| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
8. саман̣амун̣д̣игасуд̇д̇аван̣н̣анаа
8. Samaṇamuṇḍikasuttavaṇṇanā
260. звам̣ мз суд̇анд̇и саман̣амун̣д̣игасуд̇д̇ам̣. д̇ад̇т̇а уг̇г̇аахамаанод̇и д̇асса бариб̣б̣ааж̇агасса наамам̣. суманод̇и багад̇инаамам̣. гин̃жи гин̃жи бана уг̇г̇ахид̇ум̣ уг̇г̇аахзд̇ум̣ самад̇т̇ад̇ааяа уг̇г̇аахамаанод̇и нам̣ сан̃ж̇аананд̇и. самаяам̣ бавад̣̇анд̇и зд̇т̇аад̇и самаяаббаваад̣̇агам̣. д̇асмим̣ гира таанз жан̇гийд̇ааругкабогкарасаад̇иббабхуд̇аяо б̣раахман̣аа ниг̇ан̣таажзлагабариб̣б̣ааж̇агаад̣̇аяо жа баб̣б̣аж̇ид̇аа саннибад̇ид̇ваа ад̇д̇ано ад̇д̇ано самаяам̣ бавад̣̇анд̇и гат̇знд̇и д̣̇ийбзнд̇и, д̇асмаа со аараамо самаяаббаваад̣̇агод̇и вужжад̇и. свзва д̇инд̣̇угаажийрасан̇каад̇ааяа д̇имб̣аруусагаругкабанд̇ияаа баригкид̇д̇ад̇д̇аа д̇инд̣̇угаажийрам̣. яасмаа банзд̇т̇а батамам̣ згаа саалаа ахоси, бажчаа махаабун̃н̃ам̣ бодтабаад̣̇абариб̣б̣ааж̇агам̣ ниссааяа б̣ахуу саалаа гад̇аа, д̇асмаа д̇амзва згам̣ саалам̣ убаад̣̇ааяа лад̣̇д̇ханаамавасзна згасаалагод̇и вужжад̇и. маллигааяа бана басзнад̣̇иран̃н̃о д̣̇звияаа уяяаанабхууд̇о со бубпапаласан̃чанно аараамод̇и гад̇ваа маллигааяа аараамод̇и сан̇кам̣ г̇ад̇о. д̇асмим̣ самаяаббаваад̣̇агз д̇инд̣̇угаажийрз згасаалагз маллигааяа аараамз. бадивасад̇ийд̇и ваасапаасуд̇ааяа васад̇и. д̣̇иваа д̣̇ивассаад̇и д̣̇ивасасса д̣̇иваа наама маж̇жханхаад̇иггамо, д̇асмим̣ д̣̇ивасассаби д̣̇иваабхууд̇з ад̇игганд̇амад̇д̇з маж̇жханхигз нигкамийд̇и ад̇т̇о. бадисаллийнод̇и д̇ад̇о д̇ад̇о руубаад̣̇иг̇ожарад̇о жид̇д̇ам̣ бадисам̣харид̇ваа лийно, жхаанарад̇исзванавасзна згийбхаавам̣ г̇ад̇о. манобхааванийяаананд̇и манавад̣дханагаанам̣, яз ааваж̇ж̇ад̇о манасигарод̇о жид̇д̇ам̣ винийваран̣ам̣ ход̇и уннамад̇и вад̣дхад̇и. яаавад̇аад̇и яад̇д̇агаа. аяам̣ д̇зсам̣ ан̃н̃ад̇арод̇и аяам̣ д̇зсам̣ аб̣бханд̇аро зго сааваго. аббзва наамаад̇и д̇асса убасан̇гаманам̣ бад̇т̇аяамаано ааха. бад̇т̇анаагааран̣ам̣ бана санд̣̇агасуд̇д̇з вуд̇д̇амзва.
