| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. саман̣амун̣д̣игасуд̇д̇ам̣
8. Samaṇamuṇḍikasuttaṃ
260. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна уг̇г̇аахамаано бариб̣б̣ааж̇аго саман̣амун̣д̣игаабуд̇д̇о 1 самаяаббаваад̣̇агз д̇инд̣̇угаажийрз згасаалагз маллигааяа аараамз бадивасад̇и махад̇ияаа бариб̣б̣ааж̇агабарисааяа сад̣̇д̇хим̣ бан̃жамад̇д̇зхи бариб̣б̣ааж̇агасад̇зхи. ат̇а ко бан̃жаган̇г̇о т̇абад̇и саавад̇т̇ияаа нигками д̣̇иваа д̣̇ивасса бхаг̇аванд̇ам̣ д̣̇ассанааяа. ат̇а ко бан̃жаган̇г̇асса т̇абад̇исса зд̇ад̣̇ахоси – ‘‘агаало ко д̇аава бхаг̇аванд̇ам̣ д̣̇ассанааяа; бадисаллийно бхаг̇аваа. манобхааванияаанамби бхигкуунам̣ асамаяо д̣̇ассанааяа; бадисаллийнаа манобхааванияаа бхигкуу. яам̣нуунаахам̣ язна самаяаббаваад̣̇аго д̇инд̣̇угаажийро згасаалаго маллигааяа аараамо язна уг̇г̇аахамаано бариб̣б̣ааж̇аго саман̣амун̣д̣игаабуд̇д̇о д̇знубасан̇гамзяяа’’нд̇и. ат̇а ко бан̃жаган̇г̇о т̇абад̇и язна самаяаббаваад̣̇аго д̇инд̣̇угаажийро згасаалаго маллигааяа аараамо язна уг̇г̇аахамаано бариб̣б̣ааж̇аго саман̣амун̣д̣игаабуд̇д̇о д̇знубасан̇гами.
260. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena uggāhamāno paribbājako samaṇamuṇḍikāputto 2 samayappavādake tindukācīre ekasālake mallikāya ārāme paṭivasati mahatiyā paribbājakaparisāya saddhiṃ pañcamattehi paribbājakasatehi. Atha kho pañcakaṅgo thapati sāvatthiyā nikkhami divā divassa bhagavantaṃ dassanāya. Atha kho pañcakaṅgassa thapatissa etadahosi – ‘‘akālo kho tāva bhagavantaṃ dassanāya; paṭisallīno bhagavā. Manobhāvaniyānampi bhikkhūnaṃ asamayo dassanāya; paṭisallīnā manobhāvaniyā bhikkhū. Yaṃnūnāhaṃ yena samayappavādako tindukācīro ekasālako mallikāya ārāmo yena uggāhamāno paribbājako samaṇamuṇḍikāputto tenupasaṅkameyya’’nti. Atha kho pañcakaṅgo thapati yena samayappavādako tindukācīro ekasālako mallikāya ārāmo yena uggāhamāno paribbājako samaṇamuṇḍikāputto tenupasaṅkami.
д̇зна ко бана самаязна уг̇г̇аахамаано бариб̣б̣ааж̇аго саман̣амун̣д̣игаабуд̇д̇о махад̇ияаа бариб̣б̣ааж̇агабарисааяа сад̣̇д̇хим̣ нисинно ход̇и уннаад̣̇инияаа ужжаасад̣̇д̣̇амахаасад̣̇д̣̇ааяа анзгавихид̇ам̣ д̇иражчаанагат̇ам̣ гат̇знд̇ияаа, сзяяат̇ид̣̇ам̣ – рааж̇агат̇ам̣ жорагат̇ам̣ махаамад̇д̇агат̇ам̣ сзнаагат̇ам̣ бхаяагат̇ам̣ яуд̣̇д̇хагат̇ам̣ аннагат̇ам̣ баанагат̇ам̣ вад̇т̇агат̇ам̣ саяанагат̇ам̣ маалаагат̇ам̣ г̇анд̇хагат̇ам̣ н̃аад̇игат̇ам̣ яаанагат̇ам̣ г̇аамагат̇ам̣ ниг̇амагат̇ам̣ наг̇арагат̇ам̣ ж̇анабад̣̇агат̇ам̣ ид̇т̇игат̇ам̣ суурагат̇ам̣ висикаагат̇ам̣ гумбхадтаанагат̇ам̣ буб̣б̣абзд̇агат̇ам̣ наанад̇д̇агат̇ам̣ логагкааяигам̣ самуд̣̇д̣̇агкааяигам̣ ид̇ибхаваабхавагат̇ам̣ ид̇и ваа.
Tena kho pana samayena uggāhamāno paribbājako samaṇamuṇḍikāputto mahatiyā paribbājakaparisāya saddhiṃ nisinno hoti unnādiniyā uccāsaddamahāsaddāya anekavihitaṃ tiracchānakathaṃ kathentiyā, seyyathidaṃ – rājakathaṃ corakathaṃ mahāmattakathaṃ senākathaṃ bhayakathaṃ yuddhakathaṃ annakathaṃ pānakathaṃ vatthakathaṃ sayanakathaṃ mālākathaṃ gandhakathaṃ ñātikathaṃ yānakathaṃ gāmakathaṃ nigamakathaṃ nagarakathaṃ janapadakathaṃ itthikathaṃ sūrakathaṃ visikhākathaṃ kumbhaṭṭhānakathaṃ pubbapetakathaṃ nānattakathaṃ lokakkhāyikaṃ samuddakkhāyikaṃ itibhavābhavakathaṃ iti vā.
