deseti, nisīdati pañhaṃ katheti, vuḍḍhe bhikkhū ghaṭṭento gacchati, tiṭṭhati nisīdati, dussapallatthikaṃ vā hatthapallatthikaṃ vā karoti, saṅghamajjhe ubho aṃse pārupati, chattupāhanaṃ dhāreti, ‘‘bhikkhusaṅghassa lajjituṃ vaṭṭatī’’ti vuttepi ‘‘tuṇhī hoti, saṅgho saṅghoti vadasi, kiṃ saṅgho, migasaṅgho ajasaṅgho’’tiādīni vadati, ayaṃ saṅghe agāravo nāma. Ekabhikkhusmimpi hi agārave kate saṅghe katoyeva hoti. Tisso sikkhā pana aparipūrayamānova sikkhāya na paripūrakārī nāma.
аж̇жхад̇д̇ам̣ ваад̇и ад̇д̇ани ваа ад̇д̇ано барисааяа ваа. б̣аахид̣̇д̇хаад̇и барасмим̣ ваа барасса барисааяа ваа.
Ajjhattaṃ vāti attani vā attano parisāya vā. Bāhiddhāti parasmiṃ vā parassa parisāya vā.
46. ид̣̇аани аяам̣ ча таанаани ниссааяа уббаннавиваад̣̇о вад̣дханд̇о яаани ад̇хигаран̣аани баабун̣аад̇и, д̇аани д̣̇ассзд̇ум̣ жад̇д̇ааримаанийд̇иаад̣̇имааха. д̇ад̇т̇а вуубасаманад̇т̇ааяа бавад̇д̇амаанзхи самат̇зхи ад̇хигаад̇аб̣б̣аанийд̇и ад̇хигаран̣аани. виваад̣̇ова ад̇хигаран̣ам̣ виваад̣̇аад̇хигаран̣ам̣. ид̇арзсуби зсзва наяо.
46. Idāni ayaṃ cha ṭhānāni nissāya uppannavivādo vaḍḍhanto yāni adhikaraṇāni pāpuṇāti, tāni dassetuṃ cattārimānītiādimāha. Tattha vūpasamanatthāya pavattamānehi samathehi adhikātabbānīti adhikaraṇāni. Vivādova adhikaraṇaṃ vivādādhikaraṇaṃ. Itaresupi eseva nayo.
ид̣̇аани имааниби жад̇д̇аари ад̇хигаран̣аани бад̇ваа убари вад̣дхзнд̇о со виваад̣̇о язхи самат̇зхи вуубасаммад̇и, д̇зсам̣ д̣̇ассанад̇т̇ам̣ сад̇д̇а ко банимзд̇иаад̣̇имааха. д̇ад̇т̇а ад̇хигаран̣аани самзнд̇и вуубасамзнд̇ийд̇и ад̇хигаран̣асамат̇аа. уббаннуббаннаананд̇и уббаннаанам̣ уббаннаанам̣. ад̇хигаран̣аананд̇и зд̇зсам̣ виваад̣̇аад̇хигаран̣аад̣̇ийнам̣ жад̇уннам̣. самат̇ааяа вуубасамааяаад̇и саманад̇т̇ан̃жзва вуубасаманад̇т̇ан̃жа. саммукаавинаяо д̣̇аад̇аб̣б̣о…бз… д̇ин̣авад̇т̇аарагод̇и имз сад̇д̇а самат̇аа д̣̇аад̇аб̣б̣аа.
Idāni imānipi cattāri adhikaraṇāni patvā upari vaḍḍhento so vivādo yehi samathehi vūpasammati, tesaṃ dassanatthaṃ satta kho panimetiādimāha. Tattha adhikaraṇāni samenti vūpasamentīti adhikaraṇasamathā. Uppannuppannānanti uppannānaṃ uppannānaṃ. Adhikaraṇānanti etesaṃ vivādādhikaraṇādīnaṃ catunnaṃ. Samathāya vūpasamāyāti samanatthañceva vūpasamanatthañca. Sammukhāvinayo dātabbo…pe… tiṇavatthārakoti ime satta samathā dātabbā.
д̇ад̇рааяам̣ винижчаяагат̇аа – ад̇хигаран̣зсу д̇аава д̇хаммод̇и ваа ад̇хаммод̇и ваад̇и адтаарасахи вад̇т̇уухи вивад̣̇анд̇аанам̣ бхигкуунам̣ яо виваад̣̇о, ид̣̇ам̣ виваад̣̇аад̇хигаран̣ам̣ наама. сийлавибад̇д̇ияаа ваа аажаарад̣̇идтиааж̇ийвавибад̇д̇ияаа ваа анувад̣̇анд̇аанам̣ яо ануваад̣̇о убавад̣̇анаа жзва жод̣̇анаа жа, ид̣̇ам̣ ануваад̣̇аад̇хигаран̣ам̣ наама. маад̇игааяам̣ ааг̇ад̇аа бан̃жа вибхан̇г̇з д̣̇взд̇и сад̇д̇а аабад̇д̇игканд̇хаа аабад̇д̇аад̇хигаран̣ам̣ наама. яам̣ сан̇гхасса абалоганаад̣̇ийнам̣ жад̇уннам̣ гаммаанам̣ гаран̣ам̣, ид̣̇ам̣ гижжаад̇хигаран̣ам̣ наама.
Tatrāyaṃ vinicchayakathā – adhikaraṇesu tāva dhammoti vā adhammoti vāti aṭṭhārasahi vatthūhi vivadantānaṃ bhikkhūnaṃ yo vivādo, idaṃ vivādādhikaraṇaṃ nāma. Sīlavipattiyā vā ācāradiṭṭhiājīvavipattiyā vā anuvadantānaṃ yo anuvādo upavadanā ceva codanā ca, idaṃ anuvādādhikaraṇaṃ nāma. Mātikāyaṃ āgatā pañca vibhaṅge dveti satta āpattikkhandhā āpattādhikaraṇaṃ nāma. Yaṃ saṅghassa apalokanādīnaṃ catunnaṃ kammānaṃ karaṇaṃ, idaṃ kiccādhikaraṇaṃ nāma.