260.Evaṃme sutanti samaṇamuṇḍikasuttaṃ. Tattha uggāhamānoti tassa paribbājakassa nāmaṃ. Sumanoti pakatināmaṃ. Kiñci kiñci pana uggahituṃ uggāhetuṃ samatthatāya uggāhamānoti naṃ sañjānanti. Samayaṃ pavadanti etthāti samayappavādakaṃ. Tasmiṃ kira ṭhāne caṅkītārukkhapokkharasātippabhutayo brāhmaṇā nigaṇṭhācelakaparibbājakādayo ca pabbajitā sannipatitvā attano attano samayaṃ pavadanti kathenti dīpenti, tasmā so ārāmo samayappavādakoti vuccati. Sveva tindukācīrasaṅkhātāya timbarūsakarukkhapantiyā parikkhittattā tindukācīraṃ. Yasmā panettha paṭhamaṃ ekā sālā ahosi, pacchā mahāpuññaṃ poṭṭhapādaparibbājakaṃ nissāya bahū sālā katā, tasmā tameva ekaṃ sālaṃ upādāya laddhanāmavasena ekasālakoti vuccati. Mallikāya pana pasenadirañño deviyā uyyānabhūto so pupphaphalasañchanno ārāmoti katvā mallikāya ārāmoti saṅkhaṃ gato. Tasmiṃ samayappavādake tindukācīre ekasālake mallikāya ārāme. Paṭivasatīti vāsaphāsutāya vasati. Divā divassāti divasassa divā nāma majjhanhātikkamo, tasmiṃ divasassapi divābhūte atikkantamatte majjhanhike nikkhamīti attho. Paṭisallīnoti tato tato rūpādigocarato cittaṃ paṭisaṃharitvā līno, jhānaratisevanavasena ekībhāvaṃ gato. Manobhāvanīyānanti manavaḍḍhanakānaṃ, ye āvajjato manasikaroto cittaṃ vinīvaraṇaṃ hoti unnamati vaḍḍhati. Yāvatāti yattakā. Ayaṃ tesaṃ aññataroti ayaṃ tesaṃ abbhantaro eko sāvako. Appeva nāmāti tassa upasaṅkamanaṃ patthayamāno āha. Patthanākāraṇaṃ pana sandakasutte vuttameva.
261. зд̇ад̣̇авожаад̇и д̣̇анд̣̇абан̃н̃о аяам̣ г̇ахабад̇и, д̇хаммагат̇ааяа нам̣ сан̇г̇ан̣хид̇ваа ад̇д̇ано саавагам̣ гариссаамийд̇и ман̃н̃амаано зд̇ам̣ ‘‘жад̇уухи ко’’д̇иаад̣̇иважанам̣ авожа. д̇ад̇т̇а бан̃н̃бзмийд̇и д̣̇ассзми табзми. самбаннагусаланд̇и барибун̣н̣агусалам̣. барамагусаланд̇и уд̇д̇амагусалам̣. аяож̇жханд̇и ваад̣̇аяуд̣̇д̇хзна яуж̇жхид̇ваа жаалзд̇ум̣ асаггун̣зяяам̣ ажалам̣ ниггамбам̣ т̇ирам̣. на гарод̇ийд̇и агаран̣амад̇д̇амзва вад̣̇ад̇и, зд̇т̇а бана сам̣вараббахаанам̣ ваа бадисзванаббахаанам̣ ваа на вад̣̇ад̇и. сзсабад̣̇зсуби зсзва наяо.
261.Etadavocāti dandapañño ayaṃ gahapati, dhammakathāya naṃ saṅgaṇhitvā attano sāvakaṃ karissāmīti maññamāno etaṃ ‘‘catūhi kho’’tiādivacanaṃ avoca. Tattha paññpemīti dassemi ṭhapemi. Sampannakusalanti paripuṇṇakusalaṃ. Paramakusalanti uttamakusalaṃ. Ayojjhanti vādayuddhena yujjhitvā cāletuṃ asakkuṇeyyaṃ acalaṃ nikkampaṃ thiraṃ. Na karotīti akaraṇamattameva vadati, ettha pana saṃvarappahānaṃ vā paṭisevanappahānaṃ vā na vadati. Sesapadesupi eseva nayo.