ад̣̇д̣̇асаа ко уг̇г̇аахамаано бариб̣б̣ааж̇аго саман̣амун̣д̣игаабуд̇д̇о бан̃жаган̇г̇ам̣ т̇абад̇им̣ д̣̇уурад̇ова ааг̇ажчанд̇ам̣. д̣̇исваана сагам̣ барисам̣ сан̣таабзси – ‘‘аббасад̣̇д̣̇аа бхонд̇о хонд̇у, маа бхонд̇о сад̣̇д̣̇амагад̇т̇а; аяам̣ саман̣асса г̇од̇амасса сааваго ааг̇ажчад̇и бан̃жаган̇г̇о т̇абад̇и. яаавад̇аа ко бана саман̣асса г̇од̇амасса саавагаа г̇ихий од̣̇аад̇авасанаа саавад̇т̇ияам̣ бадивасанд̇и аяам̣ д̇зсам̣ ан̃н̃ад̇аро бан̃жаган̇г̇о т̇абад̇и. аббасад̣̇д̣̇агаамаа ко бана д̇з ааяасманд̇о аббасад̣̇д̣̇авинийд̇аа аббасад̣̇д̣̇асса ван̣н̣аваад̣̇ино; аббзва наама аббасад̣̇д̣̇ам̣ барисам̣ вид̣̇ид̇ваа убасан̇гамид̇аб̣б̣ам̣ ман̃н̃зяяаа’’д̇и. ат̇а ко д̇з бариб̣б̣ааж̇агаа д̇ун̣хий ахзсум̣.
Addasā kho uggāhamāno paribbājako samaṇamuṇḍikāputto pañcakaṅgaṃ thapatiṃ dūratova āgacchantaṃ. Disvāna sakaṃ parisaṃ saṇṭhāpesi – ‘‘appasaddā bhonto hontu, mā bhonto saddamakattha; ayaṃ samaṇassa gotamassa sāvako āgacchati pañcakaṅgo thapati. Yāvatā kho pana samaṇassa gotamassa sāvakā gihī odātavasanā sāvatthiyaṃ paṭivasanti ayaṃ tesaṃ aññataro pañcakaṅgo thapati. Appasaddakāmā kho pana te āyasmanto appasaddavinītā appasaddassa vaṇṇavādino; appeva nāma appasaddaṃ parisaṃ viditvā upasaṅkamitabbaṃ maññeyyā’’ti. Atha kho te paribbājakā tuṇhī ahesuṃ.
261. ат̇а ко бан̃жаган̇г̇о т̇абад̇и язна уг̇г̇аахамаано бариб̣б̣ааж̇аго саман̣амун̣д̣игаабуд̇д̇о д̇знубасан̇гами; убасан̇гамид̇ваа уг̇г̇аахамаанзна бариб̣б̣ааж̇агзна саман̣амун̣д̣игаабуд̇д̇зна сад̣̇д̇хим̣ саммод̣̇и . саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко бан̃жаган̇г̇ам̣ т̇абад̇им̣ уг̇г̇аахамаано бариб̣б̣ааж̇аго саман̣амун̣д̣игаабуд̇д̇о зд̇ад̣̇авожа – ‘‘жад̇уухи ко ахам̣, г̇ахабад̇и, д̇хаммзхи саманнааг̇ад̇ам̣ бурисабуг̇г̇алам̣ бан̃н̃абзми самбаннагусалам̣ барамагусалам̣ уд̇д̇амабад̇д̇ибад̇д̇ам̣ саман̣ам̣ аяож̇жхам̣. гад̇амзхи жад̇уухи? ид̇ха, г̇ахабад̇и, на гааязна баабагаммам̣ гарод̇и, на баабагам̣ ваажам̣ бхаасад̇и, на баабагам̣ сан̇габбам̣ сан̇габбзд̇и, на баабагам̣ ааж̇ийвам̣ ааж̇ийвад̇и – имзхи ко ахам̣, г̇ахабад̇и, жад̇уухи д̇хаммзхи саманнааг̇ад̇ам̣ бурисабуг̇г̇алам̣ бан̃н̃абзми самбаннагусалам̣ барамагусалам̣ уд̇д̇амабад̇д̇ибад̇д̇ам̣ саман̣ам̣ аяож̇жха’’нд̇и.
261. Atha kho pañcakaṅgo thapati yena uggāhamāno paribbājako samaṇamuṇḍikāputto tenupasaṅkami; upasaṅkamitvā uggāhamānena paribbājakena samaṇamuṇḍikāputtena saddhiṃ sammodi . Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho pañcakaṅgaṃ thapatiṃ uggāhamāno paribbājako samaṇamuṇḍikāputto etadavoca – ‘‘catūhi kho ahaṃ, gahapati, dhammehi samannāgataṃ purisapuggalaṃ paññapemi sampannakusalaṃ paramakusalaṃ uttamapattipattaṃ samaṇaṃ ayojjhaṃ. Katamehi catūhi? Idha, gahapati, na kāyena pāpakammaṃ karoti, na pāpakaṃ vācaṃ bhāsati, na pāpakaṃ saṅkappaṃ saṅkappeti, na pāpakaṃ ājīvaṃ ājīvati – imehi kho ahaṃ, gahapati, catūhi dhammehi samannāgataṃ purisapuggalaṃ paññapemi sampannakusalaṃ paramakusalaṃ uttamapattipattaṃ samaṇaṃ ayojjha’’nti.