д̇ад̇т̇а виваад̣̇аад̇хигаран̣ам̣ д̣̇вийхи самат̇зхи саммад̇и саммукаавинаязна жа язбхуяяасигааяа жа. саммукаавинаязнзва саммамаанам̣ яасмим̣ вихаарз уббаннам̣, д̇асмим̣язва ваа, ан̃н̃ад̇т̇а вуубасамзд̇ум̣ г̇ажчанд̇аанам̣ анд̇араамаг̇г̇з ваа, яад̇т̇а г̇анд̇ваа сан̇гхасса нияяаад̇ид̇ам̣, д̇ад̇т̇а сан̇гхзна ваа г̇ан̣зна ваа вуубасамзд̇ум̣ асаггонд̇з д̇ад̇т̇зва уб̣б̣аахигааяа саммад̇абуг̇г̇алзхи ваа винижчид̇ам̣ саммад̇и. звам̣ саммамаанз бана д̇асмим̣ яаа сан̇гхасаммукад̇аа д̇хаммасаммукад̇аа, винаяасаммукад̇аа, буг̇г̇аласаммукад̇аа, аяам̣ саммукаавинаяо наама.
Tattha vivādādhikaraṇaṃ dvīhi samathehi sammati sammukhāvinayena ca yebhuyyasikāya ca. Sammukhāvinayeneva sammamānaṃ yasmiṃ vihāre uppannaṃ, tasmiṃyeva vā, aññattha vūpasametuṃ gacchantānaṃ antarāmagge vā, yattha gantvā saṅghassa niyyātitaṃ, tattha saṅghena vā gaṇena vā vūpasametuṃ asakkonte tattheva ubbāhikāya sammatapuggalehi vā vinicchitaṃ sammati. Evaṃ sammamāne pana tasmiṃ yā saṅghasammukhatā dhammasammukhatā, vinayasammukhatā, puggalasammukhatā, ayaṃ sammukhāvinayo nāma.
д̇ад̇т̇а жа гаарагасан̇гхасса саамаг̇г̇ивасзна саммукийбхааво сан̇гхасаммукад̇аа. самзд̇аб̣б̣асса вад̇т̇уно бхууд̇ад̇аа д̇хаммасаммукад̇аа. яат̇аа д̇ам̣ самзд̇аб̣б̣ам̣, д̇ат̇зва саманам̣ винаяасаммукад̇аа. яо жа вивад̣̇ад̇и, язна жа вивад̣̇ад̇и, д̇зсам̣ убхиннам̣ ад̇д̇абажжад̇т̇игаанам̣ саммукийбхааво буг̇г̇аласаммукад̇аа. уб̣б̣аахигааяа вуубасамз банзд̇т̇а сан̇гхасаммукад̇аа барихааяад̇и. звам̣ д̇аава саммукаавинаязнзва саммад̇и.
Tattha ca kārakasaṅghassa sāmaggivasena sammukhībhāvo saṅghasammukhatā. Sametabbassa vatthuno bhūtatā dhammasammukhatā. Yathā taṃ sametabbaṃ, tatheva samanaṃ vinayasammukhatā. Yo ca vivadati, yena ca vivadati, tesaṃ ubhinnaṃ attapaccatthikānaṃ sammukhībhāvo puggalasammukhatā. Ubbāhikāya vūpasame panettha saṅghasammukhatā parihāyati. Evaṃ tāva sammukhāvinayeneva sammati.
сажз банзвамби на саммад̇и, ат̇а нам̣ уб̣б̣аахигааяа саммад̇аа бхигкуу ‘‘на маяам̣ саггома вуубасамзд̇у’’нд̇и сан̇гхассзва нияяаад̇знд̇и. д̇ад̇о сан̇гхо бан̃жан̇г̇асаманнааг̇ад̇ам̣ бхигкум̣ салаагаг̇г̇аахагам̣ самманнид̇ваа д̇зна г̇ул̣хагавивадагасаган̣н̣аж̇аббагзсу д̇ийсу салаагаг̇г̇аахзсу ан̃н̃ад̇аравасзна салаагам̣ г̇аахзд̇ваа саннибад̇ид̇абарисааяа д̇хаммаваад̣̇ийнам̣ язбхуяяад̇ааяа яат̇аа д̇з д̇хаммаваад̣̇ино вад̣̇анд̇и, звам̣ вуубасанд̇ам̣ ад̇хигаран̣ам̣ саммукаавинаязна жа язбхуяяасигааяа жа вуубасанд̇ам̣ ход̇и. д̇ад̇т̇а саммукаавинаяо вуд̇д̇анаяо зва. яам̣ бана язбхуяяасигааяа гаммасса гаран̣ам̣, аяам̣ язбхуяяасигаа наама. звам̣ виваад̣̇аад̇хигаран̣ам̣ д̣̇вийхи самат̇зхи саммад̇и.
Sace panevampi na sammati, atha naṃ ubbāhikāya sammatā bhikkhū ‘‘na mayaṃ sakkoma vūpasametu’’nti saṅghasseva niyyātenti. Tato saṅgho pañcaṅgasamannāgataṃ bhikkhuṃ salākaggāhakaṃ sammannitvā tena guḷhakavivaṭakasakaṇṇajappakesu tīsu salākaggāhesu aññataravasena salākaṃ gāhetvā sannipatitaparisāya dhammavādīnaṃ yebhuyyatāya yathā te dhammavādino vadanti, evaṃ vūpasantaṃ adhikaraṇaṃ sammukhāvinayena ca yebhuyyasikāya ca vūpasantaṃ hoti. Tattha sammukhāvinayo vuttanayo eva. Yaṃ pana yebhuyyasikāya kammassa karaṇaṃ, ayaṃ yebhuyyasikā nāma. Evaṃ vivādādhikaraṇaṃ dvīhi samathehi sammati.
