| Library / Tipiṭaka / തിപിടക • Tipiṭaka / ഖുദ്ദസിക്ഖാ-മൂലസിക്ഖാ • Khuddasikkhā-mūlasikkhā |
൨൬. സമാനാസനികനിദ്ദേസവണ്ണനാ
26. Samānāsanikaniddesavaṇṇanā
൧൯൫. തിണ്ണം വസ്സാനം അന്തരം തിവസ്സന്തരം. ‘‘അനുജാനാമി, ഭിക്ഖവേ, തിവസ്സന്തരേന സഹ നിസീദിതു’’ന്തി (ചൂളവ॰ ൩൨൦) ഹി വുത്തം. യോ ദ്വീഹി വസ്സേഹി (ചൂളവ॰ അട്ഠ॰ ൩൨൦) വുഡ്ഢോ വാ നവോ വാ, സോ തിവസ്സന്തരോ നാമ.
195. Tiṇṇaṃ vassānaṃ antaraṃ tivassantaraṃ. ‘‘Anujānāmi, bhikkhave, tivassantarena saha nisīditu’’nti (cūḷava. 320) hi vuttaṃ. Yo dvīhi vassehi (cūḷava. aṭṭha. 320) vuḍḍho vā navo vā, so tivassantaro nāma.
൧൯൬. മുനീതി ബുദ്ധമുനി. സബ്ബേഹേവാതി അനുപസമ്പന്നേഹിപി.
196.Munīti buddhamuni. Sabbehevāti anupasampannehipi.
൧൯൭. അന്തന്തി പച്ഛിമം. ‘‘അനുജാനാമി, ഭിക്ഖവേ, യം തിണ്ണം പഹോതി, ഏത്തകം പച്ഛിമം ദീഘാസന’’ന്തി (ചൂളവ॰ ൩൨൦) വുത്തത്താ യം തിണ്ണം പഹോതി, ഏതം സംഹാരിമം വാ ഹോതു അസംഹാരിമം വാ, തഥാരൂപേസു ഫലകഖണ്ഡേസുപി നിസീദിതും വട്ടതി. ദ്വിന്നന്തി ദ്വിന്നം സമാനാസനികാനം. ‘‘അനുജാനാമി, ഭിക്ഖവേ, ദുവഗ്ഗസ്സ മഞ്ചം ദുവഗ്ഗസ്സ പീഠ’’ന്തി (ചുളവ॰ ൩൨൦) വുത്തത്താ ദ്വേ സമാനാസനികാ സഹ നിസീദിതും ലഭന്തി. അഞ്ഞേഹി അസമാനാസനികേഹി, അനുപസമ്പന്നാദീഹി വാ ദ്വേ ഹുത്വാപി നിസീദിതും ന ലഭന്തി. സമാനാസനികവിനിച്ഛയോ.
197.Antanti pacchimaṃ. ‘‘Anujānāmi, bhikkhave, yaṃ tiṇṇaṃ pahoti, ettakaṃ pacchimaṃ dīghāsana’’nti (cūḷava. 320) vuttattā yaṃ tiṇṇaṃ pahoti, etaṃ saṃhārimaṃ vā hotu asaṃhārimaṃ vā, tathārūpesu phalakakhaṇḍesupi nisīdituṃ vaṭṭati. Dvinnanti dvinnaṃ samānāsanikānaṃ. ‘‘Anujānāmi, bhikkhave, duvaggassa mañcaṃ duvaggassa pīṭha’’nti (cuḷava. 320) vuttattā dve samānāsanikā saha nisīdituṃ labhanti. Aññehi asamānāsanikehi, anupasampannādīhi vā dve hutvāpi nisīdituṃ na labhanti. Samānāsanikavinicchayo.
സമാനാസനികനിദ്ദേസവണ്ണനാ നിട്ഠിതാ.
Samānāsanikaniddesavaṇṇanā niṭṭhitā.