ат̇а ко бан̃жаган̇г̇о т̇абад̇и уг̇г̇аахамаанасса бариб̣б̣ааж̇агасса саман̣амун̣д̣игаабуд̇д̇асса бхаасид̇ам̣ нзва абхинанд̣̇и наббадиггоси. анабхинанд̣̇ид̇ваа аббадиггосид̇ваа удтааяаасанаа баггаами – ‘‘бхаг̇авад̇о санд̇игз зд̇асса бхаасид̇асса ад̇т̇ам̣ ааж̇ааниссаамий’’д̇и. ат̇а ко бан̃жаган̇г̇о т̇абад̇и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко бан̃жаган̇г̇о т̇абад̇и яаавад̇аго ахоси уг̇г̇аахамаанзна бариб̣б̣ааж̇агзна саман̣амун̣д̣игаабуд̇д̇зна сад̣̇д̇хим̣ гат̇аасаллаабо д̇ам̣ саб̣б̣ам̣ бхаг̇авад̇о аарожзси.
Atha kho pañcakaṅgo thapati uggāhamānassa paribbājakassa samaṇamuṇḍikāputtassa bhāsitaṃ neva abhinandi nappaṭikkosi. Anabhinanditvā appaṭikkositvā uṭṭhāyāsanā pakkāmi – ‘‘bhagavato santike etassa bhāsitassa atthaṃ ājānissāmī’’ti. Atha kho pañcakaṅgo thapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho pañcakaṅgo thapati yāvatako ahosi uggāhamānena paribbājakena samaṇamuṇḍikāputtena saddhiṃ kathāsallāpo taṃ sabbaṃ bhagavato ārocesi.
262. звам̣ вуд̇д̇з, бхаг̇аваа бан̃жаган̇г̇ам̣ т̇абад̇им̣ зд̇ад̣̇авожа – ‘‘звам̣ санд̇з ко, т̇абад̇и, д̣̇ахаро гумааро манд̣̇о уд̇д̇аанасзяяаго самбаннагусало бхависсад̇и барамагусало уд̇д̇амабад̇д̇ибад̇д̇о саман̣о аяож̇жхо, яат̇аа уг̇г̇аахамаанасса бариб̣б̣ааж̇агасса саман̣амун̣д̣игаабуд̇д̇асса важанам̣. д̣̇ахарасса хи, т̇абад̇и, гумаарасса манд̣̇асса уд̇д̇аанасзяяагасса гааяод̇иби на ход̇и, гуд̇о бана гааязна баабагаммам̣ гариссад̇и, ан̃н̃ад̇ра панд̣̇ид̇амад̇д̇аа! д̣̇ахарасса хи, т̇абад̇и, гумаарасса манд̣̇асса уд̇д̇аанасзяяагасса ваажаад̇иби на ход̇и, гуд̇о бана баабагам̣ ваажам̣ бхаасиссад̇и, ан̃н̃ад̇ра род̣̇ид̇амад̇д̇аа ! д̣̇ахарасса хи, т̇абад̇и, гумаарасса манд̣̇асса уд̇д̇аанасзяяагасса сан̇габбод̇иби на ход̇и, гуд̇о бана баабагам̣ сан̇габбам̣ сан̇габбиссад̇и, ан̃н̃ад̇ра вигууж̇ид̇амад̇д̇аа 3! д̣̇ахарасса хи, т̇абад̇и, гумаарасса манд̣̇асса уд̇д̇аанасзяяагасса ааж̇ийвод̇иби на ход̇и, гуд̇о бана баабагам̣ ааж̇ийвам̣ ааж̇ийвиссад̇и, ан̃н̃ад̇ра маад̇ут̇ан̃н̃аа! звам̣ санд̇з ко, т̇абад̇и, д̣̇ахаро гумааро манд̣̇о уд̇д̇аанасзяяаго самбаннагусало бхависсад̇и барамагусало уд̇д̇амабад̇д̇ибад̇д̇о саман̣о аяож̇жхо, яат̇аа уг̇г̇аахамаанасса бариб̣б̣ааж̇агасса саман̣амун̣д̣игаабуд̇д̇асса важанам̣.
262. Evaṃ vutte, bhagavā pañcakaṅgaṃ thapatiṃ etadavoca – ‘‘evaṃ sante kho, thapati, daharo kumāro mando uttānaseyyako sampannakusalo bhavissati paramakusalo uttamapattipatto samaṇo ayojjho, yathā uggāhamānassa paribbājakassa samaṇamuṇḍikāputtassa vacanaṃ. Daharassa hi, thapati, kumārassa mandassa uttānaseyyakassa kāyotipi na hoti, kuto pana kāyena pāpakammaṃ karissati, aññatra phanditamattā! Daharassa hi, thapati, kumārassa mandassa uttānaseyyakassa vācātipi na hoti, kuto pana pāpakaṃ vācaṃ bhāsissati, aññatra roditamattā ! Daharassa hi, thapati, kumārassa mandassa uttānaseyyakassa saṅkappotipi na hoti, kuto pana pāpakaṃ saṅkappaṃ saṅkappissati, aññatra vikūjitamattā 4! Daharassa hi, thapati, kumārassa mandassa uttānaseyyakassa ājīvotipi na hoti, kuto pana pāpakaṃ ājīvaṃ ājīvissati, aññatra mātuthaññā! Evaṃ sante kho, thapati, daharo kumāro mando uttānaseyyako sampannakusalo bhavissati paramakusalo uttamapattipatto samaṇo ayojjho, yathā uggāhamānassa paribbājakassa samaṇamuṇḍikāputtassa vacanaṃ.