ануваад̣̇аад̇хигаран̣ам̣ жад̇уухи самат̇зхи саммад̇и саммукаавинаязна жа сад̇ивинаязна жа амуул̣хавинаязна жа д̇ассабаабияасигааяа жа. саммукаавинаязнзва саммамаанам̣ яо жа анувад̣̇ад̇и, яан̃жа анувад̣̇ад̇и, д̇зсам̣ важанам̣ суд̇ваа, сажз гаажи аабад̇д̇и над̇т̇и, убхо камаабзд̇ваа, сажз ад̇т̇и, аяам̣ наамзд̇т̇а аабад̇д̇ийд̇и звам̣ винижчид̇ам̣ вуубасаммад̇и. д̇ад̇т̇а саммукаавинаяалагкан̣ам̣ вуд̇д̇анаяамзва.
Anuvādādhikaraṇaṃ catūhi samathehi sammati sammukhāvinayena ca sativinayena ca amūḷhavinayena ca tassapāpiyasikāya ca. Sammukhāvinayeneva sammamānaṃ yo ca anuvadati, yañca anuvadati, tesaṃ vacanaṃ sutvā, sace kāci āpatti natthi, ubho khamāpetvā, sace atthi, ayaṃ nāmettha āpattīti evaṃ vinicchitaṃ vūpasammati. Tattha sammukhāvinayalakkhaṇaṃ vuttanayameva.
яад̣̇аа бана кийн̣аасавасса бхигкуно амуулигааяа сийлавибад̇д̇ияаа ануд̣̇д̇хам̣сид̇асса сад̇ивинаяам̣ яаажамаанасса сан̇гхо н̃ад̇д̇ижад̇уд̇т̇зна гаммзна сад̇ивинаяам̣ д̣̇зд̇и, д̇ад̣̇аа саммукаавинаязна жа сад̇ивинаязна жа вуубасанд̇ам̣ ход̇и. д̣̇иннз бана сад̇ивинаяз буна д̇асмим̣ буг̇г̇алз гассажи ануваад̣̇о на рухад̇и.
Yadā pana khīṇāsavassa bhikkhuno amūlikāya sīlavipattiyā anuddhaṃsitassa sativinayaṃ yācamānassa saṅgho ñatticatutthena kammena sativinayaṃ deti, tadā sammukhāvinayena ca sativinayena ca vūpasantaṃ hoti. Dinne pana sativinaye puna tasmiṃ puggale kassaci anuvādo na ruhati.
яад̣̇аа уммад̇д̇аго бхигку уммаад̣̇авасзна гад̇з ассааман̣агз аж̇жхаажаарз ‘‘сарад̇ааяасмаа зваруубим̣ аабад̇д̇и’’нд̇и бхигкуухи вужжамаано – ‘‘уммад̇д̇агзна мз, аавусо, зд̇ам̣ гад̇ам̣, наахам̣ д̇ам̣ сараамий’’д̇и бхан̣анд̇оби бхигкуухи жод̣̇ияамаанова буна ажод̣̇анад̇т̇ааяа амуул̣хавинаяам̣ яаажад̇и, сан̇гхо жасса н̃ад̇д̇ижад̇уд̇т̇зна гаммзна амуул̣хавинаяам̣ д̣̇зд̇и, д̇ад̣̇аа саммукаавинаязна жа амуул̣хавинаязна жа вуубасанд̇ам̣ ход̇и. д̣̇иннз бана амуул̣хавинаяз буна д̇асмим̣ буг̇г̇алз гассажи д̇аббажжаяаа ануваад̣̇о на рухад̇и.
Yadā ummattako bhikkhu ummādavasena kate assāmaṇake ajjhācāre ‘‘saratāyasmā evarūpiṃ āpatti’’nti bhikkhūhi vuccamāno – ‘‘ummattakena me, āvuso, etaṃ kataṃ, nāhaṃ taṃ sarāmī’’ti bhaṇantopi bhikkhūhi codiyamānova puna acodanatthāya amūḷhavinayaṃ yācati, saṅgho cassa ñatticatutthena kammena amūḷhavinayaṃ deti, tadā sammukhāvinayena ca amūḷhavinayena ca vūpasantaṃ hoti. Dinne pana amūḷhavinaye puna tasmiṃ puggale kassaci tappaccayā anuvādo na ruhati.
яад̣̇аа бана баарааж̇игзна ваа баарааж̇игасааманд̇зна ваа жод̣̇ияамаанасса ан̃н̃знаан̃н̃ам̣ бадижарад̇о баабуссаннад̇ааяа баабияасса буг̇г̇аласса – ‘‘сажааяам̣ ажчиннамууло бхависсад̇и, саммаа вад̇д̇ид̇ваа осааран̣ам̣ лабхиссад̇и, сажз чиннамууло, аяамзвасса наасанаа бхависсад̇ий’’д̇и ман̃н̃амаано сан̇гхо н̃ад̇д̇ижад̇уд̇т̇зна гаммзна д̇ассабаабияасигам̣ гарод̇и, д̇ад̣̇аа саммукаавинаязна жа д̇асса баабияасигааяа жа вуубасанд̇ам̣ ход̇и. звам̣ ануваад̣̇аад̇хигаран̣ам̣ жад̇уухи самат̇зхи саммад̇и.
Yadā pana pārājikena vā pārājikasāmantena vā codiyamānassa aññenāññaṃ paṭicarato pāpussannatāya pāpiyassa puggalassa – ‘‘sacāyaṃ acchinnamūlo bhavissati, sammā vattitvā osāraṇaṃ labhissati, sace chinnamūlo, ayamevassa nāsanā bhavissatī’’ti maññamāno saṅgho ñatticatutthena kammena tassapāpiyasikaṃ karoti, tadā sammukhāvinayena ca tassa pāpiyasikāya ca vūpasantaṃ hoti. Evaṃ anuvādādhikaraṇaṃ catūhi samathehi sammati.