нзва абхинанд̣̇ийд̇и д̇ид̇т̇ияаа наама ж̇аанид̇вааби аж̇аанид̇вааби яам̣ ваа д̇ам̣ ваа вад̣̇анд̇ийд̇и ман̃н̃амаано наабхинанд̣̇и. на бадиггосийд̇и саасанасса ануломам̣ вияа басаннаагаарам̣ вияа вад̣̇ад̇ийд̇и ман̃н̃амаано на бадисзд̇хзд̇и.
Neva abhinandīti titthiyā nāma jānitvāpi ajānitvāpi yaṃ vā taṃ vā vadantīti maññamāno nābhinandi. Na paṭikkosīti sāsanassa anulomaṃ viya pasannākāraṃ viya vadatīti maññamāno na paṭisedheti.
262. яат̇аа уг̇г̇аахамаанассаад̇и яат̇аа д̇асса важанам̣, звам̣ санд̇з уд̇д̇аанасзяяаго гумааро аяож̇жхасаман̣о т̇ирасаман̣о бхависсад̇и, маяам̣ бана звам̣ на вад̣̇аамаад̇и д̣̇ийбзд̇и. гааяод̇иби на ход̇ийд̇и сагагааяо барагааяод̇иби висзсан̃аан̣ам̣ на ход̇и. ан̃н̃ад̇ра панд̣̇ид̇амад̇д̇аад̇и бажжад̇т̇аран̣з валисампассзна ваа ман̇г̇улад̣̇адтзна ваа гааяапанд̣̇анамад̇д̇ам̣ наама ход̇и. д̇ам̣ табзд̇ваа ан̃н̃ам̣ гааязна гаран̣агаммам̣ наама над̇т̇и. д̇амби жа гилзсасахаг̇ад̇ажид̇д̇знзва ход̇и. ваажаад̇иби на ход̇ийд̇и мижчааваажаа саммааваажаад̇иби наанад̇д̇ам̣ на ход̇и. род̣̇ид̇амад̇д̇аад̇и ж̇игхажчаабибаасаабарзд̇асса бана род̣̇ид̇амад̇д̇ам̣ ход̇и. д̇амби гилзсасахаг̇ад̇ажид̇д̇знзва. сан̇габбод̇и мижчаасан̇габбо саммаасан̇габбод̇иби наанад̇д̇ам̣ на ход̇и. вигууж̇ид̇амад̇д̇аад̇и вигууж̇ид̇амад̇д̇ам̣ род̣̇анахасид̇амад̇д̇ам̣ ход̇и. д̣̇ахарагумаарагаанан̃хи жид̇д̇ам̣ ад̇ийд̇аарамман̣ам̣ бавад̇д̇ад̇и, нираяад̇о ааг̇ад̇аа нираяад̣̇угкам̣ сарид̇ваа род̣̇анд̇и, д̣̇звалогад̇о ааг̇ад̇аа хасанд̇и, д̇амби гилзсасахаг̇ад̇ажид̇д̇знзва ход̇и. ааж̇ийвод̇и мижчааж̇ийво саммааж̇ийвод̇иби наанад̇д̇ам̣ на ход̇и. ан̃н̃ад̇ра маад̇ут̇ан̃н̃аад̇и т̇ан̃н̃ажорад̣̇аарагаа наама хонд̇и, маад̇ари кийрам̣ бааяанд̇ияаа абивид̇ваа ан̃н̃авихид̇агаалз бидтибассзна ааг̇анд̇ваа т̇ан̃н̃ам̣ биванд̇и. зд̇д̇агам̣ мун̃жид̇ваа ан̃н̃о мижчааж̇ийво над̇т̇и. аяамби гилзсасахаг̇ад̇ажид̇д̇знзва ход̇ийд̇и д̣̇ассзд̇и.