263. ‘‘жад̇уухи ко ахам̣, т̇абад̇и, д̇хаммзхи саманнааг̇ад̇ам̣ бурисабуг̇г̇алам̣ бан̃н̃абзми на жзва самбаннагусалам̣ на барамагусалам̣ на уд̇д̇амабад̇д̇ибад̇д̇ам̣ саман̣ам̣ аяож̇жхам̣, аби жимам̣ д̣̇ахарам̣ гумаарам̣ манд̣̇ам̣ уд̇д̇аанасзяяагам̣ самад̇хиг̇аяха д̇идтад̇и. гад̇амзхи жад̇уухи? ид̇ха, т̇абад̇и, на гааязна баабагаммам̣ гарод̇и, на баабагам̣ ваажам̣ бхаасад̇и, на баабагам̣ сан̇габбам̣ сан̇габбзд̇и, на баабагам̣ ааж̇ийвам̣ ааж̇ийвад̇и – имзхи ко ахам̣, т̇абад̇и, жад̇уухи д̇хаммзхи саманнааг̇ад̇ам̣ бурисабуг̇г̇алам̣ бан̃н̃абзми на жзва самбаннагусалам̣ на барамагусалам̣ на уд̇д̇амабад̇д̇ибад̇д̇ам̣ саман̣ам̣ аяож̇жхам̣, аби жимам̣ д̣̇ахарам̣ гумаарам̣ манд̣̇ам̣ уд̇д̇аанасзяяагам̣ самад̇хиг̇аяха д̇идтад̇и.
263. ‘‘Catūhi kho ahaṃ, thapati, dhammehi samannāgataṃ purisapuggalaṃ paññapemi na ceva sampannakusalaṃ na paramakusalaṃ na uttamapattipattaṃ samaṇaṃ ayojjhaṃ, api cimaṃ daharaṃ kumāraṃ mandaṃ uttānaseyyakaṃ samadhigayha tiṭṭhati. Katamehi catūhi? Idha, thapati, na kāyena pāpakammaṃ karoti, na pāpakaṃ vācaṃ bhāsati, na pāpakaṃ saṅkappaṃ saṅkappeti, na pāpakaṃ ājīvaṃ ājīvati – imehi kho ahaṃ, thapati, catūhi dhammehi samannāgataṃ purisapuggalaṃ paññapemi na ceva sampannakusalaṃ na paramakusalaṃ na uttamapattipattaṃ samaṇaṃ ayojjhaṃ, api cimaṃ daharaṃ kumāraṃ mandaṃ uttānaseyyakaṃ samadhigayha tiṭṭhati.
‘‘д̣̇асахи ко ахам̣, т̇абад̇и, д̇хаммзхи саманнааг̇ад̇ам̣ бурисабуг̇г̇алам̣ бан̃н̃абзми самбаннагусалам̣ барамагусалам̣ уд̇д̇амабад̇д̇ибад̇д̇ам̣ саман̣ам̣ аяож̇жхам̣. имз агусалаа сийлаа; д̇амахам̣ 5, т̇абад̇и, взд̣̇ид̇аб̣б̣анд̇и вад̣̇аами. ид̇осамудтаанаа агусалаа сийлаа; д̇амахам̣, т̇абад̇и, взд̣̇ид̇аб̣б̣анд̇и вад̣̇аами. ид̇ха агусалаа сийлаа абарисзсаа нируж̇жханд̇и; д̇амахам̣, т̇абад̇и, взд̣̇ид̇аб̣б̣анд̇и вад̣̇аами. звам̣ бадибанно агусалаанам̣ сийлаанам̣ нирод̇хааяа бадибанно ход̇и; д̇амахам̣, т̇абад̇и, взд̣̇ид̇аб̣б̣анд̇и вад̣̇аами.
‘‘Dasahi kho ahaṃ, thapati, dhammehi samannāgataṃ purisapuggalaṃ paññapemi sampannakusalaṃ paramakusalaṃ uttamapattipattaṃ samaṇaṃ ayojjhaṃ. Ime akusalā sīlā; tamahaṃ 6, thapati, veditabbanti vadāmi. Itosamuṭṭhānā akusalā sīlā; tamahaṃ, thapati, veditabbanti vadāmi. Idha akusalā sīlā aparisesā nirujjhanti; tamahaṃ, thapati, veditabbanti vadāmi. Evaṃ paṭipanno akusalānaṃ sīlānaṃ nirodhāya paṭipanno hoti; tamahaṃ, thapati, veditabbanti vadāmi.