аабад̇д̇аад̇хигаран̣ам̣ д̇ийхи самат̇зхи саммад̇и саммукаавинаязна жа бадин̃н̃аад̇агаран̣зна жа д̇ин̣авад̇т̇аарагзна жа. д̇асса саммукаавинаязнзва вуубасамо над̇т̇и. яад̣̇аа бана згасса ваа бхигкуно санд̇игз сан̇гхаг̇ан̣амаж̇жхзсу ваа бхигку лахугам̣ аабад̇д̇им̣ д̣̇зсзд̇и, д̇ад̣̇аа аабад̇д̇аад̇хигаран̣ам̣ саммукаавинаязна жа бадин̃н̃аад̇агаран̣зна жа вуубасаммад̇и. д̇ад̇т̇а саммукаавинаяо д̇аава яо жа д̣̇зсзд̇и, яасса жа д̣̇зсзд̇и, д̇зсам̣ саммукад̇аа. сзсам̣ вуд̇д̇анаяамзва. буг̇г̇аласса жа г̇ан̣асса жа д̣̇зсанаагаалз сан̇гхасаммукад̇аа барихааяад̇и. яам̣ банзд̇т̇а ‘‘ахам̣, бханд̇з, ид̇т̇аннаамам̣ аабад̇д̇им̣ абанно’’д̇и жа, аама ‘‘бассаамий’’д̇и жа бадин̃н̃аад̇ааяа ‘‘ааяад̇им̣ сам̣варзяяаасий’’д̇и гаран̣ам̣, д̇ам̣ бадин̃н̃аад̇агаран̣ам̣ наама. сан̇гхаад̣̇исзсз бариваасаад̣̇ияаажанаа бадин̃н̃аа, бариваасаад̣̇ийнам̣ д̣̇аанам̣ бадин̃н̃аад̇агаран̣ам̣ наама.
Āpattādhikaraṇaṃ tīhi samathehi sammati sammukhāvinayena ca paṭiññātakaraṇena ca tiṇavatthārakena ca. Tassa sammukhāvinayeneva vūpasamo natthi. Yadā pana ekassa vā bhikkhuno santike saṅghagaṇamajjhesu vā bhikkhu lahukaṃ āpattiṃ deseti, tadā āpattādhikaraṇaṃ sammukhāvinayena ca paṭiññātakaraṇena ca vūpasammati. Tattha sammukhāvinayo tāva yo ca deseti, yassa ca deseti, tesaṃ sammukhatā. Sesaṃ vuttanayameva. Puggalassa ca gaṇassa ca desanākāle saṅghasammukhatā parihāyati. Yaṃ panettha ‘‘ahaṃ, bhante, itthannāmaṃ āpattiṃ apanno’’ti ca, āma ‘‘passāmī’’ti ca paṭiññātāya ‘‘āyatiṃ saṃvareyyāsī’’ti karaṇaṃ, taṃ paṭiññātakaraṇaṃ nāma. Saṅghādisese parivāsādiyācanā paṭiññā, parivāsādīnaṃ dānaṃ paṭiññātakaraṇaṃ nāma.
д̣̇взбагкаж̇аад̇аа бана бхан̣д̣анагаарагаа бхигкуу б̣ахум̣ ассааман̣агам̣ аж̇жхаажаарам̣ жарид̇ваа буна лаж̇ж̇ид̇хаммз уббаннз ‘‘сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа сам̣вад̇д̇зяяаа’’д̇и ан̃н̃аман̃н̃ам̣ аабад̇д̇ияаа гаараабанз д̣̇осам̣ д̣̇исваа яад̣̇аа д̇ин̣авад̇т̇аарагагаммам̣ гаронд̇и, д̇ад̣̇аа аабад̇д̇аад̇хигаран̣ам̣ саммукаавинаязна жа д̇ин̣авад̇т̇аарагзна жа саммад̇и. д̇ад̇ра хи яад̇д̇агаа хад̇т̇абаасубаг̇ад̇аа ‘‘на мз д̇ам̣ камад̇ий’’д̇и звам̣ д̣̇идтаавигаммам̣ агад̇ваа ‘‘д̣̇уггадам̣ гаммам̣ буна гаад̇аб̣б̣ам̣ гамма’’нд̇и на уггодзнд̇и, нид̣̇д̣̇амби огганд̇аа хонд̇и, саб̣б̣зсамби табзд̇ваа т̇уллаваж̇ж̇ан̃жа г̇ихибадисам̣яуд̇д̇ан̃жа саб̣б̣аабад̇д̇ияо вудтаханд̇и. звам̣ аабад̇д̇аад̇хигаран̣ам̣ д̇ийхи самат̇зхи саммад̇и. гижжаад̇хигаран̣ам̣ згзна самат̇зна саммад̇и саммукаавинаязнзва.
Dvepakkhajātā pana bhaṇḍanakārakā bhikkhū bahuṃ assāmaṇakaṃ ajjhācāraṃ caritvā puna lajjidhamme uppanne ‘‘sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya saṃvatteyyā’’ti aññamaññaṃ āpattiyā kārāpane dosaṃ disvā yadā tiṇavatthārakakammaṃ karonti, tadā āpattādhikaraṇaṃ sammukhāvinayena ca tiṇavatthārakena ca sammati. Tatra hi yattakā hatthapāsupagatā ‘‘na me taṃ khamatī’’ti evaṃ diṭṭhāvikammaṃ akatvā ‘‘dukkaṭaṃ kammaṃ puna kātabbaṃ kamma’’nti na ukkoṭenti, niddampi okkantā honti, sabbesampi ṭhapetvā thullavajjañca gihipaṭisaṃyuttañca sabbāpattiyo vuṭṭhahanti. Evaṃ āpattādhikaraṇaṃ tīhi samathehi sammati. Kiccādhikaraṇaṃ ekena samathena sammati sammukhāvinayeneva.