262.Yathā uggāhamānassāti yathā tassa vacanaṃ, evaṃ sante uttānaseyyako kumāro ayojjhasamaṇo thirasamaṇo bhavissati, mayaṃ pana evaṃ na vadāmāti dīpeti. Kāyotipi na hotīti sakakāyo parakāyotipi visesañāṇaṃ na hoti. Aññatraphanditamattāti paccattharaṇe valisamphassena vā maṅguladaṭṭhena vā kāyaphandanamattaṃ nāma hoti. Taṃ ṭhapetvā aññaṃ kāyena karaṇakammaṃ nāma natthi. Tampi ca kilesasahagatacitteneva hoti. Vācātipi na hotīti micchāvācā sammāvācātipi nānattaṃ na hoti. Roditamattāti jighacchāpipāsāparetassa pana roditamattaṃ hoti. Tampi kilesasahagatacitteneva. Saṅkappoti micchāsaṅkappo sammāsaṅkappotipi nānattaṃ na hoti. Vikūjitamattāti vikūjitamattaṃ rodanahasitamattaṃ hoti. Daharakumārakānañhi cittaṃ atītārammaṇaṃ pavattati, nirayato āgatā nirayadukkhaṃ saritvā rodanti, devalokato āgatā hasanti, tampi kilesasahagatacitteneva hoti. Ājīvoti micchājīvo sammājīvotipi nānattaṃ na hoti. Aññatra mātuthaññāti thaññacoradārakā nāma honti, mātari khīraṃ pāyantiyā apivitvā aññavihitakāle piṭṭhipassena āgantvā thaññaṃ pivanti. Ettakaṃ muñcitvā añño micchājīvo natthi. Ayampi kilesasahagatacitteneva hotīti dasseti.
263. звам̣ бариб̣б̣ааж̇агаваад̣̇ам̣ бадигкибид̇ваа ид̣̇аани саяам̣ сзгкабхуумияам̣ маад̇игам̣ табзнд̇о жад̇уухи ко аханд̇иаад̣̇имааха. д̇ад̇т̇а самад̇хиг̇аяха д̇идтад̇ийд̇и висзсзд̇ваа д̇идтад̇и. на гааязна бааба гамманд̇иаад̣̇ийсу на гзвалам̣ агаран̣амад̇д̇амзва, бхаг̇аваа бана зд̇т̇а сам̣вараббахаанабадисан̇каа бан̃н̃абзд̇и. д̇ам̣ санд̇хааязвамааха. на жзва самбаннагусаланд̇иаад̣̇и бана кийн̣аасавам̣ санд̇хааяа вуд̇д̇ам̣.
263. Evaṃ paribbājakavādaṃ paṭikkhipitvā idāni sayaṃ sekkhabhūmiyaṃ mātikaṃ ṭhapento catūhi kho ahantiādimāha. Tattha samadhigayha tiṭṭhatīti visesetvā tiṭṭhati. Nakāyena pāpa kammantiādīsu na kevalaṃ akaraṇamattameva, bhagavā pana ettha saṃvarappahānapaṭisaṅkhā paññapeti. Taṃ sandhāyevamāha. Na ceva sampannakusalantiādi pana khīṇāsavaṃ sandhāya vuttaṃ.
ид̣̇аани асзгкабхуумияам̣ маад̇игам̣ табзнд̇о д̣̇асахи ко аханд̇иаад̣̇имааха. д̇ад̇т̇а д̇ийн̣и бад̣̇аани ниссааяа д̣̇вз батамажад̇уггаа табид̇аа, згам̣ бад̣̇ам̣ ниссааяа д̣̇вз бажчимажад̇уггаа. аяам̣ сзгкабхуумияам̣ маад̇игаа.
Idāni asekkhabhūmiyaṃ mātikaṃ ṭhapento dasahi kho ahantiādimāha. Tattha tīṇi padāni nissāya dve paṭhamacatukkā ṭhapitā, ekaṃ padaṃ nissāya dve pacchimacatukkā. Ayaṃ sekkhabhūmiyaṃ mātikā.