‘‘имз гусалаа сийлаа; д̇амахам̣, т̇абад̇и, взд̣̇ид̇аб̣б̣анд̇и вад̣̇аами. ид̇осамудтаанаа гусалаа сийлаа; д̇амахам̣, т̇абад̇и, взд̣̇ид̇аб̣б̣анд̇и вад̣̇аами. ид̇ха гусалаа сийлаа абарисзсаа нируж̇жханд̇и; д̇амахам̣, т̇абад̇и, взд̣̇ид̇аб̣б̣анд̇и вад̣̇аами. звам̣ бадибанно гусалаанам̣ сийлаанам̣ нирод̇хааяа бадибанно ход̇и; д̇амахам̣, т̇абад̇и, взд̣̇ид̇аб̣б̣анд̇и вад̣̇аами.
‘‘Ime kusalā sīlā; tamahaṃ, thapati, veditabbanti vadāmi. Itosamuṭṭhānā kusalā sīlā; tamahaṃ, thapati, veditabbanti vadāmi. Idha kusalā sīlā aparisesā nirujjhanti; tamahaṃ, thapati, veditabbanti vadāmi. Evaṃ paṭipanno kusalānaṃ sīlānaṃ nirodhāya paṭipanno hoti; tamahaṃ, thapati, veditabbanti vadāmi.
‘‘имз агусалаа сан̇габбаа; д̇амахам̣, т̇абад̇и, взд̣̇ид̇аб̣б̣анд̇и вад̣̇аами. ид̇осамудтаанаа агусалаа сан̇габбаа ; д̇амахам̣, т̇абад̇и, взд̣̇ид̇аб̣б̣анд̇и вад̣̇аами. ид̇ха агусалаа сан̇габбаа абарисзсаа нируж̇жханд̇и; д̇амахам̣, т̇абад̇и, взд̣̇ид̇аб̣б̣анд̇и вад̣̇аами. звам̣ бадибанно агусалаанам̣ сан̇габбаанам̣ нирод̇хааяа бадибанно ход̇и; д̇амахам̣, т̇абад̇и, взд̣̇ид̇аб̣б̣анд̇и вад̣̇аами.
‘‘Ime akusalā saṅkappā; tamahaṃ, thapati, veditabbanti vadāmi. Itosamuṭṭhānā akusalā saṅkappā ; tamahaṃ, thapati, veditabbanti vadāmi. Idha akusalā saṅkappā aparisesā nirujjhanti; tamahaṃ, thapati, veditabbanti vadāmi. Evaṃ paṭipanno akusalānaṃ saṅkappānaṃ nirodhāya paṭipanno hoti; tamahaṃ, thapati, veditabbanti vadāmi.
‘‘имз гусалаа сан̇габбаа; д̇амахам̣, т̇абад̇и, взд̣̇ид̇аб̣б̣анд̇и вад̣̇аами. ид̇осамудтаанаа гусалаа сан̇габбаа ; д̇амахам̣, т̇абад̇и, взд̣̇ид̇аб̣б̣анд̇и вад̣̇аами. ид̇ха гусалаа сан̇габбаа абарисзсаа нируж̇жханд̇и; д̇амахам̣, т̇абад̇и, взд̣̇ид̇аб̣б̣анд̇и вад̣̇аами. звам̣ бадибанно гусалаанам̣ сан̇габбаанам̣ нирод̇хааяа бадибанно ход̇и; д̇амахам̣, т̇абад̇и, взд̣̇ид̇аб̣б̣анд̇и вад̣̇аами.
‘‘Ime kusalā saṅkappā; tamahaṃ, thapati, veditabbanti vadāmi. Itosamuṭṭhānā kusalā saṅkappā ; tamahaṃ, thapati, veditabbanti vadāmi. Idha kusalā saṅkappā aparisesā nirujjhanti; tamahaṃ, thapati, veditabbanti vadāmi. Evaṃ paṭipanno kusalānaṃ saṅkappānaṃ nirodhāya paṭipanno hoti; tamahaṃ, thapati, veditabbanti vadāmi.
264. ‘‘гад̇амз жа, т̇абад̇и, агусалаа сийлаа? агусалам̣ гааяагаммам̣, агусалам̣ важийгаммам̣, баабаго ааж̇ийво – имз вужжанд̇и, т̇абад̇и, агусалаа сийлаа.
264. ‘‘Katame ca, thapati, akusalā sīlā? Akusalaṃ kāyakammaṃ, akusalaṃ vacīkammaṃ, pāpako ājīvo – ime vuccanti, thapati, akusalā sīlā.
‘‘имз жа, т̇абад̇и, агусалаа сийлаа гим̣самудтаанаа? самудтаанамби нзсам̣ вуд̇д̇ам̣. ‘жид̇д̇асамудтаанаа’д̇исса важанийяам̣. гад̇амам̣ жид̇д̇ам̣? жид̇д̇амби хи б̣ахум̣ анзгавид̇хам̣ наанаббагаарагам̣. яам̣ жид̇д̇ам̣ сарааг̇ам̣ сад̣̇осам̣ самохам̣, ид̇осамудтаанаа агусалаа сийлаа.
‘‘Ime ca, thapati, akusalā sīlā kiṃsamuṭṭhānā? Samuṭṭhānampi nesaṃ vuttaṃ. ‘Cittasamuṭṭhānā’tissa vacanīyaṃ. Katamaṃ cittaṃ? Cittampi hi bahuṃ anekavidhaṃ nānappakārakaṃ. Yaṃ cittaṃ sarāgaṃ sadosaṃ samohaṃ, itosamuṭṭhānā akusalā sīlā.