имаани жад̇д̇аари ад̇хигаран̣аани яат̇аануруубам̣ имзхи сад̇д̇ахи самат̇зхи самманд̇и. д̇зна вуд̇д̇ам̣ ‘‘уббаннуббаннаанам̣ ад̇хигаран̣аанам̣ самат̇ааяа вуубасамааяа саммукаавинаяо д̣̇аад̇аб̣б̣о…бз… д̇ин̣авад̇т̇аараго’’д̇и. аяамзд̇т̇а винижчаяанаяо, вид̇т̇ааро бана самат̇агканд̇хагз (жуул̣ава. 185) ааг̇ад̇оязва. винижчаяобисса саманд̇абаасаад̣̇игааяа вуд̇д̇о.
Imāni cattāri adhikaraṇāni yathānurūpaṃ imehi sattahi samathehi sammanti. Tena vuttaṃ ‘‘uppannuppannānaṃ adhikaraṇānaṃ samathāya vūpasamāya sammukhāvinayo dātabbo…pe… tiṇavatthārako’’ti. Ayamettha vinicchayanayo, vitthāro pana samathakkhandhake (cūḷava. 185) āgatoyeva. Vinicchayopissa samantapāsādikāya vutto.
47. яо банааяам̣ имасмим̣ суд̇д̇з ‘‘ид̇хаананд̣̇а, бхигкуу вивад̣̇анд̇ий’’д̇иаад̣̇иго вид̇т̇ааро вуд̇д̇о, со зд̇зна наязна сан̇кзбад̇ова вуд̇д̇од̇и взд̣̇ид̇аб̣б̣о. д̇ад̇т̇а д̇хаммод̇иаад̣̇ийсу суд̇д̇анд̇абарияааязна д̇аава д̣̇аса гусалагаммабат̇аа д̇хаммо, агусалагаммабат̇аа ад̇хаммо. д̇ат̇аа ‘‘жад̇д̇ааро сад̇ибадтаанаа’’д̇и хздтаа ааг̇ад̇аа сад̇д̇ад̇им̣са б̣од̇хибагкияад̇хаммаа, д̇аяо сад̇ибадтаанаа д̇аяо саммаббад̇хаанаа д̇аяо ид̣̇д̇хибаад̣̇аа ча инд̣̇рияаани ча б̣алаани адта б̣ож̇жхан̇г̇аа наван̇г̇иго маг̇г̇о жаад̇и, жад̇д̇ааро убаад̣̇аанаа бан̃жа нийваран̣аанийд̇иаад̣̇аяо сан̇галидтад̇хаммаа жаад̇и аяам̣ ад̇хаммо.
47. Yo panāyaṃ imasmiṃ sutte ‘‘idhānanda, bhikkhū vivadantī’’tiādiko vitthāro vutto, so etena nayena saṅkhepatova vuttoti veditabbo. Tattha dhammotiādīsu suttantapariyāyena tāva dasa kusalakammapathā dhammo, akusalakammapathā adhammo. Tathā ‘‘cattāro satipaṭṭhānā’’ti heṭṭhā āgatā sattatiṃsa bodhipakkhiyadhammā, tayo satipaṭṭhānā tayo sammappadhānā tayo iddhipādā cha indriyāni cha balāni aṭṭha bojjhaṅgā navaṅgiko maggo cāti, cattāro upādānā pañca nīvaraṇānītiādayo saṅkaliṭṭhadhammā cāti ayaṃ adhammo.
д̇ад̇т̇а яам̣гин̃жи згам̣ ад̇хаммагодтаасам̣ г̇ахзд̇ваа ‘‘имам̣ ад̇хаммам̣ д̇хаммод̇и гариссаама, звам̣ амхаагам̣ аажарияагулам̣ нияяаанигам̣ бхависсад̇и, маяан̃жа логз баагадаа бхависсаамаа’’д̇и д̇ам̣ ад̇хаммам̣ ‘‘д̇хаммо аяа’’нд̇и гат̇знд̇аа д̇хаммод̇и вивад̣̇анд̇и. д̇ад̇т̇зва д̇хаммагодтаасзсу згам̣ г̇ахзд̇ваа ‘‘ад̇хаммо аяа’’нд̇и гат̇знд̇аа ад̇хаммод̇и вивад̣̇анд̇и.
Tattha yaṃkiñci ekaṃ adhammakoṭṭhāsaṃ gahetvā ‘‘imaṃ adhammaṃ dhammoti karissāma, evaṃ amhākaṃ ācariyakulaṃ niyyānikaṃ bhavissati, mayañca loke pākaṭā bhavissāmā’’ti taṃ adhammaṃ ‘‘dhammo aya’’nti kathentā dhammoti vivadanti. Tattheva dhammakoṭṭhāsesu ekaṃ gahetvā ‘‘adhammo aya’’nti kathentā adhammoti vivadanti.
винаяабарияааязна бана бхууд̇зна вад̇т̇унаа жод̣̇зд̇ваа саарзд̇ваа яат̇аабадин̃н̃ааяа гаад̇аб̣б̣агаммам̣ д̇хаммо наама, абхууд̇зна бана вад̇т̇унаа ажод̣̇зд̇ваа асаарзд̇ваа абадин̃н̃ааяа гад̇аб̣б̣агаммам̣ ад̇хаммо наама. д̇зсуби ад̇хаммам̣ ‘‘д̇хаммо аяа’’нд̇и гат̇знд̇аа д̇хаммод̇и вивад̣̇анд̇и, ‘‘ад̇хаммо аяа’’нд̇и гат̇знд̇аа ад̇хаммод̇и вивад̣̇анд̇и.