264. ид̣̇аани д̇ам̣ вибхаж̇анд̇о гад̇амз жа т̇абад̇и агусаласийлаад̇иаад̣̇имааха. д̇ад̇т̇а сарааг̇анд̇и адтавид̇хам̣ лобхасахаг̇ад̇ажид̇д̇ам̣. сад̣̇осанд̇и бадигхасамбаяуд̇д̇ажид̇д̇ад̣̇ваяам̣. самоханд̇и вижигижчуд̣̇д̇хажжасахаг̇ад̇ажид̇д̇ад̣̇ваяамби ваддад̇и, саб̣б̣аагусалажид̇д̇ааниби. мохо саб̣б̣аагусалз уббаж̇ж̇ад̇ийд̇и хи вуд̇д̇ам̣. ид̇осамудтаанаад̇и ид̇о сарааг̇аад̣̇ижид̇д̇ад̇о самудтаанам̣ уббад̇д̇и зд̇зсанд̇и ид̇осамудтаанаа.
264. Idāni taṃ vibhajanto katame ca thapati akusalasīlātiādimāha. Tattha sarāganti aṭṭhavidhaṃ lobhasahagatacittaṃ. Sadosanti paṭighasampayuttacittadvayaṃ. Samohanti vicikicchuddhaccasahagatacittadvayampi vaṭṭati, sabbākusalacittānipi. Moho sabbākusale uppajjatīti hi vuttaṃ. Itosamuṭṭhānāti ito sarāgādicittato samuṭṭhānaṃ uppatti etesanti itosamuṭṭhānā.
гухинд̇и гад̇арам̣ таанам̣ баабун̣ид̇ваа абарисзсаа нируж̇жханд̇и. зд̇т̇зд̇зд̇и сод̇аабад̇д̇ипалз бхуммам̣. баад̇имогкасам̣варасийлан̃хи сод̇аабад̇д̇ипалз барибун̣н̣ам̣ ход̇и, д̇ам̣ таанам̣ бад̇ваа агусаласийлам̣ асзсам̣ нируж̇жхад̇и. агусаласийланд̇и жа д̣̇уссийлассзд̇ам̣ ад̇хиважананд̇и взд̣̇ид̇аб̣б̣ам̣.
Kuhinti kataraṃ ṭhānaṃ pāpuṇitvā aparisesā nirujjhanti. Ettheteti sotāpattiphale bhummaṃ. Pātimokkhasaṃvarasīlañhi sotāpattiphale paripuṇṇaṃ hoti, taṃ ṭhānaṃ patvā akusalasīlaṃ asesaṃ nirujjhati. Akusalasīlanti ca dussīlassetaṃ adhivacananti veditabbaṃ.
агусалаанам̣ сийлаанам̣ нирод̇хааяа бадибаннод̇и зд̇т̇а яаава сод̇аабад̇д̇имаг̇г̇аа нирод̇хааяа бадибанно наама ход̇и, палабад̇д̇з бана д̇з нирод̇хид̇аа наама хонд̇и.
Akusalānaṃ sīlānaṃ nirodhāya paṭipannoti ettha yāva sotāpattimaggā nirodhāya paṭipanno nāma hoti, phalapatte pana te nirodhitā nāma honti.
265. вийд̇арааг̇анд̇иаад̣̇ийхи адтавид̇хам̣ гаамааважарагусалажид̇д̇амзва вуд̇д̇ам̣. зд̇зна хи гусаласийлам̣ самудтаад̇и.
265.Vītarāgantiādīhi aṭṭhavidhaṃ kāmāvacarakusalacittameva vuttaṃ. Etena hi kusalasīlaṃ samuṭṭhāti.
сийлаваа ход̇ийд̇и сийласамбанно ход̇и г̇ун̣асамбанно жа. но жа сийламаяод̇и аламзд̇д̇аавад̇аа, над̇т̇и ид̇о гин̃жи уд̇д̇ари гаран̣ийяанд̇и звам̣ сийламаяо на ход̇и. яад̇т̇асса д̇зд̇и арахад̇д̇апалз бхуммам̣. арахад̇д̇апалан̃хи бад̇ваа агусаласийлам̣ асзсам̣ нируж̇жхад̇и.