‘‘имз жа, т̇абад̇и, агусалаа сийлаа гухим̣ абарисзсаа нируж̇жханд̇и? нирод̇хоби нзсам̣ вуд̇д̇о. ид̇ха, т̇абад̇и, бхигку гааяад̣̇ужжарид̇ам̣ бахааяа гааяасужарид̇ам̣ бхаавзд̇и, важийд̣̇ужжарид̇ам̣ бахааяа важийсужарид̇ам̣ бхаавзд̇и, манод̣̇ужжарид̇ам̣ бахааяа маносужарид̇ам̣ бхаавзд̇и, мижчааж̇ийвам̣ бахааяа саммааж̇ийвзна ж̇ийвид̇ам̣ габбзд̇и – зд̇т̇зд̇з агусалаа сийлаа абарисзсаа нируж̇жханд̇и.
‘‘Ime ca, thapati, akusalā sīlā kuhiṃ aparisesā nirujjhanti? Nirodhopi nesaṃ vutto. Idha, thapati, bhikkhu kāyaduccaritaṃ pahāya kāyasucaritaṃ bhāveti, vacīduccaritaṃ pahāya vacīsucaritaṃ bhāveti, manoduccaritaṃ pahāya manosucaritaṃ bhāveti, micchājīvaṃ pahāya sammājīvena jīvitaṃ kappeti – etthete akusalā sīlā aparisesā nirujjhanti.
‘‘гат̇ам̣ бадибанно, т̇абад̇и, агусалаанам̣ сийлаанам̣ нирод̇хааяа бадибанно ход̇и? ид̇ха, т̇абад̇и, бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. звам̣ бадибанно ко, т̇абад̇и, агусалаанам̣ сийлаанам̣ нирод̇хааяа бадибанно ход̇и.
‘‘Kathaṃ paṭipanno, thapati, akusalānaṃ sīlānaṃ nirodhāya paṭipanno hoti? Idha, thapati, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati; uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati; anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati; uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Evaṃ paṭipanno kho, thapati, akusalānaṃ sīlānaṃ nirodhāya paṭipanno hoti.
265. ‘‘гад̇амз жа, т̇абад̇и, гусалаа сийлаа? гусалам̣ гааяагаммам̣, гусалам̣ важийгаммам̣, ааж̇ийвабарисуд̣̇д̇хамби ко ахам̣, т̇абад̇и, сийласмим̣ вад̣̇аами. имз вужжанд̇и, т̇абад̇и, гусалаа сийлаа.
265. ‘‘Katame ca, thapati, kusalā sīlā? Kusalaṃ kāyakammaṃ, kusalaṃ vacīkammaṃ, ājīvaparisuddhampi kho ahaṃ, thapati, sīlasmiṃ vadāmi. Ime vuccanti, thapati, kusalā sīlā.
‘‘имз жа, т̇абад̇и, гусалаа сийлаа гим̣самудтаанаа? самудтаанамби нзсам̣ вуд̇д̇ам̣. ‘жид̇д̇асамудтаанаа’д̇исса важанийяам̣. гад̇амам̣ жид̇д̇ам̣? жид̇д̇амби хи б̣ахум̣ анзгавид̇хам̣ наанаббагаарагам̣. яам̣ жид̇д̇ам̣ вийд̇арааг̇ам̣ вийд̇ад̣̇осам̣ вийд̇амохам̣, ид̇осамудтаанаа гусалаа сийлаа.
‘‘Ime ca, thapati, kusalā sīlā kiṃsamuṭṭhānā? Samuṭṭhānampi nesaṃ vuttaṃ. ‘Cittasamuṭṭhānā’tissa vacanīyaṃ. Katamaṃ cittaṃ? Cittampi hi bahuṃ anekavidhaṃ nānappakārakaṃ. Yaṃ cittaṃ vītarāgaṃ vītadosaṃ vītamohaṃ, itosamuṭṭhānā kusalā sīlā.
‘‘имз жа, т̇абад̇и, гусалаа сийлаа гухим̣ абарисзсаа нируж̇жханд̇и? нирод̇хоби нзсам̣ вуд̇д̇о. ид̇ха, т̇абад̇и, бхигку сийлаваа ход̇и но жа сийламаяо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ баж̇аанаад̇и; яад̇т̇асса д̇з гусалаа сийлаа абарисзсаа нируж̇жханд̇и.
‘‘Ime ca, thapati, kusalā sīlā kuhiṃ aparisesā nirujjhanti? Nirodhopi nesaṃ vutto. Idha, thapati, bhikkhu sīlavā hoti no ca sīlamayo, tañca cetovimuttiṃ paññāvimuttiṃ yathābhūtaṃ pajānāti; yatthassa te kusalā sīlā aparisesā nirujjhanti.
‘‘гат̇ам̣ бадибанно жа, т̇абад̇и, гусалаанам̣ сийлаанам̣ нирод̇хааяа бадибанно ход̇и? ид̇ха, т̇абад̇и, бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и ; уббаннаанам̣ баабагаанам̣ агусалаанам̣ д̇хаммаанам̣ бахаанааяа…бз… ануббаннаанам̣ гусалаанам̣ д̇хаммаанам̣ уббаад̣̇ааяа…бз… уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. звам̣ бадибанно ко, т̇абад̇и, гусалаанам̣ сийлаанам̣ нирод̇хааяа бадибанно ход̇и.