Vinayapariyāyena pana bhūtena vatthunā codetvā sāretvā yathāpaṭiññāya kātabbakammaṃ dhammo nāma, abhūtena pana vatthunā acodetvā asāretvā apaṭiññāya katabbakammaṃ adhammo nāma. Tesupi adhammaṃ ‘‘dhammo aya’’nti kathentā dhammoti vivadanti, ‘‘adhammo aya’’nti kathentā adhammoti vivadanti.
суд̇д̇анд̇абарияааязна бана рааг̇авинаяо д̣̇осавинаяо мохавинаяо сам̣варо бахаанам̣ бадисан̇каад̇и аяам̣ винаяо наама, рааг̇аад̣̇ийнам̣ авинаяо асам̣варо аббахаанам̣ аббадисан̇каад̇и аяам̣ авинаяо наама. винаяабарияааязна вад̇т̇усамбад̇д̇и н̃ад̇д̇исамбад̇д̇и анусааванасамбад̇д̇и сиймасамбад̇и барисасамбад̇д̇ийд̇и аяам̣ винаяо наама, вад̇т̇увибад̇д̇и…бз… барисавибад̇д̇ийд̇и аяам̣ авинаяо наама. д̇зсуби яам̣гин̃жи авинаяам̣ ‘‘винаяо аяа’’нд̇и гат̇знд̇аа винаяод̇и вивад̣̇анд̇и, винаяам̣ авинаяод̇и гат̇знд̇аа авинаяод̇и вивад̣̇анд̇и.
Suttantapariyāyena pana rāgavinayo dosavinayo mohavinayo saṃvaro pahānaṃ paṭisaṅkhāti ayaṃ vinayo nāma, rāgādīnaṃ avinayo asaṃvaro appahānaṃ appaṭisaṅkhāti ayaṃ avinayo nāma. Vinayapariyāyena vatthusampatti ñattisampatti anusāvanasampatti sīmasampati parisasampattīti ayaṃ vinayo nāma, vatthuvipatti…pe… parisavipattīti ayaṃ avinayo nāma. Tesupi yaṃkiñci avinayaṃ ‘‘vinayo aya’’nti kathentā vinayoti vivadanti, vinayaṃ avinayoti kathentā avinayoti vivadanti.
д̇хамманзд̇д̇и саманумаж̇ж̇ид̇аб̣б̣аад̇и д̇хаммараж̇ж̇у анумаж̇ж̇ид̇аб̣б̣аа н̃аан̣зна гхам̣сид̇аб̣б̣аа убабаригкид̇аб̣б̣аа. саа банзсаа д̇хамманзд̇д̇и ‘‘ид̇и ко важча имз д̣̇аса д̇хаммаа агусалаа д̣̇аса д̇хаммаа гусалаа’’д̇и звам̣ махааважчаг̇од̇д̇асуд̇д̇з (ма. ни. 2.194) ааг̇ад̇аад̇и вуд̇д̇аа. саа зва ваа ход̇у, яо ваа ид̇ха д̇хаммод̇и жа винаяо жа вуд̇д̇о. яат̇аа д̇ад̇т̇а самзд̇ийд̇и яат̇аа д̇ааяа д̇хамманзд̇д̇ияаа самзд̇и, ‘‘д̇хаммо д̇хаммова ход̇и, ад̇хаммо ад̇хаммова, винаяо винаяова ход̇и, авинаяо авинаяова’’. д̇ат̇аа д̇анд̇и звам̣ д̇ам̣ ад̇хигаран̣ам̣ вуубасамзд̇аб̣б̣ам̣. згажжаанам̣ ад̇хигаран̣аананд̇и ид̇ха виваад̣̇аад̇хигаран̣амзва д̣̇ассид̇ам̣, саммукаавинаяо бана на гисмин̃жи ад̇хигаран̣з на лаб̣бхад̇и.
Dhammanetti samanumajjitabbāti dhammarajju anumajjitabbā ñāṇena ghaṃsitabbā upaparikkhitabbā. Sā panesā dhammanetti ‘‘iti kho vaccha ime dasa dhammā akusalā dasa dhammā kusalā’’ti evaṃ mahāvacchagottasutte (ma. ni. 2.194) āgatāti vuttā. Sā eva vā hotu, yo vā idha dhammoti ca vinayo ca vutto. Yathā tattha sametīti yathā tāya dhammanettiyā sameti, ‘‘dhammo dhammova hoti, adhammo adhammova, vinayo vinayova hoti, avinayo avinayova’’. Tathā tanti evaṃ taṃ adhikaraṇaṃ vūpasametabbaṃ. Ekaccānaṃ adhikaraṇānanti idha vivādādhikaraṇameva dassitaṃ, sammukhāvinayo pana na kismiñci adhikaraṇe na labbhati.
48. д̇ам̣ банзд̇ам̣ яасмаа д̣̇вийхи самат̇зхи саммад̇и саммукаавинаязна жа язбхуяяасигааяа жа, д̇асмаа хздтаа маад̇игааяа табид̇аануггамзна ид̣̇аани сад̇ивинаяасса ваарз бад̇д̇зби д̇ам̣ авад̇ваа виваад̣̇аад̇хигаран̣аязва д̇аава д̣̇уд̇ияасамат̇ам̣ д̣̇ассзнд̇о гат̇ан̃жаананд̣̇а, язбхуяяасигаад̇иаад̣̇имааха. д̇ад̇т̇а б̣ахуд̇араад̇и анд̇амасо д̣̇вийхи д̇ийхиби ад̇ирзгад̇араа. сзсамзд̇т̇а хздтаа вуд̇д̇анаязнзва взд̣̇ид̇аб̣б̣ам̣.