Sīlavā hotīti sīlasampanno hoti guṇasampanno ca. No ca sīlamayoti alamettāvatā, natthi ito kiñci uttari karaṇīyanti evaṃ sīlamayo na hoti. Yatthassa teti arahattaphale bhummaṃ. Arahattaphalañhi patvā akusalasīlaṃ asesaṃ nirujjhati.
нирод̇хааяа бадибаннод̇и зд̇т̇а яаава арахад̇д̇амаг̇г̇аа нирод̇хааяа бадибанно наама ход̇и, палабад̇д̇з бана д̇з нирод̇хид̇аа наама хонд̇и.
Nirodhāya paṭipannoti ettha yāva arahattamaggā nirodhāya paṭipanno nāma hoti, phalapatte pana te nirodhitā nāma honti.
266. гаамасан̃н̃аад̣̇ийсу гаамасан̃н̃аа адталобхасахаг̇ад̇ажид̇д̇асахаж̇аад̇аа, ид̇араа д̣̇вз д̣̇оманассасахаг̇ад̇ажид̇д̇ад̣̇ваязна сахаж̇аад̇аа.
266.Kāmasaññādīsu kāmasaññā aṭṭhalobhasahagatacittasahajātā, itarā dve domanassasahagatacittadvayena sahajātā.
батамам̣ жхаананд̇и анааг̇аамипалабатамаж̇жхаанам̣. зд̇т̇зд̇зд̇и анааг̇аамипалз бхуммам̣. анааг̇аамипалан̃хи бад̇ваа агусаласан̇габбаа абарисзсаа нируж̇жханд̇и.
Paṭhamaṃjhānanti anāgāmiphalapaṭhamajjhānaṃ. Ettheteti anāgāmiphale bhummaṃ. Anāgāmiphalañhi patvā akusalasaṅkappā aparisesā nirujjhanti.
нирод̇хааяа бадибаннод̇и зд̇т̇а яаава анааг̇аамимаг̇г̇аа нирод̇хааяа бадибанно наама ход̇и, палабад̇д̇з бана д̇з нирод̇хид̇аа наама хонд̇и. нзгкаммасан̃н̃аад̣̇аяо хи д̇иссоби адтагаамааважарагусаласахаж̇аад̇асан̃н̃аава.
Nirodhāya paṭipannoti ettha yāva anāgāmimaggā nirodhāya paṭipanno nāma hoti, phalapatte pana te nirodhitā nāma honti. Nekkhammasaññādayo hi tissopi aṭṭhakāmāvacarakusalasahajātasaññāva.
267. зд̇т̇зд̇зд̇и арахад̇д̇апалз бхуммам̣. д̣̇уд̇ияаж̇жхаанигам̣ арахад̇д̇апалан̃хи баабун̣ид̇ваа гусаласан̇габбаа абарисзсаа нируж̇жханд̇и. нирод̇хааяа бадибаннод̇и зд̇т̇а яаава арахад̇д̇амаг̇г̇аа нирод̇хааяа бадибанно наама ход̇и, палабад̇д̇з бана д̇з нирод̇хид̇аа наама хонд̇и. сзсам̣ саб̣б̣ад̇т̇а уд̇д̇аанамзваад̇и.
267.Ettheteti arahattaphale bhummaṃ. Dutiyajjhānikaṃ arahattaphalañhi pāpuṇitvā kusalasaṅkappā aparisesā nirujjhanti. Nirodhāya paṭipannoti ettha yāva arahattamaggā nirodhāya paṭipanno nāma hoti, phalapatte pana te nirodhitā nāma honti. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
саман̣амун̣д̣игасуд̇д̇аван̣н̣анаа нидтид̇аа.
Samaṇamuṇḍikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. саман̣амун̣д̣игасуд̇д̇ам̣ • 8. Samaṇamuṇḍikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. саман̣амун̣д̣игаабуд̇д̇асуд̇д̇аван̣н̣анаа • 8. Samaṇamuṇḍikāputtasuttavaṇṇanā