‘‘Kathaṃ paṭipanno ca, thapati, kusalānaṃ sīlānaṃ nirodhāya paṭipanno hoti? Idha, thapati, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati ; uppannānaṃ pāpakānaṃ akusalānaṃ dhammānaṃ pahānāya…pe… anuppannānaṃ kusalānaṃ dhammānaṃ uppādāya…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Evaṃ paṭipanno kho, thapati, kusalānaṃ sīlānaṃ nirodhāya paṭipanno hoti.
266. ‘‘гад̇амз жа, т̇абад̇и, агусалаа сан̇габбаа? гаамасан̇габбо, б̣яаабаад̣̇асан̇габбо, вихим̣саасан̇габбо – имз вужжанд̇и, т̇абад̇и, агусалаа сан̇габбаа.
266. ‘‘Katame ca, thapati, akusalā saṅkappā? Kāmasaṅkappo, byāpādasaṅkappo, vihiṃsāsaṅkappo – ime vuccanti, thapati, akusalā saṅkappā.
‘‘имз жа, т̇абад̇и, агусалаа сан̇габбаа гим̣самудтаанаа? самудтаанамби нзсам̣ вуд̇д̇ам̣. ‘сан̃н̃аасамудтаанаа’д̇исса важанийяам̣. гад̇амаа сан̃н̃аа? сан̃н̃ааби хи б̣ахуу анзгавид̇хаа наанаббагаарагаа. гаамасан̃н̃аа, б̣яаабаад̣̇асан̃н̃аа, вихим̣саасан̃н̃аа – ид̇осамудтаанаа агусалаа сан̇габбаа.
‘‘Ime ca, thapati, akusalā saṅkappā kiṃsamuṭṭhānā? Samuṭṭhānampi nesaṃ vuttaṃ. ‘Saññāsamuṭṭhānā’tissa vacanīyaṃ. Katamā saññā? Saññāpi hi bahū anekavidhā nānappakārakā. Kāmasaññā, byāpādasaññā, vihiṃsāsaññā – itosamuṭṭhānā akusalā saṅkappā.
‘‘имз жа, т̇абад̇и, агусалаа сан̇габбаа гухим̣ абарисзсаа нируж̇жханд̇и? нирод̇хоби нзсам̣ вуд̇д̇о. ид̇ха, т̇абад̇и, бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и; зд̇т̇зд̇з агусалаа сан̇габбаа абарисзсаа нируж̇жханд̇и.
‘‘Ime ca, thapati, akusalā saṅkappā kuhiṃ aparisesā nirujjhanti? Nirodhopi nesaṃ vutto. Idha, thapati, bhikkhu vivicceva kāmehi…pe… paṭhamaṃ jhānaṃ upasampajja viharati; etthete akusalā saṅkappā aparisesā nirujjhanti.
‘‘гат̇ам̣ бадибанно жа, т̇абад̇и, агусалаанам̣ сан̇габбаанам̣ нирод̇хааяа бадибанно ход̇и? ид̇ха, т̇абад̇и, бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; уббаннаанам̣ баабагаанам̣ агусалаанам̣ д̇хаммаанам̣ бахаанааяа…бз… ануббаннаанам̣ гусалаанам̣ д̇хаммаанам̣ уббаад̣̇ааяа…бз… уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. звам̣ бадибанно ко, т̇абад̇и, агусалаанам̣ сан̇габбаанам̣ нирод̇хааяа бадибанно ход̇и.
‘‘Kathaṃ paṭipanno ca, thapati, akusalānaṃ saṅkappānaṃ nirodhāya paṭipanno hoti? Idha, thapati, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati; uppannānaṃ pāpakānaṃ akusalānaṃ dhammānaṃ pahānāya…pe… anuppannānaṃ kusalānaṃ dhammānaṃ uppādāya…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Evaṃ paṭipanno kho, thapati, akusalānaṃ saṅkappānaṃ nirodhāya paṭipanno hoti.
267. ‘‘гад̇амз жа, т̇абад̇и, гусалаа сан̇габбаа? нзгкаммасан̇габбо, аб̣яаабаад̣̇асан̇габбо, авихим̣саасан̇габбо – имз вужжанд̇и, т̇абад̇и, гусалаа сан̇габбаа.
267. ‘‘Katame ca, thapati, kusalā saṅkappā? Nekkhammasaṅkappo, abyāpādasaṅkappo, avihiṃsāsaṅkappo – ime vuccanti, thapati, kusalā saṅkappā.
‘‘имз жа, т̇абад̇и, гусалаа сан̇габбаа гим̣самудтаанаа? самудтаанамби нзсам̣ вуд̇д̇ам̣. ‘сан̃н̃аасамудтаанаа’д̇исса важанийяам̣. гад̇амаа сан̃н̃аа? сан̃н̃ааби хи б̣ахуу анзгавид̇хаа наанаббагаарагаа. нзгкаммасан̃н̃аа, аб̣яаабаад̣̇асан̃н̃аа, авихим̣саасан̃н̃аа – ид̇осамудтаанаа гусалаа сан̇габбаа.
‘‘Ime ca, thapati, kusalā saṅkappā kiṃsamuṭṭhānā? Samuṭṭhānampi nesaṃ vuttaṃ. ‘Saññāsamuṭṭhānā’tissa vacanīyaṃ. Katamā saññā? Saññāpi hi bahū anekavidhā nānappakārakā. Nekkhammasaññā, abyāpādasaññā, avihiṃsāsaññā – itosamuṭṭhānā kusalā saṅkappā.