48. Taṃ panetaṃ yasmā dvīhi samathehi sammati sammukhāvinayena ca yebhuyyasikāya ca, tasmā heṭṭhā mātikāya ṭhapitānukkamena idāni sativinayassa vāre pattepi taṃ avatvā vivādādhikaraṇayeva tāva dutiyasamathaṃ dassento kathañcānanda, yebhuyyasikātiādimāha. Tattha bahutarāti antamaso dvīhi tīhipi atirekatarā. Sesamettha heṭṭhā vuttanayeneva veditabbaṃ.
49. ид̣̇аани хздтаа авид̇т̇аарид̇ам̣ сад̇ивинаяам̣ аад̣̇им̣ гад̇ваа вид̇т̇аарид̇аавасзсасамат̇з бадибаадияаа вид̇т̇аарзд̇ум̣ гат̇ан̃жаананд̣̇а, сад̇ивинаяод̇иаад̣̇имааха. д̇ад̇т̇а баарааж̇игасааманд̇зна ваад̇и д̣̇вз сааманд̇аани канд̇хасааманд̇ан̃жа аабад̇д̇исааманд̇ан̃жа. д̇ад̇т̇а баарааж̇игаабад̇д̇игканд̇хо сан̇гхаад̣̇исзсаабад̇д̇игканд̇хо т̇уллажжаяа-баажид̇д̇ияа-баадид̣̇зсанийяа-д̣̇уггада-д̣̇уб̣бхаасид̇аабад̇д̇игканд̇ход̇и звам̣ буримасса бажчимаканд̇хам̣ канд̇хасааманд̇ам̣ наама ход̇и. батамабаарааж̇игасса бана буб̣б̣абхааг̇з д̣̇уггадам̣, сзсаанам̣ т̇уллажжаяанд̇и ид̣̇ам̣ аабад̇д̇исааманд̇ам̣ наама. д̇ад̇т̇а канд̇хасааманд̇з баарааж̇игасааманд̇ам̣ г̇аругаабад̇д̇и наама ход̇и. сарад̇ааяасмаад̇и сарад̇у ааяасмаа. згажжаанам̣ ад̇хигаран̣аананд̇и ид̇ха ануваад̣̇аад̇хигаран̣амзва д̣̇ассид̇ам̣.
49. Idāni heṭṭhā avitthāritaṃ sativinayaṃ ādiṃ katvā vitthāritāvasesasamathe paṭipāṭiyā vitthāretuṃ kathañcānanda, sativinayotiādimāha. Tattha pārājikasāmantena vāti dve sāmantāni khandhasāmantañca āpattisāmantañca. Tattha pārājikāpattikkhandho saṅghādisesāpattikkhandho thullaccaya-pācittiya-pāṭidesanīya-dukkaṭa-dubbhāsitāpattikkhandhoti evaṃ purimassa pacchimakhandhaṃ khandhasāmantaṃ nāma hoti. Paṭhamapārājikassa pana pubbabhāge dukkaṭaṃ, sesānaṃ thullaccayanti idaṃ āpattisāmantaṃ nāma. Tattha khandhasāmante pārājikasāmantaṃ garukāpatti nāma hoti. Saratāyasmāti saratu āyasmā. Ekaccānaṃ adhikaraṇānanti idha anuvādādhikaraṇameva dassitaṃ.
50. бхаасид̇абаригганд̇анд̇и ваажааяа бхаасид̇ам̣ гааязна жа баригганд̇ам̣, бараггамид̇ваа гад̇анд̇и ад̇т̇о. згажжаананд̇и ид̇хааби ануваад̣̇аад̇хигаран̣амзва ад̇хиббзд̇ам̣. бадин̃н̃аад̇агаран̣з ‘‘згажжаана’’нд̇и аабад̇д̇аад̇хигаран̣ам̣ д̣̇ассид̇ам̣.
50.Bhāsitaparikkantanti vācāya bhāsitaṃ kāyena ca parikkantaṃ, parakkamitvā katanti attho. Ekaccānanti idhāpi anuvādādhikaraṇameva adhippetaṃ. Paṭiññātakaraṇe ‘‘ekaccāna’’nti āpattādhikaraṇaṃ dassitaṃ.
52. д̣̇аваад̇и сахасаа. раваад̇и ан̃н̃ам̣ бхан̣ид̇угаамзна ан̃н̃ам̣ вуд̇д̇ам̣. звам̣ ко, аананд̣̇а, д̇ассабаабияасигаа ход̇ийд̇и д̇ассабуг̇г̇аласса баабуссаннад̇аа баабияасигаа ход̇и. иминаа гаммасса вад̇т̇у д̣̇ассид̇ам̣. зваруубасса хи буг̇г̇аласса гаммам̣ гаад̇д̇аб̣б̣ам̣. гаммзна хи ад̇хигаран̣асса вуубасамо ход̇и, на буг̇г̇аласса баабуссаннад̇ааяа. ид̇хааби жа ануваад̣̇аад̇хигаран̣амзва ад̇хигаран̣анд̇и взд̣̇ид̇аб̣б̣ам̣.
52.Davāti sahasā. Ravāti aññaṃ bhaṇitukāmena aññaṃ vuttaṃ. Evaṃ kho, ānanda, tassapāpiyasikā hotīti tassapuggalassa pāpussannatā pāpiyasikā hoti. Iminā kammassa vatthu dassitaṃ. Evarūpassa hi puggalassa kammaṃ kāttabbaṃ. Kammena hi adhikaraṇassa vūpasamo hoti, na puggalassa pāpussannatāya. Idhāpi ca anuvādādhikaraṇameva adhikaraṇanti veditabbaṃ.