‘‘имз жа, т̇абад̇и, гусалаа сан̇габбаа гухим̣ абарисзсаа нируж̇жханд̇и? нирод̇хоби нзсам̣ вуд̇д̇о. ид̇ха, т̇абад̇и, бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и; зд̇т̇зд̇з гусалаа сан̇габбаа абарисзсаа нируж̇жханд̇и.
‘‘Ime ca, thapati, kusalā saṅkappā kuhiṃ aparisesā nirujjhanti? Nirodhopi nesaṃ vutto. Idha, thapati, bhikkhu vitakkavicārānaṃ vūpasamā…pe… dutiyaṃ jhānaṃ upasampajja viharati; etthete kusalā saṅkappā aparisesā nirujjhanti.
‘‘гат̇ам̣ бадибанно жа, т̇абад̇и, гусалаанам̣ сан̇габбаанам̣ нирод̇хааяа бадибанно ход̇и? ид̇ха, т̇абад̇и, бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; уббаннаанам̣ баабагаанам̣ агусалаанам̣ д̇хаммаанам̣ бахаанааяа…бз… ануббаннаанам̣ гусалаанам̣ д̇хаммаанам̣ уббаад̣̇ааяа…бз… уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. звам̣ бадибанно ко, т̇абад̇и, гусалаанам̣ сан̇габбаанам̣ нирод̇хааяа бадибанно ход̇и.
‘‘Kathaṃ paṭipanno ca, thapati, kusalānaṃ saṅkappānaṃ nirodhāya paṭipanno hoti? Idha, thapati, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati; uppannānaṃ pāpakānaṃ akusalānaṃ dhammānaṃ pahānāya…pe… anuppannānaṃ kusalānaṃ dhammānaṃ uppādāya…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Evaṃ paṭipanno kho, thapati, kusalānaṃ saṅkappānaṃ nirodhāya paṭipanno hoti.
268. ‘‘гад̇амзхи жаахам̣, т̇абад̇и, д̣̇асахи д̇хаммзхи саманнааг̇ад̇ам̣ бурисабуг̇г̇алам̣ бан̃н̃абзми самбаннагусалам̣ барамагусалам̣ уд̇д̇амабад̇д̇ибад̇д̇ам̣ саман̣ам̣ аяож̇жхам̣? ид̇ха, т̇абад̇и, бхигку асзкааяа саммаад̣̇идтияаа саманнааг̇ад̇о ход̇и, асзкзна саммаасан̇габбзна саманнааг̇ад̇о ход̇и, асзкааяа саммааваажааяа саманнааг̇ад̇о ход̇и, асзкзна саммаагамманд̇зна саманнааг̇ад̇о ход̇и, асзкзна саммааааж̇ийвзна саманнааг̇ад̇о ход̇и, асзкзна саммаавааяаамзна саманнааг̇ад̇о ход̇и, асзкааяа саммаасад̇ияаа саманнааг̇ад̇о ход̇и, асзкзна саммаасамаад̇хинаа саманнааг̇ад̇о ход̇и, асзкзна саммаан̃аан̣зна саманнааг̇ад̇о ход̇и, асзкааяа саммаавимуд̇д̇ияаа саманнааг̇ад̇о ход̇и – имзхи ко ахам̣, т̇абад̇и, д̣̇асахи д̇хаммзхи саманнааг̇ад̇ам̣ бурисабуг̇г̇алам̣ бан̃н̃абзми самбаннагусалам̣ барамагусалам̣ уд̇д̇амабад̇д̇ибад̇д̇ам̣ саман̣ам̣ аяож̇жха’’нд̇и.
268. ‘‘Katamehi cāhaṃ, thapati, dasahi dhammehi samannāgataṃ purisapuggalaṃ paññapemi sampannakusalaṃ paramakusalaṃ uttamapattipattaṃ samaṇaṃ ayojjhaṃ? Idha, thapati, bhikkhu asekhāya sammādiṭṭhiyā samannāgato hoti, asekhena sammāsaṅkappena samannāgato hoti, asekhāya sammāvācāya samannāgato hoti, asekhena sammākammantena samannāgato hoti, asekhena sammāājīvena samannāgato hoti, asekhena sammāvāyāmena samannāgato hoti, asekhāya sammāsatiyā samannāgato hoti, asekhena sammāsamādhinā samannāgato hoti, asekhena sammāñāṇena samannāgato hoti, asekhāya sammāvimuttiyā samannāgato hoti – imehi kho ahaṃ, thapati, dasahi dhammehi samannāgataṃ purisapuggalaṃ paññapemi sampannakusalaṃ paramakusalaṃ uttamapattipattaṃ samaṇaṃ ayojjha’’nti.
ид̣̇амавожа бхаг̇аваа. ад̇д̇амано бан̃жаган̇г̇о т̇абад̇и бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano pañcakaṅgo thapati bhagavato bhāsitaṃ abhinandīti.
саман̣амун̣д̣игасуд̇д̇ам̣ нидтид̇ам̣ адтамам̣.
Samaṇamuṇḍikasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. саман̣амун̣д̣игасуд̇д̇аван̣н̣анаа • 8. Samaṇamuṇḍikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. саман̣амун̣д̣игаабуд̇д̇асуд̇д̇аван̣н̣анаа • 8. Samaṇamuṇḍikāputtasuttavaṇṇanā