53. гат̇ан̃жаананд̣̇а , д̇ин̣авад̇т̇аарагод̇и зд̇т̇а ид̣̇ам̣ гаммам̣ д̇ин̣авад̇т̇аарагасад̣̇исад̇д̇аа д̇ин̣авад̇т̇аарагод̇и вуд̇д̇ам̣. яат̇аа хи г̇уут̇ам̣ ваа муд̇д̇ам̣ ваа гхаддияамаанам̣ д̣̇уг̇г̇анд̇хад̇ааяа б̣аад̇хад̇и, д̇ин̣зхи авад̇т̇арид̇ваа суббадижчаад̣̇ид̇асса банасса со г̇анд̇хо на б̣аад̇хад̇и, звамзва яам̣ ад̇хигаран̣ам̣ муулаанумуулам̣ г̇анд̇ваа вуубасамияамаанам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇ад̇и, д̇ам̣ иминаа гаммзна вуубасанд̇ам̣ г̇уут̇ам̣ вияа д̇ин̣авад̇т̇аарагзна бадижчаннам̣ вуубасанд̇ам̣ ход̇ийд̇и ид̣̇ам̣ гаммам̣ д̇ин̣авад̇т̇аарагасад̣̇исад̇д̇аа д̇ин̣авад̇т̇аарагод̇и вуд̇д̇ам̣. д̇асса ид̇хаананд̣̇а, бхигкуунам̣ бхан̣д̣анаж̇аад̇аананд̇иаад̣̇иважанзна аагаарамад̇д̇амзва д̣̇ассид̇ам̣, канд̇хагз ааг̇ад̇ааязва банзд̇т̇а гаммаваажаа бамаан̣ам̣. табзд̇ваа т̇уллаваж̇ж̇ам̣ табзд̇ваа г̇ихибадисам̣яуд̇д̇анд̇и. зд̇т̇а бана т̇уллаваж̇ж̇анд̇и т̇ууллаваж̇ж̇ам̣ баарааж̇иган̃жзва сан̇гхаад̣̇исзсан̃жа. г̇ихибадисам̣яуд̇д̇анд̇и г̇ихийнам̣ хийнзна кум̣санавамбханад̇хаммигабадиссавзсу аабаннаа аабад̇д̇и. ад̇хигаран̣аананд̇и ид̇ха аабад̇д̇аад̇хигаран̣амзва взд̣̇ид̇аб̣б̣ам̣. гижжаад̇хигаран̣асса бана васзна ид̇ха на гин̃жи вуд̇д̇ам̣. гин̃жааби на вуд̇д̇ам̣, саммукаавинаязнзва банасса вуубасамо ход̇ийд̇и взд̣̇ид̇аб̣б̣о.
53.Kathañcānanda, tiṇavatthārakoti ettha idaṃ kammaṃ tiṇavatthārakasadisattā tiṇavatthārakoti vuttaṃ. Yathā hi gūthaṃ vā muttaṃ vā ghaṭṭiyamānaṃ duggandhatāya bādhati, tiṇehi avattharitvā suppaṭicchāditassa panassa so gandho na bādhati, evameva yaṃ adhikaraṇaṃ mūlānumūlaṃ gantvā vūpasamiyamānaṃ kakkhaḷattāya vāḷattāya bhedāya saṃvattati, taṃ iminā kammena vūpasantaṃ gūthaṃ viya tiṇavatthārakena paṭicchannaṃ vūpasantaṃ hotīti idaṃ kammaṃ tiṇavatthārakasadisattā tiṇavatthārakoti vuttaṃ. Tassa idhānanda, bhikkhūnaṃ bhaṇḍanajātānantiādivacanena ākāramattameva dassitaṃ, khandhake āgatāyeva panettha kammavācā pamāṇaṃ. Ṭhapetvā thullavajjaṃ ṭhapetvā gihipaṭisaṃyuttanti. Ettha pana thullavajjanti thūllavajjaṃ pārājikañceva saṅghādisesañca. Gihipaṭisaṃyuttanti gihīnaṃ hīnena khuṃsanavambhanadhammikapaṭissavesu āpannā āpatti. Adhikaraṇānanti idha āpattādhikaraṇameva veditabbaṃ. Kiccādhikaraṇassa pana vasena idha na kiñci vuttaṃ. Kiñcāpi na vuttaṃ, sammukhāvinayeneva panassa vūpasamo hotīti veditabbo.
54. чаяимз , аананд̣̇а, д̇хаммаа сааран̣ийяаад̇и хздтаа галахавасзна суд̇д̇ам̣ аарад̣̇д̇хам̣, убари сааран̣ийяад̇хаммаа ааг̇ад̇аа. ид̇и яат̇аанусанд̇хинаава д̣̇зсанаа г̇ад̇аа ход̇и. хздтаа госамб̣ияасуд̇д̇з (ма. ни. 1.498-500) бана сод̇аабад̇д̇имаг̇г̇асаммаад̣̇идти гат̇ид̇аа, имасмим̣ суд̇д̇з сод̇аабад̇д̇ипаласаммаад̣̇идти вуд̇д̇аад̇и взд̣̇ид̇аб̣б̣аа. ан̣унд̇и аббасааваж̇ж̇ам̣. т̇ууланд̇и махаасааваж̇ж̇ам̣. сзсамзд̇т̇а уд̇д̇аанамзваад̇и.
54.Chayime, ānanda, dhammā sāraṇīyāti heṭṭhā kalahavasena suttaṃ āraddhaṃ, upari sāraṇīyadhammā āgatā. Iti yathānusandhināva desanā gatā hoti. Heṭṭhā kosambiyasutte (ma. ni. 1.498-500) pana sotāpattimaggasammādiṭṭhi kathitā, imasmiṃ sutte sotāpattiphalasammādiṭṭhi vuttāti veditabbā. Aṇunti appasāvajjaṃ. Thūlanti mahāsāvajjaṃ. Sesamettha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
саамаг̇аамасуд̇д̇аван̣н̣анаа нидтид̇аа.
Sāmagāmasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. саамаг̇аамасуд̇д̇ам̣ • 4. Sāmagāmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. саамаг̇аамасуд̇д̇аван̣н̣анаа • 4. Sāmagāmasuttavaṇṇanā
